هل يحضر البعثيون لانقلاب عسكري في العراق؟ اسمع السنهوري الأمين العام للحزب

مرحبا Guest
اخر زيارك لك: 12-03-2020, 01:46 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
11-20-2020, 09:33 AM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 38114

للتواصل معنا

FaceBook
تويتر Twitter
YouTube

20 عاما من العطاء و الصمود
هل يحضر البعثيون لانقلاب عسكري في العراق؟ اسمع السنهوري الأمين العام للحزب

    09:33 AM November, 20 2020

    سودانيز اون لاين
    Yasir Elsharif-Germany
    مكتبتى
    رابط مختصر





    Quote: هل يحضر البعثيون لانقلاب عسكري في العراق؟ اسمع الأمين العام للحزب
    9.832 Aufrufe
    •16.11.2020
    130
    19
    Teilen
    Speichern
    RT Arabic
    5,02 Mio. Abonnenten
    علي الريح السنهوري الأمين العام لحزب البعث في السودان، الأمين العام المساعد للقيادة القومية للحزب ومستقبل الأحزاب القومية في ضوء موجة التطبيع مع إسرائيل. المزيد في الفيديو.








                  

11-20-2020, 09:43 AM

adil amin
<aadil amin
تاريخ التسجيل: 08-01-2002
مجموع المشاركات: 27882

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: Yasir Elsharif)

    يا دكتور ياسر
    عليك الله مش مهازل
    هسة يكون عندنا لحدي هسة بعثيين في السودان وقاعدين في راسنا بي المحاصصة
    والشباب يخلو منصور خالد والاستاذ محمود حتي قناعات الناس التقليدية الختمية والانصار ويبارو ايتام صدام حسين

    صدام حسين وعبدالناصر عملاء ورخيصيين صنعتم البروبقندا الصهيونية للعرب ما لي السودان
    وهسة ناس المحاصصة زايغين من الديمقراطية والانتخابات عشان ما ينفضحو قدام الشباب
    قحت والمجلس العسكري وجهين لعملة واحدة
    واي بعثي يودي الفديو ده للسنهوري يشوفو
                  

11-20-2020, 10:26 AM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 38114

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: adil amin)

    سلامات يا عادل وشكرا لك.

    من هو المتحدث في الفيديو الذي وضعته؟؟ وما هي وظيفته التي يتحدث عنها بكلمة "نحن"، وبعبارة "استخدمنا صدام كعميل"؟؟

    طبعا أنا رأيي في حركة القومية العربية والبعث العربي معروفة كجمهوري، ولكني مع ذلك اؤيد مشاركتهم في العملية السياسية في السودان إلى أن تكلل بنجاح الانتخابات.

    وعندها تكون الكلمة للشعب السوداني.

                  

11-20-2020, 04:20 PM

Bashasha
<aBashasha
تاريخ التسجيل: 10-08-2003
مجموع المشاركات: 22408

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: Yasir Elsharif)

    يادكتور ياسر،

    كيف تايد عميل حزب اجنبي من اساسو؟

    وين لاقاك فتح فروع لي احزاب اجنبية في دولة ذات سيادة مستقلة؟

    هل صدفة طبيعة هذه العلاقة الاستعمارية الامبريالية مابين بلاد السودان، ومستعبديهم من احفاد الهالك، المرتد ابن ابي السرح وال360 سوداني مستعبد؟

    هل صدفة علاقة هذا الجلابي العميل، سفرجي صدام حسين، بالدمار الاتسسببو فيهو امثالو كادوات للاحتلال الثنائي؟

    معقولة مجرم ابادة زي صدام لغير العرب في العراق يكون عندو كمان فرع لي منظومتو عبر البحر الاحمر في بلاد "ابنــــــاء السوداء"؟
    اليس هذا جنون؟

    ماذا عن اهل هذا العميل من "الذنوج" اهل الارض، في عراق اليوم؟
    هل ده صدفة؟
                  

11-20-2020, 04:40 PM

Bashasha
<aBashasha
تاريخ التسجيل: 10-08-2003
مجموع المشاركات: 22408

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: Bashasha)

    في اي بلد في الكون ده، ذي سيادة، حر مستقل، امثال هؤلاء بحاكمو ويعدمو رميا بالرصاص، لانو عمالة!

    يكفي الشايفنو الان بي عيونا، البسوو فينا امثال هؤلاء، من عملاء مخابرات مستعمرينا الاعراب، اذا عن طريق الساذج البرهان او العوقة حمرتي، ام سفرجية صدام، او بوابين الخديوي ناصر!

    لي متين السودان سيظل مجرد سقط متاع لمستعبديه لمستعمريه بدو الاعراب، لو امارات ولاسعودية ولاخديوية ام العراق، بواسطة ادواتم من امثال هذا البعاعيتي، مارقا للعراق كمان كاداة عشان يقلبا قال البواب، لندفع نحن التمن؟
                  

11-20-2020, 04:47 PM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 38114

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: Bashasha)

    سلامات يا عزيزي كمال بشاشا

    Quote: كيف تايد عميل حزب اجنبي من اساسو؟

    أنا لا أؤيده، ولكني لا أحرمه المشاركة السياسية طالما ارتضى أصول اللعبة الديمقراطية، وبعدين الشعب يختار، والمثقفون يقع عليهم واجب تعرية وكشف التناقضات لدى أي حزب

    Quote: وين لاقاك فتح فروع لي احزاب اجنبية في دولة ذات سيادة مستقلة؟

    كل أحزاب الإسلاميين والسلفيين والشيوعيين أصولهم خارج السودان.
                  

11-20-2020, 05:40 PM

Bashasha
<aBashasha
تاريخ التسجيل: 10-08-2003
مجموع المشاركات: 22408

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: Yasir Elsharif)

    ياعزيزي،
    وين في الكون العريض ده، دولة ذات سيادة تسمح للعملاء من مواطنيها فتح فروع لاحزاب اجنبية؟

    هذا حنون!

    بالذات لما نضع في الاعتبار السوو فينا مستعبدينا الإعراب من امثال الهالك النازي صدام والبسوو فينا الان واللحظة؟

    في امريكا مجرد تكون شيوعي كفرد مشكلة كبيرة جدا في الشارع بالنسبة لي أفراد زيك، دعك من الحكومة، رغم انو الشيوعيين أصلا اوربيبن كما بيض امريكا وبالتالي ما اجانب أو مستعمرين لي امريكا كما بدو الاعراب!

    ياخي لي متين فضيحة زي دي؟

    علني، عديل كده الي هذا التاريخ، مخابرات مستعبدينا يتحكمو في السودان بواسطة امثال هذا البواب المدعو السنهوري؟

    معقولة؟

    الهالك صدام ده، عمل شنو لي بلدو عشان كمان زي ده يفتح ليهو فرع في السودان، العميل؟
    حولا ولاقوة ياخي!
                  

