|
|
|
 Re: إقالــــــــــــــــة حمـــــدوك وحكومت (Re: Nasser Amin)
|
واحد بعقلية حمدوك هو رجل المرحلة ، شغل بسياسة ضبط النفس
مع الأبالسة والمجرمين الذين يحيطون به ، دعمي اللا محدود للدكتور حمدوك
حتى نعبر إلى بر الأمان .الراجل جاي يخدم وطنه وبكل صدق ، وياريت الناس تطالب
بتفكيك الاحزاب البالية سبب مشاكل السودان منذ الاستقلال
| |
  
|
|
|
|
|
|
|
|
Re: إقالــــــــــــــــة حمـــــدوك وحكومت (Re: Elhadi)
|
الدفاع عن حكومة عبد الله حمدوك في هذا الظرف الذي تتهاوى وتتساقط فيه منازل المواطنين الغلابة بالمئات في شتى أنحاء السودان
أو التبرير لضعفها وقلة حيلتها بأي مبرر أو مسوغات..
لا يعدو أن يكون ضرب من الجنون وضرب من اللا مبالاة وعدم المسئولية..
في أقل من هذا بكثير تسقط الحكومات !!
هذا الرجل فشل في كل الملفات التي تولاها وأظهر ضعفاً بائناً
وشكلو كده جاي يتعلم السياسة فوق رؤوس المواطنين الغلابة
يسقط بس غير مأسوف عليه كما سقطت وتتساقط منازل المواطنين الغلابة في الطين وفي المطرة
| |
|
|
|
|
|
|
|
|
|
Re: إقالــــــــــــــــة حمـــــدوك وحكومت (Re: ترهاقا)
|
Quote:
رئيس البلد مش هو البرهان؟ |
والمحير أخونا الهادى جاب فيديو أغنية الفنان الثائر محمد وردى عدو الكيزان
والأغنيه فى الأساس ضد السفاح الطاغيه عمر البشير لكن الزواحف أخوان
نسيبه يسعون دائماً ليجعلوا من الفسيخ شربات .
ندعو الله دوماً أن يوفق رئيس وزراء حكومة الثوره الدكتور عبدالله حمدوك
والذى إستجاب لنداء الثوره وحضر لإنتشال الوطن مما أوقعه فيه إخوان الشيطان
ممن تاجروا بالدين كذباً ونفاقا .
| |
|
|
|
|
|
|
|
|
|
Re: إقالــــــــــــــــة حمـــــدوك وحكومت (Re: Elhadi)
|
Quote: حمدوك يبقى ليك سد النهضة يترس البحر ولا يشيل مدفع ويطرد البحر، كارثة طبيعية واعلنوا ليك ان البلد منطقة كوارث. أهلك الكيزان سرقوها عدموها نفاخ النار، ودمروا الخدمة المدنية، مشروع طاقة شمسية جايي بقرض من الهند اهلك الكيزان استلموه وقبل يمرق من المينا باعوه لتشاد! وبندفع نحن في اقساطو وما خفي كان اعظم، وجايي بوشك القوي تتكلم في حمدوك،
غلطته الوحيدة النبسأله منها انه ما لم الكيزان وحاكمهم بالشرعية الثورية في الشوارع. |
ما لما الكيزان وحاكمهم بالشرعية الثورية في الشارع ؟؟ أحااااااا
وطيب ما حاكمهم لي يا العشا اب لبن ؟؟
محنن ؟؟ ولا محنن ؟؟
ما ده البنقول فيهو زاتو ـ يعني انت اسي قايل نفسك لحنتها
حمدوك عاجز وضعيف ـ ده بالضبط الانا قاعد أقول فيهو وانت هنا بس أكدت عليهو
| |
|
|
|
|
|
|
|
|
|
Re: إقالــــــــــــــــة حمـــــدوك وحكومت (Re: اخلاص عبدالرحمن المشرف)
|
انت تردد في هذا الطلب و تعيد دون
دليل و لا استطيع ان اقول انك فقدت المصداقية
لسبب بسيط انك غير معروف وهي واضح لا تهمك
ما يهمك هو الحرب النفسية وترسيخ امر وهذا
اسلوب يدخلك في دائرة الثورة المضادة علي
احسن الفروض ، لا يمكن ان تشن حملة ضد
رئيس وزراء الثورة وبدون حقائق وانت متخفي
( اي لا مصداقية تخاف عليها ) ثم تطلب ان
نواصل في اعتبر ما تقوم به امر عادي
| |
|
|
|
|
|
|
|
|
|
Re: إقالــــــــــــــــة حمـــــدوك وحكومت (Re: اخلاص عبدالرحمن المشرف)
|
التطرف في ادعاء الثورية النيل من الثورة
اسلوب استخباراتي وهو دليل علي وجود هدف .
