سوت الأغنية سلطة روووب ... خخخخ العربي حقها ضنين شديد عشان كده أداءها أقرب لطريقة الاثيوبيين لامن يتشوبرو لي أغاني كده بعينها لانه في اغاني كده مابنفع اي شخص من طرف يغنيها ..
08-05-2020, 01:15 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: يا قبه كل سنة وانت طيب وأضحى مبارك عليك وأسرتك
سوت الأغنية سلطة روووب ... خخخخ العربي حقها ضنين شديد عشان كده أداءها أقرب لطريقة الاثيوبيين لامن يتشوبرو لي أغاني كده بعينها لانه في اغاني كده مابنفع اي شخص من طرف يغنيها ..
عشان كده يا جيمي انا قت سودانية ... لانو اي زول قال دي حبشية ...
يمين الحبش اخير نديهم غنانا كلو بدل البشتنة دي ...
تعرف البت هينه ... القاعد بعزف العود معاها و منطرب يهوزز في راسو متنمي اقابله عشان اديو كف ...
08-05-2020, 01:25 PM
محمد أبوالعزائم أبوالريش
محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
طول بالك يا قبة البت ما قصرت والله ، شوية تجريب بس ، هي غنتها بطريقة غربية لكنها احتفظت باللحن الاساسي. انا شخصيا ما بتعجبني طريقة الاداء الغربي ، لكن بعجبني تواصل اولادنا الاتولدو في المهاجر مع ثقافتنا .. بعداك لو لقينا من اي اغنية كم نسخة ، اعتقد حاجة كويسة ، مثلا في اغاني حقيبة معروفة غنوها فنانين كبار اشتغلوا عليها كويس طلعت منها نسخ حديثة جميلة جدا بقينا بنسمع الاغنية بي طريقتين ، الاصلية والحديثة ، زي بلابل الدوح مثلا حسين شندي - مصطفى سيد احمد ، الخنتيلة - كابلي ، قسم بي محيك البدري - وردي ، عثمان حسين برضو عندو اغنية حقيبة اشتغل عليها كويس ناسيها ..
08-05-2020, 01:22 PM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
الأغنية دي بالذات من الأغاني حقت قعداتنا .. بنألف فيها كل مرة كوبليه جديد .. بنغنيها بي جيتار عادي وإيقاع .. وكلنا بنشيل ولا نسمح لي زول جديد يخش علينا نهااااااائي .. كنا همسة قبضة يد .. تفرقت بنا المنافي أيدي سبأ .. نضّر الله وجه تلك الليالي الأنيقات ...
مع محبتي الأكيدة لي أغاني قعداتنا .. كيف الحياة غير ليمك وغصن الرياح المايد وببكي وبنوح وبصيح وبقية أغاني بيت الكلاوي زي نحن ما مسمينها .. عليك الله شوف دي من جواهرنا البنغنيها ترقص وتبقى صوفي درويش في نوبة مداح ده إسمه كمان غنا آخر الليل .. تمش تنوم بعده وإنت في حالة من الانتشاء للصباح تكون بايته معاكـ ...
08-05-2020, 01:25 PM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
واحد زيكم كدة( ديناصور) :D زي ما قالو ليه ، في تويتر ... نزل نبز في البت واهو برضو حبة نوستالجيا وشوية من :انتو خربتو علينا الغنا خشا واحد 5G قاليه ي جدو اتا اسمعها بي طريقتك سامعها بي طريقتنا ليه نحنا عاجبنا كدة وشايفنو واااو. وبعدين انت بتسمع لي اسي غنا ليه كلها كم سنا وتتكل للواحد القهار . ماف زول قال ليه حاجة
انا طبعا بين الجيلين اعتبر يعني فكل جيل عندو حاجاتو في ناس من زمن ( تتي حمامكم بدي ولا بعضي) وفي نوع من شاكلة لو عاوز/ة تتصل دة رقمي ويرمي/ ترمي الورقة الفيها الرقم وسلام .
مافي موسيقي في رايي م بتتطور علي حسب زوق السامعين ...
