|
Re: السيـد خالد سلك: أسمــع الكلام دا عن الفشق (Re: زهير عثمان حمد)
|
Quote: مافي زول بيحجر علي زول ان شاءالله يرمي ارباحه في الشارع ودي مسالة بديهية |
يا جعفر هذه ليست أرباحه.. انت لم تقرأ المبادرة كويس.. أرباح الإستثمار لو 100% السودان له 40 والإمارات 40 وإثيوبيا 20.. لو الإمارات أعطت إثيوبيا من نصيبها مافى مشكلة، وفى هذه الحالة لا تكن ضمن الإتفاقية.. يدوهم زى ما عاوزين هناك فى دبى.. ما لينا دخل إن شاء الله يدوهم نصيبهم كله. لماذا تنص الإتفاقية ان إثوبيا (ليست صاحبة أرض وليست مستثمر) لما تنص الإتفاقية أو المبادرة ان يأخذوا 20%؟؟ المناسبة شنو؟
| |
|
|
|
|
|
|
Re: السيـد خالد سلك: أسمــع الكلام دا عن الفشق (Re: Abureesh)
|
دون المساس بنوايا الإمارات الطيبة.. الإثيوبيون ممكن يدخلوا الفشقة كعمال أجانب موسميين.. ويخضعوا للقانون السودانى العام أثناء وجودهم، ويسجلوا كأجانب. ويشتغلوا مع أصحاب المزارع السودانيين بأى صيغة (ربع مسكين أو نص التاجر) ثم يدفعوا الضرائب للحكومة السودانية.. ومن يثبت أنه مارس العمل بهذه الصيغـة لسنين معينة يستطيع طلب الجنسية السودانية بالتجنس.. كل هذا ممكن.. ولكن ما (تدرسه) الحكومة الان هو تغليف عملية بيع السودان sugar coated وهو نفس ممارسـة حكومة الإنقاذ.
| |
|
|
|
|
|
|
Re: السيـد خالد سلك: أسمــع الكلام دا عن الفشق (Re: Abureesh)
|
ماهو الجزء الجا على لسان خالد سلك مافيه الارقام و النسب و التفاصيل الذكرتها فقط حديث عن تمويل اماراتي لمشروع تنموي و اقتسام العائد بين الاطراف الثلاث بدون ارقام، فا افتكرتك قريت المبادرة و عارف تفاصيلها طالما ذكرتها وطالبت جعفر بقراءتها
| |
|
|
|
|
|
|
Re: السيـد خالد سلك: أسمــع الكلام دا عن الفشق (Re: Abureesh)
|
المجلس العسكرى وخالد سلك ووزيرة الخارجية وآخرون مرتشون من دويلة الأمارات التى تعمل لصالح إسرائيل. الأرض ستحتلها إسرائيل لتوطين الفلاشا اليهود الذين لم يستطيعوا الإنندماج فى المجتمع الصهيونى. لو لم يهب الشعب هبّة واحدة لإقتلاع المجلس العسكرى ومجلس الوزراء ورميهم فى أقرب مزبلة فسوف يبيعون أرض السودان القطعة تلو القطعة وحينها لن يجد أحفادكم أرضاً يعيشون عليها إسمها السودان!!!!
| |
|
|
|
|
|
|
Re: السيـد خالد سلك: أسمــع الكلام دا عن الفشق (Re: مازن سخاروف)
|
Quote: ماهو الجزء الجا على لسان خالد سلك مافيه الارقام و النسب و التفاصيل الذكرتها فقط حديث عن تمويل اماراتي لمشروع تنموي و اقتسام العائد بين الاطراف الثلاث بدون ارقام |
محمد البشرى،
عاوز تصل لشنو بالضبط.. أهو انت زاتك شهدت.. أعتبر قسمة أثيوبيا 1% فقط.. من أعطى الحق لإثيوبيا أن تأخذ نسبة من ناتج سودانى؟ هذه هى النقطة التى تلف حولها وتتفادى نقاشها لأنها لب الموضوع وتكشف الكثير عن نوايا الحكومة فى بيع السودان.. نفس ممارسات الكيزان.. وأنت الان تمارس نفس أساليب الكيزان فى محاولات الهروب من الأسئلة بطرق ملتوية.
| |
|
|
|
|
|
|
Re: السيـد خالد سلك: أسمــع الكلام دا عن الفشق (Re: Abureesh)
|
ماشاء الله كمان بقيت بتقرا النوايا وما في الصدور @ دي جديدة! طيب السؤال لزومو شنو وانت بتجاوب! المهم، العايزه اصل ليه في موضوع المبادرة و بحاول اجمعه من التصريحات و التعليقات الحكومية وغيرها هو الحقيقة، ما هي البنود و ما هو موقف الحكومة الرسمي، تقريبا الصورة وضحت الى حد ما من حديث خالد و حديث كباشي في صلاة العيد وقبلها بيان مجلس الامن و الدفاع قدرت اكون فكرة عامة! لكن لما قريت الارقام و النسب الذكرتهن ومعاها الثقة البتحاجج بيها وتقول "انت ما قريت المبادرة كويس" قلت اكيد دا كلام زول اطلع عليها!
| |
|
|
|
|
|
|
Re: السيـد خالد سلك: أسمــع الكلام دا عن الفشق (Re: محمد البشرى الخضر)
|
الفرق بين قراءة الخواطر والتحليل فرق دقيق جدا والارض بينهم شبه مشتركة.. لما يكون الموضوع الأساسى هو إعطاء نسبة من نصيب السودان لإثيوبيا التى هى ليست صاحبة الأرض وإنما كانت محتلة وأخرجها الجيش السودانى.. وبذلك ليس لها أى حق فى أراضى السودان الزراعية وليس ذلك مجال مساومة.. يبقى محاولة بعثرة البوست فى إتجاهات أخرى مثل كم النسب وما الى ذلك، هو تفادى الرد على هذه النقطة.. لأنها ليست فى مصلحة المبادرة أو الحكومة.. ولذلك قلت لك أفترض ان نسبة الإثيوبيين 1% فقط.. السؤال لماذا وبأى حق؟ لا تريد الإجابة لأنه ليس لك إجابة. لو عندهم حق فى أى نسبة تعال قول لينا وورينا كيف.. لو ترى ما عندهم فأنت لا تؤيد المبادرة.
| |
|
|
|
|
|
|
Re: السيـد خالد سلك: أسمــع الكلام دا عن الفشق (Re: Abureesh)
|
من قال لا اريد الاجابة او اتفاداها، اساسا انا دخلت البوست بسؤال محدد طمعا القى عندك الاجابة مش عشان اناقش الموضوع و اتفادى الاجابة على اسئلة، عموما طالما سألتني عن رأي في منح نسبة من ايا كانت من عائد اي مشروع للاثيوبيين فا اتفضل الاجابة: لا اوافق باختصار و بوضوح، الا اذا كانوا هم زاتهم مستثمرين و براس مال مش عمالة فقط فدا موضوع تاني. دي اجابتي على ما فهمته من المطروح بشكل رسمي حتى الآن و للأسف كله كان بلا تفاصيل حتى كلام سلك، لكن على الاقل يحمد له انه الاكثر وضوحا حتى الآن، و كذلك فهمت منه عدم الموافقة الحكومية بعد، الا على الشق القائل بتكثيف العلامات الحدودية وعدم التصعيد العسكري. يبقى عدا ذلك ما تفضلت له انت من ارقام و حكم و نصائح و ما يدور في الاسافير يظل في اطار ونسة الفيس و الواتساب
| |
|
|
|
|
|
|
|