11-20-2020, 05:51 PM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 38114

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: Bashasha)

    أرجو أن يشاهد البعثيون السودانيون، وبالأخ السيد علي الريح السنهوري، هذا الوثائقي عن إعدام صدام لرفاقه في حزب البعث في قاعة الخلد عام 1979




    Quote: كيف قتل صدام حسين رفاقه في قاعة الخلد؟؟
    2.528.107 Aufrufe
    •07.10.2018
    13.999
    2400
    Teilen
    Speichern
    العراق في قرن - وثائقيات
    150.000 Abonnenten
    مع المؤرخ شامل عبد القادر
    How Saddam Hussein killed his comrades in the khuld hall ؟؟
                  

11-20-2020, 06:13 PM

Bashasha
<aBashasha
تاريخ التسجيل: 10-08-2003
مجموع المشاركات: 22408

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: Yasir Elsharif)

    ياعزيزي،
    خلينا من رفاق النازي صدام:
    ماذا عن غير العرب في عراق صدام؟
    نعم ماذا عن اهلنا كوشيي العراق اللي قامو واحدة من اكبر ثورات السود ضد نازية بدو الاعراب؟
    ماذا عن محارق الابادة لغير العرب في العراق باستخدام اسلحة كيماوية؟
    ماعلاقة امثالنا بالعراق من اساسو عشان زي العار، العرة ده "هاوس نقا" صدام، كمان يمتطي، ظهر دحشة الثورة لخدمة مصالح العراق؟
                  

11-20-2020, 08:00 PM

Bashasha
<aBashasha
تاريخ التسجيل: 10-08-2003
مجموع المشاركات: 22408

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: Bashasha)

    يادكتور ياسر،
    شايفك عملتا رايح، من سؤالنا عن رايك في موضوع هذه الفروع، لاحزاب الغزاة من بدو الاعراب؟

    ممكن توريني دولة واحدة في الكون ده، زي السودان، احزابو فروع لاحزاب دوا اجنبية؟

    هل في مصر الخديو ناصر، في حزب بعث تكرتيتي؟

    هل في العراق، في حزب ناصري؟

    مع أنهم كلهم عرب، عكس "بلاد السودان" كما اسمونا؟
                  

11-20-2020, 09:35 PM

عبد الصمد محمد
<aعبد الصمد محمد
تاريخ التسجيل: 12-12-2004
مجموع المشاركات: 1267

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: Bashasha)

    دول عديدة يا بشاشا بها أحزاب بعثية مثل اليمن والبحرين والأردن ولبنان
    أما الأحزاب الشيوعية فحدث ولا حرج
    وفي التحزبات الدينية كل الطرق الصوفية في السودان واردة من خارجه
    في الرياضة في السعودية في الهلال وإعتقد أنه جاء بعد هلال السودان
    في مصر في المريخ وأعتقد أنه جاء تيمناً بمريخ السودان
    في الموسيقى العالم كله بقى يغني الهب هوب الاخترعوه الزنوج الامريكان
    مسألة التأثير والتأثر شيء من طبيعة البشر
    لكن رغم دا أنا على المستوى الشخصي ضد أي حزب قومي عربي في بلد إفريقي
                  

11-20-2020, 10:07 PM

Bashasha
<aBashasha
تاريخ التسجيل: 10-08-2003
مجموع المشاركات: 22408

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: عبد الصمد محمد)

    سلام ياعبد الصمد،
    قصدي مافي دولة في العالم كلو، احزابا السياسية كلها أو من طرف، وافدة واجنبية بالطريقة الشايفنها في السودان!

    بالنسبة للعرب، فيما بينم، فهذا يخصهم، زيتم في بيتم!

    أما ان يكون هذا حال السودان، فواضح للكل، هناك خلل كارثي!

    مفروض هؤلاء يحاكمو بالقانون كعملاء لمخابرات مستعمرينا، ثم يعدمو رجما بالحجارة او مش شنقا!

    بالذات لما نرجع لي طبيعة علاقة السودان التاريخية بالعالم العربي!

    نعم هي علاقة غزو، احتلال، استعمار، استرقاق الي هذا التاريخ!!

    بالذات لما نتامل دور مخابرات مستعمرينا الان واللحظة في السودان وباسم الثورة، أو كيف هؤلاء متحكمين في اكثر من 80% من اقتصادنا، بواسطة ادواتم، في السلطة الحالية!

    اين لجا اذلام النظام الهالك؟

    الي تركيا!

    هل ده صدفة، ام عابر؟

    لا!
    هذا محوري!

    ده بيثبت، كيف النظام الهالك، كان اعادة انتاج، بعث، للتركية السابقة كماهي!

    كنتيجة ماصدفة، كيف اشتعلت محارق الابادة في دارفور تحديدا، مش في العفاض، مهد ثورتنا الام، اللي اوجدت حاجة اسمها سودان أو حررت السودان والسودانيين من استعباد مماليك العرب لنا!

    من هم بديل نظام اذلام الترك مماليك العرب الحاكم الان في السودان؟

    هم ذات سفرجية، بوابين، جرسونات ذات العرب من امثال هذا السنهوري العار!

    اللي مافاهمنو اغوات العرب، هؤلاء، من امثال هذا العار المدعو السنهوري، كيف ان لاعلاقة لامثالم اطلاقا بثورتنا العظيمة اللي جو هؤلاء، ممطتين ظهر بعيرا، للسلطة، بإسم الثورة، والثوار، زورا وبهتان بالوكالة!

    الطيور ديل مافاهمين الحقيقة البسيطة دي، علي الاطلاق!

    لاعلاقة لهؤلاء، من قريب أو بعيد بالشارع الانجز الثورة دي، علي الاطلاق!
                  

11-21-2020, 00:06 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4729

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: Bashasha)

    تشتمون الافكار الاجنبية ، وتهرعون لبلاد الاجانب من اجل مستقبل افضل لاطفالكم !.
    *
    لا تواجد افكار اجنبية ، يوجد فكر انساني ، ودين انسانى ، وطب انسانى ، وهندسة ، وكيمياء الخ.
    اذا كان الحزب الشيوعي اجنبى ، والبعثي اجنبي ، والناصري اجنبى ، والاتحادي اجنبي.
    فمبدأ فصل السلطات ، وفكرة البرلمان ، والدستور الدائم ، والانتخابات ، والليبرالية السياسية وحرية الصحافة ، واتفاقية سيداو ، ومواثيق الحقوق المدنية والسياسية ، هى سودانية بامتياز !.
    حتى ان دكتور ياسر قرر ان طرد الاحزاب الاجنبية ، سوف يتم عن طريق الاقتراع العام ، دون ان يوضح لنا اسباب محاولة نشر الفكر الجمهورى (القائم على اساس دين اجنبى وافد) ، فى جمهورية مصر العربية فى ثمانينيات القرن الماضى ، وهل فكركم فقط صنع فى السودان من اجل السودانيين فقط ، ام هو للكافة ؟.
    *
    هل لو توصل علماء مصريين وسوريين وعراقيين لمصل ضد كوفيد_١٩ ، هل من حقي استخدامه ؟.
    ولو توصلوا هم انفسهم لتنظير فلسفى او سياسي ، هل من حقي اعتناقه؟.
    شاهين.
                  