08-05-2020, 03:48 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
Quote: المُبشتنه اعلاه ... سودانية اسمها " ايه ساتي " تعيش في احد الدول الاسكندنافيه على ما سمعت
اسمها "آسيا ساتي" وتعيش في بريطانيا تعيش وتسمع غيرها يا قبة بروف انس العاقب طبعا ليهو هيبة في معاينات المعهد بسالك اسئلة عجيبة وممكن يقول ليك بتعرف تغني ؟ قبل ما ترد بقول ليك غني سمعنا حاجة .. انا اتذكر غنيت الاغنية دي لأنها بتخليك تتسلطن، لكن قدام البروف لو بقيت منو داك حتعك ، وبعد ما يوقفك باشارة من يده واثناء الحديث قلت ليهو طبعا بادي صاحب احسن اداء غنائي واحسن مطرب سوداني .. قال لي الاغنية دي غناها برضو ولدنا (انورعدالرحمن) ياسلام على انور في الغناء وفي المديح دا يعني ان البروف متذكر اداء انور عبدالرحمن رغم انها تجربة اداء قبل دخوله للمعهد .. تحياتنا ليهو في الاراضي المنخفضة وحيثما كان ذلك الفنان الانسان
08-05-2020, 06:03 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: طول بالك يا قبة البت ما قصرت والله ، شوية تجريب بس ، هي غنتها بطريقة غربية لكنها احتفظت باللحن الاساسي. انا شخصيا ما بتعجبني طريقة الاداء الغربي ، لكن بعجبني تواصل اولادنا الاتولدو في المهاجر مع ثقافتنا .. بعداك لو لقينا من اي اغنية كم نسخة ، اعتقد حاجة كويسة ، مثلا في اغاني حقيبة معروفة غنوها فنانين كبار اشتغلوا عليها كويس طلعت منها نسخ حديثة جميلة جدا بقينا بنسمع الاغنية بي طريقتين ، الاصلية والحديثة ، زي بلابل الدوح مثلا حسين شندي - مصطفى سيد احمد ، الخنتيلة - كابلي ، قسم بي محيك البدري - وردي ، عثمان حسين برضو عندو اغنية حقيبة اشتغل عليها كويس ناسيها
يمين بالي اطول من عكاز جدي ... لكن وينها النسخة التانية ؟ ياخ دي لغوستها لغوسه ما عاديه ...
بعدين السحسحة عندها غناها ...و حكمة ربك يا عبد الله عمك محمد عبد الله الامي في فنانين كان بيرفض اديهم اشعاره لانه غناهم فيو حبة مياعه حسب رايو تقوم بتنا دي تعجنها بالشكل ده ... و الله اكون بتقلب في قبره الان ...
08-05-2020, 08:15 PM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11833
والله يا قبة انت بتبالغ ياخ بنية شافعة مولودة في بريطانيا وعايشة هناك وتعرف انو هناك اغنية اسمها انت حكمة وتغنيها بلحنها كمان غض النظر عن اجادتها والله انا اصفق ليها حتى تحمر يدي. ياقبة ياخي 90 من الشباب في عمرها المولودوين في امدرمان وعايشين هناك في ظني ما سمعوا بي بادي وتحدى أي زول يمر من هنا يقول لي اولادي او بناتي بعرفو او سمعوا بالكاشف. ياخي انا ولدي في الجامعة يوم جاء داخل لقى حسين خوجلي يتحدث سأل قال دا ترباس ياخي البنية ماعرضت نفسها على أجهزة رسمية كفنانة لا غنت لتتكسب من الاغنية فالموضوع حجمو صغير جدا
وتاني أقول ليها برافو
تحياتي يا حبيب
08-05-2020, 09:36 PM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 22972
اتفق مع ماقاله ود الشيخ انا وصلتنى الاغنية امس من صديقة تعيش فى لندن وكان تعليقى ناس الهضبة طاعمين وبحبو غنانا الطاعم عادت وردت دى سودانية نشأت فى بريطانيا قلت ما قصرت السودانية الخواجة
08-05-2020, 10:21 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: عمك محمد عبد الله الامي في فنانين كان بيرفض اديهم اشعاره لانه غناهم فيو حبة مياعه حسب رايو تقوم بتنا دي تعجنها بالشكل ده ... و الله اكون بتقلب في قبره الان ...
يا قباني أفتكر "إنت حكمة" دي كتبها عمنا الشاعر محمد عبالله الأمي لمن كان في مدني بعد إنتقل للأبيض الأمي تغيرت طباعه فأصبح حاد الطبع ويحب حياة العزلة. غايتو نقول بركة الجات في "إنت حكمة" والبنية ما غنت "ما بخاف من شيء برضي خابر" وإلا كان طلع ليها الأمي من قبرو وشايل عكازو. وكان كسر عكازو فيها وفينا نحن البنسمع
08-05-2020, 11:48 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: يا قبانى اعتقد العمل الفنى ده ليس المقصود بيه الجمهور السودانى
يا نصري عذرك ده ما بحلها ههه
دايره تعمل شغل مقصود بيو جمهور اوروبي ممكن تعمل غناها بس ما تجوط التراث الفني ... لانه ممكن بعد 50 سنه انت حكمة تنسب للبنية دي زي ما غنا كتير هسي بعض الشباب قايلنو حق فرفور و محمود و خخخخ ... فاخاف يجي يوم بعد 70 سنه تجي واحده تغنيها يقومو الناس يقولو البغني اغنية أية ساتي دي منو ؟ و الوكت داك لا انا لا انت قاعدين عشان نصلح معلومات ... :)
08-06-2020, 02:48 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
يااااااااا عم يحي كل عام و انت بخير و عافية غايتو دي حسادة منك ساي هههههههههه البت بتتدلّع و تتجلّع و مبسووووووطة و الآهات ما تديك الدرب اها تاني في شنو
08-06-2020, 07:13 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: اسمها "آسيا ساتي" وتعيش في بريطانيا تعيش وتسمع غيرها يا قبة
احمد ياسين نعيش و نسمع مالو ... لكن البنية زي ما قلت لا نفس لا حلاوة صوت
ما عارف الناس العاجبها شنو اللهم الا الجلع
زمااان يا فنان كان في واحد بحب ليو واحده زميلتو حلفاويه و ايوهو كان رافض .. قال الحلفاويات متفرنجات و هو رجل صوفي و متدين المهم عما لينا دخل واسطة و قال لابو الولد انت مالك و مال فرنجتها ولدك حر يشيل شيلته براو اها الابو وكت انزنق قال لي عمنا ... هي زاتها ما سمحه العاجبو فيها شنو؟ عمنا قال ليو يافلان انحنا عارفين .؟. مش يمكن بتتجلع بالرطانه ؟!!
08-06-2020, 08:19 PM
Gafar Bashir
Gafar Bashir
تاريخ التسجيل: 05-02-2005
مجموع المشاركات: 7220
والله ياقبة مافي زول فتش ورآها ولافي زول جابها ولافي زول قال انا معجب بادائهاو براااك رحت تبحتوجيبتها وقعدت تسلخ فيها بلا سبب . نحن قلنا حسب الظروف العايشه فيها دي زاتها كتيرة منها مافاضل لك الا تشيل عكازك المضبب داك وتحوم بالشوارع وتتسنط للجماعة البغنو في الحمامات وتقع فيهم لبع هههههههه
08-06-2020, 10:36 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
