|
كتب الكاتب الفاتح جبرا المتوفرة بمعرض الدوحة
|
|
 Re: التعايشي: الفترة الانتقالية لم تبدأ بعد (Re: اخلاص عبدالرحمن المشرف)
|
Quote:
ح يقعدوا الي يوم يبعثون |
نحن قبيل شن قلنا يا دكتورة؟
ما قلنا السلطة المطلقة هي المفسد الحقيقي وليست الأحزاب والتوجهات
السلطة دي حلوة وفراقها صعب علي البتعود عليها
وما دايرين زول أو جهة تقعد فيها اكتر من دورة
حتى ولو منتخبة ناهيك عن واحدة انتقالية هههه
التعايشي وحمدوك والبرهان لو خلوهم كده ليوم الدين ما حا يغيروا ولا حايتغيروا
ولو ماشالوهم لا بتشيلهم الوثيقة الدستورية ولا الشيطان زاتو
الوثيقة تشيلهم كيف وهم العاملنها وهم البعدلوا فيها كلما تتعارض مع مصالحهم؟
| |
 
|
|
|
|
|
|
|
|
Re: التعايشي: الفترة الانتقالية لم تبدأ بعد (Re: عمر التاج)
|
صحيح كلام التعايشي.
انتقال ، لمرحلة انتقالية.
انتهى عبث الاحزاب الشمالية الاسلامية ، وانفرادها بمرمى الوطن.
لن تتكرر تجربة المراحل الانتقالية بمعزل عن قوى الكفاح المسلح وممثلى الهامش بعد 21 اكتوبر 1964 ، ومارس / ابريل 1985
تبدأ المرحلة بجلوس الجميع فى المجلس السيادى ومجلس الوزراء والمجلس التشريعي.
انتقال ، لمرحلة انتقالية ، يتشارك فيها كل اطراف حركات الكفاح المسلح والشعوب السودانية ، لوضع دستور السودان الدائم وحسم قضايا الهوية وعلاقة الدين بالدولة.
هذه البلد ليست ملكا لنا نحن الشماليين ، هى للجميع ، وللجميع تقرير ما يجب ان يكون وما لا يجب.
جلسنا فى بيوتنا لمدة 30 سنة دون ان تهدى لنا انتخابات حقيقية ، ولم نمت.
فلماذا الان هذه الفوبيا للعملية الديمقراطية ؟ , لماذا هذا الشوق الدفين ؟ , حتى لا تتحول البلاد لشمولية ؟ , طيب هل حمتنا الهرولة فى تقصير الفترات الانتقالية فى تاريخنا الحديث والاسراع للانتخابات من انقلابات العسكر واطلاق النار فى الهوامش ؟ ، ولماذا ؟.
كلام الجبهة الثورية واضح ، وذكره المناضل "ياسر عرمان" ، فترة انتقالية لمدة 39 شهر من تاريخ التوقيع و3 من اعضاء الجبهة فى المجلس السيادي.
*
سلق البيض الذى ترغب فيه القوى الشمالية الاسلامية والتى تعتقد بانها صاحبة اغلبية جماهيرية ، يضر ولن يفيد ، لان العسكر انقلبوا عليهم هم انفسهم 3 مرات وبنجاح منقطع النظير ، ولم تنفعهم جماهيرتهم المتفاخر بها.
االسلام الان اولى من انتخابات الفانوس والقطية ، اعادة توطين النازحين ، اعادة اعمار دارفور ، المؤتمر الدستورى ، الاحصاء السكانى ، الوضع المعيشي ، كارثة سد النهضة الخ.
سنتين او تلاتة بدون انتخابات لا اظن انها ستكون ضارة بصحة المواطن مثل التدخين ، طالما كرست لحل قضايا جوهرية كان يجب حلها وحسمها منذ التكوين فى 1956 ، لكنها نفس القوى التى تطالب الان بالمقراطة المستعجلة ، هى نفسها التى معيت هذه القضايا ، فتأمل يا هداك الله.
| |
|
|
|
|
|
|
|
|
|
Re: التعايشي: الفترة الانتقالية لم تبدأ بعد (Re: shaheen shaheen)
|
| Quote: انا قبيل قلت ليكم الفترة الانتقالية مدتها ٣٠ سنة على أقل تقدير .... |
السنة الفاتت محسوبة في ال٣٠ يا امتثال؟
غايتو فترة انتقالية تزيد عن العالمين دي ما سمعنا بيها في زبر الأولين..
