|
Re: الاحباب .. معنى ( طلس ) ... و ( تلخ ) (Re: يحي قباني)
|
حأديك إختبار بسيط يا أستاذ علي وحزر وفزر لي المقصود من الجُمل دي شنو 1- الزول ده حدّق ليه سنين 2- بكرة زواج اخوي وإن شاء الله يا شباب عائشة الفلاتية عندنا ؟ 3- امبارح كان عندنا جمعة جابر مع وزير الثقافة 4- الزول ده أعمل ليهو أميي 5- مالك عامل زغبير مننا يا ظريف؟ 6- لقيتو في مطعم السمك فاكي جربوكس 7- خليهو في حنانك - طبعا إنت بتعرف الراحلة المقيمة الفنانة عائشة الفلاتية ، كمان بتعرف الراحل المقيم زغبير ابن عطبرة البار الذي كان يحرس عرين الهلال ولكن ربما لا تعرف الراحل المقيم جمعة جابر فهو كان من كبار الموسيقين المتعلمين . واللغة اللي كتبتها ليك دي كانت سائدة في التمانينات في نادي الفنانين،، يلا يا استاذ، فك لينا الطلاسم دي. بالمناسبة ، الموسيقين في المنبر ، يمتنعون إلى حين، حتى يرفع الاستاذ علي عبد الوهاب الراية البيضاء
| |
|
|
|
|
|
|
Re: الاحباب .. معنى ( طلس ) ... و ( تلخ ) (Re: يحي قباني)
|
Quote: اكتب الكاذب الضليل في قوقل يا عم علي
طواااالي يجيب ليك الكاذب الضليل الصادق المهدي ... |
حبيبنا الجميل قباني ثلاثة صحفات وأكثر من قوقل (1 2 3 ) كلها مقالات عن الامام ضليل ناس الجاهلية رجع الى صفحة (5) أمرؤ القيس
| |
|
|
|
|
|
|
Re: الاحباب .. معنى ( طلس ) ... و ( تلخ ) (Re: علي عبدالوهاب عثمان)
|
Quote: حأديك إختبار بسيط يا أستاذ علي وحزر وفزر لي المقصود من الجُمل دي شنو 1- الزول ده حدّق ليه سنين 2- بكرة زواج اخوي وإن شاء الله يا شباب عائشة الفلاتية عندنا ؟ 3- امبارح كان عندنا جمعة جابر مع وزير الثقافة 4- الزول ده أعمل ليهو أميي 5- مالك عامل زغبير مننا يا ظريف؟ 6- لقيتو في مطعم السمك فاكي جربوكس 7- خليهو في حنانك |
===== حبيبنا فنانا الجميل ترهاقا .. ترهاقا أننقا .. يا ريت .. وين نحن من لغة أهل المدن صدقني يا ترهاقا أنا أول مرة أطلع من ضواحي الدنيا كان عام 71 تقريبا كمان مع وصولي لامدرمان كان انقلاب هاشم العطا اجتهادي الوحيد ( في مطعم السمك فاكي جربوكس ) المقصود حسب تأويلي هو ( يعني زول مشغول بالبحث عن اللحم وسط العضم )
جميل ترهاقا الحبيب .. قيمة اضافية للبوست قريبي الفنان احمد ياسين حضورك مهم
مودتي الاحباب .. منتظرين المداخلات
أنا رفعت الراية البيضاء .. ومشتاق أعرف الاجابات ========== زغبير حارس الهلال .. قول لي سبت دودو الفلاتية كانت مشهورة من زمان في ضواحي الدنيا ( سمسم القضارف) ربوع السودان
| |
|
|
|
|
|
|
Re: الاحباب .. معنى ( طلس ) ... و ( تلخ ) (Re: HAIDER ALZAIN)
|
Quote: دا ذكرني تُفيسنا في الضللة زمان وحفر السبيل وجيت على بالي .. ما بعرفك كنت رمتالي زينا والا افندي مثقف زي ودالمدير : |
===== الحبيب الجميل .. حيدر تحياتي كان اسهل لينا الشعر الجاهلي والعرب العاربة أيام حصة العربي ما معقول انتو تألفوا اللغة بمزاجكم ونحن ناس ضواحي الدنيا نساهر جرائها ونختصم
تُفيسنا في الضللة ؟؟؟؟ رمتالي ؟؟؟
تحياتي يا جميل ..
