|
|
 الذاكرة السمكية للبورد: موقعة "ود نفاخ"
|
11:52 AM June, 12 2021 سودانيز اون لاين
مازن سخاروف-UK
مكتبتى
رابط مختصر
مثل زول جاني في البيت وطلع راس البيت وكورك, "يا مازن الضفر ة بتاعتك مشققة" .. "وأنا ما بشتريها بتعريفة, وكان راجل أطلع لي فوق!" إتخيل واحد يجي من برة يقول ليك الكلام ده في بيتكم؟
ود نفاخ عضو البورد "Sinnary" سأل سؤال وقعد يكررو ويتلويق:
Quote: البروف بالنفخ
ما هي الفلسفة المنسوبة زوراً وبهتاناً إلى أثينا
|
الخلفية في زعمي عن الأصيل في طرح زميل البورد بشاشا* بأنه يشمل الفلسفة المنسوبة زوراً وبهتاناً إلى أثينا. وذكرت في بوست بشاشا كوتة بتاعة بروفات, كتبوا ونشروا عن مرجعية بديلة للحضارة. ستة علماء يغطوا عين الشمس. ستة جهابذة على اختلاف مشاربهم, أسود أبيض, يهودي, أنقلوفون, فرانكوفون (1) وعلى رأس هذه القائمة العلّامة د. جورج جايمس.
سؤال ود نفاخ لم يكتف فقط بتجاوز مجهود الناس دي, بل أيضا وبجرة قلم يقول:
Quote:
وبالمناسبة كلامك عن جورج جيمس ويوسف بن شانون وبرنال وديوب زكل البروبوغاندا عن مركزية السود في التاريخ
حنجيه ونوضح ليك خطله
|
لفت نظري أول ما لفت نظري غير طبزة "بروبوغاندا, إنو البروف بالنفخ لم يتجاوز مجهودات الأسماء التي ذكرتها له وحسب, بل وصلت به الجرأة إنو يصف إنو ذهابهم في البحث (سواء جورج جايمس, برنال, ديوب إلخ) عن مرجعية السود في التاريخ بـ "بروبوغاندا".
فاستغربت في البجاحة دي. فأهلم العلم يعرفون بعضهم بسيماهم. ولم يبدُ أن هذا الرجل بصلفه وتكبّره الغريب أمرو منهم. جني وجن تحقير مجهودات الآخرين وآخرين علماء تحديدا. فسألته, إنت منو يا زول وعلمي ولا أدبي ذاتو؟
الستة الكبار, في أول القائمة مذكور العلّامة د. جورج جايمس. والشاهد "الغائب" عن النص, والفلم ده كلو بوست تاني بعنوان "ماذا تعرف عن الأغاريق السود: التركة المسروقة (2\2), والذي كان يوم البوست في الصفحة الأولى من المنتدى. الذي ذكرت فيه:
Quote:
العنوان المعرب كاملا هو: "التركة المسروقة: الفلسفة اليونانية هي فلسفة مصرية مسروقة"
The Stolen Legacy: Greek Philosophy is Stolen Egyptian Philosophy, by George G. M. James
صدرت لأول مرة عن دار نشر المكتبة الفلسفية Philosophical Library بنيويورك في عام 1954
|
فإجابة السؤال الذي هو ما سؤال أصلا, في عنوان الكتاب "الفلسفة اليونانية هي فلسفة مصرية مسروقة". منسوبة زورا وبهتانا إلى أثينا (2)
وكنت بارم شنبي ومنتظر واحد بوعي جماهيري يجي يعمل "نقطة نظام". إنو ود نفاخ ده عامل غاغا ساكت. الفلسفة اليونانية المنسوبة زورا وبهتانا إلى أثينا, هي الفلسفة مجملا! الفرع المعرفي ده! لكن صياغة السؤال تتحدث عن "ماهية" الفلسفة, أي "أيّ الأجزاء" في الفلسفة. وهذه حيلة وسمة في أدعياء المعرفة. أي التشكيك في الجزء دون الإعتبار بالمجمل الأشمل. ورغبتي كانت ولا تزال, إنو ود نفاخ يذعن أولا إنو في مبحث يذهب إلى إنو "جمل أثينا بما حمله لا تستحقه أثينا. ثم نناقش بعد ذلك "الجزئيات". لكن أن يلغي المجمل ومجهود بحثي أوراقه أكثر من شعر رأسه, على إنه "هرجلة فكرية" فدي بصراحة تطاول وقلة أدب. وقال شنو "نبين ليك خطله". بشنو , من كتبك آلمبروك, ولا بحوثك ولا حتى درجتك في الرياضيات ولا نطقك في الإنجليزي يا البروف بالنفخ؟ أما إنو من بعد ذلك يتنطع ويتلويق بذات السؤال والشلة بتاعتو تحتفل بهدف في مباراة بدون حكم, فده الفكر الجلابي ذااااااااتو :)
في موقع سودان نت, كانت عندنا عبارة "ذاكرة البورد". وهذا يعني مرجعية أخلاقية لوقائع بعينها. لكن هنا في بعض الناس بعقلية الجلابي "ود نفاخ" المشار إليه في بوست بشاشا. الظاهر لمن ربنا قسم الذمم على العباد, في ناس كده قصّرت فيهم. لا أحبذ التكرار لذات الموضوع. لكن عندما يتعرض الوعي الجماهيري لظاهرة الذاكرة السمكية, فلا مفر من أسلوب الطنين حتى ترسخ الفكرة بالتدريج.
------------
(1) العلماء الستة , باستثناء د. شيخ أنتا ديوب (الذي هو فرانكفوني) أنقلوفون , أي بحثوا, كتبوا ونشروا بالإنجليزية. ضمن الخمسة الأنقلوفون, المرحوم أسامة عبد الرحمن النور إضافة إلى ذلك سلافي روسي بحكم دراسته وتأهيله.
(2) الحضارة اليونانية بشكل عام, حسب المرحلة التاريخية والتقسيم: يونانية قديمة, كلاسيكية, هيلينية, الخ. ونقول أثينا للإشارة للحضارة اليونانية بشكل مجمل حتى باختلاف موقع أو أهمية أثينا من الأحداث.
* بالمناسبة يا بشاشا, إنت كما يبدو ما فهمتني صاح. الشيوعيين تحديدا أثبتوا هشاشة الفكر الجلابي. يعني معاك في خندق واحد. لكن كلٌّ يعني على ليلاه.
|
|
 
|
|
|
|
مازن سخاروف
MOHAMMED ELSHEIKH
فيس بوك
تويتر
انستقرام
يوتيوب
بنتيريست