|
Re: الحمدلله الذي عوضنى سقوط مكارم بشموخ الأم (Re: طلحة عبدالله)
|
الحبيب طلحة .. تحياتي هل تصدق لا اعرف من هي مكارم ربما بحكم عمرنا نعم نانسي عجاج وسميرة دنيا
المهم في الموضوع ... ربما نظرتي للامر من منطلق الاحساس الابوي دائماً الشابات أو الشباب لا يستطيعون تحديد موقف خاصة في السياسة والامور الشبيهة لأن الموازين تكون مختلة قليلا لعدم توفر الخبرة في الحياة وكمان هناك تأثيرات جانبية لها أثر بالغ في منها مثلا : ( الشلة ، الحبيب ، الحبيبة ، الخطيب الخطيبة ، الوالد والدة والاخوات ... الخ )
أذكر عند انقلاب مايو كنا في عنفوان الشباب نميري كان قداسة عندنا حتى الحكاية وصلت الى عبدالناصروالقذافي نميري كان يدمر السودان ونحن نهتف بكل حماس .. التأميم المصادرات تصفية الشركات والمصانع والسكة حديد والنقل وورشة الحوض والميناء .. الخ الى ان دمر الوطن ونحن نهتف بحياته وحتى لعبدالناصر الذي اغرق حلفا ايقونتنا النوبية بعد ان بلغنا من عمر قليلا ومن 1975 تقريبا .. حسب العمر انقلبنا 360 درجة بالعقل وليس الحماس
ليس تبرئة لمكارم رغم أني لا اعرفها .. أو ربما سمعتها ولكني لا أعلم اسمها الواحد يشعر كده بإحساس الوالد ..
معليش ممكن مع ترباس أو وغيرهم
تحياتي الحبيب طلحة ..
| |
|
|
|
|
|
|
Re: الحمدلله الذي عوضنى سقوط مكارم بشموخ الأم (Re: علي عبدالوهاب عثمان)
|
يا مراحب بالحبيب على المشكلة أن مكارم بشير فنانة شابة ويفترض أن تميل تلقائيا ودون تفكير للشباب وثورتهم لكنها اختارت العاطفة والمصالح الضيقة بدلا من المصلحة العامة وهي بذلك سقطت كما سقط غيرها من الذين منحهم الشارع الشهرة والمكاسب المادية والمعنوية .. ديل يا حبيبنا علي لبسوا قناع الوقاية من كورونا وسقطت عنهم اقنعة الزيف التي كان يرتدونها
| |
|
|
|
|
|
|
Re: الحمدلله الذي عوضنى سقوط مكارم بشموخ الأم (Re: طلحة عبدالله)
|
السيناريو بدأ بإعلان السر قدور الاعتزال عن تقديم البرنامج تبعته هدى عربي ثم مكارم ثم إنصاف فتحي بحسب ما أرى إنه كان في شبه اتفاق على اعلان جميع نجوم البرنامج التضامن مع الكوز حسن فضل المولى مما ينتج عنه مليونية أغاني واغاني والشعب يعتصم قدام قناة النيل الأزرق حاملاً صور المناضلات - عفوا المجاهدات - ويرفض فض العصيان لحدي ما يرجعوا حسن فضل المولى السر قدور ما اتوقع الردم السريع المتواصل دة وعرف إنه رأي الشعب اللي اجتمع خلف لجنة إزالة التمكين ببساطة ممكن ينهي مستقبله المهني .. هو بالمناسبة شغال شنو؟ شخصياً ما شايف ليه نشاط فني تاني غير أغاني واغاني السر طوالي جر واطي وقال وصرح بإنه راجع البرنامج ومعاها هتافات تحيا ثورة ديسمبر المجيدة فك البنات عكس الهواء وبقن يحاولن يضايرن فيها يمين وشمال واعتذارات من نوع خلطنا الخاص بالعام وبتاع
الفنانات ديل أقل واحدة فيهن بتكون 35 سنة يعني ما بنفع حنك جاهلات وصغار دة دايرات يتضامنن مع أبوهن حسن يتضامنن من سكات ويتعذرن بأي عذر عشان ما يكملوا الحلقات لكن يعلنوا قدام العالم كلو إنهم ضد قرارات لجنة إزالة التمكين ويسجلن موقف اضراب تضامناً مع كوز عليهن يتحملن النتيجة دي وما يتوقعن أي تعاطف
| |
|
|
|
|
|
|
Re: الحمدلله الذي عوضنى سقوط مكارم بشموخ الأم (Re: علي عبدالوهاب عثمان)
|
سلامات استاذ علي عبد الوهاب
صغر السن ليس عذرا والشبابية ليس مبررا للمواقف المخزية ،فالثورة حملة مشاعلها وقلبها النابض هم الشباب -والمبدعين والفنانين الشباب في كافة ضروب الفنون كانوا حداة الركب وصوت الثورة. الصادح ،،
ممكن تقول عدم الوعي وقلة الحساسية الإنسانية من الأسباب -ولكن هناك من ارتبطت مصالحهم بالنظام السابق كهدي عربي المغنية في صالونات اركان نظام الإنقاذ وهي التي غنت في صالون محمد. لطيف ترفيها للبشير وفكا لدبرسته عقب منعه من حضور قمة ترامب بزعماء الدول الإسلامية !