كتب احمد الامين احمد من نواحي لندن .سمعت الأغنية فى خشم البت دى مثلما سمعتها عند الحاج والدرويش بادى على الرق والمزيكا ومعه كمنجة الحبر سليم كما سمعتها عند كابلى الراقى وعند حافظ عبدالرحمن(بتاع الصفارة) وسمعتها دويتو متعدد بين كابلى والبلابل وبشير عباس على المزهر القديم وصفارة الخشم. اداء البت دى مكسب وشهادة للاغنية وحقيبة الفن( للاسف لم ينتبه الناقمون على البت النجيضة دى انها مولودة فى محيط لغوى نغمى حضارى يختلف عن وطن أسرتها الكبيرة رغم ذلك وجدانها إنتبه إلى تراث اسلافها عبر حقيبة الفن كذلك علميا أى زول عاش خارج ال linguistic milieu قبل سن ١٢ سنة لا يحذق أصوات بعض الحروف خارج اللغة المولود فى حيزها as mother tongue . ليس مهم انها لم تؤديها زى بادى أو غيره( عوض بابكر مرة قال منو البقدر يغنى زى بادى ؟) حقيبة الفن as a Sudanese heritage صارت مسرح للتجريب وهذا مكسب للحقيبة وشهادة لها علما أن معظم خريجى معهد المزيكا والمسرح هبشو الحقيبة سلبا وايجابا( اجودهم إيجابا هو العميرى صاحب الموهبة العالية التى تضعه مع كبار الفنانين وكذلك مصطفى سيد أحمد ) . اتابع الغنا والمزيكا وكل الفنانين الجداد و معظمهم هابط شديد خربو الحقيبة وهم داخل السودان. البت دى منحت الحقيبة شهادة موجبة ان الفن الراقى يصلك حتى لو كنت مولود بانجلترا أو السويد.
08-06-2020, 10:40 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
ليه حكمت على فنانين الداخل انه غناهم هابط و خربو الحقيبة و اديت البنية دي شهاده مرور ؟ لمجرد انها غنت حقيبة و هي مولودة بره ؟ هل ده كافي عشان نقول انه مكسب للحقيبه؟
08-06-2020, 10:56 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: والله يا قبة انت بتبالغ ياخ بنية شافعة مولودة في بريطانيا وعايشة هناك وتعرف انو هناك اغنية اسمها انت حكمة وتغنيها بلحنها كمان غض النظر عن اجادتها والله انا اصفق ليها حتى تحمر يدي. ياقبة ياخي 90 من الشباب في عمرها المولودوين في امدرمان وعايشين هناك في ظني ما سمعوا بي بادي وتحدى أي زول يمر من هنا يقول لي اولادي او بناتي بعرفو او سمعوا بالكاشف. ياخي انا ولدي في الجامعة يوم جاء داخل لقى حسين خوجلي يتحدث سأل قال دا ترباس ياخي البنية ماعرضت نفسها على أجهزة رسمية كفنانة لا غنت لتتكسب من الاغنية فالموضوع حجمو صغير جدا
وتاني أقول ليها برافو
تحياتي يا حبيب
ود الشيخ يا دفعه ...
الموضوع ما عنده حجم اساسا ... لكن البشتنه ما ليها داعي ...
مش كل زول ردد الغنا باي اسلوب معناته عمل شي ... في اشياء فيها مسلمات كده صعب تتفوت ...
انت حكمه دي زي السوره القرآنية .. ما عندك طريقه غير تلاوتها كما أنزلت ...
بادي هيمسلف قال الناس بهدلوا الغنا و كان بتكلم عن دمعة الشوق و قال الغنا الزمان ده يجب ان يغنى بي طريقته القانونية زي ما يوم ( انزلوه ) اسياده .. كرومة و سرور و الامين برهان ...
هاك اسمع بادي بي لسانه في حتة غناء التراث القديم ..
08-06-2020, 11:40 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: اتفق مع ماقاله ود الشيخ انا وصلتنى الاغنية امس من صديقة تعيش فى لندن وكان تعليقى ناس الهضبة طاعمين وبحبو غنانا الطاعم عادت وردت دى سودانية نشأت فى بريطانيا قلت ما قصرت السودانية الخواجة
المدعو بدر الدين الامير هوووووي على طريقة ايه ساتي
شكلك من النوع الكان فرحان بزينة افتيموس لما بهدلت اسمر جميل
قالت كَحْل السواد الليل عيونه و عمك عبيد قال كحّل سواد الليل عيونه
قبة يا دفعة احمد الامين شهادتو واضحة ومكربة ولاتحتاج ان توجه له السؤال ذو الاجابة البديهية وهو نفس كلامي بس المرة دي بلغة اجمل وترتيب احلى وانا متأكد يا قبة لو لم تكن ورطت نفسك في لوم البنية ووضع مقاسات كمالية لادائها لاحتفلت بان ابناءنا في المنافي والذين لم يروا الوطن في حياتهم هاهم يتواصلون مع ثقافتهم الام حتى وصلوا مرحلة غناء "انت حكمة" التى كما ذكرت لك لم يسمع بها الكثيرون من اولاد ام درمان . قبة قول تبت قول تبت تاني قول توبت تالت
ود ياسين شايفك كبرت ذات الشجون برضك قول تبت
08-08-2020, 02:51 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: قبة يا دفعة احمد الامين شهادتو واضحة ومكربة ولاتحتاج ان توجه له السؤال ذو الاجابة البديهية وهو نفس كلامي بس المرة دي بلغة اجمل وترتيب احلى وانا متأكد يا قبة لو لم تكن ورطت نفسك في لوم البنية ووضع مقاسات كمالية لادائها لاحتفلت بان ابناءنا في المنافي والذين لم يروا الوطن في حياتهم هاهم يتواصلون مع ثقافتهم الام حتى وصلوا مرحلة غناء "انت حكمة" التى كما ذكرت لك لم يسمع بها الكثيرون من اولاد ام درمان . قبة قول تبت قول تبت تاني قول توبت تالت
يا ود الشيخ كلام احمد الامين الجابو منو ؟ انا الجبتو رغم اختلافي معه ... يعني لو انا خرخار ما كان نقلته ...
لا يا سيدي لا تبت لا في شي اتوب ليو البنية ما عندها امكانيات تغني غنا زي ده اما نفرح عشان غنت حقيبه فده كلام فارغ من الصحه ... يعني زي فرحة المهاجرين لامن وليداتهم يتكلموا انجليزي اول ما يصلوا ... و بعد داك يندموا ...
ياخي البفرح شنو و " مَيَسان " بقت "ميسان" زي غاز الميثان ... و زي العربيه النيسان ..
كدي حاول انت توب من فكرتك او ما تتوب ... فحب الناس مذاهب ... 🙂
08-08-2020, 04:02 AM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
ودالشيخ.. تعال نرحع لى ( زات الشجون ) الانت حافظها وعايز تغنيها لينا الاغنية محمد الامين وضع ليها ( مقدمة) موسيقية قمة الروعة والجمال وركز فيها على مجموعة الوتريات.. يعني مقدمة رائعة بكل المقاييس الفنية لكن لحن الاغنية ما بشبه المقدمة فيهو ( رتابة) وما بمستوى المقدمة.
08-08-2020, 04:09 AM
Elhadi
Elhadi
تاريخ التسجيل: 01-06-2003
مجموع المشاركات: 9603
سمعت الأغنية وعجبتني وأطربتني كما أطربتني عند بادي ما عارف ليه ولا تفسير لدي سوى أن شعور الطرب كان هو احساسي وقبل أن أكتب هذا البوست رجعت وسمعتها عند بادي وعندها وكان احساسي أيضاً بالطرب، يبد أن السمع دا حاجة صعبة القياس.
