|
|
|
 Re: أسمع يا حميدتي من غير مجمجة! (Re: سيف النصر محي الدين)
|
طاب يومك سيف النصر
ليس هناك ما يقال بعد الذي رشح عن الحديث بين كبير الزملاء و حميدتي في الكتاب الذي اصدره بن لباد ، و خلاصته شيئ واحد فقط و هو ان العقلية المركزية بغض النظر عن اختلاف و تعاقب الانظمة ذات تفكير نمطي واحد، و دونك توسلات كبير الزملاء لحميدتي ، و تبعا لذلك اصبح الدعم السريع حجر زاوية في التغيير الذي يهمنا منه الجوهري و ليس الشكلي .
ارقد عافية
عصام مانديلا
| |
 
|
|
|
|
|
|
|
|
Re: أسمع يا حميدتي من غير مجمجة! (Re: محمد البشرى الخضر)
|
مساك الله بالخير
في إجابة مباشرة على تساؤلك ، واقعيا هنالك جيشان يرتديان شعار الدولة ، كلاهما كان اداة في يد النخبة المركزية في حروبهم العبثية ضد الهامش ، بكل تأكيد هناك من يسعى حثيثا لجر عقارب الساعة للوراء و عرقلة محاولة خلق دولة سودانية ، و لا أعتقد هناك صمام امان لهذه الدولة السودانية التي تتشكل الآن ملامحها غير قوات عسكرية قومية همها الوطن و ليس تركيع انسان الهامش .
ان محاولة التعاطي مع الواقع بشكله الحالي و خلق او البحث عن ايجاد توازن بين القوتين ، لا يخرج عن كونه محاولة لإبقاء السودان داخل ربقة السودان القديم ، احادي الثقافة و السيطرة بكافة صورها ، و قبل ان يتحول الصراع الثقافي في السودان الي صراع وجود ينبغي البحث عن كيفية تشكيل صمام الامان القومي عبر قوة موحدة العقيدة العسكرية .
| |
|
|
|
|
|
|
|
|
|
Re: أسمع يا حميدتي من غير مجمجة! (Re: Esameldin Abdelrahman)
|
المستوطنين الجدد
من باب اسمع كلام البكيك ما كلام البضحكك ، سأحدثك اليوم عن المستوطنين الجدد.
يا حميدتي !
اقرع الناس ديل من المساس بالحواكير التأريخية لقبائل دارفور ، و حبابهم عشرة كموارد بشرية و مشاركين فاعلين في تنمية السودان ، الا حكاية لقينا واطة فاضية و قعدنا فيها و زرعناها و بقت حقتنا ، الكلام ده ما ببقي ، دي اراضي ناس تم تهجيرهم بعنف الدولة و قوة السلاح ، و كان النفوس اتطايبت ، و نيتك صادقة انت ممكن تكون حلال مشاكل دارفور كلها ، و ده المفتاح الاول لحل كتير من المشاكل في دارفور ، لا انت و لا مستوطنين جدد ح يقدروا يغيروا من الخارطة الديموغرافية لدارفور، و عليك الله فكر بعقلية رجل الدولة ، و قول لأهلنا الرحل نحترم جدا اسلوب و طريقة حياتهم ( مع رأيي الشخصي في تطويرها لدعم الاقتصاد ) ، و لكن عليهم ايضا ان يحترموا تعب و جهد المزراعين عند المرور بأراضيهم ، و كده عليك الله استفيد من تطور العالم و العلم و فكر ساعدهم في انشاء مراعي لهم ، و بكده بتكون حليت مشاكل كتيرة جدا عبر مدخل واحد فقط.
نلاقو قدام
عصام مانديلا
| |
|
|
|
|
|
|
|
|
|
Re: أسمع يا حميدتي من غير مجمجة! (Re: Esameldin Abdelrahman)
|
يا حميدتي مجرد سؤال ، أين موقع الجيش مما يحدث في اطراف السودان ؟ لماذا فقط القوات التي تتدخل دائما هو الدعم اليريع ؟ طيب لو الجيش اصلا ما موجود و لا بساعد في حل الازمات و الاشتباكات القبلية ، ما تحلوه و خلاص ، و الشركات التابعة ليهو دي تبعوها لوزارة المالية ، و بكده و قبل ان ( يحدس ما حدس ) نكون حلينا مشكلة و جنبنا البلاد شر فتنة قادمة ، و انتظر اخوانك الجايين مع الحركات المسلحة عشان تكونوا مع بعض نواة قومية لقوات الشعب المسلحة السودانية ، و لا رايك شنو ؟
نلاقو قدام
عصام مانديلا
| |
|
|
|
|
|
|
|
|
|
Re: أسمع يا حميدتي من غير مجمجة! (Re: Esameldin Abdelrahman)
|
يا حميدتي !
عليك الله اقرأ أو نادي واحد من الناس القرت تأريخ و خليهو يشرح ليك كيفية نشأة الدولة العباسية ، و كيفية انهيار او نهاية الدولة العباسية ،
انت ماشي في نفس الطريق!
المشكلة انه وراك ح يكون في انهيار وطن !
اقرأ المحطات دي كويس جدا ، في الأول قالوا حميدتي الضكران الخوف الكيزان - ثم حدس ما حدس في مجزرة القيادة - بعديها انت سيد العارفين عن كل الحصل
كده عليك الله امشى اقرأ او نادي زول يكلمك عن دولة العباسيين ( مش حقت ناس عمر البشير ) بالرغم من انهم بتشابهو في المسيرة و الصيرورة ، و ح ارجع ليك بعديها
نلاقو قدام
عصام مانديلا
| |
|
|
|
|
|
|
|
|
|
Re: أسمع يا حميدتي من غير مجمجة! (Re: Esameldin Abdelrahman)
|
من صفحة جعفر السبكي بالفيسبوك
الكلام ده وصلك يا حميدتي ؟
شكاوي من المسافرين العابرين عبر طريق كاس زالنجي عند مدخل كبري النحل بمنطقة طور.
يتم ايقاف السيارات والشاحنات لفترة طويلة مع ممارسة التفتيش والابتزاز ودفع مبالغ خارج النظام المالي ودون إيصال بصورة اعادت للناس تلك الأيام التي نشطت فيها الملايش في اعتراض الطرق
وقال عدد من المواطنين أن القوة التي من المفترض أن تؤمن الطريق تحولت إلي قوة جبايات وتركت مهامها إذ مازال هناك مجموعات تمارس عمليات السلب والنهب عن طريق الدرجات البخارية المتواتر في طريق كاس زالنجي في منطقة خور رملة وشكا عدد من المواطنين أن أحد جنود الدعم السريع يسمي عبدالله يمارس ماهو أشبه بالبلطجة وقالو أن قوات الدعم السريع لها قيادة أصبحت تتلمس هموم وقضايا المواطنون ماكان لها أن تترك مثل هذا الجندي أن يعبث بسمعتها
وناشد عدد من المواطنين قيادة السلطات في ولاية وسط دارفور والدعم السريع بحسم الأمر وإزالة هذا الحاجز في منطقة كبري النحل لانه يعطل يسير المواطنين ويؤخر عبور الشاحنات المحملة بالبضائع ويدخل أصحابها في خسائر حسب وصفهم
| |
|
|
|
|
|
|
|
|
|
Re: أسمع يا حميدتي من غير مجمجة! (Re: Esameldin Abdelrahman)
|
حميدتي !
