|
كتب الكاتب الفاتح جبرا المتوفرة بمعرض الدوحة
|
|
 Re: التلفزيونات تنقل سيول السودان .. وقنواتنا (Re: علي عبدالوهاب عثمان)
|
قنواتنا ولا خبر ..
ما شاء الله بنوتنا الحلوات الله يحفظهن من كل سوء
آخر أناقة وابتسامات وغناء وطرب إلى الآخر
يمكن تكون خطة اعلامية لاخراج المنكوبين ديل من الاكتئاب
أهلنا ناس ضواحي الدنيا في قناة الشمالية .. شابكين طنابير طول اليوم
والسيول نسفت قرية شدة في المحس .. وكذلك قرى جنوب دنقلا
ما في حتى خواضة في الموية على طريقة الكيزان
الوالى / الوالية ( ما عارف مذكر ومؤنث ) بنتنا قالت ( تكوين لجان ) مصيبة
| |
 
|
|
|
|
|
|
|
|
Re: التلفزيونات تنقل سيول السودان .. وقنواتنا (Re: علي عبدالوهاب عثمان)
|
ارتفاع كبير في النيل الازرق
ولسع العطبراوي
الله يهون علينا في جزيرتنا في ضواحي الدنيا
يا جماعة ناس سد النهضة حصل ليهم شنو
السد ده مهم جداً معانا .. ما علينا بالمصريين
يعني كده الغرق جايينا .. أهلنا تاني نوم ما في اكتئاب ولخبطة
ورحيل عفش ..
اللهم انصر اثيوبيا في موضوع السد
| |
|
|
|
|
|
|
|
|
|
Re: التلفزيونات تنقل سيول السودان .. وقنواتنا (Re: علي عبدالوهاب عثمان)
|
السلام عليكم
كيفك استاذنا
المطرة بدايتها تدل عليها ، ان شاء الله خريف
خيروللخين الامر مقدور عليه حسب ما قالو
بس متوقعين اليومين الجايات مطرة تقيلة .
الارض شربت المطرة الاول منتظرين الثانية.
سد النهضة ولو الناس اجتهدت وقدرت المطرة
تستفيد منها البلد ح تتغير وحتي الجو .
ناس تلفزيون السودان لا أمل يرجئ منهم.
| |
|
|
|
|
|
|
|
|
|
Re: التلفزيونات تنقل سيول السودان .. وقنواتنا (Re: ترهاقا)
|
هُونَق دِحِيشُو .. الضوْ بكى
بكى ما بكا
بكَّاهُو رادِي الدندهُوب الغادِي
وأم درمان تَنُونِي .. حبيبتي آه .. وودادي وين وحبيبي وُوُوب !
والباقي كلُّو مقابلات ..
والنشرة مافي ولا خبرْ عن بلدُو .. عن شِدَّة عَناهو عن البحر
عن سر نَفي ..!
ودِي الوكْتِ لندن ماب تبين ..
حالاً دَحِين زيْ حالُو فِي .؟!
| |
|
|
|
|
|
|
|
|
|
Re: التلفزيونات تنقل سيول السودان .. وقنواتنا (Re: منتصر عبد الباسط)
|
البلد من خمسة شهور سلموها لوزارة الصحة تعبث بها ما تشاء!
وزارة الصحة حيث يوجد أطباء عجزوا عن علاج مرضاهم
فسلموهم البلد صرة وخيت وناموا الوزارء في بيوتهم ولبسوا الكمامات
قايلين نفسهم لسع في بلاد المهجر!
ولسع ما صحو نايمييين لسع في العسل
ما تصحيهم خليهم نايمين ما تخليك مزعج يا شيخ علي
هههههههه
| |
|
|
|
|
|
|
|
|
|
Re: التلفزيونات تنقل سيول السودان .. وقنواتنا (Re: منتصر عبد الباسط)
|
حبيبنا منتصر عبدالباسط .. يا باسط الخير
يا باسط يديك لهذا الوطن الجميل الذي يعاني من تصرفات ابنائه
حبيبنا منتصر الاعلام هو مفتاح أي تحرك وحشد ..
أنا شعرت بنوع من الحزن وأنا أتابع اخبار اهلي من القنوات العالمية
يبدو ان التلفزيون مازال بعيد عن خط الثوار
كنا منتظرين اخونا الحبيب لقمان بخبراته العالمية يعمل نوع من النقلة
ولكن ربما هناك باقي جماعة التمكين مازالوا مؤثرين
شكرا كثير على حرصك للوطن .. دائما أقرا مداخلاتك وحماسك الدافق
تحياتي الحبيب منتصر
| |
|
|
|
|
|
|
|
|
|
Re: التلفزيونات تنقل سيول السودان .. وقنواتنا (Re: ترهاقا)
|
ترهاقا .. اننقا .. مسكقامي ووو اشري
موسيقارنا الجميل
صدقني أنا ما خايف إلا جزرنا الجميلة على امتداد النيل
الغرق كارثة بالنسبة للجزر
هذه الجزر التي جاء منها أجمل الناس الخليل ووردي ودهب وحسين لالا وانتو كمان
حرام والله ..
أنا يا الحبيب ترهاقا .. قلبي مع اثيوبيا وسد النهضة
كفاية أهلنا الذين تم ترحليهم شوف امس في حلفا الجديدة كم واحد قتل عن طريق مجموعة من قبيلة الزغاوة
مع أن مشروع القربة من تعويضات حلفا ..
يا ريت السد النهضة تخزن مياه الفيضان
تحياتي موسيقارنا الجميل ترهاقا
| |
|
|
|
|
|
|
|
|
|
Re: التلفزيونات تنقل سيول السودان .. وقنواتنا (Re: muntasir)
|
حبيبنا منتصر .. يا أخي أهلي الشايقية ديل اهل فن وجمال
حميدة التربال رحمه الله مبالغة وأنا عندي بحث واسع عن مفردات الترابلة
عند حميد حتى مفردات انقرضت في النوبية مثل ( كون شبر .. جوبل جريد )
حميد كان زول غير عادي كثيرين يقرأون شعر حميد ولكن أحياناً مفردات تكون صعبة عليهم
تحياتي الرائع منتصر ..
دعواتك معانا عشان سد النهضة تحل مشكلتنا
| |
|
|
|
|
|
|
|
|
|
Re: التلفزيونات تنقل سيول السودان .. وقنواتنا (Re: علي عبدالوهاب عثمان)
|
يا علي عاين شوف ياصديق
لو العين تطيق
بلدنا ضيعت الدرب
والكلب
يهوهو فوق متاهات الطريق
والشعب عطشان وهو الغريق!
وأغنام الفريق
الخايفين عليها من السلب
والدارين يوقفو للحرب
مين منهم يصحي ويفيق ؟
مين ليها يليق؟
والبلدا الخضبوها بالدم للعرس
ضاع دهبها النفيس
وتاه العريس
جاري وما لاقيلو ميس!
| |
|
|
|
|
|
|
|
|
|
Re: التلفزيونات تنقل سيول السودان .. وقنواتنا (Re: منتصر عبد الباسط)
|
يا سلام حبيبنا منتصر عبدالباسط
أجمل صورة جعلتني أخاف على الوطن
هي صورة التائه
ودائماً من يضل الطريق يجعل الكلاب تهوهو
اذكر زمان زمان عندما نسمع هوهوة الكلاب في المساء
كان نعرف أن هناك شخص غريب تائه داخل القرية
كلام بليغ يا منتصر .. قلبنا على الوطن ونتمنى ان يعرف طريق الرفاهية
وأن لا يتوه شبابنا عن المسار الصحيح
شكرا على العمق والرمزية حبيبنا منتصر أيها الباسط
| |
|
|
|
|
|
|
|
|
|
Re: التلفزيونات تنقل سيول السودان .. وقنواتنا (Re: علي عبدالوهاب عثمان)
|
على ياود عبدالوهاب
زى ماقال حميد وغنى مصطفى سيد احمد
يفيض النيل نحيض نحنا
يظل حال البلد وافق تقع محنة
ولا النيل القديم ياهو ولايانا....الخ
امس فتحت قناة النيل الازرق قلت
اشوف أخبار هلنا وفياضان النيل لقيت دلوكة
عفاف حسن امين مدورة غيرت للتلفزيون
المسمى قومى لقيت مدايح
فتحت قناة الجزيرة لقيت
المذيع الشاطر النابه احمد
الرهيد عامل تقرير شامل
عن الفيضان والقرى التى
غرقت والقرى التى
تحاصرها المياه
قنواتنا بدل تكون فى حالة استنفار
فهى في حالة استهتار
| |
|
|
|
|
|
|
|
|
Re: التلفزيونات تنقل سيول السودان .. وقنواتنا (Re: بدر الدين الأمير)
|
فتحت قناة الجزيرة لقيت
المذيع الشاطر النابه احمد
الرهيد عامل تقرير شامل
عن الفيضان والقرى التى
غرقت والقرى التى
تحاصرها المياه
قنواتنا بدل تكون فى حالة استنفار
فهى في حالة استهتار
==================================
حبيبنا الأمير .. تحياتي ..
مداخلة في الصميم حتى التلفزيون القومي .. مشغول بالفارغات
يا سلام على الشاب احمد الرهيد .. حاضر البديهة هذا الشاب ربنا خلقو اعلامي
حضور وحركة ولا يكرر تلك العبارات ( طيب ... يعني )
حنجرة مذيع ليته يأتي الى الاستديو
عمل تغطية رائعة جداً
============
حبيبنا لقمان .. ربما يكون اصابه الملل
الى الآن نفس تلفزيون الطيب مصطفى
تحياتي الامير .. شكرا للحضور الرائع ..
| |
|
|
|
|
|
|
| |
علي عبدالوهاب عثمان
Arif Nashed
ترهاقا
منتصر عبد الباسط
بدر الدين الأمير
فيس بوك
تويتر
انستقرام
يوتيوب
بنتيريست