هل نحن (من بداخل السودان) في معيشة ضنكا؟

مرحبا Guest
اخر زيارك لك: 10-20-2020, 02:56 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
09-29-2020, 09:07 AM

Ali Alkanzi
<aAli Alkanzi
تاريخ التسجيل: 03-21-2017
مجموع المشاركات: 6586

للتواصل معنا

FaceBook
تويتر Twitter
YouTube

20 عاما من العطاء و الصمود
هل نحن (من بداخل السودان) في معيشة ضنكا؟

    إن اعتبرتُ نفسي من الاسر المتوسطة الدخل
    علماً بان هذه الطبقة من الناس قد اختفت في اواخر عهد النميري
    والوضع الان اما فقير او غني
    ولو فرضنا جدلا انني من الاثرياء
    ولكن رغم هذا الثراء اعجز عن:
    الاولى :الحصول على الخبز حتى بعد الاصطفاف في صفوف المخابز، لهذا لم اجد بد من صناعته محليا اي في البيت رغم التكلفة العالية
    الثانية: اضطررت لتقليص المساحة المزورعة من الاراضي التي امتلكها وهي لا تتعدى في اجماليها مئة فدان ، اضطررت لتقيصلها لنصف المساحة لعدم توفر الجزولين والسماد إلا عن طريق السوق الاسود
    الثالثة: ذهبت من امدرمان حتى قريتي الشوال ولاية النيل الابيض برفقة خالتي التي جاءت للعلاج بالخرطوم، وفي الذهاب لم اجد مشكلة في تعبئة البنزين، ولكن عند العودة فلا توجد محطة بنزين واحدة بها بترول من الدويم وحتى كوستي
    مما اجبرني بالبحث عن السوق الاسود، الذي انعدم بل اختفى في الطرق الرابط بين الخرطوم وكوستي خاصة من الدويم حتى كوستي
    وصار البحث عنه اي مكان بيعه ومن يبيعه اصعب من البحث عن الذهب وتحصلت على تعبئة سيارتي بالوقود بمبلغ ١١ الف جينه (احدى عشر الف جنيه) رغم انها من الخرطوم عبأتها باربعة الف
    الرابعة: عدت من قريتي مساء السبت، ومنذ صباح الاحد سيارتي مصطفة للحصول على البنزين، ما بين محطة النيل حي العمدة والنحلة شارع الوادي وانتهت بالمارشال بالسوق الشعبي امدرمان
    بعد ان امضت اكثر من يومين مع مبيت في طلمبة المارشال لصب البنزين الذي تم قبل ساعة من الأن اي على الثامنة والنصف صباحا من يوم الثلاثاء الموافق ٢٩ سبتمبر ٢٠٢٠
    وقد استاجرت لهذه المهمة احد معارفي وكلفتني التعبئة في النهاية ضعف التكلفة لو كان الوقود متوفرا وسهل الحصول عليه
    واقصر الطرق لحل مثل هذه المعضلات ليست حكومة حمدوك التي عجرت حتى عن طباعة الكتاب المدرسي واخرت الدراسة لعام كامل
    بل الحل هداني له احد الظرفاء علي ان:
    تطلق الزوجة (المرة)
    تاكل عصيدة بس
    وتبيع العربية
    وتوقف الزراعة
    وتبكي على حال وطنك المهدر الكرامة

    (عدل بواسطة Ali Alkanzi on 09-29-2020, 09:17 AM)









                  

09-29-2020, 09:19 AM

علي عبدالوهاب عثمان
<aعلي عبدالوهاب عثمان
تاريخ التسجيل: 01-17-2013
مجموع المشاركات: 7905

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Ali Alkanzi)

    حبيبنا الكنزي .. تحياتي
    جميل ان تعكس لنا ما يجري في الداخل
    طبعا نحن يوميا أو في اليوم مرتين مع أهلنا في ضواحي الدنيا
    الحالة صعبة جداً جداً
    يا ريت يكون هناك مصطلح أكثر ( ضنك )
    ما شاء الله والحمدلله .. إذا انت من ذوي الطبقة الوسطى وتعاني هكذا
    كيف يكون عامة الناس
    نحن أغرب بشر على وجه الأرض
    جوع معاناة ومرض وغرق في المقابل = مؤتمر اقتصادي والنتيجة 160 توصية
    يعني اذا تم تنفيذ 10 توصيات في السنة نحتاج لفترة = 16 سنة

    شكرا على تصوير الواقع بحروفك الرائعة ..