اليوم انت تمثل قوة عسكرية لها وزنها و ترتدي شعار الدولة السودانية ، و ح نرجع للماضي في صفحات قادمة ، بس اليوم الجيش التقليدي حق الحكومة اتحول لتجار و سماسرة دولار و شركات في السوق ، و كله بقوة ملابس الدولة و لكن في النجيضة بقى ما عنده اي وجود
الشيئ البحصل في بورسودان ده ، اليوم بدأ زي الجرح الصغير ، أكان ما وقفته و قدرته عليه بكرة ببقي ليك ( كرو ) ، و الشغل ده اكبر بكتير من قحت و الكيزان نفسهم ، الشغل ده في النهاية و مربط فرسه هو سد النهضة ، في دول عايزة تدمر المشروع العملاق و العظيم بتاع الجارة اثيوبيا ، و السد سيجعل من اثيوبيا احدي القوي العظمي بأفريقيا ، و في دول في الاقليم الكلام ده ما واقع ليهم ، خليك من اي كلامات تانية ، في دول من شمال افريقيا و دول في القرن الافريقي هدفها انها تخلق بلبلة في منطقة القرن الافريقي و لكن تكون بدايتها من شرق السودان ثم تتجه للقرن الافريقي ، امشي فتش عن الناس البتشتري في البيوت في كسلا من حوالي خمسة سنوات فاتت ، و شوفها هي من وين و قبيلة من وين ، و وين الامتداد الاكبر لقبائلها ، و اتحكر في الواطة دي و شختها و وقع الكلام .
نلاقو قدام
عصام مانديلا
| |
|
|
|
|
|
|
|
|
|
Re: أسمع يا حميدتي من غير مجمجة! (Re: Esameldin Abdelrahman)
|
حميدتي!
اليوم جيت عشان اقول ليك شكرا جزيلا على انك رديت لينا جزء من كرامتنا المهدرة مع الشعوب المصرية ، كونك تستقبلهم و وراك صورة حضارة وادي النيل و علم السودان بس ، في دي بس والله اثلجت صدورنا و خلي اولاد بمبا و المنبرشين لاولاد بمبا و الدخلوهم السودان عشان يستعمرونا زمان يتعلموا !
اها شفت حاجات بسبطة في قيمتها و لكن كبيرة في معناها، شيل الكلام كله و أسقطه في ممارسة الحياة السياسية اليومية ، دي الحاجات البترد الروح لهذه الشعوب السودانية الدمرتها نخبتها الفاشلة ، الوطنية ليست جعجعة في التلفزيونات و قدام الكاميرات و الصحفيين ، الوطنية قيمة و اخلاق و ممارسة، وقف كل الممارسات الخاطئة من الدعم السريع في الهامش ، و خليهم يكون عون و سند للمواطن البسيط، فهمهم انه المتغطي بتوب الحيكومة عريان ، و ده كله بدربه و رد المظالم لأهلها بدربه ، و الغلط كان زمان و لا هسع برضو يتحاسب، ، و انت قبل كده قلت للناس : ديك النقعة و ديل خيل النجعة ،
و انا بقول ديك السدرة و اهو ده الحصان !
نلاقو قدام
عصام مانديلا
| |
|
|
|
|
|
|
|
|
|
Re: أسمع يا حميدتي من غير مجمجة! (Re: Esameldin Abdelrahman)
|
حميدتي ورينا انت مع الناس ديل و لا فرزت عيشتك ؟
بيان_لجان أحياء بحري
حرية سلام وعدالة
ثورة ديسمبر الي أين ؟!
تعرضت مواكب جرد الحساب التي دعت لها تنسيقيات لجان المُقاومة بولاية الخرطوم في ذكرى توقيع الوثيقة الدستوري المعيوبة، تحت ظل مجلس الوزراء المدني وتعهد والي ولاية الخرطوم بحماية المواكب وتأمينها حتى تبلغ غاياتها الي عنف وقمع مفرض من القوات الأمنية خاصة شرطة مكافحة الشغب .
وقفت حشود الثوار أمام مجلس الوزراء في ترقب مصحوب بالعشم بمخاطبتهم من قبل رئيس الوزراء عبدالله حمدوك ، إلا ان رئاسة مجلس الوزراء أرسلت مندوبا عنها لمقابلة الجماهير والتي قابلته بالرفض المباشر، وطالبت رئيس الوزراء بالخروج ولقائهم وجها لوجه، بعدها أمطرت قوات الشرطة الحشود بالغاز المسيل للدموع، والهجوم على الثائرات والثوار بإستخدام القوة المفرطة في مواجهتهم حيث إمتدت حالات الكر والفر في شوارع الخرطوم إنتهت بإعتقال عدد كبير جدا من الثوار يقدر عددهم بحوالي 77 ثائر وثائرة مع وقوع إصابات عدة
ما أشبه الليلة بالبارحة
لقد شهدنا السلوك نفسه إبان حكم النظام البائد .!
ألا تدرك حكومة"الثورة" أن التحدي الأعظم هو تحقيق الوعود ؟!
ألا يدرك العسس أن الشعب لن يذل مرة أخرى مهما كان الثمن ؟!
إن الإنتهاك السافر لحقوقنا المدنية المنصوص عليها لن يمر وسنضع آلية للتصعيد الثوري بعد التشاور مع تنسيقيات لجان المقاومة الأخرى بالولاية
عاشت جذور الثورة متقدة
المجد والخلود لشهدائنا الكرام
الخزي والعار للقتلة المجرمين
والثورة مستمرة ومنتصرة
#الشارع_بس
#تصحيح_مسار_الثورة
#الموجة_الثورية_المفتوحة
#موكب_رد_الحساب
#مليونية17أغسطس
إعلام لجان أحياء بحري
الإثنين 17 أغسطس 2020
| |
|
|
|
|
|
|
|
|
|
Re: أسمع يا حميدتي من غير مجمجة! (Re: Esameldin Abdelrahman)
|
حميدتي ورينا انت مع الناس ديل و لا فرزت عيشتك ؟
بيان_لجان أحياء بحري
حرية سلام وعدالة
ثورة ديسمبر الي أين ؟!
تعرضت مواكب جرد الحساب التي دعت لها تنسيقيات لجان المُقاومة بولاية الخرطوم في ذكرى توقيع الوثيقة الدستوري المعيوبة، تحت ظل مجلس الوزراء المدني وتعهد والي ولاية الخرطوم بحماية المواكب وتأمينها حتى تبلغ غاياتها الي عنف وقمع مفرض من القوات الأمنية خاصة شرطة مكافحة الشغب .