في راي بجب ان يتواصل الهجوم والنقد عليهم وفضح مواقفهم حتي يستقيم ويستعدل من فيه حبة رجاء ونبضة من ضمير يحس ! وليكن الخيار :تستعدل او تعزل ..
| |
|
|
|
|
|
|
Re: الحمدلله الذي عوضنى سقوط مكارم بشموخ الأم (Re: طلحة عبدالله)
|
تحياتي يا طلحة
التذوق والإحساس بالجمال شي نسبي تماما طبعا
ومن حق أي إنسان طبعا الإعجاب بما يلاقي هوى فى وجدانه ويلامس إحساسه وتذوقه
نظرتي انا الشخصية هي أنه كل الجماعة اللاميهم السر قدور ديل
لو عجنوهم كلهم وحاولو يطلعو منهم ربع مطرب
ما أظن ينجحو
خصوصا العنصر النسائي
صفر من مليار
بالنسبة للمطربين نستثني منهم فقط عصام محمد نور
الباقين يمشو يشوفو ليهم اى مهنة تاني
أو ممكن حسن فضل الله ولا فضل المولي يعمل ليه قناة ويشتغلو مذيعين ومئات معاه
| |
|
|
|
|
|
|
Re: الحمدلله الذي عوضنى سقوط مكارم بشموخ الأم (Re: أبوذر بابكر)
|
سلام ومحبة صدبقي هادي إسلامي سلوكا وفكرا.. يجود الشعر والقصة القصيرة.. وردي كل دنيتة... كنت أرى تناقضا لقصر نظري... قالي... اعشقة كفنان... و امقته مسلكا... اذكر في غربتي ان وصل احد اعمدة برنامج اغاني وقد زاملني في المتوسطة. . ولم تكن لي علاقة قوية. .. شهدت بداياتة منذ الجمعية الأدبية.. و الولف كتال ... تفرقنا.. ولم اقابلة الا في غربتي. .. قمت بواجب الضيافة مع رهطة ... مهم تصرف تصرف غريب عندما لم اكمل واجب الضيافة بأن امنحه كاش... سقط من نظري هو وفنه. .. لكنني تصالحت مع فنه قبل مدة قصيرة ما أود قوله.. مواقف اهل الفن لا ترضى الجميع.. و ليس من السهولة. . فصلها من فنهم.. صعب التصالح مع ذلك.. لكن النفس و ما تعشق
| |
|
|
|
|
|
|
Re: الحمدلله الذي عوضنى سقوط مكارم بشموخ الأم (Re: يحي قباني)
|
جباب الصفوة المعتق قباني
ههههههههههه Quote: صحي الناس فيما يعشقون مذاهب ...
