|
|
|
 Re: الامير بدرالدين .. زعيم اربجي .. لعلك بخير .. (Re: معتز القريش)
|
حبيبنا الجميل معتز .. تحياتي
الحمد لله هو بخير
حبيبنا معتز .. اين بوستاتكم الجميلة والاخوانيات الرائعة
نحن في حبس الكورونا
حظر تجول كمان
بالتزكية تم تنصيبه امبر اربجي
ما في منافس
بعدين صورة البروفايل .. وسيكار .. يوحي بأنه أمبر
ومرات كان يدلعني ( علي بوب ) يا رطاني
تحياتي الحبيب معتز .. تدوم الاخوة
ونتمنى للجميع الصحة والعافية وينجينا من شر الكورونا
شكرا الحبيب الرائع معتز
احتمال حضوركم الجميل يكون حافز لعودته
| |
 
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: ABUHUSSEIN)
|
زي ما قال ود القريش يكون مدروش في الغسيل و المكوة و تعقيم البيت ...
الكورونا فضحت كتيرين ....
================================
الحبيب ابوحسين .. تحياتي
ما أظن الامير يقوم بهذه المهام
ده أمير وود عرب ..
الأمير أكيد في مهمة أنسانية من أجل درء خطر
الكورونا في أربجي ..
مودتي الجميل ابوحسين
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: علي عبدالوهاب عثمان)
|
Quote: الحبيب ابوحسين .. تحياتي
ما أظن الامير يقوم بهذه المهام
ده أمير وود عرب ..
الأمير أكيد في مهمة أنسانية من أجل درء خطر
الكورونا في أربجي ..
مودتي الجميل ابوحسين |
هههههه
ذلك لكن هههههه
اثبات بالصور يا عمك
انسانية بتاعة حنانك
والله وتالله لو لا الخوة ومراعاة للدتورة صديقتي
الا كان .... أحححححح
خليني ساكت أحسن
| |
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: معتز القريش)
|
التحية للاحباب ..
الأمير دائماً يحب يقدم نموئج مثالي
لنخرج من اطارنا القديم .. الى عالم الحداثة
والمساواة الاجتماعية بعد الثورة المجيدة
ثورة الكنداكات ..
نحن طبعاً من الجيل القديم لم نواكب الحداثة
الحبيب المعتز .. شوف التبريرات دي كيف .. هههه
يا ريت قريبي عزام كمان يجي
تحياتي الحبيب معتز .. اهم شيء أن الامير بصحة وعافية
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: Arif Nashed)
|
على الرغم من ان فيروس الكرونا بتخلي الناس تكتب كتير وتقرا كتير لانهم محبوسين في البيت لكن اظن في ناس دخلتهم خوفة انهم اذا
لمسوا الكمبيوتر حيصابوا بالكرونا ....بس خايفة الامير بدر الدين يكون منهم ....
يا نجمة تاني ما تطبخوا في البيت ...وفروا جهودكم لمقاومة الكرونا واطلبوا الوجبات delivery ...
...والتحيات له ولاسرته الكريمة
والله يبعد عنهم وعنكم وباء وبلاء الكرونا ....
بس سمعنا ان الدوحة ما موبوءة بالفيروس لان اجواء الدوحة نظيفة وما ملوثة ...
ونسبة لان اجواء امريكا ملوثة فانها اصبحت اكثر دول العالم اصابة بالفيروس ...ونيويورك اكثر مدن العالم اصابة..
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: Arif Nashed)
|
الاحباب .. منتصر
والجميل عارف .. والرائع معتز
===============================
طبعاً الامير بتسريب هذه الصور الخاصة
يريد ان يكسر حاجز الخوف والخجل الذي ينتابنا عندما نشارك الكنداكات
في مهام المنزلية ..
غاية الذكاء والحصافة من الامير لتبليغ الرسالة عملياً وليس بالتنظير
وخاصة هو في عهد الظلام والكيزان كان من الرواد لتخطي تلك الخطوط الحمراء
الوهمية ..
