كوراس وإيقاع كصوت سنابك خيول الفاتحين وبهجة النصر في عيون الفرسان العائدين للحبيبات وهن يلوحن لهم وللمجد الوسيم ..
فى جوفى من حبك قَطَن يا جاهلة مليون ألف طن
وهكذا أبان سيد عبدالعزيز وزن ما حمل القلب وشرح (بادي) للمستمع ماهية البلوتونيوم وحقيقة الوزن الذري للعناصر التنوء بحملها الشرايين والعُصبة أولي القوة والشوامخ من رافعات المرافيء .
عندما يصيح بادي ووووووووك تعرف أن الطرب والعشق والإنجذاب والشجن استبدوا به خلية خلية وعربدت كهرباء اللوعة في شوارع قلبه واستباحت شبكة العصب المركزي ما خلَّت مليمتر ، فهو يعرف تماما من هي السمحه ام عجن ويعي أنها بحسنها المسرف في سكناتها وحركاتها تتحقق فيها كل ما تصبو إليه النفس في الأرض والبرزخ ، فبصيرة بادي تميز بين نظرة السمحه ام عجن وبين التي قال عنها شاعرنا الفذ محمد الواثق في بيتين كتبهما بمبضع جارح الصدق:
هجنت كل جميل كنت أعشقه .. فلا أرى في جميل غير محتال أكلما شِدت تمثالا لعفتها ... تشيد للعار صرحا فوق تمثـــــــالي.
فمن النساء من ترتق نظرتهن ثقب الأوزون وتحرك الأشياء من بعد فيما يعرف بال telekinesis ومنهن من شاركن الليزر في خواصه وكذا المذيبات الطيّاره وقادر الله في خلقو..
بادي (الشيخ طه) إنسان أحبه كل من عرفه ، وأنا لم آت بجديد هنا، فهذه واحدة من قوانين الفيزياء ، ولا أظن أن أحدا كتب سيرة ذلك الولي الصالح بجمال يوازي صِدقه الذي إذا نفح منه أي أرض استحالت جمهورية للصِدِيقين، فالبعض يعتقد أن السيرة الذاتية هي رصد كتابي لأحوال إنسان ما من حيث ميلاده وتعليمه وخبراته وتلك الترهات المسطحة ، إلا أن أهل الباطن والمتصوفة وحدهم يتسنى لهم كتابة سيرة كائن أثيري كبادي ، وكما نقلت الزوله الشديده (إلف شافاك) عن مولاي التبريزي في (قواعد العشق الأربعون) ، ما معناه أن المتصوفة وحدهم يفعلونها لأنهم وحدهم يعرفوا مقامات ومستويات البصيرة فهناك كائنات لا بصيرة لها أصلا، كائنات المناصب والمحاصصات ، يقتلوا ويكذبوا في سبيلها ما شاءت لهم الغرائز الغابية غير المشذبة ، ثم بصيرة المساكين الترابله ، تليها بصيرة ناس الباطن و باطن الباطن وهم أهل الثورات الأفذاذ ، ويأتي في القمة أهل (العمق) ، العمق ياخ ، العمق الذي ينفرد به الأولياء ومنهم سيدنا بادي ، فعزيزنا الشيخ طه الذي رحل عن العالم المنظور باسما بقلب طفل يلفه الضياء ، هو روح محضة طاهرة تألقت وتسامت وغادرت إسار الجسد المُتعَب المُرهَق المخلوق أصلا لأغراض الحياة الأرضية بما فيها من تعب ونَصَب ولَغوب منتخِبا بيدرا ينكشف فيه الغطاء ومدارات يستحيل فيها البصر حديد.
