♧عاسِمةُ ال[لَوْلَوَاتِ] التَّلَاتَةِ£

مرحبا Guest
اخر زيارك لك: 09-26-2021, 12:42 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
08-29-2021, 05:57 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 9624

للتواصل معنا

FaceBook
تويتر Twitter
YouTube

20 عاما من العطاء و الصمود
♧عاسِمةُ ال[لَوْلَوَاتِ] التَّلَاتَةِ£

    05:57 AM August, 29 2021 سودانيز اون لاين
    دفع الله ود الأصيل-
    مكتبتى
    رابط مختصر

    [ألَّاكهربة-لاموية-لاأمنَ و لاأمانَ و لاهم يحزنون]

    (عدل بواسطة دفع الله ود الأصيل on 08-31-2021, 07:41 AM)







                  

08-29-2021, 06:00 AM

Khalid Abbas

تاريخ التسجيل: 12-16-2017
مجموع المشاركات: 1989

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ عاسِمةُ اللاءاتِ التلاتة £ (Re: دفع الله ود الأصيل)

    ههههههههههه حلوة وملعوبة يامرهف
                  

08-29-2021, 06:17 AM

خضر الطيب
<aخضر الطيب
تاريخ التسجيل: 06-24-2004
مجموع المشاركات: 9302

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ عاسِمةُ اللاءاتِ التلاتة £ (Re: Khalid Abbas)

    مرحب حبيبنا ود الحيشان التلاتة البقن خمسة

    Quote: [لاكهربة- لاموية- لاأمنَ و لاأمانَ و لاهم يحزنون]


    في العنوان كتبتهن تلاتة لما دخلتا الحوش سويتن خمسة في تضخم و لا شنو ؟
                  

08-29-2021, 06:36 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 9624

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ عاسِمةُ اللاءاتِ التلاتة £ (Re: خضر الطيب)


    ▪خدوري يا فردة ما أنت سيد العارفين أنو
    التلاتة ديل حيشاني أنا و أخوك قاعد في السهلة
    و أنتو ضاربين لي الجداد الكويتي المبغبغ في غتر
    الفتية ، لقمتكم الدهن سايل للكوع. و نحن جينا بجاي
    لينا الله و عيشة السوق. ماسكانا الضبابين وردية نهار
    تخمش اللقمة من جوة لهاتك و البعوض هليكوبتر بس
    برضو ما مقصر وردية ليل صباحي عضعيض نضيف.
    .

    (عدل بواسطة دفع الله ود الأصيل on 08-29-2021, 08:10 AM)

                  

08-29-2021, 06:45 AM

Biraima M Adam
<aBiraima M Adam
تاريخ التسجيل: 07-04-2005
مجموع المشاركات: 18774

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ عاسِمةُ اللاءاتِ التلاتة £ (Re: دفع الله ود الأصيل)

    ول أبا الأصيل ود الأصيل،

    حضور ومتابعة .. شكلنا موعدين بالجميل والمثير ..!

    بريمة
                  

08-29-2021, 06:53 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 9624

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ عاسِمةُ اللاءاتِ التلاتة £ (Re: دفع الله ود الأصيل)

    Quote:
    ههههههههههه حلوة وملعوبة يامرهف

    ☆ خلودي يا شفيف، هي ملعوبة بنصاح؟
    و هن جيت للحق هي عاصمة اللولوات و مش
    تلاتة، كلا بل هناك سلاسل جبال أطلس من النفايات
    وصحة و علاج معدوم البمرض غلتان المرحوم ورغيف
    الخبز حجاري و البنزين تجاري و المشي بقى كتاري!
    و ناس سلطات و ملطات و فنكهات دي بقت ترفاً
    يُشتهى، من رابع المستحيلات كالغول و العنقاء
    و الخل الوفي. فا شنو خليها غايتو بالنية.
                  

08-29-2021, 07:27 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 9624

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ عاسِمةُ اللاءاتِ التلاتة £ (Re: دفع الله ود الأصيل)

    Quote: ول أبا الأصيل ود الأصيل،

    حضور ومتابعة .. شكلنا موعدين بالجميل والمثير ..!

    بريمة


    ول أبا شيخ عربنا بريمة سليل الناظر أسوسة.
    جينا بجاي على عشم ننقل ليكم صورة ذهنية
    زاهية تمنيناها آية من الجمال و هويناها هالة من
    الجلال الفؤاد دايماً بنادي في اقترابي و في ابتعادي
    ليه لأنك من بلادي.. شايلة من النيل صباهو ومن ضفاف
    النيل بهاهو من مناظر السبر صفحة من رهيد البردي لوحة
    من نخيل الباوقة طرحة ومن مريدي السمحة نفحهة الطبيعة
    حنت علينا خلدت بصماتا فينا و لينا غرد كل شادي.
    ▪ لكن مابصح و طريقنا باين يا شبابنا نقيف نعاين
    الامل معقود عليناوالعمل ظمأن إلينا بي سواعدنا
    ونضالنا في جنوبنا وفي شمالنا غيرنا مين يحرث
    أرضنا يبني ويعمر بلدناغيرنا مين يفني الاعادي.
    نحنا سافرنا و بعدناما عرفنا هواك بعدنا كلما اقتنا
    فتنه الفؤاد حن ولفتنا كل ما اتمناه بسمه من ملاك
    اضناه حبوحلمو كان في الغربه نسمه من اريج
    بلدو البحبو جينافي لهفة مشاعر ليك بتحملنا
    الخواطر نبني مجدك ي بلادي
                  

08-30-2021, 05:03 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 9624

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ عاسِمةُ اللاءاتِ التلاتة £ (Re: دفع الله ود الأصيل)


    ▪واااا أسفاي على حال بلدٍ بلا ولاء و فاقدةٌ
    لأي شعورٍ بالانتماء..و تظل منهوبة بأيدي الأبناء.
    على رأي عمنا الشاعر الراحل/ محمد مفتاح الفيتوري
    و الذي أفنى عمره هائماً يجسد مأساة فرعونٍ عاشقٍ يتغنى
    ب{معزوفة درويــش متجــول). عاش درويشاً إفريقياً ساحراً
    ظل يقرض لنا الشعر ليُلْقيه على عواهنه ، هكذا حراً بلا قافيةٍ و لا
    تفعليةٍ حتى و هو يلفظ آخر زفرةٍ من أنفاسه و يغادرنا و قد أشعل
    لنا أصابعه شموعاً في عتمات عالمٍ خَرِفٍ تعودنا منه ألا يصون وداً
    أبداً لأي مبدعٍ مهما كانت له من صولات و جولاتٍ في: دنيا ليست
    بدار قرارٍ و بقاءٍ ؛ و لا يملكها من يملكها؛ أغني أهليها سادتها الفقراء.
    الخاسر من لم يأخذ منها شيئاً ، مما تعطيه علي استيحاء.و الغافل
    من ظنّ الأشياء كما تبدو لناظره هي طببعة الأشياء!

    ▪ رحل عنا ناظمُ تلك الطلاسم ، و هو ذلك البحر بالا
    شطآنٍ و نفائس الدر في قيعانه كامنةٌ، أديبنا القرعاني الضخم/
    محمد مفتاح الفيتورى، رحل في المغرب بعد رحله مرضٍ مريرةٍ ،
    و قد اختتمها بسكتةٍ دماغية لم تُمهٍلْهُ إلا قليلاً. و قد خلف برحيله
    حزنا ًد فيناً و أسَى عميقاً بنفوس محبيه في أوطانه وحول العـــالم
    أجمع.. شاعر بلاد العُرب أوطاني و ساحر مجاهل أفريقيا ، ظلت تتناكره
    مساقط رأسه و مراتعصباه في كل الأوطان.فيما احتواه العاشقونيفردون
    له مصاريع الأحضان. ليعيش طِوَالَ عُمُرِهِ هائماً على وجهه ، مرتحلاً بين
    مطالع الشمس و منازل القمر، يتأبط وطناً كانوهماً كبيراً بلا خارطةَ
    لوجوده إلا بين ثنايا جوانحه. و كلما حطَّ علي غصن لألفٍ ليلة و
    ليلة ربيعيةٍ عربيةٍ من مدلهمات الليالي ، راح يُحطِّمُ أصنام
    الجبابرة الطغاه ولا يبالي. ثم يخرج منها مغاضباً ، يهيم
    على وجهه وعلى رأسه ريشُ غرابٍ و تويج كرامةٍ،
    و بيده صولجانٌ كما لو كان سلطاناً للعاشقين.
                  

08-30-2021, 01:40 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 9624

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ عاسِمةُ اللاءاتِ التلاتة £ (Re: دفع الله ود الأصيل)


    ♧ عرضُ حالٍ عاجلٍ للجنة إطالةِ التَّمْكين£
    ( دفع الله ود الأصيل)

    ♧كلَّ عامٍ تُرذَلون و أنم صامتون£
    《بلد تعج شوارعها بالبوكو حرامة》
    كلو واد ليبيا بدون لوحات و لا إسبيرات
    ♧ وضعنا المقلوز حالياً لدرجة يقرف الليمون ؛
    حتى لم يعد يسرُّ عدواً ولا صليحاً. فدا ذكرني ذات
    مرة من ذوات المرارات : كنا ماشين لينا لي عزا (بكا)
    في أم طرقن عوراض ديك المي هنا ؛ تراها جيهة
    شلعوها الجعليين و حشروه العباساب . و راكبين
    لينا هوستن زبالة داوودي موديل تقول من يوم
    حفرو البحر {سنة أم دقنوس مجاعة ستة}.

    ● قام وحلنا في ترس حُقنة و وقف بينا حومار
    الشيخ في العقبة .أها قام للتسود ختوتو اللوري كطع
    سير مروحة؛ فما لقينا أي حل. قام مساعدي الحَلَّة قال لينا:
    يا جماعة الخير ما يتحير علا مغير. دحين ما عندنا دَبارة
    غايتو علا واحد منكم يتبرع لينا بي (تكة) سروالو نشغلا
    إسيير لسير مروحتنا نمشي بيها حالنا. شب واحد أخو
    فاطنة ظق سدرو: أبشر وأناخوك، و حل تكتو ربطنابا
    سير الجن ، درَّجتنا شوية ترس ترسين و حتها
    انكطعت ؛ قمنا استلغنا تكة واحد تاني ملصا
    لينا ثم هكذا دواليك و هلم جرا .

    ● يلا الشاهد: ترعة ورا ترعة ترس ورا ترس؛
    و نحن نتمولص تكة تلو الأخرى ؛ لامن كملنا تِكَكنا
    كلهن ؛ و لحدما أخوان فاطنة تشت علينا بقينا حزاماتنا
    ناصلات و قاعدين أم فكو ساااه ؛ حتين يا الله ربك رب
    الخير وصلنا بكان أهل الفراش: من فوق هلًّا هلًّا
    و من تحت يشهد الله (مولانا كما خلقتنا).

    ●هناك بقينا ممحنين. قلنا : ياخوانا،
    يا ربي هسة بس شن نسوي؟!! يعني ننزل
    نواجب الناس ديل نرفع معاهم الفاتحة ولا
    نفضل ماسكين لباساتنا بخشومنا كدي
    لامن نرجع مقبلين شايلين أهلنا؟!!
    توقيع/
    ☆ ود ال ح ش ا ن ال ت ل ا ت ة
    مرمنٌ نلدوغٌ من جحرٍ مرتين،حالياً
    مؤذنٌ محجورٌ منزلياً بجزيرة مالطا.
                  

08-30-2021, 09:48 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 9624

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ عاسِمةُ اللاءاتِ التلاتة £ (Re: دفع الله ود الأصيل)


    [}لازم تعرفو الظلم جاى من وين عليك
    و افتح عينيك على زهور الغابة و الأدغال
    و براءة الأطفال وعشان يكون الحق ليك
    تعبر بحور ..تهدم جبال..
    الحـــــق هـــو النضـــال
    و الحق فى ساحة مجزرة
    و النصر للفاس والرجال
    و لي سواقى مدورة
    *****(((((+)))))*****
    ▪و حيث لا تكفي قوة البأس (العضلي)
    و الهتافات لوحدها لإشعال ثورة ، فلا بد
    أن تأتي هنا ، أهمية وعينا تماماً ب(من أين
    تؤكل كتوفنا.) حيث أن المؤمن كَيِّسٌ فَطِنٌ
    و ليس مجرد (كِيْسُ قُطْنٍ). لذا ، كان لا بد
    من (عين مفتوحة) حارسة لمقدسات الدين
    و مقدرات الأرض؛ و صائنة العرض على
    نطاق جغرافيا تراب الوطن ما بين
    (الغابة) و الصحراء.
    []*****(((((+)))))****

    ▪و لا بأس بركوب الصعاب و بذل
    النفس و المال في سبيل ( النضال )
    دفعاً للظلم و صوناً (للحق) و لا بد أن
    النصر آتٍ إن عاجلاً أم آجلاً للفاس كما
    كان للمطرقةوالمنجل(شعار ثورة العمال،
    على يد البلاشفة الروس) ، و حيث :
    إنه لا يسلم الرفيع من الأذىو؛
    حتى يراق على جوانبه الدم
    ***(((((+)))))***

                  

08-31-2021, 03:30 AM

adil amin
<aadil amin
تاريخ التسجيل: 08-01-2002
مجموع المشاركات: 30182

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ عاسِمةُ اللاءاتِ التلاتة £ (Re: دفع الله ود الأصيل)

    يا حليل العنقليز
    فعلا البكا والزغاريد والجنازة كلب
    اتخييل بتكلم عن الطاقة الشمسية من 2018 هنا
    القي بورتسودان قالو تولعا سفينة الباش بذوق في البحر وبي 30 مليون دولار
    ودرويل قطر وتركيا مصر يدفعو ليها ال 30 مليون دولار
    هنا كل اليمن استخدمت الطاقة الشمسية والان مع الطاقة الشمسية كل راسمالي ذكي مني تخذ عطا حي في صنعاء جاب مولد
    كبير وعدادات الكليو بتاع الكهرباء بي 300 ريال يمني يعني 30 سنت والشهر 20 كليو بس بدعم الطاقة الشمسية \وكلو من الصين واليابان وكوريا\
    لان امريكا والعرب والعحم شغالين حصار وقصف في اليمن
    اها المحاصر السودان شنو غير البلادة المؤدلجة والامراض النفسية
    جبريل وسفينة الاتراك في البحر دي زي القرد الاعمش والنظارة
    الكوز عايز ينفع اسياده الاتراك بس
    30 مليون دولار دي تجيب الصين بتحل مشكلة بورتسوان من الكهربا والموية النظيفة ايضا محطات تحلية الي الابد
    يا حليل ناس بوتسودان الشمس هارياهم
    درجة حراراة 45 وما مستفيدين منها طاقة تشغل من مكنة الحلاقة لزوم حلاقة الشعرة ..لي الفرن والطاحونة
    وبجيك لي قصة الموية والخرج وابو حمار ضحك ضيوفنا اليمنيين البتفرجو معانا في فضائيات السودان الكئيبة
    عشان اوريك الامن المائي في اليمن زمن الحرب كيف
    نحن حتي غرائز البقاء فينا عطلتا الانقاذ والقرود المؤدلجة دي بعثي شيوعي ناصري
                  

08-31-2021, 05:43 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 9624

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ عاسِمةُ اللاءاتِ التلاتة £ (Re: adil amin)

    ••••• مرحب عمو جقود ظافنشي••••••
    ▪على طاري اليمن قالو أب سن يضخك على أب سنين،
    أخونا يمني ضحكني حتى أسال ريالتي ثم أجشني بعبرة
    البكاء، حين أطلق لي ملاحظةً لا تخطئها عين ملاحظٍ قال:
    مستغرب فينا السوادنة في سوق أم دفسو بنفرش نعلات
    الشقيانة و تموت تخلي فوق طربيظة و لكن البانضورة
    و الججير و البصل اللخداااور فوق واطات الله دي.

    ▪ يلا هاك دا نداء ايتغاثة عاجل لعناية اللصين/
    القحاطي وجدي صالح و الكوز جبريل و من يلف لفهما.
    لا بد في المية من تبديل لجنة لإطالة التمكين ومحاربة
    الفساد بالسفارات و القنصليات. وكتين غلبكم فتح المجاري
    و رغيف الخبز الحجاري و البنزين التجاري و الرحيح كداري.
    ••○••○••
    ▪ بالمناسبة مستشفي السرطان بتاع الأطفال خبرو شنو؟
    كان عملو ليه سوق خبري على هامش وهمة توزبع أراضي الوادي
    اللخدااااور. و طبعن صاحبي الأهبل طوالي أخذتو هاشمية العزة
    يالإثم و تبرع لبهم ب 50ريال بس، لكن في واحدبن أهبل منو
    زمن الناس حنان أول ما يشوفولم شافع هزيل صوفو منحت
    في الدعاية بختو الف ريال طوالي ويرمو معاها كم دمعة و
    تكبيرات، هيعلات وهيللات "هي لله و ما لدنيا قد عملنا"
    •••••○○•••••
    •》ألو الجاليات السودانية بالخارج (حول ) هل تسمعني
    (حول) بالله..هل حدس لكم مثل ما حدس و لا حرج لجاليتنا
    السودانية بالسعودية و صويحباتها في الخليج ؟! يلا (حول)
    نحن في انتظار الجواب الشافي .و هكذا أسدل الستار علي
    (عملية نصب القنصلية في النملية )
                  

09-06-2021, 10:29 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 9624

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ عاسِمةُ اللاءاتِ التلاتة £ (Re: دفع الله ود الأصيل)

    《ضرب نار في قلبا》
    ☆ يشهد الله كنا في قلب المعمعة إذ بدأ الرصاص
    الحي يلعلع فوق رؤوسنا من ناحية تقاطع جمارك الحاويات
    كان حينئذٍ قريباً لي في طريقه إليَّ فمرقت جاري أجيبو.أتاريه
    فوجئ برهبة المشهد فارتبك لدرجة أن فقد البوصلة و ضل طريقه
    إلى ساحة أم المعارك . قام كبسلو باب و دخل على نسوان لقاهن
    بهدوم المهنة فآوينه و قمن تجاهه بالواجب كما ينبغي و هدأن
    من روعه إلى أن استتب الوضع قليلاً ثم جئت لأخذه معي.
    الشاهد: لعَمرُك ، أمةٌ لا تزال نساؤها تضرب الأمثال في
    غوث الملهوف بكل هذه العفوية والأريحية لهي خير أمةٍ
    أُخرِجت للناس إلى أن يرث الله أرضه ومن عليها.

                  

09-08-2021, 07:33 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 9624

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ عاسِمةُ اللاءاتِ التلاتة £ (Re: دفع الله ود الأصيل)


    🌸 قصة حكاها عريف بوليس من امدرمان اترفد من الشرطة سنة ١٩٥١م
    عن جريمة عالقة بالذهن وكان متحري قال كنت عسكري مستجد ايام القلشين
    والكسكتة ام ريش موزع بتمنة الموردة ليلا عندك مربوعين تلاتة تلفهم وبيدك
    دفتر خدمة كل ساعتين الشاويش يجي لافي عليك ب عجلة بدون ليك
    مرورو بالزمن في دفترك ويتعرف علي احوال دائرتك و يسجل بنوتته.
    🌸قال سمعت صوت كلاب نبيحها زاد جنب كوشة قربت لقيت
    طفل حديث الولاده ومعه بشكير وقطن وبزة لبن مليانة نهرت الكلاب
    وبقيت اضوي بطاريتي للشاويش لانو زمن مرورو. قرب صفر سمعتو
    ضويت شافني جا وريتو الحاصل عاين الطفل ولاحظ الكرتونة وضوا
    النور علي اثار الاقدام وقالي انتظر هنا واسرع للتمنة
    ودقائق جاني مع الظابط بالكومر.
    🌸شلنا الطفل علي القسم ودونو البلاغ ومشينا الدايات سلمهم
    الطفل وشال الظابط الكرتونة وكان مكتوب عليها راديو فيليبس!+
    🌸 اتصل الظابط علي اتنين من التجار الاقباط الذين يبيعون اجهزة
    الراديو كانت تلفوناتهم مسجلة بالقسم وطلبهم وجوا بالليل ومشي
    معاهم فتحوا دكاكينهم وراجعوا بالنمرة اسم الزول الإشترى
    الراديو فيليبس وعنوانه طلع شاويش جيش بالابيض.

    🌸 بالشفرة اتصلوا بمباحث الابيض ذهب ظابط
    نبطشي الابيض بالليل داك لنبطشي الجيش بالابيض.
    سالو الشاويش انت يوم كدا مشيت الخرطوم واشتريت
    راديو فيليبس من القبطي فلان قال نعم سالوه وين الكرتونة
    نادى زوجتو سألها قالت جارتنا فلانة جاتا قالت عايزا كرتونة
    زوادة ادتا ليها وسافرت بيها يوم كدا للخرطوم .
    وصلت الإفتدادة من الاأيض بعد ساعة من البلاغ بالاشارة
    بالليل مشي الظابط للمراة طبمنزلهم في الموردة ومعه الطفل
    حديث الولاده وانهجمت الفتاة النفساء وامها ولم يصبح
    الصبح إلا و الطفل يرضع من ثدي امه ولم يمس البزازة.
    التعليق:
    دي شرطة زمان لا نت ولا امكانات
    وهسي تخش المخدرات بالحاويات
    ولا متهم ولا بينات!
    الشرطة ايام زمان !!
                  

09-13-2021, 11:00 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 9624

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ♧ عاسِمةُ اللاءاتِ التلاتة £ (Re: دفع الله ود الأصيل)

    《 تلاتة مطيرات》
    ▪المتعافي والي الخرطوم في عهد
    (الأنقاض ) البايظ، الله لا طراهم و لا
    جاب باقيهم، لامن جاء يخطط لبناء الطرق
    و الجسور و سفلتة الشوارع، نصحه الشرفاء من
    خبراء الهندسة المدنية و المعمار بأنو لو ما اتعملت
    بنية تحتية لتسليك مجاري الصرف الصحي ، شغلو
    دا كولو حيكون مهدداً بمياه الطمل و الانهيار على أيدي
    القوارض و الجقور، فكانت ردة فعله بكل صلفٍ و عنجهيةٍ
    أنو قال : أنا كل البهمني أبني إن شاء الله بالدكوة، معالمَ
    تنشاف للغاشي و الماشي و بس، ثم أردف قائلاً لهم :
    هو خريفكم دا زاتو من يجي لامن يفوت ماهو
    زايد ليه على خمسة مطيرات خفاف.
    {قُلْ أَتَّخَذْتُمْ عِندَ اللَّهِ عَهْدًا فَلَن يُخْلِفَ اللَّهُ
    عَهْدَهُ ۖ أَمْ تَقُولُونَ عَلَى اللَّهِ مَا لَا تَعْلَمُونَ}

                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de