التحيية للامير .. في عهد الانفتاح على الآخر .. وقفز بالمجتمع إلى آفاق أرحب
اكيد يكون سرب هذه الصور .. لابلاغ الرسالة
وصلت الرسالة كلنا سوف نسير في هذا الطريق
قبل بداية الحظر .. سوف اذهب إلى سوبرماركت ( ملوخية )
واشارك الحاجة في التنظيف .. يعد عشرات السنوات سوف تكون مفاجئة
((( الملوخية اصبحت رمز الحرية والعدالة ))) شكراً أميرنا
الحبيب معتز يا جميل .. ( ملوخية .. ملوحية .. رمز الحرية )
صدقني الحبيب معتز .. خليتني أتكلم عربي .. عديل
في انتظار سمو الامير
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: Arif Nashed)
|
التحية الحبيب عارف .. تحياتي يا جميل
الزهايمر حصل .. احتمال كبير أكون لخبطت
كمان المشكلة أنا امكانياتي ضعيفة في العامية
بعدين الايامات دي فاضين وحبس في البيت أول مرة في عمرنا الطويل
سامحنى يا جميل .. أكون قاصد خير .. ولكن المشكلة في التأويل
الحبيب عارف حاولت اتدرب على بوستات الاخوانيات ولكن الظاهر
الفشل حصل ..
صدقني لو ونسة بالنوبية .. كنت اتحدي بتاع سي إن إن ( نسبت الاسم )
الحبيب عارف النوبية فيها طلاقة وانسياب .. ما في عبارة ( آآآآآآآآ انا ... وااااااااا نحن )
تحياتي عارف الجميل .. المهم أنا سوف أواصل التدريب ..
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: walid taha)
|
وليد أمبس .. سريناقمي . ووو هبيب
محبوسين في الشقة ( شقر كوبورو )
انت عارف يا وليد أمبس نحن عندنا اللمة ( الجمعية )
أيام العطلات ( قراريص وحاجات بلدية ) وعشرة كوتشينة نحن شلة العجايز أما الايامات دي
عزل كامل .. بالدنقلاوية ( تور .. Toar) مثلا ( فلان تورو دابو ) يعني معزول عن الناس
لكن رب ضارة نافعة ..
تحياتي وليد أمبس
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: علي عبدالوهاب عثمان)
|
استاذنا على أمبس
بدر الدين الامير فعلاً امير
شخص مفيد جداً في اعمال المنزل
و ذي ما قال مونتي ايدو طااااعمة :)
بالذات في كبدة الابل و ام فت فت و المرارة و الكوارع
مرة انا و المدام مشينا البحر و جبنا سمكة طولا متر و شوية
لفينا بيها نص البلد عشان محلات السمك ينضفوها و يقطعوها رفضو
ربك رب الخير جاب لينا بدر الدين و الوغد معتز
بدر الدين عاين ليها كده بي نظرة خبير
مشى جاب ساطور و حجر مسن للسكاكين
و دخل المطبخ قال امشو مني و انفرد بالحوت
ساعة شغال فيها انجزا بكل سهولة و يسر
اما معتز دا كوز ما تشتغل بيهو
اليومين دي ربنا رحمني منو بسبب الكرونا جبان خايف يموت هههههه
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: خضر الطيب)
|
الحبيب خضر أمبس
يا سلام نموذج رائع للزول الاجتماعي مضياف
يستاهل الامير
سودانيز مجتمع يذكرنا أيام الزمن الجميل القعدات وميز المدرسين
الونسة والشكلة .. والخصام والتسامح .. كل الامور تختلط إذا غاب اي ركن
الامير ركن مهم في سودانيز
شكرا الحبيب خضر امبس .. دائماً حضورك رائع كمان اجتماعياتك وا سعة ما شاء الله
علاقاتك واسعة
التحية خضر أمبس
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: حسام الدين حمودة)
|
الحبيب حسام .. تحياتي
انت زول جميل .. فتحت موضوع جميل
اذا كنت ترغب في خدرة بطعم رائع
عند توريق .. تجنب الورقة الخشنة الملمس
توقف عند الورق الناعم
بس طبعا المفروكة مبالغة .. وخاصة معها نكهة الثوم
مع أن الثوم هنا في السعودية رائحتها مشكلة ولكن مع عزلة كورونا
وعدم الذهاب لصلاة الجماعة ممكن
الله الله على ملوخية الجروف عندنا في البلد خالي من السماد
خاصة النوع غير الهجين قصير بجذور .. هنا في السعودية النوع الطويل
الترابلة عندنا يسموها ( تروجي ) للسوق فقط .. في البيت النوع القصير
حبيبنا معتز .. حسام خلى بوست بطعم رائع ..