    هكذا انت دائماً ..

    تحياتي .. واصل كل فترة لنعرف واقع بكل صدق وامانة

    مودتي
                  

09-29-2020, 11:18 AM

Ali Alkanzi
<aAli Alkanzi
تاريخ التسجيل: 03-21-2017
مجموع المشاركات: 6586

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: علي عبدالوهاب عثمان)

    اخي علي عبدالوهاب
    ارحب بك في يوم حزني
    في هذا اليوم
    بل في هذه الساعة
    فارقتنا زوجتي الحبيبة ام مصطفى وغفران ومغفرة
    حتى انهما نحجا في امتحان الاساس (مصطفى وغفران)
    ولكن لم نعرف الفرح في غيابها
    وها هي البلد الذي احببناه
    واحببنا الانتماء اليه
    يحزننا حالها في كل صباح
    لا احزن لنفسي فقط
    بل احزن لم حولى
    بعض الناس في قريتي تركوا اللحمة بل نسوها
    وصار ادامهم البصل مخلوط بالدكوة وقليل من الماء والعجور وربما الطماطم
    ليأخذ مكان ام رقيقة والشوربا والدمعة
    من يحصل على وجبة واحدة في ريفنا فقد امن قوت يومه
    في ريفنا
    ان كان قلبك واسعا
    وبيتك فيه طعام تسمح للاخرين بالمشاركة فيه
    فستكثر الايدي الصغيرة والمتوسطة والكبيرة
    نساء وسط السودان كبرن في بئية تكرهمهن
    وتكاد ان تحرم عليهن العمل خارج المنزل
    الان ليس بمستغرب ان ترى النسوة من الريف في صف الرغيف
    وعاملات منازل
    او تحت الشجرة المشهورة في منطقتنا بوجود العمالة تحت ظلها
    لمن يبحث عن عاملة زراعية لحصد البامية او عامل
    او حتى (الحش) وتنظيف الزراعة من الاعشاب الطفيلية
    الناس من اهل قريتي ومن جاورها
    يأسون على ذهاب البشير
    ليس حبا فيه
    بل كانوا احسن حالا مما هم فيه الان
    الاطفال يملأون الشوارع في قريتي
    ويهيمون في الارض الله بلا هدف محدد
    سعيا لمئ فراغ عريض في اليوم والليلة
    لان المدارس مغلقة منذ فبراير ٢٠٢٠
    لا بشائر في الافق تدعو للامل
    ولأمر سيمضي لما هو اسوأ
    اي كل يوم ترذلون
                  

09-29-2020, 11:26 AM

علي عبدالوهاب عثمان
<aعلي عبدالوهاب عثمان
تاريخ التسجيل: 01-17-2013
مجموع المشاركات: 7905

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Ali Alkanzi)

    اللهم اغفر لها وارحمها وأجعل مثواها الجنة
    هكذا حال الدنيا
    ربنا يعوضك خير ان شاء الله

    الصورة حزينة جداً في الوطن
    وأنا يوميا في اتصال مع البلد
    وأتواصل مع الناس العاديين ( ترابلة)
    من هم بدون اي توجه سياسي هؤلاء هم مصدر الحقيقة

    دعواتنا لأهلنا .. كمان عندنا في الشمالية ظهرت حميات غريبة
    أخطر من ا لكورونا

    تحياتي الحبيب الكنزي


                  

