|
|
|
 Re: الريس جو بايدن: لم اري، افضل من الدناقلة.... (Re: Bashasha)
|
بشاشا امبس .. سيرناقمي
الكلام ده منتشر في منتديات دنقلا
لكن شغل واتساب حسب تقديري
Quote: US President Joe Biden ... describes the Sudanese Danakla tribe as the most honorable nation on earth
Biden ...
The Sudanese community that supports him in his election campaign meets in Arzuna and Pennsylvania and confirms that Trump practiced blackmail against Sudan and regrets what happened because it does not resemble the greatness of America and its democracy
Joe repeated his thanks to the Sudanese in America, describing the Sudanese people as a sophisticated and educated people, and declared that they would support Sudan in particular.
* And he praised the Danagla tribe in northern Sudan, saying I have not seen better men on earth than the Danaqla.
He said that the dnaqlah are the noblest of the people of the earth
Congratulations to the transporter for this certificate they deserve |
| |
 
|
|
|
|
|
|
|
|
Re: الريس جو بايدن: لم اري، افضل من الدناقلة.... (Re: Bashasha)
|
أختي الانصارية دكتورة اخلاص يامراحب.
نعم انتبهتا لي انك انصارية زيي، ولكن ماعندي الشغلة بالزعامة الحالية، المتوركة!
نعم اخوكي، انصاري "اوساري"!
نعم من انصار الثالوث المقدس:
1) الست "ايزيس".
2) الاؤرو "حورص".
3) اوسار "اوزريس".
نعم جدنا اوسار، هو المهدي المنتظر سيد الاسم بالالف واللام!
ندعوكي ونتمني ان تتحولي، الي انصارية "اوسارية" لانو المرأة السودانية تحديدا وحدها، هي اللي الحتمهد الطريق لعودة اخوها، زوجها اوسار، المهدي المنتظر!
الرجل السوداني لايستطيع القيام بهذا الدور!
أمانة في ضمتك، بعاعيت البعث ولاسفرجية ناصر، بعرفو كلام زي ده؟
لاحظي العصر الذكوري الحالي، تبقت له عشرين رغيفة فقط!
نعم بعد 20 سنة سيبدا مشوار عودة العصر الاموي الي مقعده الخالي!
نعم لن ينصلح حال السودانيبن، مالم تتولي امرهم، امهم "الست" واهبة العرش، وأم الحضارة!
ده كلو جاي، جاي، لامحالة، لانو حراك كوني!
نعم الوعي الكوشي سيعود نواحي 2060 اي بعد 40 سنة من اليوم!
اذن زي خطرفة اخوكي ده وامثالو في الاسافير ماصدفة ولاعابر!
بذات الطريقة دور السودانية في ثورة 19 ديسمبر اي ثورة الوعي الكوشي ماصدفة ولاعابر!
في امريكا الوعي الكوشي نزل الشارع سلفا، بالذات بعد استشهاد جورج فلويد علي روحو الرحمة، اللي كنتيجة جات كمالا الكوشية، للبيت الابيض، المرة الاولي في تاريخ امريكا، من اغلال العبودية والي البيت الأبيض وهي امراءة وقبلها سوداء!!
عندك ادني فكرة عن فكرة ومفهوم "البيت الأبيض"؟
اخير اقيف هنا!!!
تحسبو لعب؟
| |
|
|
|
|
|
|
|
|
Re: الريس جو بايدن: لم اري، افضل من الدناقلة.... (Re: Biraima M Adam)
|
عارف يابريمة،
انا عندي غبينة معاك أو انتا ماعارفا!
نعم والدة حبوبتي الكنداكة "بت شرفي" بت عم الامام المهدي، اتولدت واتربت هناك عندكم في الأبيض أو هي كانت انصارية قاطعة، شالت السلاح أو شاركت في تحرير الابيض، بل مرقتا في كمت كما جدها بعانخي لتحرير ارضاجدادا!
اها، غبينتي معاكم، انها فقدت لسانا الكوشي بي سبب امثالك، أو جابت لينا لغة الغزاة العرب في البيت بي سببكم إنتم يامستلبة الاعراب، وكنتيجة اهلنا في دنقلا كانو بقرقو علينا بي سبب انتشار العربي في البيت، لدرجة الجيران قالو، حتي الكديسة الاتسلفناها من الجيران مرة، قامت جاكا بكريتو، من شدة سنونا ما اتضرست من العربي التقيل في بيتنا!!
