|
|
|
 Re: النائب البريطاني جورج غالاوي يسخر من الإم (Re: محمد على طه الملك)
|
شن خبرك آعثمان؟
مولانا George Galloway زول مشاتر (وأظنو شنتير) وشجاع لدرجة الانتحار. لكن آخوي نحن وين؟ أنا ما سمعت شيخنا غالاوي قال شنو ... لكن لو أتكلم عن تاريخ السودان العريق ... يكون مخطئ، ما في تاريخ سوداني عريق. دا تاريخ ممالك انقرضت وراح ليها الدرب في الموية بعد داك. وحتى الدولة السنارية الحاولت تجمع السودان راح ليها الدرب في الموية. السودان كدولة موحدة ما عندو تاريخ موحد. لو حيتكلم عن تاريخ سوداني عريق ... فهو يتكلم عن تاريخ الشمال النوبي ... وباقي السودان والله لا عندو تاريخ ولا الله قال.
التحايل ما بينفع. والاحتيال ما بينفع ... وحتى التاريخ الحقيقي لا ينفع ... فلو كان ينفع لكانت اليونان ملكة العالم الغربي كلو.
شوفوا ليكم مخارجة من داخلكم ... دا كلو كلام لا يفيد في شيء. أمريكا تاريخياً دولة أوربية، يعني ابنة اليونان ... وين اليونان اليوم ووين أمريكا؟
ياخي من وين جات كوريا الجنوبية؟ يا عالم صحصحوا.
| |
 
|
|
|
|
|
|
|
|
Re: النائب البريطاني جورج غالاوي يسخر من الإم (Re: Shinteer)
|
| Quote: فهو يتكلم عن تاريخ الشمال النوبي ... وباقي السودان والله لا عندو تاريخ ولا الله قال. |
لاحولا ولا قوة الا بامون العظيم!!
يا شنتير،
معقولة ياخي، كمان وكتابة، علنا، تقول كلام زي ده؟
عكس تصورك المؤسف ده، المسبق، تاريخ السودان القديم صنعوهو ملفوظي سودان اليوم، اي مهمشي الشمال، وليس امثال بشاشا من "الشماليين" كما تتوهم!!
هو انتا قايل هكذا تهميش، اهانة، قمع، وابادة، للبنسميهم استعلاءا، وكراهية "زرقة"، انطلاقا من وهمة اننا في الشمال عرب، صدفة؟
هذا قهر، اذلال، قتل، لي ارثنا الحضاري الكوشي النوبي، الماعربي، البمثلو اهلنا في الهامش، باكثر من اهلهم في الشمال، لو تعلم!
الفايت عليك، الشمال الحالي، اهلو تاريخيا من حيث التوزيع الجغرافي للسكان، كانو ذات "الزرقة" وليس الجلابة، من امثال بشاشا!!
مؤسف الواحد يتكلم بي لغة زي دي متهكعة، ولكن نسوي شنو عاد؟
بنحاول نخاطب هؤلاء باللغة الما بفهمو غيرا!!!
| |
|
|
|
|
|
|
|
|
Re: النائب البريطاني جورج غالاوي يسخر من الإم (Re: Bashasha)
|
نعم تاملو طريقة تفكير اخونا شنتير هذا، والlow self esteam بتاعو، والسؤال هل ده صدفة؟
قال مافي تاريخ سوداني، عريق!!!!
هل ده، صدفة، ام ده هو العالينا؟
هو ماعشان كده، امثالو اختطفو هوية مستعبديه، الاعراب، اصحاب التاريخ العريق، مش كده؟
ما المصيبة يا شانتير، انتا ما بتعرف شئ عن تاريخك خارج التنميط المعتاد لامثالنا في عالم اليوم، كsub-human دون!!
هو ماعشان كده بنضبح بعض، بالوكالة، شغل كراهية ذات ادت الي تبني هوية مستعبدينا، كمخرج!!!!
| |
|
|
|
|
|
|
|
|
|
Re: النائب البريطاني جورج غالاوي يسخر من الإم (Re: Bashasha)
|
عزيزي القارئ،
الطريف في سياق الحديث عن التاريخ العريق في تصورو الشايه طبعا، هو بدأ بي سنار!