09-29-2020, 11:18 AM

Ali Alkanzi
<aAli Alkanzi
تاريخ التسجيل: 03-21-2017
مجموع المشاركات: 6586

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: علي عبدالوهاب عثمان)

    اخي علي عبدالوهاب
    ارحب بك في يوم حزني
    في هذا اليوم
    بل في هذه الساعة
    فارقتنا زوجتي الحبيبة ام مصطفى وغفران ومغفرة
    حتى انهما نحجا في امتحان الاساس (مصطفى وغفران)
    ولكن لم نعرف الفرح في غيابها
    وها هي البلد الذي احببناه
    واحببنا الانتماء اليه
    يحزننا حالها في كل صباح
    لا احزن لنفسي فقط
    بل احزن لمن حولى
    بعض الناس في قريتي تركوا اللحمة بل نسوها
    وصار ادامهم البصل مخلوط بالدكوة وقليل من الماء والعجور وربما الطماطم
    لتاخذ مكان ام رقيقة والشوربا والدمعة
    من يحصل على وجبة واحدة في ريفنا فقد امن قوت يومه
    في ريفنا
    ان كان قلبك واسعا
    وبيتك فيه طعام تسمح للاخرين بالمشاركة فيه
    فستكثر الايدي الصغيرة والمتوسطة والكبيرة
    نساء وسط السودان كبرن في بئية تكرمهن
    وتكاد ان تحرم عليهن العمل خارج المنزل
    الان ليس بمستغرب ان ترى النسوة من الريف في صف الرغيف
    وعاملات منازل
    او تحت الشجرة المشهورة في منطقتنا بوجود العمالة تحت ظلها
    لمن يبحث عن عاملة زراعية لحصد البامية او عامل
    او حتى (الحش) وتنظيف الزراعة من الاعشاب الطفيلية
    الناس من اهل قريتي ومن جاورها
    يأسون على ذهاب البشير
    ليس حبا فيه
    بل لأنهم كانوا احسن حالا مما هم فيه الان
    من الناحية المعيشية
    وهي مربط الفرس
    الاطفال يملأون الشوارع في قريتي
    ويهيمون في ارض الله
    بلا هدف محدد
    وبلا فرح ولا نشوة طفل
    كل همهم ملئ فراغ عريض في اليوم والليلة
    لان المدارس مغلقة منذ فبراير ٢٠٢٠
    لا بشائر في الافق تدعو للامل
    ولأمر سيمضي لما هو اسوأ
    اي كل يوم ترذلون
    ومن المتوقع ان يصل الدولار خمسائة جنيه إذا رفع الدعم
    اخ علي
    المسألة جاطت

    (عدل بواسطة Ali Alkanzi on 09-29-2020, 11:21 AM)
    (عدل بواسطة Ali Alkanzi on 09-29-2020, 11:25 AM)

                  

09-29-2020, 11:50 AM

Abureesh
<aAbureesh
تاريخ التسجيل: 09-22-2003
مجموع المشاركات: 23098

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Ali Alkanzi)

    (تأكل عصيدة بس)
    سلام اخانا على
    لا حولا.. بالله الشكية دى كلها وأنتو ما عندكم مشكلة تأكلوا عصيدة. ؟!!!! دا باب من أبواب الكفر بالنعمة..
    نحن هنا نسوق 10 كيلومتر عشان نشترى الإنجيرا من دكان هنود يختوها فيه الحبش.

    مأسى السودان.. إذا ظهر السبب بطل العجب. عدم الشكر على أفضل نعمة، دقيق الحبوب الكاملة whole grain.. الخالى من الجلوتين .. والبحث عن السم الأبيض الذى يسمى الخبز أو الخبز الفاخر.