11-21-2020, 02:51 AM

adil amin
<aadil amin
تاريخ التسجيل: 08-01-2002
مجموع المشاركات: 27882

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: shaheen shaheen)

    الجمهوريين صابتم عين والله
    بالله عاجبك انقلاب مايو الوسخ؟؟1969 الشيوعي والبعثي والناصري وراهم المخابرات المصرية وانت لسه قاعد في وعي 1964
    غير العلم والتعليم والاقتصاد وجاب الخساسة في السياسة وتقول لي نخليهم في الساحة السياسية
    بعدين انفصام الشخصية ما بنغع
    انت جمهوري التزم بي برنامج الفكرة الجمهورية السياسي في السودان والحزب الجمهوري موجود
    البرنامج الوطنية احسن مليون مرة من القرف ده الما بجي بي صناديق القتراع ابدا في السودان فقط مستمرين في العمالة لي مصر والخليح
    الختمية وحزب الشعب الديمقراطي
    الانصار وحزب الامة
    الحزب الجمهوري والاستاذة اسماء موجودة ولسس دستور السودان 1955 وقاعد لحدي هسة
    الحركة الشعبية قرنق منصور خالد تيفاشا ودستور 2005
    الشباب يبارو القرود ديل لي شنو
    والله يا الجمهوريين حالتكم بقت صعبة خلاس في البورد
    https://top4top.io/

    البورد ده فيه بعثيين
    مش قلتو قوى ديمقراطية وغزالة فوق في السلم
    تعالو مارقين يمرق جلدكم
    قولو للشباب العلم القبيج ده بتاع مايو المجرمة وليس علم الاستقلال
    ويا ياسر الشريف
    اوعك تشكر لينا الراكوبة في المطر
    بعثيين دي مرض نفسي في السودان وليس مشروع سياسي
                  

11-21-2020, 05:49 AM

Bashasha
<aBashasha
تاريخ التسجيل: 10-08-2003
مجموع المشاركات: 22408

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: adil amin)

    Quote: لا تواجد افكار اجنبية ، يوجد فكر انساني


    قرقرقرقرقر!

    عزيزي القارئ،

    الكاتب الكلام المضحك اعلاه، هو ذات الزول الكان بهتف من ايام خلت، في المنبر ده، يسوي:

    ارفع راسك انتا، حلفــــــاوي!!!

    لاحظو لحق، لحس كلامو ده، بتاع لوماك حلفاوي، دنقر راسك!

    نعم نسي هتافو دااك، والان قعد يسوي انساني!!!!

    نعم، "فجعاة" الما حلفاوي، اضحي برضو زول او كده!!!!

    طيب بشاشا عايز يقول شنو بالضبط؟

    عايز يقول ليك، متي ماشفتا، ولا سمعتا، واحد في عالم اليوم، يسوي "فكر انساني" فطوالي روح مشمر، جر عكازك، سل سكينك او خليك علي استعداد!!!!

    نعم ده، شغل خم، بتاع حبرتجية!

    لا نحتاج دليل اكثر من مواقف هذا "الحلفاوي" ذات نفسو البقول علنا، الماحلفاوي، يدنقر راسو لانو لايسوي شئ!!!

    في عالم اليوم مافي حاجة اسمها "فكر انساني" خالص، خالص!

    نعم كل ماهناك، هو فكر اللي في يدو القلم، لانو عالم اليوم عبارة عن غابة، القوي فيهو بياكل الضعيف، او فيهو "الحق قوة" و "الحق للفاس والرجال"!

    نعم للرجال، حصريا لانو عالم ذكوري!!

    في الغابة البشرية دي، اي عالم اليوم، ما هو "انساني" هي قيم الاسد تحديدا، وحصريا!

    لومافهمتا الموضوع ده كدا، فحقك راح!!

    نعم، حتكون كيس نايلو، هوا اسد الغابة، شايلو، كما هو حال اغوات العرب من امثال البعاعيتي، سنهوري هذا!

    نعم حتكون طيرة، مبارية السيرة، كماهو حال سفرجية ناصر ولاطباخين، ابن العثيمين!

    اها، في حال السودان المصري، الانجليزي ده، فمن هو اسد الغابة؟

    قطعا شخصية بدو الاعراب ثم الخواجة!!!

    بناءا عليه، ف"الفكرالانساني" في سودان الاحتلال الثنائي، هو الفكر العروبي، الاوربي تحديدا!!

    اذن ماصدفة "الحلفاوي" اعلاه، يقول علي وعي الاسترقاق العروبي، "فكر انساني"!!

    اما غير العرب، حسب حمار النوم الشايل المواهيم ديل، فديل "زرقة" وبالتالي ما بشر زاتو، دعك من فكر، مصيرم محارق الابادة!!

    اذن نكتة "فكر انساني" هو كود، يعني فكر عروبي او اوربي حصريا!!!

    وقع ليكم الكروباوي ده، بتاع "ارفع راسك، انتا حلفاوي"؟

    قرقرقرقرقرقر!!!!!!
                  

11-21-2020, 05:57 AM

adil amin
<aadil amin
تاريخ التسجيل: 08-01-2002
مجموع المشاركات: 27882

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: Bashasha)

    Quote: اذن نكتة "فكر انساني" هو كود، يعني فكر عروبي او اوربي حصريا!!!

    وقع ليكم الكروباوي ده، بتاع "ارفع راسك، انتا حلفاوي"؟

    قرقرقرقرقرقر!!!!!!


    دي يا بشاشا الشيزفرنيا الضيعت الشباب بترحيل المشاريع العاجزة دي لهيم حتي 2021 وجات كتلتهم المخابرات المصرية في كولميبا والقيادة بادواتا الرخيصة في السودان
    من جماعة الاعلان الدستوري وجنرالات البقط والذهب الحلو الجيش وسيلة انتاج يبيع الجنود بثمن بخس لي القرمطي محمد بن زايد
    المشكلة عاملين فيها ما فاهمين كلامنا ده العبودية المتاصلة فيهم خاتاهم تحت جذم المصريين ومخابراتا الغبية والرخيصة لحدي هسة 2021
    هسة الفرق بين عبدالناصر وصدام حسين والبشير شنو ؟؟؟
                  

11-21-2020, 07:17 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4729

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: adil amin)

