|
|
|
 Re: أين صلي حمدوك صلاة العـيد.. !! (Re: بلدى يا حبوب)
|
انا عايز اعرف ال job description بتاع أيتها حكومة
في الدنيا دي كلها ... هل فيهو (خدمة) صلاة الرئيس
وخدمة قطع الجمار بتاع الرئيس وهل أدي الرئيس
السنة مع مرتو ولا لا ...
ياخي سيبو ما لله .. لله
وأسألو حمدوك عن توفير العيش والنار والصاج والطايوق ...
| |
 
|
|
|
|
|
|
|
|
Re: أين صلي حمدوك صلاة العـيد.. !! (Re: بلدى يا حبوب)
|
بقال دا قبل كدا مش قبضوا هنا بالثابتة في حكاية طاردوني
ناس الأمن وساعدوني وما عارف شنو وفي النهاية لقوه لابد
في برج البركة يأكل في البيرقر ؟؟؟؟؟؟
لو دا ما هو اعتذر ليهو .. لكن لو دا هو فقول ليهو إن الصلاة
التى يسأل عنها غيره تنهى عن الفحشاء والمنكر فهل من منكر
أعظم من النفاق ؟؟
.............
يا عمر التاج ياخي دي معاملة تعاملنا ليها دي ؟؟ نحن نحرس
بوستيك الديني التاني بتاع ولوا أمرهم إمرأة وأنت ما شغال بينا
وحايم تفتح في البوستات.. تعال عبرنا شوية ياخي ان شاء الله تقول
جلى 
| |
|
|
|
|
|
|
|
|
|
Re: أين صلي حمدوك صلاة العـيد.. !! (Re: muntasir)
|
تمام يا منتصر بالله قول لى عمر دا يقول لبقال داك
الكلام دا .. وخلي يضغط على حروف الفحشاء والمنكر
دي كويس لأنو بصراحة الفحشاء والمنكر كانت كتيرة
جدا في العهد البائد.. بتاع حج قبضوه يزنى في نهار رمضان
وبنقو في عربية ولد الوزيرة وخمور بالحاويات وتدليس
وتحريف لكلام الله الخ الخ الخ الخ وبرضو تنتقل كاميرات
التلفزة خارجيا من جامع لى جامع ومن مصلى لى مصلى
عشان تنقل لينا صلاة الجماعة ديل ذاتم خخخخخخ
| |
|
|
|
|
|
|
|
|
 Re: أين صلي حمدوك صلاة العـيد.. !! (Re: muntasir)
|
Quote: يا التاج
الدنيا عيد
وبقال كوز
كل عام وانت بخير |
مادي المشكلة يا اخ بلدي
الدنيا عيد والعيد عيد مسلمين
و٩٥٪ من السودانيين مسلمين
وبنلاقوا في صلاة العيد مرتين بس في السنة
والإمام قال كلمته، وسيدي نطق؛ والبرهان صلى في الفسحة
بس حمدوك ماعرفنا خبره الا من أمام المسجد _ اقصد الكوز بقال
| |
|
|
|
|
|
|
|
|
|
Re: أين صلي حمدوك صلاة العـيد.. !! (Re: عمر التاج)
|
Quote: هو زول معلنها حرب مع الله
دايره يجي يسجد ليه |
عيدك مبارك يا أمير..
يحارب ربه دي حاجه بينه وبين الله
ولكن مناسبة العيد دي مناسبة اجتماعية سياسية مابتتفوت
اتخيل لي رياك مشار ولا واحد من قادة الشعبية زمان كان بحضرها مع المسلمين
| |
|
|
|
|
|
|
|
|
|
Re: أين صلي حمدوك صلاة العـيد.. !! (Re: خضر الطيب)
|
Quote: انا عايز اعرف ال job description بتاع أيتها حكومة
في الدنيا دي كلها ... هل فيهو (خدمة) صلاة الرئيس
وخدمة قطع الجمار بتاع الرئيس وهل أدي الرئيس
السنة مع مرتو ولا لا ...
ياخي سيبو ما لله .. لله
وأسألو حمدوك عن توفير العيش والنار والصاج والطايوق ... |
ازيك ياقريبي وكل عام وانت بخير
الوصفي الوظيفي للرئيس هو رئيس لكل شئ؛ ولو عثرت سخلة في خلاء الشمالية فهو مسؤول عنها؛ عشان كده قلنا هذه وظائف لا يصلح لادائها الا الرجل العظيم..
رؤساء وزعماء السودان مما قمنا بصلوا مع الناس العيد في الساحات
ويوم العيد يوم تواصل والتقاء شعبي ورسمي
ويوم تفقد الراعية للرعية..
وعلى الراعي ان يعرف عن رعيته كل شئ؛ كما كان النبي ص يعلم أصحابه حتى الخراءة؛ كما قال احد زعماء قريش
وطبعا الوصف الأخير ده بياتي بعد توفير العيش والوقود والخروف والصاج والطايوق
ولا حمدوك عايز الرجال يندقوا براهم في بيوتهم؟
| |
|
|
|
|
|
|
|
|
|
Re: أين صلي حمدوك صلاة العـيد.. !! (Re: عمر التاج)
|
حباب الطلحة محل ما قيل
وكل عام والخير فوقك ميل
| Quote: بقال دا قبل كدا مش قبضوا |
ليس المهم بقال؛ ولكن المهم ماذا قال..
وهل صحيح ما كتب في مقاله أو بال؟
..
..
بوستينا التاني في محله يا جرجرة
و مؤشرات الوعي فيه شايفها بدت تشرق
ونحن مابنتزحزح عن كلام ولو اتزحزح جبل مرة
| |
|
|
|
|
|
|
|
|
 Re: أين صلي حمدوك صلاة العـيد.. !! (Re: عمر التاج)
|
صلاتو لي ربو ما عندنا معاها شغلة
المشكلة السجم السجموهو في القوانين
وسياساتو الميتانة في بلد تحتاج نشاط
وتحريك لكل كوادر الشعب
الله يخلص البلد منك يا الحمدوك الغافلين
لأنك أصبحت أنت وقحت والشيوعيين وأذيالهم
ومن ورائهم وهم لا يعلمون الكيزان وجميعهم
قافلين الطريق أمام عبور السودان في طريق تقدمه
ونهضته
| |
|
|
|
|
|
|
|
|
|
Re: أين صلي حمدوك صلاة العـيد.. !! (Re: منتصر عبد الباسط)
|
Quote: ليس المهم بقال؛ ولكن المهم ماذا قال
|
كيفن الكلام دا يا أبوعمير ؟؟؟؟؟؟
دا منافق بنص الحديث الشريف .. كيف تستشهد
بما قال ؟؟ هو الدين دا اتغير واللا شنو ؟؟
................
يا عمر تعال قول احتجاجك بحديث ولوا أمرهم
إمرأة على تولية امرأة فيهو عوار واضح وأن
ما تقوله هو رأيك الشخصي وشخصيا ما عندي مانع
أنك ما تتزحزح حتى لو اتزحزح جبل أحد .. دي حاجة
بترجع ليك .. لكن الما برجع ليك هو الاحتجاج بالدين.
| |
|
|
|
|
|
|
|
|
|
Re: أين صلي حمدوك صلاة العـيد.. !! (Re: أحمد محمد عمر)
|
| Quote: شكلك اشتقت لي ناس الوالي الخدر ناس الأيادي المتوضئة ، الصلعة المقابلة الحر الملك سلمان صلى وين |
الخدر بتاع الأراضي يشتاق ليهو الشر
لكن الأيادي المتوضئة بالإيمان والعمل الصالح مازالت اشواقنا يامنتصر...
جربنا اليسار ماينفع، جربنا الأحزاب مانفعت،
جربنا الكيزان مانفعوا؛ اسه بتجرب في الشيوعيين والبعثيين والجمهوريين وشكلهم ما ماشين لقدام..
مافضل لينا الا نجرب أنصار السنة؛ اهل السنة والجماعة ممكن يكون فيهم حبة بركة
والملك سلمان مابقصر؛ صحي هو السنة دي ماصلي العيد في الساحة؛ ولكن خيراته ماليه الساحة
| |
|
|
|
|
|
|
|
|
|
Re: أين صلي حمدوك صلاة العـيد.. !! (Re: كمال عباس)
|
ياعمر
فعلا صلاة العيد مناسبة يمكن ان بستغلها الحكام لمخاطبة الشعوب
الاتعلم ان الجهات الصحية الرسمية تشجع على عدم صلاة العيد هذه السنة؟
طيب كيف راس السلطة التنفيذية ينهى عن شيء ويفعله؟
انا شخصيا هذه السنة ما صليت صلاة العيد
ومنذ اكثر من اربع اشهر لم اصلي جمعة
اها المشكلة وين؟
| |
|
|
|
|
|
|
|
|
Re: أين صلي حمدوك صلاة العـيد.. !! (Re: بشير أحمد)
|
خضر الطيب الولد الطيب كيفنك. ياخ وماك طيب
Quote: الوغد بقال
حندخلو ليك في فتيل بعد شوية
هي مسألة وقت لا أكثر
و انت ذاتك لو مشيت في الخط دا حتدخل في فتيل |
بقال ده الفتيل عليهو شوية.. شوفوا له قزازة بيبسي
ولا تاخذنكم به شفقه؛ لأنه لو واصل كده بسقط حجركم
اما انا فموضوعي ساهل..
بكره تكبروا وتعوا وتعرفوا الصاح من الغلط
وعندها تظهر بعض حسناتكم وانجازاتكم..
تعملوا ليكم مدرسة؛ تفتتحوا صينية أو مظلة.. الدولار ينقص جنيهين
حمدوك يمشي الحج على حسابه؛ تصدروا ليكم شحنة ضان؛ حميدتي يموت هههه
المهم اي حاجة مفيدة وحاتلقاني وش في المنبر
فاتح بوست باسم شكرا حمدوك..
| |
|
|
|
|
|
|
|
|
|
Re: أين صلي حمدوك صلاة العـيد.. !! (Re: جمال ود القوز)
|
اها اتوا يا ود التاج وبشير أحمد بتغسلوا فى البنية التحتية ثلاثين عاما نمن اسهكت وبتتوضوا خمس مرات فى اليوم
واشرطة قران وحديث فى عرباتكم وماسكنها لله اكثر من مرة فى اليوم فى النهاية هزموك شباب فى مقتبل العمر
وأصبح الواحد فيكببم زى دوار جمل نسيبتو ههههها
| |
|
|
|
|
|
|
|
|
|
Re: أين صلي حمدوك صلاة العـيد.. !! (Re: جمال ود القوز)
|
اها اتوا يا ود التاج وبشير أحمد بتغسلوا فى البنية التحتية ثلاثين عاما نمن اسهكت وبتتوضوا خمس مرات فى اليوم
واشرطة قران وحديث فى عرباتكم وماسكنها لله اكثر من مرة فى اليوم فى النهاية هزموك شباب فى مقتبل العمر
وأصبح الواحد فيكببم زى دوار جمل نسيبتو ههههها
| |
|
|
|
|
|
|
|
|
|
Re: أين صلي حمدوك صلاة العـيد.. !! (Re: صديق مهدى على)
|
Quote: د. عبدالله حمدوك بصلي صلاة العيد
ما يصلي صلاة العيد . برضو الناس راضين عنو.
كفاية حديث وزير الخارجية الامريكي قبال يومين
عن اجتهادات حمدوك.
في سبيل انو يمرق السودان من فعايل الجرابيع. |
حبابك أسامة؛ وكل عام وانت بخير
الناس الرياضية عنه ديل منو يا شيخ؛ كدي ينزل انتخابات كان ما يتسيك في قبوله..