                  

09-29-2020, 12:02 PM

علي عبدالوهاب عثمان
<aعلي عبدالوهاب عثمان
تاريخ التسجيل: 01-17-2013
مجموع المشاركات: 7905

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Abureesh)

    حبيبنا ابريش ..
    مودتي نحن في الشمال ما عندنا العصيدة نحن عندنا القراصة ( قمح )
    كمان المشكلة في الزيت والصلصة واللحوم الاضافات الاخرى
    احيانا الأكل ممكن قراصة بالتمر .. ممكن تأكل في بيت الاخ أو العم .. إلخ
    ولكن المشكلة الكبيرة الدواء والعلاج

    مع التحية ابريش الحبيب

    معليش مع التحية لصاحب البوست .. علي وعلي

    (عدل بواسطة علي عبدالوهاب عثمان on 09-29-2020, 12:41 PM)

                  

09-29-2020, 01:12 PM

Ali Alkanzi
<aAli Alkanzi
تاريخ التسجيل: 03-21-2017
مجموع المشاركات: 6586

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: علي عبدالوهاب عثمان)

    اخ علي عبدالوهاب
    من يتابع مثلك خاصة لاهلنا في الريف
    سيظهر له حجم معاناة انسان السودان
    رب ضارة نافعة
    التوجه نحو الزراعة يزداد يوما بعد يوم
    حتى النساء عندنا صرن يذهبن للحقول
    الجوع كافر
    ونحن الان في مرحلة ما قبل المجاعة
    الله يستر
                  

09-29-2020, 12:39 PM

النذير بيرو

تاريخ التسجيل: 08-08-2004
مجموع المشاركات: 309

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Ali Alkanzi)

    الاخ الكنزي
    سلامات ومبروك النجاح لمصطفي وغفران
    وربنا يلزمك الصبر ان شاء الله
    البلد حالها لايسر ابدا )
    قبل عام كتبت نص قبل ان تسقط الانقاز وزبانيتها
    وعنوانه )احداثيات الجوع والمسغبة
    سوف اقلب اوراقي وارجع ليك غدا ان شاء الله في نفس البوست
    اخوك ,,,,,,,,النزير بيرو
    تقبل مودتي
                  

09-29-2020, 01:07 PM

Ali Alkanzi
<aAli Alkanzi
تاريخ التسجيل: 03-21-2017
مجموع المشاركات: 6586

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: النذير بيرو)

    اخ ابوالريش (بالانجليزي)
    شكرا لتذكيرك لي بالحمدلله والشكر لمن انعم علينا وانت تقول:
    Quote: (تأكل عصيدة بس)
    سلام اخانا على
    لا حولا.. بالله الشكية دى كلها وأنتو ما عندكم مشكلة تأكلوا عصيدة. ؟!!!! دا باب من أبواب الكفر بالنعمة..
    نحن هنا نسوق 10 كيلومتر عشان نشترى الإنجيرا من دكان هنود يختوها فيه الحبش.
    مأسى السودان.. إذا ظهر السبب بطل العجب. عدم الشكر على أفضل نعمة، دقيق الحبوب الكاملة whole grain.. الخالى من الجلوتين .. والبحث عن السم الأبيض الذى يسمى الخبز أو الخبز الفاخر.

    كما هو واضح على المستوى الشخصي فإني احمد ربي على كل نعمه وما اكثرها وما اجزلها
    ولكن عندما تحدثت عن العصيدة
    كنت اريد ان الفت نظر القارئ ان الامور تمشي للوراء
    وانت في بلد الخبز فيه مائة صنف من الخبز او هو اكثر
    وليس صنف واحد كما عندنا نحن
    الطريف ان في بيت عزاء حكى لي اخ عزيز ان بعض المطاعم في الخرطوم تقدم وجباتها بدون خبز
    وهذا ما وقع له في احد مطاعم حي الرياض بالخرطوم
                  

09-29-2020, 01:22 PM

Ali Alkanzi
<aAli Alkanzi
تاريخ التسجيل: 03-21-2017
مجموع المشاركات: 6586

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Ali Alkanzi)

