اذكر في عز ايام الثورة، إن البوستات كانت تتناسل بين الحين والآخر، و تدعو الناس للعصيان المدني لاسقاط الحكومة ، وكنت على عكسهم اكتب ان البقاء في البيوت خطة فاشلة لا تخدم الا النظام الحاكم، وان الحكومة لا تسقط الا عند الخروج للشوارع والإعتصام في الميادين المكشوفة، البعض كان ينظر إلى قولي هذا شذرا ويكتب عن عنصر الخيانة فيه، ولكن الواقع صدق قولي وأثبت ان الاعتصام المدني لا موقع له من سقوط الأنظمة المتهالكة.. وها نحن اليوم نشهد عصيانا مدنيا إجباريا في كل مرافق الدولة تقريبا، خطط له ابالسة الكورونا، ولكنه لم يؤثر مثقال ذرة في اسقاط حكومة حمدوك ان لم يقوها..
03-23-2020, 03:43 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7208
تلك ايام عظيمات يا حافظ، اختلطت فيها مشاعر الفرح بالخوف، والفوضى بالنظام، والاجندة الشخصية بالوطنية، والثورة بالثور.. كان المرء يصبح ثائرا ويمسي حائرا، يصبح أسلاميا ويمسي يساريا، يبدأ ثوريا وينتصف نهاره وطنيا ويختم يومه في معتقلات نفسه والخوف من فوضى المستقبل.. تختلط الاهازيج والمشاعر ولكن يبقى الهم المشترك هو التغيير، والتغير فقط أينما اتفق.. الان الناس تعتصم في المنازل، والخدمة المدنية تتهاوي وتصبح في أصعب حالاتها، والبرهان يتنمر، وحميدتي يكبر لكي يشيل هم القوات المسلحة الرسمية والمتمردة، وحمدوك يجد الوقت المناسب لكي يعيد ترتيب أوراقه وملفاته، والمعارضة تؤجل حشودها الزاحفة.. ولا جديد تحت نهضة الوطن.
03-24-2020, 10:54 AM
Nasser Amin Nasser Amin
تاريخ التسجيل: 02-07-2017
مجموع المشاركات: 3562
تفتكروا لو ان جماعة الزحف فكروا كويس مع ظهور وباء الكرونا لو غيروا فكرة إقامة المسيرات الحاشدة بمنشط اخر كالاعتصام المدني ثم جاء قرار مؤسسات الدولة بابقاء الناس وقرار البرهان بحظر التجول.. مش حايكون منشطهم اتحقق بنسبة ١٠٠٪ وبمساعدة الحكومة بشقيها القحتي والعسكري ومش حايكون موقف قحت الان ان برجع الناس لأعمالهم حتى لا ينجح الاعتصام ههههه.
03-24-2020, 11:58 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
في فيلم homefront جيسون ستاثام شرطي متخفي متقاعد مشى يربي بنته في قرية بعيدة لكن اتشاكلت مع ولد واحد في عصابة مخدرات وجيسون طبعاً عاوز يبعد عن العصابات لكن الأمور باظت ودخل معاهم في كم مشكلة وهو حريص على إخفاء هويته لموا فيه ناس العصابة وقبضوهو من بيتهم وساقوهو وكر العصابة بعذبوا فيه .. رئيسهم قال ليه: Everybody had you figured for a cop,You walk like a cop, you fight like a cop,you even smell like a f**king cop. الناس كلها عارفاك شرطي، بتمشي زي الشرطي، تقاتل زي الشرطي، حتى ريحتك ريحة شرطي
هو الكوز دة إلا يهتف في سبيل الله قمنا؟! الكوزنة اسلوب حياة
03-24-2020, 03:30 PM
عمر التاج عمر التاج
تاريخ التسجيل: 02-08-2008
مجموع المشاركات: 3422
بس يا هم يا ناصر اوفي البلاد معارضة منظمة غيرهم؟ .. ..
Quote: انا فتكرتها خطأ طباعة
ياها بتاعة العنوان يا محمد انت قولها صح وأنا بشرح المعنى، المقصود هو البقاء في البيوت وعدم الذهاب للعمل.. .. ..
Quote: هو الكوز دة إلا يهتف في سبيل الله قمنا؟! الكوزنة اسلوب حياة
سو وات يا احمد؟ انا اول من فتح بوست باسم (الكوزنة سلوك) في هذا المنبر والمنبر المجاورة .. ثم ثانيا انا ما حريص على أن انفي اني كوز أو جك.. ولا اشير لذلك في ردودي الا لمن سألني بشكل مباشر.. لذلك فليظن كل من يظن كما يظن، اي دونت كير انا اكتب فقط عن قناعة من نفسي والاسلوب الذي يريحني. وبعدين مين قال ليك أن كل من قال (في سبيل الله قمنا) كوز؟ قالها من قبل المرحوم غازي سليمان، وسمعتها منه (بأضاني) دي.
