الشاعر الضخم ود الرضى .. نِعم العبد طوع القدر ..

Quote: تحية واحترام العزيز علاء سيد احمد معذرة نزلت مداخلاتي طوالي دون السلام عليك لدي ديوانين للشاعر ود الرضي كل ما البوست يغطس برفعه بقصيدة منهما. تقديري

Quote: حوى السبع المثانى الناعمات الحسان الجافيات ثم ثاني ملكن قلبي ولساني

Quote: الحبيب علاء .. تحياتي بوست جميل .. دائماً احب سير حياة أهل الحقيبة والتحية للحبيب عماد .. على التوثيق شكراً كثير .. بوست جميل واصلوا التوثيق

Quote: ياريت ياعمدة تنزل الديوانين وقت ما تلقى فرقة

Quote: النـاحر فؤادى النَاحِرْ فُؤَادِى مُوْلِعْ جُوفِى حَرْ أَضْرَم نَارَ وَجْدِى نَسَّامْ السَّحَرْ دَامِعْ لَجَّ طَرْفِى يَا أَبْ طَرْفَاً سَحَرْ والبَسَمْ المُفَلَّجْ للأكْبَادْ نَحَرْ لاَيَبْرُدْ حَمِيمِى لَوْ أَحْسَى البَحَرْ دَارِى ومَاكْ مِدَارِى يَاسَمْحَ النَّحَرْ مَا أطْرَاكْ حِبَيْبِى إِلاَّ وقَلْبِى فَرْ أتْلَظَّى وأكْظُمْ الغَيظْ الوَفَرْ يَنْعِشْ رُوحِى طِيبَكْ لَوْ مَحْيَكْ سَفَرْ زَىْ مَا بَىَّ تَفْعَلْ ذَنْبَكْ مُغْتَفَرْ أَرِى البَىَّ يَا مَنْ سَاقِينِى الجُرَرْ إِنِّى المِنْ غَرَامَكْ عُرْضَه لِكُلْ ضَرَرْ شَاغِلْ غَيرْ شَاغِل بَى سُوحَكْ مَرَرْ عَلَّى أَسْمَعَنَّ مِنْ فَاهَكْ دُرَرْ أَبْصَرِ طَرْفِى طَرْفَكْ حَكَى طَرْفِى المَطَرْ وقَلْبِى كَأنَّه طَيرُه خَافِقْ وإِنْفَطَرْ أحْذَرُوا يَا أحِبَّه حُبَّ الرِّيمْ خَطَرْ يَكْفِى البَىَّ حَاصِلْ مِنْ حَالِى الفَطَرْ بَانْ لَى عَينِى شَخْصَكْ والنُّومْ إِنْحَجَرْ والمَايِقْ تَمَلَّى غَيرْ خَاطْرِى إِنْفَجَرْ مِنْ فُولاَذْ قِلَيبَكْ وكَبْدَكْ مِنْ حَجَرْ مَا أحْلاَكْ عِنْدِى إنْ زُرْ أوْ هَجَرْ كُلْ أذَى يَا طَبِيبِى فِى جُوفِى أنْحَسَرْ حُبَّكْ خَلَّ َعَقْلِى والعُودْ أنْهَصَرْ مَالِى إلَيْكَ إلاَّ قُولاً مُخْتَصَرْ العِنْدَ الله أقْرَبْ مِنْ لَمْحَ البَصَرْ شَادِى الحَفْلَه طَنَّ والأكْلِيلْ سَفَرْ والنَّشَّابْ تَوَاتَرْ للفَاطِرْ غَفَرْ ظَبْىَ الرِّيمْ تَبَخْتَرْ للآسَادْ ظَفَرْ مَعَنَى الحَفْلَه كَايِنْ فِى واحِدْ نَفَرْ وَرِّينَا النَّشَاهِدْ لَى دَارْةْ القَمَرْ وأتَّكِى فِى المَنَّى ولُولِيبُو الثَّمَرْ والجِّيدْ المُحَزَّزْ نَسِّفْبُو العَمَرْ مَرَّه ومَرَّه أجْدَعُو فِى طَىْ الضَّمَرْ الكَتْفَ المُهَدَّلْ والجِّسْمَ إنْتَبَرْ والصَّادْ والمُزَمْزَمْ والغَيمْ والتَّبَرْ والضَّهَرْ المَتَنَّى والتَّيهْ يَا الأبَرْ دَا الخَلاَّنِى سَاهِرْ مَاءَ عِينَىْ تَبَرْ لاَجَمْ كَتْفُه كَفَلُو مَاجْ جِيدُه الوَفَرْ عَمْعَمْ دِيسُه دِرْعُو فِى بَعْضُه إنْضَفَرْ حَاكِى الغَيمْ تَنَقَّلْ يَا غَالِى النَّفَرْ قُولْ للوِزَّة غُورِى فِى عَينِكْ ضَغَر .

Quote: شكراً علاء وضيوفه الكرام مافضلتوا لينا حاجة نقولها لكم التحية علي هذه التحفة

Quote: سلام لصاحب البوست سلام للجميع سلام للاخ ياسر السر العيلفون

Quote: وان شاء الله البوست ح يتم تحويله الى الربع الجديد

Quote: وياريت اخونا ياسر العيلفون يمر بى هنا ويرد سؤالك .

Quote: هكذا كان في حالة نظم القصائد التي تتشكل إثر مكنون عاطفي أو مخزون او حالة شعرية من موقف لافت او جمال أخاذ, اما في حالة المواقف التي تتطلب سرعة الرد او التعبير الشعري توا او ارتجالا فهو لايتكلفه ولايجد ثمة عناء فيه وشواهدنا على ذلك كثيرة, لاحقا سنورد بعضا منها ومناسباتها.

Quote: من أشعاره : تيه واتاكا- السلام يا روح البدن – الدموع ساحت – تيهي فوق العز والنفل – أنور جناني – رمية الطابق البوخة – متى مزاري أ وفي نذاري – أحرموني ولا تحرموني – أنا في التمني – ما بال طرفي عنه النوم أبقا - بى هوى الخلخال لي حبيب الروح

Quote: التحيه لذلك الشباب والذى لا أعر ف أين هو الآن وليتنى أعرف إسمه . كل أملى أن يجد حبة تسليط ضوء .

Quote: بوصل ليهو إشادتك عن طريق جارنا مدير المركز الأخ ابراهيم أحمد

Quote: نستاذنك حبيبنا علاء سيد أحمد بانزال أغنية مابخاف من شي برضي خابر