من هذا المنبر نود ان نرسل تحياتنا وتقديرنا واعجابنا بمراسلي قناة الجزيرة في واشنطن ، : الاستاذ عبد الرحيم فقرا الاستاذ محمد العلمي الاستاذة وجد وقفي الاستاذة بيسان ابو كويك وكذلك الى بقية العقد الفريد من الصحفيين ومراسلي قناة الجزيرة القطرية في بقية المدن الامريكية والذين نقلوا لنا بصدق وامانة احداث الانتخابات الامريكية خطوة بخطوة، لقد ادوا عملا رائعا وبديعا استحقوا معها الشكر والتقدير ،،،، والتحية لقناة الجزيرة التي تنقل لنا احداث العالم لحظة بلحظة وكأننا نعيش الحدث وكأننا في قلب الحدث،،،، هؤلاء المراسلين عملهم اوسكار الف نجمة،،، وهكذا تتفوق الدوحة في كل المجالات... فشكرا لمسؤولي دولة قطر ...
01-21-2021, 05:05 PM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
الدوحة تتفوق علي منو؟ الجزيرة من طرحت نفسها مدرسة اعلامية متميزة بدات في السقوط والانحطاط الاعلامي كاداة لصراع سياسي في يد الاخوان المسلمين وبقت بعيدة عن اي مصداقية او اخلاقيات عمل اعلامي بقت زيها وزي تلفزيون السودان في عهد الانقاذ
جعفر ياخي حرام عليك ظلمت قناة الجزيرة ظلم الحسن والحسين... .الجزيرة تفوقت حتى على السي ان ان والقناة الاخبارية البريطانية وهذا بشهادة القنوات الامريكية والبريطانية انت بس حسدتهم ساكت ههههههههههه. خلي الحسادة وخلي روحك رياضية،،،،
سلام يا إمتثال وأبو آمنة، الجزيرة متفوقة بالمال، المراسلين ديل يا إمتثال اقل حاجة بياخدوا 15 ألف دولار في الشهر.
داخل النص: أتوقع يا إمتثال بأن قناة الجزيرة تنتوي فتح قناة للجزيرة من واشنطن، بدلا من نافذة من واشنطن، على مر الشهور السابقة، الجزيرة بقت بتنقل 80% من الأخبار عن أمريكا.
يعني يا النذير المراسلين ديل عندهم حق يبدعوا كل هذا الابداع ما دام بيصرفوا كل هذه الاموال الطائلة كمرتبات شهرية، واحتمال كمان تامين صحي وبدل سفريات لمن يسافروا للولايات الاخرى... لكن بصراحة عملهم في فترة الانتخابات الخرخر فيها ترامب كان اوسكار خمس نجوم...
01-23-2021, 06:40 AM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23401
هلا امتثال وضيوفها فى تقديرى لاتوجد قناة اخبارية محايدة مئة في المئة كما ان الاموال لاتصنع قناة اخبارية ناجحة بل المهنية ومساحات الحرية الممنوحة ونحن نشاهد بعض القنوات القامت كرد فعل لقناة الجزيرة لكنه فشلت في منافسة الجزيرة وهى قنوات لاتنقصها الاموال زى العربية واسكاى نيوز عربية بل في فترة من الفترات المليار دير السعوى الوليد. بن طلال اسس لقناة اخبارية تنافس الجزيرة وقد تعاقد مع يعض مذيعات قناة الجزيرة لكن القناة فشلت ومنهن من عادت للاعمل مرة اخرى بالجزيرة زى المذيعة ليلى الشيخلى
01-23-2021, 11:15 AM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 14495
شكرن امتثال،،، ♤ الجزيرة دي البرشها بي لبن نحنا بنديه باقة من حامل المسك عبد الصمد القرشي لعود الصندل والعنبر و العطور . بس ساي كدي من باب انصر أخاك ظالمن و مظلوماً.لكن دا برضو ما يمنع من وجود هنات و مآخذ.
▪بس لكن نسيتي عمنا العلمي و ناصر الحسيني و معاهم بنية لبنانية جد متمكنة اسما فدى باسيل. و كويس إنك جليتي الوليد الأرتري عسمان آي فرح أبدن مو عاجبني كان متقلفص بلحيل و ملقوف لامن غلت في المامورية دي. ذكرنا ناس الرشيد بدوي عبيد لامن ساقوهم يذيعو كاس العالم أمريكا 94 بالله تمك خلى الكورة و قعد ياخ يوصف لينا في برتكان البلد داك غلاد كيفن. يعني ما سمع بي"برتكان يافا" عندنا بجاي.
