|
|
|
 Re: العهد الذي بيننا وبينكم معيشة المواطن (Re: عمر التاج)
|
الكلام ده موجه للنظام الحاكم في السودان
اي نظام سياسي على رأس الحكومة الحالية
نحن في حزب الوطن الكبير لايهمنا من انتم
ولا بماذا تؤمنون أو تكفرون ..
ولا أمانيكم وتهيئاتكم ووعودكم المشرقة التي تجيد صياغتها كل الاحزاب والتنظيمات..
ولا باوهامكم واعذاركم وتحدياتكم المريضة التي تتبناها كل الأنظمة المخادعة
بتهمنا النتائج وبس..
واول الغيث قفة الملاح واساسيات المعيشة
قدرتم عليه فمرحبا ولا شكرا
ده واجبكم البتاخدوا عليه
ما قدرتم عليها فلا أهلا ولا سهلا
وحواء والدة
| |
 
|
|
|
|
|
|
|
|
Re: العهد الذي بيننا وبينكم معيشة المواطن (Re: عمر التاج)
|
انا كمواطن عادي ما بهمني الحاكم منو وحزبه السياسي وتوجهه العقدي
ومابهمني اذا البشير في الإصلاحية أو حمدوك في سرير الاستاذ
ولا بهمني تفكيك دولة كيزان أو تمكين دولة قحاتة في حاجة؛
ومابهمني ألفي الحكومة منو وفي المعارضة منو
البهمني ويشغل بالي تكون في حكومة قادرة على توفير احتياجات المواطن
وتتقدم في سلم تحقيق رفاهيته
ماتقول لي كيزان و كتائب ظل ودولة عميقة
انت في راس السلطة وفي ايدك تمنع اي مخرب أو صاحب غرض
التحديات والمعوقات دي ماعذر عشان البلد تمشي للوراء وسلم احتياجات المواطن ينخفض
لأنها معروفة لديك وكنت جزء منها عندما كنت في المعارضة..
الحكومات السابقة كلها سقطت ليس لأنها كانت إسلامية أو شيوعية أو جمهورية.. الخ
بل لأنها عسرت على المواطن سبل العيش..
لأنها فرضت واقع جعل العملة الوطنية تنخفض
ولأنها رفعت الدعم وأسعار الدولار الجمركي والضرائب والرسوم..
ولأنها عطلت الانتاج وتفرغت للفارغات..
ولأنها عجزت عن توفير الغذاء والدواء والأمن..
Quote: تسقط يا بشير: علي سعر الدولار الذي وصل في عهدك 48 جنيه
شكرآ حمدوك : علي الدولار الذي وصل في عهدك الي 102 فقط
تسقط يابشير: بعد ان اوصلت سعر الدولار الجمركي الي 18 جنيه
شكرآ حمدوك : ففي عهدك الدولار الجمركي الي 55 فقط
تسقط يا بشير: في عهدك ارتفع سعر جوال السكر الي800
شكر حمدوك: طالما سعره في عهدك 2400 فقط
تسقط يابشير : بعد ان وصل سعر كيلو اللحمه في عهدك 240 جنيه
ف شكرآ حمدوك: طالما سعره في عهدك 500 جنيه فقط
تسقط ياعمر: بعد ان ارتفع في عهدك سعر تعرفة المواصلات
شكرآ حمدوك : طالما في توقفت في عهدك لتريح المواطن من الصرف عليها وتجبره علي تعلم رياضة المشي !!!!
تسقط يابشير: طالما في عهدك كثرت صفوف الخبز
فشكرآ حمدوك : بعد ان ارتحنا من صفوف الخبز بإنعدأم الخبز
تسقط يابشه: بعد ان وصل سعر رطل اللبن في عهدك الي 13 جنيه
شكرآ حمدوك: الان ب25 جنيه فقط وخليناهو زأتو
تسقط عمر: في عهدك وصلت ملوة البصل الي 20 جنيه
شكرآ حمدوك: الان بحمد الله ال20 جنيه بتجيب 4 بصلات نعمه من كريم
تسقط ياعمر: بعد ان وصل سعر حبوب الملاريا في ااخر ايامك ل18 جنيه
شكرآ حمدوك: بعد ان انخفض سعرها في عهدك ل140 جنيه فقط
تسقط عمر البشير : ففي عهدك كانن الفتيات يخرجن من بيوتهن للدراسه في الجأمعه والاختطلات بالاولاد
شكرآ حمدوك: ففي عهدك اصبحن ارجل مننا لدرجة انهن بقن يجضمن كفر الهلال 90 سنه ماقادر يلعب زيهن
تسقط يا بشير : ففي عهدك كثرت التجأره بالدين
شكرآ حمدوك : طالما في عهدك لم يعد هنالك دين اصلآ للإتجار به !!!
تسقط يا بشير: لقولك امريكا تحت جزمتي
شكرآ حمدوك: لإكتشافك ان جزمة امريكا اكرم الف مره من وجوهنا !!!
تسقط يا بشير : ففي عهدك اصبحنا نتسول العون من دول الخليج
فشكرآ حمدوك: طالما في عهدك وصلنا مرحله من الاكتفاء تجعلنا نتعهد بالصرف علي اسر ضحايا امريكا
تسقط يابشير: كان ابنائي في عهدك يعانون من حفظ السور القرانيه الطويله في المقرر!!!
ف شكرآ حمدوك : طالما في تعليمك لا يوجد قران للحفظ
تسقط ياعمر : ففي عهدك تمرد الحلو وعقار وعرمان ومناوي وعبدالواحد ..
شكرآ حمدوك: طالما في عهدك اصبحت كاودأ دوله مجاوره وحررم فيها عزف السلام الوطني السودأني ورفع علم السودأن وتلاوة القران
تسقط ياعمر: لصرفك البذخي علي الامن
شكرآ حمدوك: ارحتنا تمامآ من وجود الامن
تسقط يابشير: طالما في عهدك كان التكبير والتهليل بغرض المتاجره بالدين ..
شكرآ حمدوك: طالما في عهدك لايشترط التكبير ولا التهليل ولا حتي يشترط وجود دين اصلآ
تسقط يابشير: لانك مهما فعلت لتثبت انك سودأني ومها عرضت علي ايقاع الحماسه وقلت انا سودأني وديل اهلي فانت لست سودأني ولا بد لك من ان تسقط
فشكرآ حمدوك: فإمتلاكك للجواز الامريكي وحده يكفي علي ان تحمل علي الاعناق وتشكر دبر كل صلاة
فا شنو شكرآ .. شكرآ .. شكرآ .. شكرآ حمدوك |
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: عمر التاج)
|
صدمة وعي
أقرأ الكلام ده براحه عشان تفهم الحاصل وما تأيد ميزانية إنت ما فاهمها
المؤتمر الوطني كان بدعم الوقود بمبلغ 227 مليار جنيه سوداني
ناس قحت عايزين ينقصوا من الدعم ده 194 مليار جنيه يعني ناس قحت شايفين *توفير 194 مليار بحسن الاقتصاد
طيب يا ناس قحت أنتو
حليتوا المؤتمر الوطني الكان برضع من ثدي الدولة ورونا كده اتوفر كم يعني كم مليار كان بيلقفها المؤتمر الوطني من الدولة والآن وقفت.
حليتوا الدفاع الشعبي كده اتوفر كم ؟!
حليتوا منسقية الخدمة الوطنية كده اتوفر كم ؟!
حليتوا اتحاد الطلاب كده اتوفر كم ؟
حليتوا اتحاد الشباب كده اتوفر كم ؟!
حليتوا اتحاد المرأة كده اتوفر كم ؟!
حليتوا الاتحاد النسائي كده اتوفر كم ؟!
حليتوا الشرطة الشعبية كده اتوفر كم ؟!
حليتوا 52 منظمة وصادرتوا قروشها كده اتوفر كم ؟!
إذا ده كلو ما وفر ال300 مليار معناتو المؤتمر الوطني وواجهاته دي كان لقمتهم صغيرة خلاص والفساد ما كان بالحجم الكبيييير النحن متصورنوا
حقوا بعدما وفرتوا المليارات دي كلها تزيدوا الدعم مش ترفعوه ولا اتبدلت مقاعد اللصوص وانتو بقيتوا بتلقفوا القروش دي بدل المؤتمر الوطني ؟!
د. محمد علي الجزولي
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: عمر التاج)
|
يا عمر التاج
ناس اسلاميو وعامانيو كسيهم فضى
عشان يتحقق العدالة السياسية والاقتصادية يجب الالتزام فقط بي البرنامج الوطنية الحقيقية وليس الايدولجيات المصرية والعربية الحقيرة
وهذه البرنامج تنزل للشعب السوداني المغيب
1- اسس دستور السودان الحزب الجمهوري
2- الحكم الاقليمي اللامركزي دستور 1973 واتفاقية اديس ابابا
3- الحركة الشعبية اتفاقية نيفاشا ودستور 2005 والمحكمة الدستورية
دي المشاريع الوطنية السودانية والواضحة ما فاضحة وما بتجي بي الحوامة في الخارج عند قرود السيرك الامريكي الخمسة مصر والسعودية والامارات وقطر وتركيا
ومرتزقة الداخل في الانقاذ وقح ت والجبهة الثورية
| |
|
|
|
|
|
|
|
|
Re: العهد الذي بيننا وبينكم معيشة المواطن (Re: Salah Zubeir)
|
Quote: تسقط يا بشير: علي سعر الدولار الذي وصل في عهدك 48 جنيه
شكرآ حمدوك : علي الدولار الذي وصل في عهدك الي 102 فقط
تسقط يابشير: بعد ان اوصلت سعر الدولار الجمركي الي 18 جنيه
شكرآ حمدوك : ففي عهدك الدولار الجمركي الي 55 فقط
تسقط يا بشير: في عهدك ارتفع سعر جوال السكر الي800
شكر حمدوك: طالما سعره في عهدك 2400 فقط
تسقط يابشير : بعد ان وصل سعر كيلو اللحمه في عهدك 240 جنيه
ف شكرآ حمدوك: طالما سعره في عهدك 500 جنيه فقط
تسقط ياعمر: بعد ان ارتفع في عهدك سعر تعرفة المواصلات
شكرآ حمدوك : طالما في توقفت في عهدك لتريح المواطن من الصرف عليها وتجبره علي تعلم رياضة المشي !!!!
تسقط يابشير: طالما في عهدك كثرت صفوف الخبز
فشكرآ حمدوك : بعد ان ارتحنا من صفوف الخبز بإنعدأم الخبز
تسقط يابشه: بعد ان وصل سعر رطل اللبن في عهدك الي 13 جنيه
شكرآ حمدوك: الان ب25 جنيه فقط وخليناهو زأتو
تسقط عمر: في عهدك وصلت ملوة البصل الي 20 جنيه
شكرآ حمدوك: الان بحمد الله ال20 جنيه بتجيب 4 بصلات نعمه من كريم
تسقط ياعمر: بعد ان وصل سعر حبوب الملاريا في ااخر ايامك ل18 جنيه
شكرآ حمدوك: بعد ان انخفض سعرها في عهدك ل140 جنيه فقط
تسقط عمر البشير : ففي عهدك كانن الفتيات يخرجن من بيوتهن للدراسه في الجأمعه والاختطلات بالاولاد
شكرآ حمدوك: ففي عهدك اصبحن ارجل مننا لدرجة انهن بقن يجضمن كفر الهلال 90 سنه ماقادر يلعب زيهن
تسقط يا بشير : ففي عهدك كثرت التجأره بالدين
شكرآ حمدوك : طالما في عهدك لم يعد هنالك دين اصلآ للإتجار به !!!
تسقط يا بشير: لقولك امريكا تحت جزمتي
شكرآ حمدوك: لإكتشافك ان جزمة امريكا اكرم الف مره من وجوهنا !!!
تسقط يا بشير : ففي عهدك اصبحنا نتسول العون من دول الخليج
فشكرآ حمدوك: طالما في عهدك وصلنا مرحله من الاكتفاء تجعلنا نتعهد بالصرف علي اسر ضحايا امريكا
تسقط يابشير: كان ابنائي في عهدك يعانون من حفظ السور القرانيه الطويله في المقرر!!!
|
غايتو الكرور المنشور دة لافي الفيس في صفحات الحرامية .
طبعا لو مقتنع بالكلام الجبتو دة يبقا ما عندك حل ...
همكم كلو فشل حكومة حمدوك .... ههههه
الله يكون في عونكم
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: adil amin)
|
حباب الكبير عادل
Quote: ناس اسلاميو وعامانيو كسيهم فضى
عشان يتحقق العدالة السياسية والاقتصادية يجب الالتزام فقط بي البرنامج الوطنية الحقيقية |
الكيزان مفتكرين مافي غيرهم في البلد إلا الشيوعيين والجمهوريين
والقحاته بيفتكروا اذا هم مشوا مافي بعدهم غير الكيزان والجنجويد
وديل كلهم ناسين أن الأحزاب الأخرى عندها من الجماهير والكفاءات ما يفوقهم عددا وتعدادا
والشعب السوداني غير المنتمي يفوق كل هؤلاء في العدد والخبرات والنزاهة
ولهذا الشعب فقط ننتمي ونقيس نجاح أي حكومة ..
وعندما قلنا أن ما يهمنا الان هو معيشة المواطن لأننا ندرك أن في هذا الشعب من لا يشتغل بالسياسة ولا الدين ولا الأحزاب
كل ما يهمهم ان يجدوا بلدا آمنا مطمئنا سخاءا رخاءا ..
نحن لا نقول شكرا للبشير لأنه لم يجعل من شعبه إلا شحاتين
ولا نقول شكرا لحمدوك لأن الشعب مازال يعاني أكثر من ذي قبل ..
الحكومات التي تحترم شعبها وتقدرهم وتقدم لهم الخدمات وتوفر لهم سبل العيش الكريم عشنا في ظلها
وتمتعنا بحكمها لنا كمواطنين وأجانب .. عزت السودانيين كما كانت تعز شعبها ، وما حوجتهم يوما للسرقة والاختلاس والرشوة والشحدة حتى ياكلوا لقمة عيش
شكرا الملك سلمان، شكرا ال زايد، شكرا امير قطر ، شكرا ترامب
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: عمر التاج)
|
Quote: يا عمر القيامة قامت تقول لي عهد ...
معيشة المواطن طارت في السما
والناس قالت الروووووب ...
بعلم الحكومة ... والحكومة معلما الله
من حلول ... تاني عهد شنو ...
الناس راجيه الله بس |
الوضع ممكن يتصلح يا صلاح اذا تداركت الحكومة أخطاءها وتركت الجري وراء الدول العربية والغربية واتجهت صوب المواطن وانتاجه
و ما يمنعها من ذلك شيئين أساسيين :
1- انتهاج أسلوب الكيزان والانشغال بالخدع السياسية واضاعة الوقت في التفكيك والتمكين
2- تجاوز الكفاءات والتكنوقراط المنتشرين في البلد، واختيار الحكومة غالبها من أضعف العناصر وأقلها خبرة ،
اذا تجاوزت الحكومة هاتين النقطتين فمن الممكن أن يبدأ مؤشر التحسن في الصعود عوضا عن هذا الهبوط الشنيع
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: عمر التاج)
|
طبعا يا ود التاج ناقل الكفر ليس بكافر لكنه يبقى ناقل كفر
شيل كفر و خت محلها زبالة!
هل يرضيك ان تكون ناقل زبالة! وزبالة منو؟ أقذر و أوسخ خلق الله !
وصّلت فكرتك بكلامك وفهمك اوكي! لزومو شنو تشتغل مغفل نافع لمن يريدون ان يعيدوننا لعهد يتقرّب فيه العــرص منهم لله باغتصاب الرجال!
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: محمد البشرى الخضر)
|
لازلنا عالقين في الدولة المركزية الفاسدة والفاشلة والفاشية والمرتبطة بمصالح الخارج اكثر من الشعب والداخل وعبر كل الانقلابات الوسخة والرخيصة بعد الاستقلال 1958 و1969 و1989 و2019
ايتام مايو وبابكر عوض الله 1969 وايتام الترابي انقلاب 1989
وفعلا غير ديل في احسن السودانيين علي الاطلاق
وافضل البرنامج (((الوطنية ا)))) ايضا
عليك الله كوز وسلفي وشيوعي وبعثي وناصري دي شنو
الناس ديل بي بخجلو في البلد الذى خبث ده ؟؟
ولحدي هسة 2020 يترافسو حاصل فارغ وكل واحد فيهم غلفا وشالية موسا تطهر
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: محمد البشرى الخضر)
|
هو نان وينو الكفر يا ود البشرى؟
الكيزان وقحط والكذب علي الشعب السوداني
الفكرة فعلا واضحة من العنوان؛ ولكن مانقلناه بعدها لم يكن كفرا أو أو افتراءا
صحيح فيه كثير من الاسفاف ولكن برضو فيه كثير من الحقائق
انزع عنك منظار قحت الضيق وانظر للأمر نظرة مواطن عادي
وحاتجد المقارنة بين الإنقاذ ولاحقتها موجودة
وهاك دي هواده كمان
Quote:
الكيزان: هي لله هي لله!
قحط: حرية سلام عدالة!
الكيزان:سيرسيريابشير!
قحط: شكرآحمدوووك!
الكيزان:الدفاع الشعبي!
قحط:لجان المقاومة!
الكيزان:الحصارهوالسبب!
قحط:الدولة العميقة!
الكيزان:التمكين!
قحط:البل!
الكيزان:فلترق كل الدماء!
قحط:الدم قصادوالدم!
الكيزان:الشريعة!
قحط:العلمانية!
الكيزان:جيبوحي أكلوني!
قحط:أي كوزندوسودوس!
الكيزان:الوطني الشعبي!
قحط:الشيوعي الجمهوري!
الكيزان:شهيدناعرسوالليلة
قحط:ماعندناعيدعندناشهيد
الكيزان:أخوات نسيبة!
قحط: الكنداكات!
ختامآ: رغيف مافي وقود مافي مواصلات مافي شغل مافي وكان الله في عون الشعب السوداني. |
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: عمر التاج)
|
Quote:
انا ليس مثلكم يا اسامة ولا انظر أو انقل من صفحة واحدة
الرأي المضاد لأي فكرة مبذول ويجب النظر إليه بعين الاعتبار
صحيح بيكون فيهو شطط احيانا؛ ولكن الشطط والمبالغة موجودة في صفحاتكم ايضا
وفي النهاية لا تتنظر منا أن نطبل لقحت أو حمدوك أو البشير
bla bla bla
|
كونك تختنا في اتجاه وانت في اخر دي داير ليها شكر والله ...
