تعالي انحدثك يا داليا بنبذة صغيرة عمن تتساءلين عن دورهم في مؤتمر اصدقاء فرنسا :
لن اتطرق للجميع ، سأعرّفكِ على اصغرهم سنًّا شفتي البنية اللطيفة دي؟
اسمها نسرين الصائم..
وطبعاً نسرين ربنا يحفظها ويطول في عمرها زي ما انتي شايفة في الصورة صغيرة في السن ومؤهلاتها اختصرها ليك فيما يلي:
- بكالريوس فيزياء وطاقة متجددة من جامعة الخرطوم " ما متأكد فهمتي ولا لأ.." - نسرين ، ناشطة سودانية شابة من ٢٠١٢ في ظاهرة التغير المناخي لكوكب الأرض 🌎 ، اللي فيها الكائنات الزي وزيك ديل وكمان Climate Negotiator .. دي غلبتني ترجمتها لكن ممكن اختصرها ليك بمثال:
بعدّة قعدات تثقيفية معاها او قعدة وحدة ممكن تعرفي "على سبيل المثال" اضرار الطلح البتستخدميهو في الاسبوع ١٠ مرات، على كوكبنا الجميل الاسمو الأرض من قطّيع الطلح ولغاية المراحل الانتي عارفاها "وحاة الله جد"
- انزيدك، نسرين عندها المناصب دي وما تسأليني من ترجمتها
Chair of UN Secretary General's Youth Advisory Group on Climate Change | Chair of Sudan Youth Organization on Climate Change
اترشحت من Pan African Climate Justice Alliance
نسرين لو انا ما غلطان هسه عندها ماجستير
نسرين اختنا الصغيرة دي ممكن في قعدة في مؤتمر باريس تقنع اصدقاء السودان في الاستثمار في الطاقة المتجددة والنظيفة وممكن تخليك تبطلي عادات سيئة تضر الوطن
نسرين ما بتمشي تركيا مقابل حق الفسحة ولا مقابل مبارات اوائل الشهادة السودانية نسرين ما بتطبل للعسكر والمتأسلمين وتمرق تمشي جوبا مع الفنانين والفنانات بقيمة صفرية لا تؤجل ولا تؤخر 
اخش ليك في #صائدة_البمبان ؟ ولا كفاك نسرين ؟ 
لو ما استلمتي البوست دا ان شاء الله بتشوفيهو شير
شير في الخير يا حلوين *ناشط او ناشطة بتحب السودان
05-18-2021, 09:10 AM
Osama Mohammed Osama Mohammed
تاريخ التسجيل: 04-02-2008
مجموع المشاركات: 4619
و رفقة بتاعت البمبان قبل ايام ركبت مع بتاع الهايس........، الاتفاق مع الركاب الاجرة ١٥٠ ج..نزلت في محطتها و اصرت تدفع ٥٠ ج فقط..و رمتها للسواق و نبزتو..اخدت علقة ...الدنيا كلها توازر فيها بلد غريب و اليوم تستمتع بخدمات سياحية ..داليا معاها حق..ما معنى عندها مغارز مع الفحولة نتصيد كل كلامها...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
Osama Mohammed
الزبير بشير
عمر نملة
فيس بوك
تويتر
انستقرام
يوتيوب
بنتيريست