من الحاجات اللطيفه عند بادي المبجَل ، أنه يخاطب كل إنسان بما يحب وهذه ، كما التسامح، أعلى درجات الثقافة والمعرفة، يختلس في هدوء باسويرد قلبك وكومبنيشن خزانة نشوتك ويستخدم أزرارها بمهارة لفتح فؤادك فيعطرك من الوريد إلى الوريد. كان ، له عليين، يؤنسن الأشياء بصوته وطلعته وكان وزارة للزهور وأمينا عاما لهيئة الفرح الخرافي .. قلت له في أول سهرة جمعتنا بمسقط، وكان وقتها قد حل ضيفا على عزيزنا د. أحمد القرشي عبدالرحمن حين دعاه الأخير لزيارته التي امتدت لشهور سهرنا فيها مرارا على ارتفاعات متعددة وفي مختلف السماوات والسُدُم التي تحتمل زلازل الطرب الخمج والشواطئ التتسع لتسونامي الشجن المفضي إلى نوع من حالات التوهج في البدن وفقا للفيتوري، أو الإحتراق الذاتي وما يعرف بال self spontaneous human combustion فزيارته لمسقط مضت سويعاتها سراعا وغادرنا بعدما اطمأن أنه غسل ما علق بنا من أدران وأحزان وضياع والتياع وما تراكم في الكبد ومعالق الجوف حسب الموجات الصوتية. ودعناه وأجرينا فحوصات ما بعد الزيارة فكانت النتائج التئام كسور الضلوع وانخفاض واضح في ال LDL كما أظهرت الأشعة تطورا ملحوظا في جبر الخواطر ولملمة شظايا الروح. قلت له ذات (سهرة) فوق السحاب وعلى (حافة الغياب)، أو زي ما كانن بيقولن بنات سيستر سكول تعبيرا عن حالة البهجة المترفة: I am over the moon قلت له : يا مولاي أكرمنا بإحدى الحسنين، (مرضان باكي فاقد) أو (زمني الخاين) فتدفق، نعم، شلالات نياجرا بتاعت شنو؟ لم ينس ذلك (الطلب) فقد ظل بعدها يردد الأغنيتين كلما شرف داري، وفي زيارة عاجلة لعتباته المقدسة بالعباسية في صحبة قوقل الحقيبة القرشي ، سألنا ابن أخته (عباس)، الليمون السمح ولا البيبسي قبل الشاي بالحليب؟ فبادره الشيخ طه: يا ود، ديل بكرموهم أولا بالغُنا، كدي ناولني العمه، وغنانا (زمني الخاين) أعقبها بترتيل ما تيسر من سورة (الكواكب) التي ورد في فصلها السادس ( الصدير قلع والرِدِف نَتَر .. الضمير تِعِب حالتو في خطر) فبُهِت ناشر Gray's Anatomy وأضاف الوصف في الطبعة الأخيرة، وهذا شرح ربما يوازي درس الميكانيكا الفادح لأبي صلاح القائل ( هـزاز صدرو ميَل فـدع الخصر النحيل بالرجـاج يقـالع شـبه المهر الوحيل) ، كل ذلك بعد أن اعتمر حبيبنا عمامته واعتدل في جلسته، فالشيخ طه يستحيل أن يغني قبل أن يتزيا كاملا إحتراما واحتفاءا بالغناء اليغسل الروح والطرب المُسكِر حد التلاشي، أيوا، المبدأ أن الصلاة تستحق أبهى وأطهر الثياب، رغم أنه حين يخترق الطرب حاجز المعقول يلقي بعمامته بعيدا تطبيقا لمقولة (شي عجيب مسجون وعندو سراح) وبذات ما كان يفعل (م. ع) نديم أبوداؤود الذي كان يمزق الجلابيه كرررر في ( يا الخيالك بقا لي سمير بحنانك أنا أستجير) Asylum أصيل بالحيل، فأصبح أبوداؤود عندما يطلبوا إليه أداء الأغنية يرد عليهم : أنا ما عندي مانع لكن قبل ما أغنيها (م.ع) دا شوفوا ليهو عراقي قديم..
يا دار من بقاياك فوحي وجيبي طيبي أو عاتق شميم النرجس من رطيبي
ياخ دا شنو دا ياخ؟ يا حليلك ياخ...
الشيخ طه في صيحته الإنجذابية التي اشتهر بها ينفصل تماما عن محيطه ويتسق تماما مع معاناته الجميلة ومع المعاني والصور البانورامية التي يصادق عليها جمال نفسه أولا ثم يبثها على المساكين الملتاعين من المؤلفة قلوبهم في الغرام على موجة طولها ألف فاجعة ، وظني ، وليس كل الظن إثم ، أن محمول فؤاده يفوق مافي القواميس والقوافي لذا يتخذ الصياح وسيلة لعرض حاله ، ألم يقل مولاي التبريزي : عندما تلج دائرة الحب ، تكون اللغة التي نعرفها قد عفى عليها الزمن ، فالشيء الذي لا يمكن التعبير عنه بالكلمات، لا يمكن إدراكه إلا بالصمت. وعند سيدي الشيخ طه بالصياح، فعنده تباح كل الوسائل ..
وكذا الشيخ طه.. يقول التبريزي: الرومي على حق، فهو ليس من الشرق ولا من الغرب، إنه ينتمي إلى مملكة الحب. إنه ينتمي إلى المحبوب.. وبالفُرقة نشَابِك طعَن أحشاي هديل إتقطعَن آمالي جور لى قاطعَن أرحمونى مارِضنى الظَعَن الشيخ طه في صيحته الإنجذابية التي اشتهر بها ينفصل تماما عن محيطه ويتسق تماما مع معاناته الجميلة ومع المعاني والصور البانورامية التي يصادق عليها جمال نفسه أولا ثم يبثها على المساكين الملتاعين من المؤلفة قلوبهم في الغرام على موجة طولها ألف فاجعة ، وظني ، وليس كل الظن إثم ، أن محمول فؤاده يفوق مافي القواميس والقوافي لذا يتخذ الصياح وسيلة لعرض حاله ، ألم يقل مولاي التبريزي : عندما تلج دائرة الحب ، تكون اللغة التي نعرفها قد عفى عليها الزمن ، فالشيء الذي لا يمكن التعبير عنه بالكلمات، لا يمكن إدراكه إلا بالصمت. وعند سيدي الشيخ طه بالصياح، فعنده تباح كل الوسائل .. يا حليلك ياخ... ياخ دا شنو دا ياخ؟ _____ فعلا ياخ ده شنو ده قريت التحفة من اول سطر لى اخر سطر ذهلت لا شعوريا بديت اقرا فيها من اخر سطر لقيت حنكي واقع فى صدري من الدهشة تض ... اقسم بالله ات ماك نصيح امنتوو بالله
حبيب الكل زهير. قت ليك مره السر قدور حاول يثني على لحن (المصير) في حضرة ملحنها الزول السمح شكلا ومضمونا عبداللطيف خضر . قام عبداللطيف بتواضعه الجم قال ليهو والله يا استاذ السر في قصايد بتجي ملحنه براها، وبذلك أثنى ضمنا على سيف الدسوقي المدهش.. شايف اولاد حي العرب الفنانين الأصائل لامن يلعبوا الباصات البينيه ويجدعوها ليك في المقص..