سنار هي ذبدة وعصارة بداية تهينا الحالي!
يكفي دولة سنار اقتصادا كان عمادو الاتجار في مواطنيها أو بيعم كما كرشة الخنزير بالاقة وفقا للكتاب والسنة.
ماتنسي سنار ولدت كنتاج مباشر لي قرون الغزو والعبودية اللي مارستا دولة الخلافة "الراشدة" ذات نفسها الكانت بتستورد 360 مستعبد سوداني!
طبعا هناك جوانب اخري مشرقه فيما اتصل بي سنار، ولكن هذا لايعني شئ اطلاقا لما نتكلم عن بداية الطريق الانتهي بينا الي المطاف العروبي المدمر المأساوي الحالي!
| |
|
|
|
|
|
|
|
|
|
Re: النائب البريطاني جورج غالاوي يسخر من الإم (Re: Bashasha)
|
عزيزي القارئي،
حقيقة، يا لسخرية الاقدار بحق!
عارف، لو هناك في الكون ده، شعب واحد، احد، لديه في تاريخو مايؤهلو ليذهوو فخرا من دون كل شعوب هذا الكون، فهو شعب السودان هذا!!
نعم لايمكن تقارن ما انجزو هذا السوداني من حيث التاريخ باي مخلوق اخر في هذا الكون العريض، اطلاقا، اطلاقا!
نعم لا وجه حتي للمقارنة زاتو مابين ما انجزناه، قبل عشرات الاف السنين، وما انجزو عالم اليوم، بما حمل، مجتمعا الان واللحظة!!!!
بنتكلم عن الان واللحظة، دعك من الماضي السحيق!!!
نعم انجازات عالم اليوم، اكرر اليوم، لايسوي شئ اطلاقا، مقارنة بما حققناه، منذ الاف السنين، كسودانيين!!!!
قد يبدو كلامنا ده، مبــــــــالغ فيه، بــــــــوليغ، شديد، بي معايير وعينا الحالي، ونسج من خيال شاطح، ناطح!!!
ولكن يا اعزائي، دي الحقيقة المجردة لو عندك القدرة، الشجاعة، الثقة في نفسك، بما يكفي لقبول ادلة وبراهين مادية مثبتة، مفروغ منها!!
طبعا المحك هنا، هو المعيار تحديدا!
بالنسبة لي، لو المعيار معرفة مثلا "علمية"، فنحن من وضع اساس مايسمي الان علم، ابتداءا بالرياضيات كمثال، وانتهاءا بي علوم الفضاء الخارجي الخاص بالكواكب الاخري مع فارق بسيط!!
نعم المعرفة دي، بالنسبة لي اجدادنا كانت روحية، خالصة لوجه امون، بغرض النجاة في اليوم الاخر بالعبور للجنة!!!
اما عالم اليوم، فالموضوع "فكـــــــــــــــــــة" او سباق تسلح والسلام، بالنسبة ليهو!
نعم حتي الذات الالهية في عالم اليوم، استغفرهو، هو مجرد سلعة للبيع والشرا والسلام!
نعم اي قيمة ايا كانت، وتحديدا المسماة "اخلاقية" هي مجرد سلعة للبيع، والسلام!!
مالم تفهم عالم اليوم علي هذا الاساس، فحتطش!!
خد عندك العلاقة بين الاجناس، او بين نوع النساء ونوع الرجال كمثال:
لا وجه للمقارنة زاتو، هنا، او من اساسو علي الاطلاق!
باختصار شديد، السوداني تحديدا، وحصريا، بتاع جمهورية السودان، وقبلها السودانية تحديدا وحصريا، بطول وعرض قارات العالم القديم كلو، نموذجو كان الــــــــــهة معبـــــــودة، والــــــــــــه معبود!!!
خلوني اكرر كلامي واقول، الاحتفاء بالنموذج القدمتو الحضارة السودانية للانسان فهذا كان مثار اعجاب بواسطة الــــــــهة اوربا تحديدا!
الهة الاوربيين انفسم وشخصيا، هم الاحتفلو بي نموذج شخصية السوداني، كفرد!!!
قارن هذا بي كلام رب الاسلام طبقا للثقافة العربية، عن العرب!!!
لاحظ عندنا، فيما اتصل بي مقام الالوهية والذات الالهية اللي طوالي وعلي نحو الي، ذكر، في الثقافة الارية، نوع الذكور اي الرجال في ثقافتنا، مابلغو المقام ده، اصلا!!!!
هذا مقام انفردت بيهو الســـــــودانية تحديدا وحصريا، لفترة طويلة جدا جدا، ثم بالتدريج انتفي هذا ليصبح مقام الالوهية بالتساوي بين النوعين، وهذا لم يتكرر قط في اي رقعة اخري الي هذا التاريخ!!
لا احتاج كدليل للمقام الفريد والدرجة الرفيعة الوصلتو الحضارة السودانية بي صورة لم، ولن، تتكرر، اكثر من نموذج االعلاقة الفريدة بحق فيما اتصل بوضعية االنساء في حضارتنا
مقارنة بوضعها الحالي، المرذول في عالم اليوم البمثل افتراضا، قمة البشرية، مع انو حقيقة بمثل القاع مقارنة بي عصر سيادتنا نحن الاباء والاممهات المؤسسين لهذا العالم!!
طيب، بشاشا عاوز يقول شنو بالضبط، باختصار؟
نعم عايز اقول، العالينا كشعب، هو غياب هكذا معرفة بي ذاتنا كسودانيين، وكنتيجة اهو قدامكم كلام اخونا شانتير البمثل الخط العام، وكنتيجة، ده، هو حالنا اليوم!!!
ده، هو غرضي، من كلام زي ده!
زي كلام شانتير ده، بقطع انياط القلب، بالنسبة لي، بالذات لما انتبه لي انو ده، ما راي فرد، وانما اساس الدويلة الجهوية، بي حالا ذات نفسها اللي صاغها الاستعمار يا لهوانا، بحق!!!
| |
|
|
|
|
|
|
|
|
|
Re: النائب البريطاني جورج غالاوي يسخر من الإم (Re: Bashasha)
|
الأخ الأستاذ الكاتب الكبير بشاشا سلامات
وانشاءالله اعيادك القادمات أسعد وابرك .
انت يا بشاشا جد كفيت و وفيت في قولتك. ( نحن الاباء والامهات المؤسسين لهذا العالم .
نعم والله .
بس ياخ جيرانك عيال بمبا . ما عاجباهن سيرة كلامك ده .
كيف انت الزول الازرق تناطح وتتفاصح ؟
تحياتي
| |
|
|
|
|
|
|
|
|
|
Re: النائب البريطاني جورج غالاوي يسخر من الإم (Re: Shinteer)
|
العزيز أخونا أستاذ شانتير سلامات
والله في دي انا اختلف معاك حتي بعد تقديرنا الشديد ليك .
واقيف في صف حبيب البلد التاريخي. الشيخ المنصف غالاوي.
يا أخ شانتير يازول الإمارات دي سنة 1950 كان فيها 16 جمل ونخلتين وديك أحمر . هههه
السودان يازول بلد الإسرار المامكتشفة.
انت يا شانتير عارف صامولة السماء والارض وين .؟
عليك،الله تعال يوم سيح في المصورات في كبوشية .
شم شم بس .
شم وجر نفس قدر ما الله اداك.
حتشم لفايف التاريخ .
حتطوف.
وتطوف وتدخل في دهاليز وناطحات لا ليها أول لا آخر.
اكيد ما حتشم بنزين ولازيت فرامل . هههههه
ده السودان .
و غالاوي خبير صاحب عين فاحصة
| |
|
|
|
|
|
|
|
|
|
Re: النائب البريطاني جورج غالاوي يسخر من الإم (Re: محمد على طه الملك)
|
أستاذنا الملك سلام والف شكر علي مرورك الكريم
والشكر لشيخ احباب السودان النائب المحترم جورج غالاوي.
وهو يدافع عن السودان .
و عن العبث بتاريخ السودان .
اتمنى ان يلتفت حكام السودان الي نور تاريخنا القديم .