دليل علي محاولة تغيير امر تقض مضاجع جهة
ما وهي بالضد من الثورة وبالضد من مصالح
البلاد ولديها هدف ، ليس فقط اسقاط حمدوك
وحكومته ولكن ان تتمكن هي ، هذا الامر يضعك
بالضد من السودان الوطن والمصالح
| |
|
|
|
|
|
|
|
|
|
Re: إقالــــــــــــــــة حمـــــدوك وحكومت (Re: اخلاص عبدالرحمن المشرف)
|
أستاذة أخلاص كدي خليك من الكلام الكبار كبار ده
أو انت منو وما منو ؟؟ منو أساساً القال ليك أنا راغب إنو أكون معروف أو مشهور ؟؟
صفة مواطن سوداني ألا تكفي ؟؟ الكلام المكتوب قدامك ألا يكفي بدل التفتيش في النوايا
ألم يسافر حمدوك خارج السودان على مرتين وترك الشعب يتخبط في عز الكارثة ؟؟
الحاجة التانية بتتكلمي عن الطوارئ وإعلان السودان منطقة كوارث ـ متين تم الكلام ؟؟ أليس بعد وقوع الكارثة ؟؟
الحاجة التالتة : المعالجات الاتخذت شنو بعد هذا الإعلان ؟؟
نحنا شايفين بأم أعيننا المواطنين بيحاولوا التصدي للفيضان بأيديهم العارية ودون أي أمكانيات
وين إمكانيات الدولة ومؤسساتها ؟؟
وين الشرطة وأجهزتها ومعداتها وعرباتها ؟؟
الدعم السريع وتاتشراته التي كانت تسارع لقمع المتظاهرين والإحاطة بهم من كل جانب ؟؟
الجيش ومدرعاته وآلياته التي تستخدم لقطع الطرقات وإغلاقها أمام حركة المواطنين ومنعهم من التظاهر وقمع حرية التعبير
جهاز الأمن اللا وطني وأسطوله البري من السيارات والشاحنات، وشركاته ومعداته المنهوبة والمسروقة من عرق الغلابة ديل ؟؟
الإجراءات الحكومية الاتخذت شنو وفق هذا الإعلان ؟؟ والمساعدات الاتقدمت للمواطنين شنو ؟؟
| |
|
|
|
|
|
|
|
|
|
Re: إقالــــــــــــــــة حمـــــدوك وحكومت (Re: Elhadi)
|
لماذا لم يقم حمدوك وحلفاءه من العسكر بوضع كل إمكانات الدولة بموجب أمر الطواريء لمساعدة أو تحت إمرة المواطنين المتضررين..
