♧ الحاجُ يُريدُ تفريحَ ثمَّ تسريحَ المَدام. £

مرحبا Guest
اخر زيارك لك: 04-05-2020, 01:59 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
03-18-2020, 08:01 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 6430

للتواصل معنا

FaceBook
تويتر Twitter
YouTube

20 عاما من العطاء و الصمود
♧ الحاجُ يُريدُ تفريحَ ثمَّ تسريحَ المَدام. £

    08:01 AM March, 18 2020

    سودانيز اون لاين
    دفع الله ود الأصيل-
    مكتبتى
    رابط مختصر




    ♤ و قبال ما نغرِّق لا جوة "تسريح " دي بالله
    ما تحكوها شديد لامن تجيب الدم و لا تحملوها
    أكثر مما يطيق المقصد. فهي بمعنى تفريغ من (بعض)
    ما كل المهام و موش الزوجية بمعناها الواسع (الجمل)
    بما حمل. حيث إنو برضو على قولت عمنا علي اللحو 
    " حليل العشرة ما بتهون على الناس البعزوها"

    ●  و طبعن بعض الموحدين ناس لا مساس ديلك 
    ح يكشو و  ينطو ليك في لهاتك يقولو ليك: لااا، الكلام
    دخل الحوش. وما يدخل ياخي {تنقد الرهيفة إن شاء
    ما تترتق .. و مرحبتين حبابو الشر محل ما بتق } .

    ▪ بالمناسبة دا رابط بوست هزلي قديم، كتبتو كان في
    الراكوبة باسمي هناك/ ابن البادية ، و قبليها كان في
    منديات الغريبة شمال أتبرة ؛ تقريباً بنفس الفكرة .لكن
    لعواملَ لوجستيةٍ قاهرةٍ لطففناعا شوية لبدا ماالحاج
    يريد تبديل خليناها تفريح و من ثم تسريح للمدام"

    ● و قد أثار الموضوع ردود أفعال متضاربة ما بين
    موالٍ(باسم) بالعَشرة ، و بين مناهضٍ و لكن في هناك
    صنفٌ تالت دا متعب جدن ، حيث إنهم   لا إلى هؤلاء
    و لا إلى هؤلاء ، ماسكين العصاية من النص. عشان
    لو شافو كوع الوطيس حِمى يفكوها و يتبخر ون!!!









                  
|Articles |News |مقالات |بيانات

03-18-2020, 11:35 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 6430

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ الحاجُ يُريدُ تفريحَ ثمَّ تسريحَ المَد� (Re: دفع الله ود الأصيل)

    ♧ برضو قبال نمش بعيد ، و على طاري سيرة
    أخوانَّا في الله الموحدين، بالمناسبة بما أنو زي ما
    قالو: الطلاق أبغضٌ الحلال ، فكذلك التوحيد بي مرية
    فرد واحدة كدي نقرها من نقرك و بوزا في وشك سداح
    مداح و صباح مطاح ، هو أبغض أنواع التوحيد إلى
    الله. هذه فتوى ساي من عندياتي و العلم عند الله .

    ▪ يعني إيه المانع الواحد يقتنيهن واحدة تكون أم
    للشُّفع من الحرس القديم دي بقى ست الكل ؛ و تانية
    زولة كسرة و ملاح ساي، و تالتة مختوتة بس(سبير بارت)
    و تنفع برضو لرميان الطلاقات الفشنك الفي الهوا ديك ساااه.
    و الرابعة دي بقى ياهي السمحة يا ست العجن أنا زي جمالك
    لاقي وين.. لا في القراب لا في البعاد ما شفت زي عنيكي عين

    ● فمرة واحد منهم، أخونا شيخ الموحدين/ عبد الحي الشبلي.
    قال لينا: الحاجَّة بت خالو الكل يوم معاهو دي براها بتساوي في
    نظرو براها أربعاً في أربعٍ. قلنالو :يا رااجل، يعني إلا تكون (4in 1).

    ● أها تراهو جنس الرِّمَم المخذِّلين ديل ياهم القادين لنا القفة من
    تحت. الجماعة قالو: عاملين بمبدأ شعار شركة سابتكو. النوع الهارشنو
    بمفراكة الملاح و قايلين ليه : (بس خليك إتا مستمع بمناظر الطريق
    أثناء الرحلة و دع عجلة القيادة لنا)؛ ممسكنو ضنب التور للأسف.

    علا لاكين ، أفففو أنا أخوك الراسية!! نحنا و نحنا مفطومين
    بي عجينٍ مُرٍّ، و مكحلين بي شطة قبانيت كافرة مرة واحدة.
    نان تجي برضو تقوللي منو و تقوللي شنو! قوم لف بالله!!!
                  
|Articles |News |مقالات |بيانات

03-18-2020, 10:22 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 6430

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ الحاجُ يُريدُ تفريحَ ثمَّ تسريحَ المَد� (Re: دفع الله ود الأصيل)



    ♧ الحاج يريد تبديل المدام: بوست عبارة عن لغم برمائي أرض
    جو ، لا ننصح ، لا ، بل ننتظر أصلن ، من كل ذي كبِدٍ رطِبٍ و إمكاناتمناعية دفاعيةٍ متواضعة الاقتراب منه للمتاوقة ناهيك عن المداخلة.

    ● طبعاً لا نؤمن بما يسمى هراءً بعيد الحب (فالانتاين).
    دا في نظري شغل قساوسة و ظنيت كمان في القساوسة
    زاتم يكونون حناكيش ساكت.المهم أنو إن كان و لابد هم فاعلون فليكن شعار الجميع فيه لهذا العامنكدياً بحيث يفشل ا لمناسبة المهببة: الزوج يريد تغيير المدام ، على غرار ما نادت به ثورات الشعوب المغلوبة على أمرها و الملعوب على ذقونها التي رفعت مثل تلك الشعارات الفضفاضة الجوفاء . و لا شفنا شيء غير التغيير المناخي الجابلينا الاحتباسات الحراربة و فوران قيعان المحيطات بالتسوناميهات و اختلاط حبل الطبيعة بنابها حتى باتت تسير كخبط عشواء!َ.

    عمومن ، دي شجاعة فبحد ذاتها الواحد يُحسد عليها و لم يسبقناإليها أحدٌ، بل و وتجب تهنئتنا عليها و من هنا تناشد الأخرين بالانضمام إليها و من ثم الصمود عليها لا أن نترخرخ شوية شوية .

    ● مع إني لا أثق فيكم معاشر الرجال لهذه الدرجة، فسوف لن تصمدوا و سوف ينخفض سقف مطالبكم على إثر أول هرشة أو تلويحة بساطور من "كتائب الضل" تحت مخدات مضاجعكم . و سترفعون لافتات باهتة و شعاراتٍ أخفَّ وطأةً ثم آخذةً في الانكماش إلى قول أحدكم:"الحاج يريد تربيط الحزام" ثم إلى قولهم: " الخير كل الخير في بقاء المدام" ثم إلى أن نهتف جمعنا: "الحاج يضرب تعظيم سلام للمدام"

    ♡بوركتم و لتبقى حبال الود ممدودةً بيننا

    (عدل بواسطة دفع الله ود الأصيل on 03-19-2020, 10:58 AM)

                  
|Articles |News |مقالات |بيانات

03-19-2020, 11:22 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 6430

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ الحاجُ يُريدُ تفريحَ ثمَّ تسريحَ المَد� (Re: دفع الله ود الأصيل)


    ♧ امسك عندك و قول واحد. دا صاحبنا اللدود الودود عبد العظيم
    رئيس نقابة رافعي الراية البيضاء من يوم (ضبح الكديسة) قال إيه؟:
    " اذهب يا زول أنت و رهطك فنافحوا ، و إننا هاهنا منبطحون"
    ● فلامن رفع كثافتي قلت لو : تنبطح فيك حيطة بالمناسبة يا
    عبدولي، أوعة تبقالي متل واحد أخونا جوة الرابط ، ما أفضلو عليك:
    قال لا بطقع و لا بجيب الحجار . فقلنالو: أنت بالذات مافيش داعي
    أصلن تتعب روحك تجيب أيحجار لأنو براهن بجنك في محلك
    يفلعنك فوق صنقورك الغليد و مقودس دا عامل زي سرج العجلة.
                  
|Articles |News |مقالات |بيانات

03-19-2020, 11:36 AM

Khalid Abbas
<aKhalid Abbas
تاريخ التسجيل: 12-16-2017
مجموع المشاركات: 1415

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ الحاجُ يُريدُ تفريحَ ثمَّ تسريحَ المَد� (Re: دفع الله ود الأصيل)

    Quote: فكذلك التوحيد بي مرية
    فرد واحدة كدي نقرها من نقرك و بوزا في وشك سداح
    مداح و صباح مطاح ، هو أبغض أنواع التوحيد إلى
    الله. هذه فتوى ساي من عندياتي و العلم عند الله .

    ان شاء الله يامرهف تلم فيك واحدة من اياهم تدخلك في زقاق ضيق لا تعرف تجري ولا تعرف تنط بالحيطة ههههههههههههههههههههههههه
                  
|Articles |News |مقالات |بيانات

03-19-2020, 12:23 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 6430

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ الحاجُ يُريدُ تفريحَ ثمَّ تسريحَ المَد� (Re: Khalid Abbas)


    ههههههههههه
    يجازيك ية خالد عراس و يخلي محنك و ترا ماني ختيان
    عليك أكان داير تشمت فيني . بس تعرف برضر كتر خيرك الجازفت جيت مديت راسك معاي. موش زي عمنا ود الخسين اللي كان أصلن أوعز لي بالفكرة لامن لقيتو فارعلو بويست قال: "زوجة واحدة لا تكفي" قمت يا مومن صدَّق دخلت معاه . لكن خلاه لي و شتت أتايره ناقلو على سبيل "ناقل الكفر ليس بكافر" فتعال شوف جنس التلج الكسرناه ليه عشان يجي يناول الطين:

    ▪سلام مربع و يسلم لي ضراعك أستاذي ود الحسين، تصدق بوستك اللغم الشحمان دا من كم يوم أجي أتاوق فيه و أرجع . كنت شاكي يكون من راسك.لكن الحمد لله أهو طلع من كراسك و دي المحرية فيك، زول مسالم و من يومك حلال شِبك . موش زينا كدي و ناس عمك جقود : تنقد الرهيفة إن شاء ما تترتق و مرحبتين حبابو الشر محل ما بتق.
    ▪ بس ملاحظتي في نساوين الجن ديل، و ما كلهن طبعن ؛
    إنو أفشلهم نوعان: العنيدة و الدلوعة زيادة عن اللزوم و ألعن
    و أظرط منهن الاتنين كمان المرة النكدية . شفت الأصناف دي أخير منهم الكبيرة و عويرة . فشايفك زي لاوزت من(نكدية)
    دي فلو بتجيب هوى ممكن ندغمسا ليك نقلبا مسلن كندية.

    ▪ لأنو سمعنا قالو الكنديات ديل غنم ساي و عشانالحروب
    كملن (تيوسِن) بقن فتحة خشمك بس يعرسو ليك واحدة و يلزقو ليك معاها (كليقة) حريم شقراوات عليهنطعومية يرمن في الشوق المشيت ليهو (نظام عرض خاص/2in 1) .
    يعني فايتين نظامنا: مثنى فثلاث و رباع لي غادي.

    ▪ عمومن هدا جيناك و عندي ليك بوستين قُدام لنج :
    " الزوجة النكدية" و " الحاج يريد تبديل المدام" عديل كدا.
    و هديل جاهزات للنبش؛ الليلة ح أنزلم ليك ؛ بس بشرط ما تخذلني تفكني في فرقة يجو يلحسوني المرقة.لازم يا عمو تجي تناول معاي الطين و كمان تعمل لي دعاية و إعلان .

    ▪ تطمن لينا القراء لأنو مواضيعنا نحن نارية لامن مخلية
    بوستاتنا مهجورات تراهن متل( كرنتينة كورونا) لا يأتيها المتاوقون من بين يديها و لا من خلفها. فرايك شنو و إتا
    يا خالد رايك شنو في الشلاقة البتودي ف داهية دي؟!

    (عدل بواسطة دفع الله ود الأصيل on 03-21-2020, 07:30 AM)

                  
|Articles |News |مقالات |بيانات

03-21-2020, 07:53 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 6430

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ الحاجُ يُريدُ تفريحَ ثمَّ تسريحَ المَد� (Re: دفع الله ود الأصيل)

    Quote: ♤ كتب الحفيان:
    بالواضح كدا يا ود الحيشان، أنارغبة في حاجة زي دي
    ما عنديأنا من جماعة"و إن خفتم ألا تعدلوا فواحدة"

    ♧ كدي يا حفيان، لو سعلناك المخوفك ظاطو شنو؟!
    ياخ إتا بس أبقا جنا و مد رويسك ؛ و الباقي ليك علينل.
    بي فلستنا و ظروفنا المكرتحة دي خلينا نشوف ليك أخوانا
    المعطربين الكحيانين ديل ينعلتوك لينا إن شاء الله شقيانة
    تموت تخلي و يكسوك، يدجبوكم إتا و سعيدة الحظ السريع
    أربعن في أربعٍ مما جميعو . بس ما عليك إلا (الدُّخلة)..
                  
|Articles |News |مقالات |بيانات

03-24-2020, 09:53 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 6430

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ الحاجُ يُريدُ تفريحَ ثمَّ تسريحَ المَد� (Re: دفع الله ود الأصيل)

    Quote:
    كترت/ نسمة الصباح [ ]
    ود الأصؤل يا ابن البادية شكلك كدة صار كفنك و مارق
    انت قدر الكلام البتقول فوقو دا والمساكين الوراك ديل
    إنت بتتحمل ذنب إهدار دماؤهم التي ستنهمر مثل المطر في ليلة
    خريفية. إنت عارف أسهل ليك بكتيييييييييييييييييييييير تسقط النظام
    من تسقط المدام لأنك في الحالة الاولى معرض للاعتقال والبهدلة
    و لكنك في الحالة التانية ما قدامك خيار غير تخسر رقبتك.
    فنصيحتي ليكا و أنا جادة،أحسنة لك ،و ترمي الكيبورد
    و أبقى عابر سبيلك متخارج، و تنفد بي جلدك.

                  
|Articles |News |مقالات |بيانات

03-24-2020, 10:05 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 6430

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ الحاجُ يُريدُ تفريحَ ثمَّ تسريحَ المَد� (Re: دفع الله ود الأصيل)


    ♧ الراكزة يا نسمة جاية من الوطن
    أنا فهمتكو؛ يعني قصدك ساطور أدييييييييييييييييييييل كدا؟!
    ما في أي مشكلة . طبعاً لكل ثورة شهداؤها وستظل هذه الراية عاليةً
    خفاقةً حتى تمضي إلى غايتها أو أسقط شهيداً دونها. مع إني عارف فينا ،
    معاشر الءكور و ىا أقول الرجال ، طابور خامسمن السادة ال"موحدين"
    يستميتون دفاعاً عن العوين. بالله عليك تعال شوف ليك جنس محن!؟
    لاكين خليك منهم ديل و هم يتساقطون كالطير يسقط حيث يلتقط الحب
    (بضم الحاء). أنا بس داير أعرف الناس دي بشمموها روح زهرة الرومانسية
    دي وين!؟ و كمان كان لأخونا الحاج/ أمين إدريس داك! خلو ساااه، عاملو
    فلفسة انبطاحية عجيبة قالو لو:الشرع محلل أربعة ، قال طيب نان و مالو أنا
    العندي دي تساوي :(four in one). بالله دي ناس تطلع في اعتصام مدني .

    ● مرة واحد جاب سيرة الزوجة النكدية بالله طارو ليه في لهاتو فضلوا
    يعصرو فيه لمان قلبناها (كندية)ياخي ديل رفعوا نسبة تمثيل المرأة في
    السيادى إلى الخُمْسَين يعني وين ما تمشي البيضة مع الحجر.طيب ما ح
    يصرفن القريشات و يمشن يرصدنهن في المفحضةو بعدين قفة اللهط
    برضو علينا! لا جماعة قسمة ضيزى..بالله تفنشو النسون
    ديلكدي كدي,و تعيدو الأوضاع إلى ذكوريتها الأولى،
    و بعدين هو برلمان و لا لمة لعواسة آآآبري؟؟؟
    كدي أسمعو دي علها تلطف الجو شوية:
    **************


                  
|Articles |News |مقالات |بيانات

03-26-2020, 04:43 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 6430

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ الحاجُ يُريدُ تفريحَ ثمَّ تسريحَ المَد� (Re: دفع الله ود الأصيل)


    ● البصيرة أم حمد قالولا: لو بعلك دا راهق أها،بتسوي شنو؟!
    قالت : براهق معاهو.. بلبس جلابية رجال و بقعد أضحك أقول
    قررر، برا شغلة! ماهو كده كده بقىمراهق خلاس ..نبقى في الهوا
    سوا، عشان مايراهق مع غيري. بالله شفتو محن الحيزبونة! غايتو
    عليها جنس غايتو و قالو: الشلااااااااااااااااااقة عاقة . يعني حتى
    في المراهقة و خفة العقل دي برضو مباريننا و الله ظنيت الواحد
    أكان دخل فب فتيل ضب برضو وراك و راك. و سيك سؤك معلق
    فيك. ما فاضل إلا (ينحشر) في طه بحشر يلبسوك ( أحفظ مالك
    في كرعينك , و برضو ح تجي البصيرة أم حمدتلقانا مداقراك !!

    ● لكن ، بصراحة كدا ح ترجعوننا تاني لحكاية البيضة و الجدادة .
    غايتو حاسي و كأنني أوشك أن ألمس موضع الأذى بمشرطي لدى
    كلا الطرفين . فلا بد نعترف أنو الحلقة الضعيفة في هذه المنظومة
    هي الحب الحقيقي ؛ إما أنه مبني على أساس مهلهل بين الطرفين أو
    أن أحدهما أو كليهما لم يمنحاه جرعةً كافيةً من الهواء النقي و الضوء
    الساطع كي يعيش بهدوء و سلام . فذهب مع الريح ليغوص سحيقاً
    و يظل يغرق .. يغرق و يتنفس تحت الماء.. أو أنه وُلد بينهما أصلاً
    حباً خديجاً منتهي و الصلاحية". بوركتم و الود بيننا...
                  
|Articles |News |مقالات |بيانات

03-26-2020, 05:35 AM

على احمد النعيم
<aعلى احمد النعيم
تاريخ التسجيل: 01-16-2007
مجموع المشاركات: 834

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ الحاجُ يُريدُ تفريحَ ثمَّ تسريحَ المَد� (Re: دفع الله ود الأصيل)

    أخاك أخاك ان من لا أخاً له * كساع الى الهيجاء بغير سلاح

    انا معاك يا ود الاصيل سجن سجن غرامة غرامة حرم معاك تب.
                  
|Articles |News |مقالات |بيانات

03-26-2020, 07:20 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 6430

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ الحاجُ يُريدُ تفريحَ ثمَّ تسريحَ المَد� (Re: على احمد النعيم)


    ● حباب الراكز ود النعيم تمساح جزاير الكرد .. بتقضي الغرد.. إتا بتشيل بي وكت
    ما متلك واد .. غني و شكريه يا أم وريدن حز.. بحر اللتبراوي الساقي الرجال بالنز..
    العشامابتجيك و إنتا ليهن حد.. غردي إن ما انقضى ، خلي دار جعل تنهد..إنتو ماكن
    في الصلاة البقت جوة البيوت تب دي برضو باينين(بقيتو تطلعو تصلوا مسطيحين
    فوق قطر كريمي و شندة) و معروفين ناس بطان. علا بصراحة حتتنا دي تركز لا؟!
    كدي أمش شاور اخوك المهل و تعال. و غايتو قالو: البباري الكدسة بودنو الكوشة.

    ▪ أخونا Nabsho مشرفنا في الراكوبة قاللي: يمين الله وقعت لي في جرح ،
    ود اللصيل ابن البادية يا ود حيشان العزتين و عابر السبيلين ماتقول كمان و انا
    أخوك بحب الثورات واموت فيها اها ليك عليحاعمل ليك قروب فيس واحررو
    ليك جنس حرورية وما حنقيف الا بعد سقوط آخر مدام ياخي ديل مرقونا
    من الجنة و سقطا . و كمان في واطات الله ما يريحونا: أغلى تحيــــــاتي.
    ................................
    قلنالو: اللخو سعادة مشرفنا العام و كول حاجة/ نابشو
    تحية طيبة و بعد ، اللخو قالو بالبنابش المحن، لا بد يلولي
    صغارن فـأنا حاسي بيك يا بو ضراع جنبي و أي حاجة.

    ● صحي الجرح واحد و داخرك لي حوبتن شديدة. علا لاكين
    بقول أنو التريُّس برضو مطلوب و من باب ربط التكاتيك.يعني
    بلاش من الفتونة الفارغة و حكاية "ما ح نقيف علا بعد سقوط
    آخر قطرة دمٍ من آخر مُدام. و تظل الراية عاليتن خفاقة أو نسقط
    دونها وكدا. لأنو  باكر بجي الخريف و اللواري بتقيف و تتكسر أمواج
    بحر الدميرة و بتبان ( الكوكة ) عند المخادة.. و بكدا خايف  بعداك  تفدُر
    الفورة و يطرقعو  لينا في راسنا الكورة و تفوت مننا السكرة و تجينا الفَكْرة
    و متأكد جدن ح ننتبه نلقى روحنا برانا زي حمار الشيخ  في صقيعة الفرقة
    و يجو حريم الشوم ديل يلحِّسونا مرقة ماجي و يفضو لينا ( بكارة) سامر
    اعتصاماتنا العنيدة حتى نتعلق بأستار (كعبة المضيوم) نهيم على وجوهنا
    نتيه أربعين ليلةً لتستوحش بنا الطرقات و تصافحنا القطط و الكلاب الضالة.

    ● أيوة ، لأنو قالو كمان  في الحكمة اترك للصفح باباً موارَباً ..
    و أحبب حبيبك هوناً ما ، عسى أن يكون غريمك يوماً ما ؛  و
    أبغض عدوك هوناً ما، عسى أن يكون قسيم ريدك يوماً ما. 

    ▪ ياخ ما سمعت بعمك أبو الشوش داك القالو عامللو (صفقة قرن)
    مع إبليس اللعين ظاطو قالو : في الحج لامن مشى يرمي الجمرات
    بتحت تحت و  متبلم تب مغتي و شو ، سالوه ليه بالدس : قال: يا
    زول، الدنيا دي مي  معروفة :يبقى في ذات يومٍ أدورو في حويجة!


                  
|Articles |News |مقالات |بيانات

03-31-2020, 05:07 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 6430

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ الحاجُ يُريدُ تفريحَ ثمَّ تسريحَ المَد� (Re: دفع الله ود الأصيل)


    االمشاكسة المقتبسة أدناه كتبها المدعو/aburazan ؛
    و هو صاحبن لينا من أيام المرحومة راكوبة، و شكلو واحد
    من الرعاديد و هم كثرٌ و الرجال قليل. فذات مرة قاللي تحية
    صباحية يا ابن بادية الأصايل ( و دا كان لقبي هناك ) . ياخى
    المودامات ديل (جمع مودام بالمناسبة) بصراحة هم تاج راسنا
    و هم اللي بتحملونا و بتحملوا كل مشاكلنا و هم البعتنوا بينا و
    بوليداتنا؛ أكلونا و شربونا و نضفونا وكوُونا(دى جاية من مكوة)
    المودامات ديل هم مجدنا و هم أرفع من المناصب و مفروض
    نكرم مثواهم و إذا كان و لا بد في المية من تغيير ، فلازمن و
    مفروض نتغير نحنا. كسير تلج تمام؛ شايف أصلي كيف!!
    دا كولو لأنو زولك عينو على الساطور تحت المخدة.

    ● فقلنالو: يابو رزان ياخي سلامات كوتارات ،
    يا خي ما تخليك راجل طيب وابن حلال..أولاً : تاج
    راسنا صاح لأنو وجه الشبه في الحالتينالزينة واحتواء
    الدماغ ( لزوم التنويم المغناطيسي). ثانياً ثم ثالثاً : أكلونا
    و شربونا صاح باعتبار إننا المفعول الأول بلا منازع.. رابعاً
    ثم خامساً موش نضفونا نحنا، قصدك جيوبنا حتحتوهن؟
    لا ، ديل حلقونا عديييييل كدي . و أما المكوة دي فوالله
    خاتنها لينا في سداغتنا بس متل الموسدس كانم الصوت.
    علا تنقد الرهيفة.أها أنت وين؟و كمان داير تكرم مثواهم؟
    افففو! لا لا اللخو غايتو كسر تلجك براك وسوي شرباتك.
    إحنا المخدة أكان بقت تحتا دبابة مجنزرة عديل إيانا
    الراقدين و إيانا المسوطرين!! بوركتم والود بيننا..

                  
|Articles |News |مقالات |بيانات


[رد على الموضوع] صفحة 1 „‰ 1:   <<  1  >>

تعليقات قراء سودانيزاونلاين دوت كم على هذا الموضوع:
at FaceBook




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de