وبعدين انت بتقول ما شرط يرضى عنه ربه؛ مذكرنا برضى الامريكي داك ليه؟
اجتهادات حمدوك انا ما بعرفها.. لكن النتائج واضحة وضوح الشمس.. انهيار في كل مكان وسقوط في كل مكان.. وجرجرة في كل شئ، وأن كان نجاح حمدوك هو تكراره بعبارة سنعبر فقد نجح..
وبالمناسبة؛ حديث القوى الأمين داك ما حديث كيزان.. ده كلام ربنا سبحانه وتعالى
وحقو ترجع لتفسير القوى الأمين عشان تعرف هل بتنطبق على زول ما(بيصلي) لربه ام لا؟
| |
|
|
|
|
|
|
|
|
|
Re: أين صلي حمدوك صلاة العـيد.. !! (Re: عمر التاج)
|
عفوا قصدت في مداخلتي الفائتة اخي في المنبر عثمان موسى وليس أسامة ؛ فله العتبي.
..
اخونا في اللخ منتصر حبابك؛ وكل عام وانت بخير
Quote:
صلاتو لي ربو ما عندنا معاها شغلة |
ما نعرفه عن الرسول ص وصحابته ان المسجد كان قصرهم الجمهوري
وكانوا يديرون أمور العباد بعد أن يقضوا فروض رب العباد..
وكان امر الجيش الا (يصلين) أحدكم العصر الا في بني غريظة..
فلماذا لا نحلم برئيس يقضي فروض ربه على أكمل وجه ليؤدي بعدها واجبه تجاه رب العباد بنفس الصورة..
المداخلة خاصة بالمؤمنين.. أما العلمانيين الذين يتحججون بأمريكا والمانيا فارجو الا يستعجلوا رزقهم.. ستاتيهم مداخلة مخصصة لذلك..
الحبيب صديق مهدي حبابك ومرحب؛ وكل عام وانت بالف خير
وددت لو سألت عنك فترة غيابك ونحمد الله على عودة قلمك الشجاع السنين.. يمين يسار مرحبا به.
| |
|
|
|
|
|
|
|
|
|
Re: أين صلي حمدوك صلاة العـيد.. !! (Re: عمر التاج)
|
Quote: برئيس يقضي فروض ربه على أكمل وجه ليؤدي بعدها واجبه تجاه رب العباد بنفس الصورة
|
قصدك يا عمر رئيس تشوفوه قاعد يقضى
في فروض ربه سواء كان على الطبيعة أو على القنوات .
طيب لو كان الرئيس دا مثلا قاعد يعمل الحاجات
دي كلها قدام عيونكم لكن من وراء عيونكم قاعد يسرق
وينهب ويقتل ويخرب ويدمر .. دا كيف معاكم ؟؟ وأحسن
ياتو في الاتنين ديل ؟؟
| |
|
|
|
|
|
|
|
|
|
Re: أين صلي حمدوك صلاة العـيد.. !! (Re: نعمات عماد)
|
Quote: عمر التاج انت لو ما كوز فأنت أسوأ.
انت جاك وحي من ربنا ان حمدوك مقصر في فروضه؟
|
نعمات عماد عيدك مبارك وتتبارك ايامك أن شاء الله..
أسوأ من الكيزان كيفن؟ أنصار سنة يعني؟
وبعدين وين أنا قلت حمدوك مقصر في فروضه؟
انا نقلت مقال عنوانه الصريح أين صلي حمدوك العيد؟
واجبت على الذين قالوا لي الدخلك في دين حمدوك شنو بالكلام الحضرتك اقتبستيه
يبقى مين القال حمدوك مقصر في عبادته؟
مين يادكتورة؟
| |
|
|
|
|
|
|
| |
عمر التاج
محمد أبوالعزائم أبوالريش
بلدى يا حبوب
توفيق عيسى مكي
Salah Zubeir
طلحة عبدالله
خضر الطيب
ABUHUSSEIN
Osman Musa
منتصر عبد الباسط
بشير أحمد
كمال عباس
MOHAMMED ELSHEIKH
جمال ود القوز
صديق مهدى على
نعمات عماد
فيس بوك
تويتر
انستقرام
يوتيوب
بنتيريست