|
كتب الكاتب الفاتح جبرا المتوفرة بمعرض الدوحة
|
|
 Re: القدال (Re: خضر الطيب)
|
والله يا خصر ما تتخيل حجم الألم والحزن الدخلني بعد عرفت مرض القدال
كنت متخيل انه عارض صحي بسيط وعادي
نسأل ربنا يشفيه ويعافيه
القدال ده حاجه تاني خالص عندي
| |
  
|
|
|
|
|
|
|
|
Re: القدال (Re: أبوذر بابكر)
|
قبل شويه سألت اخونا بدر الدين للامير عن حالة القدال
ما كنت عارف بالضبط طبيعة مرض القدال،
كنت من الأخبار في الفترة الفاتت بفتكر انه بمر بوعكة صحية عادية
وبستشفى في دولة قطر
لما بدر الدين وراني، لقيت نفسي ببكي والله من غير ما أشعر
القدال هو الحبب لينا كتابة الشعر بالعامية
وهو العلمنا كيف يكون العلو والسمو في التعبير بالعامية
وهو الحفزنا عشان نحاول نكتب بالعامية
وشتان بين ما بكتبه القدال وبين خربشاتنا
القصيدة دي قولة كفارة للقدال ودعوات وابتهالات للخالق العظيم، يشفيه ويعافيه
واكيد ما بتليق بمقام القدال
ومكتوبة في خلال دقائق معدودات والله
القدال بين شعراء العامية في السودان، زي المتنبى بين الشعراء
وزي حاج الماحي بين شعراء المديح وابو صلاح بين شعراء الحقيبة
اللهم يا شافي اشفي القدال
| |
|
|
|
|
|
|
|
|
|
Re: القدال (Re: بدر الدين الأمير)
|
تعرف يا أمير
والله قلت يا ريت لو ما سألتك عن مرض القدال
غلبني الشغل
لقيت عيوني بتدمع
طوالي طلعت من المكتب ومشيت البيت
مع انه مزحوم شغل والله وجاي علينا ال اكسبو ٢٠٢٠
اي زول عايز يترجم الشي العندو
وانت عارف زنقة الترجمة
رجعت البيت لقيت روحي بكتب بس
| |
|
|
|
|
|
|
|
|
|
Re: القدال (Re: أبوذر بابكر)
|
حقيقة يا ابوذر اصابنا الحزن و الصدمة بمرض هذا الشاعر الجميل أنيق الحرف
و هذا المناضل الجسور الذي لم تلين له قناة فقد ظل على واقفه الرصينة
و بحضوره لدولة قطر و مستشفى الأمل فهو بإذن الله في الطريق الصحيح للتعافي
مستشفى الأمل التابعة لمؤسسة حمد الطبية متخصصة فيما اصاب القدال
و إن شاء الله سيجد الرعاية و العناية التامة و هو بلاشك بين ايدٍ أمينة
نسأل الله له عاجل الشفاء شفاءاً لا يغادر سقما
و ان يخرج علينا سليماً معافى ليعطر ليالي الدوحة بأشعاره باذخة الجمال و الروعة
| |
|
|
|
|
|
|
|
|
|
Re: القدال (Re: خضر الطيب)
|
ابو ذر وخضر
القدال في السنوات الاخيرة
تكالبت عليه الاحزان كثيرا
بفقد الاعزاء التقيته اخر مره
هنا في الدوحة قبل سنتين كان مرافق
لشقيقته الراحلة الوارد التى
اتت للدوحة مستشفية من داء
السرطان اللعين كان هو الشخص
المتماسك الذى يرفع معنويتها معنويات
من هم حولها املنا في الله كبير وفي القدال
المتماسك من الداخل ان تعدى هذه الفترة
على خير
| |
|
|
|
|
|
|
|
|
|
Re: القدال (Re: خضر الطيب)
|
المؤمن مصاب يا خضر
وراضين ومسلمين لارادة الخالق العظيم
وهو الشافي والكافي من كل داء وبلاء
الحمد لله انه القدال ح يلقى عناية ورعاية ممتازة بالتأكيد
بالمناسبة اخونا وحبيبنا الدكتور أمير تاج السر
الروائي والشاعر، موجود في الدوحة
اكيد القدال ما بكون محتاج اكتر من ما متوفر الان