وقفت حشود الثوار أمام مجلس الوزراء في ترقب مصحوب بالعشم بمخاطبتهم من قبل رئيس الوزراء عبدالله حمدوك ، إلا ان رئاسة مجلس الوزراء أرسلت مندوبا عنها لمقابلة الجماهير والتي قابلته بالرفض المباشر، وطالبت رئيس الوزراء بالخروج ولقائهم وجها لوجه، بعدها أمطرت قوات الشرطة الحشود بالغاز المسيل للدموع، والهجوم على الثائرات والثوار بإستخدام القوة المفرطة في مواجهتهم حيث إمتدت حالات الكر والفر في شوارع الخرطوم إنتهت بإعتقال عدد كبير جدا من الثوار يقدر عددهم بحوالي 77 ثائر وثائرة مع وقوع إصابات عدة
ما أشبه الليلة بالبارحة
لقد شهدنا السلوك نفسه إبان حكم النظام البائد .!
ألا تدرك حكومة"الثورة" أن التحدي الأعظم هو تحقيق الوعود ؟!
ألا يدرك العسس أن الشعب لن يذل مرة أخرى مهما كان الثمن ؟!
إن الإنتهاك السافر لحقوقنا المدنية المنصوص عليها لن يمر وسنضع آلية للتصعيد الثوري بعد التشاور مع تنسيقيات لجان المقاومة الأخرى بالولاية
عاشت جذور الثورة متقدة
المجد والخلود لشهدائنا الكرام
الخزي والعار للقتلة المجرمين
والثورة مستمرة ومنتصرة
#الشارع_بس
#تصحيح_مسار_الثورة
#الموجة_الثورية_المفتوحة
#موكب_رد_الحساب
#مليونية17أغسطس
إعلام لجان أحياء بحري
الإثنين 17 أغسطس 2020
| |
|
|
|
|
|
|
|
|
|
Re: أسمع يا حميدتي من غير مجمجة! (Re: Esameldin Abdelrahman)
|
يا حميدتي !
زي ما انت عارف أهلنا في دارفور بيقولوا ، القنطور اصله تراب ، و انت يا اخوي مهما عليت و كبرت ما بتفوت القنطور ، و نصحيتي ليك اسمع الكلام البيوجعك و خليك من كلامات كتيرة كلنا عارفينها بتصلك ، إنتبه لممارسات القوات التي تقودها ، و من غير كتر كلام و حليفة ، اتنين كان قالوا ليك اضانك مافي اهبشها ، ما تنطش الكلام البترفع هناك و هناك ، لأنه بعد شوية ح تلقى نفسك براك في مواجهة الكل ، اقرأ كويس تجربة القذافي ، كان محتكر القوة و السلاح ، و لمن نادى المنادى شفتوا و عارفين كلكم الحصل شنو ، و زي ما دول كتيرة طمعت في ليبيا لحدي ما فرتقتها، احنا برضو طمعانين فينا دول كتيرة و ح تفرتقنا ، و ببساطة شديدة ح تفرتقنا بحروب زي حقت داحس و الغبراء ديك.
يا حميدتي !
تقدر تعمل محاكمات علنية لجنودك ؟
نلاقو قدام
عصام مانديلا
| |
|
|
|
|
|
|
|
|
|
Re: أسمع يا حميدتي من غير مجمجة! (Re: Esameldin Abdelrahman)
|
كتب الاستاذ Osman Fadlalla
شكرا .. نائب رئيس مجلس السيادة ان تهتم بالاطفال المشردين، وان تفكر في انشاء منظمة تعنى بهم شمالا وجنوبا يظل السودان واحدا موحدا في آلامه وجراحه وعوز ابنائه، غير ان الناظر الى الكثير من المشاريع الإجتماعية التي تقوم بها يجدها دائما مقرونة بشخصكم، حميدتي يقرر انشاء منظمة ترعى الاطفال، حميدتي ينشئ بنك لمساعدة صغار صغار المزارعين .. الدعم السريع يقيم حفلة في مركز العزل الصحي، حميدتي، حميدتي، حميدتي، حميدتي .. ربما ينسى او يتناسى العاملين معك ان الطائرة التي ذهبت بها الى جوبا هي طائرة رئاسية او مؤجرة من القصر الجمهوري وان الفندق الذي تقيم فيه دفعت حكومة السودان نصف ثمنه وشركاء الوساطة دفعوا النصف الاخر.. فانت الآن تتحرك بصفتك نائب رئيس مجلس السيادة لا بصفتك الشخصية او بصفتك قائدا لقوات الدعم السريع .. وعملك يجب ان يتم عبر اجهزة الدولة وومؤسساتها .. ان تفكر في دعم صغار المزراعين ذلك عمل جيد وجب علينا نشد على يدك، فيه ولكن كان الاوفق ان يكون ذلك عبر البنك الزراعي السوداني ووزارة الزراعة .. لا بانشاء مؤسسة موازية لهما، وان تفكر في اطفال الشوارع تلك بادرة جيدة ولكن لدينا وزارة رعاية اجتماعية وهناك منظمات قائمة، ولها نشاط وسط هذه الفئة بل هناك دور قائمة تشكو لطوب الارض من قلة الامكانات وسوء الخدمات، يمكن دعمها وتقويتها.. لا انشاء منظمات موازية تضعف القائم وتكرس لصورة اعتقد ان مستشاريك يجهلونها او يتجاهلونها، وهي التي ساهمت في حالة الرفض لمعظم ما تقوم به وهي صورة انك رجل اتيت على ظهر مؤسسة موازية للجيش، ووصلت الى القصر الرئاسي، والان هم بهذا العمل يكرسون الى انك بتبني في دولة موازية للدولة السودانية ان كنت فعلا قلبك على هذه البلاد فلك ان تعمل من داخل مؤسساتها، وتقوى القائم منها وتقوم ذاك الذي فيه خلل .. لاندخل في النوايا ولسنا قيمين عليها غير اننا نحكم من خلال الافعال والذي يجري الان اظنه لايصب في مصلحتك كرجل دولة ولايصب في مصلحة البلد التي تبحث عن مخرج فان كان بيدك المساعدة، ادفع باتجاه ان يكون البنك الزراعي ووزارة الزراعة قبلة للمزارعين صغارا وكبارا، وادفع باتجاه ان تكون وزارة الرعاية الاجتماعية هي حضن الفئات الضعيفة، واليد الحانية التي تمسح دموعهم
وشكرا
ارقدو عافية
عصام مانديلا
| |
|
|
|
|
|
|
|
|
|
Re: أسمع يا حميدتي من غير مجمجة! (Re: Esameldin Abdelrahman)
|
يا حميدتي !
انت كلامي ده كان بدوره و لا ما بدوره برضو نقوله ليك !
ركز على التعايش السلمي بين مكونات الهامش و خاصة دارفور!
