|
|
|
 Re: الطابق البوخه.. (Re: صديق مهدى على)
|
(سلام ود حامد العنوان ما ليهو علاقة بالبوست ههههها
ملحوظة:-
ياخ دجلة فى العراق وانت فى السودان ولا ماعاجبك نهر النيل يا ابن النيل)
وعليكم السلام يا أستاذ صديق،
1- أعدك المره الجايه سأوجد علاغة بين العنوان والمضمون ،
2- فيما يتعلغ بالنيل ودجله كلها موية الله ، معليش مشيها لي المره دي..
شكرا يا عزيز على النصح والتوجيه وربنا يحفظكم ويرفع عنا البلاء، على أي شاكلة أتى..
..
| |
  
|
|
|
|
|
|
|
|
Re: الطابق البوخه.. (Re: ABUHUSSEIN)
|
(زولتك دي بتكون قالت الكلام دا قبل الحجر المنزلي بعد الحجر لو سألتها عن كلامها دا حا تنكرو ..)
ارف يا عادل، هذا الوضع أثر على كثير من أناس كنا نظنهم أسوياء في تفكيرهم ، ليس ذلك حصرا على
من ليست لهم علاقة بالطب ممن نجد لهم العذر، لكن هنالك أطباء ، أو هكذا قدموا أنفسهم، أفتوا بغيبيات
لا أظن أنهم كانوا سيتطوعون بتلك الفتيا في ظروف عادية حتى بدأ يساورني أن المحنة أحدثت خللا في توازن البعض.
عموما ، زولتك دي يبدو (ماليه يدها) وبالحجر أو بدونه ستمضي في مشروعها الحضاري ..
| |
|
|
|
|
|
|
|
|
|
Re: الطابق البوخه.. (Re: ABUHUSSEIN)
|
مرتضى يا صديقي ...
لك التحية و من عبرك للجميل احمد القرشي ...
الحبسة اجبرتنا على اشياء عجيبة ...
التلفونات بتكمل ... و اصحابك ما كل يوم حتقضي الوقت كلام معاهم ... ياهو ما فضل ليك الا الزول داك عشان تطق حنك ...
امس في اتصال مع احد الاصدقاء قال لي و يكتسيه الحزن:
تصدق يا قباني امس قت لام العيال حاجة ما قلتها لي 20 سنة...
قلت ليو اها ..؟؟
قال لي سالتها لو فاضية ممكن تجي تحضر معاي مسلسل !!!
ضحكت و حكيت ليهو كلمة عماد حمدي في مسلسل عيلة الدوغري لما قال :
" اللي مش طايق تبص في وشه دلوقت ... بكره تتمنى تبص في قفاه"
يا صديقي ... الله يشيل الغمة و يسلم الناس بس ...
و اديها بوخه المافي شنو ... هههه
| |
|
|
|
|
|
|
|
|
|
Re: الطابق البوخه.. (Re: يحي قباني)
|
Quote: ارف يا عادل، هذا الوضع أثر على كثير من أناس كنا نظنهم أسوياء في تفكيرهم ، ليس ذلك حصرا على
من ليست لهم علاقة بالطب ممن نجد لهم العذر، لكن هنالك أطباء ، أو هكذا قدموا أنفسهم، أفتوا بغيبيات
لا أظن أنهم كانوا سيتطوعون بتلك الفتيا في ظروف عادية حتى بدأ يساورني أن المحنة أحدثت خللا في توازن البعض.
