|
Re: أريحية سعودية ساطعة (Re: HAIDER ALZAIN)
|
سلام يا حيضر للأسف شالو الدعم سلموهو لجماعتهم الوهابية في السودان و هذه اسوأ و اوسخ جماعة على وجه الأرض جزء كبير من المساعدات دخل السوق و جزء كان للشو فقط امشي تلقاهو في سوق ليبيا حتى العجوة ما سلمت من البيع
| |
|
|
|
|
|
|
Re: أريحية سعودية ساطعة (Re: خضر الطيب)
|
وعليـكم السلام ورحمة الله وبركاته حبيبنا خدركة ..
انما الاعمال بالنيـات ..؛)
المهم الشكر لحكومات جلالة المملكة المتعاقبة على تلطفها وفضلها وإحسانها لهذا الشعب الفقيــر جدا ..!
مودتي
| |
|
|
|
|
|
|
Re: أريحية سعودية (Re: نعمات عماد)
|
شوف الوعي البائس الدول دي تنهب السودان مع البشير ثلاثين سنة ذهب وماشية واراضي ومستمرة ومستمرة وتستخدم جنود سودانيين في حروبها القذرة لصالح البنك الدولي والمشروع الامريكي المدمر برضو قاعدين في رسانا ناس شحادين وساقطين لحدي هسة 2020 وما شافين في العالم غير مصر والسعودية والامارات وقطر والبحرين وسادسهم كلبهم تركيا ونفس عقن الانقاذ لحدي فضحكم ابراهيم منعم منصور يا وش النحس يا خدم العرب وزير المالية قال الذهب بنبيعو عشان نشتري السلع الضرورية ذى القمح طيب القمح السادي في الجزيرة وفي الشمالية ده بمشي وين هذه الدولة الستة نهبت اراضي السودان والامر ده موثق تماما قحت والمعفن مدني عباس مدني يغطي علي النهب ده انت الشرمطة عليك شنو مش قلنا نمشي الصين تعمل مجرى يشطف الموية ونقايضا بي الذهب رجعت لي الشحدة مالك والولولة مش قلنا ليك الشعور بالدونية المتاصل ده ومشكلة عديل
| |
|
|
|
|
|
|
Re: أريحية سعودية (Re: adil amin)
|
جقود ..
انا طاردك من بوستي دا لعدة اسباب ..
اولاً انت بتشجع الحوثيين اعداء شعب المملكة الطية .. ثانيـاً .. انت لا تحترم ملك الانسانية خادم الحرمين الشريفين طال عمره
ثالثاً .. السودان وبحسب كلام العجز المنقعر اعلاه فقيـر وفي حوجة مآسة لمعونة مملكة الانسانية .. فكلامك دا بيطفش مننا المعونات والدعم الاستراتيجي ..
رابعاً .. الدول كلها ختت لينا شئ في القكورية او القرعة حقتنا هسه الا الصيـن الإنتهازيـة ..
خامساً .. ما قاعد تقول شكرا حمدوك .. ومن لا يشكر الناس لا يشكر الله ؛)
| |
|
|
|
|
|
|
Re: أريحية سعودية (Re: HAIDER ALZAIN)
|
حبيبنا حيدر .. تحياتي يا جميل .. السعودية في الخاطر
حيدر الحبيب هذه السطور هي لأخي الاصغر محمد عبدالوهاب اغترب لفترة في الرياض ورجع الى الوطن قبل سنوات رغم أنه عانى من الكفيل وغيرها من المشاكل لم أكن أتوقع أنه يحمل كل هذا الود والتسامح
المقال منقول من (( قروب رابطة ابناء دنقلا ))
بعد ان غادرت غربتي في نجد و حاضرتها الرياض مازال بعض الجمال قابع في خاطري و يأبي ان يغادر.. العبد الفقير الى الله لم يستمتع بالريال والدراهم لكن حبي لمدينة الرياض و فعاليتها الثقافية والرياضية انستي الركض وراء الدراهم و الكفيل.. كانت تابلوهات محيسن الجمعان عراب متوسط ميدان الكرة السعودية في مباريات محبوبي نادي النصر تمتعني اكثر من ان اجدد اقامتي و ان اتلصص على كتابات د..تركي الحمد و الرائعة جهير المساعد في صحيفة الرياض في اعدادها القديمة التي ترمى خارج الفلل كان متعة فكري .. احببت تلك الديار لزخمها الثقافي روايات تنشر و دراما تخرج و حياة ابداعية متجددة لكل مبدعيها.. كانت رياض الخير تغتسل شوارعها عند كل اصباح فجر جديد و تفرهد شجيراتها و تتفتح ازاهرها على حواف الطرق في شارع العليا العام وطريق الملك فهد و شارع العروبة و التحلية و تضج حواري الناصرية و المعذر والجرادية بالحياة و الإلفة في ازقاتها الحميمة... غادرتها و في الحلق غصة من فراق اصدقاء اعزة من اهل تلم الديار لن انسى ما خييت الخلوق ثامر القرني و لا عدوي الودود سلطان العمري و لا ماجد العويد الذي كان يهددني بالإبلاغ عني لدي شرطة الجوازات لما يعلمه مسبقا بأن بطاقة اقامتي غير مجددة. لن ينمحي من خاطري حي العريجاء معقل ناديي الهلال و النصر و لا تناوش جماهيرهم البرئ.. ما كل شئ في الغربة سيئ لمن يدرك الجمال والحب اينما حل .. رياض الخير ربي احرسها واهلها إني تنعمت فيها واخببت اهلها..