    تشكر الابن العزيز بشاشا.
    على ردك المهذب ، كعهدك دائما.
    *
    لا يوجد فكر اجنبى ، يوجد فكر انسانى.
    تواجد مواثيق عالمية انسانية ، وادب انسانى عالمى ، وفلسفة انسانية.
    لا نعيش فى جزيرة "ربنسون كروزو" ، نستهلك ما ننتج فقط ، اقتصاديا او فكريا.
    الاهم عدم الاستهلاك فقط ، بل المساهمة ايضا.
    *
    لن ينسحب السودان من محيطه العربي ، ولن تنقطع علاقتنا بالدول العربية ، ولن ننسحب من جامعة الدول العربية.
    وستظل اللغة العربية ، هى الرابط بين الشعوب السودانية المختلفة.
    والتحايا للرفاق فى حزب البعث الذين عرفناهم فى سجون مايو والانقاذ وفى الشوارع عند الهبات الشعبية ، لشهداء انقلاب رمضان خالص الرحمة.
    التحايا للرفاق فى الناصري ، والرفاق فى الشيوعي السوداني ، ولجماهير الحركة الاتحادية ، ولروح الوطنى الفذ "على محمود حسنين" ، فقد كان نضالا يمشي على
    *
    سيظل السودان عربي افريقي ذو اغلبية ساحقة من المسلمين ، وستظل الشريعة الاسلامية مصدر من مصادر التشريع فيه.
    لغته الام ، العربية.
    *
    لن يستطيع ضكر ابو شنب ، صبغ شنبه للتصابي ، او ضكر من غير شنب ، او انثى .. ان تقتلع الفكر الماركسي ، او الفكر الاسلامي ، او القومي العربي ، او الافريقي ، او الليبرالي .. من التراب السوداني ، والتجربة خير برهان ، لمن اراد تجريب المجرب.
    هذه مكونات فكرية ، دفعت ثمن تواجدها على الساحة ، اعتقالا وتشريدا وقتلا واغتصابا ومحاربة فى الرزق.
    تتعلم من اخطاء الماضى ، تطور وتتطور.
    *
    ستكون الطائفة "الختمية" هى الملاذ عند التصويت على فصل شرق السودان.
    وستكون الحركة الاتحادية عند تعافيها هى الملاذ لعلاقات سودانية مصرية صحيحة ، تفتح الطريق للسوق المصرى صاحب الاكثر من ١٠٠ مليون نسمة.
    وستكون الحركة الشعبية شمال هى الملاذ لنزع فتيل "ابيي" ، ولعلاقات جوار صحية وصحيحة مع دولة جنوب السودان.
    وابناء الفور والزوغاة هما جسر العبور نحو تشاد الشقيقة ، ومكونات الشرق الحبيب هم الجسر نحو العملاق الاثيوبي ، وارتيريا الحبيبة.
    تلتقى كل هذه الدوائر ، وتتشابك ، وحدة فى آطار التنوع.
    *
    تتصارع الدول الكبري على المنطقة العربية وخيراتها ، وترسل القوى الكبري قواتها العسكرية ، وقنواتها الناطقة بالعربية ، الاذاعية والمتلفزة للتأثير عليها ، بينما الابن العزيز بشاشا يطلب منا الانسحاب من المشهد العربي والاسلامي بالكامل ، والارتماء بين ذراعي الكيان الصهيوني ، والاله امون_رع.
    *
    احدهم ، اقترح ايجاد لغة بديلة ، كلغة رسمية لسودان ما بعد الثورة.
    ارسلت له فيديو الاحتفال باستقلال دولة جنوب السودان ، وكيف ان عربي جوبا كان يلعلع عبر مكبرات الصوت ، فقام بحظرى.
    *
    شاهين.
                  

11-21-2020, 06:10 AM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 38114

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: Bashasha)

    سلام للجميع ووافر الاحترام

    أرجو أن تسمحوا لي بالمواصلة في موضوع البوست الذي يقول عنوانه: "هل يحضر البعثيون لانقلاب عسكري في العراق"، ووضعت علامة استفهام
    كأيقونة للبوست.
    لعلكم لاحظتم أن مقدم البرنامج واسمه مسافر سلام هو إعلامي عراقي، والضيف الذي سئل عن هل يحضر البعثيون لانقلاب عسكري في العراق هو
    سوداني!!!
    ولعلكم لاحظتم أن البرنامج كان يضع في الخلفية أثناء الحوار مع الضيف مشاهد انتهت باعدام صدام لرفاقه في حادثة قاعة الخلد عام 1979 التي كشفت فيما بعد
    والتي وضعت الوثائقي الذي يحكيها في هذا البوست بعاليه.

    فمن هو مسافر سلام. جاء عنه في موقع ويكيبيديا:

    ((سلام مسافر وهو إعلامي عراقي من مواليد بغداد 1950 خريج كلية الآداب جامعة بغداد – قسم الإعلام، عمل في الصحافة الوطنية العراقية المحلية وبالتحديد في صحيفة الجمهورية منذ أكثر من 30 سنة إلى أن قرر النظام السابق أن يبعد الصحفيين غير الحزبيين المنتمين إلى الحزب الحاكم وجرى استبعاد مجموعة من الصحفيين عن الصحيفة، وكان سلام مسافر من ضمنهم، وبدأت بعدها حملة اعتقالات وملاحقات فاضطر للسفر خارج العراق في ال1978، سافر بعدها إلى أوروبا وانتهى به المطاف إلى روسيا، واستأنف عمله الصحفي وكان يراسل العديد من الصحف وقت الدراسات، وانتهى من دراسته العليا في جامعة موسكو الحكومية كلية الصحافة، حصل على شهادة الدكتوراه في الصحافة واستمر في مراسلة العديد من الصحف. يعمل حالياً مذيع ومعلق في قناة "روسيا اليوم"؛ الناطقة باللغة العربية ويقدم هناك برنامج قصارى القول. سلام مسافر متزوج من امرأة روسية وله ولد وبنت منها.
    مراجع))
                  

11-21-2020, 07:24 AM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 4729

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: Yasir Elsharif)

    اعتذر ، اعتذر بشدة.
    لانى حرفت البوست عن موضوعه الاصلي.
    مداخلتى الاخيرة ارستلها قبل قراءة تنبيهك الاخير.
    العتبي حتى ترضي دكتور.
    وشكرا لك ، ففى جميع بوستاتك تتفتح شهية العصف الذهنى.
    اعتذر بشدة.
    شاهين.
                  

11-21-2020, 08:21 AM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 38114

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: shaheen shaheen)

    تسلم يا عزيزي شاهين وشكرا لك ولا داعي للاعتذار وأنا لم أشتكِ.

    ومرحب بكل المداخلات. والحمد لله على المودة والمحبة بيننا كسودانيين.

    وكما قد تلاحظ فإنني أعتبر نفسي إنسانا توفيقيا أحب التصالح.

    وشكرا على الوردة الحمراء.
                  

11-21-2020, 03:58 PM

Bashasha
<aBashasha
تاريخ التسجيل: 10-08-2003
مجموع المشاركات: 22408

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: Yasir Elsharif)

    دكتور ياسر،

    ماممكن، عشان تكون توفيقي، تغرق زمتك!

    ايهم أهم:
    زمتك، ضميرك، الحقيقة المرة بطبعها، ام المجاملات، الترضيات ومااليه؟

    اليس هذا نفاق؟

    بالنسبة لي ككوشي، وطبقا لتعاليم النبية أمنا Maat ده طريق بوديك جهنم!