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: علي عبدالوهاب عثمان)
|
أنا ما لاقتني خدرة سمحة هنا ،،، يا جيزاني ورق عريض وغااامقة ،، يا بتاعت الخرج والرياض وشكلها دبلان دائماً ،،،
لكن الخدرة طعمها روعة مع الثوم والشمار الأخضر ،،،، بأقعد أفتش ليه عشان ألقى نوع جدييييد وناعم وطازج وريحتو قوية لما ألم فيه
ملحوظة إنت يا معتز القريش الناس الطولوا من المنبر كلهم عملوا (تجديد عهود) إشمعنى إنت بس دخل القش ما قال كش ... ☺☺
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: جلالدونا)
|
الحبيب على عبدالوهاب
تسأل عنك العافية يا انسان الخصال السمحة
اخوك مضروب كرونة وحرد من بكرى ابوبكر
اخوك وبطبيعة عملنا كنا من أوائل من إصابتهم
الكرونا فى مقتل عملنا في مجال الترجمة والترجمة الفورية
واجهزتها بعتمد على المؤتمرات البطولات الرياضية
ورش العمل ورش التدريب توقف تماما من يوم اعلان الوباء
قمت فتحت بوست قلت فيه كرونا حولتنا كاسرين كرونا
قام بكرى سحبو قبال ما اكمل قصتى سكت زعلان
من كرونا وبكرى ابوبكر بعد ايام كرونا وصلت قطر
قالو اقعدو فى البيت وبرضو صبرت
تقوم تجى انت وتفتح بوست تسأل عنى
عشان يجو الرجرجة والدهماء بورداب
السوء ناس الظلام معتز القريش وصنوه
الامنجى ابوالحسن وتابعهم منتصر ومعه
بتاع حب الكلاب حتى الاجنبى دينق جايلطش
فينى وانت زاتك طلعت دنقلاوى حلاب تيس وعنصري
يعنى شنو ود عرب ولاودبجا
انا حالتى سعبة سعبة جدا
مافى ترجمة والمترجمين دايرين رواتبهم
مافى استخدام للاجهزة والمعدات والفنيين دايرين رواتبهم
صدق نجمة زميلة العمل والمنزل امس سالتنى متى بنزل الراتب
والظلامى معتز القريش بعد خوة ٣٠سنة
بدل مايلم كشف لعزيز قوم زل جايى
يجهز على والفضل يرجع لبوستك هذا
انا بوستك هذا قنعت من خيرا فيه ماشى
اتونس فى بوست السنى امس شكيت له الحال
قال الحال من بعضو ثم اردف انت هين انت ماقادر تتخيل انو
كرونا ساجنانى مع الرطانية احلام وهبى
حالة السنى برضو سعبة سعبة وانا ماشى اقف معه
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: بدر الدين الأمير)
|
يا سلام يا الامير .. يا جميل يا رائع
ما دام انت بصحة وعافية الباقي هين
صدقني يا الأمير بدونك المنبر لا طعم ولا رائحة
انت في نفس وضع كفيلنا .. قبل الكورنا بفترة قصيرة اشترى قطعة أرض بالملايين
يعني رصيدو ( زيرو ) وجاءت الكورونا ( ا لقوة القاهرة ) كما في عقد العمل
لا رواتب .. لا دعم .. اجتماع وكلام حلو .. ووعد ( زي كفيلنا )
يا سلام الحبيب الامير ..
يا بكري الحبيب صدقني الامير أهم من سفيرنا في قطر .. معقول
البوست كان فقط للسؤا ل والاطمئنان .. ولكن حبيبنا معتز تمدد فيه
طبعا معتز محبة واخوانيات .. وحضر باقي الاحباب ..