قرقرقرقر!
تخيل هذا!
نعم حتي كدايسنا، ماكانو بقبلو ورجغة بالعربي او ده ماصدفة!
نعم دي الذاكرة الجينية للصراع المرير الطويل مابينا وبدو الإعراب في عاصمة المغرة، اي دنقلا، بوابة فيضان كرور وعي الاسترقاق العروبي!
لاكسب، امثالك، نواحي الأبيض العربو حبوبتنا سليلة اماني تاري!
جدي ماكان بقبل زول يقول بغم، في الخليقة التعايشي بالمناسبة، عكس ناس منطقتنا!
| |
|
|
|
|
|
|
|
|
|
Re: الريس جو بايدن: لم اري، افضل من الدناقلة.... (Re: Gaafar Ismail)
|
قاصد حضارة كوش
وما في ارقى من حضارة كوش من الاساس خاصة في الاخلاق
والدناقلة كوشيين
بعد ده يتعرفو بايدين بي حضارة كوش وسودان 1يناير 1956 مش سودان الكعوك ده
نحن بنعرف الديمقراطية من 1938 ضيعوها خدم الصاع صلاح سالم
العالم كله بحترم السودان والسودانيين لحدي هسة
بس نزح الاقزام ديل من راسنا كيف
المكون العسكري والمكون المدني حذائين لجهة واحدة معروفة ومفضوحة
بايدين رئيس مثقف علي الاقل واستخدم اماطة الاذى في خطابه للمسلمين وما في اذى اكبر من ترامب حبيب الرجرجة والحثالة في اليورد والسودان
باع ليهم الترام
وقرقر قر قر قر
| |
|
|
|
|
|
|
|
|
|
Re: الريس جو بايدن: لم اري، افضل من الدناقلة.... (Re: Biraima M Adam)
|
الرطانى بشاشة
بقيت تلفح من الوتساب
ياعابد الاصنام السودان بلد العرب
ونحن عرب العرب زى ماقال صلاح
احمد ابراهيم فى رده على النور عثمان ابكر
حين كتب الاخير مقاله الشهير لست عربيا ولكن
ابان انعقاد مؤتمر القمة العربية بالخرطوم ١٩٦٧م
اى ماسمى بمؤتمر اللاءات الثلاثة
طبعا صلاح فى رده على النور شتم النور شتايم شخصية
وصلاح قبل رحيلة اعتذر عن مقاله وشتمه للنور بس صلاح حتى
رحيله ظل عروبى وانقاذى والنور حتى رحيله لم يتزحزح من
موقفه
| |
|
|
|
|
|
|
|
|
|
Re: الريس جو بايدن: لم اري، افضل من الدناقلة.... (Re: Bashasha)
|
سلام ياعادل،
مرة اخري، الدناقلة ديل منم اصلا، اذا اهلنا نوبة الجبال هم الاسسو دنقلا او كانو ملوكا، اما امثالك، فكانو الرعية!!
غرضي اقول مافي حاجة اسمها "دناقلة" كقبيلة!
هذا وهم!
دنقلا اسم لي منطقة جغرافية بعينها، واذا ده حاصل، فده بنسف مفهوم قبيلة من الجذور!!
لو كنتا كوشي، فاعلم، ككوشيين ما كان عندنا فرذ او تكوين قبلي!!
هذا مستحيل في اي مجتمع حضري، مستقر، زراعي!
نعم الفرذ/التكوين القبلي مرتبط باسلوب حياة/ثقافة البداوة تحديدا وحصريا!
عشان كده "الطرمبة" كمثال الان ماعندو قبيلة، وان كان في الماضي، لانو مجتمعو صناعي الان او ماعاد رعوي، من حيث اسلوب الحياة اي وسائل الانتاج!!
مجتمعنا الحضري، المستقر، من جانب اخر، صلة الرحم فيه، اللي نجمت عن صيغة الزواج هي اساس تركيبة العلاقة الاجتماعية!!
لهذا الكل، قريب الكل، وهذا يمنع وعلي نحو قاطع الفرذ او التشكيلة القبلية، النجمت عن حياة التنقل، كالية اصطفاف، لمواجهة العنف الناجم عن حياة التنقل لشظف وقسوة العيش وهذا ادي للاصطدام علي الدوام!