    الاخ النذير بيرو
    شكر لرسالتك الرقيقة والتي جاء فيها:
    Quote: الاخ الكنزي
    سلامات ومبروك النجاح لمصطفي وغفران
    وربنا يلزمك الصبر ان شاء الله
    البلد حالها لايسر ابدا )
    قبل عام كتبت نص قبل ان تسقط الانقاز وزبانيتها
    وعنوانه )احداثيات الجوع والمسغبة
    سوف اقلب اوراقي وارجع ليك غدا ان شاء الله في نفس البوست
    اخوك ,,,,,,,,النزير بيرو
    تقبل مودتي

    مصطفى وغفران تؤمان
    مرا بظروف كان السقوط اقرب من القفز إلى اعلى
    كانا يدرسان في المدرسة الفرنسية الوحيدة بالخرطوم وهي تبع السفارة الفرنسية
    واستمرا فيها حتى السنة الخامسة
    وفي السنة الخامة توفت والدتهما
    وكان علي ان انتقل من الخرطوم إلى امدرمان
    لأن اخوتي واهلي اكثرهم بامدرمان
    ولم يكن من بد إلا ادخالهم مدرسة انجليزية
    علما بان علمهم بهذه اللغة (الانجليزية) كعلمهم بالعربية
    وفي السنة الاولى لهم على هذا النظام أي في السنة السادسة
    ظهر فقرهم الاكاديمي لعجزهم اللغوي
    ولكن بالاصرار والمثابرة
    سهلت امامهما اللغة الانجليزية في الصف السابع اي بعد عامين من الدراسة
    وفي الثامن سهلت عليهما اللغة العربية
    وفي الختام نجحا واحد بتوفق عال والاخر بمرور طيب
    وعسى الامر يتحسن من خلال المرحلة الثانوية
    اترغب مقالك وعسى ان تعثر عليه
    شكرا مرة ثانية وثالثة
                  

09-29-2020, 02:07 PM

Asim Ali
<aAsim Ali
تاريخ التسجيل: 01-25-2017
مجموع المشاركات: 8347

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Ali Alkanzi)

    سلام عليكم
    الازمه بعضها مفتعل بجانب الوضع العام للاقاصاد
    مشكله اداره وتنظيم ورقابه وانفاذ قانون حتى يمكن اداره ماهو متاح بعداله دون تغول السوق الاسود واصحاب الغرض
    اقبل شويه صف بنزين ممتد تقاطع البوسته لموقف الحاج يوسف ولاادرى ان كان ينتهى عند طلمبه الزواده (مدخل كبرى الجامعه) ام ام يعود لينتهى عند طلمبه تقاطع البوسته
    الخبز نقص الحصه من الدقيق والاسوء الدقيق كسلعه مدعومه يجب يتم ادارتها بحيث تصل الى المواطن لكن المواطنين فى الصفوف تجد المطاعم ووناس الاقاشى ودكاكين الفول...و... الخ شغالين من غير عطله ..عندنا فى فرن الحى تشاركنا جهات نظاميه فى خبزنا ويكون جاخز ويطلع امام لعيننا ونحن فى الصفوف رغم وجود افران تخص هذه الجهات.اذن لانحلم برقابه على سلعه كالخبز طالما اول من يتغول على السلعه من يفترض ان يكون (حاميها).
    اشاره لتعليق عن موضوع العصيده العصيده فى بلد الخواجات عند ناس رفاخيه وهنا طعام فوق طاقه السواد الاعظم من الشعب وممكن بالحساب والمقارنه تتضح الصوره
    وسؤال له هل تعلم كم تكلفه العصيده ؟؟؟؟
    العصيده مش دقيق وبس وانما تجيب غاز من وين وازمه الغاز ضمن الازمات والفحم طار السما وجوده متدنيه (يعنى مش بطر على النعمه) واصلا انسانم بعيد عن واقع افضل ان يتحرى الدقه والحكم قبل اطلاق الكلام على هذا التحو .
    .
    اما المواصلات حدث ولاحرج والخط اصبح مجزا لثلاثه او اربعه يعنى تدفع اربعه او خمسه امثال مابفترض تدفعو فى رحله واحده على الخط (طبعا مابقول تعريفه لانو التعريفه اصبحت تعريفه عرفيه يفرضها اصحاب الحافلات فى الخطوط وبعدها يتهربو منها بتجزئه الخط) طيب خليك من الموظف او العامل كم يدفع فى ذهاب واياب من والى العمل وانظر لابنائه من الطلاب سواء مدارس او جامعات .كم تكلفه مصاريف مواصلاتهم وفطورهم ..الخ
    ناس الجامعات فى قنبله موقوته لسه ماظهرت وحتنفجر مع بدايه انتظام الدراسه فى العام الجامعى الجديد وهى مشكله الرسوم الدراسيه التى اتوقع ان تكون عشره اضعاف وربما زياده خاصه مع تملص وزيره الماليه من دفع بند المرتبات لمنسوبى التعليم العالى - حسب فهمها الخواجاتى انو مايدفع للتعليم العالى من مرتبات يقع تحت بند دعم التعليم العالى وليس التزام بالتالى القت عبء جديد على الجامعات هو المرتبات (الوزيره طلعت اخطر من الكيزان فى الحته دى).
    نتكلم عن صحه البيئه والنفايات مقروءه مع تجمعات المياه فى الخريف ودا موضوع براهو والدواء بقى مشكله (امس اشريت شريط بندول ب50 جنيه ومن صيدايه اسعارها معقوله طيب وناس السكرى والضغط والقلب ...الخ ادويتهم وضعها شنو ؟ظ