عندك اولاد اهلك شايلين بنادق الحكومة و لابسين هدوم الحكومة و شغالين عدم احترام للقانون و للمواطن ، في الشرق تلقاهم و في جنوب كردفان تلقاهم ، و في دارفور حدث و لا حرج ، اها الناس ديل لو ما جبتهم و طبقت فيهم القانون ، ح يخلقوا ليك ازمة و يدخلوا البلاد في ازمة ما ليها اول ولا اخر ، انت بتستعمل كلمة القانون دي كتير جدا لمن تتكلم ، و ده كلام جميل جدا و بيطمن الناس انه التوجه العام هو نحو دولة القانون ، بس ما يكون القانون بتاع لو سرق الضعيف اقاموا عليه الحد ، القانون ده طبقوه و خلونا نشوفه مطبق في الظالمين حقيقة مش في الضعفاء و المساكين الذين لا حول لهم و لا قوة ، و ابدأ نظف بيتك ، و خليك زول بتاع سلام و مصالحات اجتماعية ، بدايتك كانت غلط جدا و حاربت اهلك و قتلتهم عشان نخبة المركز ، جل من لا يخطئ ، و لكن الكلام ده نزله لأرض الواقع ، ما تستمر في اسلوب العنتريات و البندقية و الارهاب بتاع الكيزان داك ، الشعوب السودانية دي بقت ما بتخاف من الموت ، و ده لأنه الموت بقى كتير و الناس اتعايشت معاه خلاص ، البلد دي في يدكم الان و ده الواقع ، و خلينا من كلام النخب المركزية الدايرنك تمسك ليهم القرون و هم يحلبوا ، المرة دي السودان ده كله يحلب مع الحالبين ان شاء الله كوز موية ، و انت الان بيدك تفتح صفحة جديدة في حياتك مع الشعوب السودانية ، و خليك من كلام المنظراتية الما أكلوا خميس طويرة أو اتعالجوا بالفصيد، طرق العشر ، اللالوب المغلي ، القنقليز ، او الكي او غيره ، و ما بعرفوا و لادة الحبل ، لانه عندهم الشفخانة و الدكتور ، أبدأ بأهل الوجعة الما عرفوا من النخب المركزية غير قنابل طائرات الانتينوف و ابادات الجيش ليهم و التهجير و الصلب و الحرق ، اهل الوجعة ديل لو ركزت معاهم و راضيتهم البلد دي بكرة اقتصادها بيتصلح ، لانه ديل هم الناس البزرعوا و بحصدوا و يدينهم مشققة ، مش الافندية القاعدين لكتر الكلام و التنظير ،
نكمل في الصفحات الجايات
قيلوا عافية
عصام مانديلا
| |
|
|
|
|
|
|
|
|
|
Re: أسمع يا حميدتي من غير مجمجة! (Re: Esameldin Abdelrahman)
|
يا حميدتي !
الحاصل شنو في البلد دي ؟
و زير الخارجية الامريكي
رئيس الوزراء الاثيوبي
وزير الخارجية السعودي
وزير الخارجية الاماراتي
شخصيات مخابرات وراستخبارات غير معلنة زياراتهم
تحليلي الشخصي للكلام ده حاجة واحدة بس ، هي انهم قرروا يضحوا بيك ، و يجيبوا اخوك قائد للدعم السريع في محلك عشان يضمنوا عدم تمرد قوات الدعم السريع . انت زول مكار و نجييض و عندك طموح كبير ، هم دايرين ليهم زول يكون في سيف مسلط على رقبته ، انت اسمك ما موجود مع الناس المطلوبين للجنائية ، لكن البرهان اسمه موجود ، اعتقد انهم دايرين الزول ده يحكم ، لأنهم ح يقدروا يبتزوه زي عمر البشير و يشيلوا منه العايزينه، حاجة تانية ما اعتقد انه في اجماع عالمي الشئ الممكن يطلع بيه حوبا ، لأنه ح يعيد تشكيل خارطة التحالفات و شكل الدولة السودانية ، و عنده تأثيره الكبير على الجارة تشاد، و ما تنسى الشيئ القاعد يحصل اليومين دي في طرابلس .
كتحليل شخصي قياسا بتجارب كثيرة حول العالم ، هم شايفين انه انت دورك انتهي خلاص ، و بعد شوية ح تكون مشكلة كبيرة بالنسبة ليهم و لدول المنطقة ، عشان كده ما ح يخلوك.
#الله يكضب الشينة
كان حيين حدو نلاقو بس
عصام مانديلا
| |
|
|
|
|
|
|
|
|
|
Re: أسمع يا حميدتي من غير مجمجة! (Re: Esameldin Abdelrahman)
|
يا حميدتي!
اليوم طلعت اشاعة انه سمموك في جوبا ، نصحيتي ليك أطلق استخباراتك لحدي ما يجيبو ليك الزول الطلع الاشاعة دي ، دي ما اشاعة اطلقها واحد عشان يتونس و لا يخلق بلبلة و خلاص ، الطلع الاشاعة دي عنده ارتباطات تانية و جذورها بعيدة جدا مع اطراف هي التي أملت عليه لأن يخرج هذه الإشاعة ، و هذه ببساطة اسمها مؤشر لقياس توجهات الرأي العام و ردة فعله ان حدث و ان تم تسميمك ده من ناحية ، و من ناحية تانية محاولة خلق حالة التعايش مع الخبر ان حدث ذلك لتفادي ردات الفعل العفوية ، لهذا أعتقد انه تم اطلاق هذه الاشاعة و ستكرر بما يشبه بقصة محمود الكذاب ، او كما تعارفنا عليها بقصة هجم النمر.
و موضوع اليوم التاني ، و بلغة الشارع السوداني ، الجميع يعلم انه جاز البرهان عندك ، الزول ده سببه شنو قام يعيط كده ، و كمان شغال فينا بمثل اهلنا في دارفور : ( انفخ و لو حملك ريش ) ، بس انا بقول ليهو زي ما بقولوا برضو اهلنا في دارفور :( الفي خرقه عويش ما بنط النار )، اخير ليهو يقعد في واطة الله ، و انت كمان عليك الله ما تعمل فيها زي الصينين ، رامي سنارتك و حارس الجثة تمر ، الزول ده اديهو راسه و قعده في علبه ، و انت عارف تماما انه لاعب لي دكها و هو و الناس المحرشاه خايفين من جية مني اركو مناوي و جيش الحركة ، لأنه معناها انه خط الدفاع و الهجوم اتزبط تمام التمام ، و ما ح يقدروا يستفردوا بيك على الاطلاق ، و تاني مافي حاجة اسمها انقلاب و انتهت الفوضي بتاعة نخب المركز ديل للأبد.
كان حيين حدو نلاقو بس
عصام مانديلا
| |
|
|
|
|
|
|
|
|
|
Re: أسمع يا حميدتي من غير مجمجة! (Re: Esameldin Abdelrahman)
|
يا حميدتي !
