|
كتب الكاتب الفاتح جبرا المتوفرة بمعرض الدوحة
|
|
 Re: البرهان يزور الإمارات غدا (Re: Yasir Elsharif)
|
انتقد مبادرتها لحل خلاف الفشقة.. مالك عقار: الإمارات تريد تقسيم أرض السودان مناصفة مع إثيوبيا
مالك عقار وجّه انتقادات شديدة اللهجة للمبادرة الإماراتية (الأناضول)
مالك عقار وجّه انتقادات شديدة اللهجة للمبادرة الإماراتية (الأناضول)
9/4/2021
قال عضو مجلس السيادة الانتقالي في السودان مالك عقار إن "الإمارات التي تقع خلف البحار تريد توزيع وتقسيم أرض السودان مناصفة مع إثيوبيا".
وخلال ندوة في العاصمة السودانية الخرطوم، وجّه عقار انتقادات شديدة اللهجة للمبادرة الإماراتية لحل قضية الخلاف الحدودي بين السودان وإثيوبيا.
ونقلت صحيفة "سودان تريبيون" (Sudan Tribune) عن عقار قوله إن محاولة الإمارات تقسيم منطقة "الفشقة" بين السودان وإثيوبيا مرفوضة، مشددا على أن "الفشقة" أرض سودانية لا تقسم.
يذكر أن الحكومة السودانية لم تكشف -حتى الآن- عن مضمون المبادرة الإماراتية الخاصة بالأزمة الحدودية بين السودان وإثيوبيا.
وتستولي جماعات إثيوبية على أراضي مزارعين سودانيين في "الفشقة" بعد طردهم منها بقوة السلاح، وتتهم الخرطوم الجيش الإثيوبي بدعم هذه "العصابات"، لكن أديس أبابا تنفي ذلك.
وبعد غياب استمر نحو 25 عاما، أعاد الجيش السوداني في 30 مارس/آذار الماضي انتشاره في المنطقة المذكورة.
| |
  
|
|
|
|
|
|
|
|
Re: البرهان يزور الإمارات غدا (Re: Yasir Elsharif)
|
ممكن تعدو لينا عدد المرات التي زار فيها مسؤولون سودانيون دولة الامارات العربية منذ قيام الحكومة
الانتقالية، اقصد الحكومة الابدية!!!؟؟؟ غير عدد المرات الالف الزار فيها حميدتي تلك الدولة،،،
...عيب كده!!!؟؟؟؟
| |
|
|
|
|
|
|
|
|
|
Re: البرهان يزور الإمارات غدا (Re: امتثال عبدالله)
|
غايتو الداير يبقى رئيس للسودان دا زول أهبل
وعوير ساي ... نعم شعب السودان تركيزم كلو
على القصر الجمهوري وساكنه ... ههههههههه
لأنو الكثيرين من هذا الشعب بيفتكرو إنو الفرج
والفتح المبين وكل الحلول للمشاكل الحياتية
حقتهم موجوده داخل القصر الجمهوري ...
الأمارات تختلف سياسيا واقتصاديا واجتماعيا
عن السودان ... مافي مواطن اماراتي بيسك
ويجري خلف الرئيس او نائبه وفي كل الأحيان
ليس من اهتمامات المواطن الإماراتي أين يوجد
الرئيس او أين ذهب الرئيس او من استقبل الرئيس ...
ما أظن في تركيز على الرئيس في كل بلدان العالم
زي ما موجود عندنا ...
الإمارات بلد متعدد المواهب والاهتمامات والكثير
من الحكام والمسؤولين الأجانب يمرون عبر أبوظبي
ودبي لعقد صفقات اقتصادية او سياسية او لمقابلة
مسؤولين في حكومات أخرى لا علاقة لها بالإمارات
وقد لا يعلم بها أفراد الشعب الإماراتي ...
الإمارات فيها المئات من مليارديرات العالم (مقيمين)
والإماراتيين وبالتأكيد السعي ليهم واجب كل بلد يسعى
للفائده الإقتصادية ... في الإمارات توجد مكاتب للشركات
والبنوك العالمية الكبرى حيث تتوفر الفرص الاقتصادية ...
أنا ما فاهم اللعلعة دي فوق كم ... هل واجب الرئيس
الإفصاح عن أسباب زياراته للخارج وتقديم تفاصيل
اجتماعاته ومباحثاته؟؟؟ الشيخ محمد مصطفى اصلو
ما خاتي عليكم (قوم يا عاطل) ...
| |
|
|
|
|
|
|
|
|
|
Re: البرهان يزور الإمارات غدا (Re: Salah Zubeir)
|
Quote: الأمارات تختلف سياسيا واقتصاديا واجتماعيا
عن السودان ... مافي مواطن اماراتي بيسك
ويجري خلف الرئيس او نائبه وفي كل الأحيان
ليس من اهتمامات المواطن الإماراتي أين يوجد
الرئيس او أين ذهب الرئيس او من استقبل الرئيس ... |
فعلا كلامك صاح يا صلاح بدليل أن رئيس دولة الإمارات الحقيقي، خليفة بن زايد، ليهو سنوات ما معروف محلو وين، حي أم أتى دونه الأجل.
| |
|
|
|
|
|
|
|
|
|
Re: البرهان يزور الإمارات غدا (Re: Yasir Elsharif)
|
يا صلاح زبير
كلامك ما منطقي....وكان ممكن يكون منطقي اذا المسؤولين في حكومتنا الرشيدة الابدية بيزوروا دولة الامارات
في كل شهر مرة ...لكن كل اسبوع نسمع في مسؤول جاري للامارات فدي ما معقولة....
