|
|
|
 Re: ايجار الدكان في سوق ليبيا نفس تكلفة الإيج� (Re: عبدالله عثمان)
|
الأخ د.،عبدالله
سلام
هو بكون قاصد انو مؤجر ضلفة باب من دكان فيه بابين .
يعني دكان ناصية .
دايما الناصية فيها بابين . يقوم صاحب الدكان يفصل كل باب
لحالو .
اها يقوم الزول المؤجر الضلفة يعمل طربيزة قدام
ضلفتو وبعدداك الحكاية تجر .
دا السودان ومع انعدام الرقابة تسوي الدايرو.
| |
  
|
|
|
|
|
|
|
|
Re: ايجار الدكان في سوق ليبيا نفس تكلفة الإيج� (Re: Osman Musa)
|
حبيبنا عثمان .. تحياتي
نحن شعب نحب الدخل السهل بدون أي منتج
السمسرة فقط .. EASY MONEY
هنا السعودية نفس الطريقة 20 سمسار في الشحن والبواخر
والشحن ... إلخ
نحن كسالى نعم .. حتى عمال المصانع عاملين مشكلة لأصحابها
احجام المستثمرين لهذا السبب
عندنا في الشمالية مشروع أمطار جلبوا العمال من اثيوبيا
قبل اسبوع في قناة كسلا صاحب مزرعة في القضارف يطلب من الدولة
تشغيل اللاجئين من التقراي .. العامل السوداني لا يعمل ومكلف جداً ووجباته مكلفة
سمسرة ، تهريب بضائع ، تجارة الاراضي ، السوق الاسود ... الخ
شي مؤلم .. كلنا لا استثني نفسي .. هي جينة موروث ..
تحياتي الحبيب عثمان
| |
|
|
|
|
|
|
|
|
|
Re: ايجار الدكان في سوق ليبيا نفس تكلفة الإيج� (Re: Osman Musa)
|
تقول نكتة قديمة جدا ياعثمان
انو المجانين عملوا جوطة شديدة جدا جوه العنبر
المدير قاليهم ح نعمل امتحان والبنجح حيطلع من المستشفي
والامتحان بكرة عشان يذاكرو !
قبل الدكتور يطلع علي بيتو ، طلعوا هم وسرقوا صواميل اللستك الامامي وواقفين راجينو
ما اشتغل بيهم وقعد يؤشر لتاكسي عشان يمشي السوق يشتري صواميل جديدة
لكن كل مايوقف تاكسي ، المجانين يقولوا للسواق امشي طوالي دا مجنون ساكت
الدكتور زهج ورجع يخاطب المجانين ، فقالوا له ياخ من كل لستك شيل صامولة وركبها
في اللستك الماعندو صواميل !
الدكتور اعجب بالحل وقال ليهم انتو ما مجانين اذا ، قالوا ليهو ماياهو دا المجننا ذاتو !
هسي الشعب السوداني دا ما مجنون عشان تكون واطة في الخلا اغلي من لندن ولاس فيجاس
المجنون هو ورق العملة اللي اعلي فئة فيهو مابتجيب لبن حليب وبسكويت لامسية واحدة
والاراضي مصدر حفظ العملة التافهة دي من الحكومة الناعمة الماقادرة تضع خطة اقتصادية
وتضرب طبقة الطفيلية حتي الان لانو نص الحكومة بعساكرها هم الطفيلية ذاتا
مش دا البجنن فعلا ، شوكة حوت لابتنبلع لابتفوت ، والمنتظر امريكا ينتظر الرهاب
واي بلد تمشي ليهو مصيرك ترجع تاني لاهلك وصحابك
| |
|
|
|
|
|
|
|
|
|
Re: ايجار الدكان في سوق ليبيا نفس تكلفة الإيج� (Re: عبداللطيف حسن علي)
|
تحياتي اخي عثمان وضيوفك الأفاضل
من محن السودان والسودانيين
موظف سجمان بالبلدية
في نص سوق امدرمان
مأجر عمود الكهرباء
اي عمود الكهرباء الواحد دا
ولاربعة من الفريشة
كل واحد مديهو جنبة
و بمبالغ معتبرة جدا كمان
يعدي عليهم بداية كل شهر
يستلم الغلة ويتخارج
بالمناسبة الكلام دا شوف عين
ما حكوه لي
بلد تدي ربك العجب
| |
|
|
|
|
|
|
| |
Osman Musa
عبدالله عثمان
علي عبدالوهاب عثمان
عبداللطيف حسن علي
اسامة الامام
فيس بوك
تويتر
انستقرام
يوتيوب
بنتيريست