يا راجل ياها نفس الصفحة البتنقل منها قبل سنتين بس الجمل ما بشوف عوجة رقبتو .....
كلامك البتكتب فيهو غير انو بفضحك وبوري المرض النفسي الانت فيه ما بعمل اي شي تاني .....
الله يشفيك...
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: Osama Mohammed)
|
مافي كلام بيفضحني يا اسامة لاني ما صاحب سلطة ولا طالب حاجة من مسؤول
ولا في زول ماسك على ذلة حكومة أو معارضة
ياهو نفس الكلام الكنا بنقوله للبشير بنقوله لحمدوك؛
اصبت هنا واخطأت هنا
البيتفضح في الحقيقية ياهم عينتك دي؛
الحاجة الكنت بتشوفها غلط في عهد البشير
بقت الان صاح لانه عملوها ناسك..
انا بقى ماعندي ناس؛ واتجاهي واحد مابتغير
وكل مسؤول بشوفه بقدر إنجازه وما حققه للمواطن البسيط
وكون الكلام يجي من صفحة زعيط ولا معيط ما بهمني
البهمني هل فيه قدر من الصحة ام لا؟
ويلا خلينا نجيب الكلام المنقول فوق داك؛ والكلام المامنقول؛
نمسكه فقرة فقرة عشان نشوف الحاينفضح منو؟
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: عمر التاج)
|
Quote:
عدد من مات من يوم 19ديسمبر
إلى 12ابريل
مقارناً بمن مات من 12ابريل
إلى تاريخه! |
المقارنات الموجعة كثيرة يا عاطف
واي نزول في مستوى المعيشة ما حبابو
والحجج والتبرير البحاول يسوقها
أنصار حمدوك لتبرير الفشل نحن رفضناها قبل كده
ومافي حاجة بتخلينا نقتنع بيها الان
الثورة لما قامت ما قامت علي الكيزان لأنهم كيزان
بل قامت علي السلوك السيئ والعجز الخائب الذي اتصف به الكيزان..
هذا السلوك وهذا العجز اذا تكرر في عهد الحكومة الإنتقالية فما حاجة بتخلي الناس تصبر عليها..
طيب حا يجي واحد وبكل سذاجة يقول لي اذا مشت الحكومة دي معناتو حايجو الكيزان مرة ثانية..
اقولها صادقا وحازما؛ الكيزان تاني ما بجوا للسلطة قبل ١٠ سنوات..
دورتين رئاسيتين ومتبقي فترة انتقالية تاني مافي كوز حايجلس على تلة سلطة
ولكن البدائل موجودة؛ والخيارات متوفرة ..
ورحم الثورة مازال قادرا على انجاب من يتحمل المسؤولية بصدق وكفاءة.
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: عمر التاج)
|
قلتم غثاء..
هاكم الغثاء الجد جد؛
واقطع ذراعي ان لم تجدوا أكثر من نصفه عبارة عن حقائق
Quote:
مشكلتكم شنو؟
✍🏼 هشام أحمد شمس الدين
طيب مشكلتكم شنو؟ قلتوا نحن الممثلين الوحيدين للثورة، قالوا ليكم كويس، قلتوا نشكل الحكومة برانا، قلنا آمين، قلتوا المكون العسكري شريك لينا في السلطة، قلنا تمام، قلتوا الدعم السريع قوات جميلة، سكتنا، قلتوا دايرين نفكك النظام القديم، قالوا ليكم اتفضلوا، قلتوا دايرين تتعاملوا مع المحور الإماراتي، سكتنا، شكلتوا الحكومة وقلتوا دي حكومة كفاءات، قلنا طيب، يدكم مطلوقة في كل الوزارات تشيلوا الدايرنوا وتعينوا البعجبكم، حتى التعليم قلتو مسح وكسح، طاااايب، أها مشكلتكم شنو؟
معارضة زي الناس ضدكم مافي!
ليه ما قادرين تشتغلوا؟ ما عارفين مشكلة السودان شنو؟ كنتوا برا؟
قلنا "العِيشة، العدالة، السلام، الحرية"، الحرية خليناها أمنعوا الدايرين تمنعوه، والعدالة شايفنكم بتقبضوا في ناس وتخلوا ناس وبتتماطلوا في التحقيقات، قلنا كويس، السلام لقيتوه معقد؟ نديكم شوية؟ طيب، أها عِيشة البسطاء دي مشكلتها شنو؟ ما قلتوا كفاءة وجايبين ناس من برا وعلماء وجهابذة!
قضيتوها كلها محمود محمد طه، وتشطبوا في القرآن من المناهج، وفي هوس ديني، وترفدوا في ناس ما عندكم بدائل ليهم، وتمكين مضاد، واحتفالات، وأهازيج، وسفرات نمشي نجيب منها قروش نرجع مطالبين، وغزل في المليشيات، ونبز في الإسلاميين، وشعر، وغنا، وهاشتاقات!
دايرين وقت لسة؟ كويس الناس الأوضاعهم معقولة حيصبروا، لكن لازم تعرفوا إنو ديل قلة في البلد دي، الأكثرية هم المسحوقين والمسحوقين تماما، والبتململوا أسي ديل المسحوقين بس، المسحوقين تماما ديل لو قاموا ما حيمهلوكم فرصة للفزلكة.
حاولنا نرفع درجة الوعي العام أصريتوا إنها تنخفض إلى أدنى حد، بتفتكروا دا من مصلحتكم، حاولنا نتكلم عن وحدة وطنية، استقلال في القرار السياسي، ما في زول فتح خشموا إلا وقلتوا كوز وفكيتوا فيه الغوغاء والدهماء، ظللتم من ضعف لضعف حتى استقوى عليكم العساكر وأمنوا جانبكم تماما!
ولكن حنظل نكرر رغم كل شيء:
١. الوحدة الوطنية (السياسية والاجتماعية)
٢. استقلال القرار السياسي
٣. النقاش المجتمعي الموسع
٤. رفع الوعي قدر الإمكان بتعقيدات السودان (الإنسان، التاريخ، الواقع). |
| |
|
|
|
|
|
|
|
|
 Re: العهد الذي بيننا وبينكم معيشة المواطن (Re: عمر التاج)
|
| Quote: ختامآ: رغيف مافي وقود مافي مواصلات مافي شغل مافي وكان الله في عون الشعب السوداني |
سلام عليكم
الليله فى سوق بحرى واقفين وعلى مسافه مننا فلان تانى جو ناس قناه الهلال استطلاع عن الاوضاع المعبيشيه
مننا طلع تلاته اتكلمووعبرو عن المعاناه بكلام هادى معاناه المواطن ومشو الجماعه باتجاه الفرن التانى وناسو اكتر شويه الجماعه انفجرو كلام عن معاناتهم بشكل يوريك انو الناس بتعانى وساكته لكن ماعاجبها تقصير الجهات المفروض انها تتحمل مسئوليتها تجاه حياه المواطن اليوميه (وفى كتير من مداخلاتى فى عده بوستات وضعت يدى على الجهات دى) التصفيق والتاييد الاعمى من ناس مامعايشين واقع مفضوح فيهو انو الازمات اذا فلناا مفتعله من جهه ليها مصلجه تجهض الثوره فهى تقصير من الجهه المقابله فى تراخيها وضعفها .حتى مايسمى (بل) اللى بيصفق ليهو الناس ليس الامسرحيه يستبدل فيها احمد بحاج احمد وكلام بنقولو بشواهدو مش بالمصدر للاعلام.
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: Asim Ali)
|
يا ود التاج
العهد ده كان متين و الكتبو منو و المضاهو و وافق عليهو منو
يا ريت تتكلم عن رويحتك دى و ما تدس نفسك ورا حروف الجمع
انت و اللخو البى غادى داك اللسمو الهادى مواقفكم بقت واضحة
و اليومين ديل لحقكم عثمان ميرغن
ف شنو حمدوك ده و وزارتو دى معاهم ولو اكلونا صفق القرض
او سنة ما دخلنا المستراح حتى غشانا خيط العنكبوت
ما بنبدلو بى زول و لو كان شايل عصا موسى
قال عهد قال
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: جلالدونا)
|
| Quote: التصفيق والتاييد الاعمى من ناس مامعايشين واقع مفضوح فيهو انو الازمات اذا فلناا مفتعله من جهه ليها مصلجه تجهض الثوره فهى تقصير من الجهه المقابله فى تراخيها وضعفها |
أوجزت فلخصت يا عاصم
مافي حكومة بتسقط بكلام منتقديها أو خصومها
الحكومة بثبتها عملها ويسقطها
وبتسقط فعليا عندما تقصر في أداء واجبها تجاه شعبها
وتصوب كل آذانها لتسمع أصوات الشكر والتطبيل
| |
|
|
|
|
|
|
|
|
 Re: العهد الذي بيننا وبينكم معيشة المواطن (Re: عمر التاج)
|
سلام عليكم
التقصير واضح
وين تفعيل اجهزه الرقابه فى سواء موظفى محليات او شرطه او جمايه مستهلك .
