|
Re: إكتملت تجهيزاتنا لإعلان الثورة الاقتصادي (Re: توفيق عيسى مكي)
|
في برامجنا الثورية حا نفصل وتبين للناس كل الخطوات الحا تنجح لينا ثورتنا المن خلالها حا نصنع الطفرة الاقتصادية لاقتصاد بلدنا نحن لما بدينا كنا بنشوف ده حلم مستحيل بعيد المنال بس قلنا نحاول وما خسرانيين شئ إلا القروش الأساسا كده كده قاعدين نصرفها في الفارغة السودانية ونعمق بيها الحفرة الواقعين فيها دي لكن لم برنامجنا الاقتصادي نجح ووجد تفاعل كبير وسط الواقع المجتمعي السوداني تشجعنا وبدينا نخطط لثورتنا بجدية مفرطة
| |
|
|
|
|
|
|
Re: إكتملت تجهيزاتنا لإعلان الثورة الاقتصادي (Re: توفيق عيسى مكي)
|
خلال عقد من الزمان هل في شخص أو جهة أو حتى حزب عمل برنامج اقتصادي طموح ونجحه غيرنا اليوم نحن منتشرين في الشارع السوداني وبنلقى ثناء وتشجيع محل الناس تصادفنا في صفوف الحياة البقت حذء لا يتجزأ من حياتنا في أي موضع أكون أو أي فرد من استافنا الصبور الحمد لله ربنا غطى علينا من رعونة النخب التي تطلق على نفسها النخب السودانية المثقفة مدمنة الفشل وكل أمراض العصر القديم
| |
|
|
|
|
|
|
Re: إكتملت تجهيزاتنا لإعلان الثورة الاقتصادي (Re: توفيق عيسى مكي)
|
هل في ثورة في العالم ما بتقدر تحرس نفسها بتموت في لحظة زي ما ماتت ثورة ديسمبر وابريل من أول شهر شهرين خلاس .... استفدنا من كل الأخطاء القديمة وخاتين نصب أعيننا بتاع الورنيش الخلى البرازيل من أقوى اقتصاديات العالم وأيضا عارفين نهضة إثيوبيا تمت كيف ورواندا ودرسنا ثورة كاسترو في كوبا الظروفها بتشبهنا اليوم شديد كاسترو ده سنين بيبشر بثورته فقد كل المعاه مرتين في كل مرة يقوم يبدأ يبشر تاني نهائي ما عرف الياس زينا النجحوا ثورته هم أبسط الناس واعداءة الدايما كانوا مكسرين مجاديفه هم الطبقة العاملة فيها مثقفاتية الزي حقننا الوهم ديل
| |
|
|
|
|
|
|
Re: إكتملت تجهيزاتنا لإعلان الثورة الاقتصادي (Re: توفيق عيسى مكي)
|
ثورتنا ثورة وعي وصدق وعمل جاد ما بنغش الناس بكلام السياسين الما واقعي ولا صادق بنقول للناس لدينا موارد ما بطالة لكن أغلب دول العالم لديهم موارد اكتر علينا لأنهم اتميزوا علينا ليس في الجمادات الموجودة في كل بلد ولكن بصدق عملهم لبلادهم وتوحيد هدفهم الوطني الاقتصادي واتخزوا قاعدة لا صوت يعلوا فوق صوت المعركة وضعوا نهضة ونموء بلادهم في أعينهم وايديهم وصنعوا منها معركتهم في الحياة حا نصحح كل كذب السياسيين ده امكانياتنا الاقتصادية ضعيفة جدا بتقوى بصناعتنا لما موجود عندنا الناس عندها دهب اكتر علينا وبترول وماس قصة نهر النيل وأراضي خصبة الزمن ده ما بتقسم فيه مع الزراعة الحديثة بشقيها الزراعي والحيواني وكذا الصناعة بالذكاء الصناعي والربورتات وكل أنشطة قطاعاتنا الشغالة شغل يحنن حا نقلع كذب السياسيين ده للناس البسطاء لمن نكشف ليهم بوضوح موقف مواردهم الحقيقية شنو مقارنة بموارد كل الدول حقيقي مواردنا متواضعة جدا لكن بحبة ثورة اقتصادية ممكن نمتلك أكبر موارد عينية معينة
| |
|
|
|
|
|
|
Re: إكتملت تجهيزاتنا لإعلان الثورة الاقتصادي (Re: توفيق عيسى مكي)
|
مافي شئ مغطس حجرنا غير الجلاكين الساكين السلطة من زمن حفروا البحر ولي بكره المثقفاتية بتاعين النظريات والكلام الخيالي المنمق عملاء الدول الأجنبية الخونة وربايب المنظمات الدولية الظالمة والناس الحملت السلاح ضد الدولة كولهم اثرهم ضعيف جدا عشان دي ثورة شباب ثائر ما بيعرف إلا الكسح والمسح وكلهم متدربيت على حمل والقتال بكل أنواع الأسلحة خصوصا الأسلحة التكنلوجية الحديثة نحن في زمن عجيب الما بيفك شفرتو بيكون زول جهلان وعبيط وارعن
| |
|
|
|
|
|
|
|