    بناءا عليه ياخي جاوب علي سؤالنا:

    هل منظومة بعاعيت الهالك صدام في السودان منظومة اجنبية ام لا؟

    لو اجنبية، اليست هذه جريمة مفروض مرتكبيها يحاكمو ب"الغانون" كعملاء لي منظومة اجنبية، نظام اجنبي، دولة اجنبية؟؟

    بالعدم دخلنا شنو بي انقلاب يخطط له، في العراق، والانقلاب في السودان علي الثورة يجري الان علي قدمن وساق؟

    نعم بواسطة ادوات مخابرات مستعمرينا، من امثال هذا السنهوري، اللي افرغو الثورة من مصمونا تماما، أو كمان عايزننا نظل تحت الحصار، من اجل عيون مصالح مستعبدينا، الإعراب!

    ده كلو، وامثال هذا البعاعيتي اللي اعتلو، بي اسم الثورة اعلي كراسي السلطة، عددم لايفوت عدد اصابع اليد!

    هذا بمثل غاية الخطورة علي امننا، لانهم افراد، وبالتالي بحركوهم من الخارج، كما قطع الشطرنج، أو عشان كده حتي ال5 انفار ديل عاملين 5 فروع لذات المنظومة الاجنبية، العميلة، الوافدة!
                  

11-21-2020, 04:41 PM

Bashasha
<aBashasha
تاريخ التسجيل: 10-08-2003
مجموع المشاركات: 22408

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: Bashasha)

    "الحلفاوي" شاهين،
    اولا بشاشا ماعندو شغلة لي ترهات تهذيب، علي حساب مبادو، ضميرو، أو قضيتو!

    هذا نفاق أو تمثيل من قبل امثالك بشهادة تاريخ مواقفك، في المنبر ده!

    نعم لو كنتا زي بشاشا من قمتا جيت زول دواس، فما ممكن تكون "مهذب"!

    ده هم أو شغل ناس، ضاربين الهمبريب وهذا بعض سمات الوعي الجلابي اللي من فتحتا انا ضدو، من ما وعيت لي حقيقة وعي الجلابي!

    من جانب اخر، انتا بتنافض روحك، وهذا انفصام شخصية، وهو ايضا من سمات/اعراض كرونا الوعي الجلابي!

    نعم ماممكن تقول لي غير "الحلفاوي"، بي فهمك القبلي:
    دنقر راسك، لأنك ما "حلفاوي"، أو بعد ده، تسوي انساني؟

    اذن باختصار "الحلفاوي" في لاوعيك الجلابي، هو "الانسان" بالالف واللام، أو غيرو دون!

    عشان كده، قنا "إنسان" و "إنساني" في لاشعورك يعني "حلفاوي"!

    نعم إنسان وانساني، يعني في قاموس مفردات ادبيات وعيك الجلابي، "شمالي" اي "عربة"، أو غير الشمالي، "زرقة" لايستحق غير الابادة!

    لاحظ ده، ماكلام، ماانشا، وانما اساس الدويلة الحالية وكنتيجة ابيدو وشردو ملايبن!

    لهذا، قنا، عزيزي القارئ، أعمل حسابك لما تسمع مفردة إنسان وانساني في عالم اليوم، أو مش فقط علي لسان جلابي!

    اذن ماممكن تفرض علينا هوية مستعبدينا، مستعمرينا، بحد السيف، بواسطة دويلة اقلية، أو تمرر ده كلو تحت لافتة "انسانية" و"إنسان" اللي معناه "عربي" لانو الما عربي، ما انسان انسان في لاشعور امثالك بشهادة مافعله امثالك من الجلابة، ببقية السودانيين!

    نعم بالنسبة للعربي، الماعربي، "اعجمي" بي معني حيوان، تلقاييا، اليا، ميكانيكيا!

    نعم بشهادة مواقفك انت في المنبر ده، تحرض علنا السلطة المركزية علي الزغاوة في شرق السودان!

    معقولة، مخلوق دي طريقة تفكيرو، ده سلوكو الموثق، يسوي إنسان وانسانية، وانا ارخي أضاني ليهو؟

    هذا حنون!
                  

11-22-2020, 03:47 AM

adil amin
<aadil amin
تاريخ التسجيل: 08-01-2002
مجموع المشاركات: 27882

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: Bashasha)

    Quote: وكما قد تلاحظ فإنني أعتبر نفسي إنسانا توفيقيا أحب التصالح.


    خلاس تخلي عن الفكرة الجمهورية نهائي
    لان الاستاذ صاحب حق وليس توفيقي
    يواجه الغلط عديل زينا كده
    ويطق من يطق

    مشروع الفكرة الجمهورية احسن مليون مرة من تراهات البعثيين المشوهين ديل
    وهسة قاعدين في رسنا بي المحاصصة ومعطلين البلد كلها ليه
    الانتخابات مالا
    الحركة الشعبية عملت انتخابات في ظروف اسوا من دي وفاز مالك عقار
    ما في شيوعي ولي بعثي ولي ناصري ولي كوز ولي سلفي ساقط يقعد في راسنا وراس الشعب السوداني

    بي محاصصة قذرة مطبوخة في اوكار المخابرات المصرية
    ونحن نقعد نتفرج
    ياخ ناس ما بتجيبا الانتخابات قاعدين في راسنا ليه
    ووعيهم ما فايت مثلث الحمدي والخرطوم الشينة دي
    وعيهم الوسخ ده الغير العلم وفصل الجنوب
    داير بيهم شنو
    البورد ده فيه بعثيين متفقعصين يجو مارقين كان عندهم بضاعة يورونا ليها هنا
                  

11-22-2020, 03:51 AM

adil amin
<aadil amin
تاريخ التسجيل: 08-01-2002
مجموع المشاركات: 27882

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: Bashasha)

    Quote: من جانب اخر، انتا بتنافض روحك، وهذا انفصام شخصية، وهو ايضا من سمات/اعراض كرونا الوعي الجلابي!


    انفصام الشخصية ده حالة القرود الخمسة ديل كلهم
    https://top4top.io/

    المفنقسين ديل مشكلة البورد والسودان يا بشاشا
    بس الحشر الجمهوريين مع الناس ديل شنو
    ما عارف ؟؟؟
                  

11-22-2020, 05:05 AM

Bashasha
<aBashasha
تاريخ التسجيل: 10-08-2003
مجموع المشاركات: 22408

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: adil amin)

    ياعادل،
    للاسف الجمهوريين، تفكيرم تقليدي جدا!

    نعم البعد العروبي هو الطاغي للاسف!

    الشهيد محمود، ليس بفرد عادي، اعترف!

    لايمكن الواحد يفهم رسالتو، مالم في الاول يتقن دراسة تاريخ ارثنا الحضاري أو يدرشو درش، من منطلق روحي صرف، مش اكاديمي، وهذا غير متاح الان للاسف!!

    لي روحي، كمثال، أو رغم العمر الدخلتو في مجال دراسة تاريخنا، اعترف اني فعلا عنقالي، أو غير مؤهل لاستيعاب البعد الروحي، الصوفي في طرح اجدادنا، لانو غريق جدا، أو عايز ممارسة قبل كل شئ، بالفهم الصوفي كمدخل لاستيعاب هذا الطرح!

    هذا يتطلب متخصصين في المجال ده، صوفيين بالممارسة قبل كل شي، تتوفر فيهم زي امكانيات الشهيد محمود، وهذا غير متاح الان في السودان، للاسف!
                  

11-22-2020, 05:19 AM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 38114

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: adil amin)

    سلامات يا عزيزي كمال بشاشا
    تقول لي:
    Quote: ماممكن، عشان تكون توفيقي، تغرق زمتك!

    لا ليس هناك إغراق ذمة وسأحاول التوضيح.
    Quote:
    ايهم أهم:
    زمتك، ضميرك، الحقيقة المرة بطبعها، ام المجاملات، الترضيات ومااليه؟

    ليست هناك مجاملات ولا ترضيات. والبوست دا ذات نفسه انتقاد لحزب البعث.


    Quote: بناءا عليه ياخي جاوب علي سؤالنا:

    هل منظومة بعاعيت الهالك صدام في السودان منظومة اجنبية ام لا؟

    هم سودانيون يريدون تطبيق فكرة حزب البعث العربي بعد أثبتت فشلها في العراق وفي سوريا.
    Quote: لو اجنبية، اليست هذه جريمة مفروض مرتكبيها يحاكمو ب"الغانون" كعملاء لي منظومة اجنبية، نظام اجنبي، دولة اجنبية؟؟

    عيب الفكرة ليس في كونها أجنبية عن السودان وإنما في كونها دعوة عنصرية وكان تطبيقها وبالا على العراق وعلى سوريا.

    Quote: بالعدم دخلنا شنو بي انقلاب يخطط له، في العراق، والانقلاب في السودان علي الثورة يجري الان علي قدمن وساق؟

    دخلنا هو أن الحزب ربما يخطط أيضا للانقلاب في السودان، وهي مسألة تكررت قبل كدا. ولذلك كان اهتمامي بوضع ذلك الفيديو. وأنا أتفق معك أن الانقلاب في السودان على الثورة يجري على قدم وساق، بل قد حدث بالفعل وهو الآن بسبيل استكمال حلقاته، والتحدي الذي يواجه السودانيين هو إفشال هذا المخطط ومنعه من أن يصل إلى نهاياته.

    أرجو أن أكون قد أوضحت نفسي.
                  

11-22-2020, 05:35 AM

Bashasha
<aBashasha
تاريخ التسجيل: 10-08-2003
مجموع المشاركات: 22408

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: Yasir Elsharif)

    يادكتور،
    بنتكلم عن فرع لي حزب سياسي، اجنبي، في دولة مستقلة، ذات سيادة افتراضا!
    هل ده، دستوري؟
    معقولة، فرع لحزب دولة اجنبية أو كمان في مقاعد السلطة الحاكمة، أو كلهم 5 انفار؟
    بتايد ممارسة كهذه؟
    اليست هذه عمالة؟
                  

11-22-2020, 05:57 AM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 38114

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: Yasir Elsharif)

    سلامات يا عزيزي عادل أمين

    كنت قد كتبت عن نفسي:
    وكما قد تلاحظ فإنني أعتبر نفسي إنسانا توفيقيا أحب التصالح.
    فجاء تعليقك هذا.

    Quote: خلاس تخلي عن الفكرة الجمهورية نهائي
    لان الاستاذ صاحب حق وليس توفيقي
    يواجه الغلط عديل زينا كده
    ويطق من يطق

    مشروع الفكرة الجمهورية احسن مليون مرة من تراهات البعثيين المشوهين ديل

    ومن قال لك أن التوفيق والتصالح يعني التخلي عن مشروع الفكرة الجمهورية؟؟ الأستاذ أخرج كتاب "الصلح خير" بعد عملية الغزو الأجنبي التي تمت بدعم ليبي في يوليو 1976. ولكن كما تعلم قام الإخوان المسلمون بالالتفاف على المصالحة، وزايدوا على النميري بكرت "الإسلام" وبالدعوة إلى تعديل القوانين لتتمشى مع الشريعة، إلى أن استجاب نميري بما ظنه سحب البساط من تحت أرجل الإخوان المسلمين، وانتهى بإعلان قوانين سبتمبر وتنصيب نفسه إماما للمسلمين وتلقى البيعة من الإخوان كما حكى الدكتور منصور خالد في كتاباته.
    تقول عن البعثيين:
    Quote: وهسة قاعدين في رسنا بي المحاصصة ومعطلين البلد كلها ليه
    الانتخابات مالا

    لأن الانتخابات الآن تعني عودة الإخوان المسلمين والفلول فهم المسيطرون على رأس المال ومتغلغلون في الدولة العميقة. ولكن أتفق معك أن أداء الحكومة الانتقالية ليس هو الذي كان مأمولا، بل يحتاج إلى كثير من التصحيح والإصلاح.
    أرجو أن تطالع تعقيبي على كمال بشاشا بعاليه
                  

11-22-2020, 06:29 AM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 38114

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: Yasir Elsharif)

    Quote: حزب البعث متمسك باللاءات الثلاث!!
    النور حمد
    صحيفة التيار 29 أكتوبر 2020

    شاهدت فيديو مبثوث على شبكة الإنترنت للسيد، علي الريح السنهوري أمين سر قيادة حزب البعث العربي الاشتراكي، القطر السوداني. في هذا الفيديو رد السيد السنهوري على ما ذكره السيد رئيس مجلس السيادة الفريق عبد الفتاح البرهان في اللقاء الذي أجراه معه الأستاذ لقمان أحمد، مفندًا الزعم بأنه قد جرت مشاورته في قضية التطبيع مع إسرائيل. وأضاف السنهوري انهم يرفضون بصورةٍ مبدئيةٍ أي اتصال أو حوار يجري مع "الكيان الصهيوني". مؤكدا أنهم في حزب البعث لا يزالون متمسكين باللاءات الثلاث، التي أقرها مؤتمر القمة العربية الرابع، الذي انعقد في الخرطوم في 29 أغسطس 1967، بعد ما يقارب الثلاثة أشهر من هزيمة يونيو.

    أكثر ما لفت نظري في البيان ذي الطبيعة الإنشائية الصدَّامية، إعلان السيد، علي الريح السنهوري، تمسُّك حزب البعث العربي الاشتراكي في القطر السوداني بـ "لاءات الخرطوم الثلاث": "لا صلح ولا تفاوض ولا اعتراف مع دولة إسرائيل". ولم يشر السيد السنهوري إلى أن هذه اللاءات قد نسفتها دولة المواجهة الرئيسية، مصر، باتفاقية كامب ديفيد بينها وبين إسرائيل في عام 1978. ووجه لها الفلسطينيون، أهل القضية أنفسهم، أكبر صفعة بتوقيعهم اتفاقية أوسلوا مع إسرائيل في عام 1993. ثم تلت ذلك الأردن بتوقيعها اتفاقية وادي عربة مع إسرائيل في عام 1994. وأخيرًا باتفاقيتين حديثتين، جرى توقيعهما بين دولة الامارات العربية المتحدة ومملكة البحرين مع إسرائيل في شهر أكتوبر الجاري. ودعنا لا نذكر اتفاق السودان، موضوع الجدل الثائر حاليًا، حتى تكتمل فصولها.

    مع تجاهل السيد على الريح السنهوري لكل هذه الاتفاقيات، تجاهل أيضًا أن العراق قد وقع، بسبب التَّخبُّط الصدَّامي البعثي، والتخبُّط الأمريكي، في قبضة إيران منذ 2003. وها هي سوريا قد تحوَّلت على يد البعث إلى خرائب ترزح تحت قبضةٍ حديديةٍ لأوليغاركية أسرية يسيطر على مجريات الأمور فيها الرئيس الروسي فلاديمير بوتين. إن المرء ليعجب أن يمارس سياسيٌّ مخضرمٌ متمرِّسٌ في العمل السياسي كالسيد علي الريح السنهوري، الهروب إلى الأمام من صدمة تحطم الحلم البعثي القومي عبر ما يقارب الخمسة عقود، بهذه الصورة العاطفية التي تستدر الشفقة والرثاء. لكنها الأيديولوجيا التي تجعل المرء يتجاهل الواقع الموضوعي الحي ليعيش في السرديات النافقة. لقد تحدث السيد علي الريح السنهوري، وكأن كل تلك الأحداث وكل تلك الاتفاقيات التي نسفت لاءات الخرطوم الثلاث، لم تحدث قط.

    لقد نازعني عدد من المؤدلجين في حديثي عن "التكلس اليساروي". لكن، ها هو السيد على الريح يقدم لنا أسطع الأمثلة لما أسميته "التكلس اليساروي". لقد خرجنا بثورتنا من حفرة جعل السودان منصةً لمشروع إخواني، إسلاموي، أممي، عابر للأقطار، لنُفاجأ أن في حاضنتنا السياسية، وفي مجلس السيادة، وفي عديد المواقع الرسمية من تنفيذية وإعلامية، أشخاصٌ يعملون في خدمة مشروع قومي عربي عابر للأقطار، يستخدمون فيه السودان مجرَّد منصةٍ للانطلاق نحو الخارج، شأنهم شأن الإسلامويين. يقتضي التمسك باللاءات الثلاث أن يكون الرافضون للصلح والاعتراف في حالة حرب مع إسرائيل. فأين هي هذه الحرب الآن، بل أين هي دول المواجهة التي تحارب؟ لم أر في حياتي انفصالاً عن الواقع كالذي رأيته وأنا أشاهد هذا الفيديو للسيد، علي الريح السنهوري. على جماعة البعث، إن كانوا صادقين، أن يستقيلوا من جميع المواقع السيادية والتنفيذية وغيرها، التي تسربوا إليها في غفلة من أصحاب الثورة، وأن يعودوا إلى جماهيرهم المزعومة، لوضع الثورة، من جديد، في الطريق الصحيح الذي يرونه.
                  

11-22-2020, 07:43 AM

adil amin
<aadil amin
تاريخ التسجيل: 08-01-2002
مجموع المشاركات: 27882

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: Yasir Elsharif)

    Quote: لأن الانتخابات الآن تعني عودة الإخوان المسلمين والفلول فهم المسيطرون على رأس المال ومتغلغلون في الدولة العميقة.


    بالله انت صدقت الانتخابات بتجيب الكيزلن واهنت الشعب السوداني كلو
    المحاصصة جابت اضل والعن عملاء والرخيصين في تاريخ السودان
    والانتخابات كانت افضل في ظروف الجديدة دي
    واحسن انت تتمسك بي بي برنامج الفكرة الجمهورية والحزب الجمهوري السياسي وموجود
    وتزح من المستهبلين ديل
    هسة هم بعرضو افكراهم ولي فارضها علينا ؟؟
    الانقلابات دي كله رجس من عمل المخابرات المصرية
    1958 و1969 و1989 و2019
    ما في ثورة ولا حاجة
    الثورة الثقافية ما جات لسه
    وبشاشا انصف الاستاذ اكثر منك وباقي الجمهوريين الركبو موجة ثورة تسقط بس المزيفة
    https://top4top.io/
    الانتخابات ما بتجيب الكوز بس
    ما بتجيب البعثي والشيوعي والناصري ايضا
    وهسة كيزان الترابي جو بي الشباك سرك جوبا رايك شنو
    نحن بناكلم عن الانتخابات في البورد ده ساكت كده بس ولي عايز تبقى ذى الشيوعيين تسفه كتابات الناس هنا
    قلنا انتخابات بي فيش وتشبيه ما بجي ولي واحد من الناس الجابتهم المحاصصة ديل
    اعلام حر بعري اي ساقط في الساحة السياسية في السودان
    الاقاليم والفدرالية تبخلي الاقاليم يحكما ابناءها بس من الادعياء بتاعين الحركات المسلحة ديل ايتام الترابي
    زح من البعثيين خليهم يدافعو عن نفسهم بس
    الافكار تعرض ولا تفرض من الاساس
    المحاصصة انتهازية رخيصة اخير منها الانتخابات
                  

11-22-2020, 07:58 AM

adil amin
<aadil amin
تاريخ التسجيل: 08-01-2002
مجموع المشاركات: 27882

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: adil amin)

    Quote: ياعادل، للاسف الجمهوريين، تفكيرم تقليدي جدا!نعم البعد العروبي هو الطاغي للاسف!الشهيد محمود، ليس بفرد عادي، اعترف!


    فعلا حاجة مؤسفة والله
    هسة عليك الله اعلام فيصل والرشيد ولقمان
    هل خدم الفكر السوداني ورد الاعنبار للمفكرين السودانيين
    عشان يكون اعلام ثورة سودانية حقيقية
    والله ديل كل الكلام االقالتو فيهم تراجي يشبهم عديل وهم اسوا
    معقول بس زول بقامة الاستاذ محمود يغيب عن الشباب
    وايضا د جون قرنق ود منصور خالد
    ويقدونا بي ساطع والسنهوري وربطنا بالبؤس العربي من المحيط للخليج
    فعلا السودان ضايع بسبب المواقف االمهزوزة دي

    عليك الله يا بشاشا انت في امريكا امشي اهدي االكتاب ده لي بايدن وطاقمو الجديد
    https://top4top.io/
    عشان يعرف الاسلام في السودان بي عيون الامريكيين الاذكياء
    مش الرجرجة ذى ترامب وبومبيو
    والاهانة الكبيرة اللحقت بالسودان في زمن ترامب
    انت ممكن تتحرك في امريكا وتخدم السودان
    التعريف بالفكرة الجمهورية ليس حكر علي الجمهوريين اطلاقا
    فرض عين علي كل سوداني حر حقيقي
    ذى ما عمل منصور خالد وعبدالعزيز بركة ساكن فى رواية مسيح دارفور
    طقم بادين الجديد عايز سودانيين محترمين مش حثالة سياسية ما قادرين يطلعو من تحت جذم مصر ام الدنيا وبراعم الخليج
    حتي بعد فضحهم ابراهيم منعم منصور ولا خير في عساكر ولا مدنيين
    والزمن ما لي صالح السودان ابدا
    وحياك الله يا بشاشا
    اتحرك بس وسيتغير السودان

    (عدل بواسطة adil amin on 11-22-2020, 08:05 AM)

                  

11-22-2020, 08:09 AM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 38114

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: adil amin)

    Quote: بالله انت صدقت الانتخابات بتجيب الكيزلن واهنت الشعب السوداني كلو


    كيف تمكنوا إذن من حكم السودان 30 سنة؟؟ ما هو تفسيرك لذلك؟ أليس بالقهر والتضليل والإفقار والشراء؟؟

    أنا مؤمن بالشعب السوداني ولكن في نفس الوقت أعرف أنه يسهل تضليله بشعارات الدين، ودونك الحملة على الدكتور القراي في الفيسبوك.