03-24-2020, 03:53 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
أهااااااا لا لا كان كدة معليش مادام ماشي على خطى غازي سليمان لأنه في الآخر أعلن إنقاذيتو وبقى يقول لا بديل للبشير وإنه الإنقاذ أصبحت في رقة حنان بلو بلو .. أي والله زي ما بقول ليك كدة
03-25-2020, 10:06 AM
عمر التاج عمر التاج
تاريخ التسجيل: 02-08-2008
مجموع المشاركات: 3422
غازي سليمان ده كان شيوعي زيك يا احمد، بس هو كان قيادي مش مجرد مونساتي، كان معارض للكيزان أكثر من الحاج وراق وساطع الحاج ومحمد البشرى... مين محمد البشرى ده؟ المهم لك ان تتخيل كادرا شيوعيا كغازي سليمان يشكر البشير ؛ وهو بالتأكيد لم يعش عيشة الكيزان حتى مات، ولم يمت ميتتهم، وأمثاله كثر من بقية الأحزاب .. كدي انت خليهو غازي، كلمني عن الزعيمين الازال البشير حكومتهم، المهدي والميرغني؛ قالوا شنو عن البشير لما كان يزين صدورهم بالاوسمة والنياشين؟
03-25-2020, 11:44 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7208
غازي سليمان ده كان شيوعي زيك يا احمد، بس هو كان قيادي مش مجرد مونساتي --------------------------------------------------- غازي لم يكن يوما عضوا في الحزب الشيوعي ، فكيف يكون كادر قيادي ؟؟
03-25-2020, 08:22 PM
عمر التاج عمر التاج
تاريخ التسجيل: 02-08-2008
مجموع المشاركات: 3422
Quote: اقعد أنا اركز معاهو عشان أفرز ليهو كتب الإعتصام ولّ العصيان؟
الأيام دي حا نعذرك من التركيز لأننا مقدرين تركيزك مع الكورونا لكن لما يجي وقت الجد حا نرجع بيك للكلام عن الوثيقة الدستورية عشان عايزة منك حبة تركيز وبالمناسبة دي فتحت ليك بوست مخصوص عن كلامك بتاع (صديق = البرهان) لكن شايفك عامل رايح منه .. .. .. مرحبا خالد العبيد
Quote: غازي لم يكن يوما عضوا في الحزب الشيوعي ، فكيف يكون كادر قيادي ؟؟
دي معلومة جديدة علي خالص .. طيب هو جاء طاير للبشير من وين ؟ نحن كنا بنحسب علاقته بالحركة الشعبية مدفوعة من الحزب الشيوعي ، مثله مثل ياسر عرمان وباقان أموم ...الخ وكمان في كلامه في الفيديو أدناه كان بيعترف بانتمائه للجبهة الديمقراطية وبيقول أنه عاش يساريا ومازال يساريا ، ولا أدري هل تعني بكلامك أنه لم ينضم تنظيميا أم لم يحمل الفكر الشيوعي يوما؟
03-25-2020, 08:44 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
هو ما عمل رايح وبس، هو ما زال ينبش في الشيوعي اللي جواه وبعدين الشيوعي لم يعد هو الولد الشقي تارك الصلاة اللابس مقطع وبعارض روحو الشيوعي الزمن ده بقى استايل ، لابس فل سوت وقريب من أهل السلطة، يصلي في الصف الامام ويصوم مع الناس ويفطر بويسكي (هو الشيوعي دة إلا يهتف الحسم الثوري يا أبو القاسم ) يا أبو حميد
03-26-2020, 09:45 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12477
حبيبنا التاج .. تحياتي يا سلام يا الحبيب .. زمان أيام الشباب والعنفوان صور كاسترو وجيفارا وناس عبدالخالق والشفيع و( هو شي منا ) الفيتنامي .. كنا نكره امريكا والاخوان كمان عندما نكون لوحدنا نقول نحن ( شيوعيين ) لكن جهراً اشتراكيين .. محمد ابراهيم نقد لم يكن لديه كاريزما كما ( الشفيع وعبدالخالق) ضيع الحزب تخيل الكلام ده في اقصى الشمال ( ضواحي الدنيا ) الشيوعي بالنوبية ( شووي ) حرف الـ (ع) في لغتنا ما في اذكر في الانتخابات زمان كان مرشح ( المحامي حسن عبدالماجد ) هو زوج أخت الفنان محمد وردي كان مستقل اخيرا ناس من تحت اكتشفوا انه شيوعي .. تراجعوا عن التصويت له .. نحن كنا مؤيدين له ( رحمهم الله ) رغم أن في ذلك لم يكونوا ملتزمين بالعقيدة .. ولكن السلوك والموروث كان يمنع أي انحراف عن الدين ..
تعرف بس لو غيروا اسم ( الشيوعية) كانوا فازوا لأنهم كانوا ناس محبوبين ( ده زمان ) لا أعرف اليوم
____ سمعت جمهوري وشيعي قبل كدة .. وفيني الرقشة :) بسمع علماني ملحد ما عارف بقولوها ملصقة كدة ليه! الأولى قطع شك فيني والتانية ما بعيدة فركة كعب :) لكن النصيحة شيوعي دي أول مرة اسمعها
ممكن تقول الزمن داك لكن ما اعتقد بعد انهيار الاتحاد السوفيتي ممكن زول يتبنى نظرية الشيوع من جديد يعني الاتشيع قبل انهيار النظام الاشتراكي ممكن يفضل ولاءه لي فكرته لكن زول في 2020 يعتنق النظرية الاشتراكية في النظام الاقتصادي دة ببقى لي زي ناس الاسلام هو الحل بتكلموا عن حلول خيالية أو أثبتت فشلها ويرموا اللوم على اللي طبقوها
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر التاج
Hafiz Bashir
Nasser Amin
محمد البشرى الخضر
خالد العبيد
Salah Zubeir
جمال ود القوز
علي عبدالوهاب عثمان
فيس بوك
تويتر
انستقرام
يوتيوب
بنتيريست