| |
|
|
|
|
|
|
Re: الاحباب .. معنى ( طلس ) ... و ( تلخ ) (Re: علي عبدالوهاب عثمان)
|
Quote: حأديك إختبار بسيط يا أستاذ علي وحزر وفزر لي المقصود من الجُمل دي شنو 1- الزول ده حدّق ليه سنين 2- بكرة زواج اخوي وإن شاء الله يا شباب عائشة الفلاتية عندنا ؟ 3- امبارح كان عندنا جمعة جابر مع وزير الثقافة 4- الزول ده أعمل ليهو أميي 5- مالك عامل زغبير مننا يا ظريف؟ 6- لقيتو في مطعم السمك فاكي جربوكس 7- خليهو في حنانك |
انت يا موسيقر زاري عمنا علي طيب نختبرك انت ذات نفسك
اها بتتذكر د. أندرو ويو رياك ؟
اها اندرو ويو دي كنا بنقولها لي شنو .
| |
|
|
|
|
|
|
Re: الاحباب .. معنى ( طلس ) ... و ( تلخ ) (Re: علي عبدالوهاب عثمان)
|
سلام علي أمبس
طلس هو عبارة عن معدن يبدو في ظاهره كالفضة ، وقديما كان يتم بيع بعض الاواني المنزلية على انها من معدن الحديد او الفضة ثم يتضح انها من مادة ( الطلس )
وجاء في المعجم طَلَسَ: (فعل) طلَسَ يَطلِس ، طَلْسًا ، فهو طالِس ، والمفعول مطلوس طَلَسَ بَصَرُهُ : ذَهَبَ، ضَعُفَ طَلَسَ بِهِ السِّجْنَ : رَمَاهُ فِيهِ طَلَسَ الأَثَرَ : مَحَاهُ، طَمَسَهُ طَلَسَ الكِتَابَ : شَوَّهَ خَطَّهُ أَوْ أَفْسَدَهُ طَلَسَ بالشيء على وجهه: جاء به، أو جاء به كما سمِعَه طَلِسَ: (فعل) طلِسَ يطلَس ، طَلَسًا وطُلْسَةً ، فهو أطلس طَلِسَ الأَثَرُ : اِمَّحَى طَلِسَ الثَّوْبُ : بَلِيَ طَلِسَ الشَّيْءُ : كَانَ أَغْبَرَ إِلَى سَوَادٍ طَلَّسَ: (فعل) طَلَّسَ، يُطَلِّسُ، مصدر تَطْلِيسٌ طَلَّسَ الكِتَابَ : شَوَّهَ خَطَّهُ أَوْ أَفْسَدَهُ
* اما : تلخ يقال انها اختصار لكلمة تلخيص
والله اعلن
| |
|
|
|
|
|
|
Re: الاحباب .. معنى ( طلس ) ... و ( تلخ ) (Re: ابو جهينة)
|
أديبنا ابوجهينة أمبس شكرا على المداخلة الآن بدأت اتذكر قبل سنوات طويلة ونحن صغار كان سفر أهلنا الى مصر كان يجيبوا أودات المطبخ أحياناً الذاكرة تضيع وتحضر ( تاليس ) الصحن وارد مصر نعم ( كوس) كان قدح الخشب ( تاليس ) الصحن
تحياتي الحبيب ابوجهينة
| |
|
|
|
|
|
|
Re: الاحباب .. معنى ( طلس ) ... و ( تلخ ) (Re: علي عبدالوهاب عثمان)
|
طلس هو عبارة عن معدن يبدو في ظاهره كالفضة ، وقديما كان يتم بيع بعض الاواني المنزلية على انها من معدن الحديد او الفضة ثم يتضح انها من مادة ( الطلس )