                  

11-22-2020, 08:26 AM

adil amin
<aadil amin
تاريخ التسجيل: 08-01-2002
مجموع المشاركات: 27882

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: Yasir Elsharif)

    Quote:
    كيف تمكنوا إذن من حكم السودان 30 سنة؟؟ ما هو تفسيرك لذلك؟ أليس بالقهر والتضليل والإفقار والشراء؟؟

    أنا مؤمن بالشعب السوداني ولكن في نفس الوقت أعرف أنه يسهل تضليله بشعارات الدين، ودونك الحملة على الدكتور القراي في الفيسبوك.


    هم جو بي انقلاب علي دولة مدينة وفرضو كل شي ومات الناس بالملايين
    والتحرر من الاخوان المسلمين مشروع واضج نبقدمو هنا
    المحكمة الدستورية
    المراجع العام
    الاعلام الحر وغير المرواغ
    اعادة الاقاليم بمرجعية دستور 1973 ودستور 2005 وقوانين 1974
    مش يجيبو فلان وعلان
    هسة الاتحقق شنو
    لوثت قحت نفسها وجونا الكيزان بي المحاصصة و والعدل والمساوا كيزان
    السودانيين كانو80% اميين و نظيفين وعلي الفطرة طلعو الانجليز بي الانتخابات 1954
    وهسة 80% متعلمين وشباب تقول بنتخبو االكيزان وبقلبو القروش كيف ؟؟
    المشكلة مش الكوز المشكلة الشيوعي العايز يتخطي حتي الختمية والانصار
    وكلهم دون رؤية الحركة الشعبية بي كثير
    ناصري وبعثي وشيوعي شنو بالجيبو ليك فدرالية او ديمقراطية في السودان
    ديل عايزين يجرسو مصالح اسيادهم المصريين والخليجين بي الدولة المركزية والبرلمان المركزي بس
                  

11-22-2020, 08:47 AM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 38114

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: adil amin)

    Quote: هم جو بي انقلاب علي دولة مدينة وفرضو كل شي ومات الناس بالملايين
    والتحرر من الاخوان المسلمين مشروع واضج نبقدمو هنا
    المحكمة الدستورية
    المراجع العام
    الاعلام الحر وغير المرواغ
    اعادة الاقاليم بمرجعية دستور 1973 ودستور 2005 وقوانين 1974


    لو داير تصل لهذه الأهداف بالدعوة لانتخابات مبكرة الآن فأنت واهم. صيغة الفترة الانتقالية الحاضرة عليها مآخذ كثيرة بسبب تعقيد ميراث الأخوان المسلمين.

                  

11-22-2020, 12:00 PM

adil amin
<aadil amin
تاريخ التسجيل: 08-01-2002
مجموع المشاركات: 27882

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: Yasir Elsharif)

    Quote: عادة الاقاليم بمرجعية دستور 1973 ودستور 2005 وقوانين 1974


    انت شوف الزول قعد يمشط في الانقاذ دي بقملا منو وقول ليه انت واهم وكلامك ده
    انا عايز احلق ليها صلعة زيرو من المصالحة الوطنية 1978 وارجع الوضع القانوني والدستوري الكان فيه السودان دولة ومؤسسات
    واخذ مسار جديد ومشروح كويس في البورد وفي تسجيالات الواتس
    والما عايز يسمع ولي يشوف علي كيفو
    الزمن بمر
    وهم ما سمعو كلام محمود محمد طه ولا جون قرنق ومنصور خالد ومطلوعين في مصر وصدام حسين وعبدالناصر المفعدك معاهم شنو في قحت او جنرالات البقط ديل
                  

11-22-2020, 12:09 PM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 38114

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: adil amin)

    Quote: المفعدك معاهم شنو في قحت او جنرالات البقط ديل

    تسلم يا عادل

    مع أني ما قاعد مع قحت أو غيرها، ولكني أرى أنهم أخف الأضرار. وكما قلت فوق بكلمات أخرى أكرر أن ميراث الإخوان ودور العساكر جعل مسار الثورة معقدا
                  

11-24-2020, 05:29 AM

adil amin
<aadil amin
تاريخ التسجيل: 08-01-2002
مجموع المشاركات: 27882

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: Yasir Elsharif)

    Quote: مع أني ما قاعد مع قحت أو غيرها، ولكني أرى أنهم أخف الأضرار. وكما قلت فوق بكلمات أخرى أكرر أن ميراث الإخوان ودور العساكر جعل مسار الثورة معقدا


    العساكر قعدهم لاعلان الدستوري الفطير وبعاعيت مايو ساطع والسنهوري وصديق يوسف
    ومع كل اسف دعم اي جمهوري لهذه الخزعبلات البدت من 2018 ولحدي هسة "ردة حضارية "
    ولا يزال الحزب الجمهوري والحركة الشعبية الاصل هي من يرسم مستقبل السودان الحقيقي مع الختمية والانصار
    لا بعثي ولا شيوعي ولا ناصري ولا كوز ولا سلفيسيكون يوم جزء من مسقبل السودان علي المدى البعيد
    مع حركة الوعي الصاعد
    ويا ريت بس لو تستمر في عرض الفكرة الجمهورية في البورد ومشروعا الفكري والسياسي المضاد لوباء الاخوان المسلمين المصري
    الهسة جانا تاني مع حركة العدل والمساوة والوجه الاكثر قبحا للاخوان المسلمين وبي المحاصصة
    والانتخابات ودستور 2005 والمحكمة الدستورية كان احسن مليون مرة

    (عدل بواسطة adil amin on 11-24-2020, 05:31 AM)

                  

11-26-2020, 04:49 AM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 03-04-2014
مجموع المشاركات: 7228

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل يحضر البعثيون لانقلاب عسكري في العراق؟ (Re: adil amin)

    السلام عليكم
    حزب البعث يعرف نفسه بأنه حزب انقلابي

    العراق لم يحكموها الا عن طريق الانقلاب
                  


[رد على الموضوع] صفحة 1 „‰ 1:   <<  1  >>

تعليقات قراء سودانيزاونلاين دوت كم على هذا الموضوع:
at FaceBook




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de