احتجاج الشرطه فى ساحه الحريه (فيديو)

Quote: حا يطلعوهم كيزان يا عاصم الفزاعة المعهودة والمستهلكة ده لو ما قالوا ليك انو الاحتجاج ده تم تنسيقو من سجن كوبر !!

Quote: قوات من الشرطة تحتج أمام الوزير والوالي بهتافات غاضبة | فيديو في يونيو 28, 2021 شهدت الساحة الخضراء بالخرطوم تذمرا وهتافات ضد مسئولين منهم وزير الداخلية السوداني ومدير عام قوات الشرطة ووالي الخرطوم الذين كانوا يحضرون تجمعا للشرطة لاستعراض القوات. وقاطع المئات من عناصر الشرطة الاحتفال وهتفوا (مادايرنك) و(تلاتين تلاتين) في إشارة ليوم 30 يونيو الذي ينتظر أن تنتظم فيه مواكب كبيرة في الخرطوم، وهو التاريخ الذي راج أن بعض عناصر الشرطة أعلنوا الإضراب فيه، مطالبين بتحسين أوضاعهم المالية وظروف خدمتهم اوبن سودان

Quote: هتاف الشرطة ضد وزير الداخلية بحضور والي الخرطوم في ساحة الحرية صباح اليوم ورفضهم الوقوف أمامه بل وهتافهم ضده (ما دايرنك، ما دايرنك)، انما هو تمرد واضح مكتمل الأركان! ولا شك انه لم يكن يجرؤ أحدهم بالهتاف ضد الوزير لولا انه أمر مدبر ومقصود وبأوامر عليا من قادتهم، وكانت الطامة في هتافهم ليوم 30 يونيو، لتضح المؤامرة الكيزانية، خصوصًا وانهم هتفوا لصالح اللواء كوز آدم عيسى مدير شرطة الخرطوم المقال. لقد ظللنا ننادي وعلى الدوام بان جهاز الشرطة بصورته الحالية انما هو جهاز يمثل العهد الفاشي الفاسد، لا علاقة له بمناخ الحريات والتحول الديمقراطي، بل هو محض مخزن لخلايا العهد البائد الفاسد، وانه يجب اصلاحه من أسفله إلى أعلاه، وان غالبية قادته الحاليين انما هم مجموعة من الفلول العقائديين الفاسدين، يجب التخلص منهم بعيدا، حماية للقانون والعدالة وحفاظا على نظافة مدينتنا. ان هذا السيناريو السخيف المكرور الذي حدث اليوم سبق وشاهدناه بدول مجاورة، وهو أول مراحل الخنى والخيانة التي يشترك فيها قادة كثر داخل الاجهزة النظامية لتقويض الانتقال، ابتداء من القوات المسلحة وحتى شرطة المأفون هاشم عثمان، وهي الشرطة القائمة حاليًا تحت مسمى شرطة السودان. على رئيس الوزراء استخدام صلاحياته والتدخل بحزم لحسم هذه التفلتات، ومن امن العقاب أساء الأدب.