ناس موظفهفى اجهزه الدوله وتاخد مرتبات وماشايفه غلها ؟؟؟؟؟..11111
لجان المقاومه يتم فى مقاومه مجمودها وتتهم انها اخدت القانون بيدها.
.
ناخد مثل الرغيف
الناس واقفه ف ناس تجى تشترى الرغيف بكميه والطاوله تخلص فى نفرين او تلاته.
او
تواطوء صاحب المخبز
.
Quote:
بأعيننا الساهره وبتضافر الجهود
ضبطت لجان مقاومة الكدرو فجر اليوم كمية كبيره مهربه من الخبز، (أكثر من
عشرة الف عيشه) وتم التعامل بشكل حاسم وقانوني مع صاحب المخبز وتم فتح بلاغ في قسم الدروشاب
لجان أحياء بحري
 |
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: Asim Ali)
|
مرحبا جلال؛
Quote: العهد ده كان متين و الكتبو منو و المضاهو و وافق عليهو منو
يا ريت تتكلم عن رويحتك دى و ما تدس نفسك ورا حروف الجمع
انت و اللخو البى غادى داك اللسمو الهادى مواقفكم بقت واضحة
و اليومين ديل لحقكم عثمان ميرغن
ف شنو حمدوك ده و وزارتو دى معاهم ولو اكلونا صفق القرض |
الهدف الوحيد الذي اجتمعت عليه كل قوي الثورة والقوي المدنية الرابضة
وعموم الشعب المغلوب على أمره هو إزالة نظام الإنقاذ مهما كان الثمن..
وبعده جاء العهد الذي قطعناه على أنفسنا منذ بواكير الثورة
ان نساند وندعم اي جهة تسعى لتوفير العيش الكريم للمواطن..
قلنا ان الحكومة القادمة ان تحفظ كرامة المواطن وأمنه أولا؛ ومن ثم تحسن وضعه المعيشي
وان لم تستطع ذلك لأي سبب فعليها الا تنزلق بالوضع للأسوأ مهما كانت الظروف
لديكم مليارات كانت ضائعة في فساد النظام السابق وإذا توقف هذا الفساد فقط فلا شك أن رفاهية المواطن ستقترب وتتحقق..
غير ذلك لا يهم طبقة كبيرة من عامة الشعب؛ وهي الطبقة الكسيحة والراشد ضررا من الإنقاذ وعلى الحكومة ان تسعى في حاجات الناس بأدناهم..
هذه الفئة يا جلال لم تنادي من قبل بالحصار الاقتصادي على السودان ولم ترفع راياته أمام البيت الابيض
ولم تدعم يوما الحركات المسلحة ولم تحمل السلاح ضد احد؛
ولن تفجر يوما مصنعا أو مدينة ولم ترتزق من سياسات الحكومة أو المعارضة
ولم تهاجر يوما طلبا لعون خارجي أو دريهمات تاتيها من منظمات أو جمعيات
ولم تفكر يوما بالارتزاق من مال دولة أو مخابرات اجنبية مقابل ان يتضرر الوطن أو النظام الحاكم..
ولم تطبل يوما لحكومة أو تشكر البشير أو حمدوك لأنها تدرك أنهما شخصان عاديان
ولا تريد منهما وظيفة أو وزارة أو عطية فيسبوك أو سودانيز..
هذه الفئة باختصار هي عموم الشعب السوداني في الاصقاع يا جلال
مافيهم موظف حكومة؛ ولا عندهم جندي في مؤسسة رسمية؛
ولا يهمهم من بل من ومن حكم من..
هؤلاء ياجلال هم ملح الشعب
والمناداة باسمهم شرف لايدانيه شرف
ماتسمع هرطقات انتم معروفين وانتم مخربين
لأن المخرب هو من يطبل بالباطل للحاكم ويظن ان المناداة بالحقوق خيانة وشق للصف
ويظن ان عثمان ميرغني اذا ارتقي بمستوى الصحافة وطرح أسئلة ذات قوة وهيبة لرئيس الوزراء فهو كوز
ومادروا ان الدور المنفنس الضعيف الذي يريدونه فيمن يحاور الرئيس
تقمصه من قبل عتاة الكيزان فخرجنا من لقائهم بأن تعدد الرئيس في الزواج امر متعب
وان البشير كان يشجع الهلال ويملك شقق ومزارع..
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: عمر التاج)
|
سلامعمر فلة
| Quote: هشام أحمد شمس الدين |
الانت جبتا كلامو دا كوز كبير ليه ضل و تابع لحاجة اسمها جمعية الاحياء و التجديد
| Quote: العهد الذي بيننا وبينكم معيشة المواطن |
انتو منو؟
نفس الازمات الحاصلة دي كانوا بخلقوها الكيزان ايام العهد الديمقراطي
خلت الصادق المهدي يتخارج من سكات و يسلما للكيزان
تباَ للكيزان في اي مكان
ديل مفروض يعدموهم في ميدان عامو يعلقوهم في طائرات هلكوبتر و يرموهم في الصحراء
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: خضر الطيب)
|
Quote: ف شنو حمدوك ده و وزارتو دى معاهم ولو اكلونا صفق القرض
او سنة ما دخلنا المستراح حتى غشانا خيط العنكبوت
ما بنبدلو بى زول و لو كان شايل عصا موسى
قال عهد قال |
الفرق الذي بيننا وبينكم هو انكم تمجدون الرجال
والكيزان من قبل قبلكم كانوا يعبدون البشير ويألهون الترابي
أما نحن فعلينا بالبرامج والنتائج
اشتغلت فنجحت فسيوفنا معك
اشتغلت بإخلاص وفشلت امهلناك
ونصحناك واعطيناك فرصة واحدة اخري
اشتغلت لصالح ورقك وفشلت في خدمة العباد والله مش لو بقيت حمدوك أو عمر البشير
لو بقيت عمر بن الخطاب ذاتو مابتحكمنا..
قال صفق القرض قال؟
..
..
عودة لاسلوب عثمان ميرغني في حوار حمدوك..
بعض السذج يعتقدون ان عثمان ميرغني تجاوز الحدود
وما دروا ان هذه هي المدنية التي صموا بها اذاننا..
المدنية التي تمنح الصحافة هيبتها ووقارها وتجعلها فوق سلطة الوزير
المدنية التي تضع الرئيس في موقعه الحقيقي كمجرد موظف دولة
يستجيب لأسئلة الشارع بكل تواضع ويجيب عن الأسئلة الساخنة التي تمس حياة المواطن..
اما اذا أردتم الرئيس الذي تطغى هيبته على الشعب ويضيع حقوق الصحافة بسلطته
فما عليكم الا ترجعوا لعمر البشير...
وليكم علي؛ فيصل زاتو ما بيقدر يسأله أسئلة الشارع واحتياجات الشعب.
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: عمر التاج)
|
Quote: يا جلالدونا
ليتك تلتزم بما تلزم به غيرك! |
ملتزم تماما بما قامت من اجله الثورة
الحرية و السلام و العدالة
ده العهد ال اسست ليهو الثورة و التف الجميع حوله
اما صناعة الازمة بفعل فاعل كازمة الخبز مثلا
ثم يتبعها اخرين بالتهييج و التأليب و استثارة الشارع بحجة النقد
دى الحتة القريت بيها البوست ده و منطلق مشاركتى فيهو
وقع ليك يا عاطف
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: عمر التاج)
|
بوست الدولة العميقة أو قول الثورة المضادة أو قول بوست زواحف أو .... أي كان إسمكم ووصفكم
فهو بوست فضيحة وقراءة مع بقية بوستاتك يا عمر التاج بقيت مكشوف خالص وقاعد في السهلة
الغريبة بعض الشباب هنا إنجرفوا (بحسن نية) وراء بوستات الجداد الكيزاني وأحييك يا أسامة محمد
علي قراءة الصحيحة لهذا لبوست.
قال إلا ترجعوا لعمر البشير قال هههههههه
___________
ماشي (أعتل) ليك باقي بوستاتك لي فوق
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: محمد محمد قاضي)
|
مرحبا خضر الطيب
Quote:
الانت جبتا كلامو دا كوز كبير ليه ضل |
ما مشكلة بالنسبة لي الي اين ينتمي صاحب المقال
ما يهمني هو ماذا قال ومدي صحة أو خطأ ما يقول..
..
بوستات الدولة العميقة لسه ما بدت يا ود القاضي؛
وكلما تنحرف الحكومة عن مسارها ستجدنا أشد نقدا وأكثر سخرية.
