ترامب حلب غنم الخليج كلهن وما خلى فيهن شطرن يترضع وكت خلاص ضرعهن جفّ, قبّل على تيس السودان وحالف يحلبو الانتخابات الجاية دي معركة مع ترامب يا غطس حجرنا يا غطسنا حجرو والفورة الف
10-22-2020, 04:19 AM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23401
نادر يافضلى يبدو من كلامك اعلاه انك متارجح والمتارجحين هم البجيبو الهدف فى الثوانى الاخيرة ركز معانا وقروشنا بترجع حتى حبوبتى لوعملت صفحة فى اليتيوب بعد فك الحصار وحكت قصص ماقبل انقلاب الكيزان ممكن تربح ملاين و تدين ترامب
10-22-2020, 09:26 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12500
الأمير حبيبنا .. تحياتي .. بصراحة لديك طريقة فريدة في البوستات تأتي بالمواضيع المهمة في قالب اخواني رائع محبب الى النفس يجعل القاريء يتابع بدون ملل .. حتى الاخبار الصعبة تجعلها حاجة خفيفة على النفس وبعيدة عن الصدمة ( بوست حبيبنا معتز قريش) حاول تكتب مقالات على نسق ( محمد عبدالله الريح وقريبي أبوجعافر )
تحياتي الحبيب الأمير
10-22-2020, 09:58 AM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23401
الأمير الجميل .. حبيبنا .. إلا الابنة امتثال وبناتنا الاميرات
حسب تقارير قناة الجزيرة عن الانتخابات وتدخل اوباما ومعروف عنه متحدث لبق الظاهر ترامب في الفتيل ..
ترامب على الأقل جاذب في كلامه .. كوميدي وشتام أول مرة ارتاح للزول المسيخ وزير الخارجية بومبيو تحدث بإيجابية عن السودان ربما عندما زار السودان وجد اريحية على الطريقة السودانية .. شعرت أن الكلام نابع من أعماق بومبيو ..
تحياتي الامير واصل البوست الجميل
10-22-2020, 11:39 AM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23401
على ياعبدالوهاب بلا واصل البوست بلا واصل على اتاريك انت يارطانى طلعت داعم للمتارجحين وفى رواية اخرى طابور خامس للقروية وشلتها ملطلوب حضور الرطانى المطرطش بشاشة لعل وعسى اجد عنده السند لترامب
10-22-2020, 05:06 PM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
يا بدر .. هو مولد الإنتخابات الموسم دا .. متعته حتكون لو خسر ترمب حيكون فيلم بأحداث صاخبة، لأنه ما حيعترف بالنتيجة والعرض قد يستمر أسبوع أو أكتر .. إتهامات بتزوير النتيجة ومطالبة إعادة الفرز والعد فى عدة ولايات ومحاكم .. دا كما عمل (محاولة) إنقلاب .. حيكون فريد .. ههههه
عشم ترامب في الرئاسة زي عشم ابليس في الجنة .. لكن اذا ترامب فاز في الانتخابات يوم ٣ نوفمبر انا مخصوص حاجيكم في الدوحة يوم ٤ نوفمبر واعزمكم كلكم ،انت والنجمة وامير الابن في المطعم السوداني بتاع صاحبك واليوم الثاني في افخم مطعم في اللؤلؤة وممكن ناجر يخت في اللؤلؤة والغداء والعشاء في اليخت... (والتكاليف مدفوعة من بت اتبرا ، بما فيها الطيران).. اها رايك شنو!!؟
10-22-2020, 10:27 PM
جلالدونا جلالدونا
تاريخ التسجيل: 04-26-2014
مجموع المشاركات: 9924
يا بدرنا الشغلة دى بداها اوباما فى اخر ايام فترتو التانية لو سمعت كلام ترامب فى اريزونا قال مفتخرا اجبرت السودان على دفع اموال لصالح لصالح عوائل الضحايا زولك ده مهرجل شديد و شيوخ و نواب من حزبو قايمين ضدّو فى نفس الوقت بايدن سيعود بالبلد للعمل العقلاني يكفى انو انتقد كلام ترامب عن تغريم السودان هذا المبلغ الكبير فى ظل طروفه الاقتصادية المنهارة يا بدر خليك مع بايدن تكسب
10-23-2020, 03:59 AM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23401
امتثال يابت عبدالله هو انا مش قروى زيك وبحبك كتير قبل قليل انتهت المناظرة الاخيرة واداء ترمب مابطمن ابدا هذه المقدمة من باب شبه كسير التلج فى حال فاز زولكم اما فى حال فاز زولنا انت والأعداء ارجو الراجيكم وانت بالتحديد ياامتثال الجنسية الامريكية سوف تسحب منك والقرية يسمك تدخلها تانى بس كلام بينى وبنك الشلة المعاك وبقيادة بت عطبرة متارجحين ولا معانا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
بدر الدين الأمير
يحي قباني
نصر الدين عشر
نادر الفضلى
علي عبدالوهاب عثمان
جلالدونا
فيس بوك
تويتر
انستقرام
يوتيوب
بنتيريست