|
Re: أوّل عهدي بالبورض ...!! (Re: حيدر حسن ميرغني)
|
حيدر حبيبنا يا رائع .. شكرا كثير .. وليد قريبي ده .. ما عارف ليه جاب سيرة رونالدو ورونالدو قالوا أمه مريضة .. نتمنى لها الصحة والعافية .. لكن يا حيدر الحبيب رونالدو زول ود بلد .. عامل بناية كاملة لأهله كل أقرابه .. ومنشأت جميلة في قريته .. أنا شاهدت فيلم وثائقي عنه صدقني ظهر لي كده زول أصلي وأصيل ( تربال )
اصبحت أشجع أي فريق يكون فيهو رونالدو حتى لو فريق تل ابيب
حبيبنا وليد أمبس .. نسينا البوست .. سيرة رونالدو .. شكراً حيدر الحبيب .. صعب بالنسبة لي الكتابة بالعامية فقط بلغة المدارس زي ما قال وردي الله يرحمه
مودتي للحبيب وليد والحبيب حيدر .. أجمل ناس
| |
|
|
|
|
|
|
Re: أوّل عهدي بالبورض ...!! (Re: حيدر حسن ميرغني)
|
Quote: الان عنده طيارة وعربات ما تدي الدرب وعيال بلا ام وصديقة وكم مليون متابع في انستغرام وتويتر وليد يتفرج بس :) |
تعرف يا حيدر مرة كنا فى ونسة بنقارن بين ثراء ميسي و رونالدو وكان فى ملاحظة إنو كريستيناو ده متمتع بثروتو دى على أكمل وجه بينما ميسي على العكس أو اقل منو كتير (ما ظاهرة فيهو) واحد عمنا كريم خلاص لكن ماليهو فى الكورة، سمع ملاحظتنا دى عن ميسى قال : يمكن (محمول) ياخوانا :)
لكن والله عمر ياخ !!
| |
|
|
|
|
|
|
Re: أوّل عهدي بالبورض ...!! (Re: حيدر حسن ميرغني)
|
حيدر إزيك يا صديق
Quote: Ùا جÙÙÙÙ :)يا جُلُك :) |
إن لم تخنى الذاكرة كنت أنت وقتها فى مجاهل غابات كولمبو :) على أية حال ، وقت إنضمامك للبورض كان كريستيانو قد أكمل العامان :) يعنى (دفعة ) بتوقيت الأسافير
تحياتي ،،
| |
|
|
|
|
|
|
Re: أوّل عهدي بالبورض ...!! (Re: حيدر حسن ميرغني)
|
Quote: محمول على الأعناق بس |
بالله تخيل يا حيدر ميسي محمول (زيو زينا كده) هههه تكون خالتو دايرة منو وبت عمتو بتدرس طب بدفع ليها ، ود عامو قابضنو فى شيك بفكو ، حبوبتو كل ما يرجع إجازة بونيس آيرس لازم يمشى البلد يسلم عليها و يواجبها ناس البلد بكونو عايزين مكيفات للكنيسة الجديدة بجيبها ليهم . عمك شيخ ALTAYEB حيطو وقعت ببنيها ليهو .، ده غير ال 100 كشف البدفع فيهم .....الخ
عليك الله ميسي يعمل شنو ويخلى شنو ! بفضل ليهو ذاتو شنو عشان يركب عربات ولا يمتلك بيوت و أحواض سباحة !!!
| |
|
|
|
|
|
|
Re: أوّل عهدي بالبورض ...!! (Re: walid taha)
|
في أمسية من أماسي العام 2004 جاءني DKEEN أشعث أغبر 😊 وبعد السلام والترحاب شرد بعيدا ثم التفت الى فجأة قائلا : (أسمع أنا عندي ليك ناس حلوين جدا بنفعو معاك أرحكا ) . وبدون تفاصيل لهذه الدعوة المفاجئة تبعته و مضينا سويا نقطع الفيافي نصعد تل وننزل وادي حتى إنتهينا الى إستراحة نائية تجمع حولها عدد قليل وتبعته الى الداخل . -ياخى ديل منو كدي فهمنى ؟ - ديل يا حبيب ناس سودانيزاونلاين حيعجبوك فى غربتك دى ،أرح بس! أكملنا مسيرنا الى الداخل وكان اللقاء الأول الذي جمعنى بأعزاء شكلوا إضافة حقيقية لى على مر هذه السنوات .فكان أبوجهينة ، ود قاسم ، حمزاوي ، تمبس ، صلاح شتات ، إسماعيل وراق، معتصم ، محمد الشيخ، أحمد حنين ، قرنفل وأعزاء أخرون . كان اجتماع فريد وهم يودعون خالد عويس و علاء الدين شاموق ويحتفلون بأحمد ساطور (ترهاقا). إنتهى اللقاء تسالمنا وتعارفنا، ولم يمض وقت طويل حتى حللت بينهم زميلا في هذا المنبر مُعلنا بذلك ضربة البداية لمشوار طويل حافل بالأحداث ملئ بالصداقات كسبنا فيه الكثير ، بمروره إتسعت دائرة العلاقات فشملت كل بقاع الدنيا ،عجبا لهذا التناغم الفريد سوداني الوجدان!. يستتبع،،
| |
|
|
|
|
|
|
Re: أوّل عهدي بالبورض ...!! (Re: Osman Musa)
|
Quote: هرمنا ياخ في سبورة بكرى . اطول وأعرض سبورة في الدنيا . |
يا عثمان أوشكنا ننزل المعاش وبكرى الى الآن لم يتكرم علينا بمكتبة ! تصدق؟ :)
التحية للعزيز بكري و الشكر الجزيل له لجهده و دعمه المتواصل على مر هذه السنوات .
| |
|
|
|
|
|
|
|