مختفي انت خليتنا نغني مرحبا يا شوق..
01-22-2021, 07:54 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
الدون جلال.. أريتك طيب.. والله والله يا العزيز من الصعب الكتابة عن إنسان زي بادي لأنك من البدايه خالص ما بتعرف بداية كلامك.. انت براك عارف الشيخ طه أبوابو ومداخلو كصفاته فتضيع من أي منها تلج إلى شخصه.. الطيبه والسهوله والبساطة والذاكرة الحاضرة والفن والأناقة وغيرها كل يمكن أن يكون ذلك الإنسان وأعلاها الصدق مع النفس.. قت ليك يا جلال لو بيقدموا ليك قائمة لقاءات تمهيديه في الجنه ما ح تفط بادي.. عجيب ياخ.. عليك الله أسمع في التغزل بين المسارح ، دا غنا للطبيعه فما بالك بالسمحه!! لكن بيني وبينك السمحه زاتا سنام الطبيعه. .
01-21-2021, 04:22 PM
Amira Hussien Amira Hussien
تاريخ التسجيل: 11-26-2016
مجموع المشاركات: 1716
ـــــظرة يا السمـــــحة ام عجــــن كلمات سيدعبدالعزيز نظرة يا السمحة أم عجن لو كان قليل تبرى الشجن أعرف صفا الأيام أفيقن أنظر جمال تلك الوجن دولات صدودك ماوعن الامى وبى اتدرعن ابكى واصيح متضرعاً يا ناس دموع عينى ترعاً ارحمونى مارضنى الظعن أمالى جور لى قاطعن أحشاي هديل أتقطعن وبالفرقة نشابك طعن يا منبع النور والفطن يا الفقتى يعرب والرطن فى جوفى من حبك قطن يا جاهلة مليون ألف طن كيف أسلى عينيك والوجن يالبسمتك نور الدجن جسمك حرير ناسجة العجن ناضر وباللون انعجن الضاوية زى خديك من فى الدنيا يا نور الزمن أرواح نسائمك لى رمن نرجس مزج لى مسك اليمن ما احلاك يا الجيدك شدن يالعمرى فيك ضائع سدىً انا عندى شوفتك يا اللدن أحسن من الروح فى البدن يا منبع الذوق آه يا من حبك غرز فى الجوف كمن يا غالية قط ما ليك تمن إن هب او جار الزمن ليك السلام ما ولعن خديك بالنور يلمعن وعدد النجوم ما يطلعن يرضيك وبيك إبداع وقمة الابداع فى نرجس مزج لى مسك اليمن
01-21-2021, 05:18 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: أبوداؤود الذي كان يمزق الجلابيه كرررر في ( يا الخيالك بقا لي سمير بحنانك أنا أستجير)
قدر ما فتشت يا حبيب عن الاغنية المذكورة بالعود بصوت صاحب المزمار فى اركان السايبر الاربعة لكن باءت المحاولات بالفشل .
Quote: مساء الخير يا الأمير يا الحبك شغل الضمير غيرك ما لي سمير وباهي طلعة ما ليك نظير الزهر بخديك نضير وطيف خيالك صار لي سمير بي حنانك أنا مستجير أرى الصيد منك عيون أهدى فيك البانة لون وبين ثمارك وهدر الغصون تقسى كيف يهون أنت منظر يفرح رؤاك أنت ديمة الخير في خطاك ونشقى نحنا وطالبين رضاك تمسى بالخير يسعد مساك
01-21-2021, 06:21 PM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9024
محمد المرتضى حامد سلااااااااام المبدع مولانا ود المرتضي. تطويع بليغ بالتعابير البراقة. مثل تلاعب الانامل الغضة بطين الصلصال قمة الإنعاش حد الذوبان بالاحاسيس. لكن لم توفق في تعبير سورة الكواكب وتراتيل الإيقاع. لكن وفقت في إدخال لغة الفرنجة. Gray's Anatomy ( الصدير قلع والرِدِف نَتَر .. الضمير تِعِب حالتو في خطر) والنقلة السريعة الخطي كالوثبة الي عالم هندسة الميكانيكا عالم التروس والقوة ( هزاز صدرو ميَل فدع الخصر النحيل بالرجاج يقالع شبه المهر الوحيل) ابداع اهتزاز في الأعالي علي عمود ضعيف فوق طاقة تحمله. مثل المهر الوحيل. دقة الوصف كانك تحس بالاهتزاز كخلطة بهارات بالتراتيل وعالم التشريح مع الميكانيكا خيال ماجن فطن يعجز الجني استيعابه. نم قرير العين. ،،،،
Quote:
ناولني العمه، وغنانا (زمني الخاين) أعقبها بترتيل ما تيسر من سورة (الكواكب) التي ورد في فصلها السادس ( الصدير قلع والرِدِف نَتَر .. الضمير تِعِب حالتو في خطر) فبُهِت ناشر Gray's Anatomy وأضاف الوصف في الطبعة الأخيرة، وهذا شرح ربما يوازي درس الميكانيكا الفادح لأبي صلاح القائل ( هزاز صدرو ميَل فدع الخصر النحيل بالرجاج يقالع شبه المهر الوحيل)
محمد المرتضى حامد
،،،،
عزالدين عباس الفحل ابوظبي
01-21-2021, 07:01 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
سلام للجميع علاء الدين احجز لي الكرسي الجنبك ابو اكرم دا ما بجي بالساهل و لم يجي هنا معناه مزاجو رايق و عايز يتنفس النسيم العليل ما بلقاه الا هنا في سودانيز و الشتاء دا عايز زي كلام محمد المرتضى دا يمتعك و يدفيك و يمسكك في البيت يحميك المرقة
ابقو عليه عشرة
01-23-2021, 03:44 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
أبوحسين.. ههه.. الزمن ككل الأشياء بقى ممحوق.. عليك الله ما تسألني عما تشمله (كل الأشياء)..خليها مستوره زي ما بقولوا المحقوا كل الأشياء.. عندي زول صاحبي قال مشترك في ٦٥ قروب في الواتساب ووالله ما عارف دي بتبقى كيف. الزول لامن يقضي أموره ويجي هنا يلقى الأسبوع فرررررر.. ياخ أنا جد مستغرب ٢٠٢٠ دي جرت كيف وهل سنحاسب عليها؟
01-22-2021, 12:19 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
أيوا يا علاء.. مرضان باكي فاقد ١٩٤٧ مع حادثة روزويل سوا.. الكائنات الفضائية واليو إف أوز البينزلوا بيها دايمن متزامنين و ورا بعض.. ميرغني المأمون وأحمد حسن جمعه سدنة الحقيبة وهما أيضا كبني شيبة من حملة مفاتحها ، شوف هسه في الفيديو الأكرمتنا بيهو دا سردوا سبب نزول الأغنية بمتعة كيف؟ بالله شوف كيف الناس كانت تضرب لمجرد النظرة أكباد الإبل.. هسه.. الله يجازي الحب ال junk الديجيتال ويجازي الواي فاي زاتو
01-22-2021, 01:06 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
أيوا يا علاء.. مرضان باكي فاقد ١٩٤٧ مع حادثة روزويل سوا.. الكائنات الفضائية واليو إف أوز البينزلوا بيها دايمن متزامنين و ورا بعض.. ميرغني المأمون وأحمد حسن جمعه سدنة الحقيبة وهما أيضا كبني شيبة من حملة مفاتحها ، شوف هسه في الفيديو الأكرمتنا بيهو دا سردوا سبب نزول الأغنية بمتعة كيف؟ بالله شوف كيف الناس كانت تضرب لمجرد النظرة أكباد الإبل.. هسه.. الله يجازي الحب ال junk الديجيتال ويجازي الواي فاي زاتو
01-22-2021, 02:01 AM
Amira Hussien Amira Hussien
تاريخ التسجيل: 11-26-2016
مجموع المشاركات: 1716
Quote: مساء الخير يا الأمير يا الحبك شغل الضمير غيرك ما لي سمير وباهي طلعة ما ليك نظير الزهر بخديك نضير وطيف خيالك صار لي سمير بي حنانك أنا مستجير غار الصيد منك عيون أهدت ليك البانة لون وبان ثمارك هدل الغصون تقسى كيفن والود يهون أنت منظر يفرح رؤاك أنت ديمة الخير في خطاك ونشقى نحنا وطالبين رضاك تمسى بالخير يسعد مساك كده النص اتصلح ..........
01-22-2021, 02:43 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
الأخ الكريم المستشار محمد المرتضى سلامات والرحمة لشيخنا الشيخ طه . سالت مره الأخ الفنان الكبير ابو عركي . عن كيف و من وين الشيخ طه جاب لحن اغنية ود مدني . ... مالو أعياه النضال بدني وروحي ليه مشتهية ود مدني ليت حظي يسمح ويسعدني طوفة فد يوم في ربوع مدني كنت أزور ابويا ود مدني وأشكي ليه الحضري والمدني آه..على حشاشتي ودجني وحنيني ولوعتي وشجني أه.. دار أبويا ومتعتي وعجني يا سعادتي وثروتي ومجني . .. قلتلو يا عركي اللحن دا كان انتفاضة قام بيها بادي براهو . اللحن كان فتح جديد في عالم التلاحين. بعد داك اندفق عركي في كلام بديع عن شيخو بادي. قال : الحان بادي ست انتفاضات. وست فتوحات . انا غايتو يا ود المرتضى اللحن دا لحظة سماعو بحومبو وبحلقبو في السماء . وساعة الأغنية تنتهي . طاق بدق الدلجة . واتفرطق حته حته. في الحان بادي دي ناس كتار ادشدشوا وقطعوا عروق يديهم بالخوسة. وسمعنا بي ود المراح النتح دومتو بالفرار في نص الأغنية. مع الحان بادي يا ود المرتضى صعب تلملم وعيك . صعب تمسح دموعك. وصعب شديد توقف نتحان قلبك . هو بكون فضل قلب ؟ .. يازول عليك امان الله دي كتابة محتاجة ضبيحة. والتحية عبرك للأخ د. القرشي
01-22-2021, 08:45 AM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: علاء الدين احجز لي الكرسي الجنبك ابو اكرم دا ما بجي بالساهل
انداح ياحبيب وفعلاً ابواكرم مابجى بالساهل اسع مابين آخر الياذه بوست " سبنا " والالياذه الحالية شهور من الجفاف والقحط والجدب فى الكتابات الادبية الممتعة والركون الى الكتابات السياسية العاضة وابو اكرم يجى كما الغمام يمطر فى ارض سودانيز مطراً يروى حيرانه لمدة من الزمن .
-
Quote: كده النص اتصلح
تمام يا أميرة
-
Quote: سالت مره الأخ الفنان الكبير ابو عركي .عن كيف و من وين الشيخ طه جاب لحن اغنية ود مدني ....مالو أعياه النضال بدني
ينصر دينك يا أخ علاء . وانت تطرح لينا الدواء المضاد للشيخوخة و الدبرسة والزهايمر . بالمناسبة يا شيخ علاء ناس فايزر ما اكتشفوا إكسير الدبرسة. الأغنية دي مقلاع للاحزان والتعب . مشكور
01-22-2021, 01:01 PM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
شكرا على الثناء يا عزالدين ويسعدني أن أسعدك الكلام أهمس في أذنك أن كلمة (سورة) لها معان متعددة وهي مبذولة في معاجم النت وبالبديهة لا ترتبط تلك المعاني بالقرآن.. فلا يحزنك قولي..
01-23-2021, 05:18 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
وبان ثمارك هدَل الغصون .. - غريب وعجيب.. - منذ 1989 يا أميره لم أسمع جديدا.. الكلام واللحن الذي قدمه العماليق من الشعراء والملحنين والمطربين لهذه الأمة قبل مجئ التتار سيبقى صومعة يعتاش عليها هذا الشعب حتى تخترع البشرية بديلا للغناء والطرب.. هسه شوفي مساء الخير والسمحه ام عَجَن ديل، بالذات السمحه ام عجن دي فهي قصيدة لا يكتبها إلا إنسان له اتصال بعوالم أخرى ..
يا زميل دقق الجمال و الذوق فيها متحقق الصدير عالي و الحشا مُرقق و القِديم في الحوش ان مشى يبقق دا ود عباس فيهو انجذاب المتصوفة .. متله متل سيد والعبادي وابوصلاح وود الرضي طار قلبه من صدره ورك على ازهار الحقيبة المتفتحة يغني بادي هجد الآنام انا وحدي مساهر النحول على جسمى يا حبايب ظاهر آه اسبابى ....الحب الطاهر انه السهاد وليل العاشقين وما اجمله من ليل عند بادي
01-23-2021, 09:32 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9024
Quote: ومع شيخ العرب حامل لواء سرور الذي فاق بني يعرب والرطنوا.
بت المشرف حبابك.. صدقيني، يصيبني حزن ساحق كلما أتذكر أن بادي رحل عن دنيانا ككثير من الأفذاذ دون أن تتاح لنا فرصة تسجيل وتوثيق أعمالهم وذكرياتهم وشروحاتهم وتفاسيرهم بل لم تتح لهم فرصة أستوديوهات متقدمة ومتطورة على مستوى عالمي كتسجيلات كثير من الفنانين العرب والأجانب في بلادهم أو في مواطن التكنولوجيا وهذا مرجعه إلى الفقر الكبير في هذه النواحي.. في بلادنا لاتوجد أستوديوهات تتيح إبراز هذه الأصوات الطبيعية التي لم تخالطها الأسمدة الكيماوية التي سرطنت أسماعنا. شوفي هسه لامن اتيح لوردي أن يسجل (الطير المهاجر) وأغان أخرى في أمريكا ببروفات قمة في التجويد وعازفين تفرغوا للإبداع بعيدا عن صفوف الرغيف.. شوفي تسجيلات ناس Coke Studios ..!! انتِ قايله بنطلب منه يغني (زمني الخاين ساي)؟
تسلمي يا دوك..
01-24-2021, 12:48 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
الكروان بادي كان قاعد في البيت وبستمع لبرنامج (استديو النجوم) في الاذاعة تقديم الراحل صلاح طه وكان مستضيف فنن من منطقة النيل الازرق الدمازين او سنار الفنان دا غنى اغنية: ( يا حبيبى هل تدري أنا صاحي طول الليل أتأمل البدر واذكر جمال محياك ) بلحن مختلف ، مما جعل بادي يقفز من سريره ويرتدي جلابيته على عجل وبسرعة أشر لى تاكسي وقال ليه الاذاعة سريع .. جري .. وعمته متدلية على كتفه اقتحم الاستديو على الهواء وسأل الفنان انت اللحن بتاعك جايبوا من وين ؟ دا ما لحن الاغنية الاصلي ولا شىء .. كان غاضبا بعد ان تمت تهدئته .. طلب من اوركسترا الاذاعة العزف خلفه.. طبعا أدى الاغنية باصلها وفصلها ولحنها وجمالها .. كما ولدت
01-24-2021, 01:14 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
اسمه الحقيقي (احمدالمصطفى) بدأ في منطقتهم (شيال) خلف الثلاثي محمد اخوه وكمال الطيب وسعدالدين سعيد اغنية (قائد الاسطول) كان زمان بمتحنوا فيها الفنانين في الاذاعة لانها تتطلب اداء وصوت متمكن مرة من المرات في الستينات كانت مجلة (هنا امدرمان) عاملة مسابقة والجائزة كانت عبارة عن (راديو) وكان الحضور : طلعت فريد وزير الاعلام - محمدخير مدير المسرح القومي - فوراوي مدير الاذاعة وبين المتسابقين كان ابوداؤد وصلاح مصطفى وعبيدالطيب اما بادي كان من ضمن الحضور ولم يكن مشاركا ولكنه اصر ان يشارك ويصعد الى المسرح .. فسمحوا له .. ولم يندموا اطلاقا على هذا السماح فغنى لهم (قائد الاسطول) حبيبى كـون ممهول وليكن ما كان .. الفى غدا مجهول والماضى اسمه الكان نفداك شباب وكهول ونبقى ليك اركان ...لى حيك المأهول ونخدم السكان طبعا من واقع تصفيق الحضور كان (الرادي) من نصيب بادي
01-28-2021, 03:59 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: قال الشباب الزمن ده بغنوها بطريقة غير صحيحة ..
فلازم المطربين اذا دايرين يغنوا الغنا ده يغنوه بي طريقته القانونية سرور كرومة الامين برهان و يغنوها ليهم زي يوم ما ( انزلوها ) ..
فهي في كتب محفوظ ..
سلامات يا هندسه.. عندي نقه مع د. أحمد القرشي في بعض من كلامك تتعلق برفض أحمد لأي إضافة للغناء القديم، يعني يقول ليك أولا لا يستمع للأغنيه إلا من سيدا نسجا على نول المتداول شعبيا (قالوا سمح الغنا في خشم سيدو).. في رأيي هناك من الشباب من أضاف للألحان والأداء مما أطربني بأكثر مما قدم الأصائل والذين يجب أن يُحفظ لهم حقهم الأدبي فلهم الريادة بالطبع، أما المغنواتية الذين شوهوا تلك الأعمال الفنية فلا داع لذكرهم أصلا. شوف أغنية الحقيبة ، وربما الوحيدة التي تغنى بها وردي..(قسم بمحياك البدر) .. يا سلام ياخ..
01-27-2021, 08:57 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: الصدير عالي و الحشا مُرقق و القِديم في الحوش ان مشى يبقق
عجيب يا أحمد، عارف يا بركه، في التصنيف الفني الثلاثي الأبعاد القاعد في مخيلتي ، ناس أبوصلاح وسيد عبدالعزيز وود الرضي ديل ناس عصر النهضة زاتا، رفائيل ودافنشي وأنجلو، بس ما يميزهم على الجماعه ديل إنهم بيتركوا لخيالك تفاصيل الوجه وفقا لما فعله بك المتغزل فيه وكل يغني على ليلاه.. هسه ناس دافنشي ديل مسألة البُقاقه الفي باطن القدم دي لم ولن تمر بأخيلتهم كلو كلو.. نحن بنتفوق عليهم بما تفعله السافنا في مشاعرنا وأقدام السمحات..
01-25-2021, 07:46 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
شكرا يا عمده.. رغم أن الكثيرين تلهب (مساء الخير) قلوبهم وتخرجهم بعيدا عن الغلاف الجوي فيحترقوا عند العودة زي ( بروقريس 59) ، إلا أن أغنية صبابة وجزئية (كانت ذراعاك لرأسي مرقدا) دي حاجه تانيه خالص.. أنسيت أنك في شعوري وفي دمي؟؟؟؟.. بالله أسئلة بازرعه دي مش تعجيزية؟
اللهم عطر مراقدنا يا كريم...