وانت وباقي الجداد اقعدوا طبلوا ليها كده لامن تلحق حكومة الكيزان
وبالمناسبة دي؛ الحكومة لا تفتقد للمطبلين فهم على قفا من يشيل
الحكومة تحتاج بأصوات ناصحة تعدل مسارهل
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: عمر التاج)
|
سلام عمر فلة
Quote:
ما مشكلة بالنسبة لي الي اين ينتمي صاحب المقال
ما يهمني هو ماذا قال ومدي صحة أو خطأ ما يقول.. |
ممكن تكون ما مشكلة بالنسبة ليك لكن بالنسبة لي الوضع مختلف
اي شخص بكتب بكتب من خلال خلفيتو الفكرية و الثقافية و الاجتماعية و العقائدية
الزواحف ديل بدسو السم في اي فرصة و اي مكان و ينشروهو بقدر المستطاع
انت زول اكاديمي مفروض المسألة دي ما تفوت عليك
هسي ممكن اعلف لي من النت مقال لكوز ليهو ضل لو قريت المقال تقول الكاتب دا نبي
او نص ملاك و هو سفيه كامل الدسم و بالادلة و الجرائم بتاعتو سارت بها الركبان
يبقى يابا خلفية الكاتب مهمة .. ما قصدي خلفية حسين خوجلي خيالك ما يمشى بعيد
عارفك عكروت هههههههه
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: خضر الطيب)
|
انا بعد ما جربت ١٥ حزب خلال ثلاثة سنوات وصلت لقناعة واسخة
انه مافي حزب كعب وحزب سمح
ومافي جماعة سيئة وجماعة كويسة
ومافي طائفة حاتدخل الجنة وأخرى بتدخل النار..
كل فئة من الناس فيها الصالح والطالح؛
وحتى جيل الصحابة كان فيهم المصلح والمخطي
عشان كده بفضل دائما اخذ من كل بستان مافيه من زهور
كل أحزاب السودان ورغم تناقضها اذا عبرتها بغرض الفائدة
أو نقبت في ادبها بغرض المنفعة حاتجد فيها مايفيدك؛
وإذا احتطبت منها من طرف حاتجد فيها ما يسوؤك..
عشان كده حاتجد الخير حتى في الأحزاب المتناقضة اذا قصدت الخير..
الحركة الإسلامية فيها أرث عظيم لم يكتشف؛ الحزب الشيوعي فيه خير كثير لم يتضح للناس
الجمهوريين؛ ناس سيدي؛ الانصار؛ السلفيين..
هذه نماذج لطوائف سمحة النفوس والسجايا لا تعرفها الا اذا اقتربت منها..
البعثيين وحتى الشيعة.. جربت منهجهم واستحنت فيهم أكثر مما كنت اعيبه عليهم؛
أو تدري يا خضر ماهو الشي الوحيد الذي يفسد هذه المجموعات والطوائف
ويجعل الخبيث فوق الطيب؟
انها السلطة باخضر؛ مفسدة النفوس ومنفرة الخيرات..
السلطة التي جعلت فرعون يقول انا ربكم الاعلي
وجعلت إمبراطور الرومان يقول هل هناك اله غيري؟
السلطة التي جعلت نافع يقول للناس الحسوا كوعكم
السلطة التي جعلت البشير يرى الناس حثالة بشر
السلطة التي ستجعل حمدوك - وغصبا عنه-
يرانا يوما مجرد مخزلين وتمامة عدد..
لذا تجدني دائما بعيد من السلطة واهلها
واسأل الله ان يميتني بعيدا عنها ويبعثني من غيرها..
السلطة دائما على باطل ولا تحتاج احد يطبل لها ويزين لها الباطل
بل تحتاج دوما لمن يذكرها بسوءاتها
وبأن أهلها اطالوا الجلوس في الباطل ويجب عليهم المغادرة حتى لا يطول فسادهم..
السلطة التي لا يقهرها الا التغيير المستمر؛ وان تبقى فيها كل جماعة لفترة قصيرة ثم تفسح المجال لغيرها لكل طيب خاطر..
لكل هذا تجدني دوما من أنصار كشف سوءات السلطة وكشف زيفها لأهلها والشعب..
..
..
اليوم عليك ياود القاضي لان الحال لا يسر؛
ولكن حتى لا تحسب ان ألموضوع شخصي دعني اتعهد بأن اطبل للحكومة وأم الحكومة وأهل الحكومة حتى آخر قطرة من قلمي؛ فقط إذا أخبرتني ماذا أنجزت الحكومة وقد مر أكثر من عام على حكومة الثورة..
أخبرني كم مدرسة أنشأت خلال هذا العام
كم مستشفى اقامت؟
كم مسجد أو مسرح شيدت؟
كم جامعة أو معهد علمي طورت؟
كم طريق قاري رصفت؟
كم كبرى انشأت؟
كم طن من القمح أو الصمغ أو المعادن انتجت وصدرت؟
كم من المعارف والتقنيات أنجزت؟
كم برنامج صحي أنجزت وتقنيات طبية انتجت
كم من معاش الشعب وقوته وفرت؟
كيف سهلت أنجزت في سبيل راحة المواطن
من مواصلات وخبز ولحم ودقيق وتعليم وصحة،؟
خبرني عن أي انجاز في اي وقت تريد
وستجد بوستا باسمي يفتح لدعم المشروع
والاشادة به قبل أن يذكره الطبلون.
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: عمر التاج)
|
Quote:
انا بعد ما جربت ١٥ حزب خلال ثلاثة سنوات وصلت لقناعة واسخة
انه مافي حزب كعب وحزب سمح
ومافي جماعة سيئة وجماعة كويسة
ومافي طائفة حاتدخل الجنة وأخرى بتدخل النار..
كل فئة من الناس فيها الصالح والطالح؛
وحتى جيل الصحابة كان فيهم المصلح والمخطي |
الا الكيزان والاسلاميين.
الكيزان فاقوا سوء الظن العريض والاسلاميين داروا
في فلكهم ورضعوا من اثدائهم وسكتوا عن وسخهم
لتبنيهم نفس الخط (حق ولة باطل) الا من رحم ربي (افراد).
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: Mutasim Idris)
|
| Quote: انا بعد ما جربت ١٥ حزب خلال ثلاثة سنوات وصلت لقناعة واسخة |
خمستاشر حزب يا فلة
امنت بالله
لو حسبناها بالتساوي معناها انت كنت بتنتمي للحزب لمدة شهرين فقط
و دي فترة غير كافية في تقديري الا لو في عضة بتكون مريحة
انحنا في ايامنا كان في السودان كلو عشرة احزاب و في مدينتنا الدويم كان في خمسة احزاب فقط
ما حصل انتميت لاي حزب بطبعي ما بحب سياسة القطيع و لا بحب الاحزاب
مرة وانحنا في الثانوي قاموا جماعة اللجان الثورية بتاعة القذافي فتحوا مكتب
كان قريب من المدرسة جانا واحد قيادي منهم قال لينا يا شباب اليوم عندنا فعالية تعالو زورونا
مشينا انحنا مجموعة قلنا نمشي نشوف الحنك شنو اصلو ما عندنا موضوع و اليوم خميس استقبلونا و رحبو بينا
حضرنا الفعالية و اتعشينا معاهم و سمعنا كلام خارم بارم كتير
ادونا الكتاب الاخضر حاجة ضخمة كده مقارنة مع مناهجنا و معاهو كتاب صغير برضو اخضر
اسمو شروح الكتاب الاخضر ان لم تخني الذاكرة و بقينا مارقين
قلتا لي الشباب انحنا مناهجنا البتودينا الجامعة ما قاعدين نقراها نقرا الكتاب دا
و تاني ما رجعنا ليهم انا و شلتي هههههههه
في مدينتنا الدويم كان في الختمية و عدد كبير منهم اهلنا و ديل ناس حولية و عندهم فتة خطيرة ...يا حليلم :)
الانصار بتاعين الراتب ناس شاي لبن و لقيمات طبعاَ انا بحكي الحاصل في مدينتا
كان وقتها الشيوعين و الناصريين و البعثين و رئيس الحزب كان جارنا الله يرحموا اتوفى في حادث حركة
و ديل ما كنا بنفهم بقولو في شنو و لا الحاصل شنو
الى الآن حالي على ما هو عليه ما بحب الزحمة و النقة الكتيرة الماليها معنى
و ناس تحتكر الموضوع و تمسك بيك زمن
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: خضر الطيب)
|
Quote: انه مافي حزب كعب وحزب سمح
ومافي جماعة سيئة وجماعة كويسة
ومافي طائفة حاتدخل الجنة وأخرى بتدخل النار..