08-09-2020, 06:59 AM
نعمات حمود
نعمات حمود
تاريخ التسجيل: 07-14-2008
مجموع المشاركات: 2521
سلام للمرور الكرام وسيد البوست (اسيا ساتي هي : جدها خالي محمد الخير بدوي الاعلامي المعروف والدتها منى محمد الخير بدوي شقيقة الاعلامية زينب البدوي وهي اسمها اسيا على جدها لامها اسيا مالك بدري ..ال بدري المعروفين ولدت وعاشت طول عمرها والى اليوم ببريطانيا ودرست ربما بالولايات المتحدة لم ترى السودان ولكن جدها الوطني الغيور عرفها ع تراث الوطن وحفظ كل احفاده حجا الحبوبات واغاني الحقيبة وحكايات قهاوي امدرمات وتاثروا جميعهم به وخاصة قبل وفاته بايام مرضه الاخير كانوا جميع احفاده حوله هي فنانة في موطنها الحالي ولكن حاولت كتجربة لها ان تتغنى ببعض من تراث جدها تعظيما لوصاياه لها ولكن ربما لعوامل الدليل والخبير الان الى جانبها لم تؤديها كما ينبغي في نظري لم توفق ولكن لاننا انظر لها من عين الرضا والمحبة فقد بررت ذلك لانها لاتعرف كيف ان الوطن يضج بخبرا الفن وعرابيه ولاتعلم كيف اننا جميعا نقاد ولانجيد غير النقد الفني ولاتعلم اننا لانقبل الكثير ولكنني بذات المحبة اتمنى ان تجد بنت اختي (هداي) ياخذ بها الى الطريق الجيد السليم ولكي نستفيد من فرصة انتشار الاغنية ولكم محبتي
08-09-2020, 07:23 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11833
طبعا يا نعمات انا عارف الكلام دا كلو ولم اشر لهذه التفاصيل التي اتيتي بها واعرف أبناء محمد الخير وشغفهم بكل ما هو سوداني و اسيا الغنت انت حكمة عندها أبناء خالاتها طبعا بتعرفيهم قاعدين في ام درمان وأول مرة يسمعو انت حكمة عندما غنتها آسيا ويمكن ناس "مالك" و " مجذوب" فاكرين الاغنية من الحان وأداء اسيا بت منى (هههه ) المسمنها على حبوبتها آسيا.
انا لمان شفت قبة هايج (هههه)اتوقعت انها استضافوها في سهرة بتلفزيون جمهورية السودان الديمقراطية او غنت في حفل في قاعة الصداقة بجانب أبو عركي البخيت
Quote: هي فنانة في موطنها الحالي ولكن حاولت كتجربة لها ان تتغنى ببعض من تراث جدها تعظيما لوصاياه لها ولكن ربما لعوامل الدليل والخبير الان الى جانبها لم تؤديها كما ينبغي في نظري لم توفق ولكن لاننا انظر لها من عين الرضا والمحبة فقد بررت ذلك لانها لاتعرف كيف ان الوطن يضج بخبرا الفن وعرابيه ولاتعلم كيف اننا جميعا نقاد ولانجيد غير النقد الفني ولاتعلم اننا لانقبل الكثير ولكنني بذات المحبة اتمنى ان تجد بنت اختي (هداي) ياخذ بها الى الطريق الجيد السليم ولكي نستفيد من فرصة انتشار الاغنية ولكم محبتي
تحياتي اختنا نعمات ...
اتمنى ان تجد آسيا هداي كما تمنيت ... و اتمنى ان لا تأخذي الامر بصوره شخصية ... لاني اجد مرار في تعليقك المقتبس ...
انا شخصيا اقول رأيي في كل ما اراه غير مناسب و انا فرد من 40 مليون سوداني ... لا اذكر ان ترك احد مجال الغناء بسبب تعليق مني او سواي ... لذلك اجد الحريه مهمه ام اقول رايي الخاص ... و هو مجرد راي ... ليس الا ...
تحياتي لك و لها ... و هي حاولت (في نظري) و لم يحالفها التوفيق ... و كما اسلفت كلامي لا يعني شي ...
و كما ترين لسنا كلنا نقاد ... و نجيد اشياء كثيره غير النقد الفني :) لم اسمع لها شي آخر سوى الثواني في اللقاء التلفزيوني ...
ارجو ان نتقبل الراي الاخر ...