خت في بالك، اسلوب حياة المجتمعات البدوية، اللي اساسا العضل، جعل منها مجتمعات ذكورية، المراة فيها، مملوكة لنوع الذكور، وكنتيجة ما كان هناك زواج زاتو- خالص!
لهذا طبيعة العلاقة بين افراد الاسرة في المجتمع ده، مختلفة جدا، جدا!
عشان كده لايمكن الاخ يستضيف اخوهو كمثال في البيت، كقاعدة، ليقيم معاهو، لو متزوج!!!!!!!!!!!!!!!
صيغة الزواج في المجتمع ده، شكلي، جديد، وافد واجنبي!!!!!!
| |
|
|
|
|
|
|
|
|
|
Re: الريس جو بايدن: لم اري، افضل من الدناقلة.... (Re: Bashasha)
|
المسنوح، بدر الدين، مرحب بيك.
ياعزيزي عبادة الاصنام ثقافة بدوية، رعوية، لانو ثقافة البدو، مادية، تجثيمية بي طبعها عكس امثالنا، اللي ثقافتم روحية بطبعها!
نعم الثقافة الرعوية البدوية، هي الحولت "الذات" الالهية الي مجرد "سوبرمان" معبود في شكل، صنم لانو المنطلق اصلا مادي "براغماتي" شغل مقاربة ثقافية لي ارث روحي كوشي من حيث الاصل، اسموه "دين"!
نعم لاوجود لي مفهوم "دين" في ثقافتنا، بل لاوجود لي مفردة "دين" في لسانا، كمجرد مفردة، عابرة!!!
ده زاتو عرفو بعد احتكاكم بينا، او ده ياهو قدر فهمم هم، لي اشياءنا نحن!!!
الطريف جدا، بدو الاعراب، الان، شغل اسقاط، بنمطو امثالنا من "الذنوج" ك"عبدة اصنام" وهذا مضحك حد البكا!!!!!!
| |
|
|
|
|
|
|
|
|
|
Re: الريس جو بايدن: لم اري، افضل من الدناقلة.... (Re: Bashasha)
|
Quote: المسنوح، بدر الدين، مرحب بيك.
ياعزيزي عبادة الاصنام ثقافة بدوية، رعوية، لانو ثقافة البدو، مادية، تجثيمية بي طبعها عكس امثالنا، اللي ثقافتم روحية بطبعها!
نعم الثقافة الرعوية البدوية، هي الحولت "الذات" الالهية الي مجرد "سوبرمان" معبود في شكل، صنم لانو المنطلق اصلا مادي "براغماتي" شغل مقاربة ثقافية لي ارث روحي كوشي من حيث الاصل، اسموه "دين"!
نعم لاوجود لي مفهوم "دين" في ثقافتنا، بل لاوجود لي مفردة "دين" في لسانا، كمجرد مفردة، عابرة!!!
ده زاتو عرفو بعد احتكاكم بينا، او ده ياهو قدر فهمم هم، لي اشياءنا نحن!!!
الطريف جدا، بدو الاعراب، الان، شغل اسقاط، بنمطو امثالنا من "الذنوج" ك"عبدة اصنام" وهذا مضحك حد البكا!!!!!! |
الخررررط والخم مستمر والرجرجة كثرو من المعجبين
لو كوش ما عندها دين ابادماك ده شنو ؟؟؟
والزول ده بناجي منو في الكرو جنب بلدنا مورة
https://top4top.io/
البورد ذى السودان بحبو التراهات والكلام العايم
ويخافو من الكلام الموثق
انت يا بشاشا عايز تمجد حضارة جنوب مصر النوبية وامون كان استلاب في السودان علي حساب حضارة كوش السودانية المعروفة للجميع كرمة البركل النقعة والمصورات
| |
|
|
|
|
|
|
|
|
|
Re: الريس جو بايدن: لم اري، افضل من الدناقلة.... (Re: Bashasha)
|
بوست اوسكار وعلى الرغم من ان صاحب البوست ،النوبي القح بشاشا كان قاصد بالبوست
انه يكون بوست فرايحي بشوش من بشاشا و ممتزج بسخرية لطيفة الا ان البوست ايضا فيه معلومات تاريخية
مهمة جاءت عفوا في تعليقات المارين بالبوست ومن صاحب البوست بشاشا...
