|
Re: الاجهزة الامنية السودانية وتلويث موقع ال� (Re: Deng)
|
تحيات دينق الحبيب كلام فى محله ياخى زمان الناس العاديين لمان تحصل سرقة كانوا بيغطوا اثر الارجل بالصحن حتى وصول قصاص الاثر و الان كما قلت اختلط الحابل بالنابل فى مسرح الحدث 30 سنة ما ساهل يا سلطان .. نتمنى ان نرى ف ديمقراطيتنا و بديمقراطيتنا تاهيل و ارتقاء بكل الاجهزة .. مودتى و تقديرى
| |
|
|
|
|
|
|
Re: الاجهزة الامنية السودانية وتلويث موقع ال� (Re: Deng)
|
سلام دينق أصلا لو في أجهزة أمنية حقيقية ، ما كان وقع هذا الإنفجار وفلت الجناة في نفس الوقت. بالله عليك تخيل المرافقين الامنيين لسيارة رئيس الوزراء راكبين تاتشرات كانه زعيم مليشيا لا تمشيط للشارع قبل تحركه ، ولا توجد كاميرات مراقبة على الشوارع والطرق الرئيسية التي يستخدمها مسؤول كرئيس الوزراء حالة العبث ضاربة البلد في كل مرافقها ...
| |
|
|
|
|
|
|
Re: الاجهزة الامنية السودانية وتلويث موقع ال� (Re: Deng)
|
سلامات يا حيدر.
قلت لي راكبين تاتشرات وسط العاصمة!
ياخ ديل ناس تحفة(البرهان وجماعته)، أخير منهم النميري على الاقل كان بيتم تدريب منتسبي جهاز أمن الدولة المكلفين بحماية الشخصيات المهمة بواسطة الامريكان.
حتى السفير الامريكي في السودان الحماية السودانية الخاصة به تم تدريبهم بواسطة الامريكان، وهم ناس محترفين جدا في موضوع الحماية هذا.
علشان كده إعادة هيكلة الاجهزة الامنية لازم يكون مطلب ثوري وأساسي كمان.
| |
|
|
|
|
|
|
Re: الاجهزة الامنية السودانية وتلويث موقع ال� (Re: Deng)
|
الأخ دينق سلامات الاجهزة الامنية الموجودة الآن . اجهزة كحيانة . ياخي الاجهزة الامنية عارفة انو ده طريق حمدوك اليومي . يعني مفروض الشرطة تكون حافظة اي حفرة واي شيئ كبريت مجدوعة في الشارع . و المفروض الشارع ده بتمسح يوماتي . الفضيحة انو القنبلة وضعت في السيارة الخربانة المتوقفة من مية سنة في نفس طريق حمدوك . وين العقل ؟ وين الحس الأمني؟ وين صاحب العربية الخربانة ؟ وليه توقفت في ده المكان ؟ وين ناس النفايات الوسخانين ؟ حاجات تعمل ضغط والله لو عندي سلطة اجز اي مستهتر . ربنا يحفظ حمدوك
| |
|
|
|
|
|
|
Re: الاجهزة الامنية السودانية وتلويث موقع ال� (Re: Deng)
|
اهلا دينق و كل الاخوة التحية و التقدير اجراءات الامن و السلامة المتبعة لدولة رئيس الوزراء هل هى نفسها مع قادة المكون العسكرى فى مجلس السيادة .. و تحديدا البرهان و حميدتى ؟ .. ام بالطيبة السودانية قالوا دة (حمدوك) ما عندو مشاكل و ما عندو سوابق .. و ادوه الحرس العادى .. UP دينق دة ما ساهل ....ههههه لسه عندو كلام ما قالو فى انتظار رؤيتك يا سلطان .