كل فئة من الناس فيها الصالح والطالح؛ |
ممكن اتفق معاك انو في الصالح و في الطالح
لكن في حالة الكيزان اختلف معاك تماماَ انو ما فيهم صالح الا صالح دقنو ود جيرانا و دا اتفه مما تتصور كان معاهم
لنفترض في خلية من الكيزان فيها خمسة اشخاص فاسدسن و الشخص السادس صالح
كيف يشوف الفساد و يسكت و مفروض مع علمه بأن الساكت عن الحق شيطان اخرس
الناس ديل عشان تدخل معاهم اول حاجة لازم يلقوا فيك نقطة سوداء
يا اما حرامي يا بتاع عيال يا بتاع نسوان يا بتاع سيجارات يا بتسكر
و بتتسجل الحاجات دي و بتتحفظ في ملفك سواء كان تسجيلي صوتي او فيديو اوحتى مستندات
عشان لما يوم تفرفر يطلعوا ليك ..لوا...ك من الابتدائي
و هم طبعاَ الخيانة تجري في دمهم
و في برنامج العربية تحدثوا عن انهم قاموا بقتل اخوانهم في التنظيم
برضو لسه مصر انو فيهم ناس صالحين
حتى لو انت انتميت ليهم في يوم
من الايام مستحيل تكون بتعرفم اكتر مني
لانو ببساطة في اول يوم للإنقلاب المشئوم انا كنت داخل الاستوديوهات الرئيسية
في تلفزيون السودان و شفتا تفاصيل التفاصيل و عرفتا انو ديل كيزان
كنا ستة زملاء وقتها منهم الزميل طارق كاشف و عوض حضرة و جمال مصطفى و حاج بركة و الخبيث الشفيع وراق الجاسوس زميل المنبر
المتعارف عليهو انو ادارة البرامج السياسية و الاخبارية هي المسئولة عن كل ما يبث في النشرات الاخبارية
و في حالة الانقلابات العسكرية بكونوا على اتصال مباشر مع قادة الانقلاب و من يمثلهم داخل التلفزيون
شفتا ناس كانوا معانا زملاء و واحدين اشكالهم غريبة بدخلو استديو الاخبار و معاهم بيانات بدوها للمذيع جمال مصطفى وقتها عشان يقراها على الهواء مباشرة
و جمال من الناس القبضوهم من البيت و جابوهم للتلفزيون من الصباح لحدي نهاية الارسال
طبعاَ قبضو الزملاء من احياء ابروف و بيت المال و الموردة و الشهداء و العباسية و ابو كدوك و بانت
فديل ما بشر يا حبيب ديل مجرد طفابيع و زواحف لا قيمة اخلاقية و لا دينية لهم
ياخ عشنا لحظات الله لا وراك ليها
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: خضر الطيب)
|
| Quote: الما بتدوره خاف الله فيه |
كويس انك يا ود البشرى حاتخليني نحسب الفترة على وجه الدقة..
لانه في ناس بيفتكروا انه حكومة الثورة جديدة ولسه ماتمت ٣ شهور
وفي ناس بتفترض انه الكيزان مازالوا حاكمين وهم البتحملوا اخفاقات الحكومة الانتقالية
نقول ليهم اصحوا ياجماعة وانسوا قصة الكيزان لأنها دي فترة أصبحت من الماضي
و صفحات الكيزان أصبحت من التاريخ تذكر للذكرى والعظة عشان مايجي ناس زعيط ومعيط يقولوا ليك كيزان وسواهي ودواهي.. ديك مرحلة وعدت يابريش والان الحكم في ايدك والنجاح والأخلاق محسوب ليك وعليك..
الكيزان فارقوا السلطة منذ منتصف ابريل من العام الماضي عندما سقط البشير واودع هو وكل قيادات الكيزان سجن كوبر..
ونحن الان في نهايات شهر يناير يكون الكيزان قد حلوا عن سمانا ليهم حوالي ١٠ شهور
يعني سنة الا شهرين.. وبالمناسبة الفترة الانتقالية بمقاييس انها انتقالية يفترض ما تتجاوز السنة
يعني بعد شهرين يفترض الفترة الانتقالية تنتهي وناس كمال عباس لسه خاتي دركة الفلول في سنة قلمه..
اصحى ياكمال وسوي ليك شغله تنفعك قبل يوم قيامتك مايجي..
لانه يوم الحساب ما حا تنفعك مراقة ان الفلول قد اضلونا السبيل وحايقولوا ليك امشي انت وفلواك الي مذبلة التاريخ..
١٠ شهور حسب الوثيقة الدستورية وحسب القياسات الأرضية يفترض يكون فيها إنجازات واضحة وكبيرة
اقلاها تكوين البرلمان؛ دم الشهداء؛ محاسبة المجرمين والمفسدين؛البدء في قانون الأحزاب والتمهيد للفترة الديمقراطية؛ تطوير التعليم والارتقاء بالتعليم العالي وتجويد الخدمات الصحية ومجانيتها؛ انخفاض الدولار الى الحد الأدنى ورخاء عام في الأسعار؛ اكتمال ملف السلام واشتراك شركاء الثورة في هياكل الحكم..
ياخ انت غير ما حاكمت البشير بتهمة حيازة قريشات ماعملت اي حاجة؛ ويدل ماتحافظ على الحد الأدنى من مستويات المعيشة الاستلمته من الحكومة السابقة انحدرت بصورة مريعة في معاش الناس وغلاء المعيشة وانفراط الأمن؛ وفي ملف السلام تفاوض ٦ شهور في ناس كانوا شركاء معاك في الثورة؛ وحتى ناس محمد المصطفى القيادي البارز (إن لم يكن الرئيس) في تجمع المهنيين الجابوا الثورة انت بتفاوض فيهم عشان يسوا شنو ماعارف؟ يعني زول جاب حمدوك بي اليد اليسرى؛ ومشي يتفاوض مع حمدوك باليد اليسرى برضه.. دا كلام عاد يا اخواني؟
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: عمر التاج)
|
يا ملك ود التاج الجماعة فاكنوا في السهلة عسي ولعل الأمور ترجع ليهم تاني .. كلن هيهات هيهات ههههههه
شوف قال شنو في بداية البوست ... إذا أثقلتموها علي المواطن هههههاااااااا وقومناكم بحد السيف ونحن في
حزب الوطن الكبير هههههها وجاب ليه كمان تهديد .. قال حواء والدة قال ... آها
لا وكمان عايز (النظام الحاكم في السودان علي حسب وصفه) يبني كم مدرسة ومستشفي وسلخانة ومحطة مترو
ومخبز آلي ههههه وهلمجرا في مدة عشرة شهور يعني سنة إلا شهرين بعد المفاوضات مع ود البشرى كتر خيرو
أنا ماشي أشوف بوست كمال عباس شايفو جاب كثافة ود التاج هههههههه
بالمناسبة عايز أسأل وينو كمال فرانكلي؟ الزول ده كان وااااضح وعضو فعال في حزب الوطن الكبير خخخخخ
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: محمد محمد قاضي)
|
Quote: الا الكيزان والاسلاميين.
الكيزان فاقوا سوء الظن العريض والاسلاميين داروا
في فلكهم ورضعوا من اثدائهم وسكتوا عن وسخهم
لتبنيهم نفس الخط (حق ولة باطل) الا من رحم ربي (افراد). |
هي سكرة السلطة المطلقة يا معتصم؛
وفي ظل غياب الديمقراطية يتحول طلاب السلطة الي شياطين
ليس لانهم كيزان؛ فلقد تمتع بالسلطة في عهد الإنقاذ أناس كثر من شتي الاحزاب
اغلب الأحزاب الكبيرة والصغيرة انضمت منها قيادات للانقاذ فافسدتهم السلطة وافسدوا الوطن
حزب الأمة الام، وجناح الصادق الثاني؛ وجناح مبارك المهدي؛ وحزب الاتحادي الاب؛ وجناح مسار؛ وجناح الدقير؛ والسلفيين؛ والبعثيين؛ والليبراليين؛ والشيوعيين؛ والمتمردين؛ واحزاب الفكة ال٩٩..
كل هؤلاء لم يكونوا كيزان وشاركت منهم جماعات ووحدانا في سلطة الإنقاذ وعاثوا بها فسادا..
هي نفس السلطة التي جعلت مدير مكتب الوزير يطالب بمعالجة اخت وزير لم يقضي سوي شهر في حكومة الثورة..
ونفس السلطة التي جعلت قيادات من الحرية والتغيير تبرى حميدتي من قتل الثوار خوفا وطمعا..
ونفس السلطة التي يستغلها الناس في مطاردة المتظاهرين في الشوارع وتجار العملة في برندات السوق العربي..
انها سكرة السلطة التي لا نريد لاحد ان يشبع منها فتجوع نفسه من كل انسانية وكرامة..
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: عمر التاج)
|
اتخوفني بالكفر البواح يا ملك
كدي خليهو يتحل من كوزنة الرفيق نصر الدين اولا..
الأجانب لاشان لهم بخلافاتنا الداخلية
وعشان اكون معاك أكثر وضوحا
هؤلاء الانجاس اذا كانوا حلفاء لكم
فارتقبوا تحالفنا القادم مع الكيزان والمستقلين والجنجويد ذاتهم.
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: محمد على طه الملك)
|
Quote: لو حسبناها بالتساوي معناها انت كنت بتنتمي للحزب لمدة شهرين فقط
و دي فترة غير كافية في تقديري الا لو في عضة بتكون مريحة
انحنا في ايامنا كان في السودان كلو عشرة احزاب و في مدينتنا الدويم كان في خمسة احزاب فقط |
فترة الثانوي والجامعة هي انسب فترة عشان الزول يكتشف آفاق السياسة
والفترة دي مهمة لأي بني آدم يعرف حقيقة كل حزب أو تنظيم
وبالمناسبة مافي حزب أو جهة حاتعرفها كويس الا تعيش معهم تجربتهم حقيقة
إذا كنت بتنظر ليهم من بعد أو من عل مستحيل تفهم ليه اعضاء الجماعة ديل مقتنعين للفكرة وبموتوا احيانا من اجلها
لذا كانت تجربة الدخول في الأحزاب ومعايشة واقعهم تجربة مفيدة
وما شرط تتنظم وتبقى كادر عندهم او حتى ممكن ما تحضر اجتماعاتهم
ولكن يكفي ان تنفذ مناشطهم لكي تعرف الفرق بينهم وغيرهم..