إستلمت رسالة كسلا و الشرق عامة و لا لسة ؟
لقد دخلت خطة المركز و الدولة العميقة ( وجهان لذات العملة ) المرحلة الثانية و هي التي تسبق هد المعبد على من فيه ، لا ادري كم ستكون مدتها ، و لكن اعتقد انها مرهونة بسرعة تنفيذها و المساحة التي يمكن ان يمتد اليها انتشار الحريق ، القضية الآن ليست مدنية او عسكرية بل ان هناك وطن في مهب الريح ، هل يمكن ان يخلع الكل بزاتهم و يرتدون عباءة الوطن لإنقاذه ؟
كان حيين حدو نلاقو بس
عصام مانديلا
| |
|
|
|
|
|
|
|
|
|
Re: أسمع يا حميدتي من غير مجمجة! (Re: Esameldin Abdelrahman)
|
يا حميدتي!
ما داير اكتر ليك النضم زي حق الافندية ، و ما عندهم اي انتاج غير نضميهم ده . أها شفت الافندية ديل هم اساس الجلابة الكلمتك عنهم في البوست السابق ، و ما عندهم اي هم غير انهم يستمروا ينهبوا في البلد دي ، و يتحكموا في العباد بأي طريقة، و في كل مرة مركبين مكنة جديدة ، و واحدة من أسوأ الخطط المتابعينها الآن و زي ما كلمتني واحدة ( سرك ) من السودان ، وقعوا عرس في وليدات عمك ، و ده في السياسة بسموه محاولة اعادة انتاج لأبناء عمومتك و تدجين لهم ، و ده كان سلاح فعال جدا تم استخدامه بشكل واسع في مرحلة من مراحل التأريخ السوداني ، و تم فيها تدجين الكثيرين من قيادات الهامش الذين ظهروا مطالبين بحقوق اهلهم ، و حتى الكيزان السقطوا اول امس ديل كانوا بيستخدموا المصاهرة كواحدة من الأسلحة في ادارة صراعاتهم.
البلد دي و زي ما انت عارف اكتر ناس مساهمين في اقتصادها هم الناس المساكين الما ليهم اي علاقة بالسياسة ، تربالي ، مزارع ، راعي ، عامل و موظف مهما كانت درجته الوظيفية ، دي ياها الناس الموجوعة و المسحوقة و شايلة البلد على اكتافها .
أما الجلابة البمصوا في عرق الناس ديل و دمهم ، آن الاوان عشان يعرفوا انه البلد دي حقت الشعوب السودانية دي كلها ، و الكل ليهو الحق في العيشة الكريمة و في الصحة و التعليم . و زي ما قلت ليك في بوست سابق لو عاوز تتصالح مع الشعوب السودانية الكريمة دي ، اهتم جدا بالشرائح دي ، و اهتمامك بالشرائح دي ح يوصلك للاهتمام بالهامش السوداني ، لأنه القطاع الاكبر لهذه الشرائح موجود في الهامش السوداني ، و الهامش ده فيه قوة و نهضة الدولة السودانية ، لأنه فيه قوي تحريك الاقتصاد ، و الناس ديل عايزين المدينة تجيهم ، و ما عتدهم اي رغبة انهم يمشوا ليها.
اها الشيئ الحصل في جوبا دي ، خطوة مهمة جدا و مدخل للوصول للناس المحتاجة فعلا لجبر الضرر، لازم يكون التركيز في البناء و الاندماج المجتمعي زي ما كان زمان قبل ما يجوا الكيزان و يشلعوا البلد دي ، دارفور براها فيها مئات القبائل و الكيانات الاجتماعية ، الناس تركز في انها تجيب الزول البعمر و ببني ، مش تقعد تضيع زمن في قبيلته ، و خشم بيته ، و لونه و دينه ، كل التفاصيل دي مضيعة للزمن و للاندماج المجتمعي .
تعرف يا حميدتي ، دارفور دي لو استقرت ح يستقر كل السودان ، و ح يتحول قطاع كبير جدا من الشعوب السودانية الي قطاعات منتجة بدلا عن انها اجبرت عشان تكون مستهلكة ، و من غير حليفة ، بعديها مافي زول ح يكون عايز الدولار الكل يوم جاري لقدام ده ، و ح يرجع براهو يقع زي قون العروس الزمان داك .
كان حيين حدو نلاقو بس
عصام مانديلا
| |
|
|
|
|
|
|
|
|
|
Re: أسمع يا حميدتي من غير مجمجة! (Re: Esameldin Abdelrahman)
|
يا حميدتي!
هناك أسئلة كثيرة يضج بها الشارع السوداني حول كثير من الاحداث التي تجري على الساحة السياسية ، سؤال مباشر أعلم انه لا مجال لأن تجيب عليه مباشرة و لكن لا عليك ، سؤالي هو : هل ما يحدث الان هو ثورة ام هبوط ناعم ؟ مش قلت زمن الغتغتة و الدسديس انتهى ، يلا جاوبنا بصراحة !
الشغلة دي و الطريقة الماشة بيها الامور شكلها في النهاية ح يكون ديك المسلمية بتاعها هو الحزب الشيوعي ، غايتو كل الشواهد بتقول كده .
كان حيين حدو نلاقو بس
عصام مانديلا
| |
|
|
|
|
|
|
|
|
|
Re: أسمع يا حميدتي من غير مجمجة! (Re: Esameldin Abdelrahman)
|
يا حميدتي !
لا أحتاج لأن اذكرك ان موعد المواجهة قد حان !
عليك الاختيار ، اما مواجهة الشعوب السودانية او مواجهة المركز و دولة الكيزان فهما وجهان لعملة واحدة كما أسلفت !
تقترب حياة الشعوب السودانية من الضنك الآن ، جميعنا يعلم انها بفعل فاعل ، و لكن لا يهم الفاعل ان تعود الحركة الاسلامية للسلطة بقدر ما انه مهتم ببقاء المركز في قمة الهرم السلطوي ، و اذا لم يكن. لك كذلك ، فبماذا تفسر لقاء حمدوك بعبدالعزيز الحلو غداة شهادتكم على التوقيع بالاحرف الاولى على اتفاقية السلام بجوبا ؟ لماذا وقع الحزب الشيوعي في ذات الاسبوع مذكرة تفاهم مع عبدالعزيز الحلو ؟ هل انتبه فجأة او ادرك صدفة ان هناك حرب و ابادة في جبال النوبة ؟
يا حميدتي !
كتر المجمجة و اللف و الود ان ما بنفع ، كيزان و لا مركز عيال ام قطينة دنقرهم واحد ، الشعوب السودانية دي كلها عارفة انك ( المرق ) ( بكسر الميم و الراء ) المثبت الفترة الانتقالية ، و خلونا نكون واضحين و صريحين لو زحيت كان الكيزان و النخبة المركزية اكلوا الشعوب السودانية دي ضحى و شربوا دمهم ، عشان كده بطريقة مباشرة او غير مباشرة انت مسئول عن الشيئ الحاصل ده و التعب البقو في المعيشة دي ، ما تضيع زمن ، بكرة دي قوم لم الكيزان الخانقين اقتصاد البلد دي و كبهم في السجون ، وديهم شالا و نيالا و خلي الدعم السريع هو اللي يحرسهم ، و ح تشوف براك النتيجة ، والله يدسوا كلهم و تاني ما يتلاعب و لا واحد منهم بمعيشة الناس ، و لو ما عملت كده بكرة القريبة دي لمن الناس دي تجوع و تصل مرحلة انه الموت غندها يساوي الحياة ح تلقاهم كلهم بكرة في الشارع و معاهم ناس كتار عاملين فيها مساندك الآن ، و كل واحد منهم سكينه بره و عايزه يرمي التور بكتر سكاكينهم ، عشان كده نصحيتي ليك واجه الكيزان و النخب المركزية ، ح تلقى كل الشعوب السودانية دي معاك و مؤيده لخطواتك ، و عليك الله بالمرة قول لبرهان بطل العوارة البتعمل فيها دي ، مرة داير تفويض ، و مرة جايب ناس التيجاني سيسى و المرتزقة المعاهو ، غايتو سبحان من يحيي العظام و هي رميم .