مودتى و تقديرى و صباحات الامن و السلامة للجميع...ربنا يحفظكم
| |
|
|
|
|
|
|
Re: الاجهزة الامنية السودانية وتلويث موقع ال� (Re: Deng)
|
تحياتي أتفق معك تماما في عدم المهنية والسبهللية التي تسيطر على كل مفاصلنا ،،، ليس الشرطة فقط ،،، وحتى لو وجدوا الأدلة أمام أعينهم فلن يهتموا بها ده لو ما عرفوا أصلاً إنو ده دليل ،،، يوم تعطلت سيارتي قرب كبري الخليج في الرياض ،، وفي شارع الخدمة ،، ووقفت في مواقف جانبية بصورة نظامية لكن للحق الشارع ضيق في المكان ده والموكب ممكن يكون قريب ،،، ومشيت ،،، رجعت المساء ولقيت السيارة مرمية بي شارع جانبي وتم جرها بصورة سريعة لأنها تأثرت من الأمام ،،، ولما إتصلت على المرور وجاء ،، قالوا بيكون مر موكب من هنا والأمن والمرور وبيمسحوا الطريق أي سيارة متوقفة على جانب الطريق وممكن تكون مصدر خطر بيبعدوها بدون تردد ، مافي لعب . أصلا شوارع الرياض مصممة لما يكون في موكب طق طرق خمس دقايق بيفضوا الشارع وبيكون الشارع خالي ،،، والمرور بشوارع الخدمة والحركة ما بتتعطل ،،، ممكن تقيلة شوية لكن ما بتتعطل ،،،
| |
|
|
|
|
|
|
Re: الاجهزة الامنية السودانية وتلويث موقع ال� (Re: حسام الدين حمودة)
|
التحية للحبيب دينق .. خبر جميل .. اليوم مواقع الصحف درس وتدريب لشباب الأمن
الخبر كالتالي : (( كشفت مصادر أخرى لـ(السوداني) عن زيارة محققي الـ(FBI)، لمسرح حادثة التفجير عقب فراغهم من اجتماع تنويري مع فرق التحقيق المحلية، واستنطق المحققون عبر مترجم وطني خفيرا بمنزل قريب من الموقع حول الملابسات.))
يا رب كمان قاعدة بحرية امريكية في البحر الاحمر ..
| |
|
|
|
|
|
|
Re: الاجهزة الامنية السودانية وتلويث موقع ال� (Re: Deng)
|
العزيز محمد بدر الدين
سلام.
عساكر مجلس السيادة ديل ما تشوف الدبابير والزي الرسمي ده، ديل ناس غير مؤهلين وحاصلين على رتب عن طريق الترضيات والواسطات وطبعا الكلام ده يشمل جهاز الامن والشرطة أيضا. ياخ في الدول العادية سوف تجد حتى ناس المطافي ح تلقى عندهم وحدة تحقيقات تكون مهمتها هي التحقيق في الانفجارات وأنواعها، لكن في دولة الكيزان أنسى بس.
الشئ المؤسف هو أن تأهيل قوات الامن السودانية وخبرتها الاساسية هي قمع الشعب السوداني وتعذيبه، ولو دخلت المعتقلات سوف تجد أنواع ووسائل كثيرة للتعذيب، ولكن لن تجد أي أنواع ووسائل كثيرة في مجال حماية المواطن ومكافحة الجريمة. فلتذهب هذه الاجهزة الامنية الى الجحيم وغير مأسوف عليها ايضا.
| |
|
|
|
|
|
|
Re: الاجهزة الامنية السودانية وتلويث موقع ال� (Re: Deng)
|
حسام الدين حمودة
مرحب بك
كلامك صحيح تماما، لأنه لا يعقل أن يكون خط سير السيد رئيس الوزراء مهمل وغير مؤمن بمثل هذه الطريقة. بعدين أنا أعتقد أن المنزل الحالي المخصص لرئيس الوزراء غير صالح من ناحية أمنية وموقعه لا يساعد على تأمين خط سير أو موكب السيد رئيس الوزراء اليومي.
| |
|
|
|
|
|
|
Re: الاجهزة الامنية السودانية وتلويث موقع ال� (Re: Deng)
|
Quote: الشئ المؤسف هو أن تأهيل قوات الامن السودانية وخبرتها الاساسية هي قمع الشعب السوداني وتعذيبه، ولو دخلت المعتقلات سوف تجد أنواع ووسائل كثيرة للتعذيب، ولكن لن تجد أي أنواع ووسائل كثيرة في مجال حماية المواطن ومكافحة الجريمة. فلتذهب هذه الاجهزة الامنية الى الجحيم وغير مأسوف عليها ايضا.
|
| |
|
|
|
|
|
|
|