لماذا يامر (و حتى الآن) الجيش ـ الشرطة ـ الدعم السريع ـ جهاز الأمن بالنزول لمساعدة المواطنين ؟؟
وين مروحيات الجيش ومروحيات الشرطة ومعداتهم وآلياتهم الثقيلة (على قلتها) في جهود إنقاذ ومساعدة المواطنين ؟؟
موش المفروض دي أجهزة حقت (الدولة) وترضع آناء الليل وأطراف النهار من ثدي الدولة ـ ولا أنا برضو غلطان ؟؟
أما إذا كان حمدوك لا يسيطر على هذه الأجهزة حتى في مثل هذا الظرف فما فائدة وقيمة رئاسته من الأساس يعني ؟؟
| |
|
|
|
|
|
|
|
|
|
Re: إقالــــــــــــــــة حمـــــدوك وحكومت (Re: Elhadi)
|
ومشي سنار يا الهادي، وسافر تجتمع مع الحلو يا
الهادي
يا الهادي انت زي نقطة الموية لما تقع يومياً في نفس المحل
كلامي ما كوووووبار كبااار
كلامي يا الهادي من واقع ما تكتب ، ما لك ما
كتبت عن اللجنة الامنية يا الهادي ولا حتي الدعم
ما تقول لي من المعروف بالضرورة ، دي ما يتخارج
يا الهادي انت لك هدف وهدف واحد
حمدوك لو ما سافر انت صدر ، لو سافر برضو
ببساطة انت صد خيار مجموعة من ناس هم جزء من
الثورة فما تتوقع نقول لك انت برئ من الغرض
| |
|
|
|
|
|
|
|
|
|
Re: إقالــــــــــــــــة حمـــــدوك وحكومت (Re: اخلاص عبدالرحمن المشرف)
|
اما اقول يا الهادي وين مروحيات الجيش بتضحكني
يا الهادي ، انت الثلاثين سنة الفاتن دي كنت وين !!!!!!
يا الهادي غير مروحيات الجيش ما عندنا وهي للحروب
مثمنة ولما حميدتي واللجنة الامنية توافق ، يا الهادي
بالجد انت عرف عندنا شنو في البلد !!!!!
اصحي يا الهادي نحن تحت خط اي حاجة
عشان كده بتقول شكراً حمدوك
شكراً حمدكه
اما اللجنة الامنية والاستخبارات السودانية
واستخبارات الحركات واستخبارات الدول الاخري
فهم عارفين ال عندنا والما عندنا
يا الهادي نقطة الموية دي ال كل يوم في نفس النقطة
الشعب المسكين ده فتر منها
| |
|
|
|
|
|
|
|
|
|
Re: إقالــــــــــــــــة حمـــــدوك وحكومت (Re: اخلاص عبدالرحمن المشرف)
|
Quote:
اما اقول يا الهادي وين مروحيات الجيش بتضحكني
يا الهادي ، انت الثلاثين سنة الفاتن دي كنت وين !!!!!!
يا الهادي غير مروحيات الجيش ما عندنا وهي للحروب
مثمنة ولما حميدتي واللجنة الامنية توافق
|
طيب بكلامك ده يا أستاذة اخلاص يبقى إعلان حالة الطوارئ لا قيمة له البتة على أرض الواقع ..
ورئاسة حمدوك للوزارة زاتو بهذا المعنى لا قيمة لها على الإطلاق !! ولا شنو ؟؟
إذا كان الموطنين يواجهون كارثة بهذا الحجم الواسع والتي طالت كل مدن وقرى السودان
ورئيس الوزراء عاجز عن استخدام موارد الدولة بسبب >>> ( الاتفاق السياسي) و( الوثيقة الدستورية) أو بسبب التسوية السياسية aka (الهبوط الناعم) التي كرست لهذه الوضعية
وأتت لنا برئيس وزراء بصلاحيات رئيس بلدية :) ليس له من المنصب إلا التشريفة والسارينا الماشة وراهو ليل نهار ..
رئيس وزراء منزوع الصلاحيات وغير قادر على تحريك مؤسسات الدولة ومواردها لمواجهة كارثة بهذا الحجم
طيب انحنا كنا بنقول في شنو من زمان 
| |
|
|
|
|
|
|
|
|
|
Re: إقالــــــــــــــــة حمـــــدوك وحكومت (Re: Elhadi)
|
شفت سؤالي لك انت كنت وين طلع صحيح كيف
اعلان الطوارئ واعلان السودان منطقة كوارث فتح
الباب للعون الدولي ومنظمات الامم المتحدة لمساعدة
بلدنا المنكوب بجيشه ولجنته الامنيه وجم يد تي وبرهان
والدعم ، يا الهادي انت كنت وين الثلاثين سنة
نقطة الموية دي فترنا منها
| |
|
|
|
|
|
|
|
|
|
Re: إقالــــــــــــــــة حمـــــدوك وحكومت (Re: Elhadi)
|
Quote: قولوا الكلام ده للناس البيوتهم وقعت وشوف رأيهم حا يكون شنو !
|
دي كارثة ربانية لا حمدوك ولا غيره ليهم فيها يد.