يعنى من كلام أخونا أبو جهينة .. مصطلح (طلس) مماثلة ومناظرة وتشبيه لعملية الغش والخداع بإستخدام مادة الطلس على أنها معدن ذو قيمة عالية مثل الفضة أو ألمونيوم أو حديد Steel
فيقال (طلس) بمعنى خداع و تدليس وكذب ونفاق
(إذن مصدر المصطلح مهنى أى مخترعوه بائعى العدة .. أو مستخدميها من أصحاب المطاعم مثلا
وهذا يقودنى لمصطلحات أخرى فى الدارجية السودانية لها علاقة بمهن:
مثل فى عدم الإلتزام بالمواعيد (شرانى .. شريتو) .. مكوجية
الحش تستخدم فى مواقف .. من ضمنها التحدى أو وقوع الحال بالإنتصار فى الكورة مثلا .. حنحشكم .. أو حشيناكم وحشاها .. (مزارعية)
ووبجى إستخدام رافعة العربية (العفريتة) .. وعملية رفعها ..رفعناهم ليك جنس رفع .. (لغة ميكايكية)
وتتطور لإستخدام كلمة لا تمر عليك إلا فى كتب الشريعة والفتاوى عن الزواج (النكاح) .. لغة مولانات .. تستخدم بمعنى أخر .. بقول مستنكح .. وإستنكاح .. بمعنى يستهبل وإستهبال كيف طوعوها لهذا المعنى لا أدرى
ياللا أدونا أمثلة من نوع هذه المصطلحات المهنية .. بس بدون إستنكاح .. ههههه
| |
|
|
|
|
|
|
Re: الاحباب .. معنى ( طلس ) ... و ( تلخ ) (Re: علي عبدالوهاب عثمان)
|
Quote: مثل فى عدم الإلتزام بالمواعيد (شرانى .. شريتو) .. مكوجية
|
شراني و شريتو غسالين و ليس مكوجيه يا بن عمي
احد جهابذة حلمنتيش كتب ( مقتطفات من قصيدة حبيناك و ما حبيتنا): زي لعب الورق ( شكّيتنا ) جيت حمبكتا ليه ( دكيتنا ) ليه يا جكسا يعني ( طفيتنا ) في الآوت بعيد ( باصيتنا ) و في قفة هواك خميتنا و في كانون جفاك حمّيتنا لامن زيتنا فاح شمّيتنا ها يا الغسلتنا ؤ لويتنا و في حبل هواك ( شرّيتنا ) ما اتكرمشنا ليه ما ( كويتنا )
| |
|
|
|
|
|
|
Re: الاحباب .. معنى ( طلس ) ... و ( تلخ ) (Re: نادر الفضلى)
|
Quote: يا ابو حسين شكلك كنت بعام مع الفنانين فعلا عائشة الفلاتية يعني عشاء جمعة جابر اجتماع حدّق يعني مات يا فشل عملت ليهو اميي ـ ودي لغة زيدانية خالصة الله يرحمه يعني فتحت ليهو خليهو في حنانك يعني انساهو ما تشتغل بيهو |
اخونا ترهاقا غايتو البوست دا حا يجيب لي هوا .... 😂😂 في حاجات عشناها و حاجات ذكاء بس طبعا مع وجود خبرة في اشياء مشابهة ليها ...