تحياتي الجميل .. بس أنا أتورط في عبارة ( ود العرب ) الناس مفروض تراعي
ناس ضواحي الدنيا على طول قالوا ( عنصري )
حفظك الله وعائلتك الكريمة والصحة والعافية
والتحية خاصة للحبيب السني وقريبتنا المحسية
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: بدر الدين الأمير)
|
طبعا المكشن بلا بصلة دى احسن من
يشرحها لك هى القروية امتثال عبدالله
=======================
الحبيب الامير .. مودتي
المكشن بلا بصلة ( اقسم بالله ما فهمت حاجة )
فتحت البوست عشانك يا أمير .. وتورطت في عبارة وصفتك فيها ( ود عرب)
في بوست كامل بهناك
كمان عايز تورطني بعبارة ( المكشن بلا بصلة )
يا سلام يا أمير .. تحياتي كمان للاستاذة نجمة
حفظكم الله .. ما شاء الله احلى ثنائي
أنا عامل هنا حظر على الجاجة يحفظها الله ( لازم متر ونص )
الجميل ما في عمرة وزيارة جوطة
مودتي الامير ..
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: علي عبدالوهاب عثمان)
|
مش ملاحظ انو نجمة ماجات حايمة فى هذا البوست
انعم انا بورق الملوخية بس بالمقابل موريها المكشن بلا بصلة
=====================
التحية الامير ..
الاستاذة نجمة .. يا أحلى ثنائي خليكم كده
الملوخية في الخليج ما ليها طعم ( هناك في السواقي والجروف )
تحياتي للسني والمحسية ..
نحن المحس خطيرين في الطباخة .. المفروم نحن جبنا من المصريين وحتى الملوخية
عشان كده تلقى المحسية ماهرة في الطباخة
الامير الجميل .. شوف الرطاني بقى يتونس بالعربي كمان .. تطور ملحوظ .. شكرا سودانيز
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: علي عبدالوهاب عثمان)
|
انت ياعلى
نسيت القصة او النكتة الشهيرة بتاعت جدك
الرطانى الكان بعمل فى قصر الملك فهد له رحمة ولمن
اجتاح صدام حسين الكويت الكيزان كانو مؤيدين له و
على طريقة الشتام يونس محمود طلعو مسيرة
تهتف يهود يهود ال سعود قام الملك سأل هذا الشخص
المن عندكم كيف تهتفو يهود يهود آل سعود فكان رد جدنا
الرطانى ماتاخد في بالك ياملك ديل عرب ساكت
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: بدر الدين الأمير)
|
كيف تهتفو يهود يهود آل سعود فكان رد جدنا
الرطانى ماتاخد في بالك ياملك ديل عرب ساكت
=================
تحياتي الامير ..
ده جيل ما يتعوض كانوا محبوبين
اذكر قصة واحد كان شغال ( سائق ) مع أميرة
طلب اجازة للزواج واهدته الاميرة 40 الف ريال
بعد الزواج رجع للعمل وسلم الاميرة ظرف به 14 ألف ريال
وقال للاميرة (( أنا زواجي كلف 26 الف وده الباقي ))
فضاعفت له العطاء عشرة مرات ..
ده كان زمان بعيد .. اليوم كلنا بقينا نصابين
بعد الثورة دي اول حكومة تكون خالية من الدناقلة
ضيعونا ناس بكري ومصطفى عثمان وعبدالرحيم ( اسمهنا بقت زيرو )
تحياتي .. يا جميل
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: بدر الدين الأمير)
|
العروبى الغرابى بريمة بلل وقبله الاجنبى دينق
جا يقبقنى ناقص يجى محامى الشيطان
كبر ويدينى درس فى ام فكو والكرونا
=========================
الحبيب الامير .. مودتي
الحبيب بريمة طبعا لا يرضى أي مس بالعروبة
وهذا توجه حبيبنا بريمة لا أن نحترمه .. ما دام عندنا بعث عربي
أما الحبيب دينق ألاحظ أنه يحمل لك مودة خاصة
تحياتي الامير
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: علي عبدالوهاب عثمان)
|
ول ابا بريمة
اظنك طلعت رجعي ومتخلف لانك ما بتساعد زوجتك في عمل البيت ...فاذا كان الخليفة العادل سيدنا عمر بن الخطاب يساعد زوجتهة
في عمل البيت ،،فما بالكم انتم !!؟؟ومادام انت قاعد جوه البيت ومحبوس وما عندك شغلة ،قوم هسع ادخل المطبخ واعمل فطور لزوجتك
قبل ما تقوم من النوم ،ان شاء الله تعمل ليها بيض عيون ( وبيض عيون دي سمعتها من ارملة المرحوم فاروق حمد الله، نايلة النور، في افادتها
عن احداث ٢٥ مايو و ١٩ يوليو للصحفي عادل سيد احمد ، حيث قالت انه كان في ضابط كان بيجي البيت بالليل دائما قبل قيام انقلاب ٢٥ مايو
ويقعد في الصالون ويطلب بيض عيون ، وانها ما كانت بتعرف هو منو لانها ما كانت بتدخل صالون الرجال لمن يكون فيه ضيوف، وكان فاروق بيجي
المطبخ ويشيل البيض العيون للضيف ،،وبعد نجاح الانقلاب ، اخبرها فاروق ان الضابط الكان بيجي يزوره بالليل وجنه ياكل بيض عيون هو جعفر نميري)..