كان حيين حدو نلاقو بس
عصام مانديلا
| |
|
|
|
|
|
|
|
|
|
Re: أسمع يا حميدتي من غير مجمجة! (Re: Esameldin Abdelrahman)
|
يا حميدتي !
شايف الشعوب السودانية دي فرحانة كيف بحكاية تجار العملة المسكتوهم ديل ؟ و لسه ما اتحاكم واحد فيهم قالوا الدولار نزل في السوق ، كويس جدا كخطوة اولية ، و لكن صراحة ده ما الشغل اللي ح يبني البلد دي ، لابد من الحلول الفنية بعيدا عن الحلول الامنية ، وين ناس الاقتصاد ؟ و ين الدراسات الاقتصادية ؟ وين القدرات السودانية البنت كل العالم العربي ؟ جيبوا الناس ديل ، اخنا شعب مدمن الاضواء ، اليوم حمدوك حسب تخصصه الاكاديمي مفروض يكون وزير مش رئيس وزراء ، و ربما كان سيكون في الاضواء اكثر من الان و لربما كانت مساهمته في بناء السودان اكبر من الان ، كده خلينا نمسك الشغلانية واحدة واحدة و نرجع لتجار العملة ديل ، تعرف ديل مش ناس عايزة تخرب الاقتصاد ولا حاجة ، دي ناس عايزة تكسب بسرعة و خلاص ، الزراعة اتدمرت و تكاليفها عالية جدا و المعدات المستخدمة برضو قديمة خالص ، معظم اهالي الجزيرة ( وهم المسيطرين على تجارة العملة بشك اكبر من غيرهم ) تركوا الزراعة و المساهمة الحقيقية في دعم الافتصاد السوداني و اتحولوا الاقتصاد الاستهلاك ، وده مش بإرادتهم او رغبتهم ، الحكومات المرت في البلد دي كان كل همها هو تدمير السودان ، و على مسئوليتي اكتر حزبين دمروا السودان هم الشيوعيون و الكيزان ، الشيوعيين معارضتهم كانت كلها تدمير من زمن نميري ، ارجع للسكة حديد ، محطات الكهرباء و بعض المصانع الكانت موجودة ساهم الشيوعيين في تدميرها بحجة معارضتهم لنميري ، و من الناحية التانية كان الكيزان بيدمروا في الاقتصاد لحدي سنة 1983م بحجة معارضتهم لنميري برضو ، و في النهاية موضوعهم الاتنين موضوع سلطة و بس ، مافي منطق يسمح بتدمير الدولة و اقتصادها بحجة معارضة النظام القائم ، و عشان تعرف انه الاتنين ممكن برضو يشتركوا مع بعض في ممارسة السلطة نلقى الشيوعيين اتصالحوا مع الكيزان و شاركوهم السلطة ، عشان كده برضو مسئولين عن جزء من الدمار الذي حدث بالسودان في ثلاثين سنة من حكم الكيزان ، و موضوع مشاركتهم للكيزان ده موضوع تاني و بفهم تاني ، موضوع ما فيهو سياسة و لا حاجة .
لو رجعنا لتجار العملة ديل ، تعرف لو رجعتوا مشروع الجزيرة لدائرة الانتاج ، غير دعمه المباشر للاقتصاد السوداني ، ح يوفر فرص عمل كتيرة جدا جدا و ح تزدهر التجارة بشكل كبير ، و ممكن تتطور برضو بعض الصناعات الصغيرة ايضا ، عشان كدة نصحيتي ليك ما تابع الافرازات عشان تعالجها ، ركز على جذور الازمات و اسبابها ثم عالجها ، و لكن معالجة الافرازات لا يقضي على الازمة ، و لابد من سن القوانين و التشريعات و من ثم تطبيقها و حمياتها بقوة القانون، و عليك الله فكروا في اقامة مشاريع يشتغلوا فيها الشباب بدل بيع العدة ، المساويك ، الموية ، .... جنب الجامع الكبير.
كان حيين حدو نلاقو بس
عصام مانديلا
| |
|
|
|
|
|
|
|
|
|
Re: أسمع يا حميدتي من غير مجمجة! (Re: Esameldin Abdelrahman)
|
يا حميدتي !
جميل جدا مساهمتك في البناء والاعمار و تخفيف الاضرار التي حاقت بمنكوبي الفيضانات ، السيول و الامطار ، و لكن ما ليس جميل هو ان يأتي ذلك عبر بوابة لا تزال تعتقد في ملكيتها الابدية للدولة السودانية و شعوب السودان قاطبة ، علمت ان هناك بعض المنظمات التي ترعاها شخصيا و تهتم بمثل هذه القضايا ، اذن مالداعي للمشاركة في عمل هدفه سياسي اكثر من كونه انساني ؟، هذا من ناحية ، و من ناحية اخرى لماذا لا تقدم ذات الفعل لضحايا النزوح الداخلي في ربوع السودان كافة و دارفور خاصة حنى تكتمل حلقة العمل الطوعي و الانساني الذي تتبناه.
ان المواطن السوداني اينما كان يستحق رعاية و اهتمام الدولة و قادتها ، و اخص حوجة نازحي دارفور لهكذا اهتمام و تحديدا منك انت ، و ذلك لأنك كنت ضلع مهم جدا في اسباب نزوحهم علاوة على ان مجتمعات دارفور بحاجة ماسة للتصالح و تجاوز المرارات ، و ربما تكون مثل هذه الاعمال مدخل جيد لذلك ، خاصة و ان البلاد تتنسم عبير السلام و تستعد للانتقال لمرحلة جديدة ( و هذا في حالة قدر لها ذلك و كف الله عنها شر الكيزان و الجلابة ، و الجلابة الذين اعنيهم قدمت شرح من هم في بوست سابق ) ، هذه المرحلة الجديدة عنوانها تقدم الهامش لموقع الفاعل و خروجه عن دائرة المفعول به ، فلتتواثق كل الاطراف على عدم الغدر و الخيانة و المضي قدما في تطبيق الاتفاقية مهما كان ثمن ذلك التطبيق ، لان نتيجته النهائية هي حقن الدماء و نمو و تطور و ازدهار الهامش السوداني ، و عليكم الادراك جيدا و الانتباه و تفويت كل محاولات الوقيعة بين اطراف عمليات السلام .