محمد عبد الوهاب عثمان َمكاوي
| |
|
|
|
|
|
|
Re: أريحية سعودية (Re: علي عبدالوهاب عثمان)
|
الحبيب علي عبدالوهاب ..
سلامات وشكراً لك والشكر للاستاذ محمد عبد الوهاب الاشركنا بخواطـره وشعوره الجميل تجاه الريـاض وشعب المملكة.. وزي ما بيقولوا البلد بي ناسها .. وشكله محمد اخوك اتوفق في ناس حلوين من شعوب الرياض..
له التحية والتجلة والتوفيق ..
| |
|
|
|
|
|
|
Re: أريحية سعودية (Re: adil amin)
|
Quote: Atif Omer Mohamed Ali وشكله محمد اخوك اتوفق في ناس حلوين من شعوب الرياض! ........ هههههههههههههه دا شنو يا حيدرا! ذم في قالب مدح ولا شنو؟ أعجبني · رد · يوم واحد المكون الإضافي للتعليقات من فيسبوك |
هههههههههه
خليها على الله بس يا شيخهم ..الرياض دي فيها شعوب كدة جهة النسيــم والنظيم والمفرزات والسلي والسعادة .. في غايــة السعادة :)
ما أسعد منهم إلا شعوب الطائف
| |
|
|
|
|
|
|
Re: أريحية سعودية (Re: HAIDER ALZAIN)
|
نأمل نحن المسلمين الفقراء أن يؤدي اهتمام خادم الحرمين وشعبه بإسعافنا من مصابنا مرة بعد مرة أن يتعرفا على نص فقرنا بصورة مباشرة بعيداً عن تأويلات “ناس دفن الليل اب كراعاً بره”. وربما امتد عشمنا لكي يتسع صدر السعودية إلي خطاب معارضي وكلائهم المعتمدين عن فقر السودان وهويته بمصطلح ربما لا يستسيغونه.
كانت صورة السعودية عندنا أنها بلد غني وحسب. وليس بغير معنى تسمية أحياء الموسرين في الخرطوم بأسماء ك “الطائف” و” الرياض”. وجاء جسر الإغاثة السعودي بنبض إسلامي عربي أبرز معاني تداعي الجسد الواحد يشد بعضه بعضا. وسنرنو إلى أن يتطور صندوق الإغاثة الذي افتتحه خادم الحرمين إلى مؤسسة سعودية سودانية للإسكان الشعبي ينتفع منها المنكوبون في أحياء الحاج يوسف والدروشاب والتكلة وأم ضريوه وبانتيو ومايو وفي حلال وأحياء أخرى في الوطن. ونأمل أن نؤرخ لهذه الصورة الجديدة للسعودية بإطلاق أسماء مدن أخرى للملكة على أحياء المعلمين الله المستفيدة من هذا الإسكان الشعبي. وبهذا التفاؤل الجم ستتابع عيون شعبنا بأسره سرب الأريحية السعودية المعلق في سماء خريفنا الجهم بعرفان صاف وود عميق.
***
تحياتي اخي حيدر
| |
|
|
|
|
|
|
Re: أريحية سعودية (Re: HAIDER ALZAIN)
|
شكرا ليك اخ حيدر الزين والله اعلم بما في السرائر هذا الوطن مخذول منا نحن ابنائه قبل ان نحاسب اخوة الدين او الجيرة ولكني آسى على ترويج يخالفه الواقع اذاعوا لنا ان كل العالقين من المعتمرين السودانيين في ضيافة الملك واستبشرنا خيرا وقلنا في قلوبنا هذا ما يليق بالمملكة واهلها فاذا الواتساب يفاجؤنى ان هناك سوداني يطلب الاستغاثة من سودانيو جدة للمعتمرين الذين جعلوا من ارصفة الميناء البحرى سكن لهم ثم اذا هاتفي تصله ما يزيد عن الثلاثين مكالمة من نفس الرقم لم ارد عليها لعدم انشغالي بالهاتف كثير والرقم موبايل سعودي فرجعت لصاحب الرقم فإذا هو شيخ خلوة شهير تربطني به اخوة في الله عندنا في النيل الابيض جنوب كوستي يستغيث بي ويقول انه انقطع مع زوجته في جدة وليس لديه مال واجبته أنهم في ضيافة الملك قال لي بنسمع بالضيافة وأصرينا عليها في الفندق ولكن رغم ذلك طردونا واواصل معك خيبات السعودية معنا نحن في محنتنا هذه
| |
|
|
|
|
|
|
Re: أريحية سعودية (Re: Ali Alkanzi)
|
عارف اخ حيدر جبلنا على الخوف خاصة عندما يتعلق الامر بالارزاق وكأن، الرازق لنا بشر مثلنا نسينا الله أنسانا ان الرزق ياتي من عنده لهذا يصمت الناس خوفا وحياء وطمعا ولا الوم احدا على موقفه ولكني أحمد الله إني لا اخاف غير الله احدا خاصة فيما يتعلق باسباب المعيشة لهذا احس ان الناس لا تقبل مثل حديثي هذا حتى ولو لم يتخذوا موقفا مني مثل موقفك وأعود لك لأكشف لك وللقارئ مخازي المملكة فيما يخص هذه المحنة تحديدا حسب فهمي وتحليلي
| |
|
|
|
|
|
|
Re: أريحية سعودية (Re: Ali Alkanzi)
|
إن جيت راجع او عاوز تكتب بالله خلي الكلام النئ والماعندو لا راس لا قعر بتاع الخوف على الرزق وصمت الناس خوفاً وما إلي ذلك واتكلم عن حقائق ووقائع الناس مشاهدنها ومعايشنها لانه بنفس المستوى ممكن اقول ليك برضو انه في ناس خوافيين وخايفين من الكيزان والفلول القاعدين معاهم في الشارع وانهم عاوزين يتمحلسوا ليهم ويعبملوا ليهم انهم ضد الدعم السريع ووقفوا معاهم عشان الكيزان ما يحشروا ليهم..
الكلام الزي دا ممكن وكتير وكل زول ممكن يكتبه فخليك واقعي واتكلم كلام رجال واعيين وقدر كلمتهم
هسع للآن في الاثباتات انت عندك واحد فيديو تيك توك وواحد مكالمة من رقم موبايلي لي فكي بتاع خلوة
| |
|
|
|
|
|
|
Re: أريحية سعودية (Re: HAIDER ALZAIN)
|
حيدر خلينا نتحاور باحترام (ايه يعني الكلام الني) هو زول يصف السعودية بوصفي يكون صاحب كلام ني يا اخي لو عاوز تحاورني بعقلانية ودون تجريح فاهلا وسهلا ونتجادل بالحقائق ليس بغير ذلك والا فوداعا وشكرا
| |
|
|
|
|
|
|
Re: أريحية سعودية (Re: Ali Alkanzi)
|
يا حيدر طرحي ليس عن الكيزان ولا عن المملكة طرحي تحديدا ه كيف عاملت المملكة المعتمرين السودانيين العالقين بها ولظروف كل العالم يعلمها فمافي داعي تقول:
Quote: لانه بنفس المستوى ممكن اقول ليك برضو انه في ناس خوافيين وخايفين من الكيزان والفلول القاعدين معاهم في الشارع |
مش قلتا ليك احنا السودانيين ننسى المشلكة الاساسية التي نبحث لها عن حل ونختلق الف مشكلة حولها وهو حالك انت الآن اسا يا اخوي المشكلة المعتمرين السودانيين العالقين بالمملكة وكيف تعاملت معهم المملكة ليس غير
| |
|
|
|
|
|
|
Re: أريحية سعودية (Re: Ali Alkanzi)
|
يا حيدر لا تغير الكلم عن مواضعه في قولك:
Quote: هسع للآن في الاثباتات انت عندك واحد فيديو تيك توك وواحد مكالمة من رقم موبايلي لي فكي بتاع خلوة |
اول حاجة الفيديو اثنين واحد لسوداني بيعمل نداء للسودانيين في جده لمساعدة المعتمرين العالقين بجدة والفيديو الثاني هي سفينة الخراف اسف اقصد سفينة المعتمرين السودانيين العائدين لبورتسودان اما المكالمة هي من شيخ وليس فكي وفي السودان لكل كلمة مدلولها
| |
|
|
|
|
|
|
Re: أريحية سعودية (Re: Ali Alkanzi)
|
الاخ علي الكنزي تحياتي
وعذراً يآخ غبت اليومين الفاتت لظروف بمتناول الإرادة فما قدرت ادخل سودانيز اونلاين
حيث انه وجدت فرصة عظيمة في مدينة دبي الفخمة التي تحتضن مجموعة متنوعة ومتعددة من الجنسيات .. حيث انه هنالك chance كويس لإمتلاك شقة سكنية عبر Range International Property Investments واتخذت القرار الصاح.. والوطن بكرة يشفي وبكرة شنو كدة ما عارف
المهم.. زول لو قال ليك خلي الكلام النئ فما فيها عدم احترام خاصة لو كان الكلام في نصه فعلاً في نياء وعدم نجاض حقيقة وتسرع ..
كدة خليني اخلص مع مهندسة الديكور ومسئول تنسيق خزانة الملابس عشان في موضوع عاوز احسمه مع مصممة الإضاءة بشقتي في دبي وارجع ليك بكرة . .باقي ناس رينج انتريناشيونال للاستثمارات ديل ناس عمليين جدا خاصة في خدمة السودانيين بظروفم دي وبرجع ليك
تحياتي لك واتمنى انك تكون مرقت من الخرطوم مشيت البلد آمن مطمئن من اطلاق النار العشوائي
ولا انسى ان اشكر جقود واقاليمه الخمسة ومنعم منصور وجون قرنق والصين والبريكس
| |
|
|
|
|
|
|
Re: أريحية سعودية (Re: HAIDER ALZAIN)
|
اخي حيدر اسأل الله ان يوسع عليك في الرزق والصحة والايمان وان تنال مرادك في الدنيا والاخرة ليس لي اي عداوة او كراهية او تقليل للملكة واهلها قدرهم ان جهله الكنزي فيعلمه غيره ولكني اوردت حقيقة وواقعة قصدت ان يتم علاجها بالطريقة المثلى وفي حديثي هذا لا يحركني اي غرض غير اعانة المسلم الملهوف اما قولك لي:
Quote: تحياتي لك واتمنى انك تكون مرقت من الخرطوم مشيت البلد آمن مطمئن من اطلاق النار العشوائي
|
في تقديري في مثل هذا المواقف تعرف معزة الاوطان ورغم ان لي سكن الشوال أأوي اليه كثير واتردد عليه مع اهلي إلا اني اثرت البقاء بالخرطوم لمعايشة بعض اثار الحرب وما اصابنا منه قليل مقارنة مع غيرنا فمن بيننا من فقد عزيز لديه ومال وصحة وفقد قبل كل ذلك الامن لهذا ان شاء الله سابقى بالخرطوم الى ان تضع الحرب اوزارها علما بان كثير من الاهل الح علي بالمغادرة اكرر شكري مع تمنياتي لك بالتوفيق فيما تسعى اليه
| |
|
|
|
|
|
|
Re: أريحية سعودية ساطعة (Re: HAIDER ALZAIN)
|
Quote: مقيم مصري مدير لاحد الفنادق في مكة قام بطرد النزلاء السودانيين يوم العيد مستغلاً مغادرتهم لصلاة العيد وقام باخراج كامل مستلزمانهم وحقائبهم خارج الفندق انتشر التصوير بالامس واليوم صدر بحقه قرار من وزير الداخلية واجب التنفيذ الفوري بالترحيل الفوري لبلده ومنعه من دخول اي دولة من دول مجلس التعاون لمدة ١٠ سنوات سواءاً عمرة او حج او عمل لمخالفتة الاوامر الملكية وتم تسكين جميع النزلاء كضيوف للديوان الملكي 🇸🇦🇸🇦 |
يوجد مقطع فيديو بالحادث أعلاه في الواتس بس ما عرفت أنزله هنا في المنبر العام
Quote: والشكر والتقدير لأهل المملكة قيادة وشعب 🇸🇦🇸🇩👍 🔴اهلنا المعتمرين في السعودية🔴 انتشرت صور لمعتمرين سودانيين طلعوهم من الفنادق بسبب الايجار وعدم القدرة على العودة للسودان مع المطار المغلق حالياً
لو لاقتك اي حوجة بالشكل ده وجههم للآتي (اي زول جاء عمرة و فترتو انتهت في مكة يمشي مكتب وزارة الحج والعمره السعودية في شارع ابراهيم الخليل، يديهم جواز السفر و تاشيرة العمرة .. بيسكنوه في فندق مجانا مع المعيشة حتي لو جاء من السودان بدون خدمات) الاجراءات دي بأمر ملكي خاص بالمعتمرين السودانيين ‼🌟 |
الحقيقة عندنا شباب من أهلنا شغالين هناك في فنادق شارع جرول وشارع إبراهيم الخليل والعزيزية وغيرهم أكدوا أن جميع النزلاء السودانيين عندهم علي حساب مكتب وزراة الحج السعودية من أكل وشراب وخلافه ومشرفين وزارة الحج بيمروا عليهم كل كم يوم وما مقصرين في شئ. تحياتي حيدر وضيوفك الكرام
| |
|
|
|
|
|
|
Re: أريحية سعودية ساطعة (Re: HAIDER ALZAIN)
|
*كاااااك امريكي سعودي* الحل موجود، في، السودان بس لا امريكا ولا السعودية ما، بجي، من وراهم خير السودان عايز، سياسين محترمين زي جيل، الاستقلال الذهبي،وضباط،وطنيين زي، قوات دفاع السودان في الجيش، كمان شنو شكلة بين سمسارين واحد شغال، لي، مصر، والتاني شغال للامارات ومن اول يوم ثورة قالو ليهم ختو عايدات نهب، شركاتهم في، بنك السودان ووقغو تهريب، ونهب، الذهب، وبيع الجنود، في، حرب، اليمن واحد فيهم استحي ولي، خت دولار واحد، في، بنك السودان ولي، وقية دهب، مافي، اعرفو لا يمكن بناء دولة سودانية في، مذبلة الانقاذ، 1989-2023 ولو قعدو يمشطو فيها بي، طن ودك 😷في، السعودية او واق، الواق، الحل نرجع للحكم الاقليمي، قبل 1978 زمن الكارب، قاشو نميري، ونصفر عداد الاخوان المسلمين نهائي، في، السودان ماذا قدم العرب وجامعة الدول العربية.، لي،، العراق وسوريا واليمن، وليبيا غير الفتن والموت الرخيس والمجاني، الحل الحكم الاقليمي، القديم باسس جديدة العندو محل وبلد، واصل وفصل بظهر، والبروووس، والنجلت والكعوك بظهر، وهسة لا خير، فيً، البنا، ولا، البعجن في، الطين جنجويد، ودفاع شعبي، وهئية عمليات وكتايب ظل وقحت1 وقحت2 وانا هايص واخوي، لايص، واعادة تدوير الدولة المركزية المجرمة والفاسدة بعد، دمرت الاقاليم وفصلت الجنوب جات دمرت الخرطوم ذاتا، وامريكا، والسعودية سايقنكم للفصل، السابع التدخل، الدولي،بالخلا وكثرة المرض للموت والسودان ميت سريريا من 30 يونيوو1989 ودي فرفرة مذبوح ساكت
*الثورة الثقافية* 💚💛💙
| |
|
|
|
|
|
|
Re: أريحية سعودية ساطعة (Re: adil amin)
|
جقود سلامات
انت زول كويس وما عندنا معاك مشكلة غير حاجات بسيطة زي التكرار والتسرع والرجعية والطائفية وخدمة الاسياد حفيان والتعلق بأثوابهم بالاضافة لأنك ماعارف المطرة صابة وين لكن رغم ذلك تعشق تدخين غليونك ذاك الذي قاله محمد المشرف..
المهم...
قوات دفاع السودان بتاع الانجليز والا عبود :) شايف صاحبك السيسي في نقاشه مع بن زايد اعترض على وجود الجنجويد مقابل الجيش وقال ليهو دا احنا بنعتبر الجيش السوداني فرع من الجيش الام هههههه
المهم تاني ..
Quote: حرب، اليمن واحد فيهم استحي ولي، خت دولار واحد، في، بنك السودان ولي، وقية دهب، مافي |
لا معلومة غير دقيقة .. حميدتي اول واحد ختا ليكم مليـــار دولار والا نسيت بقيت زي الجماعة تاكل كيكنا .. وتنسى الباقي
اما بالنسبة لقاش نميري.. انت نسيت انه كان بيقلع القاش والبنطلون كمان قدام عبد الناصر والا الزمن داك ناصر كان حبيبك. ما تخليني اجيب ليك الصورة إياها..
قال نميري قال تعشق الطغاة والاسياد زي عيونك
| |
|
|
|
|
|
|
Re: أريحية سعودية ساطعة (Re: محمد حيدر المشرف)
|
صباح الخير اخ الكنزي .. عدنا مؤقتاً
كتبت :
Quote: ليس لي اي عداوة او كراهية او تقليل للملكة واهلها قدرهم ان جهله الكنزي فيعلمه غيره ولكني اوردت حقيقة وواقعة قصدت ان يتم علاجها بالطريقة المثلى وفي حديثي هذا لا يحركني اي غرض غير اعانة المسلم الملهوف |
في الحقيقة السبب الخلاني ارفع الموضوع دا مرة اخرى بعد زمن هو عنوان بوستك المُضلل : السعودية تعيد المعتمرين السودانيين ... كالخراف
ودا كلام ما حقيقي .. وقلت ليك ماعندك عليه دليل الا فيديو لمدة ثواني على تيكتوك مامعرفوة حقيقته ولا تاريخه ويمكن يكون مجرد اشاعات مغرضة ساي بالاضافة لمكالمة قلت من زولك.. الواقع غير وليك ان ترجع لمداخلة الاخ محمد محمد قاضي .. او كمان يمكنك الاستفسار والسؤال اولا ومتمهلاً من القصة دي قبال تجي تنشرها هنا وتعنونها بالعنوان اعلاه
اما ان تنشر وتكتب ما كتبت في بوستك اعلاه من ذم وتعريض وتنال ما تنال من الأريحية السعودية تجاه السودان ثم تاتي لتقول إنك لا تسعي للتقليل من المملكة او اهلها فهو كلام لا يطابقه واقع ما كتبت وفعلت.. وهو مجرد انسحاب لا تصاحبه شجاعة الاعتذار عن التسرع والتهور خاصة وانه اول الداخلين في منشورك كان اخينا بشاشا المعهود بانه كاره لك ماهو عربي ومسلم وخاصة لو كان من جزيرة العرب..
| |
|
|
|
|
|
|
Re: أريحية سعودية ساطعة (Re: HAIDER ALZAIN)
|
يا اخي حيدر احمد الله في طرحي هنا ليس لي غير الصدق سبيلا اقول ليك معتمر من عندنا وصديق وصاحب خلوة اتصل بي عشرات المرات الرقم غير مسجل عندي لهذا لم اجبه وعندما كرر الاتصال رجعت ليه وعرفتو وحكى لي الواقع الذي يعيشونه بالاضافة للنداء من الشاب وبالاضافة لسفينة الخراف اقصد المعتمرين حتى السعودية في اخبار بعد الطرح سمحت بتحويل التاشيرة لزيارة لكل معتمر في حالة وجود من يكفله ثم استشهدت بنداء الامم المتحدة لكل الدول الاعضاء ان لا تعمل اي دولة لاعادة اي سوداني لبلاده في ظل الظروف الحالية وشيخ الخلوة دا قلي طردونا من الفندق رغم اصرارنا اننا ضيوف الملك مودتي
| |
|
|
|
|
|
|
|