▪ بعدينك يا ود حجازي إتا في ديل و لا داك اللسمو فيصل القاسم بتاع خلف خلاف" اللتجاه المشاكس" و لا كمان المصري المتنرجس/ أحمد منصور ، دا يمكن بيقبض ليو قدرم مرتين عشان يحينا "بلا حدود" جاب لينا فوقو الترابي فقع مرارتنا بحركاتو ؛ سألوه عن فساد (اللنغاظ) قال نحن علمناهم الأمانة على قدر زريبة و مخزن عيش و بس ، موش (اختطاف دولة) بحالها. فا شايفين كيف بالله أما و قد خلا لك الجو يا مهازلُ فافرحي و اسرحي و امرحي؛ و إذا شئتِ فبيضي و اصفري.
● نجي بقى لأخوان فاطنة وحوش الشاشة، ناس الكُتبي و الزبير نايل ياهم ديل الرايحين فيها. تصوري ، يمكن ما بيدوهم أكتر من 13 ألف ريال ، و هديلك راكبين قرمبع . ياخي الزبير دا كان بيجيبوه ساري الليل، بعد ينومو الشُّفَّع كأنو ( ود أم بعِلُّلو ) عشان يقفلا معاه و المفاتيح يخليهن معاه يجيبن الصباح بدري؛ و في النهاية سحبوه ودوه مجرد بقى (قرَّاي) تقارير و مقدمات لحصاد اليوم بس . دا رغم إنو زول من قدامي محاربي القناة و رعيل مؤسسيها مع سامي حداد ، جمال ريال ، جميل عازر ليلي الشايب ، كريشان وعمنا الراحل السوداني يوسف نور.
معقولة تكون نسيت نزيه الاحدب ، واظنه لبناني، وهو صاحب اجمل واروع وافضل وامتع برنامج في عالم التلفزيونات وهو برنامج فوق السلطة،،،، برنامج سياسي اجتماعي اقتصادي فني رياضي ،برنامج يلم كل نواحي الحياة،،، ويعجبني ان نزيه الاحدب ، وبلهجته الساخرة ، بيضرب اعداء الدولة الفتية قطر، بالحتة الفيها الحديدة وكلامه كله مقنع ومنطقي ولا يمكن ان يرد، بضم الياء وفتح الراء وسكون الراء، واستطاع ان يخطف الاضواء من فيصل القاسم، صاحب اشهر برنامج في العالم :الليتجاه المعاكس"، ونجم نجوم الاعلام العربي، بل قل الاعلام العالمي،،
01-24-2021, 08:34 AM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 14495
▪ رغم انبهارنا بالجزيرة كطفرة جينية إعلامياً، غير أن الكمال لله. فيصل قاسم باتجاهه المعاكس أقرب لشعل التحاريش و "المديدة حرقتني" و برضو نزيه الأحدب دا شغل (Tabloid). فالاتنين و معاهم أحمد منصور، من مدرسة موسى صبري لصحافة العصاري الصفراء.دا مجرد رأي ربما مخالف.
01-24-2021, 08:59 AM
Abureesh Abureesh
تاريخ التسجيل: 09-22-2003
مجموع المشاركات: 30182
بالله عليك أسمحى أوصل رسالتى للجزيرة عن طريق هذا البوست لأنهم أكيد سيقرأونه..
يطوروا تكنولوجيا أو حاجة بالشكل دا، ويقطعوا صوت المترجم من الإنجليزية للعربية للبرامج الموجهة لأمريكا.. ياخ نحن الواحد يتصنت عشان يلتقط كلام الضيف بالإنجليزى، بدل أ أ أ بتاع المترجمين فى الوقت الفيه الضيف يطلق الكلمات كانها خارجة من مدفع رشاش وتفوت علينا .. يعنى هم يفهموا أى زول فى أمريكا يعرف إنجليزى ومافى داعى للترجمة.
جعفر لولا اختلاف اذواق الناس لبارت السلع.... في برنامج في التلفزيون الامريكي القناة ٧ انا بشوفها من ابيخ البرامج وما ممكن اضيع وقتي عشان اقعد قدام التلفزيون دقيقة عشان اشوفه وفي نفس الوقت معانا مسنوحات يعشقن هذا البرنامج الثقيل ويبطلن اي مشوار عشان ما يضيعن ثانية من البرنامج، وتلقى الواحدة جاية من برة وهي شايلة نفسها وتلهث لانها كانت جارية من محطة القطر البتبعد ثلاثة بلوكات من البيت عشان تحضر البرنامج من البداية، وتصدمني جنب الباب وانا طالعة....
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Gafar Bashir
النذير حجازي
بدر الدين الأمير
دفع الله ود الأصيل
Abureesh
علي عبدالوهاب عثمان
فيس بوك
تويتر
انستقرام
يوتيوب
بنتيريست