08-09-2020, 10:58 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: انا لمان شفت قبة هايج (هههه)اتوقعت انها استضافوها في سهرة بتلفزيون جمهورية السودان الديمقراطية او غنت في حفل في قاعة الصداقة بجانب أبو عركي البخيت
الغريبه يا ود الشيخ مافي زول هايج غيرك هنا ههههه بعدين موضوع هي بت منو و لا اهلها منو ليس موضوع النقد يا صديقي ... كل الناس سواء ... فقط لم تفلح في اداء اغنية محكمة الجوانب و لها تاريخ ... اما حكاية نفرح لانه العربي ما لسانها الاصلي و حاولت... فده ممكن في البيت وسط الاصحاب ... و لكن ان تنشر كعمل سوداني .. فده فيه جور على من كتبها و من غناها ... لانها ببساطة ( بشتنتها ) ... تاني نعيد .. مجرد وجهة نظر ... ما بعرف ليه خمة النفس يا محمد ؟
08-09-2020, 11:13 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11833
الرسالة من النشر حقو انت تفهمها طايرة مش بسبب نشر عمل سوداني اصيل وتطريب المستمع او الانتفاع منه او طرح فنانة جديدة في السوق الرسالة هي:
شوف عندنا أبناء سودانيين وعايشين في المهاجر وممكن ماشافو السودان ذاتو لكن أهلهم اوصلوا لهم الثقافة السودانية وتفاعلوا معها . انا ياخ عايش في دولة عربية على بعد كيلومترات قليلة من الوطن و بمشي مع اسرتي سنويا لكني ومع اجتهادي الشديد مع عيالي لكن ماقادر أوصل لهم مثل هذه الأفكار .
ياخي زمان شابكننا ولاد ميكي واب بنطلون ناصل لغاية ما لقيناهم في مواجهة الرصاص وحيرونا ذاتو لمان فضلنا!
كفاية عليكم كدى كدى يا قول الارباب خالد ونمشي على محلات الدحفسة
08-09-2020, 11:29 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
ود الشيخ هاك اسمع ( فرنسي ) ده ده نوع غنى فرفر قلبي و جني قام علي ( حسب ما لقيت ) هههه و حاجات غريبة كده .. لكن لما جاء في المحظور احترم الاداء كما انزل ...
08-09-2020, 11:53 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
يحي الرهيب انا لي فترة بفكر يحي دا كيف نقدر نجازيهو .. لقيت انه باذن الله حاقدم ليك دعوة وتزور معاي عمك انور دا عنده تسجيلات اندر من النادرة والله مدير قناة عرض عليه يشاري المكتبة الغنائية بالسعر البحدده هو ولكنه رفض....شخص فنان مثلك لازم يدخل الكنز دا عمار فرنسي سمعت ليهو ( في رونق الصبح البديع) واعمال كتيرة من عيون الحقيبة وشغل العود في جميع الاعمال دي جميل والتوزيع وشكل ترديد الكورس وعمل الماسترنق كل الجهد دا ظاهر في الاداء الجميل
08-10-2020, 02:30 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
الأخ الفاضل يحي البت غناية لامن بهناك وأدائها فيهو إبداع ما بعده ابداع وتجديد ما ممكن يا باشمهندس عايز الناس تأدي الغنية بنفس الطريقة الأداها بيها كرومة وكابلي أيام حفروا البحر وبالله عليك شايف الشهقة الفي آخر أيه دي في الثانية الرابعه من الشريط لو ضربت كرومة وكابلي في ألف بقدروا يشهقوها دعو البراعم تشرأب على وجه البسيطة والمواهب تنبثق يا باشمهندس وفي الآخر أقول لك مقولة رمضان زايد الشهيرة "يا ريس خليك مع الزمن"
Quote: وبالله عليك شايف الشهقة الفي آخر أيه دي في الثانية الرابعه من الشريط لو ضربت كرومة وكابلي في ألف بقدروا يشهقوها دعو البراعم تشرأب على وجه البسيطة والمواهب تنبثق يا باشمهندس وفي الآخر أقول لك مقولة رمضان زايد الشهيرة "يا ريس خليك مع الزمن"
هههه