.....
استاذنا علي عبد الوهاب
ما شاء الله تقدم ملحوظ بالحديث بالعربية الفصحى والدارجي، وبالامثال العربية البدوية وقربت تفوت الامير بدر الدين ، القروي ابن البادية والفيافي،،ههههههههه.
وبالمناسبة عندما يقول الامير لي نجمة بيوريها المكشن بلا بصلة ، يعني بيوريها نجوم الليل بالنهار ومن اعمال مستحيلة،،،والمكشن جاية من كلمة الكشن وهو نوع
من الملاح بتعمل من البصل والزيت والطماطم ،ومستحيل تعمل الكشنة بدون بصل ،،،واظنكم انتو بتسموهو عندكم السخينة،،،،زي البعملها انا هنا للمسنوحات المعاي هنا
لمن الدور يكون على في المطبخ .....وهذا المثل يضرب لمن تكون عاوز توصف حاجة مستحيلة ، زي ما تقول انا بوريك المكشن بدون بصلة ،،،والامير عاوز يقول ليك
انا بوري نجمة ما لا يخطر لك على بال،،لانه ماممكن يخطر على بالك تعمل كشنة بدون بصل،،،،
والله يبعد عنكم وباءة وبلاء الكرونا ....
وبالمناسبة الكرونا اصبح لا يفرق بين الكبير والصغير،،،
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: امتثال عبدالله)
|
وهذا المثل يضرب لمن تكون عاوز توصف حاجة مستحيلة
==============================
الاميرة امتثال .. تحياتي
شكرا الابنة امتثال .. كده فهمت الموضوع
اسم ملاح ده بالنوبية (( بربر توسا )) نعم يتم طبخه بدون لحمة
وكميات من البصل .. ولازم الشطة تكون زيادة شوية لأن الشطة تغطي عيوب الطبخ
ولا بد أن تؤكل هي ساخن ..
بمناسبة الشطة : عندنا الشطة الزائدة في أي ملاح كان دلالة على أن المرأة الطباخة ليست لديها مهارة
لأن الشطة تغطي على عيوب الطبيخ
التحية للابنة امتثال
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: علي عبدالوهاب عثمان)
|
استاذنا علي عبد الوهاب
انا من ما شفت منظر الصيني وهو بينجض الكلب في صاج والكلب حي بينبح ، والمنظر في بوست منتصر بعنوان
هل الصينيين ديل بشر وبني ادمين" خلاص بقيت نباتية وتاني بنقع بس في بربر توسا ،،،بدون اي لحمة لغاية ما الكرونا
دي تنتهي،،،،
وبمناسبة الشطة ، ما مر عليك في الواتساب صور السوداني اليبيع الشطة في السوق حلف ان الشطة دواء ووقاية من فيروس
الكرونا ،،،وعشان كده الشطة حتبقى مادة اساسية في كل الوجبات الحنعملها هنا ،،،
وربنا يبعد عنكم وباء وبلاء الكرونا ،الذي جعل ترامب يتخذ قرار بوقف التعامل بالربا ، الغى الفائدة في القروض من البنوك ، وكل المراقص
والبارات اتقفلت في العالم ،والناس الكانوا يفعلون الفواحش في الشوارع بقوا يخافوا حتى يسلموا على الرجال في ايديهم ، دعك من النساء،
خوفا وهربا من الموت الذي سوف يدركهم ولو كانوا في بروج مشيدة ،،اذا الكرونا لحق الامير شارلس البريطاني، ورئيس الوزراء عندهم،تاني
حيخلي منو ،،،،
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: امتثال عبدالله)
|
التحية للابنة امتثال
رب ضارة نافعة
لا اعرف لماذا هذا الانسان يتوقع الشر ولا يتوقع الخير
يعني عدد الاصابات في العالم حوالي 750 الف عدد الوفيات اقل من 150 الف
عدد سكان العالم حوالي 6 مليار .. النسبة تكون ضئيلة جداً ورغم ذلك الواحد يتوقع
الشر وكأنه على بعد سنتمترات منه
في المقابل احياناً يتم اجراء سحوبات على سيارات في المتاجر الكبيرة هنا في السعودية رغم عدد المشاركين
اقل من 10 الف الواحد ما يتوقع انه سوف يكسب السحب .