    والامثله كثيره والواحد بيذكرها وبقول الحمدلله على خالو لان بعاين للاقل منو من بسطاء الشعب ويحس بالامهم وينطق بلسان معاناتهم .
                  

09-29-2020, 02:37 PM

Asim Ali
<aAsim Ali
تاريخ التسجيل: 01-25-2017
مجموع المشاركات: 8347

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Asim Ali)

    Quote: هل تتراجع حكومة حمدوك عن زيادة المرتبات؟
    الخرطوم: تقرير: خبطة نيوز - Sara Hamed

    سؤال يفرض نفسه، هل ستتراجع حكومة حمدوك عن الزيادات الكبيرة التى اعتمدها في رواتب العاملين بالدولة خصوصا في ظل الحديث الاخير لوزيرة المالية عن امكانية مراجعة الهيكل الراتبي للعاملين بالدولة في ظل تعذر الوفاء بالزيادات بالصورة المطلوبة؟
    ويرى خبراء ومحللون ان اعتراف وزيرة المالية هبة محد علي الاخير بالخطا في اقرار زيادات كبيرة في رواتب العاملين في الدولة جاء متاخرا ولم يستبعدوا تراجع الحكومة عن قرارها والعودة الى الرواتب القديمة.
    وعبر الخبير الاقتصادي المعروف بروفسيور، “عصام عبد الوهاب بوب”، عن سخطه من تخبط وزارة المالية، وراى ان اعتراف الوزيرة بالخطا جاء متاخر جدا، واضاف بالقول “سبق أن كان لي حديث عن ذلك قبل أن يطبق البدوي هذه الزيادات خلال مناظرة تليفزيونية”، واضاف بوب ‘كان اعتراضي أنه لا توجد موارد حقيقية تمول هذه الزيادات وأن المخرج للتمويل علي المدى القصير هو الاعتماد علي كتلة نقدية مطبوعة ومخزنة في بنك السودان”، مشيرا الى التنبيه بانه وبعد شهر او اثنين سوف تعجز الحكومة عن الدفع وتمويل الزيادات، وتابع بالقول “للأسف ان هؤلاء لا يسمعون إلا أصواتهم ولا اقول شيئا اخر” وذكر بوب ان وجهة اعتراضه الاخرى كانت ان اسعار السلع والخدمات سوف ترتفع بصورة صاروخية حتي قبل زيادة الرواتب auto-triggering ، وهذا من خبرة عن ما يحدث في الأسواق السودانية واعتمادها علي عدم وجود موارد حقيقية.