الفيضانات ما اول مرة تحصل والبتقدر عليه و الحكومة تعملوا حسب إمكانياتها.
ما باقي ليك تقول حمدوك هو سبب الفيضانات.
يا زول غرضك واضح و حمدوك قاعد كان الفيضان شاء السودان كله.
قال الوقعت بيوتهم.
الناس الوقعت بيوتهم ما ولولوا زي ولولتك البتسوي فيها دي.
| |
|
|
|
|
|
|
|
|
|
Re: إقالــــــــــــــــة حمـــــدوك وحكومت (Re: Arif Nashed)
|
| Quote: دي كارثة ربانية لا حمدوك ولا غيره ليهم فيها يد. |
الفيضانات دي ابتلاء موش كده ؟!!
الكلام ده أنا زي السامعو قبال كده في محل :)
ده موش برضو كان حنك الكيزان ؟؟
الابتلاءات دي بقت جزء أصيل من السياسة السودانية، شكلو ما شغل كيزان بس.. كيزان على قحاتة كلو عندهم ابتلاءات ربانية
| |
|
|
|
|
|
|
|
|
|
Re: إقالــــــــــــــــة حمـــــدوك وحكومت (Re: Arif Nashed)
|
Quote: ما لما الكيزان وحاكمهم بالشرعية الثورية في الشارع ؟؟ أحااااااا
وطيب ما حاكمهم لي يا العشا اب لبن ؟؟
محنن ؟؟ ولا محنن ؟؟
ما ده البنقول فيهو زاتو ـ يعني انت اسي قايل نفسك لحنتها
حمدوك عاجز وضعيف ـ ده بالضبط الانا قاعد أقول فيهو وانت هنا بس أكدت عليهو |
أبلدو اغبى مداخلة فى الدنيا
يا ولد انتا ... لما حمدوك استلم اظن كان فى وثيقة
البوست القادم طالب بى اغتيال حمدوك
سمح
| |
|
|
|
|
|
|
|
|
|
Re: إقالــــــــــــــــة حمـــــدوك وحكومت (Re: Elhadi)
|
الهادى لا تضيع وقتك ساكت مافى زول حيقيف معاك لان موقفك من الثورة معروف انت ضد الثورة وحكومتها من قولة توت وحمدوك لو قلب هوبا برضو فى نظرك ضعيف لانك منشن على اهلك الانصار وتردد فى كلام الصادق ولو ما نجح الصادق ماعندك مانع من تفويض البرهان
| |
|
|
|
|
|
|
|
|
|
Re: إقالــــــــــــــــة حمـــــدوك وحكومت (Re: اخلاص عبدالرحمن المشرف)
|
| Quote: أو التبرير لضعفها وقلة حيلتها بأي مبرر أو مسوغات.. |
مشكلتك السايكولجية يا صويحب البوست تكمن في السووداوية الموغلة التي تتمتع وتستمع بها، حمدوك ورث نظم لعين خليط بين العسكرتارية والاطماع الحزبية والبيوتات التقليدية التي تعتقد ان السودان وشعب السودان هم مجرد سوائم لديهم، وانت يا صويحب البوست
لم تطرح بديلك غير انو تجيء حكومة اخري الخ، وهو كلام فطير وغث وكلام لا يعدو ان يصدر من مراهقين، غير انك بتغض النظر عن المكون العسكري في الحكومة وصااااابي جام غضبك علي حمدوك.
بناء علي ما تقدم انا اقف وادعم حمدوك وفي نفس الوقت اوجه له النقد البناء علي شاكلة حكومة حمدوك ضعيفة ويجب تقويتها بقرارات تنفيذية علي الارض وبقوة اما المحبطين يمشي يترمو مع الكيزان نعم الامر كدا بكل بساطة.
| |
|
|
|
|
|
|
|
|
|
Re: إقالــــــــــــــــة حمـــــدوك وحكومت (Re: Mutasim Idris)
|
شفت المصيبة الانحنا فيها دي يا معتصم يا أخوى
الواحد فيهم يملأ خشمو مدنية مدنية.. مدنيااااو...
ويقول ليك البلد دي تاني ما بيحكمها عساكر !!