تتخيل كان معاي زميل في ثالثة ثانوي هو الشجعني على هذا التنوع
في تانية كنت أقرب الشيوعي؛ وفارقت درب اهلي الختمية من الزمن داك
في بداية تالتة قلبت أنصار سنة وعينوني أمام مسجد المدرسة
لم فيني صاحبي ده قال لي وكتنين بتحب تجرب رايك شنو تمشي معاي الكنيسة
قلت ليه مفارقة معاي.. ده هو التنوع المظبوط وقد كان..
يومين اتعرفت على زميل المنبر (م) ؛ وكو قلبت شيعي
وسنتين الجامعة ديك حكاية براها..
المهم التنوع مهم جدا لأي باحث عن الحقيقة
وما مشكلة لو تسفسف معهم شوية وتجرب زلابيتهم وباسطتهم؛
ولكن تاكل بأدب..
وماتنسي مهمتك الأساسية التزود بما عندهم من علوم ومعارف..تقرأ وبس.
شهرين تلاته بتكون كونت فكرة كويسة وحصلت ذخيرة ما بطالة وكونت صداقات جيدة
وديل التلاتة بواصلوا معاك وانت بتنتقل للجماعة التانين وبنفس الفهم وهكذا دواليك..
كل هذه التجارب رسخت لي أن الجماعات السودانية جماعات على نياتها
صحيح فيها بعض المتفلتين وسفاكين الدماء ولكن دي أدوار محصورة ومقدور عليها
ويمكن تتطور لو عاش السودان ديمقراطية حقيقية ولو لفترتين فقط..
و يقيني ان الشعب يمكن أن يتحد على فكرة كما توحد على فكرة إزالة نظام الانقاذ
وممكن تاتلف جماعات من تنظيم ان مختلفة كما يلتف الجمهور حول هلال مريخ
ويمكن ان يتشكل الشعب كله بمختلف احزابه واتجاهاته قوة واحدة اذا ظهر مهدد خارجي أو عدو مشترك
ويمكن لكوز أو أنصار سنة ينتقل من أقصى اليمين ويصبح كادر في احد أحزاب أقصى اليسار..
عادي جدا وتجربة معاشة بكثرة..
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: محمد البشرى الخضر)
|
Quote:
هههه ود التاج جهز لستة وقال ح يتمرد يا ود القاضي ..
كلو من ود البشرى ودينق ..
مافي مشكله ممكن نحجز الاتنين ديل منو بس هو كمان يصلح معانا ياخي. |
لو بقت على ود البشرى و ود القاضي ودينق حكومتكم براها بتسقط يا ملك
وما دايرة مننا اي بوست؛ نحن بنسخن بيكم شوية عشان يظهروا كوادر أكثر كفاءة
لكن نحن والله ما دايرنها تسقط
كفانا الحكومات السقطت قبل كده وخلت حال البلد مابيسر..
عايزين حمدوك وجماعته يشدوا حيلهم شوية وينقذوا المواطن المسكين من الحفرة الهم فيها دي..
الحكومة لما تمسك البلد يفترض ما تبطبط وتقول فلان سوي لينا وفلان حمر لينا
أملا قاسم انت واتخزم واستخدم أدواتك ونفذ برامجك القوية الممكن تنفذ حال البلد...
مافي حكومة في الدنيا بتجي بثورة أو إنقلاب وتلقى بلد جاهزة
ولو كانت جاهزة ما كان الثورة قامت ولا الانقلاب اتعمل..
الكيزان زاتهم لما مسكوا البلد وجدوا الخزينة فاضية والصفوف في اي مكان والشعب عايش عالة على الامريكان؛ وحتى قالوا لدينق بدل تاكل من فتافيت الكوتات البتسرقها من الكيزان تعال عندنا نديك من فتافيت جيشنا مباشرة هههه.
المهم الكيزان استلموها فاضية وسلموها فاضية..
والحكومة الانتقالية بتاعة الجزولي سوار الدهب برضو استلمت فاضي وسلمت نضيف..
أها اسه حكومة قحت اذا ما قدرت تسلم نضيف حقو تشارك ناس المهدي و الدقير وذو النون
ممكن ربنا يجعل على ايديهم بعض الفرج..
طبعا موضوع التمرد ده خاتنو خيار اخير؛
ولو كنا مقدمنه كنا قدمناه على الكيزان الاكلوا حقنا على عينك ياتاجر
وطلعونا من البلد ظلما وبهتانا..
ولكن حقنا الخاص خليناهو للرب الخلقهم وخلقنا
والفوضى ما حبابها حتى ولو جعلتنا ملوك العرب والعجم والجنوبيين
| |
|
|
|
|
|
|
|
|
 Re: العهد الذي بيننا وبينكم معيشة المواطن (Re: عمر التاج)
|
بعد يومين ام ربنا سهل عايز ابقى امعة زي محمد القاضي ده
واقوم اطبل للحكومة دي (اي حكومة تصادف يوم بعد بكره)
اطبل ليها لامن ربنا يغفر ليها..
عايز اجرب احساس الناس البطبلوا بالحق والباطل ديل شنو؟
هل هي هواية ولا حب ولا عمى ولا إدمان ولا الحكاية فيها قروش؟
لكن ياجماعة بشرط؛ حا اطبل ليوم واحد فقط
وناس المعارضة الحقيقية يتحملوني شوية اليوم داك؛
طيب؛ حا اكون محتاح حبة تمرين على التطبيل عسى ولعل يعينني على ذلك اليوم الاسود..
وارجو ان اسمحوا لي بهذه البروفة الصغيرة..
تحت عنوان (أخيرا.. فرجت)
Quote:
جيش من الجراد بمساحة باريس يرحل من اليمن ليهاجم المحاصيل في الصومال وكينيا وقد تتضاعف أعداد الجراد 5 مرات لتهدد السودان أيضاً في ظاهرة لم تحدث بهذا الحجم منذ 70 عاماً
حكومات هذه الدول تناشد الأمم المتحدة والطريقة الوحيدة هي رش المبيدات الحشرية من الطائرات.
كسره :هوووي يا جراد السجم والرماد إت عارف إنك وجبة ويا حلات شيتك
وقليتك بزيت الفول
احححح مقرشة يااااخ مقرشة |
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: عمر التاج)
|
الحكومه الانتقاليه (المدنيه) مدعومه بظهيرها السياسى (ق ح ت وتجمع المهنيين) وشراكه مع شق عسكرى ربما كان ظلا لواقع ننكره .
نعرف ان الحكومه اعلاه لها مهام محدده على المستوى الاتحادى -محاكماتوعداله انتقاليه وازاله تمكين واصلاح قانونى واقتصادى- وعلى مستوى اخر لايمكن ان ننكر مسئوليتها عن معيشه المواطن اليوميه (التى يتولى مسئوليتها بشكل مباشر العسكر على المستوى الولائى ومادون) .
الكلامحقيقه بيتهرب منها كل يضرب كيبورد مدافع عن الانتقاليه ومبرر لعجزها عن اداره ازمات الوطن المزمنه فى عجز فادح (طالما كان الظهير السياسى طيف عريض سياسيا ومهنيا ومنظماات مجتمع مدنى).
الناس بتدافع وبتبرر على اى اساس؟
على اساس واقع معاش ام على اساس تخبار متداوله عبر الوسائط تتابع لاشباع احساس بالغبن من نظام كان من المفترض ان يقف الجميع لاجل تحقيق اهداف و (من داخل الوطن) لازاله التمكين واحقاق العداله ورد المظالم والاسهام الفاعل فى اصلاح ما افسده نظام عبر تميكن 40 سنه وحكم 30 واصبح للواقع الان امتدادات اقليميه ودوليه سواء لصالح جماعه الاخوان او المعسكر الاخر المناوىء للاخوان. وتنظيمهم الدولى.
.
اللد ربنا اداها مع فيضان الثوره خريف عامر بامطار وسيول لم تستثمر وتستنهض همم الشعب ولو لعام واحد حتى يستعيد الوطن عافيتو ويستعيد المواطن كرامتو ولكاحدث رحله بحث عن القروض والاعنات ولهاث غريب خلف سعر الدولار !!!
كيف يتعافى الجنيه لايوجد انتاج ؟؟؟
نعم انتاج ولو حتى زراعه بادوانا البدائيه ورابطين الاحزمه على البطون.
الشعوب التى اى نهضت استحقت النهوض والتقدم بانغلاقها على نفسها فى عزه وكرامه ودونكم اليابن والمانيا
نعم الماينا اللى كان دور النساء فيها .عظيم بسبب نقص اعداد الرجال فخرجن للعمل
ونحنا مسترخين نتدوال اخبار مانتوقعه من عطايا هذها او ذاك من دول او منظمات فى عجز واضح ويعطى اشارات لمستقبل لايختلف كثيرا عن ماضى ملىء بالفشل والصراع حول السلطه وسقوط مريع فى وحل القبليه والعنصريه والجهويه والطائفيه
اما حمدوك فقدضيع فرصه ان يكون قائد تاريخى لنهضه شعب السودان وثورته
فمايحدث الان ان البلد شعب وثوره يسيرو فى مجرى حفرو اصلا الكيزان فى مخطط جهنمى للخروج من مازق الانقاذ 1 والعوده بنسخه اخرى الانقاذ 2 ووجوه جديده وانتم مازلتم تلهثو وراء الرموز القديمه والمؤتمر الوطنى القاعد هسى مجرد (لهايه) ليكم من مايدبر حقا وبعضو يجرى امام اعينكم (عفوا ترون اخباره متتاليه ).
