|
كتب الكاتب الفاتح جبرا المتوفرة بمعرض الدوحة
|
|
 Re: أنا والكرونا خلال إسبوع.. (Re: HAIDER ALZAIN)
|
البيقول لك الكرونا عندها تأثير سئ على المدخنيين ما يعمم..
عادي.. أصحى من النوم على كباية قهوة وخمسة ستة سيجارات ..
لبيقولك فيها صداع يطرشق الحجر ..صدقه
لكن البيقول ليك جابت لي وجع حلق او كحة أضيق نفس .. قول ليهو ما تعمم..
| |
 
|
|
|
|
|
|
|
|
Re: أنا والكرونا خلال إسبوع.. (Re: HAIDER ALZAIN)
|
البيقول ليك بيقدر ياكل ويشرب ويقرأ او يستمتع بشئ قول ليهو ما تعمم..
لكن اليقول ليك فتران وغمران وزهجان زي البايتة معاي سكرة عيش صدقه طوالي..
ذكرتني التلاتة يوم القضيتن في ربك مصنع الأسمنت . :).
| |
|
|
|
|
|
|
|
|
|
Re: أنا والكرونا خلال إسبوع.. (Re: أحمد محمد عمر)
|
الله يسلمك يا ابوحميد...
شايف في نوع منها بقى اكتر من عادي .. بيفقدك الذوق والشم ويسبب خمول
لكن حتى العندهم امراض مزمنة ما بيكون خطير ..دا حسب الشايفه في بعض الحوليني هنا ..
نسال الله يخفف عن عباده ويشفى المرضى الآخرين ..
| |
|
|
|
|
|
|
|
|
|
Re: أنا والكرونا خلال إسبوع.. (Re: ABUHUSSEIN)
|
الله يسلمك يا ابوحسين
Quote: احتمال برضو تكون زايغ من حق الخروف ... 😂
|
دا حق الخروف ذااتو لأنه زغت منه قبال اسبوع ..
وفور إعلاني عن الزوغان جات المتتسماش..
أما تلميحك المُشار اليه اليعدي تاني إسبوع ونشوفو يعمم والا مايعمم :)
| |
|
|
|
|
|
|
|
|
|
Re: أنا والكرونا خلال إسبوع.. (Re: ABUHUSSEIN)
|
سلامات سلامات يا حيدروف الصلد وما تشوف
شر أبدا ياخ .
وبالمناسبة كلامك صاح مية المية في حكاية الكورونا
مع الامراض المزمنة دي .. دي اشاعة ساي والدليل
ناس بعرفهم عندهم جميع الامراض دي جاتم وقاوموها
ببسالة وفدائية لغاية ما دحروها شر دحر.. ومش كدا وبس
بل يتخيل لي والله أعلم انو المصيبة دي ما راحت براها
بل شالت من بعضهم مرض مرضين من الأمراض المزمنة دي.
| |
|
|
|
|
|
|
|
|
|
Re: أنا والكرونا خلال إسبوع.. (Re: طلحة عبدالله)
|
الله يسلمك ويكرمك حبيبنا طلحة...
الشئ دي إلا انواع والله اعلم ..لكن إن بقت ياها الجاتني دي بس فيبقى والله الاغلاق والحظر والجرجرة العملوها في الناس دي ما حبابها..
أصعب مافيها النوم وانسداد النفس..
| |
|
|
|
|
|
|
|
|
|
Re: أنا والكرونا خلال إسبوع.. (Re: علي عبدالوهاب عثمان)
|
الله يسلمك حبيبنا علي وكل عام وانت بخير..
والله ياعلي لو ما كان ظهرت النتيجة ايجابية ولا كنت بصدق زاتو عندي كرونا ..
بقت حاجة ميتة ساي ..
السنة الجاية حا تكون عبارة عن نزلة موسمية ..
بيتربحوا من وراها بشر بس..
فيتامينات ومكملات وكلام ماتعرف فايدتو من عدمها ..
| |
|
|
|
|
|
|
|
|
 Re: أنا والكرونا خلال إسبوع.. (Re: HAIDER ALZAIN)
|
النومات الطويلة دي مع الإرهاق والصداع بتكون فيها جنس حلات هضربات ..:)
شئ فنتازيا وشئ خيال علمي وشئ ما تفهم زاتو القصة شنو ..