لكن برضو أمير ما ح يبخل بي أي عون ومساعدة
والاكيد برضو كل الأطباء السودانيين في قطر، وهم من أمير الكفاءات، برضهم ما بقصرو
| |
|
|
|
|
|
|
|
|
|
Re: القدال (Re: بدر الدين الأمير)
|
صحيح فعلا يا بدر
حميد فجيعة الأرض
فوتة حميد كانت فوق المستطاع
دخلت علي القدال وازهري والمعاهم
دخلة شديدة وما بتمرق ب هينه
| |
|
|
|
|
|
|
|
|
|
Re: القدال (Re: أبوذر بابكر)
|
ياابوذر
حميد والقدال وازهرى
بينهم علاقة سحرية الشعر
جزء منها ازهرى راوى لشعر حميد
ويكاد يكون حافظ معظم شعر حميد
القد اكتر من يمتعك بحكاوى حميد وسخريته
اذكر في زيارتى قبل الاخيرة للسودان لتلقى التعازى
في رحيل والدى له الرحمة والمغفرة اتانى القدال
في اربجي وتواعدنا نلتقى في الخرطوم هاتفته بوصلى
الخرطوم ذهبنا في عصر ذالك اليوم وزرنا قبر حميد ثم
زرنا اسرة حميد ثم حضرت معه فعالية ثقافية بشركة دال
حيث كان هو المسؤل عن الفعالية بحكم وظيفته بشركة دال
وبعدها قضينا سهرة مطولة مع بعض هو يسالنى عن الايام الاخيرة
لمصطفى سيد احمد انا احكى وهو يبكى واساله انا عن الايام الاخيرة
لحميد هو يحكى وانا ابكى واستمر هذا الحال لقريب الفجر وكان يقوم
على خدمتنا ابنى غسان احتار في امرنا ولم يقوى على البقاء معنا
عاجل الشفاء للقدال و لابننا زرياب ازهرى محمد على رحم الله مصطفى
وحميد وكل من رحلو من الاحباب
| |
|
|
|
|
|
|
|
|
|
Re: القدال (Re: بدر الدين الأمير)
|
تحياتي يا بدر
ورحمة الخالق وقبوله تتنزل على حميد
وحتما هو الآن في صحبة ورفقة ومعية من يحبهم الله ويصطفيهم
وليحفظ الله الحفيظ لنا القدال
وينعم عليه بهميم العافية ويغطيه بسربال الشفاء
| |
|
|
|
|
|
|
|
|
|
Re: القدال (Re: أبوذر بابكر)
|
شِن عندي ليك أنا يا وطن؟
غير القصيدة ..
الشابِّي فرْعَها في الشُموخ.
هادي الحُروف الغَنَّتك وِكتين تناهِد روحي
بين هَمِّي العليك وقت المَهازِل والشُرُوخ
شايف شُروقك يا بلد.
واللهِ شوف عينيَّا ..
شَارِف تاني قُدّام البُلود التانية كَارِب عِمَّتَكْ
نظَرَك يشوف قُدامَك الخير التَّطا
لاكا بْتَقَبِّل للوَراك لا يجيبَك الخَايِس وَطَا
********
المقطع الاستهلالي من اخريات قصائد القدال
ونقول ليهو
الوطن عندو انت
| |
|
|
|
|
|
|
|
|
|
Re: القدال (Re: أبوذر بابكر)
|
سلام أبةذر
فعلا حزن صادم لي كل السودانيين
ربنا يشفيه ويرجعو سالم معافى للسودان ولمحبيه
كل الناس متابعة أخبار مرضو واملنا في الله كبير
تحية وتقدير
| |
|
|
|
|
|
|
|
|
|
Re: القدال (Re: Osman Musa)
|
بإذن واحد أحد يا ابو عفان
يطيب لينا القدال وبيه تطيب أيامنا
ويتواصل عطاء القدال الانسان والقدال الشاعر
| |
|
|
|
|
|
|
|
|
|
Re: القدال (Re: Abdalla Gaafar)
|
تحياتي يا عبد الله
حزن سيعقبه فرح عميم بإذن الخالق العظبم
ونرفع لله أكف الضراعة
ان يعافيه ويشفيه
القدال معنى عالي وقيمة ليس كمثلها شيء
| |
|
|
|
|
|
|
| |
أبوذر بابكر
خضر الطيب
بدر الدين الأمير
Abureesh
Osman Musa
فيس بوك
تويتر
انستقرام
يوتيوب
بنتيريست