اذا كان بدل الكورونا سحب على مليار دولار لم يكن الشخص يتوقع ان يكسب السحب
لماذا يتوقع المرض .. حتى الصاعقة لمن تضرب في الطائف الواحد يتوقع انها في فوق رأسه في جدة
البني آدم يتوقع الشر ,, دائماً
حبس الكورونا جعلنا نفكر في حاجات غريبة
لدرجة بقينا مشتاقين للكفيل ..
الامير بدرالدين طبعاً ما شاء الله ربنا يحفظو .. هو زاتو كفيل
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: امتثال عبدالله)
|
امتثال عبدالله القروية
تب ماقصرت معاك ياعلى عبدالوهاب
وشرحت لك المكشن بلا بصلة لدرجة
انى شكيت انو البتشرح دى هى حبوبتى
امنة بت جبرالله لها الرحمة ومن هنا انا بقترح عليكم
تجو تعملو فى الدوحة مطعم سودانى للوجيات الشعبية
هى تخصص قروى وانت تخصص نوبى وممكن تدخلو بريمة
تخصص وجبات غرابية المطاعم السودانية هنا كلها لغاويس فى
لغاويس ومفصلة على العزابة يعنى استحيل تاخد اسرتك وتمش تاكل
فى مطعم سودانى ولو عندكم مشكلة فى التمويل ممكن اقنع لكم الاجنبى
دينق عزابى وغنيان ولمن يجى كاس العالم بكون مطعمكم معلم من معالم الدوحة
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: بدر الدين الأمير)
|
الحبيب الامير .. تحياتي
ما شاء شايف الرطاني بقى خطير في بوستات الاخوانيات
حبيبنا الامير بالنسبة للمطعم النوبي
طبعا اهم وجبة عندنا حتكون ( التركينج ) الملوحة
فقط نحتاج لتصريح من منظمة الصحة العالمية
عشان لو ظهر أي فيروس .. ترامب الفضيحة ما يقول ( فيروس نوبي )
بالنسبة ليكم طبعاً
المرارة وكبدة الابل ... الخ
تحياتي الامير الحبيب
ايه رأيك في لغتي ( عربي دنقلا )
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: walid taha)
|
| Quote: اذا زوجها الرجعي زي بريمة خلاها تشتغل |
هههاي .. آليتو عريسك لو ما بحوّجك تشتغلي ..
هنا فازورة: شيخ من شيوخ العرب .. عامل فيها رجل كارزيما ..
وولده مفصوم بشخصية والده .. رجل قبيلة ..
قام زعيم العرب .. تزوج له امرأة ثانية .. ودلوعة شديد.
قالت لولده .. أبوك حمرة العين والشو بتاعو دا .. ما عليّ انا ..علي الناس التانين ..
ولدوا قال ليها كلنا بنهرش منه .. قالت ليه أدخل تحت السرير .. وشوف أنا بعمل فيه شنو؟
نادت ليك شيخ العرب .. وقالت ليه تطلقني الأن .. وما عايزه منك بغم .. لو لا بركت علي ركبتيك وأنا ركبت علي ضهرك ..
شيخ العرب .. قاليها أنا الرجال ما ركبوا في ضهري ..؟!!
قالت ليه بس .. أقطع حبلك ودعنى أذهب لأهلي ..
الأمر صعب علي شيخ العرب .. بدأ كسير التلج .. أنتي وأنتي ..
