احتج الدكتور حمدوك ومن ورائه مجلس الوزراء وثارت السيدة عائشة موسى السعيد ورفض السيد أحمد الربيع وقال السيد ابراهيم الشيخ كلمته (للتاريخ) وضجت الاسافير والاعمى شال المكسر دا كله احتجاجا على تكوين مجلس شركاء الفترة الانتقالية الذي فرضه دخول حملة السلاح في الحكم الانتقالي وتمت دسترته – حلوة دسترة دي- في المادة 80 من الوثيقة الدستورية هذه الوثيقة التي تعرضت للفتح من يومها اليوم ثم الايام التالية ليس هذا فحسب بل عندما استعصى ادخال اتفاقية سلام جوبا فيها تمت اجازتها منفصلة وبها نص يقول اي تعارض بين ما جاء في نص الاتفاقية واي مادة دستورية اخرى يعول على النص الوارد في الاتفاقية بهذا وضعت الاتفاقية فوق الوثيقة الدستورية. اما مجلس شركاء الفترة الانتقالية الذي اقام الدنيا ولم يقعدها فقد وضعته المادة 80 من الوثيقة الدستورية في مرتبة مساوية لمؤسسات الحكم القائمة ، لا بل فوقها يفعل بالفترة الانتقالية ما يشاء فما كان ينبغي أن يكون الاحتجاج على تكوينه فقط بل على صلاحياته. ولكن ثمة سؤال غير بريء طرحناه هنا من قبل ونطرحه الآن وهو، مفردة الانتخابات مالها؟ عيبوها لي، لماذا ظلت غائبة عن ألسن كافة السياسيين الموجودين في الساحة؟ ياناس السياسة كل مفردات لغاويس السياسة عرفتوها الا مفردة الانتخابات الماعرفتوها,, ليه؟ غايتو انا عارف السبب لكن احسن تسألوا العنبة الرامية فوق. د. عبداللطيف البوني..
12-08-2020, 12:05 PM
adil amin adil amin
تاريخ التسجيل: 08-01-2002
مجموع المشاركات: 37010
Quote: وهو، مفردة الانتخابات مالها؟ عيبوها لي، لماذا ظلت غائبة عن ألسن كافة السياسيين الموجودين في الساحة؟ ياناس السياسة كل مفردات لغاويس السياسة عرفتوها الا مفردة الانتخابات الماعرفتوها,, ليه؟ غايتو انا عارف السبب لكن احسن تسألوا العنبة الرامية فوق. د. عبداللطيف البوني..
بالله ما عارفين يا ابو التوج لا انت لاعبداللطيف البوني الانتخباات بس ؟ ديل ما عايزين محكمة دستورية لا مراجع عام ولا اقاليم ولا خروج من محاور العرب الوسخة ولا يطلعو الجنود منها ولا عايزين يرجعو لي التكامل مع جنوب السودان وبعد ده يقولو ليك مصلحة الشعب العليا اصلا اللجنة الامنية عارقة نوع الناس ديل ما بتجيبنهم صناديق الاقتراع الشيوعي والبعثي والناصري واستفادو من الحتة دي واختراع المحاصصة ارخيص وضاع السودان فعلا عمليا حتي الان الانتخابات بتجدع العساكر وتقطع الحبل السري مع الدولة السوخة الناهبة للسودان الخمسة وتربط المركز بي الداخل وناس مصر ام الدنيا القوميين العرب والشيوعيين ما عايزين عايزين يقعدو في راس الناس ويزحو الكزيان بس الانتخابات بتجيب النظيفين بس مش ابناء السفلة والنظيفين هم وديل الشباب الماتو والله اتحدي اي واحد يراهن علي الانتخابات هسة والله مقال اوسكار فعلا اي زول تخطي الخمسين لو قطع شو من الساحة السياسية كان ريح نفسو وريح البلاد والعباد والله تصلح هشتاق #الانتخاباات_مالا؟؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر التاج
adil amin
فيس بوك
تويتر
انستقرام
يوتيوب
بنتيريست