بالمناسبه يا هشام الشهقه دي شيلة نفس لانه نفسها قصير لكن لو داير تتغزل فيها كشهقه فمافي مانع ههههه
08-10-2020, 03:48 AM
Mahjob Abdalla
Mahjob Abdalla
تاريخ التسجيل: 10-05-2006
مجموع المشاركات: 8949
يا استاذ قباني اعرف انك زول فنان وتحب الفن باصوله لا اشك ابدا والتقينا هنا في كثير من التقاطعات لست ع خلاف مع كل من يؤدي حق الغير بطريقته واني ارى ليس من حق اي شخص او فنان ان يؤدي حق غيره بطريقة غير الاصل لان في ذلك تغيير دون الرجوع لهؤلاء ...بصورة مطلقة منذ زمن محمود عبدالعزيز او ماقبله رغم جمال اداءهم الا انه تغيير للاصل الساحة الفنية الان تضج بالكثير الكثير المثير جدا جل الشباب غيروا في الكثير من الاغنيات ولكنني ارى ماقامت به بت اختي لايستحق كل هذه السكاكين التي سنت لها ونحن في عيد الفداء ...هي كما جيلها رغم الفروقات ولكن الصوت من حيث الاداء وجدت فيه ما اطربني والقدير بادي الف رحمة ونور ع قبره بالقدر الذي كان يطربني حد البكاء وهو يخفض ويرفع في صوته ويتجلى كان خالي الف رحمة ونور يقوم باغلاق التلفاز متضجرا من سماعنا للراحل بادي فلاختلاف اذواق وسمع الناس تاتي الاختلافات ولست مشخصنة للامور ياقباني فقط تختلف الزوايا لانني فرحت ان اجتهادات خالي (محمد الخير بدوي وهو يروي لي ايامه الاخيرة وهو مريض كان ينادي لكل احفاده ويحكي لهم عن الوطن كقيمة وعن تراثنا وعن امدرمان وعن الاهل ..جميعهم كان يدعمهم بالتعمق في كل هواياتهم فرحت ان من تلك البلاد البعيدة وتحت تلك الظروف التي عاشتها اسيا ان تكون قد استمعت لبادي الذي لم يسمعه معظم جيلها من داخل الوطن ...فرحت جدا انها تهتم لشان الموطن الاصل لها وان تكون ذات شغف بالفن السوداني من اساسه وكان ان هدأت من روعي ان التعديل ساهل مادام لها الفكرة الاصل (الهداي )كثر ستجد من يحيطها بالرعاية ومن ياخذ بيدها ويتبناها كشابة في بداية مشوارها وستزور موطنها وستنهل من المعين الاصل فالبدايات كثيرا ماتتعثر فقط امنحوها السلام ...السلام تجاه المبدع اكتبوا الملاحظات فالنقد البناء هو اساس البناء والنقد الجميل والملاحظات ستدعم مشروعها الفني فهي رغم بعدها لكنها هي وكل اسرتها تفتخر بجذورها وانني ع يقين انها ستستمع لكل النصح والتوصيات وستزور السودان قريبا وستطل عبر منصاته ومسارحه وسنقف الى جوارها بالقليل الذي نعرفه ...فقط امنحوها السلام .... واخيرا لاسيا التوفيق ولكم المحبة
بعتقد الغنية لقت حظها من الرواج بين شباب الجيل الحالي زي حسين الصادق في الرابط أدناه: وبرضو أحمد المأمون: وفضل أيوب في أغاني وأغاني 2012: سامي المغربي أداها بشكل جميل واحتمال في كتير من الشباب أدوها برضو، لكن بالتأكيد يظل الجميع مؤديين ويبقى بادي بي نكهتو وبصمتو الفريدة
تحياتي
08-11-2020, 10:12 AM
Zakaria Fadel
Zakaria Fadel
تاريخ التسجيل: 01-24-2013
مجموع المشاركات: 2002
من المهم في اي عمل فني (في إعتقادي) هو تحديد من هو المتلقى لهذا العمل المغنية الشابة إن كانت تقصد بهذا العمل مستمعي السودان ...فقد جانبها التوفيق في رأي وان كانت تقصد المتلقين من العرب...فلا اظن ان الرتم الذي ادت به الاغنية سيجد منهم اهتماما خاصة و ان الميلودي في الاغنية لم تبرز بشكل واضح وان كانت تقصد المتلفي الغير ناطق بالعربية فهذا ذوق انا لا اعلم عنه شيئ
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة