♧مُضحكاتٌ مُبكياتٌ.. في العيد السعيد£

مرحبا Guest
اخر زيارك لك: 07-28-2021, 07:22 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
07-20-2021, 08:47 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 9521

للتواصل معنا

FaceBook
تويتر Twitter
YouTube

20 عاما من العطاء و الصمود
♧مُضحكاتٌ مُبكياتٌ.. في العيد السعيد£

    08:47 AM July, 20 2021 سودانيز اون لاين
    دفع الله ود الأصيل-
    مكتبتى
    رابط مختصر

    (adsbygoogle = window.adsbygoogle || []).push({});

    ▪واري اللَّو، يا حمدكة، حمزكة ويا ؤا يا أب كوكا، ناس أهل العوض ياب(كوكة)
    تعالو هناك اسمعو دا وخلو داك :حوالي الساعة 10 و شيء صباحن، إذا بأذان الضهر
    انطلقليُشنِّف آذانَنا منعبثاً من فوهة مكرفون جامعنا الجديد جنبنا. فهُرِعنا باحترازاتنا
    متأبطين مصلاياتنا و ممتشقين كماماتنا ،و ذهبنا زرافاتٍ و وحداناً أعمانا شايل المكسر،
    لا نلوي على شيءٍ ؛ إلى أن وصلنا لنجد أبواب الجامع مؤصدةً و مغلفةً تمامن.فتساءلنا:
    يا ربي الليلة يكون دا أجروه لعزابة و لا كيف!!؟
    ▪فعمومن ، لم يتركوا لنا خياراً سوى أن نُقفل عائدين
    أدراجنا ، عرقنا يتخلت و سايل بسداغاتنا. ثم تبين لينا لاحقاً
    بعد استقصاء الأمور إنو مولانا مؤذن مالطا شكلو كان ضاربلو
    كوم مرارة بي شربوت عصير بركاوي صاموطي (قام زوت).
    فشنو نقول بس: كل سنةٍ و أنتو طيبين وتامين ولامين.

    (عدل بواسطة دفع الله ود الأصيل on 07-27-2021, 04:04 AM)









                  

07-21-2021, 02:53 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 9521

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧مُضحكاتٌ مُلكبات.. في العيد السعيد£ (Re: دفع الله ود الأصيل)

    《نكتة العيد》
    ● جيرانا جاهم حرامي والكهرباء قاطعة
    داير يرفع الخروف رفع الكلب بالغلط و إلا
    نسمع ليك : الحرامي يجقلب و الكلب يعوِّص
    و الجيران يضربو في الكوراك و حالة كدا من
    زوبعة مشاعرَ مبعثرةٍ . و كلٌّ يبكي علي ليلاه
    ● فياخ الحرامية في هذا البلد شغالين في
    ظروف بالغة التعقيد، كان الله في عونم.
    و عون الجميع 😂😂).
                  

07-26-2021, 05:47 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 9521

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧مُضحكاتٌ مُبكيات.. في العيد السعيد£ (Re: دفع الله ود الأصيل)


    《بضاعتكم و ردت إليكم》
    ▪دا وش ملاح من [مطبات نواعمنا]، كتير بنصبنا لينا لكن
    مرات بيقعن فيهن و" ياحافر حفر السوء وسع مراقدك فيهن.

    ▪ مغترب .. طافش زمن في بلادي برة و جاي راجع كرت
    كرتونة أعيد مع أهلي بحكى ليكم درامة بوليسية تدوخ إبليس :
    قبل يومين تعرفت على جكسوية من إياهم فى سياحي مدني
    و أن مستاق لأنعاش الذاكرة بأطلال معالم (العاسمة) المسلسة.
    ♡ الشاهد بقت كأنها معرفة سنين و دنين ؛ طبعن استلطافات جد
    و كيير تلج على أساس إنو القبة جواها فكي (مفترس) و كدي. بقت
    يوماتي تطمانات و حنك طاعم ، و النصيحة هي زاتا عليها حاجات نانية
    حامياني ترمي في (الشوك) المشيت ليهو . طبعن مرتين طلبت منى رصيد
    و فعلن رسلتو ليها بكل أريحية وطيبة خاطر و آخر بحبوحة عنو ما حد حوَّش.
    ▪قلنا أيان عيد و توسعة، و عشان يرتفع منسوب العلاقة لدرجة يبقى ملح و ملاح
    قبل كم يوم طلبت منى أعزما في عفراء ولا سيتى مول على غداء تقارب روح واحدة
    في جسدين . كمان الأهم و ألذ من كدا، لامن جانا الجرسون خليتا هي اللي تتمنى
    طبق اليوم داك على كيف كيفا؛ طبعن نظام ليديز فيرست وكدي. غايتو أى شيتن
    كدي فى نفيستا دي طلبتو كما لم تطلب من ذي قبل؛ و لهطت لامن عرقا سال .

    ▪ بت اللزينة أتاريها عندها موبالين، جاتها مكالمة على الآي~ فون
    شكلها { Top Secret } و لا تحتمل اللنتظار للحظة.ختفتو و جرت مني
    انزوت بركن قصيٍّ، و قعدت تنقنق: همسات حنان دقاقات ؛ ما سامعا بتحنك
    في منو. فطوالي أنا ضربت على الجلكسي خلتو جنبي فوق الطربيظه.
    فكان الصدمة لقيت اسمى مسجلاه ليك باسم / استثمار أجنبي رقم
    [12] أمك أمك أرقد آعيش أنا جرابك .. الليلة عاد ما دقس راجل.
    فا شنو يا عمك عملت تغدير موغف سريع و الرجال مواغف.
    ▪رجيتا قاعد.منتظر الزينة جات تتكشم متل نار القصب؛
    اعتذرت لي بي حس ناعم كرؤوس الأفاعي : آسفة جدن يا حبيبي،
    ما أكون أتاخرت عليك ؛ أول وهمة أسمعا منها ، و معاها كمان لمسة
    كنان بيدها فوق يدي و يا سلام علي ريدي الخلاك بقيت(CD). لامن
    أعصابي باظن و حيليبرد و ريقي نشف ؛ و دي مش أعرغض كرونة؛
    بالعكس دا معناه : (انفد بجلدك ياسعد ، فلقد هلك سعيد) .
    ♧ أها من حيسي داك قلت ليها: عن أذنك ، جايب معاي شوية
    هدايا و حاجات بسيطة في عربيتي، بس أتناولم و أجى هوا نكمل
    غدانا .. نحلي و نشرب لينا بارد و قهوة و نشيش كمان . قالت لي
    بغنج وهنجكة ظاهرة مصطنعة : أوكي اتفضل . يلا عملت لبك
    زوغبير من دفع الحساب و بكشيش النادل و هوبَّا ؛ فللي دورت
    و لحست راحاتي و شتات. فضلت قافل موبايلي يومين لحدت
    أمبارح فتحت الواطسب لقيتا ليك مرسلة لي كاتبة عتاب حار :
    "عليك بالساحق و الماحق.. و ماني عافية ليك يا ود الحرام" .

    ▪رديت ليها : جربي مرة أخر ى ؛ مع تمنياتي ليك :
    حظاً أوفر مع بقية استثماراتك رقم : كم و (طاشر)
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de