|
تصدق يا مؤمن انت من الناس الشرفوا بالي أول ما بديت أكتب البوست وجبت سيرة الأميرة هههههههههههه عارفك بتاع واجب وما بتقصر خخخخخخخخ . .................. الأميرة دونها خرط القتاد وقرش شطة قبانيت وأية حاجة ذاتو
| |
|
|
|
|
|
|
Re: الحمدلله الذي عوضنى سقوط مكارم بشموخ الأم (Re: عمر نملة)
|
أخونا الفنان طلحة سلامات الشابة مكارم عفارم عليها ما قصرت في مشوار برنامج قناة النيل الأزرق. شفتها وتابعتها من غربتنا متابعة شديدة . وأذكر يوم طارت بي اغنية النهاية . مافي زول يقدر يقلل من مجهود البنية في ديك الليلة . داير اقولك شنو يا اخوي في نهاية كلامي . خمسة وسبعين في المية من الأمة السودانية يحترمون معرفة عمك قدور وحفظو للشعر و لتاريخ الغناء . ويحفظ الكتير الكتير من التفاصيل في المجال . وارجو له الصحة و طول العمر . بس الزول العامل ضجة داك لو كوز اليطير . حتي لو كان شغال في ال bbc4
| |
|
|
|
|
|
|
Re: الحمدلله الذي عوضنى سقوط مكارم بشموخ الأم (Re: عمر نملة)
|
سلام يا عمر نملة ههههههههههههه لو على حكاية الضيف العينو قوية دي فالقصص والتجارب ما تديك الدرب وعندي منها الأغرب والأعجب .. دا كلو أرجع وأقول سببو الدلع الما في محلو يعني انت يجيك ضيف من ديل فتكرمو لشخصو ومن منطلق كرم منك وعادة متأصلة فيك ولكنه لنقص في عقله ووهم معشعش في رأسه يعتقد بأنك أكرمته لأنه نجم ولأنه مشهور ولأنه الخ الخ الخ أوهامو المتخم بيها دي . عشان كدا احتسب وتأكد أنك ليس وحدك في هذا شناة الطبع كعبة والله
| |
|
|
|
|
|
|
Re: الحمدلله الذي عوضنى سقوط مكارم بشموخ الأم (Re: أبوذر بابكر)
|
سلام يا أبوذر بابكر ومعاك في كل ما جاء بالمداخلة وما بنختلف أبدا .. وربما مكارم تكون فعلا كما وصفتها، لكن عضمة البوست عن الموقف الوطني والحردان بسبب الجنرال المعزول .. واعجابي بمكارم على هامش المقصود من البوست .. لأن الحس الوطني ينبغي أن يكون متقدا عند الجميع فنان موهوب على موهوم على زول عنقالي ساي زينا كدا .. واللا شنو ؟؟ أكرر اتفاقي معاك ولك التقدير أوله وآخره
| |
|
|
|
|
|
|
Re: الحمدلله الذي عوضنى سقوط مكارم بشموخ الأم (Re: اخلاص عبدالرحمن المشرف)
|
وبس
البقية كلهم مجرد مقلدين وينها أغانيهم الخاصة البتعمل فرق يعني لما نقول عافية حسن طوالي بنتذكر يا حنين زي عش العصفور أغنية خاصة تتحكر مرتاحة في تاريخ الفن السوداني لكن نسأل عن سميرة دنيا مثلاً تقول لي بتقلد عثمان حسين كويس! ولا هي منو ديك البتقلدو؟ وينها أغاني الحردانات ديل الخاصة نانسي عجاج برضو وضعت بصمتها في اندريا ومؤخراً (لو صوتنا راح) لكن ناس مكارم وهدى وانصاف شن نفرهم!
| |
|
|
|
|
|
|
Re: الحمدلله الذي عوضنى سقوط مكارم بشموخ الأم (Re: اخلاص عبدالرحمن المشرف)
|
حباب الصفوة وضيوفو الكرام
بدون زعل غالبية الفنانين ولعيبة الكورة عندهم الاحساس بتاع انهم فوق السلطة والقانون ودوما علاقاتم مع الضباط عشان يسهلو مهامهم وسفرياتهم زمان معانا واحد اكان مراسلة في مشروع الجزيرة من بقا كبتن كابو لو لقيتو في دايرة حكومية المشية زاتا غيييرا ليك التقول داير يطير وكن شفتا السلام مع الضباط
الثورة دي الكبير فيها الله ماعندها حاجة لي زول وحسن فضل المولى سمعنا حذيفة ختاو في فتيل حتى لو زول شغلو نضيف كفاهو يااخ النشوف وجوه جديدة وننفك من الكنكشة دي
| |
|
|
|
|
|
|
Re: الحمدلله الذي عوضنى سقوط مكارم بشموخ الأم (Re: حامد بدري)
|
يا حامد يا صفوة سلام يا حبيب وزي ما قال المثل الما شاف الدبيب يخلعو جر الحبل أها الجماعة ديل يا حبيب مخلوعين بالأضواء الغمروهم بيها من دون وجه حق دي .. أي نجم جاب النجومية بى حقو وموهبته واجتهاده وما صناعة بلاستيك صدقني ما بعمل الحركات دي .. دا الفرق بين الأصلي والتايواني .. وتعيش كتير تشوف كتير يا حبيب . وأنا والله ما في حاجة عاملا لي استغراب مزمن إلا حكاية البودي قارد القائمين فيها أعشار المواهب دي .. المحروس والحارس دا يضربوا بيهو دا ..
| |
|
|
|
|
|
|
Re: الحمدلله الذي عوضنى سقوط مكارم بشموخ الأم (Re: جلالدونا)
|
سلام يا جلالدونا اما أنا فاتمنى الغاء معظم عقود العاملين بالقناة على أن يعملوا معاهم عقود جديدة بعد يغتسلوا في النيل الجبمهم دا من رجس موالاة النظام البائد .. سمعت انو ترباس كان معاهم والجماعة في الأسافير ما قصروا معاه طب .. أشبعوه بالنكت والسخرية وفي نكتة عن موقفو دي حايمة الأسافير شينة طب ما بتتقال هنا ولا في أي مكان طاهر خخخخخخخخخ اعتقد حان الاوان لهدم معابد كثيرة
| |
|
|
|
|
|
|
Re: الحمدلله الذي عوضنى سقوط مكارم بشموخ الأم (Re: طلحة عبدالله)
|
كيفنك يا طلحة
اسمك ياخ بذكرني طوالى أهلنا البطاحين نواحي السمرة وابودليق
داير اقول ليك انه الفنان فى أى مجال من ضروب الإبداع عادة بكون بقى محكوم أو مقيد ب أطر تانية غير الفن
اقلاها بكون بكون من ضمن الشأن العام زى ما بقولو
ومواقفه دائما بتكون تحت العين
يبقي زى المسمنهن فنانات ديل لما يقيفو مع زول معروف مواقفه شنو ومعروف وضعه شنو و ما معروف وقفات معاه من ياتو منطلق أما شخصي أو يمكن سياسي كمان وكل موقف أسوأ من التاني
يبقى فى الحالة دى أقل ما ح ينالن هو عدم الاحترام
اول شى البلد الوطن وأهله
وبعد داك يجي كل شى
| |
|
|
|
|
|
|
Re: الحمدلله الذي عوضنى سقوط مكارم بشموخ الأم (Re: أبوذر بابكر)
|
سلام اخ احمد عمر اللي بدأ الانسحابات هي الزاحفة -هدي عربي - فعلت دا قبل السر قدور !
*بقية الكورجة لازم تنجلد تمام وتهاجم وتنقد بعد داك العاوز ينعدل منهم مرحبا والعاوز ينعزل. ينعزل وفي ستين داهية ! بس خط الرجعة فاتح للعاوز يتراجع ويستعدل خصوصا من المخموميين واللي ما عندهم كتير شغلة بالسياسة
| |
|
|
|
|
|
|
Re: الحمدلله الذي عوضنى سقوط مكارم بشموخ الأم (Re: طلحة عبدالله)
|
Quote: اعتقد والله اعلم انو عافية حسن لها ظروفها الخاصة التي توقفت بسببها لكنها وللحق لم تختلف كثيرا عن من خلعتهم الشهرة وابهرتهم الأضواء فخلبصت ولخبطت وطلعت في الكفر برجل واحدة . |
أبداً يا حبيب عافية حسن أصلاً فنانة تلفزيون ما بتشتغل حفلة عرس لو أديت مال الدنيا كلو فضلت البعد عن الأضواء بعد الزواج عشان تهتم بعائلتها
| |
|
|
|
|
|
|
Re: الحمدلله الذي عوضنى سقوط مكارم بشموخ الأم (Re: طلحة عبدالله)
|
سلامات الحبيب .. والتحية للاميـرة الكنداكة ..
Quote: الفنان ما انتاج ابداع بس بل انتاج وعي ومواقف وقيم ومبادىء .. |
دا الكلام والله .. غايتو انا بشوف جزء من وعي الفنان ومعرفته واحترامه بينعكس في انتاجه الخاص مش الترديد بببغائية الالحان .. اي زول صوته سمح ورخيم ممكن يكون مؤدي صالونات وصالات افراح طالما مابيعرف يحفظ .. وفي العموم الفنانين العندهم قدرة على المواقف الواعية وباستغلالية بتلقاهم قلة دائماً والبقية مع الخيــل يا شقراء ودا على مستوى قامات لها تاريـخ فمبالك بفناطيط وفناني صالات وصوالين المشروع الحضاري..
