المزايدة الأسخف على الإطلاق!

Quote: في اللقاء الاول لي مع ايمان ام حبيبي قصي سألتها عن هذة القدرة العظيمة علي الصبر الجميل حدثتني حديث الروح قالت عندما ذهبت للتعرف علي جثمان حبيبها قصي لم تتمكن من التعرف عليه بتعرف يعني شنو يا استاذ الصادق ام ما تعرف جناها !!؟ بتعرف الشعور دا كيف 😭 وجهت عيناي للارض ثم سمعت صوتها و كأنه نابع من اقصي جهات الألم انا يا استاذ الصادق لم احتمل الوقوف امام جثمان ابني و النظر نحوه اكثر .. بتعرف يا استاذ يعني شنو ام ما تقدر تقيف جمب جثمان جناها !!؟ بتعرف حجم الاحساس دا عامل كيف 😭😭 ثم قالت انا يا استاذ لو جمعوا كل عدالة الارض و منحوني ليها ما بتعوضني و جعي في قصي الا وعد الله لي بالصبر ثم رتلت والذين اذا اصابتهم مصيبة قالوا انا لله و انا اليه راجعون اولئك عليهم صلوات من ربهم و رحمة … و قالت كانها تحدث روحها الصلوات المن الله دي بس البتعوض وجعي … ثم قالت ما يكفي الانسانية جمعاء لكي تتزن و تعقل و تدرس و تفهم انا يا استاذ ممكن اتسامح في دم قصي لو بضمن دولة ما تكتل جنا قدرو و لو بضمن انو ما تكون في ام تانية تعيش في جناها الوجع العشتو في قصي … ان لم يكن هذا هو التغير الجذري فما هو ؟ ان لم تكن تلك هي السياسة فما هي ؟ ان لم تكن تلك اسمي مراحل الانسانية فما هي ؟ يمكن ان تكونو عسكرين شطار و يمكن ان تكونو سياسين شطار لكنكم لن تبلغوا اطراف انسانية هذة السيدة …. تحسسوا انسانيتكم ايها السادة و اسمعوا منها و تعلموا لا تقدسوها … ستقدسها الارض كما قدسها قصي بدمه الذكي … لا اعرف معني للتغير في الناس و البلاد اكثر من فعلك ايتها الام العظيمة ….

(عدل بواسطة هدى ميرغنى on 05-13-2022, 07:58 PM)

Quote: .. انا يا استاذ ممكن اتسامح في دم قصي لو بضمن دولة ما تكتل جنا قدرو و لو بضمن انو ما تكون في ام تانية تعيش في جناها الوجع العشتو في قصي ...

Quote: الناس الهايجة فيني ديل كلهم غلبهم يجاوبو علي الاسئلة دي بما فيهم ايمان والدة الشهيد قصي حمدتو اولا انا مني عبد المنعم المنعم سلمان وانا نفسي والدي شهيد اتعذب في بيوت الاشباح ومنها حولو سجن كوبر واتمنع منو الدواء ومات بذبحة قلبية،، وبعدها ناس الامن شالو الجثمان ورموازفي البيت في الشمس في الحوش وكان مافي زول في البيت. الكلام دا في بداية انقلاب الانقاذ وفي قمة هيجة الانقلابيين. يعني انا برضك اسر شهداء ب لذلك احترم كل اسرة شهيد كاسرة شهيدة لكن لما تدخل في خط الثورة تبقي هنا بتعامل معاها كمطالب ثورة لانو لاتقديس لي للاشخاص. التقديس بجي لشى واحد مطالب الثورة من حاد عنها فقد الاحترام بغض النظر عن انو هو منو. انا سالت ايمان اسئلة مخدده بعد دفاعها عن التسونجية - اولا - محمد الفكي لما قال هبوا،، قالها نهب ضد منو؟! - طيب التسونجية لما اصلا بقعدوا مع القتلة وشلك الموز وافاوضوهم طيب ما كان من البداية ليه انتظروا لما يموت هذا الكم من الثوار ونفقد من نفقد ويتشل من يتشل ويحمل الرصاص في جسدة من يحمل،، مش كان يقعدوا معاهم من البداية؟! وما كان فقدنا خيرت من فقدنا منذ انقلاب القتلة؟! ما دااام اصلا حيقعدوا مع القتلة ليه رفضوا لتفاق حمدوك البرهان؟! ولا الآن الدم السال وزنقة الانقلابيين بتعطيهم مزيد من الامتازات؟!. والدة قصي زاقت من الاجابة اتمني اجد الاحابة من ثوار الصخافة لاني انا بخترم هذه الصفحة