|
|
|
 Re: ازدهار سرقة الأحذية من المساجد . وخاصة لو � (Re: Osman Musa)
|
انت عارف مرة قابلت امام مسجد في محكمة ام درمان جنوب
اتى ليبلغ عن سرقة ١٢ حذاء
هؤلاء دخلوا دفعة واحدة ليصلوا
وكانت صلاة الظهر قد انتهت ولم يدركوها
وحينما خرجوا لم يجدوا ولا اي حذاء
ليست المشكلة هنا
بل المشكلة ان الاحذية اصحابها هم وفد اجنبي من بنك التنمية الاسلامي
هجمة مرتدة
كنت ارتدي جزمة اسبانية
وانا في طريقي لنادي النيل الحصاحيصا لمباراة نهائية في تنس الطاولة
دخلت المسجد لصلاة المغرب
وعند خروجي وجدت ان الجزمة قد اتلحست
والله لعبت المباراة بنفس مقفولة
وفاز خصمي بالشوط الاول
ولكن بحمد الله كسبت الثاني والثالث
لكن الجزمة لاتعوض
هجمة ثانية
تم عقد قران اخي في مرة من المرات بعد صلاة المغرب
وكان وكيل اخي شيخ كبير لديه آلاف الحيران والمريدين
ووالدي خاله
المهم بعد انتهاء العقد لم يجد الشيخ مركوبه الجميل
واصبحنا في موقف صعب جدا
وذهبت للبيت واعطيت الشيخ مركوب عادي كنت احتفظ به
تفاجانا بعد خمسة ايام من السرقة باحدهم ياتي بالمركوب
وقال لنا إنه عنده حساسية في رجليه
واقترح عليه احد المتصوفين بلبس حذاء الشيخ
لاجل البركة والعلاج
قلنا له اها ان شاء الله امورك تمام
فقال والله الحساسية زادت !!!!
| |
  
|
|
|
|
|
|
|
|
Re: ازدهار سرقة الأحذية من المساجد . وخاصة لو � (Re: بدر الدين الأمير)
|
أخونا أستاذ بدرالدين
سلامات
قلت لي شاكوشك قبل الميلاد الاسمها ذات الساقين.
كانت مشهورة بي الساقين ال california size
يعني ؟
ازدهارك يا بدر أظنها كانت بي نفس مواصفات فيلهلمينا
ملكة هولندا في سنة 1901
تقول لي الحلة بصل ؟
ياخ قاليك فيلهلمينا دي من شدة ما شديدة.
لاحدي ما ادوها وسام الجوقة
و وسام ليوبولد
و وسام السنديان.
و نيشانات و دبابير .
و تيجان.
...
هههههههه
ياخ هو انتو ناقصين ؟
ما بلدكن متروسة ازدهارات .
..
يازول انشاء الله يسرقوا جزمتك وانت في الركعة الاخيرة بس .
| |
|
|
|
|
|
|
|
|
|
Re: ازدهار سرقة الأحذية من المساجد . وخاصة لو � (Re: Osman Musa)
|
والله يا بدر
شاكوشتك ديك لو كانت من غزلان كاليفورنيا . الا كان هسع
تشخبت وتمسح وتشخبت في الواطة في كدباس.
عندنا صاحب في البداية دخل في مشروح حبوكانا لزوم الورق.
بعد شوية شال حكاية الحب من أجل الورق .
دا حب حقيقي .
جد حقيقي .
لكن يا بدر ام الشاكوش كانت
أستاذة فنون في كلية الفنون .
ودايرة ترسم لوحة بنتها على طريقتها.
المهم بعد دموع .
وبعد تلتلة .
الأم قدرت تفك اعتصام الحبيب من قدام
قلب بنتها .
كان يوم حزين .
صاحبنا راح فيها .
استشهد في مستشفي المجانين .
لبس جلابية خضراء في كاليفورنيا.
....
يا بدر ياخ الجاتك في ازدهارك سامحتك.
بس اعمل حسابك على جزمتك.
| |
|
|
|
|
|
|
|
|
|
Re: ازدهار سرقة الأحذية من المساجد . وخاصة لو � (Re: muntasir)
|
أخونا منتصر
سلامات
غايتو ما عارف يا منتصر .
لكن قالوا سنة 1946 في مسجد الشيخ المجذوب
في حرامي سرق مركوب شيخ .
مركوب جديد قطع الفاشر .
قالوا سيد المركوب زعل . ورفع يدو للسماء
وقال : انشاءالله يا الحرامي تجيك كبة ما تفكك
الا ترجع المركوب .
قالوا في الليل داك الحرامي اهلو خموهو
لمستشفي عطبرة بي urine incarceration
قاليك الزول هاجرنو في السرير من الم حبس البول .
وهو يكورك و يوصف في شكل سيد المركوب في
مسجد المجذوب .
اهلو ختفوا المركوب ماركة ( تومي هيل فيغر ) .
ومشوا في اللحظة الفيها
الشيخ استلم مركوبو .
الحرامي فتح الجداول. ثم حدث
ما حدث .
قاليك يا منتصر الدكتور الانجليزي قال : للحرامي
نحن في العام 1946 وفي زمن الفيضان .
والبلاد لا تتحمل فيضانات أخرى.
رجع للزول مركوبو .
قاليك ومن داك اليوم الحرامي يصلي حافي حالق .
وفي تمام الأدب.
| |
|
|
|
|
|
|
|
|
|
Re: ازدهار سرقة الأحذية من المساجد . وخاصة لو � (Re: ابوحراز)
|
أخونا العزيز أستاذ ابو حراز
سلامات
ياخ البركة في بركة شيخنا الطلق فيه الحساسية .
بس والله حرامية مسجدكن سريعين وخطرين .
يتخيل لي حراميكن دا أخطر من كوبر .
وقصة النهاب كوبر قصة عجيبة في مجالس شربوت
مدينة بورتلاند في سياتل .
يتونسوابيها.
....
يقولوا :
تم اختطاف طائرة جوية في نوفمبر عام 1971 على يد رجل يدعى كوبر أثناء
التحليق من بورتلاند إلى سياتل داخل الولايات المتحدة الأميركية، وكتب كوبر
في رسالة سلمها للمضيفة الجوية أن حقيبته تحتوي على قنبلة وطلب مقابلها
أن يحصل على 200 ألف دولار بالإضافة إلى
مظلة حصل كوبر على النقود فور وصوله مطار مدينة سياتل واستكملت الطائرة
رحلتها إلى رينو مرة أخرى، وفجأة قفز كوير عن الطائرة تاركاً خلفه الباراشوت .
...
والله يا ابوحراز كوبر دا لو هبر عليكن كان يلقط نعلات مساجدكم
من الحصاحيصا لا اربجي.
ويترك لبدرالدين البارشوات وجركانة الشربوت.
| |
|
|
|
|
|
|
| |
Osman Musa
ابوحراز
بدر الدين الأمير
فيس بوك
تويتر
انستقرام
يوتيوب
بنتيريست