وفي نفس الوقت فالعساكر هم الذين يحكمون فعلياً على أرض الواقع، وما في حاجة بتتم في البلد دي صغرت أو كبرت بغير رضاهم وموافقتهم
تاني حاكمين ليها شنو
المتنفذين الحقيقيين في البلد دي هم العساكر رغم وهمة المدنية الفاكنها في الناس
| |
|
|
|
|
|
|
|
|
|
Re: إقالــــــــــــــــة حمـــــدوك وحكومت (Re: Elhadi)
|
مدنية شنو يالهادي.. بعضمة لسانه وعلي الملأ قاااااااال انا
بسوّق في (نموذج) فريد اسمه العسكرمدنين.
لا وكمان مشي ابعد من كدا وقال في حقهم مالم يقوله
الكضباشي. قال لينا العسكر حموا الديمقراطيات من زمن
عبود ونميري والبشير هههههه. يعني الانقلابيين ديل ما عارف
تصنيفه ليهم شنو؟!
غااااااتو
| |
|
|
|
|
|
|
|
|
|
Re: إقالــــــــــــــــة حمـــــدوك وحكومت (Re: Mutasim Idris)
|
حكومة حمدوك تقرر اللجوء للحل الأمني والقبضة العسكرية المليشياوية في مواجهة المشكلات الاقتصادية والأزمة الاقتصادية الخانقة وتدهور قيمة الجنيه :)
إذن أبشروا بالمزيد من التدهور في قيمة الجنيه وصعود العملات الأجنبية
قبضة أمنية مليشياوية ؟؟
ياخ الناس ديل ما عارفين انو المضاربات في العملات الأجنبية بقت تدار بالتلفونات والانترنت..
أونلاين يا حبيبي أونلاين
| |
|
|
|
|
|
|
|
|
|
Re: إقالــــــــــــــــة حمـــــدوك وحكومت (Re: Elhadi)
|
Quote: مدنية شنو يالهادي.. بعضمة لسانه وعلي الملأ قاااااااال انا
بسوّق في (نموذج) فريد اسمه العسكرمدنين. |
هههههههههههههههههههههههههههههه
أنا مرة سمعتو بتكلم بطريقة حالمة كده عن ( الشراكة الاستراتيجية ) مع العسكر
من ديك عرفتو ليك وهمان وطايرة ليهو ساي :)
| |
|
|
|
|
|
|
|
|
|
Re: إقالــــــــــــــــة حمـــــدوك وحكومت (Re: Elhadi)
|
الهادى سلام
أى يوم زيادة يبقى فيه حمدوك رئيسا للوزراء .. ضياع زمن وخسارة للبلد!
ويبدو أنه من الضرورة فرتقت الحاجة الكارثية الإسمها قوى الحرية والتغيير، فشلت فشلا ذريعا، وأكبر فشلها تكليفها لحمدوك وعجزها عن إعفائه!
| |
|
|
|
|
|
|
|
|
|
Re: إقالــــــــــــــــة حمـــــدوك وحكومت (Re: نادر الفضلى)
|
أخونا نادر الفضلي تحية واحترام
الزول ده من جاء يا نادر وأنا متمني أشوف الكفاءة القالوا عليها دي..
فإذا به يسلم ملف الاقتصاد لحميدتي، وملف السلام للمجلس السيادي (المزعوم).. الخ
أما الملفات التي تولى إدارتها فانتهت إما إلى لا شيء زي قصة لجنة نبيل أديب التي لم نعد نسمع عنها
أو إلى أزمات كبيرة كقضية تعيينات ولاة الولايات
والآن عندما تواجه حكومته بالارتفاع الصاروخي للعملات الأجنبية وتدهور الجنيه بسبب سياسات الحكومة الفاشلة نراهو يعمد إلى استدعاء القبضة البوليسية والأمنية والمليشياوية فيماسمى بالطوارئ الاقتصادية
ما فضل ليهو إلا يعلن حالة الطوارئ الرياضية بعد ده ( الطوارئ الأمنية ـ الطوارئ الصحية ـ الطوارئ الاقتصادية ) ياخ معقولة بس !! ..
أما القحاتة وجدادهم فشايفهم اليومين ديل رققوا ضنيباتهم واختفوا من المشهد الإعلامي
بتفق معاك تماماً يا أخ نادر ـ الحكومة فشلت ـ حمدوك فشل بامتياز والحرية والتغيير فشلت وانقضى أجل هذا التحالف واللي أصبح حقيقة مستنقع و بؤرة للنفوذ لبعض الأشخاص المعدودين هنا وهناك
| |
|
|
|
|
|
|
|
|
|
Re: إقالــــــــــــــــة حمـــــدوك وحكومت (Re: Elhadi)
|
مساء الخير يا الهادى
أما القحاتة وجدادهم فشايفهم اليومين ديل رققوا ضنيباتهم واختفوا من المشهد الإعلامي
.....
أختفوا عشان الفساد العملوه
لدرجة انه صدر قرار من السيادى بعدم سفر الدستوريين الا بتصريح من السيادى..
وبالرغم من انهم كلهم زى بعض
الا وانه مثل هذا التصريح هو اتهام صريح وواضح ويشمل القحاطة
اللى نسوا جبناهم ليه
وقعدوا عملوها فساد لّمّن غلط
وشبع بعد جوع
و نسوا اصلا هم جابوهم ليه..
حمدوك وحسب رأيى الشخصى
راجل مدفوع بأجندة خارجية..
لتدمير السودان و القضاء عليه تماما
لاحظ سلبوك الراجل و احساسه بالمواطن السودانى..
وأنت تفهم..
| |
|
|
|
|
|
|
|
|
|
Re: إقالــــــــــــــــة حمـــــدوك وحكومت (Re: nour tawir)
|
تحياتي أستاذة نور تاور
في حديث كتير عن الفساد في أوساط السلطة الحاكمة الآن أو ما يعرف (بالشق المدني)
أقوال كثيرة متناثرة هنا وهناك عن فساد الذمم..
لكن الأهم من ده كلو هو الفساد على صعيد الممارسة السياسية نفسها واللي هو في نهاية الأمر أيضاً يفتح الباب على مصراعيه ويوفر البيئة الخصبة لاستشراء فساد الذمم
وده كان واضح بالنسبة لي أنا شخصياً على الأقل في الطريقة التي وصلوا بها للحكم على جثث ودماء المعتصمين الملقاة على قارعة الطريق، وفيما تلاه من ممارسات
| |
|
|
|
|
|
|
|
|
|
Re: إقالــــــــــــــــة حمـــــدوك وحكومت (Re: Elhadi)
|
هل الشق العسكري مبرأ من الفساد؟!!!
هل هناك اجتماعات لأبناء الدفعة في القوات المسلحة
وظروف وهدايا مثل أيام البشير أم لم تسمع بها.
العسكر نفس التفكير من عمر البشير البرهان
وضمان ولاء الجيش وتحشيده الان علي قدم وساق
وطلب التفويض والتقاعس عن إغاثة
الشعب واضحة للعيان، من اقترح الاعتصام في القيادة
بدل إتمام المواجهة قاد الجميع لهذا.
وعلي اي حال هذه موازين القوي علي أرض
الواقع ، الشعب في مواجهة جيشه !!!!!
| |
|
|
|
|
|
|
|
|
|
Re: إقالــــــــــــــــة حمـــــدوك وحكومت (Re: Elhadi)
|
حملة الاعتقالات التي تشنها السلطات الأمنية لحكومة عبد الله حمدوك تطال مواطنين عاديين لحيازتهم مبالغ صغيرة جداً من العملات الأجنبية !
من الواضح أن الأمور بدأت تنحى منحى آخر لتجريد حتى المواطنين من حصيلتهم البسيطة من العملات الأجنبية التي أدخروها أو حصلوا عليها لأغراض عادية جداً (ليس من بينها المتاجرة والتربح)
| |
|
|
|
|
|
|
| |
Elhadi
Nasser Amin
محمود الدقم
ترهاقا
ABDALLAH ABDALLAH
nour tawir
Arif Nashed
جلالدونا
عماد ساتي
ابو يسرا
Hassan Farah
محمد أبوالعزائم أبوالريش
Mutasim Idris
نادر الفضلى
فيس بوك
تويتر
انستقرام
يوتيوب
بنتيريست