Quote: المشكله انو ناس حكومة الثوه ديل ما بيستبينو للنصح لا ضحي ولا بالليل زاتو وعنيدين وبيتعاملو مع الواقع كانو عادي جدا ولا كانو دي ثوره قامت ضد نظام عقائدي عندو قناعة انو ظل الله في الارض وانو هو الوحيد المفروض يستخلف ويكون حاكم باسم الله في الارض .. نظام ظل طيلة فترة حكمو يمكن لكادرو في كل المؤسسات... عسكريه او مدنيه .. فهل بناء عقدي استمر لتلتين سنه اتصرفت فيهو مليارات الدولارات ناس حمدوك وشوية الجوغه الدراويش بتاعنهم الشابكننا ( الكيزان انتهو وخلاص سقطو ) ديل متخيلين انو ممكن يزيلوهو بالرومانسيه واللطف بتاعم ده ؟؟ هل متخيلين اسلوبم بتاع المنظمات والامم المتحده وفض النزاعات والديمقراطيه اولا وتنمية القدرات والاحناك الرومانسيه دي ممكن تاكل معاهو ؟.. .. اها ياها دي النتايج .. يالا خمو وصرو .. ياها دي مؤسسه عسكريه ضخمه زي الشرطه بكل قوة عين بتتمرد وعلي رؤوس الاشهاد وبحضور ومشاركة عدد ضخم من ضباطا وقادتا وواضح جلياً انهم بيدو في جنودم التعليمات والتوجيهات بتاعة التمرد المكتمل الاركان ده .. وفي مرأي ومسمع من وزير الداخليه ووالي الخرطوم .. وده بيتم في قلب العاصمه الخرطوم يعني ما في الاطراف ولا في الاحراش فهل في احتقار واستفزاز واستقلال اكتر من كده؟؟ فهل لو في ذرة شك عند العساكر ديل بانهم حيتعاقبو علي فعلتم دي والبتعتبر جريمه شنيعه وعقوبتا رادعه وكبيره جدا حسب كل القوانين العسكريه في كل الدنيا كانو حيقدمو علي فعلتم دي او حتي كانو حيفكرو فيها مجرد التفكير زاتو ؟؟ .. بالله كدي وروني زول سياسي ما اتكلم في قصة خطورة المؤسسات بقاء العسكريه الادلجوها الكيزان بشكل كبير في فترة حكمهم وخاصه مؤسسه الشرطه كما هي دون فلتره كبيره واعادة هيكله بشكل جزري .. وروني زول واحد ما اتكلم عن انو ضروري تنظيف الشرطه وبحسم وروني زول واحد ما اتكلم عن انو وجود الكيزان داخل المؤسسات دي خطر علي الانتقال الديمقراطي لانهم اتادلجو علي العمل في ظل الانظمه الشموليه الدكتاتوريه الكانو بيطيعوها رغم ذلتا ليهم ورغم انها كانت بترمي ليهم فتات وكانت مضطراهم يقلبو عيشم بي طريقتم باستخدام كل السبل الملتويه وكانت بتغض الطرف عنهم وهي عااارفه وشايفه عشان تكسر عينم وتخليهم مشوهين فينظر الناس فبالتالي يكونو ذليلين وطايعين ليها ... بالله منو الما عارف الحقيقه دي في السودان ده كلو ؟؟ .. اقسم بالله الجميع عارفين والجميع اتكلمو لمن صوتم بحا .. لكن بالجد نحن قدرنا انو يتقدمو امرنا ناس اقزام عنيدين بشكل غير طبيعي ناس ما بيسمعو الا صدي صوتم وفعلا بيتعاملو مع الثوه دي ومكتسباتا من منطلق (جلداً ما جلدك جرو في الشوك) وكل يوم بيثبتو بي البرود الهم فيهو ده انهم ما وجيعين علي الثوه ولا علي البلد دي .. غايتو نحن لينا رب بس #الحركه_الاسلاميه_تنظيم_ارهابي

Quote: المشكله انو ناس حكومة الثوه ديل ما بيستبينو للنصح لا ضحي ولا بالليل زاتو وعنيدين وبيتعاملو مع الواقع كانو عادي جدا ولا كانو دي ثوره قامت ضد نظام عقائدي عندو قناعة انو ظل الله في الارض وانو هو الوحيد المفروض يستخلف ويكون حاكم باسم الله في الارض .. نظام ظل طيلة فترة حكمو يمكن لكادرو في كل المؤسسات... عسكريه او مدنيه .. فهل بناء عقدي استمر لتلتين سنه اتصرفت فيهو مليارات الدولارات

Quote: طيب بصيغة تانية! هل ترى ان هتافات بعض منسوبي الشرطة اليوم وراها كيزان؟

Quote: الشرطة، كل الشرطة بلا استثناء مش مدفوعين من كيزان الإنقاذ او في مؤامرة في الشي الحصل دا الشرطة وكل القوات النظامية هم اصل الكيزان وقلب الكيزان هم الكيزان نفسهم اي ضابط الان في الشرطة مستحيل كان يدخل كلية الشرطة ما لم يكون كوز او ابن كوز مش كفاية تكون غير منتمي او ما ضد التنظيم، لكن لازم تكون منظم عديل دا شي معروف من سنة ٩٠ اما الأفراد العاديين الما ضباط فامرهم معروف ومفهوم دا بالضبط هو الحاصل عشان كدا الناس ما تستغرب

Quote: قوى الحرية والتغيير إستهلكت كل طاقتها في تسكين منسوبيها في مناصب دستورية ووظائف عليا في الدولة ولكنها لم تبذل أي جهد في التواصل مع قطاعات الجماهير العريضة لإستعادة حقهم في التوظيف بمؤسسات الدولة.