كان حيين حدو نلاقو بس
عصام مانديلا
| |
|
|
|
|
|
|
|
|
|
Re: أسمع يا حميدتي من غير مجمجة! (Re: Esameldin Abdelrahman)
|
يا حميدتي !
تمام جدا جدا الكرت الزغت بهو من شوبش الاميرة ، انت زاتك البوديك بهناك شنو ؟ تاني نرجع نملأ الاباريق و نتمسح بغبار العربات و لا شنو يعني ؟ يا جماعة ما تمرقونا من التكية دي عليكم الله ، من الله خلقكم في الدنيا دي شفتوا ليكم زول مقتنع انه خلقوه عشان يحكم و بس ! عمره ما عرق و لا يوم ، و لا اشتغل موظف ، يمسكوه ورق قافل بجوكرين ، و بعد ده برضو بيجروه خمسين ، و مرات تانية الجماعة كلهم مباصين و زميله مسمي ليهو مربوطة بورق تسعة طويلة ، و بعد ده يسنفكوه في قبوله .
يا حميدتي عليك الله انسي الموضوع ده و ركز في الاهم ، انت لازم تفكر كيف تصالح دنقرك ، و الرجال دناقر ما كبر عناقر ، شوف انت وين غلطت و امشي راضي الناس دي كلها ، و كده عليك الله اعمل حاجة واحدة في دارفور دي ، و اقترح عليك جمعية زراعية ، ما بتكلفك اي حاجة غير شوية تركترات و زراعات و حصادات و تعين عليها ناس مسئولة بمعني الكلمة ، كل شغلتها انها تمشي تحرت ، و بعدها تزرع و تاني ترجع وقت الحصاد ، اتفقوا مع المزراعين بنسبة من الانتاج ، و في نفس الوقت ممكن الجمعية دي تزرع مناطق للرعي المنظم للرحل عشان نخلص للأبد من من حكاية الاحتكاكات البتحصل لمن الرحل يمروا بمناطق الزراعة ، بكرة القريبة دي قرى دارفور دي كلها بتتعمر ، و من النقطة دي يبدأ تطوير الخدمات من تعليم و صحة و طرق عشان الانتاج ده كله يصل لمناطق الاستهلاك و يتصدر كمان . هناك في جبل مرة اعمل مصنع بتاع تعليب فواكه و معاه مصنع بتاع علب التعبئة ، تعالوا شوية الخواجات ديل زرعوا الحجر و لو محتاجين في الناس البوصلوكم محل لبن الطير ، شغلانية بالنسبة ليك بتكلف ملاليم ، لكن شوف تكون وفرت كم وظيفة و اعانت كم اسرة ، تعرف بالمشروعين ديل بس ممكن تساهم في رفع اقتصاد السودان بمستوى لا تتوقعه ، كده عليك الله ركز في الحاجات دي ، و ركز في الوليد الجاي ده ، الوليد الاسمه السلام ده ، في ناس مستعدة تعمل اي حاجة عشان ما يمشي لقدام حتى لو كان التمن راسك ،خليك من تركيزك مع الناس البتقيف مع الواقف بس و كل همها انها تركب في اي حكومة ، مدنية و لا عسكرية ما مهم ، المهم عندهم انهم يدخلوا بأكتر من صرفة ، ياخي تقول البلد دي واقعة ليهم في كرتلة؟.
كان حيين حدو نلاقو بس
عصام مانديلا
| |
|
|
|
|
|
|
|
|
|
Re: أسمع يا حميدتي من غير مجمجة! (Re: Esameldin Abdelrahman)
|
يا حميدتي !
من غير مجمجة ولف و دوران ، الجلابة الاتكلمت عنهم في بوست سابق و حسب الاخبار المتداولة عشان يقطعوا الطريق و يعودوا للسلطة ح يعملوا فوضى في اماكن متفرقة و تتزامن كلها مع بعض ، و ح تكون الفوضى دي بنفس شعارات الثورة و لكنهم سيستفيدون من البسطاء و المساكين للتغرير بهم في هذا الاتجاه ، هذا ما تتحدث عنه الاوساط و اكيد انت ما فايت عليك ، و لكن حذار من الاطمئنان لناس فلان ديلك ، الناس ديل بالليل صحنهم واحد و قارنين روسينهم ، و الكلام كله في القندول الشنقل ليهم الريكة ، اللي هو حميدتي ، و يا حميدتي خليك من كلام الافندية الماجايب راسماله ده ، و عليك بالغبش و المساكين ، ديل هم الناس المحتاجين مساعدة ، لا عايزين سلطة و لا سلطان ، ناس همها كله رغيفة و كرامة ، خليها تعيش كريمة و تاكل لقمتها بحلال عرق جبينها ، و اقرع منهم وليدات الدعم السريع ديل ، و علمهم انه الرجالة ما بندقية ، الرجالة اخلاق ، ادب ، ذوق ، مساعدة الناس و التودد لهم ، مش كل واحد شايل ليهو بندقية معناها ارجل من الناس العزل ، و المتغطي بتوب السلطة عريان .
ناس الانقاذ القافلنهم ديل و بياكلوا و بيشربوا على حساب الشعوب السودانية ، لمن كانوا في الحكومة مصوا دم الشعوب السودانية و طلعوا عينها ، هسع هم في السجن برضو الشعوب السودانية هي الدافعة اكلهم و كهربتهم و علاجهم ، ياخي المطلوب في لاهاي قايضوه طوالي ان شاء الله بعجلة ، و الما مطلوب ودوه المشاريع ، خليهم يمشوا يشتغلوا في المشاريع الزراعية زي ما كانت يتعمل زمان ادارة السجون ، منها يطلعوا مصاريف سجنهم من اكل و كهرباء و منها يعرفوا كيف كانت بتعاني الشعوب السودانية منهم .
كان حيين حدوا نلاقو بس
عصام مانديلا
| |
|
|
|
|
|
|
|
|
|
Re: أسمع يا حميدتي من غير مجمجة! (Re: Esameldin Abdelrahman)
|
يا حميدتي !
اها جاتك النجيضة لحدي عندك !
بنسودا و جات سلمت عليك !
وصلتك الرسالة و لا لسه ؟
مش كده و بس حرست مسيرة الكيزان عشان تشوف حجمهم الحقيقي ، و العوارة ما تخليهم قاموا كشفوا عورتهم قدامها و لقوا نفسهم اقل من الفين نفر !
الناس ديل يا حميدتي لو قمت لقطت منهم القريشات الخانقين بيها السوق دي ، بعداك والله الا يرفعوهم ضنب ( مستعدين للترجمة لغير الناطقين بها )،
رسالة بنسودا بسيطة جدا و مباشرة ، الطيارة جاهزة و ما عليك الا تجهز الطرد، و بكدة ح تكون ساهمت حقيقة في استقرار البلد دي .