يعني فجاة كدة تلقى نفسك منحوت جوة حبة رز وإنت على شكل حدة حصان..
مهما تحاول تتمطى تعدل ضهرك أطرافك بتتشقق ويزيد وجعهن. فتفضل تنكمش وتنكمش جوة الحبة لمن تصحى..
الغريبة وقت تقوم تلقى خاتين ليك قدامك صحن مهلبية بي قرفة على شكل سمايل "(
| |
|
|
|
|
|
|
|
|
|
Re: أنا والكرونا خلال إسبوع.. (Re: أحمد محمد عمر)
|
سلامتك يا حيدر ، الف كفارة وكل سنة وانت طيب
البتاعة دي ، الله يجيرك ، شكلها توفيق من الله كما وصف بعضهم "السكرة" ..
ياخي في ناس 3 شهور في التنفس الاصطناعي وبعد داك اتوفوا .. ما تستهون بيها ابدا
سلامتك لكن ما اشوفك حايم في البوست داك ماشي افتحوا
الا يكون معاك شهادة فحص سلبي من جهة طبية معتمدة
| |
|
|
|
|
|
|
|
|
|
Re: أنا والكرونا خلال إسبوع.. (Re: Abdullah Idrees)
|
الله يسلمك يا عبدالله ادريس وكل عام وانت طيب ..
صحي توفيق .. وكنت بتوفق سريع خلاص
هي اكيد مشكلتها الاكبر مع اصحاب الامراض المزمنة زي ما قيل...
خصيا ما حسيت بيها الاكصدى ملاريا لاولا تعطل الحواس والنوم المتواصل..
ا
| |
|
|
|
|
|
|
|
|
|
Re: أنا والكرونا خلال إسبوع.. (Re: أحمد محمد عمر)
|
حمد الله ع السلامة يا حيدر ..
زي ما قلت الكرونا جات للجميع تقريبا ..
وبتختلف اعراضها من شخص لآخر
شخصيا أخدت معاي 4 يوم
دروختني وبقتني زي الجدادة الضاربا سمير ..
عملت لي عصير ليمون بي قرنفل
مع إنه مر وكريه جدا لكن كنت بكتحو
على الريق الصباح وابقى مارق الشغل
اليوم الخامس بقيت نصيييح ..
صحي حكاية الهضربة دي والله
حياتي ما هضربت كده
وتقوم من النوم مفزوع وخايف
الكرونا شالت ناس كتار ما اتحملوها
لمناعة جسمهم مش لاي سبب تاني
لانه أغلب أصحابي رقدوا
من اسبوع لي 12 يوم في السرير
وقاموا بلا ادوية خلاف البندول او الفلوتاب ..
| |
|
|
|
|
|
|
|
|
|
Re: أنا والكرونا خلال إسبوع.. (Re: جمال ود القوز)
|
حمد لله على السلامة اخ حيدر . .
اظن والله اعلم انو الفايروس ده اصبح ضعيف - اذا كان في حاجة زي دي والرأي عند الاخوة الاطباء -
لاني اعرف اربعة اصيبو - في الفترة من رمضان الى قبل ايام - والحمد لله الان بكامل الصحة والعافية واحدهم مصاب بالسكري . .
| |
|
|
|
|
|
|
|
|
|
Re: أنا والكرونا خلال إسبوع.. (Re: usama Babiker)
|
حمدا لله ع السلامة يا ود الزين أجر وعافية
زي ما قالوا الزملاء تختلف الاستجابة و الاعراض, بعض الاصدقاء اضطروا ادخلوا العناية المكثفة و ربنا عافاهم و الحمد لله لكن البحكوه عنها صعب صعب
كذلك معانا زملاء في العمل الا الفحص الاجباري العرفهم انهم مصابين لا اعراض و لا اي شي و حتى الاسبوعين القضوهم في العزل ما اشتكوا من اي عرض و من تاني فحص كانت النتيجة سلبية
غايتو اتحسبت ليهم اجازة ساي وروقة
| |
|
|
|
|
|
|
|
|
Re: أنا والكرونا خلال إسبوع.. (Re: Ahmed Yassin)
|
الف حمدلله على السلامة يا زين
و كل سنة و انت طيب
سبحان الله عندنا هنا برغم كل اجراءات الوقاية
الشغلة ماشه كالنار فى الهشيم
قبل اسبوعين كان عندى محكمة تمت بالتلفون
حكموا على بى مية دولار غرامة
و رسلوا لى قرار المحكمة فى الايميل مع وصلة للتوقيع بالاستلام
شفت جنس الخوف ده
وزير الصحة الاسبانى تعليقا على الموجة التانية الضربت اسبانيا
قال بقت تصيب الزول و ما يكون فى اعراض ليها
يعنى تكون خاميها و توزع فيها و انت ما جايب خبر
| |
|
|
|
|
|
|
|
|
|
Re: أنا والكرونا خلال إسبوع.. (Re: جمال ود القوز)
|
الله سلمك ياود القوز.. كل عام وانت بخير وحمد لله سلامة الاتفكيت منها..
قريبنا اصر نجي نعيد معاهو بحجة انه عاني واسرته من قريب من الاعراض دي..
لكن لا غحص لا اشتغل بيها قضاها غرغرة قرض وليمون وجنزبيل.
ارفضت طالما انه ما في فحص.. لكن والله اعلم فعلا سلالات وبتختلف..
اخوي ساكن عزابي جارهم بيزورهم يومي عشاء وكشاتين..
فحصه ايجابي وهم ما جاتهم شئ....
الشغلة ماشة زي ما قالوا الانجليز اول .. مناعة القطيع
تحياتي
| |
|
|
|
|
|
|
|
|
|
Re: أنا والكرونا خلال إسبوع.. (Re: Hassan Makkawi)
|
أنا والحمد لله من النادر أمرض وحتى لما كانت بتجيني الملاريا زمان ما كانت بتهدلني .. لكن مع بدايات أزمة الكورونا جاتني حالة طبية غريبة كدة رغم إنها ما مؤثرة على نشاطي وممارسة حياتي الطبيعية إلا إنها كانت محيرة
جاري وصاحبي اختصاصي جعل منها همه خاصة وإنه المستشفيات كانت مقفلة وما عندهم شغل وبقى حايم بي من استشاري لي استشاري .. ما خليت لي مكنة أشعة ولا رنين ما اتحشرت فيها وكل الفحوصات سليمة .. لحدي ما آخر حاجة عمل لي قمسيون طبي عديل كدة 5 استشاريين وهو سادسهم ومعاهو جارنا التاني برضو طبيب .. هم يتراطنوا وانا بضحك لأنه ما شايف الموضوع خطير وممكن اتعايش معاهو عادي
نهاية اجتماعهم دة قالوا لي ياخوي شغلتك دي شكلها التهاب فيروسي ما عندو أي سبب
الله! كيف يعني ما عندو سبب؟ في حاجة في الدنيا دي ما عندها سبب!
قالوا لي والله ما عرفنا ليك أي فهم بس كل الوصلنا ليه إنه دي حالة عرضية وبتمشي براها
طيب موش ممكن تجي تاني؟
والله ما عارفين
طيب في أي علاج؟
قالوا لي عندنا ليك علاج واحد بس بنسميهو العلاج السحري هو برندزلون لكن الأفضل ما تاخدو وبعد يومين تلاتة بتبقى كويس
قلت ليهم لا لا أنا بفضل آخدو على الأقل أشوف فعاليته عشان تاني لو حصلت أكون عارف آخد شنو
بس زي ما قلنا ليك إنه علاج خطير و.....
يعني بحتاج أجي المستشفى وعندو فك وتركيب وكدة؟
لا لا حبوب
أكتب حنانه يا عمك
ما بحتاج يكتبوهو قاعد في المستشفى هسة بنجيبو ليك
قلت في نفسي عليك الله شوف ديل! هو علاج قاعد في المستشفى وبشيلوهو عادي كدة شابكني خطير وبتاع :)
بلعت الكورس الأول 40 ملغرام والحالة انتهت لكن قالوا لي ما توقف لازم تبلع تاني 20 ملغرام لأنه لازم يقيف بالتدريج
اليوم داك طالع الشارع لاقاني جارنا الأختصاصي قال لي ماشي وين كدة؟ ووين كمامتك والقفازات؟ انت ما عارف البلد مليانة كورونا؟
ضحكت قلت ليه والله فعلاً ياخ نحن ما بتجينا عوجة لكن الواحد خايف على الشفع ما بستحملو
قعد يضحك وخت يدو في راسه قال لي شفع شنو يا عمك؟
انت بتاخد بردنزلون يعني استيرويد بدمر مناعتك نهائي .. يعني لو جاتك الكورونا ما بنوديك المستشفى بنسوقك المقابر طوالي .. بنخت ليك اللابتوب بتاعك وسيرمس قهوة وأول ما نلقاك اوفلاين بنتصل بناس الصحة يجو يدفنو
أها من ديك بقيت سايق لي صيدلية
| |
|
|
|
|
|
|
|
|
|
Re: أنا والكرونا خلال إسبوع.. (Re: Hafiz Bashir)
|
الله يسلمك الاخ علاء سيد احمد ويمن بالشفاء على كل مصاب .