ويا اخلاص :تعليقك برضه اوسكار وخاصة لقب"كبير الكهنة" كهنة امون رع،،،،
وقد قرات مرة يا بشاشا ان امون رع يعني اله الماء وان كلمة امون مقتبسة من كلمة امن وهي باللغة النوبية تعني الماء
وكلمة رع تعني اله ...فهل هذا صحيح ...وممكن كمان استاذنا النوبي القح ،زي بشاشا، يوضح مزيد من المعلومات حول
معنى امون رع،اله الماء، واذا صحيح ان النوبيين زمان زمن الفراعنة النوبيين ابذين حكموا مصر كانوا يقدمون اجمل فتلة
كقربان الى اله الماء ويرمونها في النيل....
..وكمان يا بشاشا ما تستبعد ان يكون الرئيس المنتخب بايدن قال الكلام ده....ولا انت ما شفت الصور بتاعة السودانيين الاثنين
مع بايدن، وهما د.جعفر عباس الامين وبنته ريم ،ود.اخر كان مشاركا في حملته الانتخابية في معقل الجمهوريين تكساس!!؟
| |
|
|
|
|
|
|
|
|
|
Re: الريس جو بايدن: لم اري، افضل من الدناقلة.... (Re: امتثال عبدالله)
|
عووووك يابريمة،
ياخي ما اهو قدامك، بنسال الدناقلة ديل منم، تقول لي سبيت البقارة؟
البقارة ديل منم؟
ياخي ماعندنا خزعبلات فرذ/وعي قبلي زيك، عشان تحاكمنا وفق معطيات طريقة تفكيرك انت تسوي بقارة!!!
ياخي كلنا اذا لابد، افـــــــارقة فل استوب!
اذا اصريت، فكلنا سودانيين والسلام، بلاش بقارة، بلاش دناقلة...الخ!!
هذا لايشبهنا كسودانيين، مركز دائرة وجودنا، كان هم النجاة في اليوم الاخر، لاغير!!
نعم هم، روحي، صوفي، صرف، كان بنظر للحياة الدنيا دي كوهم، تقول لي بقارة؟
النجاة بتم ليك انت كفرد لو احسنت معاملة الاخر كفرد بما يرضي ربك يرضي ضميرك، ويرضيهو هو اي الفرد، اكرر الفرد، ايوا الفرد، الاخر!!!
| |
|
|
|
|
|
|
|
|
|
Re: الريس جو بايدن: لم اري، افضل من الدناقلة.... (Re: Bashasha)
|
| Quote: وقد قرات مرة يا بشاشا ان امون رع يعني اله الماء وان كلمة امون مقتبسة من كلمة امن وهي باللغة النوبية تعني الماء |
العزيزة امتثال يامراحب،
امون باختصار معناهو "المخفي".
مفهوم الالوهية في مرجعية اجدادنا الصوفية، مختلف اختلاف جذري عن المفهوم المادي الحالي.
نعم ارخي اضانك لي شيوخ الصوفية عندنا، مع انهم مابخوضو بي صورة مباشرة في مواضيع زي دي، ماعدا الشهيد محمود اللي تناول بعضا من هذا الجانب.
نعم مفهوم مافي الوجود الا الله، بالعربي، هو الاقرب لطرح اجدادنا، وهذا موضوع ماكانو اجدادنا بخوضو فيهو علنا او بالمكشوف في محل عام!
كده، غلط!!
لهذا قدر الطشاش الجانا من اجدادنا كان من مصدرين:
1) تلاميذنا من قدماء الاوربيين الكانو بجو قاطعين البحر، عشان يلتحقو بي خلاوينا في طيبة، او واوسي"ايوا ذات الاسماء" كمثال ولكن نواحي اسوان الحالية، مش نواحي سنار الحالية!!
ومن ابرذ هؤلاء كان فيثاغورث!!
فيثاغورث، حوارنا، ماكان "فيلسوف" بي فهم عالم اليوم وانما فعلا كان صوفي، عكس افلاطون مثلا، ايضا حوارنا!
المصدر الاخر كان هو مانسميه نحن الان في السودان ب"الحجبات"، نعم نصوص محددة مكتوبة، محشورة في محفظة بتاعة جلد، والمحفظة دي تتدلي من الاعناق!