فترة سوار الذهب كانت سنة واحدة؛ وحققت نجاحات منقطعة النظير
ما حصلت فيها زيادات أو انفلاتات اقتصادية أو أمنية؛ وقدرت حققت سلام مؤقت من غير ضياع زمن وموارد في جوبا وغيره؛ وسلمت السلطة الشعب في وقتها كما وعدت..
اي حكومة تمدد فترتها الانتقالية وتأخر تنفيذ ما وعدت كل يوم فدى اكيد حكومة عندها أجندة غير الوطنية
وما مستبعد تقعد في السلطة ٣٠ سنة تمكن لنفسها في الحكم كل يوم
| |
|
|
|
|
|
|
|
|
|
Re: التعايشي: الفترة الانتقالية لم تبدأ بعد (Re: عمر التاج)
|
Quote: كلام الجبهة الثورية واضح ، وذكره المناضل "ياسر عرمان" ، فترة انتقالية لمدة 39 شهر من تاريخ التوقيع و3 من اعضاء الجبهة فى المجلس السيادي.
*
سلق البيض الذى ترغب فيه القوى الشمالية الاسلامية والتى تعتقد بانها صاحبة اغلبية جماهيرية ، يضر ولن يفيد ، لان العسكر انقلبوا عليهم هم انفسهم 3 مرات وبنجاح منقطع النظير ، ولم تنفعهم جماهيرتهم المتفاخر بها.
االسلام الان اولى من انتخابات الفانوس والقطية |
حباب الأديب شاهين..
تحديد الفترة الانتقالية ب ٣٩ شهر من التوقيع ودخول الجبهة الثورية في المجلس السيادي و البرلمان.. الخ
ده نوع من المحاصصة السياسية والصراع على المناصب.. ليس الا
ياسر عرمان دخل في سلام مع الإنقاذ لأكثر من خمسة سنوات عمل شنو غير انه اترشح لرئاسة الجمهورية في عهد شمولي وتسبب في فصل الجنوب؟
السلام ما شرط يجي في فترة انتقالية وش وطه لايمكن أن تحددها حكومة انتقالية...
السلام الحقيقي هو الذي يتم في عهد ديمقراطي طرفه حكومة منتخبة من الشعب
وتتحول بعده الحركات المسلحة لجزء من العملية السياسية وليست مليشيات منفصلة موازية للجنجويد
| |
|
|
|
|
|
|
|
|
|
Re: التعايشي: الفترة الانتقالية لم تبدأ بعد (Re: عمر التاج)
|
| Quote: الفترة الانتقالية لم تبدأ بعد |
هاك الانتخابات دي .. خخخخ
انت صبرتوا على الكيزان 30 سنة ..
هسه خلاص شوق الديمقراطية كاتلكم ..
أركزوا بس يا ود التاج لم تبدأ بعد ...
دي على وزن لم تسقط بعد
يادوووب الجماعة دايرين يتحاصصوا
مع حملة السلاح والحركات الانشطارية
عشان يستعدلو للقعاد في الكراسي ..
خلي بالك محاصصة زي دي ممكن تطوول ..
وربما مايفكوها الا للمهدي المنتظر
فخليك كووووول
| |
|
|
|
|
|
|
|
|
 Re: التعايشي: الفترة الانتقالية لم تبدأ بعد (Re: جمال ود القوز)
|
| Quote: وربما مايفكوها الا للمهدي المنتظر |
الكيزان زمان قالوا ماسلموها الا للمسيح
كتر خيرهم؛ كانوا بيؤمنوا بالمسيح..
الا سلموها للشعب ولا كتر خيرهم..
اسه الجماعة ديل الظاهر لا بيؤمنوا بالمسيح ولا بالله زاتو
عيال لينين بيقولوا لا اله والحياة مادة
والسلطة كنوع من المادة لا تفنى ولا تستحدث
الله يستر على الشعب السوداني يا ود القوز
القيامة ماتقوم عليه وهو في قحطه هذا
| |
|
|
|
|
|
|
| |
عمر التاج
shaheen shaheen
جمال ود القوز
فيس بوك
تويتر
انستقرام
يوتيوب
بنتيريست