المراة بدأت تطبق في هديماتها .. ماشه أهلها ..
شيخ العرب .. قفل باب البيت .. وبرك علي أربعاته ..
والمدام ركبت .. لما قنعت .. وقالت ليه عافيه منك .. بردت لي قلبي ..
وبنات الكـلـب القوّالات ح أثبت ليهن أنك بتعزني .. أكثر مما يتصورن ..
خرج شيخ العرب .. فقالت لإبنه .. حسي أمنت أن أبوك أضعف من أمرأة ؟
إبنه قال ليها إن كيدنك عظيم ..
أنا شخصياً، عينة البمحطوه بسوط .. في ضهره وبطنه .. لكن سره في بطنه ..
العيب في الأمير، بورّق الخضرة "ببليك" .. وبصورها كمان .. ودي المشكلة.
بريمة
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: علي عبدالوهاب عثمان)
|
لا ..لا...يا استاذ علي
لازم تغير تلفونك إلى تلفونك أحدث شوية عشان يكون عندك واتساب، وخصوصا مع الحبسة الفي البيت ...لان الواتساب كل دقيقة بتقرا فيه طرائف وتضيع الوقت ...
وبالله شوف يا استاذ نحن نقول نضيع الوقت والأمريكان بيقولوا الاستفادة من الوقت ...لكن نعمل شنو مع الكرونا ...
واذا عاوز انا برشح ليك اقوى تلفون في العالم ، واذا حاولت تكسره بيد الفندك ما بتكسير...
ونسال الله ان يبعد عنكم وباء وبلاء الكرونا...
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: ABUHUSSEIN)
|
حبيبنا الجميل ابوحسين
صدقني بالدنقلاوية .. مع أنني اجيد اللسانين الدنقلاوية والمحسية
خطير في الونسة النوبية .. بعدين زي ما تعرف الجمعية وطن في الغربة
قبل ايام لقيت واحد اخونا يتكلم بالجوال في البلد .. طبعاً أنا عارف هو بتكلم مع مين
كلامو كلو بالعربي .. بعد المكالمة شرحت ليهو لو اتكلم بالدنقلاوية
كان وفر تقريباً عشرة ريال من تكلفة المكالمة .. هو قريبي بس عامل نفسو
زول نخبة .. ده أجمل وأحلى وألذ واحد في الجمعية ..
جدة جميلة يا ابوحسين قبل الكورونا .. قهوة كسلا والبحر الاحمر
ونسة ناس بورتسودان ما شاء الله عليهم خطيرين .. نحن نسمع بس
لأن جلستنا تكون جنبهم ..
تحياتي يا جميل .. طبعاً انتم جماعة أمدرمان مميزين في الاخوانيات
| |
|
|
|
|
|
|
|
|
|
Re: الامير بدرالدين .. زعيم اربجي .. لعلك بخير .. (Re: علي عبدالوهاب عثمان)
|
اوع يكون هواوي ده صيني واشتريته في الشهرين الماضيين ،ومستورد جديد من الصين!!؟
اذا كان الامر كذلك فامسح التلفون بمطهرات لتنظيفه من الفيروسات،،،ههههههه
وللعلم فقط فان التلفون الزي الصخرة هو الجوال BV8900 وحتى اذا غطسته في الموية ما بتاثر
،وخصوصا اذا مشيت في اجازة لمدينتكم في الشمالية ووقع منك الجوال فوق صخرة،وانا عارفة القرى
والكدن في الشمالية معظمها صخرية،فالجوال لا يتكسر. ،،،وبيستعمله ضباط الجيش الامريكي في ميادين
الحرب،،،،
ونسال الله ان يبعد عنكم شر فيروس الكرونا،،،وابعدوا الايام دي من التجمعات ،،،دائما اقل من خمسة اشخاص
في مكان واحد،،،
| |
|
|
|
|
|
|
| |
علي عبدالوهاب عثمان
معتز القريش
ABUHUSSEIN
حيدر حسن ميرغني
Deng
Arif Nashed
walid taha
خضر الطيب
حسام الدين حمودة
جلالدونا
بدر الدين الأمير
Biraima M Adam
فيس بوك
تويتر
انستقرام
يوتيوب
بنتيريست