سلامات الاخ احمد يس..
فعلاً حمى نهائي ما حسيت بيها .. ولا كحة .. بس كان في صداع.. تحياتي
سلامات حبيبنا جلالدونا والله يسلمك..
Quote: وزير الصحة الاسبانى تعليقا على الموجة التانية الضربت اسبانيا
قال بقت تصيب الزول و ما يكون فى اعراض ليها
يعنى تكون خاميها و توزع فيها و انت ما جايب خبر |
عرفت هسه انه معانا نفرين بالمكتب مشو فحصوا ساي بدون ما يشكو وجات نتيجتهم إيجابية
وللآن ما بيعانوا من اعراض..
يعني ديل كانوا مستودع عدوى حايم وسط الناس .. :)
الله يسلمك يا الشيخ والحمد لله له الشكر كامل الصحة والعافية .. ومتفرغين لإدهاش المنبر
تسلم حبيبنا وصديقي الفحل .. وماتشوف شر يارب
| Quote: ما ظنتى تجيك تانى.... قوم عيش حياتك |
الله يطمنك يامكاوي يآخ وكل عام وانت والأسرة الكرية بخير وعافية ..
Quote: وإطمئن المصيبة دي حدها الرئة بس
|
الله يسلمك ويطمنك يامولانا ..
أصلاً ابوحسين كخردة هكرة بيكون حاقد .. :)
| |
|
|
|
|
|
|
|
|
|
Re: أنا والكرونا خلال إسبوع.. (Re: أحمد محمد عمر)
|
| Quote: ØIMG] |
صراحة انا في الوقاية والحاجات دي ماكنت شغال بيها
بعمل وقاية نفسية بس :)
شايف محل علبة المعقم دي كان عندي فد كمامة بختها زي النضارة أملصها والبسها مرات اكتر من إسبوع عشان المرورIMG]https://sudaneseonline.com/db/attention/030_Wink.gif[/IMG]
أغيرها وقت تتوسخ بس ودا كله إعتماداً على مناعتي الذاتية !
بعد زراتني الست كرونا تقول لي ندمان ما اخدت احتياطاتك.. ؟
ممكن أقول ليك لا ..حاجز واتكسر واتفكيت منه ... واتوقع انه اي اصابة فيروسية بتبني مناعة ..
بس ان شاء الله بعدين يدونا شهادة يفكوك من حتة إلزامية الكمامة وقفازات البقالات دي !
| |
|
|
|
|
|
|
|
|
|
Re: أنا والكرونا خلال إسبوع.. (Re: عمر السلمة)
|
تسلم يا سيد الكارو وكل سنة وإنت طيب ..
Quote: معناها نحن كنا عماالقة في مقاومة تلك الملاريا
العجيبة .. |
صحي والله .. ربنا يرحم عمنا الهادي ويُحسن اليه كما احسن الي طلاب الجيلي صلاح ..
اكتر مقاومة كنت ومجموعة بنلقاها من حلة اللبن ليلاً
ومريسة الجير نهاراً .. :)
تحياتي يا الحبيب
| |
|
|
|
|
|
|
| |
HAIDER ALZAIN
ABUHUSSEIN
طلحة عبدالله
علي عبدالوهاب عثمان
MOHAMMED ELSHEIKH
محمد نور عودو
Abdullah Idrees
جمال ود القوز
عمر سعيد علي
usama Babiker
محمد البشرى الخضر
علاء سيداحمد
Ahmed Yassin
جلالدونا
الشيخ سيد أحمد
عزالدين عباس الفحل
Hassan Makkawi
Hafiz Bashir
عمر السلمة
ابو جهينة
فيس بوك
تويتر
انستقرام
يوتيوب
بنتيريست