01-25-2021, 08:57 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
ايام إبتدائينا كان 6 سنوات الما زي إبتدائيكم الكان 4 سنوات يا ابو اكرم 😂 اخوك كان في الكورس مع ابن عمي الفنان عادل محي الدين كل حفلات المدرسة و المدارس المجاورة و كل المهرجانات اها بي فنياتي دي كنت الملحن لي اناشيد المدرسة بتذكر السمحة ام عجن دي اخدت لحنها لي القصيدة دي :- أُنظرْ لتلك الشجرةْ
ذاتِ الغُصُون النضرةْ
كيف نَمَتْ من حبّةٍ
وكيف صارتْ شجرةْ؟
***
وانظر إلى الشمس التي
جَذوتها مُسْتَعِرَةْ
من ذا الذي أوجدها
في الجوّ مثْل الشَّرَرةْ؟
***
انظرْ إلى الليل فَمَنْ
أوجَدَ فيهِ قَمَرَه
وزانَهُ بأنجُمٍ
كالدُّررِ المُنْتشِرَةْ؟
***
وانظر إلى الغيْمِ فَمَنْ
أنزَلَ منه مَطَرَه
فصيّر الأرض بهِ
بعْدَ اغْبِرار خضرةْ؟
***
وانظرْ إلى المرءِ وقُلْ
من شقَّ فيهِ بَصَرَه
مَن ذا الذي جهّزهُ
بقوّة مفتكرةْ
***
ذاك هو الله الذي
أنعُمُهُ مُنْهمِرَةْ
ذو حكمة بالغةٍ
وقدرة مقتدرةْ
01-27-2021, 04:53 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: اها بي فنياتي دي كنت الملحن لي اناشيد المدرسة
بالله كان عندك فنيات؟ حليلنا فيها الزايله.. إنت؟ بالطبع أيام كنا في الإبتدائي ، في زمن كنتم في الوسطى ، كانت جل القصائد المدرسية تُلحن ليسهل حفظها.. ناس المناهج والمدرسين كانوا جميلين وعارفننا بتاعين غنا وموسيقى وحفلات قبل أن ندخل غيابة جب المتأسلمين .. ياخ (لو بالصد أبيتيني ولو بالنار صليتيني) دي حفظنا بيها عددا من القصائد ولشدة ما كنا نطرب للألحان والأغاني كنا عايزين نقترح لأستاذ الدين يلحن لينا الأحاديث.. بس يا عادل نحن زاتنا الغنا علينا كابلي الوعي المبكر والعاطفه النبيله ..كنا بنحب ونحن لسه في الأوليه لامن انتو كنتو في العام بتخافوا من سيرة البنات.. مستحيل أنسى ما قال لي زميلي (حاليا الخبير الإقتصادي بدولة الإمارات العربية المتحدة د. عادل التجاني علي عبدالله) ونحن في أولى عام : بالله عليك الله يا مرتضى شوف زول يقول (لو وشوش صوت الريح في الباب يسبقنا الشوق قبل العينين).. تخيل تلميذ عمره 12 سنه يحس بيت زي دا.. الله يغيزك يا ترباس..
01-28-2021, 07:18 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: بالله كان عندك فنيات؟ حليلنا فيها الزايله.. إنت؟
آآآي انا القدامك دا فنيات و مواهب كمان ... كان ما عجبك زول فلتة عديييييل كدا لو ما الظروف عاندتنا و بقينا مع الناس الساي ناس ود البشرى و منتصر ... 😂
Quote: بالطبع أيام كنا في الإبتدائي ، في زمن كنتم في الوسطى ، كانت جل القصائد المدرسية تُلحن ليسهل حفظها.. ناس المناهج والمدرسين كانوا جميلين وعارفننا بتاعين غنا وموسيقى وحفلات قبل أن ندخل غيابة جب المتأسلمين ..
حفظ شنو يا مولانا ... ؟؟؟ و الله بنهجج بيها حلاة هجيج الكنب و الادراج اتكسرو من كترة الدق 🎵🎶🎵🎶
Quote: بس يا عادل نحن زاتنا الغنا علينا كابلي الوعي المبكر والعاطفه النبيله ..كنا بنحب ونحن لسه في الأوليه لامن انتو كنتو في العام بتخافوا من سيرة البنات..
ذكرتني حب الابتدائي .... بينا و بين مدرسة البنات الكانن بلبسن اللخدر شارع بقعدو فيه بتاعين (الملوص)* .... اها كان بيناتنا مصالح مشتركة احتفالات و مرات مذاكرة مشتركة يوم الجمعة شفت العز دا كيف ؟؟ تقول لي نظام عام و جنجويد .... 😂 المهم يا زول كانت كل الظروف مواتية لعمل حبكانة ... اها ناس اللخدر ديل فيهن واحدة (نجاضة) او سميها ( بقاقة) او (لمبة نايلون) حسب موقعك الجغرافي البنية سمحة شديد و ظرييييييفة النوع اللمن توشفا ركبك بتلخبتو عليك ما تعرف ركبتك اليمين من ركبتك الشمال 😂 و هي مع دا كلو شفتة شديد عارفة كل الخلوق يتشابو ليك .....🎵🎶🎵🎶 اها اكتشفنا ليك انها ضاحكة ليك علي نص الفصل و الفصل ماشاء الله زي بص ابو رجيلة ايام ازمة المواصلات فيه 60 طالب النص مغشوش و النص التاني دايش ساي يعني اصلا ما عندو اي اهتمام بالجكس و الا كان البص كلو متيم بيها ... 😂 إلا اخوك صاحب الفنيات تقيييييييل براقب من بعيد بي عين ثاقبة غير كدا عندي بت عمتي كانت معاها في نفس المدرسة لسانا طويل و بتفضحني 😂 ياخ الزمن داك الحب زااااااتو كان ليه طعم تقول لي الثانوي العام حاجة تمام و الثانوي العالي عرس طوالي .. !!!! ياخ الحصة الاخيرة نحن كنا بنقضيها شطيف و مسيح و تسريح تقول لي النظام العام ... ؟؟؟ عملو لينا مذاكرة مختلطة يوم الجمعة سادسة بنات و سادسة اولاد موزعين علي 6 فصول زمن كانت الكنبة الطويلة الخدرا و قداما الدرج الطويييل الاخدر الفيه مجرى للأقلام و كم فتحة للمحبرة كنبتين في كل صف اها الاولاد في اليمين و البنات في الشمال و قاعد الالفة مراقب صاحبي عصام زول مجرم اقنع ليك الالفة انو يخلط البنات و الاولاد و قام وافق و خلطنا ... مدير المدرسة جا يدبا و وقف في الشباك لقى ليك المذاكرة ونسة و ضحك غايتو الالفة المسكين اليوم داك اخد ليه جلدة معتبرة و صاحبنا قاعد زي الما عمل شي ... تقول لي الحب في الثانوي العام ... ؟؟؟ يا زول في ناس كملو الابتدائي و اتزوجو و لا صبرو للثانوي العام زاتو ... حليلنا نحن العملناها قراية ام دق .... 😂😂😂
* (الملوص) من انواع القمار بستعملو شريط الفانوس في اللعب
01-28-2021, 09:32 PM
ابو جهينة ابو جهينة
تاريخ التسجيل: 05-20-2003
مجموع المشاركات: 22489
أخونا وعزيزنا الأديب أبوجهينة.. لا أغالي إن قلت أنني أحيانا أحس ندما جوه الجوه على بعض الكتابات ومنها هذا المنشور أعلاه لأنه أقصر قامة من رجل كبادي ، فالكتابة عنه ، بالطبع، لا يمكن أن تنتهي ببعض عبارات هي أقرب للهذيان ، لكني حاولت أن ألفت النظر إلى أن ذلك العملاق يستحق أن يكتب عنه أهل المعرفة في الفن فهو يستأهل ولأنه اجتمعت فيه خصال وميزات لا تتوفر في كثير من الذين (يتعاطون) الغناء من الذين ولوجوا ، والأصح تسوروا، سوحه دون موهبة وبراك شايف ..
01-29-2021, 10:54 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: و الله بنهجج بيها حلاة هجيج الكنب و الادراج اتكسرو من كترة الدق
أيوا يا عادل، عشان كدا مجايلينا أبدعوا في كافة المجالات.. الدورة المدرسية كمثال أخرجت إلى الأرض السودانية مبدعين في الفنون والمسرح والرياضه والأدب ، ثم جاءت إلى بلدنا كائنات لا علاقة لها بكل ذلك ولا بالإنسانية نفسها وكانت النتيجة ما ترى. ياخ في أيام كان يدير فيها التلفزيون أحد أعداء الجمال، لا أذكر اسمه ، كان يتم تعتيم الشاشه عندما تظهر مشجعات البرازيل أثناء مباريات كأس العالم ومهرجانات البشاشه التشبه كرنفال الريو.. نعم، مشجعات البرازيل ياخ.. مشجعات السامبا الآتيات من مزارع الكاكاو في ولاية باهيا، الخلاسيات اللواتي كتب عنهن جورج أمادو في (غابرييلا قرفة وقرنفل) .. أيوا.. هن زاتن اللواتي لو شاهدهن عبدالرحمن الريح أو ودالرضي وأبوصلاح وهن يتقافزن فرحا عقب هدف لفريقهن من قدم فالكاو أو سيرجينهو لكتبوا حقيبة بالبرتغالية وقالوا ليك أوبريقادو.. يللا تيه واتاكا.. قت ليك انضربنا عين ما صلت..
01-30-2021, 04:33 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: الدورة المدرسية كمثال أخرجت إلى الأرض السودانية مبدعين في الفنون والمسرح والرياضه والأدب ، ثم جاءت إلى بلدنا كائنات لا علاقة لها بكل ذلك ولا بالإنسانية نفسها وكانت النتيجة ما ترى.
اسماء لامعة في كل المجالات قدمت مواهب للفرق الكبيرة في مجال كرة القدم و حتى الفريق القومي كان فيه مجموعة من لاعبي الدورة المدرسية ياخ بيت الامانة كان ليها نصيب من الشهرة في الدورة المدرسية بي مواهبها كذلك كرة السلة و تنس الطاولة و حتى العاب القوى اما الكرة الطائرة و اللي كان فيها اخوك من المبدعين و صاحب (فنيات😂) فيها فحدث و لا حرج بنجي من بدري علشان مباريات الجكس قبلنا تقول لي النظام العام وحات الله كنا بنشجع اللعبة (الحلوة) بكل اخلاص و صدق و من جووووووووه قلبنا ... 😂 ياخ النفوس كانت طيبة و الفرجة دي كنا مخلصين فيها ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد المرتضى حامد
جلالدونا
علاء سيداحمد
زهير عثمان حمد
Amira Hussien
عزالدين عباس الفحل
ABUHUSSEIN
Osman Musa
Ahmed Yassin
يحي قباني
معاوية المدير
ابو جهينة
فيس بوك
تويتر
انستقرام
يوتيوب
بنتيريست