علينا انتظارماتتمخض عنو الاحداث والايام فقد فات الاوان عن تحقيق احلام مابعد سقوط الاخوان.او (البشير) الذى قدم لكم كبش فداء بسقوطو لانكم لم تعرفو من تصارعون وكيف يفكرون.
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: عمر التاج)
|
Quote: حجج أنصار حمدوك لتبرير الفشل نحن رفضناها قبل كده
ومافي حاجة بتخلينا نقتنع بيها الان |
| Quote: اقولها صادقا وحازما؛ الكيزان تاني ما بجوا للسلطة قبل ١٠ سنوات.. |
يا زول مالك بيقيت تفشي أسرار التنظيم أقصد حزب الوطن الكبير بتاعكم .. أعمل حسابك ناسك ديل إنتا
عارفهم مجرمين بلحقوك أمات .......... طه الحسين ههههههه
Quote: وما دروا ان هذه هي المدنية التي صموا بها اذاننا..
المدنية التي تمنح الصحافة هيبتها ووقارها وتجعلها فوق سلطة الوزير
المدنية التي تضع الرئيس في موقعه الحقيقي كمجرد موظف دولة |
بالله كلمة مدنياااااااا كانت قادة أضانك للدرجة ده هههههه مدنيااااااااااااااا
Quote: لذا كانت تجربة الدخول في الأحزاب ومعايشة واقعهم تجربة مفيدة
وماتنسي مهمتك الأساسية التزود بما عندهم من علوم ومعارف..تقرأ وبس. |
طبعا الكوز ممكن يبقي أي حاجة وعشان مهمته الأساسية عادي يبقي شيوعي شيعي علماني
بوذي أنصار سنة هندوسي جن أحمر يهودي شيطان رجيم فالكوز وإبليس ما في فرق هههه
| Quote: عايز اجرب احساس الناس البطبلوا بالحق والباطل ديل شنو؟ |
قلت لي عايز تجرب تتطبل ههههههههه وإنتا قايل نفسك كنت بتعمل في شنو ؟؟ إنت ما
كنت بتنظم ورش تدريب وحاسوب للجكس وقيام الليل خخخخخ
شكرا حمدوك والله
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: محمد محمد قاضي)
|
Quote: الكوز الحقير عمر التاج.
عهد أيه وبطيخ أيه معاك، |
الشاويش دينق
كلمة العهد ممكن تفهمها اذا كنت زول سوي
وبتدرك مغزى قول رسولنا الكريم (العهد الذي بيننا وبينهم الصلاة, فمن تركها فقد كفر)
وهذا هو بالضبط ملخص البوست لمن يفهم ، الحد الأدنى لقبول هذه الحكومة هو الاهتمام بمعيشة المواطن
حديث مثل هذا لن يفهمه خنزير ملئ بالأحقاد ويصف الناس بكلمة حقير ..
الحقير منو يا نجس ياخنزير ؟
حقير أنت البتكتب في منبر دولة انفصلت عنها بكامل وعيك وكنت من الداعمين للانفصال في المنبر ده
عذرا ، كامل وعيك دي مقصود بها كامل ارادتك، لانك أصلا انت زول بتاع طشمة وعبابير ، حا توعي متين؟
حقير انت الشايل سلاحك عشان تقتل المسلمين داخل بلادهم ، والعراق وسوريا بتشهد دخولك مع الأنجاس
حقير انت البتشعل النار في بلدك الجنوب وتجي جاري تحتمي في الخرطوم وتسرق كوتات السكر وتهرب لاربابك الامريكان
حقير انت الشغال جاسوس وعميل وخائن ومرتزق بسلاحك حايم من دولة مسلمة لدولة مستقرة تفرغ رصاصك في جماجم أهلها وتعيث فيها الفساد ..
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: عمر التاج)
|
المطبلاتي ود القاضي
| Quote: بالله كلمة مدنياااااااا كانت قادة أضانك للدرجة ده هههههه مدنيااااااااااااااا |
حلوة كلنمة مدنيااااا الطالعة من بقك في الزمن ده
شايفها اختفت واسيادك زاتم بقوا ينكروها
القادة قاوا ايه؟ قالوا الجيش والدعم السريع هي البتحمي الدولة المدنية ..
ياراجل، ده مش جيش الكيزان وبرهان الوسخان وحميديتي السفاح ؟ ولا جبتوا جيش جديد
المدنية نحن بنفتش ليها قبل الثورة ، ومن اليوم فصاعدا اتحملوا مناداتنا بها
ماعايزين جيش ولا بوليس ولا امن في السلطة
ماعايزين عسكري يكون في منصب سياسي او دستوري
ماعايزين حصانة لشرطي او فرد امن او جيش عشان يعتقل او يضرب او يحاكم مواطن في ومحاكم عسكرية ..
مادايرين قوة مسلحة في الوطن الكبير ده إلا قوة نظامية موحدة ومحدودة العدد وعالية التدريب والأخلاق ..
جيش يعني جيش ، لا دفاع شعبي ولا دعم سريع ولا مليشيات ولا غيرو ..
يلا يافالح ابدأ طبق لينا شوية الدروس المدنية دي وتعال اهتف مدنيا وحرية وعدالة زي ماعايز ..
مش تحتفل لينا بالشراكة مع العسكر مع كل أزمة ،
وفكنا من سياسة تضخيم مليشيات الدعم السريع لدرجة أنها في عهدك أصبحت القوة رقم (1) يا مدنيااااااو
| Quote: كنت بتنظم ورش تدريب وحاسوب للجكس وقيام الليل خخخخخ |
أبقى راجل واثبت كلامك ده ..
وماتقول لي قالوا لي، ملفات الدولة كلها تحت ايديك طلع منها مايثبت كلامك الفارغ ده .
| |
|
|
|
|
|
|
|
|
|
Re: العهد الذي بيننا وبينكم معيشة المواطن (Re: محمد محمد قاضي)
|
لغتي ما اتغيرت يا ود القاضي، نفس اللغة ولكن بأسلوب يتماشى مع اسلوبك الأخير ..
طريقتك الأولى الكنت بتجرجرني فيهو منذ فترة ،
انا ماعندي معاهها مشكلة ومستعد اتماشى فيها معاك لحدي ما تصل مبتغاك ..
ولكن انحدارك للتهديد والاتهام من عينة :
| Quote: إنت ما كنت بتنظم ورش تدريب وحاسوب للجكس وقيام الليل |
فده المابسمح ليهو يمر دون دليل أو برهان .. أما تثبته أو تعتذر منه ..
| Quote: ولي كل الشرف أن أكون مطبلاتي وإمعة للدكتور عبد الله حمدوك |
ده خيارك وما في زول بلومك عليه ..
ولكن طريقتي في التعامل مع المسؤولين ونجوم المجتمع بتختلف عن طريقتك ، وده هو الفارق بيني وبينك، لا أكثر
أنا بنتقد من طرف ، وما عندي انسان كامل أو شخص مقدس ..
وما بنتقد الانسان في شخصه إلا أذا استهدفتي في شخصي
ولكن بنتقد المواقف وخاصة البتمس مصالح العامة ..
وأسه لما فتحت البوست ده كان الغرض واضح زي الشمس
وهو نقد الحالة الاقتصادية والوضع المعيشي للمواطن العادي ..
الزول الما عادي ، زيك كده كمريد أو مطبلتي أو إمعة للنظام،
وكذلك المسؤولين أنفسهم وكبار المستفيدين منه
في الغالب لا يشعرون بوضع المواطن العادي ولايحسون بنبض الشارع
لأنهم بعيدون عن معايشة الواقع
ودي حقيقية بتتوفر في كل العهود ولم تكن قرينة للكيزان فقط ..
لأنه في الوقت الحالي مافي وزير بقيف في صف عيش
ومافي مسؤول بركب مواصلات عامة
ومافي شخصية بارزة بتعاني من أزمة القمح والوقود
لأنهم بركبوا افانتي حكومية ووقودهم من جيب المواطن
لذا كان من الضرورة تذكيرهم بهذا الحال المائل ونحثهم على ضرورة البحث عن الحلول والبدائل
حبيت تذكر معنا مرحبا ، وممكن نساعدك بالحلول حتى تعبر بالناس مشاكلهم
حبيت تطبل ساكت وتشكر من طرف ، ده حقك ومافي زول بمنعك
ولكن برضو من حقي أن أكتب و أتحدث بصوت الشارع
العايشو أكتر منك ومن جماعتك ومن من تظنهم أحق بالشكر والتطبيل.
وفي النهاية لكل العتبى إذا أصابك رشاش حروفي فيما لم تكن تتمنى .
| |
|
|
|
|
|
|
| |
عمر التاج
adil amin
Salah Zubeir
Osama Mohammed
محمد البشرى الخضر
Asim Ali
جلالدونا
خضر الطيب
محمد محمد قاضي
Mutasim Idris
محمد على طه الملك
Deng
ABDALLAH ABDALLAH
فيس بوك
تويتر
انستقرام
يوتيوب
بنتيريست