عموما ، زولتك دي يبدو (ماليه يدها) وبالحجر أو بدونه ستمضي في مشروعها الحضاري . |
لكن الكورونا دي ما دايرة يطبقو ليها البوخة بوخة واحدة بتكتلها علي قول زولنا
زولنا جاء الحفلة بي جركانتو
دساها بي الصيوان و الحيطة و كل شوية يجي يكتح ليه كباية و يرجع يهجج في الحفلة
الكهرباء قطعت كالعادة
النسوان قالن دي فرصة يرقصو العروس
ما لقن دلوكة قالو يجيبو اي حاجة يمشو بيها حالن
لقن جركانة زولنا و دورن غناء
الكهرباء جات و جاء زولنا يكتح ليه كباية لقى ليك الجركانة مافي
قعد اتلفت و شاف ليك جركانتو النسوان يدقدقو فيها
كورك ليهم دي جركانتي
بنرقص بيها العروس
العروس ترقصوها بي جركانة ؟؟؟
كباية وااااحدة بترقصا ليكن
😂😂😂😂😂😂😂
| |
|
|
|
|
|
|
|
|
|
Re: الطابق البوخه.. (Re: ABUHUSSEIN)
|
الأخ محمد المرتضى
تحياتي
بغض النظر عن طرافة الموضوع و كمية الفكاهة و المُلِح الفيه
اللغة الراقية ذانت الوصف البديع و العبارات الرشيقة التي تجعلك تذهب إلى الحفرة طائعا مختارا
و كمان تنادي الآخرين دون خجل..
يا أخي أحييك على هذا الإبداع في اللغة و التعبير و الوصف البديع بالجد أطربني الموضوع..
| |
|
|
|
|
|
|
|
|
|
Re: الطابق البوخه.. (Re: محمد عبد الله الحسين)
|
يا ابو أكرم سلام
البارح في دردشة عن الكورونا مع أخ عزيز يعمل في الصحافة . صحفي
مقيم من زمن في لندن . مرقنا من سيرة الكورونا طوالي لي نشاط
السودانيين والكتابة في المنابر المشهورة .
والراجل جاب سيرتك و هو متابعتك من زمن النهود الجميلة . وقال لي ضاحك
ياخ النص داك كان نهود مدردمة عديل .
والله قلتلو طيب رايك شنو ينشر في صحيفتكم اللندنية دي .
قلتلو عندنا زول بيكتب في صحافتنا السودانية كتابات تعمل إمساك والله
والسبب الجابو لي شغلة الكتابة بس عشان هو خال الملك .
| |
|
|
|
|
|
|
|
|
|
Re: الطابق البوخه.. (Re: Osman Musa)
|
بوست جميل مولانا محمد
الطابق البوخة
هسا بتتلقى وين غير فى الشعر السودانى
ومحمد جمال الدين يقول شعر الحقيبة ماخوذ من الزجل الاندلسى
قسما بالله شعر الحقيبة دا تسمعو يجيك ريحة دخانو ودلكتو وكباريتو طاقة
شغل سودانى صميم مية مية
| |
|
|
|
|
|
|
|
|
|
Re: الطابق البوخه.. (Re: Osman Musa)
|
ملاح الكراره؟
يجازي محنك..
قبل شويه جاني تسجيل صوتي ممتع ومحزن في آن يا عثمان،
واحده بتوصي في صاحباتها في القروب بإنه لو ظهرت عندهم كرونه فما عليها إلا بالقَرَض،
قالت ليهن القرض دا لو بخرتو بيهو بيتكم الفيهو كللهم يشفو ، وحايقضي على الكرونا في دائره قطرها كيلو ..
وانتن زاتكن ما عارفات سموهو قرض ليه؟ ما لأنو بيقرض أي حاجه..
قرضونا..
مشتاقين يا عثمان ،
جهجهتنا ياخ، يوم بروكلين ويوم اسطنبول ويوم سوق ليبيا،
دي هجره معاكسة أم هجمه مرتده؟
| |
|
|
|
|
|
|
|
|
|
Re: الطابق البوخه.. (Re: يحي قباني)
|
" اللي مش طايق تبص في وشه دلوقت ... بكره تتمنى تبص في قفاه"
مبالغه يا هندسة،
ياخ دا مثل عجيب وغريب ،
هههه،
النسخه السودانيه منه يا العزيز بتقول ( ياباها مملحه يفتش ليها ناشفه)، وعشان كدا النسخه الخواجاتيه قالت:
always keep your words soft and sweet, just in case you'll have to eat them, you can swallow it well.
لكن يا يحيى من (مميزات) العيشه والشلهتة في السودان والصفوف وما تستغرقه من وقت ، أنها لا تترك فرصا كثيرة للإحتكاك بين الذين قدموا من المريخ
واللواتي أتين من الزهرة، بالتالي اللقاءات جلها في (الوش) وليس (القفا).
أحد اصحابي المقربين هناك قال لي يا محمد شدة ما فرقتنا الشلهتة بقت لامن تضرب لي تلفون تعيدني لأيام الريده. تصدق؟
طبعا كلمة (تصدق؟) كافية للشرح.
| |
|
|
|
|
|
|
|
|
|
Re: الطابق البوخه.. (Re: يحي قباني)
|
" اللي مش طايق تبص في وشه دلوقت ... بكره تتمنى تبص في قفاه"
مبالغه يا هندسة،
ياخ دا مثل عجيب وغريب ،
هههه،
النسخه السودانيه منه يا العزيز بتقول ( ياباها مملحه يفتش ليها ناشفه)، وعشان كدا النسخه الخواجاتيه قالت:
always keep your words soft and sweet, just in case you'll have to eat them, you can swallow it well.
لكن يا يحيى من (مميزات) العيشه والشلهتة في السودان والصفوف وما تستغرقه من وقت ، أنها لا تترك فرصا كثيرة للإحتكاك بين الذين قدموا من المريخ
واللواتي أتين من الزهرة، بالتالي اللقاءات جلها في (الوش) وليس (القفا).
أحد اصحابي المقربين هناك قال لي يا محمد شدة ما فرقتنا الشلهتة بقت لامن تضرب لي تلفون تعيدني لأيام الريده. تصدق؟
طبعا كلمة (تصدق؟) كافية للشرح.
| |
|
|
|
|
|
|
|
|
|
Re: الطابق البوخه.. (Re: محمد المرتضى حامد)
|
(تجعلك تذهب إلى الحفرة طائعا مختارا و كمان تنادي الآخرين دون خجل.)
محمد عبدالله الحسين،
حبابك ألف يا عزيز..
في الفيسبوك ، تعليقا على هذا الموضوع، أشارت إحداهن أن مؤرخا ألمانيا ذكر في مؤلف له عن السودان
أن قبيلة بعينها (يمارس رجالها) الدخان ، بالطبع لم أر في حياتي رجلا يجلس على حفرة للدخان أو لغيره،
لكن كله جائز وأرجو ألا يظنن قارئ أني أدرج هذه الممارسة تحت عنوان النقائص الرجالية ، لكن زي ما قلت
ليك المسأله دي ما (بتركب) في الراس بسبب أننا منذ الطفولة صنفناها ممارسة نسوية زيها وزي الكعب العالي
وقاموس طويل عريض من العبارات والمفردات خصص للنساء فقط..
قت لي الرطوبه كيف؟
شكرا لكلامك يا الحسين.
| |
|
|
|
|
|
|
|
|
|
Re: الطابق البوخه.. (Re: محمد المرتضى حامد)
|
(الطابق البوخة
هسا بتتلقى وين غير فى الشعر السودانى
ومحمد جمال الدين يقول شعر الحقيبة ماخوذ من الزجل الاندلسى
قسما بالله شعر الحقيبة دا تسمعو يجيك ريحة دخانو ودلكتو وكباريتو طاقة
شغل سودانى صميم مية مية)
ما وارد كلو كلو،
أستاذنا محمد سيداحمد،
كلام محمد جمال دا خليهو بيناتنا لأنو في ناس لو سمعوهو بيعملوا معاهو مشكله ،
بالله محمد صاحبنا قال :
(لو لحاظ عينيك صدف راسي الجماد غير شك دك الحجارة وهمدا) دي من الزجل الأندلسي؟
ياخ البيت دا لو ولاده بنت المستكفي قالوهو ليها لركبت آلة الزمن وانتقلت إلى المسالمة بحثا عن
المسكون أبوصلاح..
غناء الحقيبة بكافة المعايير عمل سودانوي محض لاعلاقة لها بأي رقعة في الأرض ولم يمر علينا في
أي إنتاج من المحيط إلى الخليج يا محمد..
فريد عصره ونسيج وحده..
الله يسامحو صاحبنا محمد
| |
|
|
|
|
|
|
| |
محمد المرتضى حامد
صديق مهدى على
ABUHUSSEIN
يحي قباني
Osman Musa
محمد عبد الله الحسين
mohmmed said ahmed
فيس بوك
تويتر
انستقرام
يوتيوب
بنتيريست