| |
|
|
|
|
|
|
Re: الاحباب .. معنى ( طلس ) ... و ( تلخ ) (Re: ABUHUSSEIN)
|
Quote: سوسن عبدالفتاح .... يعني شنو ؟؟؟؟؟؟؟؟؟؟؟؟؟؟ |
حبيبنا أبوحسين .. تحياتي يا جميل المصطلح ده صادفني تقريبا قبل شهرين زميلنا في العمل مدير قسم الحاسب الآلي شاب ظريف جداً من أبناء مدني ( قرشي ) نحن في المكتب ( بدلة كاملة ) لازم .. بعد الوضوء لصلاة ظهر قال لي ( يا عم علي سوسن عبدالفتاح ) ما فهمت شرح لي الموضوع الحالات دي طبعاً حصرية للكوامر فقط ( بداية الزهايمر )
يا سلام يا ابوحسين .. تحياتي
| |
|
|
|
|
|
|
Re: الاحباب .. معنى ( طلس ) ... و ( تلخ ) (Re: يحي قباني)
|
حبيبنا قباني تحياتي يا جميل يا سلام البوست ده بالنسبة لي دورة تدريبية ممنوع دخول الشباب الجلابية السودانية افضل حاجة للكوامر
صدقني أنا بقيت خطير شكرا سودانيز
مودتي الجميل قباني قاعد اسمع في المؤتمر الاقتصادي رفع ضغطي كتر خير البوست
| |
|
|
|
|
|
|
Re: الاحباب .. معنى ( طلس ) ... و ( تلخ ) (Re: نادر الفضلى)
|
Quote: سوسن عبدالفتاح
وأعمل .. فريد (الأطرش)
مكرر الجابرى .. (دى كيف يا ترهاقا)
وخلى الموضوع شاورما
المشروع .. لازمو .. فاصوليا |
نادر انت كدا حا تدخلنا في ماشي اعمل بولندا و ماشي اعمل خريستو ... 😂😂😂😂😂😂😂 اوع نكون استنكحناك ....... 😂😂😂
| |
|
|
|
|
|
|
Re: الاحباب .. معنى ( طلس ) ... و ( تلخ ) (Re: ABUHUSSEIN)
|
يا سلام يا ابوحسين .. جميل جميل رجعتنا سنوات طويلة من الذكريات ده الجردل ومعاه البسكويت أهلنا كانوا زمان حريفين في صناعة البسكويت والقرقوش نوعين بسكويت بالبيض .. وبسكويت موية ( الاخير كنا نشيلو معانا في الداخليات زمان ) مع القرقوش لأن بسكويت موية صلاحيتها أطول من بسكويت البيض
اللهم أرحم امهاتنا والزمن الجميل .. أبوحسين العدة كانت تجينا من مصر أيام مصر وحلفا
جميل جميل .. صورة رائعة جداً
| |
|
|
|
|
|
|
Re: الاحباب .. معنى ( طلس ) ... و ( تلخ ) (Re: ابو جهينة)
|
حبيبنا الاديب ابوجهينة .. معقول أبوجهينة امبس .. فريني ( قرشين صغير حجم ) اصغر عملة حجماً كانت متداولة اذكر في داخليات المدرسة الاميرية الوسطى كان في واحد قصير ينادونه ( فريني ) كركب أذكر كان شبط الأرضية تقريبا من نوع من الخشب والباقي جلد الاسم يكون من الصوت عند المشي ( كركرب .. كركرب .. ) زمان الحاجات دي كانت تجي عندنا من حلفا قاتل الله عبدالناصر
اديبنا ده حسب ما أذكر .. معلومات ضواحي الدنيا
| |
|
|
|
|
|
|
Re: الاحباب .. معنى ( طلس ) ... و ( تلخ ) (Re: اخلاص عبدالرحمن المشرف)
|
Quote: طلس هي اعجمية عربت ولعب بها عملاً ب مأثور القول اجنبي فالعب به وكله عند العرب صابون مثلها مثل يبلف من bluffing فاصلها talisman اي تعويذة وعربت برجل التعاويذ ( زول بتاع طلس او تلص) |
=================== تحياتي د. اخلاص .. شكرا كثير على الحضور المفيد أتوقع بأن تأويلك جانبه الاحتمال الأكبر لمقصود طلس ما شاء الله مداخلة مأصلة
تحياتي الدكتورة .. وشكرا على الحضور
| |
|
|
|
|
|
|
|