Quote: ناس الشرطه عندهم مطلب مشروع زيهم وزى كل ناس العاملين بالدوله (البلد مايانه وقفات احتجاجيه مطلبيه ومذكرات بسبب الاوضاع ) لكن لاينفى انو الكيزان استغلو الوضع لصالح مخططهم كالمعتاد .

Quote: فلا يمكن أكل الكيكة و الاحتفاظ بها في نفس الوقت, يا دا احتجاج طبيعي و القول بان الكيزان وراه مجرد شماعة, أو يا دا شغل وراه كيزان بالباب العديل

Quote: غايتو نحن لينا رب بس .. .. #تعديل لو تسمحو اي زول حسا انو كلامي ده بعبر عنو وعن رأيو يشير المقال ده ويعمل ليهو مشاركه في كل حته هو موجود فيها وعلي اوسع نطاق عشان ناثر علي مركز صنع القرار #الحركه_الاسلاميه_تنظيم_ارهابي

Quote: الشرطة ما جهة مدنية عشان تمارس حق الاضراب و الاحتجاج زيها وزي اي جهات مدنية أخرى, قانون الشرطة و الاعراف العسكربة لا تسمح بهذا الشكل من عدم الانضباط المهم أنا سالتك و كررت السؤال لأنو لمست تناقض في ردك على الهادي العام على عومه وفي نفس الوقت تستشهد بكلام البوشي الذي هو عين ما انتقده الهادي في مداخلته فلا يمكن أكل الكيكة و الاحتفاظ بها في نفس الوقت, يا دا احتجاج طبيعي و القول بان الكيزان وراه مجرد شماعة, أو يا دا شغل وراه كيزان بالباب العديل

Quote: وحيختلط الحابل بالنابل واى فوضى (كيزان) حتبرر ضرب الحراك دون تمييز لو حصل دا هل ادين الحراك واقول كيزان ؟؟؟

Quote: وزير الداخلية يترأس اجتماع هيئتي الادارة والقيادة بالشرطة الخرطوم ٢٩-٦-٢٠٢١(سونا)- رأس الفريق أول شرطة عزالدين الشيخ علي منصور وزير الداخلية مساء امس إجتماع هيئتي الادارة والقيادة بالشرطة بحضور الفريق اول شرطة خالد مهدي ابراهيم مديرعام قوات الشرطة والفريق شرطة الصادق علي ابراهيم نائب المدير العام - المفتش العام، واستعرض الاجتماع تنوير عن مخرجات اجتماع مجلس الوزراء الذي انعقد في 24- 26 يونيو، والذي امن علي الدعم الكاملة لقوات الشرطة للاضطلاع بالمهام الموكلة اليها بموجب الوثيقة الدستورية . ومن جانبه صرح اللواء شرطة د. عمر عبدالماجد بشير الناطق الرسمي بإسم قوات الشرطة ان الاجتماع تطرق ايضا الي مجمل الاوضاع الأمنية بالبلاد، ووصف الحالة الأمنية بالبلاد بالجيدة، وأضاف أن الاجتماع ناقش مظاهر عدم الانضباط الشرطي من مجموعة محدودة ومحددة إبان العرض الشرطي الكبير الذي شهدته ساحة الحرية وتم التعامل مع هذا الحدث المعزول وفقا للنظم الشرطية المعروفة ، كما اكد ان عرض معينات الشرطة الجديدة كان مميزا ومعبرا عن جاهزية وتماسك قوات الشرطة التي ترتكز علي تاريخ تليد وناصع وأنها تتشرف بخدمة المواطن السوداني الابي.