مودتي
| |
|
|
|
|
|
|
Re: الحمدلله الذي عوضنى سقوط مكارم بشموخ الأم (Re: أحمد محمد عمر)
|
Quote: خلاص شيلو الحردانة مكارم وخلوا لي الأميرة وعضم البوست .. |
لا .. نشيل الأميرة ونخلي ليك الحردانة وعضم البوست ..
زي زيدان قال لي ست الطعمية الأمين عبد الغفار ده يشيل الريد ويشيل ودو ويشيل نفحات عبير وردو ويشيل طعميتي كمان قالت ليهو ما انت شلت الجراح والابتسامة وكل حرمان اليتامى قال ليها يا وليه انتي ست طعمية ولا اسحق الحلنقي .. خخخخخ ...
| |
|
|
|
|
|
|
Re: الحمدلله الذي عوضنى سقوط مكارم بشموخ الأم (Re: HAIDER ALZAIN)
|
حباب حيدروف الصلد Quote:
غايتو انا بشوف جزء من وعي الفنان ومعرفته واحترامه بينعكس في انتاجه الخاص مش الترديد بببغائية الالحان .. اي زول صوته سمح ورخيم ممكن يكون مؤدي صالونات وصالات افراح طالما مابيعرف يحفظ .. وفي العموم الفنانين العندهم قدرة على المواقف الواعية وباستغلالية بتلقاهم قلة دائماً والبقية مع الخيــل يا شقراء ودا على مستوى قامات لها تاريـخ فمبالك بفناطيط وفناني صالات وصوالين المشروع الحضاري..
|
وطبعا كلام زي دا ما بفهموه ليك ناس ندي القلعة وخديجة سمك ومنو ومنو ومنو من المهرجين ولو عرفوه ما مستعدين يعملوا بيهو فالغناء عندهم نقاطة قروش وحشود فاض بيها الملل والفراغ وهبط ذوقهم الفني إلى ما تحت معدل الانحطاط . وطبعا المؤديين ديل يقبضوا النقاطات من هنا ويغزوا الأسواق من هناك عشان يخمخموا الملابس والمكياجات والعطور ويعرجوا على أقرب صالة جيم واللا رفع اثقال وكل واحد يجيب بودي قارد عشان يحوم بيهو في الأسواق مختالا فخورا وكأنه طاؤوس من جزيرة فوينينسل .. دا كل طموحهم في الحياة القصيرة دي أما رسالة الفن وقيمه والحاجات دي فهي بالنسبة ليهم مجرد طلاسم لا علاقة لهم بها . يا زول في سودانا المدهش دا كل عشرة بتلقى فيهم فنان عندو بودي قارد وبوتيك بتاع ملابس ومكياج وبودكير .. تقول لي وعي وما عارف شنو .
| |
|
|
|
|
|
|
Re: الحمدلله الذي عوضنى سقوط مكارم بشموخ الأم (Re: احمد حمودى)
|
اذن فحبابو والله يا أحمد حمودي شفت ليهو مقطع فيديو قبل كدا ما عجبني فيهو انفعالو الزايد في وقت كان يفترض أن يكون فيه أكثر هدوء عشان تصل فكرتو بدون تشويش كما أنه يتكلم في عدد من المواضيع في فيديو واحد لدرجة انو ما تقدر تعرف هو عايز يوصل ياتو رسالة بالضبط فمقدمة الموضوع عندو غير المتن وغير الخاتمة .. ودا تشويش عظيم للرسالة الاعلامية فأتمنى أن يكون قد انتبه للمعضلة دي . غير كدا ما سمعت عنه إلا كل خير .
| |
|
|
|
|
|
|
Re: الحمدلله الذي عوضنى سقوط مكارم بشموخ الأم (Re: طلحة عبدالله)
|
الفنانة نانسي إنسانة مثقفة ولبقة وغناية وجميلة في كل ما تفعل فلها التحية =================== التحية الحبيب طلحة
حبيبنا محمد قاضي قبل فترة شاهدت نانسي في قناة الشمالية مع شلة من شباب والشابات كانوا في زيارة للآ ثار في كرمة عندنا هناك وقدمت اغنية في شاطيء النيل في جزيرة مراوارتي كانت لقطة جميلة جداً وهي وسط الناس الطيبين
تحياتي الحبيب طلحة ..
| |
|
|
|
|
|
|
|