|
Re: الوزيرة دي شوفو غيرها بالجد مكانا التكل# (Re: مهيرة)
|
يعنى هسى من الكم و عشرين وزراء ابو عناقر ديل بس لو هى رجعت التكل خلاص مشاكل السودان ب تتحل؟ يا جماعة هوى, مشاكل السودان كلكم او كلنا مشاركين فيها و لا يمكن حلها بالقطاعى و لا باسلوب تصيد طرف دون الاخر و لا عن طريق حلول القطاعى. علي اسلوب القطاعى, ده ياهو اليوم ناس شرق السودان ما باقى ليهم غير اعلان دولة جديدة و البعض هنا يلوم كل الاطراف (الاخرى) ما عده طرفه الخاص. السودان مشى بالاسلوب لمدة الـ65 الفاتو و دائما ماشى للوراء, ما الذى يجب ان يتغير عشان نقدر نمشى قدام.
__________ ملحوظة: كلامك هنا يا اخ زهير تخطى مريم و طعن في كل نساء السودان بعدم تؤهلن للمشاركة في تسيير دولاب الحكم في السودان.
| |
|
|
|
|
|
|
Re: الوزيرة دي شوفو غيرها بالجد مكانا التكل# (Re: بدر الدين الأمير)
|
تكل دي قلتها مرة واحدة بس في البورد جابت لي هوا المرة الفاشلة في السياسة هي نفس المرة الفاشلة في التكل بعدين ما علاقة الطب بي السياسة من الاساس والسودانيين يقلدو المصريين زي القرود والله اكثر شي ضر السودان عدم فصل الطب من السياسة وشوف كم طبيب قبح وجه الانقاذ وفاشل ايضا
ياخ قلنا وزارة الخراجية يسلموها الاقباط في التمييزالايجابي وقلت صفوت فانوس بلعوني ليه الرجرجة في البورد قالو كوز وردحو فيه شديد وهسة جابو الكوز الدباب جبريل عبر سيرك جوبا وزير مالية وبدا يرفس في لجنة التمكين البعثيين وما استحو صفوت فانوس انسب وزير خارجية الان في السودان لمن بقت القصة محاصصة شيوعيين وبعثيين وناصريين وايتام الترابي وبابكر عوض الله ولي دكو الورق وانتخابات عديل خلو اللف والدوران الانتخابات هي الحل
| |
|
|
|
|
|
|
Re: الوزيرة دي شوفو غيرها بالجد مكانا التكل# (Re: adil amin)
|
الزملاء والزميلات الافاضل لكم التحية حسي كلمة تكل فيها منقصة للمراة السودانية يا جماعة أمهاتنا كننا في التكل وانجبوا للدنيا أعظم الرجال خلق ودين معليش امكن انا طاشي شبكة والزمن بقي من الزمن وكلامنا بقي ما ياهو واخير اقول ليحضر ما هو غائب أو ما شاء القدر
| |
|
|
|
|
|
|
Re: الوزيرة دي شوفو غيرها بالجد مكانا التكل# (Re: زهير عثمان حمد)
|
حسي كلمة تكل فيها منقصة للمراة السودانية يا جماعة أمهاتنا كننا في التكل وانجبوا للدنيا أعظم الرجال خلق ودين
فيها منقصة يا زهير للمرأةالسودانية و غيرها...معقول بعد تعب ناس بدري عايز ترجعنا لمربع صفر... اقول ليك اعتذر بس اقصر طريق..لكن تلف و تدور بتزيد الطين بله
| |
|
|
|
|
|
|
|