لنرتقي . ونعيد الأمجاد.
..
أرجو المساعدة بوضع الفيديو .
مع جزيل الشكر
| |
|
|
|
|
|
|
|
|
|
Re: النائب البريطاني جورج غالاوي يسخر من الإم (Re: Yasir Elsharif)
|
سلامات يا شنتير
وكل عام وأنتم بخير
| Quote: أنا ما سمعت شيخنا غالاوي قال شنو ... لكن لو أتكلم عن تاريخ السودان العريق ... يكون مخطئ، ما في تاريخ سوداني عريق. دا تاريخ ممالك انقرضت وراح ليها الدرب في الموية بعد داك. وحتى الدولة السنارية الحاولت تجمع السودان راح ليها الدرب في الموية. السودان كدولة موحدة ما عندو تاريخ موحد. لو حيتكلم عن تاريخ سوداني عريق ... فهو يتكلم عن تاريخ الشمال النوبي ... وباقي السودان والله لا عندو تاريخ ولا الله قال. |
نعم، السودان كدولة موحدة (بما فيه دولة جنوب السودان) ما عندو تاريخ موحد. ولذلك تاريخو هو تاريخ الممالك السابقة في هذه المنطقة الجغرافية ( نبتة، مروي، كوش، الممالك المسيحية ــ المقرة وعلوة ــ سنار، دارفور، سودان التركية السابقة. وطبعا كل حضارات الدنيا هي حضارات سادت ثم بادت. وبهذا فإن منطقة الخليج العربي نفسها لها تاريخ هو تاريخ الممالك القديمة منذ عهد عاد وحِمير وفارس مرورا بالحضارة الإسلامية. وهذا ما فات على جورج غالاوي.
ولكن تاريخ المنطقة الجغرافية التي تضم السودان وجنوب السودان وكينيا وإثيوبيا فهي مهد نشألة البشر المستوي على قدمين منذ ملايين السنين، مرورا بإنسان سنجة. كتبت الأستاذة تماضر الطاهر بوستا هنا في سودانيز أونلاين بعنوان "إنسان سنجة":
إنسان سنجةإنسان سنجة
Quote: عاش إنسان سنجة (Singa Skull) في العصر الحجري المسمى بالعصر « البلستوسيني »، قبل أكثر من 160000 سنة في منطقة سنجة وسط السودان، وتزامن في تلك الفترة مع إنسان النياندرتال وإنسان بكين.
تفاجأ -والحمد لله- حاكم مقاطعة شمال الفونج بمدينة سنجة المستر (بوند) بوجود مقبرة قديمة قرب منزله علي شاطئ النيل الأزرق.
وعند فحصها، تبين أنها بقايا إنسان متحجرة، وتم نقلها بعناية إلى لندن.
دلت الدراسة التي اجريت على الهيكل- في ذلك الزمن- الذي عرف فيما بعد بهيكل إنسان سنجة الأول، على أنه الإنسان الأقدم في افريقيا، وقد اتسم بقوة البنية، واحتوت تفاصيل هيكله على مكون عظيم حفظه من البلى بفعل عوامل الطبيعة الضارية.
فعلى شاطيء النيل الأزرق،تمثل صمود هيكل إنسان سنجة في كل ما تولد عنه من ابداع وإرث وحضارة باقية ما بقي هذا الكوكب. |
| |
|
|
|
|
|
|
|
|
|
Re: النائب البريطاني جورج غالاوي يسخر من الإم (Re: Osman Musa)
|
سلام عزيزى عثمان
جورج غالاوى .. ما غالاوى فى كلامه عن السودان
ربما أبوه أو جده يريطانى خدم فى السودان إبان حكمهم للسودان
وأكيد سمع وقرأ كلام سمح عن السودان وأهله
دا غير إنه سياسى بياع كلام شايف من الفيديو تواجد سودانيين!
بس الكلام بفرح دا لو ما تأملت شديد فى الحاضر!
| |
|
|
|
|
|
|
| |
Osman Musa
محمد على طه الملك
Shinteer
Bashasha
Yasir Elsharif
نادر الفضلى
فيس بوك
تويتر
انستقرام
يوتيوب
بنتيريست