المغتربون السودانيون في ليبيا .. مآسي الإقامة وأحزان المصائر

Quote: وكيف يخاطرون بالإغتراب في بلد غير آمنة مستعرة بالحروب ؟ وكيف يغامر رب أسرة بالسفر مع اسرته في تلك الفيافي والصحاري وحيداً بلا رفقاء ؟ ولماذا لا يعود من فقد كل شيء الى أحضان وطنه وعشيرته ؟

Quote: مهما كان أخي خضر الطيب يظل السودان أفضل بكتير رغم ضيق الحال من ليبيا بعد الحرب .. وحتى ليبيا قبل الحرب ما كان المغتربين بستفيدوا منها زي دول الخليج مثلا ..

Quote: مرحب بيك عادل في هذه السانحة انا بعرف إنك مقيم في قطر و انت أحد الداعمين السابقين للنظام البائد بكل ما أوتيت من قوة الناس الطلعو من السودان و مشو لي بلاد ذي ليبيا و اليمن هل كان بإختيارهم ام مجبورين ؟ يا ريت تجاوب بي أمانة و نزاهة .. تأكد اني ح ادير معاك حوار بلا مهاترات و اتمنى انت كذلك

Quote: سلام غليكم ليبيا كانت من قبل الحرب ما بلد اغتراب تمشى نخم قروش وتوفر وتجى تعمل شىء فى الوطن . مغترب ليبيا ايام الراحل القذافى بكل مافيها كان ممكن باسرتك تستقر وتشغل وتوفر لاولادك حياه كريمه وتعليم ..لكن توفير مافى ...كان اغتراب ليبيا استثمار فى الابناء . لكن بعد الحرب استغرب انو الناس شايفه انو ليبيا اصبحت منفذ الهجره فير الشرعيه -الرئيس- من افريقيا لاوروبا والجرائم على العابرين من اختطاف وفديه وقتل لجاره الاعضاء ...الخ خيارات الخروج من السودان يفترض للراغب فى الروج وخاصه مع اسره ان يبحث عن خيارات اقرب واكثر امان اعتقد لو تمت دراسه خيار السفر من دارفور غربا بدلا عن شمالا باتجاه ليبيا قد يكون هناك فرص افضل ومجتمع اقرب نفسيا ووجدانيا