جدد رئيس مجلس السيادة الفريق أول ركن عبد الفتاح البرهان عزمه على تسليم السلطة في الوقت المحدد للمدنيين. وقال في مقابلة بثتها قناة الشرق اليوم (حتما سأنتحى متى ما حل وقت تسليم قيادة المجلس السيادي للمدنيين) وأضاف (سنفعل ذلك راغبين ومطمئنين وسنظل حراسا للسودان) وتابع (فوراً سأتنحى وأسلم من تتفق عليه القوى السياسية) ونوه إلى من يجرب السلطة خلال فترة الإنتقال لا يفكر فيها مرة أخرى. وأكد البرهان ثقته في قرارات رئيس الوزراء د. عبد الله حمدوك والقطاع الاقتصادي المتعلقة بمعالجة مشكلات الاقتصاد ولم يستبعد أن يتم تبديل العملة في اطار المعاجات الاقتصادية. وقال البرهان إن السودان بدأ الأن الدخول في المنظومة الإقتصادية العالمية وأشار إلى أن البنى الاقتصادية للبلاد تُعاني من عيوب كثيرة وإختلالات ما جعل الطاقم الاقتصادي يقود إصلاحات اقتصادية بكل اقتدار وثقة، وقال (ما نمر به الأن من ضيق هو نتاج لتلك الاصلاحات المطلوبة لدمج الاقتصاد في المنظومة العالمية"). وأوضح البرهان أن البلاد تمر بفترة مخاض ستكون عسيرة لكنها ستمضي وقال (رئيس الوزراء والطاقم الاقتصادي لديهم الأفكار الكافية والأُطرُوحات التي تُخرِج البلاد من الأزمة الاقتصادية ومن ضمنها لا استبعد أن يتم تبديل العملة). ولفت إلى أن التزام الدول الصديقة في مؤتمر باريس ودول الترويكا والأصدقاء الأقليميون بما وعدوا به سيُمكن السودان من الاستفادة من موارده الكبيرة والمتنوعة والتي ستعمل على وضع الاقتصاد في مسارة الصحيح.
*تمشي يا فقير ما في حساب ودم وحاجات كتيرة ما وصلنا فيها لحل اصبر قصة تمشي عند اهل السودان ما تتكلم ساي انت حسابكم تقيل انت
06-13-2021, 04:28 AM
Asim Ali
Asim Ali
تاريخ التسجيل: 01-25-2017
مجموع المشاركات: 13492
قلتو مدنية يا بعاعيت مايو 1969 الانتهازيين ووثيقتكم بتاعة المحاصصة الانتهازية جابت الجنرالات الخمسة ديل في القصر الجمهوري قحت انتهازية ولم بلا مشروع من اول بيان البرهان قال بسلم الحكومة الي حكومة منتخبة (انتخابات ) انعم واكرم فعلا اي جنرال في العالم بقول كده لكن الما عايز انتخابات منو في السودان غير الساقطين ديل الشيوعي ووالبعثي والناصري والمخابرات المصرية من اول انقلاب لي اخر انقلاب وديل الجابو الوثيقة المعيبة القبيحة علي حساب دستور 2005 والمحكمة الدستورية الوصلتنا انتخابات 2010 وبوظا البشير هسة البرهان يفعل المحكمة الدستورية المراجع العام \ يرجع الاقاليم ويلغي والولايات القبيحة دي كلها ويرجع قانون الجنسية الخضراء ويراجع الرقم الوطني بعد 1989 ويحرر الاعلام وكل زول يقول رايه ما عايزين جنود في اليمن نعمل مسيرة من حلفا لي نمولي ما في زول عنده دخل نتكامل مع دولة جنوب بي الحريات الاربعة والنفط مقابل الغذاء ما في زول عنده دخل سد النهضة دا يطرح في المشورة الشعبية والاعلام بي الواضح كده العايز يحافظ علي السودان يراهن علي الانتخابات اقليمية ثم المركزية ثم الراسية من الليلة بمرجعيات دستورية محترمة دستور 1973 وقوانين 1974 ودستور 2005 والمحكمة الدستورية \يكون لجنة دستورية عليا من متخصصين وستة شهور بس برجع سودان 1يناير 1956 باسس جديدة سئمنا تفاهات قحت ونعيق ايتام االترابي والنخبة السودانية وادمان الفشل هي مراسيم جمهورية اساسية وبالباقي ساهل جدا واخر انتخابات 2010 الشعب كفا وفا واتخزل من اشخاص بلا ضمير ولا اخلاق من الاساس والناس المحترمة بتراهن علي الشعب من الاول وده كان الرهان الحقيقي وليس الانتهازيين وسقط المتاع ديل انت شيوعي ولي بعثي ولي ناصري ولي كوز دي مشكلتك انت ومرضك انت ما تقعد في راسنا بي المحاصصة وترفس تعال بي الصناديق ولي تسقط ثالث ورابع وفضل مشروع هسة هو تحالف الختمية مع عبدالعزيز الحلو فقط وسيرك جوبا ده كلام الطير في الباقير والوضع الاقتصادي والسياسي فضح الجميع بعد سنتين
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة