♧ ناس عايشة و ناس دايشة £

نعى اليم ...... سودانيز اون لاين دوت كم تحتسب الزميل إدريس محمد إبراهيم فى رحمه الله
توفى اليوم ابن العم والبوردابي الشاعر إدريس محمد إبراهيم
بورداب الرياض ينعون زميل المنبر الشاعر ..إدريس محمد إبراهيم
مرحبا Guest
اخر زيارك لك: 08-13-2020, 03:54 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
02-15-2020, 09:16 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
♧ ناس عايشة و ناس دايشة £

    08:16 AM February, 15 2020

    سودانيز اون لاين
    دفع الله ود الأصيل-
    مكتبتى
    رابط مختصر



    قال أمرؤ القيس الكندي حينما زار السودان،،،
    و تحديداً نواحي مدينة بحري و التقى بصديقه
    عثمان المتلتل.. فجادت قريحته بأبباتٍ مرتجلةٍ:
    ...................
    قفا نبكِ ضُحًى من ذكرى بنت فيصلِ؛
    لا بل قف نبكِ من ءكرى حليمةَ بنتِ علي
    بأكناف اليروم فكافوري و الدناقلة و حلة خوجلي!!
    يالها من ديارٍ ما رأت بوساً وضنكِ معيشةٍ؛
    ثلاثين حولاً في حِمى زاحفٍ بن كوزٍ بن جردلِ
    و أيامِ أنسٍ لست أنسى نغانغ عيشها
    و دهراً قضيناه بأطيب باحة منزلِ
    و كم قد تلاقينا بضيعة أحمدَ ؛
    على شرب شايٍ أو عشاءٍ مُدنكلِ !!
    حوى طيباتٍ من جدادٍ محمَّرِ ؛
    و كسرة خبزٍ نامت تحتَ أرزٍ مفلفلِ !!
    يصول بها عثمانُ صولةَ فارسٍ مترجلِ؛
    فيهزم في الأكلات أضخمَ جحفلِ !!
    و كم لقمةٍ في حجم نافوخ طفلةٍ؛
    تصير بشلضوم فيه مثل حبة خردلِ
    و ريثما انتهى من لهطِهِ ثم جغمِهِ؛
    تمدد فوراً مثل جاموسٍ مُجندلِ
    و راح سريعاً في شخيرٍ مُقطع؛
    بخشمٍ عريضٍ ذي لسانٍ مُدلدلِ !!
    فإذ ما أتى الشاي استفاق مهللاً؛
    و عادت إليه الروح بعد تخلخُل ،،،
    فنبدأ بطق أحناكٍ و أنس مباحٍ ذي طلاوةٍ؛
    و نضحك مسرورين بصوتٍ مُجلجلِ
    لنا قهقهاتٌ و فرفراتٌ كفعل طفلٍ مكلكَل،،،
    و آخر قولي مثلما قلتُ أولاً؛
    لمن طللٌ قفْرٌ بحلة خوجلي؟،،،








                  
|Articles |News |مقالات |بيانات

02-17-2020, 07:24 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ ناس عايشة و ناس دايشة £ (Re: دفع الله ود الأصيل)

    *شماعة الكيزان*
    واحدة قحتاوية مشت لدكتور النساء و الولادة كايسة
    علاج لتأخر الحمل . و الدكتور قال ليها عندك مشكلة في
    الأنابيب مسدودة . القحتاوية نطت و قالت أجي يا بنات أمي
    دا ما شغل دولة عميقة راسو عديل.الزواحف ديل خربوا أنابيب
    البترول و جونا كمان بجاي يبعبصو لينا في أنبوب قناة فالوب¿!
    😂😂😂 ثم طالبت لجنة إزالة التأصيل و التمكين بالبل و
    القصاص من زوجها الكوز المندس المعفن شنقاً حتى الموت.
                  
|Articles |News |مقالات |بيانات

02-17-2020, 09:55 AM

صديق مهدى على
<aصديق مهدى على
تاريخ التسجيل: 10-09-2009
مجموع المشاركات: 5936

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ ناس عايشة و ناس دايشة £ (Re: دفع الله ود الأصيل)

    سلام ودالاصيل
    قولنا نجيك بالباب
    عديل
    ونمر على بوستك
    الجميل
    الذى دخل السودان
    فى فتيل
    ببداية الناس العايشة
    والناس الدايشة
    أكيد دا الحياة يا اصيل
    مع إنى شايفك شغال
    تقيل
    فى قوى الحرية والتغير
    اها عندك بديل؟
    لذا يجب علينا ان نحى
    اعظم جيل
    جيل اهلنا قبيل
    المساهر نهار وليل
    للاستفادة من موية
    النيل
    فى الزراعة والرعى
    بعين الوطنى الأصيل
    فتحية لذاك الجيل
    وامنيتى ان يسلك
    طريقه ود الأصيل
    مراعاة الزمن والحالة
    التى يمر بها ويحسن
    الظن بقادة الحرية والتغير
    وإن يساندهم ولو بالقليل
    فالوطن محتاج لامثالك
    يا ود الأصيل ولقلمك
    الذى يشفى العليل
    وربنا يوفقك يا اصيل
    فى لم الشمل وطرد
    الشك فى قوى الحرية
    والتغير فهى مجموعة
    اجتهدت فى حل الازمة
    فى زمن ما معروف المواطن
    من الدخيل
    فعلينا ان نسأل
    الحى الجليل
    ان يحفظ بلدنا
    من سوارى الليل
    فهم اس المشكلة
    يا اصيل
    مع خالص التحايا
    لك يا اصيل
    من انسان يحترمك
    يا اصيل
                  
|Articles |News |مقالات |بيانات

02-17-2020, 09:26 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ ناس عايشة و ناس دايشة £ (Re: صديق مهدى على)


    لَعَمرُك يا فتى الأدغال ود مهدي، أنت الأجدر بفروض تجلتي
    لك و احترامات كل من عرفوك هنا. و لو كان بمقدوري مجاراتك شِعراً أو سجعاً لأوسعتُك نظماً و لقلتُ في حقِّ شخصك المبجل
    ما لم يخطر على بال أبي نواس في مدح الخمر و الغلمان.

    ● و أوعك تفهم من زي مشاغباتنا الفوق دي إننا فلول
    زواحف مناهضة للقحاتة.بالعكس دا شغل تحميس طار ساي.
    شخصياً بعتبر فتيان الثورة دي خامات بشرية أكفاء جدن لكي يمضوا بنا إلى برٍّ آمنٍّ بعون الله. ياخ لدرجة أنني شطحتُ إلى حد مقاربة حالهم بحال خضراوات الدمن، أولئك النساء الحِسان و قد نشأنَ في منابت السوء . و ذلك أنهم مبتلَون بشعب سواده الأعظم منظراتية و محبطين . من النوع الفالحين بس يرون الشوك تحت الورود و يأبَون أن يرَوا خرزات الندى فوقها إكليلاً.

    (عدل بواسطة دفع الله ود الأصيل on 02-18-2020, 05:52 AM)

                  
|Articles |News |مقالات |بيانات

02-17-2020, 10:03 PM

صديق مهدى على
<aصديق مهدى على
تاريخ التسجيل: 10-09-2009
مجموع المشاركات: 5936

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ ناس عايشة و ناس دايشة £ (Re: دفع الله ود الأصيل)

    ابدا
    لا
    وطبعا
    لا
    كلامك
    موثق
    من الالف
    الى الياء
    كل المطلوب
    منك
    إلا تضع
    سرجك
    فوق
    دابة
    عرجاء
    فسوف
    لن تستطيع
    رؤية السماء
    لتملأ قلبك
    حبا ووفاء
    لخالق
    حمانا
    من اصحاب
    التصرفات
    الهوجاء
    فمالنا
    ومال الرجال
    الضعفاء
    فنحن سلالة
    اجيال
    اقوياء
    فعلينا
    ان نسلك
    طريقهم
    بثبات
    الضباط الشراء
    فهذا هو
    قمة
    العطاء
    ياود الأصيل
    يا حفيد
    النبلاء
    اهلك لم
    يتركوك
    فى العراء
    بل البسوك
    حكمة
    وذكاء
                  
|Articles |News |مقالات |بيانات

02-18-2020, 07:12 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ ناس عايشة و ناس دايشة £ (Re: صديق مهدى على)

    -
    ♤ كما تفضلت ود مهدي، حمانا الله و إياكم
    و شبابنا الأبرياء من كيد الزواحف الخبثاء .

    ● مدرس سأل تلاميذه : ما هو برنامجكم
    اليومي بعدما ترجعوا من المدرسة نهاية الدوام؟
    - قال الأول: أنوم و لامن أصحى أمشي لهجو ود
    اللحيمر لي اشتري منه سيجارة بنقو.
    - قال الثاني: اتغدى و بعد داك أمشي
    لهجو ود اللحيمر اشم لي منو شمة مخدِّر.
    - قال الثالث: بخُت شنطتي و أجري فللي
    لهجو ود الاحيمر أتناول لي منو قزازة عرقي.
    - قال الرابع: أتغدى و ارتاح و بعد ما أقوم من
    بمش أصلي العصر حاضراً في جماعة و أجلس
    هناك لأتلو أدعية مساء ؛ ثم أنهض لأسعى في
    طلب رزقي حلالاً طيباً و من عرق جبيني.
    - قال المدرس: ماشاء الله عليك و لله درُّك
    يا بُنَي و أنت حمامة مسجد. ربي يحفظك،
    اسمك منو يا بطل و أبوك منو ؟
    - فقال التلميذ النجيب: هجو ود اللحيمر ؛
    زاحف و ممثل المؤتمر الوطنى بالمنطقة.
    😂😂😂😂😂😂
                  
|Articles |News |مقالات |بيانات

02-18-2020, 07:52 PM

صديق مهدى على
<aصديق مهدى على
تاريخ التسجيل: 10-09-2009
مجموع المشاركات: 5936

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ ناس عايشة و ناس دايشة £ (Re: دفع الله ود الأصيل)

    ههههههها
    ضحكة
    ممزوجة
    ببلسم
    شفاء
    لكل
    من عكف
    على زيارة
    قبور الشهداء
    صباح ومساء
    ووضع
    لوحة مكتوب عليها
    كامل الرضا
    عن هؤلاء
    شبابا ثوار
    اروى الأرض
    بالدماء
    فغسلوها
    من رجس
    السفهاء
    الذين
    حكموا
    ثلاثين عاما
    لم يعرفوا
    غير السب
    والهجاء
    قاتلهم
    رب السماء
    بكل آيات
    القران جمعاء
    والحقهم
    بفرعون
    وهامان
    وقارون
    ومن اشعلوا
    حرب
    داعس والغبراء
    وادخلهم نارا
    لهبها
    كشعر عجوز
    شمطاء
    فلا حول
    ولا قوة
    منهم
    فهم أس
    الحمق
    والغباء
    فعليك
    يا اصيل
    الترجل
    من تلك
    الدابة العرجاء
    لقد ادخلتك
    جحر ضب
    خرب
    فحاصرتك
    أسماء
    بحروف
    من الالف
    الى الياء
    فبحق السماء
    دعنا نفكر
    كيف تخطى
    هذه العاصفة
    السودان
    ونحن كلنا
    شركاء
                  
|Articles |News |مقالات |بيانات

02-18-2020, 09:10 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ ناس عايشة و ناس دايشة £ (Re: صديق مهدى على)


    ♤ لا أضحك الله لك سناً صديقي ود
    مهدي و لا أشبع لك بطناً إلا بحلالٍ طيب.
    ثم ياخي ياتو دابة عرجاء تريد لي الترجل منها؟!
    ♤عمومن هاك دي أدعية لن تجدها إﻻ في بلدي
    يا حبوب : ♧ سوداني .. و خليك سوداني £

    ● دعاء الإيقاظ: أصحى يا شافع و قوم تقوم قيامتك!!
    ● دعاء للأكل: تعال جاي أكل تاكل السم اليهري مصارينك!!
    😖😖😖😖
    ● دعوة للخروج من الدار: أبقى مارق لي برة، يمرَق جلدك!!
    😯😯😟😟
    ● دعوة للمجئ يا صايع؟ تجيك الطاةبة حبالا وخامة عيالا
    ✌✌✌✌
    دعاء لمنع الكلام : إتلهي اسكت سكت حسك
    😷😷😷😷
    دعوة للنوم:إتتندل نوم نامت فوقك حيطة جالوص!!
    😴😴😴😴
    دعاء البرد: بردان من شنو أم برد الوردة اليلمسوها بالعود !!
    😉😒😒😒
    دعاء الجلوس : اقعد تقعد في النار إن شاء الله!!
    😞😞😞😞
    دعاء الصمت :ساكت مالك يسكك البعاتي!!
    😷😷😷😷
    دعاء النظر : عاين لي جاي كويس عينك أخوها عود!!
    😁😁😁😁
    ما تقول لي شنو الشنينة ام قرينات!!
    😣😣😣😣
    دعاء الصلاة : قوم صلي الصلعة المقابلة الحر !!
    😒😒😒😒
    دعاء للمشي:امش بسرعة تمش عميان في الشوك!!
    😞😞😞
    دعاء الذهاب: قطر عجيب يودي ما يجيب
    و سفر البن دق و حرق (Oneway ticket)
    😎😎😎😎
    ٠ينادوك تقول نعم يقولوا ليك النعامة التزوزى بيك!!
    😇😇😇😇
    دعاء القراية : امش اقرأ قر الينفخك
    😝😝😝😝
    و أنتوا ليه بتضحكوا ؟ تضحكوا لهله برا سنون....!!
    ● تنويه هذا علماً بأن كل ما تقدم عبارة عن أدعية غير
    مقصوظة و لا مقبولة بإذن الله من الطوق و لفوق و صاحبها
    يىدد في دواخله: " أدعي على جناي و أكره البقول يامين"
    ¤ فالسوداني ياهو هو ذلك المخلوق العفويي في تصرفاته 🔋👨👨👨
    إذا مشى يشتري قلم يشخبط على أقرب ورقة عشان يجرب .. و بعدين يأخذ قلم ثاني عشان دا مستعمل 📝
    * نسأل الله السلامة*
    😃😄😃
    مازال السوداني إذا شم ريحه غريبه في عرببتو ؛ يوطي صوت المسجل عشان يشم كويس ..! 🚗 إنا لله وإنا إليه راجعون​
    😄😄😄😄👏
    ● عزيزي الزول المحترم : ليه إذا شفت ليك واحد عندو نفس نوع عربيتك لازم تشوف وشو !! 🚗🚗
    يعني بيشبهك؟ وللا يمكن تطلع انت مسلن ؟ 😳) 😂😂

    الزول .. إذا كمل الصابونه يلصقها في التانيه..
    و لو كمل الشامبو بتبرو موية 💦💦..👍
    اذا خلصت علبة اللبن بعملوها برطمانية
    و قزازة الجبنة الكرافت بتتغسل و تنفع كباية!
    و إذا قدمت الفنيلة الداخلية بشرتموها يعملوها معراكة للدوكة
    أكياس السوبر الدعاية بتاعت السوبر ماركت بطبقا تحت لحافو ...
    مافي واحد محافظ على البيئه زي السوداني كل حاجة بتنعمل
    ليها إعادة تدوير....لا و أي زول أول ما يفتح الايس كريم يلحس
    الغطا كويس التقول كاتبين ليهو من ضمن التعليمات
    (يُرجى التكرم و البدء بلحس الغطاء )
    😃😃😃😃
    و أوعة ترسلوها لزول غيرنا عشان ماتفضحونا ؛
    بجيب لينا الهوى الغلاب الله لا جاب باقيك!!!

    (عدل بواسطة دفع الله ود الأصيل on 02-19-2020, 09:02 AM)
    (عدل بواسطة دفع الله ود الأصيل on 02-19-2020, 09:02 AM)
    (عدل بواسطة دفع الله ود الأصيل on 02-19-2020, 09:02 AM)

                  
|Articles |News |مقالات |بيانات

02-19-2020, 02:41 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
♧ دي.. دي .. وااااه £ (Re: دفع الله ود الأصيل)


    ♤عمتُما مساءً أيها الخلان الوفيان زهير و ود مهدي.
    و على هوامش هذه الزاوية المنفرحة كواحدةٍ من حطام
    ما نجونا به من خور الأرشفة الأخير ، رجاءً لا أمراً تعيراني
    أذنيكما لأبث في روعكما بدوري همساُ مثيراً للمواجع .

    [} تقول الأديبة الجزائربة الألمع/ أحلام مستغانمي:
    وصلت ذات مساء يومٍ إلى بيروت في بداية التسعينات،
    في توقيت اعتلاء الشاب الجزائري المغني(خالد) لعرش نجومية {ستار أگادبمي} العالمية، بأغنية واحدة قذفت
    به إلى المجد يقول مطلعها :(دي دي واه)

    ● شاغلة الناس ليلَ نهار . على أنغام موسيقاها تقوم الأفراح و اللبلي ابمٍلاح ، و تُقدم ديفيليهات عروض موضة الأزياء و على إيقاعاتها الصاخبة ترقص بيروت ليلا ً، كي تنهض صباحاً لاهثةً وراءَ مقاضي أشاغلها و دائرة كمراوح طواحين هواء الأنين.

    [} كنت قادمة لتوى من باريس، و في گنانة سهاميكتاب (الجسد) أربعمائة صفحة، قضيت أربع سنواتٍ من عمري
    في جمته و تاليفه جملةجملة ، محاولة ما استطعت
    تضمينه نصف قرنٍ و نَيفٍ من التاريخ النضالي للجزائرة،
    إنقاذاً لما يمكن إنقاذه من أطلال ماضينا المندثر و رغبة
    مني في تعريف العالم أجمع بأمجادنا و أوجاعنا.

    ● و لكنني ما أگاد أعلن عن هويتي إلا و يجاملني أحدهم قائلاً : (آه، او آن تفيد مطروح و المثل القديم ساير).. أنتِ جاية من بلاد الشاب خالد) هذا الشاب الذي يضع قرطاً من الألماظ يتدلى من حلمتَي گلتا أذنيه، و يتربع على ملء شاشة التلفزيون الفرنسي برفقة جرو گلب يلهث، و لا جواب له عن أي سؤال سوى بضحكة بلهاء صار هو رمزاً و أيقونة لاسم الجزائر !!

    [} العجيب أن كل من يقابلني و يعرف أننيمن بلد الشاب خالد فوراً يصبح السؤال ، ما معنى عبارة ( دي دي واه؟) وىعندما اعترف بعدم فهميأنا أيضاً معناها، يتحسر سائلي على قدر الجزائر لتي بسبب الإستعمار، لا تفهم اللغة العربية ! و بعد أن أضناني البحث عن جوابٍ لفزورة (دي دي واه) و قضيت ردحاً طويلاً أعتذر للأصدقاء و المعارف الغرباء و سائقي التاكسي، وعامل محطةةالبنزين المصري ، عن جهلي و أميتي بشوارد حظيرةبنت عدنانَ ، قررت ألا أفصح أبدا عن هويتي،كي أرتاح.

    [} الحقيقة أنني لم أحزن أن مطرباً بكلمتين، أو بأغنية من حرفين، حقق مجداً و مكاسب،لا يحققها أي كاتب عربي نذر عمره للكلمات،بقدرما أحزنني أنني جئت المشرق في الزمن الخطأ. ففي الخمسينات، كان الجزائري ينسب إلى بلد الأمير عبدالقادر، وفي الستينات على بلد أحمد بن بيلا وجميلة بوحيرد، و بن باديس ، و حتى في السبعينات إلى بلدهواري بوميدين و بلد المليون شهيد ..و اليوم يُنسب العربي إلى مطربيه، و إلى المُغني الذييمثله في ( ستار أكاديمي ).

    [} و قلت لنفسي مازحة, لو عاودت إسرائيل اليوم اجتياح
    لبنان أو غزو مصر،لما وجدنا أمامنا من سبيل لتعبئة الشباب واستنفار مشاعرهم الوطنية، سوى بثنداءات و رسائل على الفضائيات الغنائية !!، أن دافعوا عن وطن هيفاءوهبي و إليسا
    و نانسي عجرم و نانسي عجاج أو فرفور و روبي و أخواتهن
    فلا أرى أسماءً غير هذه تتلألأ لشحذ الهمم و لم الحشود .

    [} و ليس والله في الأمر نكتة، فمنذ أربعة سنواتخرج الأسير المصري محمود السواركة من المعتقلات الإسرائيلية، التي قضى فيها إثنتين وعشرين سنة ، حتى استحق لقب أقدم أسير مصري ، و لم يجد الرجل أحداً في انتظاره من أبناء أمته التي ناضل من أجلها، و لا استحق خبر إطلاق سراحه أكثر من بوصة مربعة في جريدة ،

    [} هذا، بينما اضطر مسئولو الأمن في مطار القاهرة إلى تهريب نجم ( ستار أكاديمي) محمد عطية بعد وقوع جرحى جراء تدافع مئات من الشبان و الشابات، الذين .ظلوا يترددون على المطار من كل حدب و صوب ترقبا لموعد لوصول طائرة من بيروت ! تماماً مثل يوم أن تدافعت الخرطوم عن بكرة أبيها و أمها تتبع جنازة (الحوت) و تحمل نعشه إلى مثوه الأخير

    [} في أوطان كانت تنسب إلى الأبطال، وغدت تُنسب إلى الصبيان ! قرأنا أن محمد خلاوي الطالب السابق في ( استار أكاديمي ) ظل لاسابيع لا يمشي إلا مُحاطاً بخمسة حُراس لا يفارقونه أبداً .. ربما أخذ الولد لقب ( زعيم ) الذي أطلقه عليه زملاؤه مأخذ جد !و لقد تعرفت إلى الغالية المناضلة الكبيرة جميلة بوحيرد في رحلة بين الجزائر وفرنسا، وكانت تسافر على الدرجة السياحية، مُحملة بما تحمله أُم من مؤونة غذائية لابنها الوحيد، و شعرت بالخجل لأن مثلها لا يسافر على الدرجة الأولى، بينما يُفاخر فرخ ولد لتوِه على بلاتوهات
    (ستار أكاديمي) بأنه لا يتنقل إلا بطائرة حكومية خاصة، وُضِعت تخت تصرفه، لأنه رفع اسم بلده يرفرف عالياً !

    [} فهنيئاً للأمة العربية ،،، هنيئاً لأمة رسول الله صلى الله عليه و سلم ،،، ( إنا لله وإنا إليه راجعون ) . أفهمت الآن يا ولدي لماذا قلت لك لا تكبر ؟! فمِصر لم تعُد مصراً .. و تونس لم تُعد خضراً .. و بغداد هي الأخرى .. تذوق خيانة العسكر .. و إن تسأل عن الأقصى, فإن جراحهم أقسى .. بني صهيون تذبحهم و مصر تغلق المعبر ..و حتى الشام يا ولدي تموت بحسرةٍ أكبر .. هنالك لو ترى حلباً فحق الطفل قد سُلِبا.. وعرض فتاة يُغتصبا .. ونصف الشعب في المهجر..صغيري إنني أرجوك .. نعم أرجوك لا تكبر !!

    <<< ود ال ح ي ش ا ن ا ل ت ل ا ت ة >
    مؤذنٌ تاعب روحو ساي بجزيرة مالطة>

    (عدل بواسطة دفع الله ود الأصيل on 02-19-2020, 03:10 PM)

                  
|Articles |News |مقالات |بيانات

02-22-2020, 04:39 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ دي.. دي .. وااااه £ (Re: دفع الله ود الأصيل)


    قال ليك واحد فاتتو صلاة الجماعة الأولى فلقي اتنين
    واقفين بيصلوا قال يصلي معاهم يكسب أجر الجماعة ،
    وبدل ما يجر عليه المأموم العلي اليسار ، بقي يلز في
    الإلمام الواقف باليمين و الظاهر عنيد و راسو ناشف!!

    😳 فصاحبنا دا قاعد يلز و داك مسردب ساي
    واااااقف حطبة ما داير يتحرك من محلو شبر !! 😑

    👁 ففي رباطابي قاعد يراقب الموقف من علي البعد😌 .
    فقال ليه: ياخينا دي الضلفة الفيها الترباس شغل مخك
    شوية و لز الضلفة التانية بتفتح ليك .!!!!

    (عدل بواسطة دفع الله ود الأصيل on 03-22-2020, 07:48 AM)
    (عدل بواسطة دفع الله ود الأصيل on 03-22-2020, 07:48 AM)
    (عدل بواسطة دفع الله ود الأصيل on 03-22-2020, 07:50 AM)
    (عدل بواسطة دفع الله ود الأصيل on 03-22-2020, 08:02 AM)

                  
|Articles |News |مقالات |بيانات

02-27-2020, 10:01 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ دي.. دي .. وااااه £ (Re: دفع الله ود الأصيل)


    ♧ قاللك : ما يتحير علا مغير€
    ▪واحد بتعشي في البرندة قال لبعلتو🧕🏽
    بت الشيخ ، ملاحك دا طعامو مرخي ، قومي
    جيبي لي حبة ملحة! قالت ليهو قوم براك يا راجل
    أنت أقرب مني و أنا ركبيني ديل ساحن عديل من
    مساسقت المراسيل .فحدر ليها في يدينا فاضيات
    و سكت منها. يلا فجأتن كدا تلفونا رن جات فيهو
    رسالة واتساب و كان مجدوع في المطبخ .

    ▪ البغلة قامت صوف جري عليهو لقت الرسالة
    من بعلها👳🏽‍♀قال ليها: و كمان وكتين الله وداك
    براك ، بالمرة معاك فقشة ليمونة نودر الطمام دا
    لو سمحتي. فشايف كيف!! ما قلنا ليكم بطلو
    فرسنة فاضيةو رفقن بي شقايق النعمان
    و أخدوهن بي سياسة النار الهادية.

    (عدل بواسطة دفع الله ود الأصيل on 02-27-2020, 11:03 AM)
    (عدل بواسطة دفع الله ود الأصيل on 02-27-2020, 02:00 PM)

                  
|Articles |News |مقالات |بيانات

03-01-2020, 07:05 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
♧ من نوادر عبقرية أبي نواس £ (Re: دفع الله ود الأصيل)



    ● دخل هارون الرشيد مرة مخدع إحدى جواريه ،
    فوجدها تغتسل.فلما رأته قبالتها لم تجد ماتستر فيه نفسها
    سوى شعرها الأسود الطويل، فأعجب الرشيد بما رأي منها و
    من تصرفها المحتشم و عاد إلى قاعة عرشه منبهراً بما لمح
    من مفاتن الجارية ، فقال لحاجبه : من بالباب من الشعراء؟
    قال الحاجب بشار بن بُردٍ و أبو النواس الحسن بن هانئ، فقال الرشيد : إلي بهما ، و لما حضرا قال الرشيد رأيت كذا و كذا فمن يستطيع أن يصفه لي ؟ فأنشد بشار بن برد ما أنشده ولما انتهى قال له الرشيد: أحسنت و لكن لم تصب ما في نفس يعقوبي ،
    ثم طلب من أبي نواس أن يُدلي بدلوه فقال :

    _نضَّت عنها القميص لصبِّ ماءِ.. فورّد خدّها فرط الحياءِ
    _و قابلت النسيم و قد تعرّت .... بمعتدلٍ أرقَّ من الهواءِ
    _ و مدّت راحةً كالماء منها ....... إلى ماءٍ معدٍّ في إناءِ
    _فلمّا أن قضت وطراً و همّت .. على عجلٍ لتأخذ بالرداءِ
    _رأت شخص الرقيب على التداني.. فأسبلت الظلام على الضياءِ
    _ فغاب الصبح منها تحت ليلٍ .. و ظلَّ الماءُ يقطر فوق ماءِ
    _فسبحان الإله و قد براها .. كأحسن ما يكون من النساءِ

    ● فلما سمع الرشيد ما قاله أبو نواس صاح بأعلى صوته :
    اجدع أنفه و اقطع رأسه أيها السياف ، فقال أبو نواس؛ و لِمَ
    يا أمير المؤمنين ؟ فقال الرشيد : ويحك ! هل كنت معنا؟ ، فقال
    أبو نواس: لا يا أمير المؤمنين إنما خمنت ذلك تخميناً، فضحك
    الرشيد حتى لانت نواجذه ثم أمر له الرشيد بألفِ دينارٍ.


    (عدل بواسطة دفع الله ود الأصيل on 03-22-2020, 08:16 AM)

                  
|Articles |News |مقالات |بيانات

03-02-2020, 04:51 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
♧ لست مجنونًا، و لكن جئتُ رغم أنفي £ (Re: دفع الله ود الأصيل)


    🤣🤣🤣🤣🤣🤣🤣🤣🤣
    ♧ لستُ مجنوناً .. و لكن جئتُ رغمَ أنفي£

    ♤ الجريمة التي أثارت دهشة مصر منذ عدة أعوام، و التي تبعثك على فر البسمة و لو صفراء على الرغم من ضيق ذات الشلاليف ، هي شيطنة سائق سيارة إسعاف كُلِّف بنقل رهطٍ فاقدي الذاكرة إلى مصحة الأمراض العقلية بحي العباسية .

    ▪ أثناء الرحلة شعر السائق بالنعاس و (الخرمة) لشرب كوب من الشاي الكشري و تدخين النارجيلة ( الشيشة ).هكذا توقف في مقهى و نزل ليعدل دماغه. ثم عاد إلى السيارة ليجدهم قد افرنقعوا و لم يبقَ منهم مجنونٌ واحدٌ، و هذا يعني أن ركابه يجيدون فتح أبواب السيارات. إذن فهم إذن ، ليسوا بمشكنبين بل أصحاءٌ فماذا يصنع بهذه الورطة؟!

    ▪ لم يعرف كيف يتصرف و يسدد الدفاتر في مستشفى العباسية. هنا خطرت له فكرةٌ جهنميةٌ هي أن يتوجه إلى أقرب موقفٍ مكتظٍّ و ينادي على الركاب : "عباسية نفر.. علينا جاي مجاناً يا مستعجل!".

    ▪ كانت ساعة ذروة زحامٍ والمواصلات شحيحة، هكذا تدافع الركاب الأعمى شايل المكسر و قفزوا إلى بطن (شريحة) الإسعاف، و قد ظنوا أنه سائق سيارة إسعاف فهلوي يحاول التحايل على الحكومة و داير يعمل (كُرُب) للظفر ببعض المال.

    ▪ انطلق السائق المحتال إلى مصحة الأمراض العقلية ليفرغ حمولته هناك و يحصل على إيصال التسليم ، و ما يثبت لإدارة المصحةخلو سبيله من أية مسؤولية، ثم نفد بجلده.

    ▪ طبعًا ما حدث بعد هذا جدير بأن يصنف الحادثة كواحدةٍ من عيون الأدب العالمي كروايات أكاجثا كريستي البوليسية.

    ▪ الركاب البدلاء كان بينهم العامل الكادك و المادح و المدرس المطحون والموظف المهموم و المحاسب المديون و البائع المتجول و (سيد اللبن جاء يا نفيسة و اداني قرشين و تعريفة) . فضلوا يؤكدون للأطباء و طواقم التمريض بالقلعة الصفراء أنهم عقلاء، و أن خدعة ( بتِّي كلب) انطلت عليهم لتُوقِع بهم هنا في شر أفعالهم خلف القضبان.

    ▪ لكن دفوعاتهم تلك باءت بفشلٍ ذريع، فهي لم تعدُ أكثر من كونها بالضبط استعراضاً عملياً لتصرفاتٍ تساعد على تشخيص حالاتهم على أنها الجنون في آخر مراحله. كقولهم مسلن : « كنا فاكرنها سيارة نقل عام»..« طبعًا.. طبعًا.. سيارة نقل عام تبدو كسيارة إسعاف.. جميل جدًا » إذن لا عليكم .. و لكن ، يلا ألبِسوهم السترات البيضاء أو بالأحرى أحشروهم فيها حشراً كما الكلاب الضالة.

    ▪استغرق الأمر أسبوعًا كاملاً أمضاه الضحايا في شدٍ و جذبٍ و قضمٍ للأظافر قبل أن يعرف الجميع الحقيقة، وقد تم تقديمفيلم سينمائي كوميديٍّ ساخرٍّ بهذا السيناريو المضحك المبكي.

    ▪ فكما قلنا لكن: أنها لحسة كوع في زماننا هذا و ببلدنا
    الحبوب هذا أن تثبت أنك عاقلٌ بينما يصر الآخرون على
    رؤية غير ذلك لسببٍ ما، و أنو رأسك مافيش و في يدينك كلابيش(اخفظ مالك). و نصيحتنا ليك لوجه الله : أن تركب نمرة (11) و تمشي كداري بدل سيارة إسعاف يتظاهر
    صاحبها بأنها نقل عام و أنه فاعل خيرٍ يريد الثواب.
    🤣🤣🤣🤣🤣🤣🤣🤣

    (عدل بواسطة دفع الله ود الأصيل on 03-02-2020, 05:10 PM)

                  
|Articles |News |مقالات |بيانات

03-16-2020, 01:23 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    ♧ربما شغلتنا معمعة الهلع العارمة و لكن لا بأس بشيء من الضحك فلعله كإجراء اخترازي يساعد على تهوية (المنافس) في ظل ظروفنا(الكاتمة) الراهنة.و هذه دعوة منا لأ لا نتحسر علي بلدنا الحبوب بعد قراءة هذه الخواطر المبعثرة دافئةً أوحي لي بها ظرفنا كنوع من ضرب الهم بالفرحمن نبدؤها ببشرياتٍ مشجعةٍ و نكمل بكوميديا سوداء مؤلمة ساخرة 😪

    ▪ فبرغم هذا المأذق العالمي من جائحة (COVID-19) و رغم حالةالوفاة الوحيدة (المعترف بها) لدينا رسمياً إلا أنه لا داعيَ لأن نشعر تجاهه بقلقٍ زائد. و ذلك لحززة أسبابٍ منطقيةٍ نحصر منها ما يلي:

    (عدل بواسطة دفع الله ود الأصيل on 03-21-2020, 10:46 PM)

                  
|Articles |News |مقالات |بيانات

03-16-2020, 04:37 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    1. الفيروس منتشر بالفعل بالسودان هذه يتنازع حولها اثنان و لا تتناطح عنزان:
    فغالبية الدول من حولنا أعلنت منذ وقت مبكر عن حالات إصابة بالمرض.. و لأن اتصالنا بهذه الدول لم ينقطع خصوصاً مصر والسعودية ناهيك عن أوروبا و أهم من ذلك حدودنا المشرعة عل مصرها و ضلفها الثمانية عل جيراننا، فيمكن الجزم بأن المرض وجد طريقه إلينا ومنذ وقت طويل، و لله الحمد و المنة الذي لا يُحمد على مكروه سواه. كل مافي الأمر انه كانت تنقصنا الوسائل اللازمة لتشخيصه.. فالجهاز المتطور الذي يستعمل للتشخيص (Real-Time PCR) لم توفره منظمة الصحة العالمية(سكند هاند) إلا قبل أسبوع مضى. خلاصة القول إن المرض بالفعل منتشر في السودان دون أن يترك أية آثارٍ ملموسة..

    2. اعراض الإصابة بالفيروس أقل حدةً من أمراضنا المحلية المستوطنة و الموسمية:
    في بلد كالسودان موبوء بالملاريا والتيفود و الكلازار والبلهارسيا و الكبد الوبائي و الكنكشة و غيرها لا تشكل الإصابة بهذا الفيروس فيه أية (قيمة مضافة). فيمكن اعتبار هذا الفيروس فريق رابطة من الدرجة الرابعة يا دوبك صاعد وقدم إلى الولاية محل حمدوك و البُلهان دا
    بنوم و تيارة بقوم، لينافس في الدوري الانجليزي مثلاً.. أغلب أمراضنا المحلية المستوطنة أشد خطورة و فتكاً من الزائر النكرة الذي يسببه هذا الفيروس الضعيف..لذلك من الكوميديا ودار قروشنا لاستيراد كمامات و مطهرات الأيادي للوقاية و عندنا القضيم و القرض الموليتة و الذي منه هذا في وقت نحن غرقى في مستنقع من الامراض الأكثر رأساً وتنكيلاً..

                  
|Articles |News |مقالات |بيانات

03-16-2020, 05:01 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    3. اغلب الإصابات بالفيروس لا تسبب أعراضاً حادة:
    مثل كثير من الفيروسات المشابهة فإن غالبية إصابات كورونا
    لها أعراض طفيفة فقط.. و لأنها تتشابه مع عورض أمراض أخرى
    ولانعدام الخبرات التشخيصية فيمكن القطع بأن كثيراً ممن أصيبوا
    به في السودان وهم لا يعلمون قد تلقوا أو لم يتلقوا علاجاتٍ لأمراض
    أخرى..هذه العلاجات لا تقضي على الفيروس بالطبع و إنما يسقط فقط
    بتقادم الزمن الذي يحتاجه الجسم لاحتوائه تماماً مثلما يسقط الكثير
    المثير من قضايانا الشائكة العويصة. كما يحدث مع نزلات البرد.

    4. الفئة العمرية الأكثر تأثراً بالفيروس قليلة العدد في بلاد العجب العجاب:
    فالإحصائيات العالمية المتوفرة حالياً توضح أن إصابات فيروس الكورونا تشكل
    خطراً على كبار السن خاصة ممن تجاوزوا الثمانين.. نسبة الوفاة من الإصابة في
    هذه الفئة العمرية تقترب من من ال10٪.. الوفيات معدومة بين الإطفال والشباب
    وترتفع قليلاً مع التقدم في العمر لكنها تبقى دةن الكسر عشري..

    ▪ فشكرن جزيلن ياخ لسوء التغذية و الانهيار الاقتصادي و انعدام الأدوية
    و فشل النظام الصحي لأنها جعلت متوسط الأعمار في السودان اقل كثيراً
    من 80 سنة و بالتالي جعلت لا خوف علينا من الكورونا.و (رب ضارةٍ نافعةٌ).

                  
|Articles |News |مقالات |بيانات

03-16-2020, 09:59 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    5. سخونة الجو تؤثر على الفيروس:
    الفيروسات كائنات شبه حية تتكون من مادة وراثية محاطة بغشاء.. ليس لها من خصائصَ الكائنات الحية سوى التكاثر.. ولكي تتمكن من ذلك عليها الانتقال سريعاً من خليةٍ حيةٍ إلى حيةٍ أخرى.. قدرتها على الحفاظ على نشاطها تنعدم سريعاً خارج الخلايا الحية و قدرة غشائها على حفظ تماسكها تقل في الأجواء الحارة نسبياً.. لذلك ليس غريباً أن الالتهابات الفيروسية المنقولة عن طريق الجو (العطاس و الكحة) واللمس ( كالمصافحة) تكثر في الشتاء.. و هذا أحد الأسباب التي جعلت من أفريقيا أقل الأماكن تأثراً بوباء كورونا.. لذا فشكراً برض لشمس السودان الساطعة و جوه الحار الخانق الذي لا يسمح لمثل هذا الفيروس بالتكاثر والانتشار بشكل وبائي..

    6. ليس لدينا نظام صحي:
    ▪ كل من يتابع الأخبار يرى بوضوحٍ الضغط الذي سببه هذا الفيروس على المجتمعات المتحضرة ذات الأنظمة الصحية المتطورة.. هناك حيث الرعاية الصحية مجانيةٌ تتكفل
    بها الدولة.. هذا الوباء جعل الدول تضخ المزيد من الأموال من جزلان الدولة في قطاع الصحة ليستوعب الأعداد المتزايدة من المرضى لكي تحميه من الأنهيار..أما هنا في" أحب
    مكان بلدي السودان لأنو حسانو أعف حسان..طير و صوادح و روض و جنان " فليس لدينا نظام صحي أصلن من أساسه لينهار.. و بالتالي لن تشكل الإصابات بهذا الفيروس أية مشكلة لمنظومتنا الصحية المهلهلة..يعني زي أعور قالولو نقد ليك عينك التانية قال يلا .

                  
|Articles |News |مقالات |بيانات

03-16-2020, 10:10 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    7.ليس لدينا نظام اقتصادي:
    ● واحدة من اكثر تأثيرات وباء كورونا هو الآثار الاقتصادية السالبة المترتبة عليه.
    فانعزال الموظفين عن اعمالهم يشل العجلة الاقتصادية.. كما أن قطاعاتٍ و مراقَ اقتصاديةٍ هامةٍ كالطيران و السياحة تأثرت بشدة.. أما عندنا هنا في السودان فليس
    لشدينا اصلاً اقتصاد فاعل لنخشى عليه.. فالموظفون حضورهم وغيابهم زي بعضو
    لاهو مقدم و لا مؤخر . والذين يعملون تعودوا على العمل في كل الظروف و لن
    يتقيدوا بتعاليم العزل ان تم النصح بها.. بمعنى لن تكون للاصابات بهذا
    الفيروس اية آثار سالبة على اقتصادنا المنهار اصلا..

    8. بعد فترة لن يتذكر فيروس الكورونا هذا أحدٌ:
    ▪ انفلونزا الطيور وانفلونزا الخنازير و فيروس زيكا
    وغيرها مجرد أمثلة على أمراض فيروسية انتشرت
    في العالم خلال العشرين سنة الماضية و أحدثت جلبة
    مشابهة لما يحدثه فيروس الكورونا حاليا.. لا احد يتذكر
    هذه الامراض الآن.. وكذلك سينتهي فيروس الكورونا
    بعد تمتلأ جبوب شركات بالادوية بالأموال.. وسينصرف
    العالم الى اختراع وباء وهمي جديد يشغلنا به..

                  
|Articles |News |مقالات |بيانات

03-16-2020, 10:34 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)

    خلاصة الخلاصة ان الهلع من فيروس الكورونا قد يكون مبرراً
    إذا كان عمرك 85 سنة تعيش في سويسرا الباردة و تخشى أن
    الأسعاف الهيلكوبتر الذي سينقلك الى الطوارئ لن يجد سريرا لك
    وتخاف أن تؤدي الآثار الاقتصادية التي سببها كورونا إلى نقصان
    معاشك التقاعدي فلا تتمكن من السفر في رحلتك الصيفية التي
    حجزتها إلى شواطئ الباهاما..

    ▪ أما إذا كان عمرك 25 سنة خريج و عاطل تعيش في بيئتنا
    الساخنة و تقف في صف العيش صباحاً وصف الغاز مساءاً و وراء
    بيتكم كوشة كبيرة تحرقونها كل أسبوع و تفطر يومياً ببوش في
    الدكان مع أصحابك العاطلين و كل ما تجيك حمى و لا عطسة ساي
    بتمشي الأجزخانة و تجيب أموكلان تبلعه بالنية و بغض النظر عن
    مرضك شنو ولو ما نفع بتديها كورس فلاجيل و تمشي العطار يقول
    ليك الحل في بل عشبة (أبو قطينة) و تشربها فيمكن القول لك بثقة
    إنه لا خوفٌ عليك و لا تحزن من فيروس كورونا إطلاقاً ، و لا في داعي
    تودر قروشك في كمامات ولا مطهرات و اشتري بيهه أقاشي بالشطة !!
                  
|Articles |News |مقالات |بيانات

03-17-2020, 07:22 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    تعرف، حكاية شكرن لسوء التغذية و أخواتها دي ذكرتني حادثة في حلتنا.
    كنا ماشين لي بكا و الدفار غلق في زول كان شغال لياس بزبالة فجاء بحالتو
    ديك يركب ملح. قامت في اللحظة دي سفنجو انكطعت و الجماعة فاتوه.
    بقى متحسر . بعد شوية جابو خبر دا الدفار أنقلب و حت الركاب ديل أرضن
    انبطاح متل قرع ود العباس. أها الجماعة جرو يشوفو الحاصل شنو، و زولنا
    دا بهنا ما صدق ملص نعالو و قعد يسلم عليها: أشكرك إنتي ياخي لولاك
    كنت اتلحست في صمت خشمي مع ناس الدفار و لحقت أمات طه!!
                  
|Articles |News |مقالات |بيانات

03-21-2020, 12:39 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)



    Abdelhai Alshibli
    ● من أحدث طرائف كورونا اعاذني الله واياكم من كل مكروه
    اليوم التقيت بصديقي هاشاً باشاً ومددت إليه يدي مصافحاً له فخاطبني قائلاً ممازحاً و مهرولاً:
    (لئن بسطتَ إليَّ يدَك لتقتُلني ما
    آنا بباسطٍ يدِيَ إليك لآقتلك....)
    😂😂😂😂😂😂😂
    ▪ يا كافي البلا ويا حايد المحن. بالله بقى الإنسان للدرجة دي يخاف من أخيه الإنسان. و يبقى لنا في الحياة الدنيا أن نقول "لا مساس"؟!!

    (عدل بواسطة دفع الله ود الأصيل on 03-21-2020, 01:22 PM)

                  
|Articles |News |مقالات |بيانات

03-21-2020, 03:38 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    ♤ ياخ انعل أبو الكرونة ظاطو.
    زمان تعطش بالله فضلة خيرك ،
    كم واحد جنبك يشمتوك يقولو :
    يرحمك الله.و يستنوك لامن يرد:
    يهديكم الله و يصلح بالكم.
    ● أها، هسة كان راجل كدي اقدر فك ليك عطيسة
    ساي؛ إن شاء من الشطة في سوق تشاشة.بس شوف
    ما يقومو منك صوف و يببلغو فيك ! هي و عان دا
    كمان ؛ و هو تلقى ليك سوق تشاشة فاتح!!؟
                  
|Articles |News |مقالات |بيانات

03-21-2020, 08:01 PM

السر عبدالله
<aالسر عبدالله
تاريخ التسجيل: 11-10-2006
مجموع المشاركات: 1187

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)

    ود الأصيل
    تحية طيبة
    الفقرة رقم ٥ فعلا فيها حقائق مؤكدة وعي أن سخونة الجو تؤثر على فيروس الكرونا..ولهذا فإن سخونة الجو في السودان نعمة من نعم الله على السودان....وعسى أن تكرهوا شيئا وهو خير لكم...ويؤكد الأطباء هنا في كندا كذلك أن سخونة الجو تقتل هذا الفيروس..والنصيحة أن نغسل الايدي بالماء الفاتر والصابون وليس بالماء البارد...
    وتحياتي الصديق شريف عمر...وقول ليه السر عبد المنعم بسلم عليك كتير...
                  
|Articles |News |مقالات |بيانات

03-21-2020, 10:03 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: السر عبدالله)

    ▪ حاضر أستاذي السر بالمناسبة الليلة كنا الخط مع خاليشريف.
    و فاتني في مداخلتنا قبيل أقول ليك كنا في سيرتك بكل خير .
    فسبحانالله نفس الأسلوب الهادئ و الطبع الرزين. مما يبرهن لينا
    إنو جيلكم القدامنا دا فعلن خرافي. بالمناسبة خالنا شريف مثلى
    الأعلى لدرجة في تخصصي الأكاديمي و مجالي المهني وراه
    كوقع الحافر على الحافر.
    ● و بالعودة إلى جونا الحار، من المفارقات أنه حاضن لأمراضٍ
    و حمياتٍ مستوطنةٍ لدينا كالسحائي و الملاريا و أخواتها . و التي
    ظللنا نعاني منها منذ قرون و نتداوى منها بنفس العقار الذي حُملِت
    إلينا من فرنسا اليوم بشريات نجاعته بعلاج هذا الوباء المستجد .

    ● و هذا ربما يعيدنا بالذاكرة للمقاربة مع قصة ذبابة التستسي
    المسببة للنوم و الكسل، و الذي يعيرنا به المصريون لأكلنا الفول لكون
    زهرته منها. و لكن هي التي قيل بسببها كان بلفور قد عدل عن وعده
    لليهود بإقامة وطنٍ لهم في حضن غارات و أحراش جنوبنا الحبيب.
                  
|Articles |News |مقالات |بيانات

03-28-2020, 06:38 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    ▪ هارفين ، أنو أشهر من اشتُهِر بالنوادر و القفشات كان جحا و هو أقرب إلى شخصية وهمية من صنع خيال الأدب الشعبي الذي لا أبَ له و لا وريثَ. و لكن كان لجحا منافسان من عالم الشهادة؛ أولهما أبو نواس الحسن بن هانئ الملقب بشاعر الخمر و الغلمان و المجون و ثانيهما بهلول الملقب بأعقل المجانين. و كانت لكليهما مواقفُ و مقالبُ ساخرةٌ و نادرةٌ مع الخليفة هارون الرشيد. و إليكم بواحدة منها كسراً لروتين رتابة الحبسة الكاتمة دي :
    ® حمير بهلول في اسطنبول π√
    © من نوادره المضحكة المعبرة¢
    @ أزواج من جماعة حزب الخضر£

    ∆ حيث طلب البهلول من أمير المؤمنين/ هارون الرشيد أن يحكّمه بالعباد
    مدة شهرٍ واحدٍ، فرفض هارون، ثم ألحّ البهلول، و لم يستجب له الأمير الرشيد .

    ¶ و بعد المشاورات و الالحاحات و اللاتي و اللتيا، اتفقا على مضض،أن
    يحكم البهلول البلاد ليوم واحد فقط، و بشرط: أن لا يظلم البهلول احداً.

    ¶ و مع حلول ساعة الصفر المحددة لتقلد البهلول منصب القائم
    مقام بصلاحيات{ أمير ليومٍ واحدٍ فقط لا غير} ، ذهب هارون لنزهة
    في بساتينه مع الأسرة الملكية و على رأسهم حرمه المصون/ زبيدة.

    ¶ و في رابعة النهار يلتقي هارون بالبهلول و هو يسوق بين يديه
    قطيعاً {مراحاً} من مئات الحمر الأهلية المستنفرة ، فرت من قسورة ،
    ¶ فاستغرب هارون لهذا المنظر و سأله:
    - ما هذا (الرهط) من الحمير يا بهلول و من أين أتيت بها؟
    فأجابه البهلول:
    - لقد مررت بالبلاد يا مولاي ، لأتفقد أحوال الرعية من العباد
    و فرضت على كل (بغل) تأخذ (بعلته) بزمام أمره ؛ و تطويه كيبراً
    تحت حناحيها؛ فرضت عليه ضريبةً عبارةً عن حماره الذي(يركبه)،
    ¶ فقال هارون:
    - هل من المعقول يا بهلول في بحر سويعات، أن تحشد كول هذا الكّمّ
    من المغلوبين على أمرهم؟
    - فقال البهلول: دعنا من هذا يا مولاي ، المهم أنني لم أظلم أحداً، و إنني أثناء
    تجوالي في ربوع البلاد رأيت ما لا عينٌ رأت و لا أذن سمعت؛ و لم يخطر ببال أحدٍ.
    - ماذا رأيت يا بهلول؟
    - رأيت يا مولاي فتاة حسناء غيداء مصقول عوارضها؛ تمشي الهوينة كما يمشي
    الوجي الوحِلُ. علبها جنس طعومية ترمي في "الشووووق المشييييت ليهو"بحيث
    إذا أصبحت نهاراً ،تنحت لها الشمس و قالت: هلم اجلسي مكاني، و إذا بزغت مساءاً،
    كانت نجمة حميراء، توارت لها خجلاً، فلقة وجه القمر , و هو في ليلة البدر ....

    ¶ فكم تمنيت أن تكون تلك الحسناء الفاتنة زوجة بالحلال لمولاي أمير المؤمنين.
    فماذا قلت يا مولاي.

    ¶ فجذبه الرشيد إليه و قال : أخفض صوتك بهلول با مجنون ،كي لا تسمعنا
    زبيدة ( تودينا ف 60 داهية)!

    ¶ فقال البهلول: إذن ، عليك بحمارين ( مكاديين)، يا مولاي .. هذا
    و لنا عودة حين ميسرةٍ ؛ مع أبي نوَّاس.

    ® بت ي محاسن، كدي جيبي لي السرج داك ، خلينا ننشد و نركب🙈🙈
                  
|Articles |News |مقالات |بيانات

03-30-2020, 08:51 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    ● من عجائب السودانيين :
    زمااان الزول العاطل و قاعد في البيت برا شغل و لا مشغلة يقولوا ليه: كاسر (كرونة) في البيت"😂و حالياً ما معروف ،نحنا الكاسرين(كرونا) و لا كرونا هو الكاسر فينا(عود عُشَر) عديل😂 😂😂ياخ الشعب السوداني دا شعب معلم كبير اكتشف المرض قبال ظهورو .أتاريهم عشان كدا شايفنهم (مطيزين) ليه.🏃🏼🏃🏼🏃🏼👆👆

    (عدل بواسطة دفع الله ود الأصيل on 03-30-2020, 09:51 PM)

                  
|Articles |News |مقالات |بيانات

03-31-2020, 07:14 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    ♤ أبو نواس من اشهر شعراء العصر العباسي وهو الحسن بن هانئ بن عبد الأول بن صباح الحكمي بالولاء.
    ♤ شاعر العراق في عصره. ولد في الأهواز من بلاد خوزستان ونشأ بالبصرة، ورحل إلى بغداد فاتصل فيها بالخلفاء من بني العباس، ومدح بعضهم، وخرج إلى دمشق، ومنها إلى مصر، فمدح أميرها ، وعاد إلى بغداد فأقام بها إلى أن توفي فيها.
    ♤ كان جده مولى للجراح بن عبد الله الحكمي، أمير خراسان، فنسب إليه، وفي تاريخ
    ابن عساكر أن أباه من أهل دمشق، وفي تاريخ بغداد أنه من طيء من بني سعد العشيرة.

    ♤ هو أول من نهج للشعر طريقته الحضرية و أخرجه من اللهجة البدوية،
    و قد نظم في جميع أنواع الشعر ، و أجود شعره و أعذبه كان في خمرياته.
                  
|Articles |News |مقالات |بيانات

03-31-2020, 07:19 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)

    ● قال أبو نواس دعاني يوما بعض الحاكة ، وألح علي ليضيفني في منزله ،
    ولم يزل بي حتى أجبته ، فسار إلى منزله وسرت معه ، فإذا منزل لا بأس به ، و قد احتفل الحائك فلم يقصر ، فأكلنا وشربنا ، ثم قال: يا سيدي ، أشتهي أن تقول في جاريتي شيئا من الشعر وكان مغرما بجارية له قال أبو نواس فقلت : أرنيها حتى أنظم على شكلها ، وحسنها . فكشف عنها الحجاب ، فإذا هي من أسمج خلق الله وأوحشهم ، سوداء شمطاء ديدانية يسيل لعابها على صدرها فقلت لسيدها : ما اسمها ؟ فقال : تسنيم . فأنشأت أقول
    أســـهر ليــلي حــب تســنيم ~~
    جاريــة فــي الحســن كـالبوم
    كأنمــــا نكهتهـــا كـــامخ ~~
    أو حزمــة مــن حــزم الثـوم
    وضـرطت مـن حـبي لهـا ضرطة ~~
    أفــزعت منهــا ملــك الــروم
    ● قال : فقام الحائك يرقص ويصفق سائر
    يومه ، و يفرح ويقول : شبهها والله بملك الروم .
                  
|Articles |News |مقالات |بيانات

04-02-2020, 10:11 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)

    ♧صراعُ العمالقةِ بين جعليٍّ و كرونا£

    ● دخل الكائن التاجيُّ اللعين إلي أرض السودان يتلفت يمينةً و يسرةً متعجباً من مظاهر الفقر و الفاقة المرسومة علي وجه الإنسان و الجدران

    ● فقابله أول من قابل جعليُّ قرفان محدر طاقيتو و مبرّم شنيباتو و كافّي ضراعو عن سكين متر إلا ربع و اا هاميهو
    البنا و لا البنوا الطين. ضرب الجعلي الواطة ب(كالوت)
    عكازنة المانعة الغليظية وقال للكورونا :*

    • من وين يا اللعين جاي و كمان تتقدل
    • ومالك فارد العضلات وماشي متندل
    • جيت بلد التلوب الحالا كلو مبدّل
    •وكان خشيت قسم ما نشوفك إلا مجندل

    ● نظر الكائن التاجي بإزدراء إلي الجعلي
    المتحفز لقتالٍ و متحيِّز إلى فئةٍ و قال :*

    °ها يا سجم الرماد أسحف بعيد لا أدوسك
    ° أنا ما ضبان كوش وةلا شبه ناموسك
    °أمش كوسلك علاج ودق للخطر ناقوسك
    °و أنا وحيات ذو الجلال ما اخلي إلا ضروسك

    ●الجعلي تفاّ سفّتو جدعا هناك متل دقار
    مجروس وجرّا عكازو ركز و قال للكرونا :*

    •إن جيت للرجالة ما أظنك ارجل مني
    •أنا أخوك يا البدور والعازة لي بتغني
    •راسمالك قرض اختّو بس فوق سني
    •أمش ألعب بعيد يا ( طيرة) لا تزعلني

    ●الجعلي رفع عكازو وهجم علي الفيروس ... والفيروس
    زي الشيطان الرجيم طار فووووق وجاء داخل نخرة الجعلي
    و نزل جري على حلقو وفشافيشو؛ وصاحبنا الجعلي رررب دقّ الدلجة وشخرتين ما زادن وسلم رويحتو لي باريها!!

    ○أهاا الكورونا جا مارق و اتمدد فوق نخرة الجعلي وخلف كل رجلين من كرعيهو الكتار
    ديل فوق بعض وقعد (يجر النم مع الحردلو
    في الدوباي) استعدادا للهجمات الجاية :*

    °أنا بحر الدمار معروف مأّصل صيني
    °تلات أرباع البشر في وجبة ما بكفّيني
    °لا عسل النحل ...و لا القرض بنفيني
    °ولا درجة حرارة زاتو يمكن تأثر فيني

    °فرتاق للصفوف أنا كم نسفت جماعة
    °إيطاليا وفرنسا قالوا السمع والطاعة
    °جيت لي بلدا فقران وضاربا مجاعة
    °وحالف باليمين أضايرو في فد ساعة

    ○أنا مصنوع من نار غضب و يلا من حيسو:
    عوووع أخخخن تُف قبال يتم المربوعة مات

    ▪والعلماء جو وشرحو الفايروس ولقو سبب موتو إختناق
    بسبب فتفوتة من سموم سفة التمباك التفاها الجعلي قبيييل ديك اللتاريها دخلت في نخرين الكورونا و جابت خبرو.

    ¤ بت أم زقدة القضارف، ما قُتُّو نوبة!!

    ♡يلا مطرو و دنكلو سِفو ساي كلكم
    و تنقد الرهيفة؛ الحبة دي ما بتجيكم 😂

    ✍️ *علي أحمد علي - جبل أم علي*

    (عدل بواسطة دفع الله ود الأصيل on 04-03-2020, 05:36 AM)

                  
|Articles |News |مقالات |بيانات

04-03-2020, 07:22 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    عمك جولكين تسعيني مشي عمل فحوصات عامة
    للكرونة و كدي. الدكتور قال ليهو : الحمد لله النتائج
    مطمئنة شديد و لله الحمد .. كيف علاقتك مع أهل ببتك
    و مع ربنا؟ قال ليهو : مبة مية. ياخ لدرجة من شدة تسخير أموري إنو لامن أصحي بالليل وأمش الحمام اللمبة بتولع
    لي براها و لامن أنتهي و أجي مارق برضو تطفي براها.

    ● الدكتور إستغرب جداً و سأل مرته كانت جاية معاهو
    حاجة كبيرة و قال ليها : يا حاجة صحي راجلك دا عندو
    متل جنس الكرامات و لا زول فيكم ما جايبين ليه خبر ؟! الحاجة بعصبية و انفعال شديد:يا ولدي بس الله يهديهو
    عمك ، من جات كرونة دي قاعد يبول لينا في التلاجة!!
    😂😂😂😂😂😂😂😂😂😂










    (عدل بواسطة دفع الله ود الأصيل on 04-03-2020, 07:29 AM)

                  
|Articles |News |مقالات |بيانات

04-27-2020, 06:48 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    《 إخفاء معالم جريمة الشربوت》

    {أرقد آ بلح أنا جرابك !!!؟}
    =====
    ●في عيد من أعياد الأضحى .. بالسعودية قامت سودانية بمنطقة الإحساء شرقي مملكة بتي
    سعود ، بعمل خلطة شربوت سخرية كاربةمن نوع (شراب الفقراء)..و كانت مكوناته بالطبع :
    بلح ، حرجل، قىتفل، هبهان، جنزبيل، عرديب، عرق أحمر غرنجال و قرفة (دواء كرونة جاهز ) .

    ● ثم وضعتْ الخلطه في برميل صغير سعة 2 جردل كبير ..لأن ضيوفهم كتااار،
    إذ يأتون زرافاتٍ و وحداناً ، كسيل العرم غير المنقطع .و أوْدعتْ البرميل جخوناً
    صغيراً في مخبئٍ بركنٍ قصيٍّ بالشقة التي تبدو أضيق من كستبانةٍ .

    ● أما زوجها و لأنه من مرتكبي جريمة أكل الكبدة (النية) من الخروف عندما لا يزال هذا الأخير تحت
    تأثير السلخ ..فقد أضاف خلسة و في غياب زوجته الهميمة ، قدح ثلاث ملاعق خميرة بيرة .. مما جعل
    المشروب يصيبه الجنون و يثور و يفور في غضون يومين حتى تململ غطاء البرميل و تأبط شراً فأصدر
    فحيحاً و هسيساً كهسيس الثعبان الوشاشة في كومة قش. و ظنتْ الزوجة أن ثورة البرميل ربما كانت بسبب
    الكتمة التي يرقد فيها البرميل في المخزن المليان كراكيب. و رغم أن ابنها (السغيروني) ظل يردد عدة أيام :
    يمة في ريحة غريبة في شقتنا..إلا أن الأم كانت متأكدة من نظافة بيتها فقام الأب بلكز إبنه بجنبة و قال له :
    مناخيرك عاوزات نضافة.. لا قوم با شافع أمرق ألْعب بعيد .

    ●ثم جانا العيد و إنتا بعيد..كانت أول زائرة لهذه الأسرة جارتهم السعودية.. زوجة راجل بدوي متزمت ثقيل الدم ..
    فناولتها الجارة السودانية (كباية) شوب كاربة من المشروب البركاني ..و هي تذكر لها المكونات مع التركيز على
    الهبهان الذي يحبه العربان مع القهوة... فلحستْ السعودية المشروب جغمة فرد واحدة ..ثم مصمصتْ شفتيها.. و تمطّقتْ
    ثم و زاغت عيناها قليلاً..و لأن الشربوت الغتيت من النوع الذي يمد لك لسانه لكي تقول: هل من مزيدٍ ، فقد طلبت السعودية
    كوباً آخر و كرطعتو بي نَفَس واحد..! و هي تقول : فيهو شي زين ..و شيتن موب زين !! ..ثم تلتْه بثالثةٍ فرابعة الأثافي..
    لامن رقدت بالجك كلو و خلت بس الحتروب..فصارت تنجم كقارئة الفنجان! حتى ثقل منها اللسان و بقت صاحية كالنعسان.
    .ابتسمتْ..ثم قهقهتْ بضحكة رخيمة..حتى دمعتْ عيناها..ثم انتصبتْ تتمايل..و خرجت مترنحةً سبعة تمانية خطوة لقدام
    و تلات شبحات(لورا ورا) و هي تقول : " أرقد آ بلح أنا جرابك" " ترا يا زين عصايركم يا السوادنة!! ..و يقال إن
    لها جارة مصرية شماشارة سمعتْها و رأتها منتشيةً و هي تبعبع (تتجشأ) بأعلى صوتها عبر الكوريدور و قد بدا لها
    كنفقٍ مظلمٍ .. و هي تقوم بالتمليس على بطنها و ابتسامة (وردية) بلون الأماني السندسية ترقد ناعسةً على شفتيها..

    ♡ ثم دخلت السعودية شقتها ..و رزعتْ الباب خلفها ..ثم ران صمتً رهيبٌ ..و هدوء كالذي عادة ما يسبق
    العاصفة ..ثم شق السكون صوت السعودي زوج المنتشية و هو يزبد و يرغي : تشربين المنكر يا بنت الـ(....)
    و كمان في يومالعيد ؟!!! ثم خبط على باب شقة السوداني مهدداً و متوعداً : أنا الحين بجيب لكم الشرطة يا اللي
    ماتستحون.. تسوون المنكر في بيوتكم في أيام العيدو كمان تسقوها لضيوفكم ؟ ثم إنطلق لا يلوي على شي ..

    ♡ فأخذت السودانية مع أبنائها البرميل الصغير تحت جنح ظلام الليل ليودعوه أقرب برميل
    زبالة ، و تنفسوا الصعداء بعد أن تم التخلص منجسم الجريمة ..و العهدة على الرواة ، يقولون:
    إن الزوجة السعودية كانت ضاربة الهم بالبهجة و الطرب تغني طوال الليل و هي تضحك بين
    الفينةو الأخرى ثم تقول :آآآآآآآآآآآآآآي.. والله عاد يا زين عصايركم يا الزيلان!

    (عدل بواسطة دفع الله ود الأصيل on 04-28-2020, 04:46 AM)
    (عدل بواسطة دفع الله ود الأصيل on 04-28-2020, 08:29 AM)

                  
|Articles |News |مقالات |بيانات

05-02-2020, 10:44 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)

    《 في مخضر محكمة لعيدالحب في حلة البلولة ابوشلخ》

    ♡فانتازيا الغراميات في قاموس ناس:
    {سنة يا جنا..يا الحميتونا القيط القطن}

    ● المخاريز و المعروضات المضبوطة و متحفظ عليها :
    ▪دبدوب دلاقين أحمر مصنوع من شملة و قنجة غتا حاجة
    التبينة المقطعة (الجابتها اول عمنول من الحج )+ ثلاثة وردات
    بنفسجية و حمراء و بيضاء من البودة و الحنتوت و التغر، إلخ.
    (قطفوهن من حواشة حاج القاسم آخر بيت ترعة حشرو عباس).

    ● المتهمان الأولى: نسرين جوري(اسمها إسفيرياً)و اسمهاالحقيقي:
    (بخيتة بت الزين).و الثاني المدعو: جوجَوَيْ طول النخلة و قلب
    السخلة(اسم الصوشيال ميديا ) أما اسمه قبل مايلبس الكباية
    و يدق السستم و يفلفل تفة شعرو) فهو : (القلع ود حاج الحسين).

    ● أول مسرح لاقتراف تلكم الجريمة النكراء : ترعة مهلة و طلحة ود الطريفي
    (أم شيطان أب لمبة) آخرنمرة في مشروع الجزيرة والفاصلة لامتداد المناقل

    ● أقوال الشهود: كما سجلها المتحري و العرضحالجي تحت ضل دليبة عطشانة.

                  
|Articles |News |مقالات |بيانات

05-02-2020, 10:46 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)

    《 أصل الحكاية》
    ♡ جمعتهم قصة حب طويلة من زمن كانوا متيربية (في نجاااض حرم الحِلة)
    تحت جنكابة جبرالله أب كُدُر دخلا المدرسة المختلطة وتجاوراء في الكنبة الأخيرة
    كي لا تفوح رائحة بارود الغرام ليعبق بها أثير الكُرْنُك فتنفضخ مشاعرهما الجياشة.

    ● ثم تطورت (سوسيوة) حبهم حتي (سيَّكَت ) مشاعرهما و نمت أهداب ريش
    الهوى الغلاب مع انقالهما للثانوية فعنقدت تلك ( الفريرجة) و كاكت له بالهيام
    و صار هو فروجاً مراهقاً (زعورياً) شامِّ صناحو في مرحلة ماقبل (العوعاي) .

    ● خدمتهما الظروف فنجحا معاً بامتحان الشهادة فدخلا الجميلة و مستحيلة
    كأول اثنين من القرية في الجامعة( كاكت) له البخيتة محنة كُتْ كُتْالبرا لبن ،
    بينما (هنَّق) لها القلع معبراً لها عن تتيمه و هيانه بلغة رومانسية تسيل اللعاب.

    ● تطورت الأمور بينهما حتى تواعدا ذات خرجة وجبرت بخاطره رافقته( معنقدةً)
    ولظروفهم المالية النهبببة أمضيالحظات رومانسيتهما في حدائق (حبيبي مفلس )
    وقهوة عم حسين بالبصارة ، و متسكعين طوطحانية بين النشاط و (الداون تاون).

    ● باغتتهم عطلة(السيمستر ) وهما في غفلة حبهما الجارف العنيف
    و تفاجآ بعيد الحب الذي عرفاه لأول مرةٍ من اقرانهم المجكساتية بالجامعة
    فذات يوم بعد عودتهم من الضهرية و هم في عطلة نهاية العام الدراسي في
    قريتهم (بريرة) التي لا تعرف الحب أصلا و مسخرته ناهيك من عيده فالحب
    عندهم (تعرس بنت عمك أو جارتك حتى لو كانت عوراء و سارحة بالبهايم.
    ....
                  
|Articles |News |مقالات |بيانات

05-02-2020, 11:00 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)

    ● فكر الجوز أن يحتفلا بعيد الحب و زي ما نجي تجي سجن سجن و غرامة
    غرامة ( و تنقد الرهيفة ) . فتفقاوعلي اللقيا خلسةً عند قيفة ترعة الغرنوق مكتب
    الماطوري؛ ريفي ود المنسي بعيدآ عن اعين الخلق و شمارات الفضول وتخيلو صوت
    (القعونج) أنغام و سمفونيات (قو قا قو قا قو قا) مع صرير الجنادب و البعوض
    (أوكسترا تعزف مقطوعة الود و الحب و الظروف)أما العطور فكانت منبعثة من
    قش (التردة ) أو (ام صوفة) القايمة بروس في بطن الترعة و أب عشربنات.

    ● جات البخيتة لابسة توب (عاريَّة) من أم زين اللحمر وجاء القلع قاشر بجلابية
    التوم اب جلحات السكروتة. ركبا حمار حمدان ود أب سلكة وحملا (دباديبهم)
    في عينين (خُرج )حاج اللمين كيﻻيراهنا دفع الله ودالقديلو وشلته فيتهموهما
    بالشيوعية وعدم الشغل وقلة الادب اللي ما فاضل بعدا تلا تدخين السجاير.

    ● تنصت اخوها البلولة الغشيم لموعد لقائهما وكشف خطة الاحتفال السرية
    فراخ يتلبد لهما في حواشة ود حماد ( آخر بيت المقابلة لي ظبة الترعة طبعاً)
    وكان يتلبد مثل حركات المفتش (كرومبو ) إلى أن رآهَما جالسين علي ظهر الترعة
    في لحظةٍ حميميةٍ ما منظر مسيلا . عاملين مثل ود أبرق وعشوشة عندما ينفردا في
    اعلي اغصان شجرة لالوب ( بابكر ود قسومة ) أو يجدان سبلوقة فاضية في ضهر
    عوضة جدي عبد الخالق المطرف.......
    وعند بداية طقوس الاحتفال خرج البلولة الغشيم و(الغليل ) الاشول وبدران أب تفة
    من تحت اللوبة والعدسي متل كلاب جدي (علي ود بلة) لامن يشوفن بعشوم جاي عليهن وانهالوا علي المحبَين بالعصي و السفاريق وسيطان العنج التي تولول مثل صهيل الخيل ( خبطك شمطك لب لتخك ) واستسلم العاشقان للأمر الواقع لولا جبارة، علي ودكريدة الذي جاء ليفتح لبق حواشته المغيرب لراحا شهيدين لفالنتاين لكنه نجد العاشقين في آخر خبتة

    ● الاخبار القادمة من المستشفي بتقول ان القلع راقد( ورل) في صيفة نشفت عليهو الترعة كل مايجيهو ممرض شايل درب يكورك السوط ﻻ اختا العكاز يا البلولة ﻻ الغليل اللعسر انا ما ود حلتكم وقريبكم بي بت فرج الله و يجعر زي كلبنا (جرقاس )لما يشوف ضلمة

    ● والبخيتة قالو بهناك تهضرب لي يوم الليلة كل ماتشوف ليها حاجة حمراء تكورك البلولة ﻻ البلولة ﻻ أموت ليك حود لي غادي البلولة السوط بشلخني والعكاز بخليني (عرجة وعويرة) تدقني ااااابالولة أخويالقلع مو غلتان خلو ساي انا الخليتو أدرع حشاي وانا تاني وحات النبي لا بمرق لعيد حب ولا عيد رمضان ولا عيد الضحية ماني مارقة ليهو .....

    مع تحيات
    ود أب زهانة العلوابي
    رئيس لجنة حصر خسائر عيد فلانتين و إزالة التمكين.
    تخريمة:
    ● الله بهدانا و يهداك يابو عاصم. حب شنو ياخ بي ضم الحاء المعطشة ديل في
    غاموسم مافي نهاي. خليك من الجكس ؛ ديل المعرسين فيهم الحاجة تام زينو وكت
    تجي للرقاد بتسعل أبو الأولاد: "هوي آ باشري: أها بدورلك شي و الله أقرش لي فحل بصل: إذن ابتسم فأنت على مشارف أهلنا ناس حشرو عباس، جيهة أم صفقن عوراض.

                  
|Articles |News |مقالات |بيانات

05-04-2020, 09:09 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    من قصص العابرين ،،،، الهمباته ( حواء والدة )

    كلنا بنسمع بالهمباته وهم لصوص قطاعين طرق يسلبون كل غالٍ
    و نفيسٍ لدى ضحاياهم... وال ،،،،،،،،، كان عندهم همباتي اسمو طه
    حكى قال..كنا مرة جنوب القضارف كامنين للتجار البجو من الحبشة
    كنا منيخين ألبلنا و معاي اتنين من رفاقتي .قاعدين تلاتة يوم ما جانا
    رزق في اليوم الرابع الصباح دغش نسمع قمنا علي حيلنا واتجهزنا للكتال .
    ● فجاة جا ماري فينا زوﻻ ازرق رقيق زي الدابي قال "السلام عليكم" و زول
    رد ليهو سلامو مافي ، فات فينا ما اشتغل بينا .قمت انا كوركت ليهو ( هوي
    يا اﻻضينة خرجك ده ماليهو شنو ؟ ) رد لي قالي( دهب بني شنقول )و ﻻ
    اتلفت علينا .صحت فيهو ( يا اﻻضينة انزل من جملك وارمي الخرج و
    امش واحفظ دمك ) وقف جملو وقال انتو رجاﻻً دايرين تشيلو دهبي ؟
    إما بفضلي او بي رجالتكم.
    ● ضحكت وقلت ليهو ( مالك ومال الرجالة يا اﻻضينة .
    دايرنو حمرة عين والليلة يا اﻻضينة الطير بفطر بيك ).
    التلاتة سلينا سيوفنا ومشينا عليهو قال لينا دايرين تكاتلو
    كتال الرجال ولا كتال الحروم ؟أنا فهمت قصدو قلت لي اصحابي
    دخلو سيوفكم في جفايرها وخلو لي الإضينة الليلة بقطعوا حتت
    حتت النوريهو كتال الرجال .
    ● رفاقتي اغمدو سيوفم ورجعوا قعدوا تحت الشجرة ، طلع سيفو
    من جفيرو وشال دِرعو ومشى ليهو على شجرة انا قلت خاف داير يتجمر،
    قطع ليهو فرع وبربحو نضيف من الشوك وخته سيفو فوق سرج الجمل وجا
    ماشي علي بالدِرع والعصاية البربحها .قال انا قلت الزول ده مجنون داير
    يكاتلني بي عصاية وانا بي سيفي الليلة بشلخوا شليخ العوين .

    ● جيت خاشي عليهو والجنا اتصر زي الدابي ويصرف ضربات سيفي
    بي دِرعو وعصايتو في ضهرو ﻻميها مني عشان ما اقطعها ليو بي سيفي
    الجنا اتفر وانصر ﻻمن قطع نفسي تب ما لقيت طريقة فيو صراف بي درعو
    ما ﻻقاني زوﻻ متلو .
    ●أها وكت شاف نفسي انقطع الساعة اليطير فوق زي الصقر ويخرت فيني
    خراته في صفاحي الشمال ضهري ﻻمن الدم وقف منو ويدي اتشلت والدرع
    وقع من يدي وتاني طار وقشطني في صفاحي اليمين ﻻمن يدي انشلت
    والسيف قرب يقع من يدي قلت يا طه أرجل الزول ده اﻻ تضبحو قلت
    ليهو ورح نتصارع ونويت اغمتو في ضراعي الشمال واضبحو بي سكيني.

    ● ختيت سيفي فوق درعي وهو خت عصايتو فوق درعو وخشيت عليهو
    والساعة اليغمتني ويتلفة فوقي وخمشني وصقع بي الواطة ﻻمن راسي لفَّ
    ومصارين بطني جن في حلقي ، رفاقتي سلو سيوفم وجو ماشين عليهو بي
    سرعة فتح خرج جملو وطلع ليو طبنجة وضرب طلقة قصاد ريسينم و قال
    ليهم حرم ما ترمو سيوفكم كل واحد احشر ليو طلقة فرق عينيو ، جماعتي
    رموا سيوفم .شال سيفي ودرعي وسيوفم ودروعهم وركب فوق جملو
    وختاهن فوق كرعينو وانا الساعة ديك قمت من الواطة اترتع .

                  
|Articles |News |مقالات |بيانات

05-04-2020, 09:19 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    ●قال لينا قودو جمالكم وامشوا قدامي والبتلفت بحشر ليو طلقة في راسو .
    مشينا قدامو لي قريب ألمغرب وصلنا حلة قطاطي صغيرة والكلاب اقولن
    ( هو هو ومرقوا رجال الحلة وأحد كورك منهم "حمد اخوي جا" وجرى دخل
    البيوت ونسمع ليك نسوان الحلة قجن بالزغاريت و الناس اتلمت فينا سلامتك
    يا حمد ، حمدلله على السلامة يا حمد تلاتة سنين يا حمد . بعد كمل سلامو
    قاليهم ضيوفي ديل ودوهم الديوان ودخلو جمالم الزريبة واعلفوهن ليهم .
    دخلونا قطية كبيرة فوقها كم عنقريب كل واحد فينا لزم ليهو واحد .
    جابو لينا عصيدة حارة بي لبن وعملو لينا قهوة وبعد شوية جابو
    لينا مرارة وشية حارة ، اطعم منهن ما ﻻقاني.

    ●الصباح جا صبح علينا قلت ليهو اسمح لينا نمشي ، قالي
    تمشوا وين حرَّم طلاقن بالتلاتة ضيفنا كان ما عدى تلاتة يوم
    ما بمش مننا .قعدنا تلاتة يوم اكلنا كلو مرارة وشية وصلحوها
    لينا بي مريسة لزوم الهضم ، طلاق اطعم منها ما ضقت عمري كلو .

    ● في اليوم الرابع قال ( بعد تفطروا )ان شاء الله بنسمح ليكم .
    وظنيتو عاملين ليهو احتفال ناس الحلة كلهم اتلمو كبار و صغار
    نساوين و رجال وجابو الدلوكة وعندهم بنية الساعة المسكت ليك
    الدلوكة ودقتها ليك وغنت جنس غناين ، طير السماء يرقص معاها ،
    والساعة ديك زولنا حمد جا شايل ليهو سوط عنج مليان قطران ينقط
    منو نقيط والشباب ديل جدعو عراريقم وركزو في نص الدارة و ركزو
    ليه متل التكنو عريس والساعة الحمد يقشط اﻻول ﻻمن يغرز ليهو
    السوط في ضهرو وينـتلو من نص ضهرو نتل والدم يكب جووو زي
    النازل ليهو من مجري وحمد باره الشباب واحد واحد فرد سوط ما
    بزيدو والنسوان يسون قج بالزغاريت والشباب واقفين لط و ﻻ حتى
    رمشوا و ﻻ اتزحزحوا ناسن فراس بالحيل ، وانا ورفاقي نزح لي وراء
    خايفنو ينادينا للبطان لكن الحمد لله ما نادانا الزول الداهي ده
    الرقيق التقول شيطان جنس قوتو ما ﻻقتني في بشر و ﻻ
    حتلاقيني وقبيلتو كلها فراسن عينم حمراء و شرارة.

    ●بعد اتطامنا قمنا انا ورفاقتي عملنا لينا كم صقرية و كمبانا
    عرضنا زين و اتكتحنا هله هله وبشرنا في النسوان و نساوبنم
    ضامرات تقول صيد البراري و العيون قدر الفناجين والشعر لي
    نص الضهر يا لطيف تقول حور ، وحمد يعاين لينا ويضحك من
    البشتنه الحصلت لينا.
    ● أها، بعد العرضة انتهت جابو لينا جمالنا وقدمنا
    لي طرف الحلة وكان شايل ليهو قطعة دهب اداني ليها
    قالي اتقسموها و قالي الزول البتلقوهو ماش براهو في
    الخلاء اختوهو ﻻنو واثق من نفسو تب ما تستحقروا
    ليكم راجل ﻻنو الرجالة قلب ما جسم.
    وادعنا و وادعناهو ونهرنا جمالنا وصلنا القضارف بعنا
    الدهيبه عشتنا تب .وانا من دربي داك ودعت رفاقتي وقلت
    ليهم ماش اهلي ارعى بي سعية ابوي وتبت من السرقة و
    عرفت الرجالة والقوة خشم بيوت وغير الحلال ما في
    شيتن بملأ العين وغير حمد ما خفت و عرفت إنو
    حواء دي والدة. وظنيته يكون دا حمد ود دكين.
                  
|Articles |News |مقالات |بيانات

05-05-2020, 10:31 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)

    😄😄😄😄
    ● أخوانا في وكر العزابة نحييهم من هنا ، قالك:خاتين ليهم صابونة
    و ليفة حمام واحدة في الحمام و كلهم بستحموا بيها .و على أساس أنو
    البتنكطع فيه دا يمشي يشتري ليهم صابونة و ليفة جديدة . عشان كدا
    كل واحد تلقاه عامل حسابو شديد ما تنتهي الأمور عندو ، مهما انسهكت
    الصابونة لامن تبقى ( بروة ) رهيفة متل القرادة في صلب كلب هزيل.فمرة
    واحد منهم دخل الحمام و بعدما تعرَّى هبش محل الصابونة مالقاها. فقعد
    يكورك لآخر زول سبقو، قال ليه ياخي الصابونة وين؟ التاني قال ليه :
    باخوي ، سلامة النظر ، كدي عاين كويس بتلقاها لابدة (تحت الموس)
    فياخي أقول ليك حاحة : تسقط مثنى فثُلاثَ و رُباعَ و بس !!!
                  
|Articles |News |مقالات |بيانات

05-06-2020, 11:03 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    ▪ربطت توبا نصو في وسطا والباقي علي اكتافينا ووقفت
    في نص الحوش شالت التراب كبتو في راسها و قالت كده للسكليب
    و لا عوضية ردحي (وووووب ووووب ووووب ووووب الليلة يابو
    جمال الما ليك مثال وووووووب الليلة يابو ثريا المتلك قلالو شوية)

    ▪ و قبل ان يخرج ابو جمال مندهشاً كان الحوش اتملاء نسوان ورجال
    جرت سعاد الشمشارة عليها وقالت ليها (علوية سجم خشمي ؟؟؟؟ مالو
    أبو جمال كفى الله الشر )ردت علوية من بين عبراتها وصياحها:الكرونا
    الكرونا يابنات أمي)

    ▪ تسائل ابو جمال حيران أسفاً ( قلتي شنو يا ولية!!!؟؟؟؟
    فردت والرجال والنسوان يغطو في خشومم بالتياب والعمم
    ما بندسو أكتر من كده ياابو الوليدات نحن محتاجنك و ما
    دايرين نفقدك.. وقبل ان يرد ابو جمال تصدر حاج الطاهر
    شيخ الحلة الموقف : يا مجدوب اتصل علي ناس الكرونا /
    ياسين و عبدو اتغطو سمممممح وشيلو ابو جمال ختوه في
    مخزن الطاحونه القديم لمن الناس دي تجي /علوية انتي
    ووليداتك مااا تمرقو وحاجاتك بتجيك قبلك)

    ▪خرج الكل لتنفيذ مهامهم المطلوبة وسط احتجاج أبو جمال
    الماسمعو زول . وأما علوية فنفضت شعيراتا وشالت تلفونا و
    انتكت علي سريرا وقالت بابتسامة شااااامتة(قلت لي يابو جمال
    داير تعرس بت الحويج ؟ثم قعدت تحاكي في حركاتو قال إيه:
    بت الحويج دي سمحة و يمامة يتيمة مكسورة جناح ماااالو
    الزول لو نضم فيها؟!تاني يا ود اللزبنة لومك علي ؛علا كان
    تنضم براك مع الفيران في المخزن يابو كورونا
                  
|Articles |News |مقالات |بيانات

05-09-2020, 10:02 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)



    قصه قصيرة :
    《 الجتقو مسامير الأرض 》

    📖 جمع (الفكي آدم) ألواحه المصنوعة من خشب اللالوب ، وحرص على وضع لوحه النحاسي أسفل مخلاته، تحسّر علي سنينه الخُضر التي قضاها بين أهل القرية الذين أعلنوا له صراحة بعدم رغبتهم في خدماته كفكي مقيم وجالب للمطر
    بعد فشله في كل ما قام به من إستسقاء وأدعية و قد
    تأخر هطول المطر تلك السنة العجفاء..!!

    ●لبس فروتة النمرية كمحارب، إحتقب مخلاته التي خلت إلا
    من ألواحه ودواية وعدة أقلام من قصب الذرة وبعض الكسرة اليابسة، ولم ينس وضع قرن الكبش المملؤ بالشطة المتبلة علي أمل تغير الحال وإستعادة هيبته المسلوبة في دار صباح حيث غادر ولم يودع أحد..

    ●و بعد مسيرة عدة أيام وبعد أن نال منه التعب ما ناله،
    وصل لإحدى القرى وصادف يوم سوق القرية .. إختار أن يستريح جوار طاحونة القرية .. بادله حجّار الطاحونة السلام بفتور، تجاذب معه أطراف الحديث و علم منه أنه فكي مهاجر في طريقه لدار صباح..

    ●مع استمرار الجفاف في تلك الأنحاء، قام الحجّار بإخطار كلتوم الفدادية التي تصادَف أنها في ذلك اليوم قامت بجلب بعض الزريعه لطحنها تمهيداً لإعداد مريستها يوم غدٍ
    بحسب جدول الأعمال المتفق عليه بين الفداديات..

    ●أبدت كلتوم رغبتها في إستضافة الفكي وذلك لخلو خلوة
    بيتها لنجوع زوجها طلباً لىقمة العيش ..أرسلت الحجّار لإبلاغ أعيان القرية للإستعانة بالفكي في جلب المطر ، ورفض ذلك أغلب الموجودين تحت شدرة الحراز التي تتوسط سوق القرية بزعم أنهم إكتفوا من إدعاءات أم بتارا الذين لا يستطيعون جلب نسمة هواء ناهيك عن مطرة عدييل كدا، و قالوا أن هؤلاء الفكوة العابرين يكلفون أهل القرية فوق طاقتهم وبوجودهم تتناقص
    أعداد التيوس و الديوك التي تذبح لضيافتهم على الفاضي..

    ●أصرت كلتوم الفدادية علي إستضافة الفكي و تكفّلت بكل واجبات ضيافة الفكي و هي تصر علي ذلك بغنج الغواني..و
    قَبِل الفكي آدم ضيافتها على مضض .. قادته إلي خلوتها شبه المهجورة لغياب بعلها، و التي دبت فيها الحياة بعدما كانت تشكو قلة فئرانها.
    ● وبمجرد دخوله تولى صبي عابر مهمة ذبح ديك إختارته كلتوم بعناية وشرعت هي في إعداده ، و قدمت للفكي قرعة مليئة بالعسلية عين الديك عب منها عباً و شرب شراب مودعٍ؛ مردفاً الصلاة على النبي .. سرعان ما إكتمل إعداد الديك مرجخيساً طاعماً قدمته الفداديه للفكي مع بعض عصيدة الرز ، و في نفسه إغتبط لعدم نسيانه قرن الكبش المملوء بالشطة القبانيت .. أكل كما لم يأكل من قبل وغسل يده من إبريقه النحاسي وأحس ببعض النعاس .. تحامَل على نفسه و فرش فروته النمرية و أخرج ألواحهُ و الدواية ، و عندما أحضرت له كلتوم دُلَنق العسلية قبلهُ بإبتسامة عريضة بين نائم و يقظان
    و دلّها أن تتكيه في طرف العنقريب .. أعلن لها عن رغبته في الدخول في نومة (بالخيرة) غير معلومة الأمد ، و قد تستمر عدة أيام لحين قيامه بجلب المطرة.. أردفت بحنق: خلاس خليتك أبونا الشيخ..كمن تقول بلسان خالها : شيفي الراجل ..الغديتو و عبيتلو قرنو سكَّرتو و أول ما شبع قبِّل مني أداني عنقرتو"

    ● انتكأ عمنا فكي آدم بعد خروج كلتوماية ليغط في نوم عميق قائلا ً في سره: يحلها الله (الحل بلة من القيد و المذلة) .و بعد قليل و أثناء رجوع كلتوم بعد إبلاغها للأعيان الرافضين لوجود فكي آدم في القرية بدخوله في خلوة للتضرع والدعاء لجلب المطر بدأت السحب تتكاثف بسرعة وشالت أم رويق وقالت وررر .. مطراً لم تشهد القرية مثيلا ً له في السنين الماضية ..

    ●أسرعت كلتوم للفكي وهي تصرخ فرحاً بهطو المطر وطلباً للمزيد من البركة.. نهض مغاضباً من سباته العميق .. وخرج متلفحاً فروته من جلد النمر وحمل عصاتة أم شعقاتمتوجهاً للسوق الذي صار رواده يتجارون طلباً للإحتماء من المطر الغزير الذي تواصل إنهماره..قصد الفكي حرازة الأعيان الذين وقفوا مشدوهين نادمين علي مجانبتهم للصواب القائل باحتفائهم بمقدم الشيخ الذي رفع عصاته من أسفلها مشيراً بها للسماء في زهو خالتطه سكرته النهارية صائحاً فيهم بتشفي : هيييي أولا أم زقدة ، عيال النجس ، كفاكم ألمي و لا نزيديكم ؟!!

    (عدل بواسطة دفع الله ود الأصيل on 05-12-2020, 07:18 PM)

                  
|Articles |News |مقالات |بيانات

05-11-2020, 09:11 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)

    😂 عفيت منك يا فتحية😂

    ● واحدة عاملة متدينة بتدي دروس عصُر بفقه الأمر الواقع للنساء
    في الجامع .. مرة قالت ليهم : لازم على المرأة الصالحة أن تشجع زوجها
    على إحياء تعدد الزوجات إقتداء بالرسول الكريم صلى الله عليه و سلم
    و ما تعارض رغبة زوجها بل تهيئو بالزات لو مز النوع أبو عين زايغة
    و لأن التعدد مذكور فى القرآن الكريم وحق شرعى لكل رجل .
    ● بعد إنتهاء الحصة جاتا واحدة تفتيحة اسمها فتحية كانت
    حاضرة الدرس وحضنتها شديييييييد لامن بكت و قالت ليها:
    كتر الله أمثالك و فتح الله عليكي يا شيخة و جزاك الله خير.
    ▪ علا تصدقي ما كنت عارفة أفاتحك كيف بالموضوع .. لكن للحق
    لقيتك متفهمة للوضع بدرجة كبيرة ..أنا إسمي فتحية و لي 4 سنين
    عاشم الحب..معرسة معاك راجلك و عايشة بأحضانه في سبات و
    سكر نبات و مخلفين صبيات و بنات و آخر رومنسيات و حسن تبعل.

    ● بس ما كنت قادرة أفاتحك أقول ليك لكن درس اليوم شجعنى
    وخلانى أكشف ليك أوراق اللعبك لها في الطربيظة .. و أمري لله
    بعدين سجن سجن.. غرامة غرامة و تنقد الرهبفة إن ما تترتق.

    ● أها قالو الشيخة من حيسا بالصدمة داخت وأغمي عليها
    وشالوها كنيشة للتحاني الماحي ومشت معاهم فتحية. و لامن
    فاقت لقت فتحية جات تزورا و قاعدة ليها جنب كرعيتا و قالت
    ليها: با شسخة خسمتك بالله تعفي لي.. والله ما بعرف راجلك
    و لا عمري عيني وقعت في خلقتو .. بس تانى مرة خلي دروسك
    عن الصلاة و بر الوالدين و كرونا.. و زواحف خضر و قحاطة و
    إزالة قراي و لحد هنا بس.لكن شيتن ما عندك ليه شدايد أوعك
    تعمليلينا فيها ضبانة ضكر و تعلميها للنسوان المساكين ديل ..
    😂😂😂😂😂😂
                  
|Articles |News |مقالات |بيانات

05-20-2020, 00:22 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)

    《 اليبق أكل النبق》
    ♧ واحد بحكي قال : في إنتخابات سنة 1985م كنا ضمن حملة
    مرشح الحزب الشيوعي في منطقة كمبوديا ديوم بحري. كان خطتنا
    الوصول إلى الناخبين في بيوتهم. يقول : دخلنا أحد البيوت وكان (إنداية)
    إستقبلتنا صاحبة (الإنداية) رصت لينا البنابر كانت فاكرانا زبائن جُدد. يقو :
    عرفناها بأنفسنا و شرحنا ليها برنامج مرشحنا. الانتخابي . فردت علينا قالت :
    "و الله باأولادي برنامجكم ما بنابهو. علا لاكين أنا جوني هنا جماعة جبهجية
    و أديهم كلمة رُجال بقت ذمتي و ما برجع منها"!! يقول:الولية افحمتنا فألجمتنا
    بردها المفاجأة و سألناها " يا بت الناس كيف تصوتي للجبهجية ؟ ديل أساسن
    في برنامجهم مريستك دي حرام و ملعون صانعها و شاربها و حاملها و من حُمِلت
    إليه و فيها حد 40 جلدة تعزيراً ومصادرة لعدة السورج ؟!" قالت لينا: و الله أنا ما
    براي.. كوول الأنادي الهنا خايفات اللة و اتفقنا نصوت لناس الجبهة. قلنا ليها : يلا
    بس ورينا السبب شنو؟! قالت : "و الله لأنو ناس الجبهة ما قصرو قالوا لينا :ةلو
    فوزتن الشيوعيين الضحك شرطكن البلد حتتملي بارات و تاني الشري و الوسكي
    و الجن و الزي منو ح برفدن هبطرش ويبور ليكن عرقيكن الخارتات فيه عرق
    أباطاطكن و تاتي زولن كدي بختو في خشنو ده مافي!!. فشايف كيف ناس
    بتعرف من وين تعضي الكتفة..ش و برضو تجي تقوللي منو و تقةظللي شنو!!
    😂😂😂😂
                  
|Articles |News |مقالات |بيانات

05-23-2020, 06:40 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)

    [c٦enter] ♧ البُطانُ في عَتامير البُطانَة£
    《دي درامة بطلا واحد حنكوش جابتو شلاقتو
    و الشلاقة عاقة، حضرلو عرس عندنا بجاي . و قلنا أحسن
    نسمع الحنكمنو زاتو .. قالو سمح القول من خشيم سيدو》

    ♤ قال: ﻣﺎ ﺗﻀﺤﻜﻮ فيني تقولو قر ﺑﺼﻮﺕ ﻋﺎﻟﻲ. أﻧﺎ ﻏﺎﻳﺘﻮ ﺿﺤﻜﺖ لاﻤﻦ قربت أشرق بس "ما شرقتا .. أنا جيت أعاين"
    قال أوووعة تدقسو متليﺯﻣﺎﺍﺍﺍﻥ ﻋﺰﻣﻨﻰ ﺻﺎﺣﺒﻰ لعرس أخوه الكبير ﻓﻰ ناحية ﻣﻦ نجوع أم هبج بطاﻧﻪ أب علي.. الراجل ﻛﺎﻥ ﻣُﺼﺮ ﺟﺪن إﻧﻰ لازم أﺣﻀﺮ . ﺍﻟﻤﻬﻢ ﺳُﻘﺖ ﻣﻌﺎﻯ ﺻﺎﺣﺒﻲ شالق برضو ﻭ ﻣﺸﻴﻨﺎ ﻭ أﺭﻳﺘﻨﺎ ﻣﺎ ﻣﺸﻴﻨﺎ ولا رفعنا كراعنا زاتو

    ●ﻭﺻﻠﻨﺎ ﺣﻮﺍﻟﻰ ﺍﻟﺴﺎﻋﺔ 12 ﻭ ﻧﺺ ﻓﻰ ﻧﻬﺎﺭن ﺣﺎﺍﺍﺍﺭ يسر العين و و كتاحة العُصار تقوم من نص هامة راسك.. لاكن ﺍﺳﺘﻘﺒﻠﻮﻧﺎ ﺑﻜﺮﻡ حاتمي مووبالغة .. ﻫﺎﺷﻴﻦ ﺑﺎﺷﻴﻦ ..ﻭ ﻫﺎﻙ ﻳﺎ ﺷوتهؤ و ﻭﻗهاﻮي ﻭ ‏ﺷﺮﺑﺎﺕ ‏ﻟﻴﻤﻮﻥ .. ﻭ ﺑﻌﺪ ﺷﻮﻳﺔ جننا ليك ﺍﻟﺼﻮﺍﻧﻰ يتطاقشن: كسار و ﻣﻼﺣﺎﺕ ﻭ ﺷﻴَّﺎﺕﻭ ﺿﻠﻌﺎﺕ ﻭ ﻣﺤﺎﺷﻰ ﻭ ﺳﻠﻄﺎﺕ و ملطات ما يدنك الدرب.يا زول ﺿﺮﺑﻨﺎ ﻟﻤﺎ قلنا بس..ما فاضل إلا يمسحونا بأندروس.ﻭ دقة ﺍﻟﺪﻟﻮﻛﺔ ﻭﺍﺻﻠﻨﺎ ﻣﺨﻨﻮﻕ بطاقة ﺍﻟقطية..ﺍلجنيات ﻓﺎﻳﺮﻳﻦ ﻭ ﻣﺪﻓﻘﻴﻦ ﻭ ﻣﺸﻨﻘﻴﻦ ﺍﻟﻄﻮﺍﻗﻰ ﻣﻼﻣﺴات ﺍﻟﺤوﺎﺟﺐ ..

    ● ﺍﻟﻤﻬﻢ ﺻﺎﺣﺒﻰ ﺍﻟﻤﻌﺎﻯ ﺑﺎﻟﺮﺍﺣﺔ ﻛﺪﺍ ﺩﻧﻘﺮ ﻓﻴﻨﻰ ﻗﺎﻝ ﻟﻰ :
    ﻳﺎ فردة إتا ﻣﺎك ﻣﻼﺣﻆ أنو أﻧﺎ ﻭ أﻧﺖ برانا المشنطين كاربين صِلَبيبانا ﻼﺑﺴﻴﻦ ﺑﻨﺎﻃﻠﻴﻦ .. عاملبن نشاز متل ضكور اللوبة ﻳﺎﺥ ﺧﻠﻴﻨﺎ نعيش الجو ﻧﻠﺒﺲ ﺟﻼﻟﻴﺐ زﻳﻨﺎ ﻭ زﻯ ﺍﻟﻨﺎﺱ. ﺍﻟﻤﻬﻢ ﻃﻠﻌﻨا اﻟﺠﻼﺑﻴﺐ ﻣﻦ ﺍﻟﺸﻨﻄﺔ ﻭ ﻟﺒﺴﻨﺎ و ﻗﺮﻳﺐ ﺍﻟﻤﻐيرﺏ ﻛﺪﺍ ﺑﺪﺕ ﺍﻟﺤﻔﻠﺔ .

    ● ﺍﻟﻔﻨﺎﻥ بتاع ربة و حماسي زي ﻋﺒﺪ ﺍﻟﻠﻪ البعيو ..ﻭ ﻗﺎﺍﺍﺍﻝ ﻛﺪي رمى ﻟﻴﻪ ﺭﻣﻴﺔ ﻃﻮﻳﻴﻴﻴﻴﻴﻴﻴﻠة ﻣﺠﺪ ﻓﻴﻬﺎ ﺍﻟﻌﺮﻳﺲ ﻭ ﺍﻟﻘﺒﻴﻠﺔ : ناس عاشميق اللصم و تسلم يا الهميم تسلم .. و ﻗﺎﺍﺍﺍﻡ ﺑﺘﺎﻉ ﺍﻟﺪﻟﻮﻛﺔ ﺧﻤجا خمج.. ﺧﺒﺖ ﺟﺪ ﻭ ﺍﻟﺸُّﺘﺎﻣﺔ لعلعن ﻃﺞ ﻃﺮﺝ ﻃﺞ .. ﻃﺞ ﻃﺮﺝ ﻃﺞ .. ﻭ ﻗﺎﻣﻮ "عيال ود جويلي كمبلو و عرضو".. يتقامزو متل أبو الدقيق قام الرتينة. ﻭعجاجة التراب ﻭصلت عنان ﺍﻟﺴﻤﺎﺀ ﺍﻟلحمر .. ﻭﺍﻧﺎ ﻭﺻﺎﺣﺒﻰ ﻓﻰ ﻧﺺ ﺍﻟﻤﻌﻤﻌﺔ ﺩﻯ ..ﺷﻮﻳﺔ ﻛﺪﺍ ﻭﺍﻟﺠﻤﺎﻋﺔ ﺍﻟﺒﻌﺮﺿﻮ ﺩﻳﻞ ﻛوﻠﻬﻢ ﻣﻠﺼﻮ ﺍﻟﺠﻼﻳﺐ ﻭ ﺭﺑﻄﻮﻫﺎ ﻓﻰ ﻧﺼﻬﻢ ... ﻣﻤﻤﻤﻤﻤﻤﻤﻢﻣﻢ ..ﻭ أﻧﺎ ﺩﻗﺴﺖ..ﺧﺠﻠﺖ ﻣﺎ ﻋﺎﺭﻑ.. ﺍﻟﻤﻬﻢ ﺻﺎﺣﺒﻰ ﺯﺍﺗﻮ ﻣﻠﺺ ﺍﻟﺠﻼﺑﻴﺔ و ﺷﻜﻠﻮ صفاً كالبنيان المرصوص ﻭ ﻟﻘﻴﺖ ﻧﻔﺴﻰ ﻓﻰ ﻧﺺ ﺻﻒ ﺍﻟﻤﻮﺕﺩﻩ ..ﻭﺟﺎﺀ ﺍﻟﻌﺮﻳﺲ ﻳﻘﺪﻝ ﺷﺎﻳﻞ ﺳﻮﻁ ﻃﻮﻝﺍﻟﻘﻨﺎﻳﺔﻭ ﻣﻘﺒﺾ ﺍﻟﺴﻮﻁﻣﺰﺧﺮﻑ ﺑﺎﻟﺠﻠﺪ ﺍﻻﺣﻤﺮ ﻭﺍﻟﺒﻨﻰ .. ﺍﻟﺴﻮﻁ ممسح ﺭﻭﻳﺎﺍﺍﺍﻥ بالقطرانﻭ ﺍﻟﺪﻟﻮﻛﺔ ﻭﺍﻟﺸﺘﺎﻣﺔ يخنقن ﻋﺎﻣﻠﻴﻦﺷﻐﻞ..ﻭﺍﺣﺪ ﻳﺪﻕ ﻭﺍﺣﺪ ﻳﺨﻠﻒﺍﻟﻤﻬﻢ ..وﺍﻟﺠﻤﺎﻋﺔ ﺭﻛﺰﻭﺍ.. ﻭﺭﻛﺰﺕاللهم اجعلنا من الراكزين والكانمطمني بس إنو لقبت ﺻﺎﺣﺒﻰ ﺯﺍﺍﺍﺗﻮ ﺭﺍﻛﺰ ﻣﻌﺎﻯ ﺑﺪﺃ ﺠﻠﺪ ‏ﺍﻟﺒﻄﺎﻥ .

    ‏● النظام كان: الكأس مجراها ﻣﻦ ﺍﻟﻴﻤﻴﻦ وﺍﻟﺠﻠﺪ ﺳﻮﻃﻴﻦ..ﺳﻤﻌﺖﺟﻮ ﺟﻮ ﻭﺍﻧﺎ ﺑﻜﺸﻒ مبحلق في ﻟﻠﺰﻭﻝ
    ﺍﻻﻧﺠﻠﺪ ﺑﺎلأﻭﻝ ﺑﺎﻟﻄﻮﺍﺍلة ..ﺻﺮﺍﺣﺔ ﻛﺎﻥ ﻭﺍﻗﻒ ﺫﻯ ﺍﻟﺠﺒﻞ.
    ﻟﻢ ﻳﻬﺘﺰ ..ﻭ ﺍﻟﺒﻌﺪﻭ ﺛﻢ ﺍﻟﺒﻌﺪﻭ، إلخ.

    ● لامن ﺟﺎﻧﻰ ﺍﻟﺪﻭﺭ .. ﻭ أﻧﺎ ﻭﺍﻗﻒ ﻫﻴﻴﻴﻴﻊ أﻧﺎ أﺧﻮك ﺍﻟراسية.. ﺍﻟﺰﻭﻝ ﺩﻩ ﻋﺮﺽ ﻗﺪﺍﻣﻰ أظاها تبتين حفىن الواطة ﻭ ﺑﻌﺎﻳﻦ لي ﺟﻮﻭﻭﻭﻭة إنسان ﻋﻴﻨﻰ .. ﻭ أﻧﺎ ﺯﻭﻝ طبعن ﺣﺎﺭﺍﺕ ما تشوفني كدي..ﺍﻟﻤﻬﻢ ﺭﻓﻊ ﺍﻟﺴﻮﻁ ﻭ ﻫﺰﺍﻩ هزﺗﻴﻦ ﺛﻼﺛﺔ .. و يلا كشحني ليك بواحد لامنﺳﻤﻌﺖ ﺟلﻮﻭﻭﻭ .كية جمرة خببثة جوة قلبي و بعداك عرفت فعلن الطفا النور منو.. و ﺣﺼﻠﺖ ﻟﻰ ﺣﺎﺟﺎﺕ ﻋﺠﻴﺒﺔ تفوق الوصف: أﻭﻝ ﺣﺎﺟﺔ ﺷﻔﺖ أﻟﻮﺍﻥ طيف ما مرت علي بحياتي . ﻓﺴﺪﻗي ﻋﻠﻰ ﺣﺮﺟﻠي ﺑﺎﻟﺒﺼﻠي و مولرتة بلبن عُشر .. و زنتفي أضاني اﺻﻮﺍﺕ ﻣﺎ ﻣﻔﻬﻮﻣﺔ ..ﺻﻮﺕ ﺩﻳﻚ يكوكع ﻧﻤﻠﺔ تغني
    القمر بوبا ..و ﺁﺫﺍﻥ على ﻛﻼﺷﻨﻜﻮﻑ..ﻛوﻠﻮ ﻣﻊ ﻛﻠﻮ.ﻓﻰ فرد صنة ﻭﺍﺣﺪة .. ﻭ ﺷﻌﺮﺕ ﺍﻟﺮﻋﺸﺔ ﻣﻦﺻﻮﻑ ﺭﺍﺳي ﻟﻰ ﻛُﺮﻋي ثم ﺟلﻮﻭﻭﻭﻭﻭ معرني باﻟﺘﺎﻧي .. ﻫﻨﺎ أﻧﺎ ﺑﻄﻨﻰ ﻃﻤﺖ و طرشت الأكلناه اليلة و اامن عمنوَّل ﻭﺭﺍﺳﻰ سخن و ﺩﺍﺵ تقول سفيت لي سلقة جردفة ﻭ ﻋﺮﻗﺖ ﻭﺣﺴﻴﺖ ﺍضاﻓﺮيني ﺍﻟﻌﺸﺮﺓ ﻃﺎﺭن .. و "ﺟﺴﻤﻰ انتحل و نان كيف العمل" ﻭﺣﺴﻴﺖ بي حوَصة ﻭ ﺯﻏﻠﻠﺔ عينين ﻭﺍﻟﻌﺒﺮﺓ ﺧﻨﻘﺘﻨﻰ ﻋﺪﻳﻞ ..ﻭ ﺍﻟﺤﻤﺪﻟﻠﻪ بس الما نسيت الله لهمني نطق ﺍﻟﺸﻬﺎﺩﺗﻴﻦ .. اللهم {ثبتنا بالقول الثابت في الحياة الدنيا و في الآخرة} و { إنا لله وإنا إلبه راجعون } و فعلن
    الموت حق و تاحباة باطلة..

    ● ﺑﻌﺪ ﺍﻟﺴﻮﻃﻴﻦ ﺩﻳﻞ ﺑﻄﺒﻚ ﺯﻭﻝ ﻣﻦ ﻧﺼﻚ يجرك يمرﻗﻚ
    ﻣﻦ ﺍﻟﺼﻒ ﻭ ﺑﺘﺴﻤﻊ ﺻﻮﺕ ﺍﻟﺰﻏﺎﺭﻳﺪ دي زي ﺍﻟﻄﺎﻟﻌﺔ ﻣﻦ ﺑﺌﺮ
    ﻭ ﺑﺘﺎﺧﺪ ﻟﻴﻚ ﻧﻄﻪ و تبتين بحراق الروح ساي ( فجة الموت)
    "لا تحسبن ضحكي بينكم طرباً.. فالطير يرقص مذبوحاً من وطأة الألم" ﻭ ﺗﺒﻘﻰ ﺭﺍﺟﻊﻋﻠﻰ العنقريب.. و أﻧﺎ ﺑﻌﺪ ﺍﻟﻤﻋﻂ ﺩﺍﻙ
    ﻻ ﻧﻄﻄﺖ ﻻ ﺣﺎﺟﺔ .. ﺑﺲ ﻋﺎﻳﺰ أتلايم أقعد ..ﻫﻮ ﺯﺍﺗﻮ ﺍﻟعنقريب تقول زي لي غادي .. ﻭﻫﻮ ﺍﻧﺎ ﻛﻨﺖﺑﺸﻮﻑ. ﺍﻟﻤﻬﻢ ﺑﻘﺪﺭﺓ ﻗﺎﺩﺭ تتبك تتبك ﻭﺻﻠﺖ و طوالي أرضاً انبطاح..ﻟﺒﺴوني ﺟﻼبيتي ﻭ ﻗﻌﺪﺕ ﺿﻬﺮﻯ ﺩﻩ بس وي الظاقبن فيو مسامير نُقُلتي.ﺍﻟﻤﻬﻢ زوليﺍﻟﻤﻌﺎﻯ ﺑﺮﺿﻮ أﺧﺪ ﻧﺼﻴﺒﻮ .. ﻭ ﺟﺎﺀ صنقر ﺟﻤﺒﻰ.. ﻣﺤﻤﺒﻚ ﻭ ﻻ ﺑﻌﺎﻳﻦ ﻟي ﺯﺍﺗﻮ ..ﺑﻌﺪ ﻣﺴﺎﺍﺍﺍﺍﻓﺔ ﻗﺎﻝلي : ﺍﺳﻤﻊ ﻳﺎ ﺯﻭﻝ أﻗﺴﻢ ﺑﺎﻟﻠﻪ و ﺍﻧﺎ ﻣﺎ ﺑﺒﻴﺖﻫﻨﺎ كان شنو داك..ﻫﻬﻬﻬﻬﻬﻬﻪ..و أنا ﺳﺎﻣﻊ لكن "اتخلبت الشوق بالزعل و اتحاورو الخوف و الكلام" .. و ﻟﺴﺎﻧﻰ ﻣﻌﻘﻮﺩ ﻛﻠﻮ ﻛﻠﻮ .. ﻧﺤﻦ ﻣﺎﻟﻨﺎ ﻭ ﻣﺎﻝ ﻛﺪﺍ ﻳﺎﺥ .. ﻧﺤﻦ أﻭﻻﺩ ﻣيكي ﻧﺎﺱ ﺑﻨﻴﺔ ﻭﺷﻠﻮﺕ أﺻﻠﻰ كيييف!! ..ﻛﺎوﺑﻮﻳﺎﺕ ﻋﺪﻳﻴﻴﻴﻞ.. ضربة بمنديل تكسر وشيك.. ﻣﺎﻟﻨﺎ نحنا ﻭ ﻣﺎﻝ ﺩﻩ !! ﺍﻟﻤﻬﻢ دغشاً مع شقت الحمار ﻭ ﻓﻰ زاملة ﺑﻘﻴﻨﺎ متخارجين؛ ﻭ ﺍﻟﺠﻤﺎﻋﺔ يتحالفو علينا ﺣﺮﺭﺭﺭﺭﺭﻡ تحضرو الحُلالة ﺗﻔﻄﺮﻭ ﺣﺮﺭﺭﺭﺭﺭﻡ ﻣﺎ ﺑﺘﻤﺸﻮ ﻃﻼﺍﺍﺍﺍﺍﻕ بالتلاتة ﺗﻘﻌﺪﻭ. لكن هه ..ﺍﻧﺘﻮ ﻭﻫﻢ ﻭ ﻻ ﺍﺷﺘﻐﻠﻨﺎ ﺑﻴﻬﻢ ﺭﻛﺒﻨﺎ شتتنا .. و ﺻﺎﺣﺒﻰ ﺩﻩ ﻃﻮاﻝ الرحلة ﻟﻢ ينبس ببنت شفة واحدة ..ﻫﻬﻬﻬﻬﻬﻬﻬﻬﻬﻬﻬﻬﻬﻪﻫﻬﻬﻬﻪ لامن ﻭﺻﻠﻨﺎ أﻫﻠﻨﺎ ﻗﺎﻝ ﻟﻰ ﻛﻠﻤﺔ ﻭﺍﺍﺍﺍﺍﺣﺪة بس: ﺍﻩ ﺍﻩ ﻳﺎ ﺿﻬﺮﻯ ﺍﻟﺒﻘﻴﺖ ﻫﺎﻣﻞ .." الرنة في"وتري الأصيل..تلقاها في لمة نكاح..يا يمة واااح..يا ضهري وااااح !!

    (عدل بواسطة دفع الله ود الأصيل on 05-23-2020, 09:30 PM)

                  
|Articles |News |مقالات |بيانات

06-05-2020, 01:08 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    # و لو خلعت فروة جلدك ما عرفتك@

    (وردت في كتاب البخلاء للجاحظ):

    " كان أحــد أهل مرو يحج ويمارس التجارة فيمر في طريقه من مدينة مرو على رجل من أهل العراق فيقيم عنده ، فيكرمه العراقي ويضيفه و يكرم وفادته على أفضل وجه . فكان هذا الرجل الفارسي يتصنع الحياء ويقول لصديقه التاجرالعراقي لعلمه بصعوبة حصول ذلك،
    - و الله لو زرتني في بيتي بمرو لأرد إليك بعض جمائلك و أكرم وفادتك، فأحسن رفادتك. بمثل ما ثتعت بي و أفضل .
    ثم مرت السنون و هذا الفارسي يأتي إلى صديقه العراقي فيكرمه العراقي ولا يزال الفارسي يقول له لوجئتنا في مرو أكرمناك.

    ثم حدث أن احتاج التاجر العراقي لشراء بعض البضائع من مرو على جناح السرعة فسافر إلى هناك وقد شجعه على السفر و خفف عليه من إحساسه بالمشقة أن صديقه الفارسي سيكرمه ويضيفه ويكون له نعم المضيف .
    وفور وصول التاجر العراقي للمدينة سأل عن صاحبه فدلوه عليه، وكان العراقي لا يزال بثياب السفر وقد أتى قاصدا النزول ضيفا على صديقه هذا، وما أن رأى العراقي من ظن أنه صديقه المروزي حتى انكب عليه يحتضنه ويقبله على نهج الصديق المشتاق، فلم يبد المروزي أي إشارة تشير إلى أنه قد عرفه، فقال العراقي في نفسه:
    - ربما لم يعرفني لأنني ألبس العمامة ...
    فخلع العمامة وقال له: :
    - أنا فلان إبن فلان التاجر العراقي .
    ولكن الفارسي أنكره وادعى أنه لا يعرفه ..
    فقال العراقي في نفسه:
    - ربما لم يتعرف علي لأنني ألبس القلنسوة.
    فخلع العراقي القلنسوة ... ولكن صاحبنا لم يكترث به أيضا وازداد إنكارا له .
    فقال العراقي في نفسه:
    - ربما لم يعرفني لأنني ألبس الملحفة ....
    وبعد أن خلع العراقي الملحفة ولم يتبقى سوى الجلباب بادره المروزي بقوله
    "- لا نفسك .. والله لو خلعت فروة جلدك و خرجت منها ما عرفتك.
    كسرة:
    ما أشبه يومنا ببارحة هؤلاء الرافضة الصفويين. يضمرون لكل ما هو سني العداوة والبغضاء و يتمنون له زوالا بلا رجعة.

    ود الأصيل/
                  
|Articles |News |مقالات |بيانات

06-06-2020, 02:18 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    《أكتر حاحة ندمت عليها في عمرك؟! 》
    (رمضان كريم) بالنسبة لي ، تعسيلة جاتني كسر
    براها رقبة قبيل السحور. أصحى ألقى الشمش فاقعة
    لي في هامتي و جنبي الرقاق معطون في اللبن بالعسل،
    وجك الآبري يعاين لي ، مليان و ساقط .
    فأنشدت قائلا:
    إن أتعس الدواب لنفس تساهر ليلاً
    لتنام فجرا ، و أمامها نهارا طويلاً
    تري سواد الآبر ي داكنا و تأبى أن ترى
    بياض التلج و حبات الندى فوقه إكليلا!!

    تصومو و تفطرو على خير،،،،

    ود الأصيل /
                  
|Articles |News |مقالات |بيانات

06-06-2020, 02:26 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)

    Quote: and أكتر حاحة ندمت عليها في عمرك؟! and
    (رمضان كريم)
    بالنسبة لي ، تعسيلة جاتني كسر رقبة قبيل السحور. أصحى ألقى الشمش فاقعة لي في هامتي و جنبي الرقاق معطون في اللبن بالعسل ، وجك الآبري يعاين لي ، مليان و ساقط . فأنشدت قائلا:
    إن أتعس الدواب لنفس تساهر ليلا
    لتنام فجرا ، و أمامها نهارا طويلا
    تري سواد الآبر ي داكنا و تأبى أن ترى
    بياض التلج و حبات الندى فوقه إكليلا!!

    تصومو و تفطرو على خير،،،،

    ود الضو/

    ● باللول القعونج دا أخوك ماكلو شبعان فيه لامن بقيت( بروتيناريا). و كان للوبا عغن البتنفخ ديك، ليها مية نوع. لمن بدعو بيها (زعل الفك اللي حولو ما يفك).

    ●أهلنا ناس تنوب في قلب الجزيرة (ودي فرصة برضو الواحد بحييهم من هنا) مقسومين على خشم بيتين: كناباب و منللَّاب يعني:(عيال كنان) و (أولاد من الله). و عايشين فيما بيناتم حرباً باردةً شعواء. فيها مداقرات و مناقرات و سجالات تقيلة تقول بالله و لا في (سوق عطاظ) و معاهم شوية بويتات مجدعات متل الأباريق، نازحين من قرى مجاورة زي ناس شادلي و مريود و ود حسين ود أب لقمة، عاملين متل (جبهة بوليساريو) وجنبهم كمبو شُركيلة معصور هنووك دقار سفة بين الحلة و الترعة متل الزايدة الدودية.

    ●الشاهد بقى حبيبنا/ الحاج كنان عربي ممسوخ لسانو فلقة لامز متبري منو.
    و قاعد يقرق على الفريق المنافس يقول: ديل يوم تجي مطرة دا هو اليوم الوحيد
    الممكن يضوقو فيه دعكة لحم. فيقومو يجيبو ليهم عتيد(ابن العنزة) بجغور كدا و
    يمرقو بيه يصنقرو فوق ضهر الترعة درب المناقل ، و يلا يبدو ينخسو ليك في الواطة
    و هم يتفاوضون حول قضية تقسيم اللحم و العفشة قبال الضبيحة ظاطا ما تتم.

    ● و السخيل المسكين تلقاه واقف منتظر حيران و متملل يحدر جاي و جاي، ليس
    خوفاً من شفرة ذابحه ، بقدرما هو قرفان من كترة النقة و اللت و العجن و مفاوضات
    شرق أوسطية لا تودي و لا تجيب ، لعلمه علم اليقين أنها ستنتهي بفشل محتوم و لامحالة.

    ●ثم ينفض السامر، بعدما يدوه قشطتين على جعيباته و ينكشح ؛ ليعلنها كبير القوم صرخة مدوية إنو: مافي لحمة، إذاً ، يلا ناكل لوبة ، فسرعان ما تنطلق بها حناجر الغاشي و الماشي بهتافات كورالية تشق عنان الافق و تطوف به المظاهرات هادرة أزقة ونفافيج تنوب: ناكل لوبة!! ناكل لوبة!!

    ●و للنفاخات بعدين: نلعب عيتنوبة و كمان نقلب هوبة!!

    ود الأصيل/
                  
|Articles |News |مقالات |بيانات

06-06-2020, 02:55 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)

    [] من شر البليلة ما يضحك!!!

    أخوانا النفاجية ، صباح العيد، من هسي!
    بالله تسمحو لينا باستراحة خفيفة:
    واحد من عروبنا ديل شالق، جاي من الخليج مخلي الحرم المكي
    وراه و قال داير يقضي العشرة الأواخر في الحلة، غادي من أم صفقن عراض.
    ● فتاني يوم بس ضرب جرس . قال جاه ملل شديد من العطش والكتاحة العصار
    بقوم من صنقورك ؛ مع جو الرتابة المميت، من كثرة التكرار في كل شيء .

    ● فلاحظ إنو الحلة تقريباً، إﻻ من رحم و فتح عليه ربك، يصومون و يفطرون
    علي حاجة واحدة ( السليقة): يمرقو كل صباح على الجزارة ريقان ريقان، يجيبو ربع
    أو تمن الكيلو دا شايلنو مصرور مضارى متل (فسحة الفحص) عند الدكتور، و عليه
    فرطاقة بصلة و سلقة ملحة و شوية موية؛ يضربوه مع حامى الشيء وضده(حلو مر).

    ● و يلا علي التراويح ، يصلوها بالفاتحة و معاها برضو بس سورة واحدة / الإخلاس(قل هو الله أحد ) عشان يرجعوا فسراع فسراع يتكاملو النوم . الساعة 8 دي لو في جنازة ما تلقى طفاي النار البسترا .
    ● ياخي ديل قال ليك : مرة الإمام الراتب تقل في السلؤقة شوية فقام
    صلى بيهم واحد عمك داقس كدا قام بعد الفاتحة هبش ليك راس( و الضحى
    و الليل إذا سجى ) فتعالت الصوات من خلفه، ينبهون و يزج ون : سبحان الله، ل
    من انخلع قام قال ليهم في شنو يا ناس ردو ليك بحس واحد يا زول دي ما ياها).

    /ود الأصيل£
    ********************
                  
|Articles |News |مقالات |بيانات

06-08-2020, 00:54 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    ○صباح الخير بالليل. أي والله صحي جيتي من الشغل انجدعت
    نجيض ، نومة لامن هدي يا دوبك هدي صحية. لقيت الخبرية دي:
    《 لأول مرة : زواج يستمر لمدة ستين عاماً بدون أيتها مشاكل 》
    ♧ سمعت صحيفة واسعة الانتشار بالتجربة غير المسبوقة التي دامت
    لستين عاماً حسومٍ، و زادت وتيرة الاندهاش في زمان اللا~اندهاش بعد
    تلقي إفادات من الجيران تُجمع على أن حباة الزوجين كانت مثالية للغاية ،
    و لم تُسجَل ملاحظات أبداً على بيت هذين الزوجين؛ بدليل إنو بالغلت ما
    انسمعت كواريك و لا جا زيت حار و لا برطوش نعال طاير بفوق الحيطة.

    ♤ فأرسلت الصحيفة أشفت محرريها ليخبط سبقاً صحفياً مع (الدايناصورين) ،
    المحرر قرر أن يقابل كلا الزوجين على منفرداً على حدةٍ ، حتى يتسم الحديث
    بالشفافية بالموضوعية اللازمة؛ منعاً للمؤثرات الخارجية لأي طرف على الآخر.

    ☆و بدأ بالزوج:سيدي ، هل صحيح أنكما عشتما طوال ثلثَي قرنٍ في سباتٍ
    و سكر نبات و مخلفبن صببان و بنات، و بدون أية منغصات (ZeroTroubles)؟
    ~ أيوة نعم يا بني؛ ببساطة لعدم وجود مثيرٍ لها ( Zero Trouble Shouter )

    ♤ إذن حدثني بصراحة ؛و إلى من فيكما يعود الفضل في ذلك الوفاق الخرافي!!؟

    ♡ يعود ذلك إلى رحلة شهر العسل.فقد سافرنا لقضائها بأحدى المناطق
    الجبلية الساحرة ، و هناك ، نسبة لوعورة الطريق استأجرنا بغلين لنتسلق
    بهما الجبال في جوٍ غايةٌ في الرومانسية.في الأثناء، و بعد أن قطعنا شوطاً
    طويلاً ، توقف البغل الذي تمتطي صهوته( بعلتي ) المصون"في العقبة و رفض
    أن يتحرك . غضبت زوجتي و قالت له : هذه الأولى؛ ثم استطاعت بدهاء نون
    النسوة استمالة البغل بأن مدت إليه جزرةً أكلها و واصل المسير .ثم بعد مسافة
    ربما استحلى البغل الجزر فتوقف بها مرة ثانية معصلجاً.مما أثار حفيظة(بغلتي)
    و صاحت قائلةً : هذه الثانية ثم استطاعت بطريقة إقناع البغل لاستئناف الرحلة
    ثم بعد مسافة أخرى ،أعلن بغل (بغلتي ) عصياناً مدنياً نهائياً و رفضاً باتاً للشغل
    لا رجعةً فيه( Tool Down Strike ) و ليس كما في النوبتين السابقتين ، فنال
    الحنق من بغلتي حتى لامست الروح الحنجرة و و بلع السبل الزبى لامن بقى
    وشها بنعل قفاها.فترجلتْ من على ظهره قائلة له بآخر قومة نفس: و هذه الثالثة .
    ثم بهدوء أعصاب مووووبالغة سحبت مسدساً من حقيبة يدها ، وصوبت ثلاثة
    أعيرة نارية على رأس البغل لترديه قتيلاً في الحال و بدمٍ باردٍ رافسةً معه كل
    تمشدقها بشعارات فضفاضة بحقوق الحيوان( ياخ قوم لف، برا حيوان برا لمة)

    ● هنا ثارت ثائرتي حتى خرجتً من طوري و انفجرت موبخاً و معنفاً:
    ماذا فعلتِ با مجنونة¿ كيف سنعود الآن ؟و كيف سندفع ثمن البغل؟ تنهدت
    بغلتي وأمهلتني إلى أن أكملت وصلتي من الرغي.ثم حدجتني بآخر و ليست
    ك"أول نظرة؛ لحظة أن:" رشقتني عيونو و فزَّعتني ظنونو و بقيت معجونو"
    و بكل بهدوء قالت تخاطبني: هذه المرة: و حت إتا بروطس ، هذه الأولى!!

    ● يلا و من ديك و عيك، أنا طبعن عرفت الطفى النور منو ؛ و ليوم الليلة
    و لي باكر ، هدا ماسك خشمي عنديّ الخمسة فوق الاتنين ، و دي بي طينة
    و دي بعجبنة . و بصراحة أقول ليك حاجة يا ابني؛ أنا لو كنت عارف إنو معاها
    (حديدة عفنة) في شنطة الخمرة و الدلكة و الزي منو، ما كان أصلن من أهلي
    عتبت مشيت معاها شهر بصل من أساسه. بس ":ما كُنتا عارف.. يا ريت يا ريتني
    كُنتا عارف.. شخصك عني صارف..سليت ااناس عسانك..و آمل فبك توالف..و ما
    كنت متصور ف يوم خداع.. في هواك أصادف.. يا ريت يا ربتتي كنت عارف"
    🙊🙊🙊🙊🙊🙊🙊🙊
                  
|Articles |News |مقالات |بيانات

06-11-2020, 04:11 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    ♧ واحد عاطل من جيل السبعينات، بيسأل: جدادة بترمي
    مِحَّتين في اليوم و الليلة. فكم محة تزلق خلال أسبوعين؟!
    ● فجاوبناه بسؤال أسخف: أولن هي جدادة الكترونية تكاكي ساي،
    و لاجدادة خلا اللي قالو طردت جدادة البيت؟! فبالله عان جنس دا ،
    و دي دايرالا كمان تعبقر و درس عصر ، نعلها؟ أما إنكم جلاكين فعلن .
    ● تعرف يامان ، جيلكم دا عيبو وين؟! كان حاشي مخو كلام فارغ بحفظ
    جداول الحساب و الآلة الحاسبة جنبو. بدل يشغلا و يفضى لحاجة تانية!!
    ● و دا طبعن كان أكبر خلل فاقد تربوي ياهو ظاطو المسلط عليكم القراي
    الجمهوري المعفن يزيل تمكين سورة الزلزلة من المناهج . الود قال إيه؟!
    عشان خايفا (تزلزل) لينا أركان عيال ميكي، متل جبل الرجاااااف داااااك
    اللصو ما بنشاف. فشنو، ياخي قوم لف بالله؛ قمقم عصبك ؛ ثم تبن لكم
    و لأمثالكم؛ لو و كمان ثكلتكم أمهاتكم و أخواتكم من الرضاعة !!!
                  
|Articles |News |مقالات |بيانات

06-17-2020, 05:35 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)

    《 عموميات》
    ●》عمومن:
    على قدر أهل العزم تأتي العزائم. فيصغر في عين الأسد الهصور عظامها؛ و تعظم في عين الرجل الطرير الصغائر،،،
    ● تمامن، مثلما :على قدر أهل العرس تأتي الولائم..فتعظم على جيب الفقير دجاجةٌ و يهون في عين البحابيح ذبائح الببهائم....
    ●》و عمومن برضو: من كان كول همه ما يشبع شهوتي بطنه و فرجه، فلا بد أن قدره أدنى مما يخرج من سبيليه.

    ●》تشكراتي لكم أحبتنا حميدي و مجاهد ود الأسد، و أنت ي جنا
    ناسعادل ود تايانا دا و الله مخجل تواضعنا عديل كدا. لكن يبقى قدرنا
    نحن أن نفضلَّ رُكُوْباً عَلَى صَهْوَةِ طَوطَحانيةٍ صَهْبَاءَ، بيْنَ غُرْبةٍ و وَطَنٍ :
    تَمَامَاً، كالمنت لا أرضاً قطع ، و لاظهراً أراح! كعَبْدٍ فيْهِ شُرَكاءُ مُتشَاكِسُونَ،
    و ليسَ سَلَماً لرَجُلٍ ؛ أو كنعش غريق محمولاً يدافع الأخبثين على أكتاف
    رهط متنازعين على ضفتي نهر؛ أو كبالعٍ شفْرَ مُوسٍ على حدَّيْنِ.. أو
    أحرى و ألعن و أظرط كمن يجازف لينتعل بكلتا خفَي حُنين!!!

    ☆ ودَّ ال ح ي شا ن ال ت ل ا ت ة
    مؤذنٌ محجورٌ منزلياً بجزيرة مالطة
                  
|Articles |News |مقالات |بيانات

06-30-2020, 02:49 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)

    😂😂😂
    •》ف الجامعة بت حنكوشاية ركبت المواصلات العامة
    قعدت جنب واحد بعد فترة سالها.. بتعرفي رشا عباس؟
    استغربت.. قالت ليهو ايوة بت خالتي! لكن انتا منو؟ و ثم🤔 َ
    عرفتني كيف بعرفها!! 😲 قال ليها : انا الترزي الخيطت
    ليها البلوزة اللابساها انتي دي و عاملة بيها ضبانة ضكر.
    😂😂😂
                  
|Articles |News |مقالات |بيانات

07-01-2020, 06:44 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    نوادر الهمباتة (1)

    》إما واحدن يملأ الجراب ؛ و إما يرقد التراب》

    ●》و قبل الخوض بعيداً في مناقب سيرة الهمباتة؛ تحضرني
    هنا طرفةٌ أو طرفتان ، لأعرض لهما كمدخل لسلوكهم الإجرامي
    في ظاهره ، رغم انطوائه على كثيرٍ من سمات مروءة ظرفاء
    اللصوص مثل آرسين لوبين. و أدبيات نادرة في فنون ا ؛
    فضلاًلتحرف لقتال دونما حاجةٍ للتحيز إلى فئةٍ.

    ▪》فيُحكَى أن الطيب ود ضحوية مر ذات مرةٍ على صبي
    يرعى إبلاً لأهله، و كان مسترخيياً تحت ظل شجرةٍ. فبادره
    الهمباتي مستخفَّاً : ها وليد، إيش راأك آوليد نتقاسم الرزق؟
    فصادمه الفتى برده أبجدياً حاضراً دون أن ترمش له ط عين
    أو يغمض جفن. بلحيل نتقاسم، "واحد يملاً الجراب و التاني
    يرقد التراب". فأدبر عنه الهمباتي وأصرف راشداً، و قد علم
    أنه، إنما يخاطب غراً غض الإهاب و لكن في إثوابه أسد
    هصور لن يقبل الدينة في ماله و لا في عرضه.
    ود الأصيل/
    *********^^^(((())))^^^********
                  
|Articles |News |مقالات |بيانات

07-01-2020, 08:53 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)

    // نوادر الهمباتة(2)//
    **********^^^(((())))^^^**********
    《الجنا العلم خالو فتون الهمبتة》
    ▪》نادرة تحكي أن شقيقةً لأحدهما لعله طه الضرير الملقب
    ب( الشتفرة ) أو الطيب ود ضحوية ، كانت تلح على أخيها
    أن يأخذ ابناً لها ليعلمه لها فنون الحرب و مضارب الهمبتة.

    ▪》و لكن ولدها كان درفوناً سَمِّح و جناياً عاجباه صبينتو بلحيل
    و شام ريحة صناحو. و مو رضيان من لهفة أمو عليه . فكان لديه
    رأي آخر . شايف فيها منقصه ليه و عدم عرفة ببواطن أمور ولدها
    و متل ما قالو سدور الرجال صناديق مقفلة بطبلة سوكرتية.

    ▪》في يوم خالو ردفو وراه وساقو شايلين السافل كدي قالو حاريين لهم
    كتلة في حركة أبلاً كدي جيهة صفاق جبل الللبايتور داك قالو ناويين يهمبتولم
    منهن خمشة. و هم سايرين بعتامير خلاهم داك ساااه لمن نزلولم في تايةً فوق
    الدرب ، قالو يهجسو فيها شوية.أهاوكتين قريب البياح كدي عمك الهمباتي جاتو
    صحية قام يتسير و يكطع الجُمار، كجر هدمو و صنقر هنوك. و بهنا الجني كان
    صاحي مراقبو ليك عويناتو يبرقن وممممر شرار شرار، متل أبو الصقير الجارح.

    ▪》تقوم إتا يا عشا البايتات و مُقنع الكاشفات براحة تتسرسق متل أبو سعيفة
    و تشيل مركوب خالك و تعرقو تجيه معوقب بوراه تخت لو النعال تحتو تتلقابا
    الفسحة. و من حيسك تقوم طاير مكربت بالبعير عري سااه برا بديد؛ شايل الليل
    دا حيح شيتن نهضي و شيتن كربتيت.لمن صبح عند أمو ختاهن ليها قداما .

    ▪》أمو خمشت الرماد أتشكحت بو و سكلبت: الليلة ووووب علي ،أخوي
    كِتِل. ولدا قاللها: يمة خلي المناحة دي أخوك شديد ؛ لكن كدي هاك شوفي
    هاك ديل حاجات و متعلقات أخوك الكنتي دايراه يعلمني الهمبتة، هدا بعيرو
    و مركوبو مليان تب ب(فسحتو). أها أرجيه يجيك راجع بي كرعينو حفيان.

    ود الأصيل/
    *******************
                  
|Articles |News |مقالات |بيانات

07-01-2020, 09:02 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    // عيش و ملح//
    ▪》ودا كمان حرامي نشمي( جنتلمان) تلب بشباك مطبخ.
    بعد خمخم الفيها النصيب ستف لقجتو شارلا و متخارج
    قام لمح ٤ليو برطمانية فيها حاجة بيضاء غمس فيها رغيفة
    أظاها خشمو ، و كت ضاقا لقاه ملح. فشنو ،طوالي راح مؤنب
    نفسو الأمارة و جدع بقجتو و مرق منهم خالي الوفاض .
    قال : دي بقت عشرة عيش و ملح ، و أصلي ما بخونا"

    ود الأصيل/
                  
|Articles |News |مقالات |بيانات

07-05-2020, 10:20 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)

    》《 تاباها مملحة .. تجي تكوس ليها قروض 》
    ●》موظف مقحط و قرفان جاهو عقد عمل فـ السعودية مشى
    لـ مديرو شتّمو شتيمة شديدة خت ليهو مع الكلب الأكل الدريش.
    قال ليهوو: ياخ كرهتنا الشغل.. عامل الوزارة دي حقت أبوك تناهر
    فـ الناس.أها هدا ليناىطافشين مخلنها ليك يا مكرش يا أحوص
    يا معفن . ياخ يلعن أبوك ..لأبو أهلك.. .. يا دولة .. عميقة.. و كدا..

    ●》و يلا من حيسو مرق مشى السفارة يوثق العقد و يظبِّط
    أمورو؛ فلقى العقد مضروب (فشنك) . كمان الفيزا زاتا بدل المدينة
    المنورة لقاها معمولة على المدينة (عرب) ؛ و الوهمة كولها تشابًه
    أبقار ليس إلا. يعني لو مشى ركب التيارة ترا علا كان تنزل بيهو
    (جُمبُلُووووغ) في كبري بيكة هنا، و يبقى راجى الله في الكريبة.

    ‏●》بعد يومين رجع لـ المدير خجلان و مافي أي طريقة إلا
    يتملقو يمسح ليو الجوخ و يكسر تلج . فقعد يقول ليهو: و الله
    يا سعادتك و يا طويل العمر و صاحب السمو الأخلاقي و الفخامة
    العاطفية ،تراكا ماك طالبني حليفة ؛ علا قسمن عظمن قبل يومين
    كدا ضارب لي عبارين عصير كرستال شربوت من صنف أبو كديس .

    ●》يلا طشمت ليك جنس سكرة لط. تصدق أديت بتاع الدكان
    طالوش بًنية برا شغلة 😁 و دخلت شمال في بيت جاري لقيت
    ليك مرتو منسدحة راقدة ،دقيتا ليو فشيت فيها غبايني؛ كنت قايلا
    مرتي. وطلقت مرتي زاتا و طردت معاها الشُّفع من البيتة. المهم
    عديت يومي داك كلو غافز بالزانة من أبراج عقلي الباطن. بس
    ياخي إن شاء الله ما أكون جيت ناطي ليكم بـ جاي !!!؟
    😂😂😂😂
                  
|Articles |News |مقالات |بيانات

07-08-2020, 03:23 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    ●》مشت للديك/تور هي و العوض راجلا.و لامن
    دخلوها غرفة الكشف قالت ليه : لو سمحت أنا كدا
    ما مرتاحة ؛ممكن تنادي راجلي العوض يكون معانا هنا؟
    ●》ذهل الرجل من وسوستا و قال ليها : اطمني يا اختي
    أنا طبيب ممارس متخصص و محترم وحالف علي القسم .

    ~》قالت له : فهمتني غلت ، لا ما دا قصدي ؛ لكن الممرضة
    القاعدة مجدَّعة برة في الاستقبال ديك (سممممحة) عليها جنس
    طعومية ترمي في الشوق المشييييت ليهو. دحين العوض دا زولي
    تب خابزاهو و عاجناهو و شامة صناحو الجوة بطنو؛ عينو دي طايرة
    بس أبو الصقير يختف الكحل من ود العين . و فوق دا كلو لا هو طبيب
    و لا محترم ... و لا هو حالف لقسم ..فأنا خايفة إتا شغال فيني تكشِّف
    بهنا و بهناك أمرق ألقي الهبيكة غرقت و يبقى عوضي في العوض على
    العليهو العوض و منو العوض.و يلبسوتي احفظ مالك عن طه بحشر 😂😂😂
                  
|Articles |News |مقالات |بيانات

07-11-2020, 11:06 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)

    Quote: [١١/‏٧ ١٠:٢٩]
    فريق معاش/ محمود قسم السيد كتب:
    من: عجائب غرائب الغرب
    ♧ خبيرة فرنسية تستخدم بول النساء في صناعة الخبز. ومفاجأة بالطعم

    ▪ استخدام بول النساء في صناعة أي صنف من أصناف الطعام أنه لأمر الغريب ويسترعي الإنتباه..فكل ما احتاجته المهندسة الفرنسية، لويز راغيت، لتخصيب القمح هو بعض بول النساء المستخرج من المراحيض العامة، وقليل من الإلهام، لتصبح بذلك حديث الساعة فرنسا وعلى لسان كل من يتحدث
    تعتبر راغيت من ضمن مجموعة من العلماء في فرنسا ينتمون لحركة تسعى للحفاظ على الموارد إلى أقصى حد، من خلال دعوتهم لاستخدام بول الإنسان لتخصيب المحاصيل. ووفقا لأحدث أبحاثهم، فإنه من الممكن إنتاج حوالي 29 مليون خبز "باغيت" فرنسي يوميا، باستخدام القمح المخصّب ببول الإنسان، أو ما يقرب من 10 أضعاف الاستهلاك اليومي الحالي.. والمفاجأة أن تلك الأطعمة ذات طعم جيد وأفضل من استخدام المخصبات الصناعية الأخرى.

    ▪ ومن خلال التحوّل إلى القمح المخصّب بالبول، يزعم هؤلاء أن بإمكان المزارعين توفير 703 طن من النيتروجين المستخدم في الأسمدة الصناعية يوميا.. كما تأمل راغيت أن تكسر المحظورات وتتمكن من استخدام كل فضلات الإنسان في الزراعة البيئية النظيفة، حيث تؤكد على أن "البول هو مخصّب رائع، نهمله، ونتخلص منه بوصفه فضلات لا حاجة إليها، في الوقت الذي يحتوي فيه البول على الكثير من العناصر الغذائية المفيدة للنبات".

    ▪ ومن جانبها نجحت المهندسة الفرنسية، المهتمة بما يسمى "الأنشطة البيئية النسوية" في الحصول على بول الإناث في الدائرة الرابعة عشر بالقرب من باريس، دون أن تشعر النساء، حيث يتم معالجة السائل من خلال المبولات النسائية المسماة "مارسيل"، والتي تساعد أيضا، وفقا لراغيت، على تقليل طوابير حمامات النساء في الفعاليات العامة والصاخبة.

    ¤من أوبرا نيوز هاب

    [١١/‏٧ ١٢:٤٣] دفع الله ود الأصيل:
    يا سعادتو تسمح بي كسرة :ههههههاااايي ما ترا كبا !!
    ●》دي أكيد حتبدأ بي بولا هي براها حتين تكب عليه
    بَوَلات باقي بنات حواء . على رأي المثل اللنقيزي قليل الأدب"
    "بالت حمارةً فاستبالت أحمرةٌ أهليةٌ مستتفرةٌ فرتْ من قسورةٍ ".
    صباح الخير بالليل يا سعادتو ، الخبرية دي صاح و لا يا ربي ،أكون
    بعد الشر علي ؛ زاتي شارب لي بول ناقة حايل و لا غباشة فتريتة
    حامضة شديد ، فما ناقش كويس. ياخي أقول ليكم حاجة: ياخ
    تبن لكم ؛ قومو لفو ؛ ثكلتكم أمهاتكم و أخواتكم من الرضاعة.
    ☆ ود ال ح ي ش ا ن ال ت ل ا ت ة
    مؤذنٌ محجورٌ منزلياً بجزيرة مالطة
                  
|Articles |News |مقالات |بيانات

07-18-2020, 07:13 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)

    Quote:
    [١٧/‏٧ ٢٣:٢٢] عبد اللطيف حسين مرزوق:
    الضابط أثناء المعاينات لقوات الدعم السريع قال
    ليهم : البعرف يقراء ويكتب يطلع قدام .. والمابعرف
    يرجع وراء ..قال ليك فى ناس مشت قدام و واحدين
    رجعو وراء ..المشكله فى ناسبقت واقفة مكانك سر و لا
    اتحركت شبر لا ورا لا قدام! الضابط سأل: ديل مالم كمان🤔🤔🤔
    التعلمجى قال ليهو: ديل مافاهمين السؤال سعادتك !!!
    🤨🤨🤨
    الضابط قاليهو: بس ... ديل ناسي زاااااتو

    [١٨/‏٧ ٠٩:٠٢] دفع الله ود الأصيل: تعرف يا ود عمتي،
    معناتا ديل زااااتم ياهم الفهمو االعبة صاح . تخيل!!!
                  
|Articles |News |مقالات |بيانات

07-18-2020, 07:52 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    ●》هل حدث أن نظرت إلى أناس ممن هم
    بنفس عمرك تقريباً, وقلت في نفسك مستحيل
    أن أبدو متقدماً في العمر لتلك الدرجة ؟!!*

    ●》طيب إقرأ هذه الدرامة المبكية المضحكة:
    ●》سمي ماري, و كنت في صالة الإنتظار بفارغ
    الصبرفي أول موعد مع طبيب الأسنان الجديد
    حيث كنت قد انتقلت ألى هذه المدينة مؤخراً.

    ●》كانت شهاداته معلقة على الحائط المقابل,
    قرأت الاسم الكامل بكثيرٍ من الإعحاب المشوب
    بالدهشة , فقد عادت بي ذاكرتي الخربة و شبه
    المفقودة فجأة إلى صورة ذلك الشاب الأنيق فاع
    الطول ذو الشعر الداكن المسبسب , والذي كان يحمل
    نفس الاسم في كليتي الجامعية و في نفس مدرجي
    قبل ما يقارب الخمسين عاماً أو يزيد نَيفاً أو نَيفين.
    فهل يعقل أن يكون هذا الطبيب هو ذاك الشخص الذي
    كنت أحمل بعض المشاعر تجاهه في ذلك الوقت,
    و بطبيعة الحال من طرف واحد؟!.

    ●》ولكن كل تلك الأفكار تبخرت!في اللحظة التي
    رأيته بها, فهذا الطبيب الأصلع تقريباً إلا من بعض الشعر
    الأشيب, والتجاعيد العميقة في وجهه, والظهر المحني
    أكبر بكثير من أن يكون زميل دفعة لي في تلك الفترة.

    ●》قام بفحص أسناني, و بعدها قمت بسؤاله إذا كان
    قد التحق بكلية دي لا سال سابقاً؟قال مهللاً و بالكثير
    من الفخر والإعتزاز, نعم .. أنا كنت أحد طلابها.

    ●》سألته : متى غادرتها؟ أجاب : في عام 1975 .
    و لكن لماذا تسألين؟! قلت متعجبة : لقد كنت أنت في
    نفس مدرجي في تلك الفترة !نظر إلي عن قرب متفحصاً
    و "هذا الرجل البشع المنظر العجوز !!الأصلع ..ذو التجاعيد
    و الكرش المترهلة! و الشعر الأشيب أشعث أغبر تقو ل بوخ لُقمة ..
    و لا أسنانو ألآيلةللسقوط !! الوغد قليل الحياء"سألني بكل
    وقاحة : تشرفنا، و ما هي المادة التي كنتِ تدرسينا إياها؟
    ما قلنالكم ياهي مافي زولن كدي هاين روحو!!!
    حتى الكلب قال اسمو اصلن حاج إبراهيم لكن سامع
    مرات ناس معفنين كدا بورا ورا قاعد يقولو : كلب!!
    😲😲😲🙆🏻‍♂🙆🏻‍♂

    (عدل بواسطة دفع الله ود الأصيل on 07-19-2020, 07:43 AM)

                  
|Articles |News |مقالات |بيانات

07-20-2020, 04:02 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    《 عيشة الدجالين في المسحلبين 》
    ♧ عاجل بعدد صحيفة الدار الصادرة العصير:
    دجالة تنهب 150 مليون كاش داون بالقديم طبعن،
    من واحدة عشمانة في( الليل ليلة العديل و الزين.)

    ●》دي لجأت لدجاله تدرعا في الجنا المكسرة فوقو و
    باكية بكآ السنيين و دتين لامن مريلة و قافله عليهو عديل
    ب دو 2 (و هارت كمان). الشاهد الدجالة خمبقت منها البياض
    و قالت لها اعتبريه من غيبت شمش الليلة في حضنك طوالي !!
    بس تقلي محلبيتك ساي و احجزي صالتك و فندقك لأنو غردك
    مقضي خلاس و أمورك طببة.و أمان لودعي دا سرو باتع بلحليل
    شفتي يا دي ، أكان جلت أم دلدوم أصلو ما قاعد يجلي.

    ●》البنية. صدقي يا مومنة ما قصرتي دفعتي لها عرق
    جبين أبوك المسكين و عشتي أماني سندسية و أحلام ليلكية؛ و"عم ااماس" مشيتي"أشوفك بكرة في الموعد ..تصور لوعة المقلب"يلا فضلت تدق في الباب لامن الجيران مرقو قالوا ليها دي قامت دغش بطيارة دبي؛ و لو قريبه بتكون متجدعه جديع الضان في شاطئ الراحة . أول تعليق مع شلة ناس《 الشنطة
    في الكتف و العيشة ختف》😂

    ●》 فعلا، حلم البايركس( كوشة). هسي يا بت الناس كان شلتي قريشاتك وجيتي جبرة جنب جامع بلال تلقي الغنامة كيمان متل كلاب الحر في الضللة.تعزلي طلبك. تشتري ليهو. ركشة جانسي بي 70 مليون..و حفلة و حنة و الذي منو في الشمندورة ؛ معاهو عشاء ب40 مليون، شيلة ب 10مليون ؛
    زايد ريحة ب10 مليون.و تاخدو شهر شهرين عسل ب 10
    مليون و التالت يمر، إن شاء الله بصل ب5 بواكي حيكون باقي ليكي فكة 5 مليون تديهو ياها نثريات لزوم ملية حُقة التمباك و العلف . صدقيني عريسك بكون مبسوط يقول قررر لآخر ضرس؛ و ح يكتب في ركشتو بي ورا :{السمحة قالو مرحلة}. (بالله عليك الله، موش عرب و الحظ ضرب؟!)!؟

    (عدل بواسطة دفع الله ود الأصيل on 07-20-2020, 08:02 PM)

                  
|Articles |News |مقالات |بيانات

07-20-2020, 09:29 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)

    ◇ لحماك يا ملاك £
    《خلينا ببدا أولاً بنشرة الاحاويل الطقسية》

    ●》لغد فرغ للتو فريق من نجاري المراكب بنمطقة الوابورات من تصميم قوارب صيد عملاقة ليتم تسييرها لتفويج المواطنين من و إلى مختلف محليات ولاية (العاسمة)
    المسلسة، طيلة فترة الخريف. مصداقاً للراحلين/ ود الرضي و سرور " من الأسكلا و حلَّا
    و قام من البلد و لَّى و دمعي للتياب بلَّا.. و بي تذكارو بتسلَّى .. و شوقي الليلة يا بلَّة".

    ●》بينما يعكف (محلحلون) سياسيون و مسوسون من وزارة المالية على
    ابتكار مصفوفةٍ اقتصاديةٍ (ما تخر الموية) لتقزيم رغيفة العيش وترهيفها ،
    لدرجة ما تفرزا ظاتو كان شر يحة اسكراتش و لا مجغفيسة (نخَّاسة سنون)!
    ●》كمان تحويلات مسارات الحركة تكاد تمنع سلكان دروب الدوام ذهاباً
    و إياباً ، علا عبر رأس الرجاء الصالح!
    ●》برضو هبوط منسوب ذوائق الطرب يوشك يلحس وجدان الناس ،
    مهدداً بانحسارنا لدرجة الحسرة على مَغْنَى الزمن الخرافي مع ناس
    (عوضية ردحي و حنان سكليب و إتا طالع)!

    ●》أمام إصرار البناطلين على النصول قبل الوصول من صلبة
    و مؤخرات بعض المتنصلين و المتنصلات بيننا، فإننا مضطرون لتزليقها
    برغوة لايوق الويكة؛،و بمعاونة آخرين. مما يبشر برضو، برفد سوق العمل
    بفرص جديدة زي مهنة ( لبيسة و مليصة ) للشباب العواطلية من جيوش
    خريجي الجامعات و الخريجات ،الأحياء منهم و الأموات .

    ●》 خسوسن أنو هذا التراكم غير المسبوغ في بنود العطالة بأوساط
    الخريجين (فاقد تربوي)ينذز بازدحام نقابة الركشات و التكاتك، بطواقم
    جديدة لنج من حملة زمالة تمبول (جراحين بلا حدود)!

    • و مالم تتمخض حواراتنا الوطنية عن صيغ تصالحية بين أمراء
    الحرب و السلم، فالبلاد ستصاب بغرقرينة تهدد ببتر أطرافها بعد
    أن (ملصت عجيزتها) لتبقى بس بي {بلوزة بدون إسكيرت}!

    ●》 مع تضاؤل سعر صرف عملتنا فمضطرون لإيداعها في كرنتينة
    حجر صحى تبع ( كرونة) لنعود القهقرى لعهود التجارة البكماء!

    ●》و إما إذا استمرت علة (جحمنا) لنتشة اللحم في التفاقم بالطريقة
    الحاصلة دي فنحن طبعن موعودون بتبديل شعارنا نن ( عازة في هواك )
    بغنوة (لحماك يا ملاك هواك هلكني ..هلكني.. ملكني و جننني)!! مع خالص
    اعتذارنا لورثة أعمامنا الراحلين/ خليل فرح و أحمد المصطفى.


    ++++++(((((( ود الأصيل))))))++++++
                  
|Articles |News |مقالات |بيانات

07-20-2020, 09:43 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    🔹 ﻋﻠﻰ ﻗﺪﺭ ﺃﻫﻞ «ﺍﻟﻌظم » ﺗﺄﺗﻲ ﺍﻟﻌﺰﺍﺋﻢُ
    ﻭ ﺗﺄﺗﻲ ﻋﻠﻰ ﻗﺪﺭ جيب العريﺱِ ﺍﻟﻮﻻﺋِﻢُ

    🔹 ﻭ ﺗَﻌﻈﻢ ﻓﻲ ﻋﻴﻦِ ﺍﻟﻔﻘﻴﺮ فخذ دﺟﺎﺟﺔٌ
    ﻭ ﺗﺼﻐﺮُ ﻓﻲ ﻋﻴﻦ ﺍﻟﻐﻨﻲِّ الطرير ﺍﻟﺒﻬﺎﺋِﻢُ

    🔹 ﻳُﻜﻠّﻒُ ﺃﻫﻞُ ﺍﻟﺒﻨﺖِ ﻣَﻦ ﺟﺎﺀَ ﺧﺎﻃﺒﺎً
    ﺑﺄﺷﻴﺎﺀَ ﻻ ﺗﻜﻔﻲ ﺷِﺮﺍءها ﺍﻟﺪّﺭﺍﻫﻢُ

    🔹 ﻟﻘﺪ ﺃﺻﺒﺢ ﺍﻟﻌُﺰّﺍﺏُ ﺣَﻴاﺭﻯ ﻣِﻦ ﺍﻷَمر
    ﻏﻼﺀٌ ﻭ ﺗﻌﺴﻴﺮ ٌﻭ فﻘﺮٌ مدقع ﻣﻼﺯِﻡُ

    🔹 ﻓَﻜَﻢ ﻣِﻦ صاحب دين ﻗﺪ ﺭُﺩّ ﺧَﺎﺋِﺒﺎً
    ﻭ ﻗِﻴﻞَ ﻟﻪ ﺑُﻌﺪﺍً..سحقا ؛ ﻟِﺄَﻧّﻚ ﻋَﺎﺩِﻡُ

    🔹 ﻭ ﻛﻢ ﻣِﻦ ﻭﺿﻴﻊٍ خلقﺟﺎﺀَ ﻭﺍﻟﺠﻴﺐ
    ﻣُﻤﺘَﻞٍ ﻭ ﻟﻜنه ﻓِﻲ ﺍﻟﻐِﺶّ ﻭﺍﻟﻤﻜﺮِ ﻋَﺎﻟِﻢُ

    🔹 ﻓَﻘِﻴﻞَ ﻟَﻪ ﺃَﻫﻼً ﻭَﺳﻬﻼً ﻭ ﻣﺮﺣﺒﺎً بك ﻭ
    ﻗﺪ ﻋﺪّ "ﻣﻠﻴارين عربونا ﻭ ﺍﻟﺘّﻢُّ ﻗَﺎﺩِﻡُ

    🔹 ﺇﺫﺍ ﻛﺎﻥَ ﻣﺎ ﺗَﺮﺟﻮﻩ ﺃَﻣﺮﺍً ﻣُﻌَﺴَّﺮﺍً
    ﻣَﻀﻰ ﺑَﻌﺪَ ﺃﻥ ﺗُﻠﻘَﻰ ﻋﻠﻴﻪ ﺍﻟﻠّﻮﺍﺋِﻢُ

    🔹 ﻟﻘﺪ ﺻﺎﺭﺕِ ﺍﻷﻋﺮﺍﺱُ ﻛَﺴﺒﺎً ﻭ ﻣﻐﻨَﻤﺎً ، و
    ﺳُﻮﻗﺎً ﻟﻪ ﻓﻲ ﻛﻞِّ ﻳﻮﻡٍ على سلعة ﺗَﺴﺎﻭُﻡُ

    🔹 ﻭﻗﺪ ﻛﺜﺮ " ﺍﻟﺼّﻨﻔَﺎﻥِ"ﻭﺍﻟﺨﺒﺚُ ﻗﺪ ﻃَﻐﻰ
    ﻭ ﻓِﻲ ﻛُﻞّ ﻳﻮﻡٍ ﻓﻲ ﺍﻟﺒﻼﺩ واقعة ِﺟَﺮﺍﺋِﻢُ

    🔹 ﺇﺫﺍ ﻟﻢ ﻳَﻘُﻢ ﺃﻫﻞُ ﺍﻟﻤُﺮﻭﺀَﺓ ﻭ ﺍﻟﺘّﻘﻰ
    ﺑﺈﻧﻜﺎﺭِ ﻫﺬﺍ كان فسادا و فشت ﻣَﻈﺍﻟﻢ

    🔹 ﻭﺇﻥ ﻟﻢ ﻳﺪﻉ ﻫﺬﺍ ﺍﻟﺘﻔﺎﺧﺮَ ﺃﻫﻠُﻪ
    ﻓَﻮﺍﻟﻠّﻪِ ﺇﻥّ ﺍﻟﻜﻞّ ﻓﻲ ﺫﺍﻙ ﺁﺛِﻢ.

    * ود ال ح ي ش ان ت ل ات ة
    مؤذنٌ محجورٌ منزلباً بجزيرة مالطة
    ++++++(((((( ))))))++++++
                  
|Articles |News |مقالات |بيانات

07-22-2020, 03:27 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)

    Quote:
    السلام عليكم ورحمه ألله وبركاته وزيادة من فضله..

    *طبعا انا عارف الناس الكبار فاهمين القصيدة دي وسااااهلة المعاني.*.

    قصيدة جميلة و سهلة المفردات للغضنفري
    ﻭﺭﻏﻢ ﺳﻬﻮﻟﺔ ﻣﻌﺎﻧﻴﻬﺎ ﺇﻻ ﺃﻥ البعض قد يطالب بالشرح ...
    لذﻟﻚ ﺃﺭﻓﻘﺖ في هذا المنشور ﺷﺮﺣﺎً ﻣﺒﺴﻄﺎً سهلا ﻟﻤﻌﺎﻧﻲ ﺍﻟﻜﻠﻤﺎﺕ.

    *ﻳﻘﻮﻝ ﺍﻟﺸﺎﻋﺮ :*

    ﺗﺪﻓّﻖ ﻓﻲ ﺍﻟﺒﻄﺤﺎﺀ ﺑﻌﺪ ﺗﺒﻬﻄﻞِ
    ﻭﻗﻌﻘﻊ ﻓﻲ ﺍﻟﺒﻴﺪﺍﺀ ﻏﻴﺮ ﻣﺰﺭﻛﻞِ
    ﻭﺳﺎﺭ ﺑﺄﺭﻛﺎﻥ ﺍﻟﻌﻘﻴﺶ ﻣﻘﺮﻧﺼﺎً
    ﻭﻫﺎﻡ ﺑﻜﻞ ﺍﻟﻘﺎﺭﻃﺎﺕ ﺑﺸﻨﻜﻞِ
    ﻳﻘﻮﻝ ﻭﻣﺎ ﺑﺎﻝ ﺍﻟﺒﺤﺎﻁ ﻣﻘﺮﻃﻤﺎً
    ﻭﻳﺴﻌﻰ ﺩﻭﺍﻣﺎً ﺑﻴﻦ ﻫﻚٍّ ﻭﻫﻨﻜﻞِ
    ﺇﺫﺍ ﺃﻗﺒﻞ ﺍﻟﺒﻌﺮﺍﻁ ﻃﺎﺡ ﺑﻬﻤّﺔٍ
    ﻭﺇﻥ ﺃﻗﺮﻁ ﺍﻟﻤﺤﻄﻮﺵ ﻧﺎﺀ ﺑﻜﻠﻜﻞِ
    ﻳﻜﺎﺩ ﻋﻠﻰ ﻓﺮﻁ ﺍﻟﺤﻄﻴﻒ ﻳﺒﻘﺒﻖ
    ﻭﻳﻀﺮﺏ ﻣﺎ ﺑﻴﻦ ﺍﻟﻬﻤﺎﻁ ﻭﻛﻨﺪﻝِ
    ﻓﻴﺎ ﺃﻳﻬﺎ ﺍﻟﺒﻐﻘﻮﺵ ﻟﺴﺖ ﺑﻘﺎﻋﺪٍ
    ﻭﻻ ﺃﻧﺖ ﻓﻲ ﻛﻞ ﺍﻟﺒﺤﻴﺺ ﺑﻄﻨﺒﻞِ
    *******
    ﻣﻌﺎﻧﻲ ﺍﻟﻜﻠﻤﺎﺕ...

    *ﺗﺒﻬﻄﻞ* : ﺃﻱ ﺗﻜﺮﻧﻒ ﻓﻲ ﺍﻟﻤﺸﺎﺣﻂ
    *ﺍﻟﻤﺰﺭﻛﻞ* : ﻫﻮ ﻛﻞ ﺑﻌﺒﻴﻂ ﺃﺻﺎﺑﺘﻪ ﻓﻄﺎﻃﺔ
    *ﺍﻟﻌﻘﻴﺶ* : ﻫﻮ ﺍﻟﺒﻘﺲ ﺍﻟﻤﺰﺭﻛﺐ
    *ﻣﻘﺮﻧﻄﺎً* : ﺃﻱ ﻛﺜﻴﺮ ﺍﻟﺘﻤﻘﻤﻖ ﻟﻴﻼً
    *ﺍﻟﺒﺤﻄﺎﻁ* : ﺍﻱ ﺍﻟﻤﺘﻔﺮﻧﻊ
    *ﻣﻘﺮﻃﻤﺎً* : ﺃﻱ ﻣﺰﻧﻔﻼً
    *ﻫﻚّ* : ﺍﻟﻬﻚّ ﻫﻮ ﺍﻟﺒﻘﻴﺺ ﺍﻟﺼﻐﻴﺮ
    *ﺍﻟﺒﻌﺮﺍﻁ* : ﻫﻮ ﻭﺍﺣﺪ ﺍﻟﺒﻌﺎﺭﻳﻂ ﻭﻫﻮ ﺍﻟﻌﻜﻮﺵ
    ﺍﻟﻤﻀﻴﺌﺔ
    *ﺃﻗﺮﻁ* : ﺃﻱ ﻗﺮﻃﻒ ﻳﺪﻩ
    *ﺍﻟﻤﺤﻄﻮﺵ* : ﻫﻮ ﺍﻟﻤﺘﻘﺎﺭﺵ ﺑﻐﻴﺮ ﻣﻬﺒﺎﺝ
    *ﻳﺒﻘﺒﻖ* : ﺃﻱ ﻳﻬﺮﺗﺞ ﺑﺸﺪﺓ
    *ﺍﻟﻬﻤﺎﻁ* : ﻫﻲ ﻋﻜﻮﻁ ﺗﻈﻬﺮ ﻟﻴﻼً ﻭﺗﺨﺘﻔﻲ ﻧﻬﺎﺭﺍً
    *ﺍﻟﻜﻨﺪﻝ* : ﻫﻮ ﺍﻟﻌﻨﺠﻒ ﺍﻟﻤﺘﻤﺎﺭﻁ
    *ﺍﻟﺒﻐﻮﺵ* : ﻫﻮ ﺍﻟﻤﻌﻄﺎﻁ ﺍﻟﻤﻜﺘﻨﻒ
    *ﺍﻟﺒﺤﻴﺺ* : ﻫﻮ ﻭﺍﺩٍ ﺑﻜﻮﻛﺐ ﺗﻴﻔﺎﻧﻮﺱ
    *ﺍﻟﻄﻨﺒﻞ* : ﻫﻮ ﺍﻟﺒﻌﺎﻕ ﺍﻟﻤﺘﻔﺮﻃﺶ ﺳﺎﻋﺔ
    ﺍﻟﻐﺮﻭﺏ
    *أرجو أن يكون الجميع قد استفاد من الشرح الميسر والسهل الممتع.


    ●》قوم لف يا زول غضنفري بتاع فنيلتك،
    دي أكيد من تأليف واحد من مجانين حلمنطيش.
    إما يكون بروف/ أحمد اللمين الشهير بالمتجهجه
    الأممي و لا عبد الرفيع المعروف بالمتجبجب الودكي،
    و لا اللمين حسن العبد اللي تقريباً جاغوم بن بلاع ،
    و لا حتى كبيرهم الذي علمهم سحر البيان اللي هو
    المتشعلق بن المنبرش ، ابن الشرفة (محمد الجاك
    الصراف) و قام بتلحينها و أدائها دوبيتاً رصيناً،
    الأخ الفلتة زهير و المكنى بالمغرد الزريابي.
                  
|Articles |News |مقالات |بيانات

07-23-2020, 09:36 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    (بدون موضوع )

    dafula alamin‏

    ♧¡سيدة تدخل محل جزارة قبل الإغلاق مباشرة وتسأل:
    - "هل ما يزلل لديك دجاجٌ ؟"
    ▪》يفتح الجزار ثلاجته و يخرج الدجاجة (عبد الواحد) المتبقية لديه ويضعها على كفة الميزان الحساس و يقراً : الدجاجة تزن 1.5 كجم.
    ●》تنظر المرأة إلى الدجاجة و تتحقق من الميزان ،
    ثم تسأل: ~هل لديك واحدة أكبر بقليل من هذه ؟! فيقوم الجزار بوضع الدجاجة مرة أخرى في الثلاجة ثم يخرج نفس الدجاجة و لكن هذه المرة ، يضع إبهامه .الضخم بمكرٍ و دهاٍ شديدين على حافة الميزان الإلكتروني من ناحيته؛ ليُبين
    مؤشر الميزان الآن 2 كجم لالتمام و الكمال.
    ~ 》قالت السيدة حسنٌ "إنه لأمر رائع ، سوف آخذ كلتا الدجاجتبن معاً من فضلك! إذن، افتح ثلاجتك و هات لي الدجاجة الأخرى.هنا سُقِط تماماً في يد هذا الماكر الجشع.

    ●بمثل هذه الحالات و المواقف الحرجة ، تدرك على الفور
    أهمية أن تكون صادقًا، لأن نزاهتك و سمعتك على المحك.

    ●● الحاصل: إنو حتى الآن ،لازال رأس الجزار محشوراً
    في بطن الثلاجة يبحث عن الدجاجة الأولى .* ليتنا دوماً
    نتحرى قول الحقيقة دائما! لكون الكذب حبله قصير.

    ¤ كسرة على جنبة:
    ♧ يجازي محنك يا أب جقادو و يكلبش لي أباليسك في
    العشرة اللوايل من ذي الحجة ديل . طبعن الجزار المكار
    المعفن لو كمان لحق لامن لكز ليها الميزان بي(طالوشو)
    بي تحت، يازووول ها، دا ما كان وزن للولية المسكينة،
    ديك رومي عديل ، و معاه كمان راس نجيفة باسم .

    (عدل بواسطة دفع الله ود الأصيل on 07-24-2020, 09:43 AM)

                  
|Articles |News |مقالات |بيانات

07-23-2020, 08:17 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    《بضاعتكم و ردت إليكم》
    هههههههههههههه
    ●》واحد مغترب .. كان طافش زمن في بلادي برة
    و جاي راجع كرت كرتونة .. حكى لينا درامة بوليسية قال :
    قبل 10 أيام تعرفت على جكسوية من إياهم فى السياحي
    و أنا لافي لأنعاش الذاكرة بأطلال معالم (العاسمة) المسلسة.
    ♡ الشاهد بقت كأنها معرفة سنين و دنين ؛ طبعن استلطافات جد على أساس إنو القبة جواها فكي (مفترس). بقت يوماتي
    تطمانات و حنك طاعم ، و النصيحة هي زاتا عليها حاجات كدا يرمن في (الشوك) المشيت ليهو . طبعن مرتين طلبت منى رصيد و فعلن رسلتو ليها بكل أريحية و آخر بحبوحة .
    ♤ المهم،عشان يرتفع منسوب العلاقة لدرجة يبقى ( ملح و ملاح) قبل كم يوم طلبت منى أعزما في عفراء و لا سيتى مول على غداء تقارب روح واحدة في جسدين . كمان الأهم و ألذ من كدا، لامن جانا الجرسون خليتا هي اللي تتمنى طبق اليوم داك على كيف كيفا؛ طبعن نظام ليديز فيرست وكدي. غايتو اى شيتن فى نفيستا دي طلبتو كما لم تطلب من ذي قبل .

    ♡ بت اللزينة أتاريها عندها موبالينة، جاتها مكالمة على
    الآي~ فون شكلها { Top Secret } و لا تحتمل اللنتظار للحظة.ختفتو و جرت مني انزوت بركن قصيٍّ، و قعدت تنقنق: همسات حنان دقاقات ؛ ما سامعا بتحنك في منو. فطوالي أنا ضربت على الجلكسي خلتو جنبي علي الطربيظه.فكان الصدمة
    لقيت اسمى مسجلاه ليك باسم / استثمار أجنبي رقم ( 12 ) .. أمك..أمك أرقد آااا عيش أنا جرابك .. الليلة عاد ما دقس راجل. فشنو يا عمك عملت تغدير موغف سريع و الرجال مواغف.
    ● 》رجيتا قاعد.منتظر الزينة جات تتكشم متل نار القصب؛اعتذرت لي بي حس ناعم كرؤوس الأفاعي : آسفة جدن يا حبيبي، ما أكون أتاخرت عليك ؛ أول وهمة أسمعا منها ، و
    معاها كمان لمسة كنان بيدها فوق يدي و يا سلام علي ريدي الخلاك بقيت(CD). لامن أعصابي باظن و حيليبرد و ريقي
    جف ؛ و دي موش أعرلض كرونة ؛ بالعكس دا معناه : (انفد بجلدك ياسعد ،لقد هلك سعيد) .
    ♧ أها من حيسي داك قلت ليها: عن أذنك ، جايب معاي شوية هدايا و حاجات بسيطة في عربيتي، بس أتناولم وأجى نكمل غدانا و نشرب لينا بارد و قهوة و نشيش كمان . قالت لي بغنج و هنجكة ظاهرة مفتعلة : أوكي اتفضل . يلا عملتزوغببر من دفع الحساب و بكشيش النادل و هوبَّا؛ فللي دورت و لحست راحاتي
    و شتات. فضلت قافل موبايلي يومين لحدت أمبارح فتحت الواطسب لقيتا ليك مرسلة لي كاتبة : (عليك بالساحق و الماحق.. و ماني عافية ليك ياود الحرام) .

    ○رديت ليها : جربي مرة أخر ى ؛ مع تمنياتي ليك:
    حظاً أوفر مع بقية استثماراتك رقم : كم و (طاشر)

    (عدل بواسطة دفع الله ود الأصيل on 07-23-2020, 08:39 PM)

                  
|Articles |News |مقالات |بيانات

07-26-2020, 08:33 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    ♧ابتسم فأنت على عتبات رحيق الأمكنة£
    حيث ؛ إن: من حر البليلة ما يضحكك حتى
    يبسيل لعابك ثم سرعان نما يجهشك البكاء.
    《 رااااحت عليييييك》

    《 وكل زول في همو.. حتى جحا وعمو 》

    ●》ﺳﺄﻝ طفلٌ مشاغبٌ ﺟﺪﻩ : ﻫﻞ ﻋﻨﺪﻙ ﺃﺳﻨﺎﻥ ﻳﺎ ﺟﺪو ؟
    ●》ﺗﺒﺴّﻢ ﺍﻟعجوز ، إذ لم يصدق أن أحداً سيعيره أذنيه أخيراً لكي
    يثرثر ، و يفتح منافس للفضفضة في فارغة و مقدودة، ﻭ ﺃﺧﺬ ﻧﻔﺴﺎً
    ﻋﻤﻴﻘﺎً ﺛﻢ تأوه طويلاً و ﻗﺎﻝ :(ﻳﺎ ﺑُﻨﻲ ﻫﺬﻩ ﺍﻟﺤﻴﺎﺓ الدنيا ﻋﻠﻤﺘﻨﻲ ﺍﻟﻜﺜﻴﺮ
    المثير ﺑﺎﻟﺮﻏﻢ ﻣﻦ مرورها سريعاً: ﺍﻷﺳﻨﺎﻥ ﻛﻤﺜﻞ ﺍلغول و العنقاءو الخل
    الوفي. تجدهم ﻣصطفون من ﺣﻮﻟﻚ و أماماك كالان المرصوص.

    ~》ﻫﻢ ﻣﻌﻚ ﻭ في متناول خدمتك من حيث مضغ لواكة مغايس
    الدنيا و ﺗﺎﺭﺓ يكونون هم أبرز مسبباتها ..تماماً كشأن من يداويني بالتي
    كانت هي الداء. ﻭ ﻳﺆﻟﻤﻮﻧﻚ ﺗﺎﺭات عديدة. و ﻋﻠﻴك ﺃﻥ تأخذهم بمنتهى اللين
    و تتعاهد رعايتهم بالحلم و الأناة.و ﻣﻦ ﻳقسو عليك فيجافيك منهم فيوجعك
    في مقتلٍ قد يكون لتسوسٍ ﻓﻴﻪ.ﻭ قليلٌ منهم بل نادرٌ جداً من يظل معك محافظاً
    دوماً على نقاء جوفه كما هي نصاعة ظاهره.ﻭ ﺍﻟﺴﻦّ ﺍﻟﺬﻱ تقدم على خلعه سوف
    لن ينبت لك مجدداً ، إنما ﻫﻮ تماماً ﻛفقدان ﺼﺪﻳﻖ حميم لن يعود و أنت لفراقه
    محزون تدمع عيناك و ﺗعتصر قلبك ألماً لأجله . و لكن فقط إلى حينٍ ، ريثما
    تتماثل للشفاء من آلام خلعﻪ حتى ﺗﻨﺴﺎﺍﻫ مرة و إلى الابد..ﻭ ربما ترك لك
    فراغاً ذهيناً عريضاً لتستغله كمجرىً لشريط الذكريات

    ~》شافع الجن عايز الخلاصة من الآخر : ﻳﻌﻨﻲ باللختسار كدا:
    يا جدو أنت ﻋﻨﺪﻙ ضروس ﻭ ﻻ قاعد لهله ساي عادم اسم السن؟

    ~》عمم: للأسف يا ولدي، خشمي فاضي ﻣﺎﻋﻨﺪي و لا عضم؟
    و هسة كان أديتني تبشة علا كان تمدغا لي و لا تبلها و تكب لي
    مويتا في بزازة أصنقغ ليها أرضعا .

    ~》ﺍلشافع : يعني راحت عليك ؛ طيب الحمد لله، ما دي
    الأنا كايس ليها أصلن من قبيلك. ﺧﻼﺹ يا جدو؛ كدي هاك
    ﺍﻣﺴﻚ ﻟﻲ تفاحتي دي أمانة في ذمتك، و أوعك تقوم تقرما؛
    حدت ما أكنل لعبي و اﺟيك راجع!! فشايف كيييف؟!!
    يلا ، نفر البسمة..ههههههههههههههههههه
                  
|Articles |News |مقالات |بيانات

07-30-2020, 06:30 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    خليجي يقول:

    ▪أمس رحت حراج الغنم بعد صلاة الفجر بشتري ضحايا واشتريت 7
    منها و قلت للدريوِل (السواق) ودها للبيت و رجعت البيت الساعة ٩ الا
    سيارة السواق ماهي فيه واتصلت عليه وينك؟ قال انا في مسلخ بابا .

    ▪ وافز ذيك الفزة الما فزيتها من طهروني و أروح داش المقصب الآلي
    و يوم وصلت هناك حصلت اتنين منها مسلوخات و معلقة و 5 سلمن الرح
    مذبوحات.دحين السؤال ياشيخ : هل يجوز اضحي بالدريوِل المعفن؟
                  
|Articles |News |مقالات |بيانات

08-01-2020, 09:07 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    《 I Ate Sudanese #### 》
    مسافرين ؛ و عمر الحاقد طلع كيس التمباك جمب الخواجة وسف...

    الخواجة : ماهذا الشيء ؟

    انا غلبني الأقولو... المهم شرحت ليه انو حاجة زي السجاير

    و الخواجة ركب راسو ستين يمين الا يسف ..

    و كلمتو قلت ليه ما تتهور ... بتتكوم !!

    برااااااو قلع الكيس من عمر .. ودي اللحظة الما استخار فيها

    و عمر بالسوداني قال لي: خلينا نتسدى سنين الاستعمار ...

    اتزكرت المهدي وحصص زمان سألتو مستر براون يو ار آيرش رايت ؟؟

    قال : هيل نو! آم براودلي بريتش ...

    بس بس

    انت زولنا زااااتك .... دردمها دردمها !!

    قلنا ليه بالعربي يااااااااااااااعمك بس استخير استخير

    الشغل ده كعب و جاي من البلد ديك ... يعني ممطر لي ناس شلاليفها بتستحمل اليورانيوم ,,,
    هو دلاهة ما بفهم عربي شابكني واااااااات ؟؟؟ واااااااااااااااات ؟؟؟

    المهم الخواجة ختة السفة .. بعد غلبو يدردمها حشر اصابعينو الخمسة و خمش من الكيس ... و شلوفتو التحت جاك بلا ....

    بعد خمس ثواني جضمو اليمين بقا أحماااااااار، اليمين بس ..
    اي اي بقا جضم احمر وجضم ابيض كيف ما عارف
    ههههههههه

    و عينو الشمال رفت ... واضانو بقت تتحرك .. و شعرو وقف ... زي الكديس الداير يتشاكل

    و عامل فيها صنديد

    وهو ما صنديد

    لزوم سافي و بتكلم .. زي عمر ....

    بعد عشرة ثواني شلوفتو التحت بقت ترجف ..

    مصر يتكلم !

    بقا يلغلغ ...

    و نفسو قام و اتخمى ..
    على قول عمر .. ده سافي و لا جاكي ؟؟ هههههههههه

    فجاة سكت

    طبعا اخوكم قاعد بي ورا و الشفت قاعد قدام لمن خالف كراعو ...

    مستر براون آر يو اوكي ؟

    عاين لي نظرة و عيونو مغرغرات يا حليلو كضم
    اشر لي بي اصبعو وبالمجازفات قال.. نو نو آم نوت اوكي ...

    قومي جزء من السفة مع ريالتو اتبلعي

    كتمت...

    عمر افتح افتح القزاز افتح سريع

    كلامي ما تميتو

    الساعة القال اوووع دي ...

    القزاز على جلابية عمر على القير على مركوب عمر جلد جايبو من السودان ههههههههه ياخ ده طمبجنا

    غلطتو انو ما شم الكيس ...
    و الله لو شماهو ده كلو ما كان حصل ...

    المهم : الراجل اسي عربيتو في المغسلة و مستر براون اسي في المستشفى الكندي ,,, ما استخار

    .. قالو الدكتور سألو : واتس رونغ وذ يو ؟ ..

    قال ليه : اي إيت سودانيز شت!
                  
|Articles |News |مقالات |بيانات

08-03-2020, 08:19 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)

    ∆ تقول إحدى أخوات نسيبة، رضي الله عنها و أرضاها:
    إذا أغضب البعل بعلته، بالزاتفي هذه الأشر الحرم من
    ذي.الحجة، فلن تنفعهصلاته و لا صيامه و لا قيامه و لا
    أي عمل صالح يقوم به!! متفق عليه ، و انتهى البيان.
    ∆ سألوها: مين اللي اتفق عليه ؟؟ 🤔
    قالت: طبعن أنا و جاراتي في لمة عواسة الآبري،
    و شريكاتي في ختة الصندوق و كل صويحباتي
    و الستات المعنا في قروب تويتر و كدا ؛ يلا، كولنا
    اتفقنا على كدا 🤔 يا عوضية كبي ااجبنة 🤔
                  
|Articles |News |مقالات |بيانات

08-05-2020, 06:03 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)

    {39}
    *(بعيداً عن السياسه)*
    ***
    ∆ عروس بايريكس بتحكي : غايتوو أنا الحصل
    لي أصلو مااا اظن بكون حصل لواحدة فيكن 😂 😂
    و انا في الكوفير متوترة ومنتظرة متين يضربو يباركو
    لي عقد قراني اتصلت علي اختي وقالت لي رقمك الوطني
    مالقيناهو😱😱😱وانا في اللحظه ديك دخلت فيني هجمة
    الساعة النفضت ليك البت البتمكيج فيني متل هناك. و قمت
    واقفة علي حيلي..قلت لأختي انتي حيوانة وولاشنو كيف يعني
    مالقيتو الرقم الوطني انا خاتاهو في دولاب ابوي 😤😤 اختي
    قالت:لينا ساعة بنفتش فيهو الماذون زهج قال عندو عقد تاني
    إنتي اصلك عندك كادوك. و مافي ليك عرس تاني كان شنو😭

    ∆ طوالي قفلت من اختي واتصلت علي اخوي و قبل ما يهيج
    فيني قلت ليهو اسمعني ثبت الماذونده ان شاء الله تهددو بسكين
    أنا جاية عليكم في الشارع 😤😤 وطوالي درعت عبايتي و مرقت
    شايلة باب الكوفير بي كتفيواقرب بتاع ركشاااو ، وقفتو و ركبت
    معاهو بي قدام لصق ولاجايبة خبر.

    ∆ الساعه ديك طبعاً شعري ده كان واقف زي بوخ الحلة.
    بتاع الركشه لمن خاف وصاحبتي معاي قايلاني جنيت تشيل
    وتبكي وانا من الزعل ماشايفاها ولا سامعاها😤😤 يعني بعد
    بورتي اتفكت يجو يقولو لي رقمك الوطني ماف يأجلو عرسي؟
    و الله اختطف العريس من أهلو..دي لعبة قذرة شغل دغمسة
    من ناس بيتنا اكيد لكن خلوني اصل البيت بوضبكم💪💪
    هو انا لقيت العريس بي الساهل عشان يقولو لي عرس ماف
    دي يقع فيها موت عديل و يسيل الدم ركب و نتقدالرهيفة🔪😤😤

    [} يلا في دقايق لقيت نفسي في ناصية شارع بيتنا وجيت
    ناطة من الركشه بس كان اخوي جا جاري علي.. استعدلني
    بي كفين و كتفني دخلني الركشة و شغال لي يا مجنونه
    لقينا الرقم وعقدنا ليك

    ∆ يلا، الساعه ديك تعالو شوفو الزغاريد الفكيتا😭😭
    *الزمن ده الا تقيف في حقك بضراعك براااك* 💪💪
    عضو إيش. عروق بااااامبي😂😂😂

    ¶ مسمار جحا، من خلف الأسوار:
    ∆ عفيت منك ياخ ديل مستعدين
    يسرقو ثورة سلميةبحالا. ما «يشلبو»
    واحد.متل عريس الغفلة الهوين دا !؟
                  
|Articles |News |مقالات |بيانات

08-07-2020, 07:05 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 7602

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ لست مجنونًا، و لكن جئتُ رغم أنفي £ (Re: دفع الله ود الأصيل)


    قالت🗣️
    ● قاعدة ف بيتي نضفته وفرشته وفتحته تلفزيوني ضرب لي اخوي قالي:
    إنتي ف البيت انا جاي عليك مع مرتي والحال بطال شئ ما عندي يارب ان
    ا اعمل شنو دخلت المطبخ أفتح البوتجاز واقفلوا وتاني اولع الكبريته واطفيها
    ياربي الطف بي عندي فكه مشيت جبته قزازتين بارد وقعدته قلت اديهم و آكلم
    حنك ونسهم هم زاتهم مابقعدو كتير اها قامو جو ومعاهم أخو مرتو وصاحبهم

    ● اها الصاحب دا أول مره يجيني بقيت أفكر ياربي دي مصيبه شنو اديتهم
    المويه وجريت ع المطبخ عندي كبابي كدا متوسطات اها قمت عملت القزازتين
    ف أربعه كبابي بقت الكبايه الخامسة ياربي أعمل فيها شنو انقص من ديل واذيدها
    مويه قمت كبيت فيها موووويه وجبتها ختيتها ليهم ف الطربيزه طوالي رفعت كبايه
    المويه اديتها لي اخوي قلت لي عارفاك بتحب السفن اب وقلت لي البقيه اتفضلوا
    ضاقها كدا لقاها مويه عاين لي وابتسم انت ي الصاحب قالي إديني السفن اب دا
    عشان بطني ليها كم يوم ماتمام طوالي جغم تاني جغمه كبيره قالي خليني اتمها
    ليك من جوه مشي المطبخ اسمع ليك كشو الكبايه اتكسرت قالي والله انا مليتها
    ليك لكن وقعت اتكسرت من يدي والسفن اتكشح خليني أمشي أجيب ليك من
    البقالة الصاحب حلف قاليهو لالا خلاص مقطوع منها النصيب وأنا الضحك دا
    لي الضرس الأخير واقول لي اخوي الكبايه فداك لكن السفن الكشحتو دا
    مابتلم لي النمل المطبخ دا هسع انا مسحتوا عن اذنكم انشف العصير دا
    واجيكم مشيت مسحتها المويه وقاموا ماشيين أخوي غمت لي قروش
    قالي أشتري الناقصك اها عاد انبسطه بسطه للضرس الأخير وهو
    ماشي يقولي نشفتي السفن عشان النمل، بقوليهو اااي اااي
    مهما كانت ظروفك وعندك أخو ماتشيلي هم للدنيا ♡♡
    ربنا يحفظك ليينا ي اخوي❤️ واخواتي😍😍😍😍😍
                  
|Articles |News |مقالات |بيانات


[رد على الموضوع] صفحة 1 „‰ 1:   <<  1  >>

تعليقات قراء سودانيزاونلاين دوت كم على هذا الموضوع:
at FaceBook




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de