واذا كان الموضوع موضوع شحدة قروش فممكن يشحدوا بالتلفون....بدل ما يكلفوا الدولة مصاريف سفر ونثريات
بالعملة الصعبة البتعاني منها السودان اساسا....
الحكاية كلها بقت سفريات للخارج....من دون داعي....
خففوا رجلينكم شوية يا وزراء الهنا ....
....عيب كده!!!!!!!!
| |
|
|
|
|
|
|
|
|
|
Re: البرهان يزور الإمارات غدا (Re: امتثال عبدالله)
|
| Quote: رئيس دولة الإمارات الحقيقي، خليفة بن زايد، ليهو سنوات ما معروف محلو وين، حي أم أتى دونه الأجل. |
تصدق وتامن بالله يا ياسر ما أظن في مواطن
إماراتي ناقش الاحتمالين ديل (حي أم أتى)
معلوم بأن الشيخ خليفة مريض ومعلوم من
يقوم بأدواره اتحاديا ومحليا ... شعبيا يتلقى
الشيخ دعاء شعبه بالشفاء العاجل في كل المناسبات
الوطنية ...
أتفق معك يا امتثال في ضبط الصرف الحكومي وهو
أحد المشاكل الرئيسية لميزانية الدولة في العشرة سنوات
الأخيرة ...
| |
|
|
|
|
|
|
|
|
|
Re: البرهان يزور الإمارات غدا (Re: ترهاقا)
|
الناس داقة جرس في الفيسبوك عشان استقبله وزير البنى التحتية
يجيبوا ليكم وزراء من وين يا ناس حكومتنا !
تمشي مريم الامارات قبل ترجع السودان يمشي حميدتي، طيارة حميدتي راجعة السودان تكون طيارة حمدوك اتحركت على الامارات
يرجع حمدوك يقابله البرهان في المطار وهو مغادر للإمارات، يرجع البرهان يمشي خالد سلك
على الحلال الأمراء ديل إلا يعملوا ورديات في المطار حتى نوفر ليكم مستقبلين. الحمد لله المرة دي لمينا في وزير
قولوا لي مريم أتقلي شوية عشان ما يستقبلك رئيس رابطة الطلاب
| |
|
|
|
|
|
|
|
|
|
Re: البرهان يزور الإمارات غدا (Re: زهير عثمان حمد)
|
مالاسبوع الفات ذهب حميدتي ورجع في طائرة اماراتية
وقبله ذهبت مريم وادت فروض الطاعة بشأن السد وأراضي الفشقة
وبكرة البرهان في زيارة تتزامن مع ذكرى فض الاعتصام ..
غايتو المكثفة الزيارات دي ، ومع اشاعات مسك الإمارات لملفات وفيديوهات خاصة بأعضاء الحكومة..
أما انها لغرض بيع الفشقة ..
أو الترتيب لقفل ملف فض الاعتصام
أو التجهيز لمجزرة جديدة مهرا السودان الجديد
| |
|
|
|
|
|
|
|
|
 Re: البرهان يزور الإمارات غدا (Re: زهير عثمان حمد)
|
ههههه ورمضان كريم
فضيل فنان يا زهير.. وما عنده علاقة بالسياسة
زيه وزي عادل امام .. يضرب من طرف وما في زول بزعل منه إلا الحكومة..
المهم ..بكره بيجي فضيل ويدرشنا بعمل فني وينتقدنا ،
ونقوم نقلب عليه ونرجع لكم يا ناس مزمل فقيري ..
| |
|
|
|
|
|
|
|
|
|
Re: البرهان يزور الإمارات غدا (Re: عمر التاج)
|
وبعدين يااخي وقسما بالله فضيل ما بمثلني ..
انا في البوست داك مجرد ناقل لهاشتاق #فضيلي يمثلني..
وحاولت أثناء النقاش اقيف معاه في فكرة معينة اتبناها الممثل ..
لكنه والله ما بيمثلي ، وما حصل مثلني
هو بيعجبني كممثل كوميدي ، ولكنه ليس غدوة لي ولا بمثلني
انا البمثلني لسه ما اتولد
| |
|
|
|
|
|
|
| |
زهير عثمان حمد
بدر الدين الأمير
Yasir Elsharif
Salah Zubeir
ترهاقا
عمر التاج
فيس بوك
تويتر
انستقرام
يوتيوب
بنتيريست