ده كان منتشر جدا في السودان زمان بالمناسبة!
اها "الحجبات" دي، كانت من مراسم الدفن عن اجدادنا!!
علي كده برديات "الحجابات" دي، الان تعتبر المصدر الاساسي للبسيط جدا المتداول الان في كتب التاريخ عن ارثنا الكوشي الروحي!
بل اكثر من هذا، عدد كبير من نصوص "التوراة" منقولة بالحرف، نقل مسطرة من "الحجابات" دي النبشوها من مقابر موتانا، لو بتصدقي، وهذا انتقل جزء منه، بدورو الي اسلام الثقافة العربية وهذا طبيعي!!
باختصار شديد، هكذا موضوع الخوض فيهو جهرا، في مكان عام، كان من المحرمات في مرجعية اجدادنا، لدرجة لما يتناولو هذا كانو بكتبو بي حبر سري، ولغة خاصة بي شيوخنا لم تصل الشارع لحدي عصرة الاسرة 18!!
ده كلو، او لغتنا المكتوبة، في الزمن دااااك، اصلا ما كانت منطوقة، وانما رمزية بطبعها اي "كودية" بطبعها!
لهذا ماصدفة، كيف ارثنا الحضاري، الروحي، الصوفي، ركز علي السلوك، علي الممارسة، من قولة تيت، مش علي النصوص او تسميعا!!!
كلنا الان شهود عيان في السوتو فينا، دويلة "تسميع النصوص"!!
نعم لاعلاقة البتة، ما بين سلوك الكوز او الوهابي، والنصوص البسمع فيها!!!
ده، هو الفارق الاساسي مابين ارثنا الحضاري الروحي، بطبعو، وارث الثقافة الارية المادية، بطبعها، اللي حولت الذات الالهية الي مجرد "سوبر مان"، و"الدين" الي مجموعة نصوص تسمع، لاعلاقة لها بالسلوك!!
هكذا، الدويلة النصوصية الكيزانية، الشيطانية، في السودان، انجبت افسد، افسق، من مشي علي قدمين، في المليون ميل مربع!
هل صدفة انو 80% من الكنايس في امريكا واقفة مع واحد زي الطرمبة؟
..يتبع....
| |
|
|
|
|
|
|
|
|
|
Re: الريس جو بايدن: لم اري، افضل من الدناقلة.... (Re: محمد محمد قاضي)
|
مهمد امبس،
كتر الف خيرك ياخي.
بموت في المديح.
اها "انو" هو اوسار، اي النبي ادريس، في اسلام الثقافة العربية بالمعني الحرفي لي "انو"، باعتبارو والد البشرية.
من جانب اخر ال"اننجي" هم قوم اوسار!
هكذا ترد الاشارة اليهم في كتب التاريخ بي صيغة Anu بالانجليزي.
نعم القــــــــوم، البرد كتير في مدايحنا.
نعم مكاشفي "القــــــــــــــوم"!
لاحظ ده كلو مخزن في اللاوعي راجي يومو عشان يجي مارق الي السطح، الي الشعور، الي الوعي!
نعم اسلوب حياتنا عبر عشرات الاف السنين لايمكن يجرفو اسلوب حياة الاستعمار الثانئي الماثل امامنا، المصري اي العربي، الانجليزي، المهيمن او محتل لوعينا المستعمر الحالي!
شخصيا، كتب التاريخ بترجعني لما عايشتو كطفل في دنقلا، دعك من عصر الاهرامات!!
ياخي من كم يوم ياداب عرفتا، كيف امنا ال"ست" اي The Black Madonna البركعو ليهو بابوات الفاتيكان الي اليوم، هي اول من امتطي الحمير!
رجعتا طوالي لي حبوبتي عليها الرحمة اللي كنتا دايما مردوف معاها في حمار خاص بيها هي، في الاسرة!
لاحظ حبوبتي اسمها "نفيسة"!
نعم قريب ده عرفتا انو نفيسة اسم سوداني صرف، وهي كانت اخت "الست"!!!
اسلوب الحياة اليومية العشتو في طفولتي في دنقلا، بالذات الزراعة، لقيتو بي "ضبانتو" كان متداول في عصر القباب، اي الاهرامات!
شئ عجيب!
| |
|
|
|
|
|
|
|
|
|
Re: الريس جو بايدن: لم اري، افضل من الدناقلة.... (Re: Bashasha)
|
| Quote: لو كوش ما عندها دين ابادماك ده شنو ؟؟؟ |
عادل امين، فهمتا كلامنا كما متوقع، خطأ!
نعم اضرب للاهل في دنقلا، واسالم لو هناك مقابل لي مفردة "دين" في لسانا الكوشي، لهجة دنقلا، او بعد داك تعال هنا او ورينا قالو ليك، شنو!
نعم مفهوم/صيغة/معني "دين" لاوجود له في لسانا الكوشي النوبي اي السوداني، حتي كمجرد مفردة او لفظ!!!
المصطلح ده، خاص بي مرجعية الثقافة الارية، اي الثقافة الغير سودانية او سوداء.
نعم هناك في العالم، ثقافتان لاثالث لهما في هذا العالم:
1) ثقافة افريقية وهي الاصل، مهدها السودان الحالي ثم كمت "مصر".
2) ثقافة غير افريقية، اي ارية تشمل الاوربيين، الاسيويين، والساميين وهكذا.
الثقافة الارية دي لمان ظهرت كطفلة تحبو، هي اللي حولت ارثنا الروحي الصوفي الي "دين" و "اديان"، وليس نحن شغل مقاربة.
هذا بعد وافد، اجنبي، ودخيل علي الثقافة الارية المادية بطبعها!
اقصد كل ما اتصل بالبعد الروحي!
لهذا هم بعتمدو علي الحواس الخمسة المعروفة، ونحن تركيزنا علي الحاسة السادسة تحديدا بالفهم المادي!
لهذا الخواجة لومامسك الشئ بي يدو، او شافو بي عينو، او ضاقو بي لسانو، وهكذا، فالشئ ده غير موجود في وعيو!
اي كلام غير كده، بعتبرو "مثالي"!
اما نحن، فكلو "مثالي" عندنا لدرجة حتي المادة في مرجعية اجدادنا، كانت فقط تجلي وانعكاس لي بعد روحي والسلام!
زي الموية كمثال!
فلو بخار ولاتلج، فهي ذات الموية!
لهذا القلب اي الحاسة السادسة بالفهم المادي، اي الKA ب"المدونتر" اي الهيروغلوفية، او مش عقل الحواس الخمسة كان هو كل شئ، في مرجعية اجدادنا!
لاحظ KA في لهجة دنقلا هو البيت، والقلب فعلا هو بيت الروح في الجسد!
ده موضوع ضخم مامن السهل تناولو في سطور، بالذات موضوع القلب او رمزيتو البمثل ذبدة وعصارة ارثنا الروحي كاداة!
لهذا يوم القيامة العبور للجنة في مرجعية اجدادنا، بحددو وزن قلبك، مش اجاباتك الشفهية لي اسئلة منكر ونكير في القبر، طبقا لمرجعية الثقافة الارية، العربية!!
لهذا بنقول صفي نيتك، اي قلبك، وارقد حداهو!
باختصار شديد، الثقافة الارية، لما ظهرت في التاريخ، هي اللي فسرت ارثنا الروحي، "المثالي" ماتنسي،، ابتذلتو، اختذلتو، بي فهما هي، في شكل وصيغة"دين" وليس نحن!
نعم ده كان اسلوب حياة بي اكملا او مش فقط "دين" اي حبة عند اللزوم!
بمعني، مفهوم "دين" في مرجعية الثقافة الارية، في مقابلو هناك مفهوم "لا دين" وهذا مدهش او عجيب بمعني المفردة، لو فكرنا فيهو!
عشان كده، الكوز ايام نميري لما قبضو بتاجر في المواد التموينية بتاعة التعاونيات، او قالو ليهو ده شنو يارسالي، وين الاسلام، فقال ليهم الاسلام براهو، والتجارة براها!!!
كارثة مفهوم دين في مقابل لادين، كلها هنا، في الانفصام ده!
احنا تاريخيا ما كان عندنا فهم زي ده اطلاقا، والمدخل لي ده كلو كان فردي، خاص جدا جدا، او مش جماعي اطلاقا، لانو الغرض كان هو الفوذ بالجنة!
ده، كان هو، محرك ارسطو"افتراضا" الذي لايتحرك!