بخصوص ناس كسلا ، كده رسل ناس الاستخبارات و شرط تكون واثق منهم ، و انتظر خبرهم ، ح تلقى ناس الامن متورطين مع مخابرات دولة جارة
و عاملين الشغل ده كله و بتنسيق مع الكيزان كمان ، عشان كدة استمع جيدا لرسالة بنسودا و ربنا يسهل عليهم و علينا يمهل .
كان حيين حدوا نلاقو بس
عصام مانديلا
| |
|
|
|
|
|
|
|
|
|
Re: أسمع يا حميدتي من غير مجمجة! (Re: Esameldin Abdelrahman)
|
واهم من ظن أن إتفاقية جوبا ستحقق السلام , بل هي إعلان حرب !
بقدر مشقة الرحلة كان المخاض العسر!
لم تكن مسيرة النضال سهلة أو الثبات على المبادي أمر يسير طيلة هذه السنوات التي خلت , و لكن كان الإيمان بالمبادئ و االأهداف العامة التي تم العمل من أجلها خير معين على الصبر و تحمل الأذى , حتى وصلت الثورة بأهدافها إلى المحطة التي تقف عليها اليوم .
في الوقت الذي يسابقكم فيه شوقي و حنيني للوطن , و أنتم تحزمون فيه حقائبكم إستعدادا لرحلة العودة للوطن العريض , أود أن أسجل بعض خربشات على جدار القضية التي كان مهرها آلاف الشهداء , دماء المدنيين العزل تحت قنابل الأنتينوف و دموع النساء و الأطفال و النازحين و اللاجئين , إذ كان كلما زاد الجلاد في قسوته زاد الإيمان بعدالة القضية و نبل المقصد , لذا كانت كل الكبائر صغائر يتم تجاوزها مع تحمل كافة صنوف أذاها حتى وصول القطار إلى محطة البداية هذه .
واهم من ظن أن إتفاقية جوبا ستحقق السلام , بل هي إعلان حرب ! , إنها إعلان حرب على السودان القديم و دولة القبيلة التي ظل يتقاسمها أحمد و حاج أحمد منذ صبيحة الأول من يناير من العام 1956م , إنها إعلان حرب على السودان الذي لم يعرف هامشه من مركزه إلا الموت و الحرق و الإغتصاب , إعلان حرب على السودان الذي إحتكر السلطة و الثروة و سجن كل الشعوب السودانية في ثقافة آحادية إستعلى بها على ثقافات الشعوب السودانية الأخرى , فكان هناك إبن البلد الذي ( يقعد و يقوم على كيفه ) و تخر له الجبابر صاغرينا , بينما كان على ذلك الآخر الذي أنجبته مريم الأخرى قطار و حقيبة أن يرتحل عبر الموانئ أو أن يعيش غريبا و مغربا في موطنه .
إن إتفاقية جوبا ليست للسلام الذي يريده و يرغب فيه المركز , ممثلا في نخبه الفاشلة التي تقود السودان منذ ( الإستغلال ) , كل الإتفاقيات التي وقعها الهامش مع تلك النخب الفاشلة طيلة سنوات رحلته في البحث عن السلام منذ أول تمرد عرفه رفضا للظلم و الإقصاء الممنهج الذي صاحب عمليات السودنة , , كانت تلك الإتفاقيات لا تخرج به عن كونه يصبح جزء من كل , عبر تمثيل لا يتخطى الترميز التضليلي , بينما اليوم تضع إتفاقية جوبا الهامش في موضع المشارك عبر تقاسم حقيقي للسلطة و الثروة , و هنا مكمن حنق تلك النخب على هذه الإتفاقية التي ستجعل من تأريخ السودان الدائري مستقيما لصالح الشعوب التي كانت مستضعفة فيه .
يمثل اليوم الأحد 15/11/2020 م منعطفا تأريخيا مهما , و ضربة بداية إيذانا بميلاد السودان الذي ستتوفر فيه كل أسباب العدالة و المساواة , و ستنتفى فيه أسباب الإحتراب بين بنيه بإختلاف ثقافاتهم , سحناتهم و أعراقهم , هذا الميلاد الذي ستنطلق صرخته الأولى بوصول قيادات ثورة الهامش إلى أرض الوطن , و يتقدمهم القائد مني أركو مناوي , رئيس و قائد حركة/جيش تحرير السودان , و التي قدمت بمفردها ما يربو عن العشرة آلاف شهيد لأجل هذا العرس الذي ستنتصب صواناته اليوم , إنه اليوم الذي ستسقط فيه دولة القبيلة للأبد ليقوم محلها دولة للسودانيين جميعا , حيث سيكون تنوعها الفكري , الثقافي و الإثني مصدر فخرها , عزها و قوتها .
إن مشروع التحرير العريض الذي آمنت به, و قاتلت من أجله , و تبشر به حركة / جيش تحرير السودان , يقوم قولا و ممارسة على ثقافة أن السودان وطن للجميع بإختلاف ثقافات , أديان و أعراق بنيه , و هي أدبيات تهزم البروتوكولات الغير مكتوبة و التي شكلت أساس للتحالفات القبلية للنخب الفاشلة التي ظلت تتحكم في الدولة السودانية حتى الأمس القريب .
تمثل محاولة إثارة الرأي العام على إتفاقية جوبا , محاولات يائسة للعودة بالسودان إلى مربعات كان يقوم فيها المركز بتأليب و تسليح بعض من مكونات الهامش لتقتتل فيما بينها , تارة بحجة الهوية و العرق , و اخرى بحجة الدين و الثقافة, و لكن ها هو الهامش اليوم يرفض بأن يكون المقتول حينا و الرهينة , ليخرج ماردا من قمقمه بهدف تفكيك دولة المركز الظالمة لصالح شعوب السودان قاطبة , و من المؤكد بأنه لن يمارس الظلم , القبلية أو الجهوية من تجرع علقمهم و خرج مقاتلا لكل ذلك.
يمثل اليوم الأحد 15/11/2020 م نقلة نوعية و بداية نضال آخر, نضال تظل فيه دائما التاتشر و الدوشكا صمام الأمان لعموم الوطن , إنه نضال تكون رصاصته الكلمة التي تقوم و لا تقتل , الكلمة التي تخاطب العقل و الفكر و تقف عند خط التساوي في الحقوق و الواجبات , و يمثل هذا اليوم إنتقال لميدان المعركة من الهامش إلى قلب المركز , على أمل أن تكون معركة خالية من أزيز الطائرات , هدير المدافع , قعقعة البنادق و رائحة الدم , إنها معركة تحرير الإنسان فكريا من موبقات السودان القديم عبر الجدال الفكري بالتي هي أحسن و اقوم , يقودها فتية من حركة/جيش تحرير السودان , آمنوا بمشروع التحرير العريض و بأن السودان وطن للجميع .
عصام الحاج – مانديلا
15/11/2020 م
| |
|
|
|
|
|
|
| |
محمد البشرى الخضر
سيف النصر محي الدين
Sediq Hamad
HAIDER ALZAIN
فيس بوك
تويتر
انستقرام
يوتيوب
بنتيريست