ده، اي هم الفوز في اليوم الاخر، كان هو الديزل الجاري قطر بضاعة اسلوب حياتنا كلو كافراد، مش كجماعة، من يوم ولدوك، الي ان تموت، ثم تبعث حيا!
| |
|
|
|
|
|
|
|
|
|
Re: الريس جو بايدن: لم اري، افضل من الدناقلة.... (Re: ابو جهينة)
|
كمثال فقط، ادناه مصدر مفهوم/معني/تصور يوم القيامة، اي اليوم الاخر اي يوم الحساب، البعث، الجنة/النار، الميزان... الخ في كل اديان اليوم وبالذات اسلام الثقافة العربية تحديدا:
البشرف علي اجراءات يوم الحساب، هو جدنا "اوسار" المعروف ب:
The Black One
نعم الازرق اي "الاسـود" بالالف واللام بدل ازرق الحتة الفلانية، كما ازرق طيبة طيبة !!!
نعم هو اول انسان كامل في تاريخنا، ولهذا السواد اي "الزرقة" مقام روحي، بلغوهو في تاريخنا افراد بالعدد، لاحظ رجالا ونساء، من دون تمييز علي اساس النوع وهذا لم يتكرر قط في اي مجتمع/ثقافة اخري، خالص، خالص!
هل في اسلام الثقافة العربية، او يهودية الثقافة اليهودية، او مسيحية الثقافة الاوربية، او الاسيوية، المرأة ممكن تبلغ مقام كهذا؟
قطعا لا!!
هذا مستحيل، والفرق بينا والاخرين هنا!!!
يكفي اهو منذ ايام خلت، تما انتخاب امرأة، للمرة الاولي في تاريخ امريكا، ارض الحريات حسب الوهم، كنائبة للرئيس، مش رئيسة!!!
للمرة الاولي علي الاطلاق، بعد ماكانت ممنوعة من مجرد التصويت لانها "حرمة"!!!
قارن هذا بي امنا MAAT اعلاه البتقوم بي عملية وزن القلب في اليوم الاخر، والمرأة هي واهبة العرش في تاريخنا!
لهذا تاج امنا "الست" هو عبارة عن كرسي، لانها هي، اي الســــــودانية، من وضع اساس النظام السياسي، الاقتصادي، الاجتماعي، وليس السوداني!!
لهذا ماصدفة كيف ثقافتنا مختلفة اختلاف جذري، عن بقية الثقافات الاخري!!!
| |
|
|
|
|
|
|
|
|
|
Re: الريس جو بايدن: لم اري، افضل من الدناقلة.... (Re: Bashasha)
|
| Quote: قرأت في بحث قديم ان الميدوب فرع من قبيلة الدناقلة |
ابو جهينة يامراحب،
هذا مانعني لمانقول الدناقلة، ولا المحس ولا الحلفاويين... الخ، ما قبائل اطلاقا!
هذه اسماء لي مناطق او مدن او عواصم او حتي الدولة زاتا!
المحس كمثال، الاسم ده مشتق من:
Ta-Nehisi
وهذا بمثل احد اقدم الاسماء للسودان كلو، بل البعض بترجم Ta-Nehisi بمعني:
بــــــلاد الســـــودان!!
واضح لو ده اصل الاسم، فلامعني ولااساس للتصور الحالي المسبق للمحس، كقبيلة!!!
هذا مزاح!!
بناءا عليه، نوبة الجبال هم اصلا الاسسو دنقلا، او كانو ملوكا، وامثال بشاشا الرعية!!!
لو ده حاصل، فالمادنقلاوي منو في السودان؟
بمعني دنقلا دي، اصلا، اسم لي عاصمة لي مملكة كان دورا ضخم جدا في تاريخنا.
كل غرضي من البوست ده، اننا لازم نتخارج من ايبولا هكذا وعي قبلي، وافد اجنبي ولاعلاقة لهكذا وعي استرقاق ثقافي، بي ارثنا الحضاري، اي الثقافي كسودانيين!
| |
|
|
|
|
|
|
| |
Bashasha
علي عبدالوهاب عثمان
Osman Musa
Biraima M Adam
Gaafar Ismail
adil amin
بدر الدين الأمير
محمد محمد قاضي
ابو جهينة
فيس بوك
تويتر
انستقرام
يوتيوب
بنتيريست