    وعبر بوب عن اسفه بان وزير المالية السابق ذهب ولكن اتت الوزيرة الجديدة وهي تسير على ذات المنوال.
    من جهته لم تستبعد الناشطة في حماية المستهلك نشوة محمد فضل ان تتراجع الحكومة عن الزيادات التى اقرتها بعد فشلها في تنفيذها على مستوى المركز والولايات، وقالت ان وزارة المالية ستجد نفسها مضطرة للتراجع اذا لم يحالفها الخط في معالجة مشكلة الكتلة النقدية الحقيقة في اسرع وقت.
    وكانت وزيرة المالية هبة محمد علي ظهرت في صباح يوم انعقاد الجلسة الافتتاخية للمؤتمر الاقتصادي وهي ترتدي جاكت معلق عليه (بروش)، التى تستخدم كمكمل جمالي للهندام والذي يعادل سعره مبلغ 200 الف جنيه، بما يتناقض وحديثها السابق عن ان راتبها الشهري البالغ 150 الف جنيه لا يكفيها لشهر، وانه كان عليها توفير قيمة (البروش) لتمكنها من تكملة ما تحتاجه من مصروفات خلال الشهر.

    واعتمدت الحكومة قبل اكثر من خمسة اشهر توصية من وزير المالية السابق ابراهيم البدوي رواتب العاملين بالدولة وصلت 200% ، لكن تعذر تنفيذها في بعض المؤسسات الاتحادية والولايات.
    وتقر وزيرة ال
    مالية بان الزيادات التى تمت احدثت ارتفاعا كبيرا في نسبة التضخم وادت الى تصاعد اسعار السلع الامر الذي ينافي الهدف الاساسي من الزيادة.

    .
    دا حال المسئلين اشباه الكيزان دايرين يطلعو زيت المواطن وهم ابعد مايكونو عن المواطن ومعاناته
    Quote:
    (بروش) وزير المالية يشعل الأسافير
    29 سبتمبر 2020

    الخرطوم: الانتباهة أون لاين
    ظهرت وزير المالية المكلف هبة محمد علي في صباح يوم انعقاد الجلسة الافتتاحية للمؤتمر الاقتصادي وهي ترتدي جاكت معلق عليه دبوس (بروش)، يستخدم كمكمل جمالي للهندام باهظ الثمن. وقال ناشطون على وسائط التواصل الاجتماعي أن البروش الذي ارتدته الوزيرة يعادل سعره أكثر من200 ألف جنيه. وعلق أحد الناشطين: (الوزيرة تقول أن راتبها الشهري 150 ألف جنيه ولا يكفيها لشهر، وكان عليها توفير قيمة (البروش) لتتمكن من تكملة ما تحتاجه من مصروفات خلال الشهر). وقدر أحد الناشطين أن (بروش) الوزيرة ربما كان أحد منتجات (CHANEL) ذات القيمة المرتفعة والشهرة العالمية الكبيرة.



                  

09-29-2020, 03:27 PM

Abureesh
<aAbureesh
تاريخ التسجيل: 09-22-2003
مجموع المشاركات: 23098

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Asim Ali)

    عارف يا اخ على، أنا سأقوم بتجربة.
    نحن اساساً مزارعين.. نشات فى مزرعتنا عندنا زريبة بهائمنا.. نزرع بالمطر، ونشرب لبن أبقارنا وأغنامنا، نحصد الدخن وندقه ونحفظه فى مخازن نأكل منها طول العام ثم يتبقى التقاوى (التيراب) للموسم الجديد.
    لم نكن نحتاج للحكومة لتصرف لنا التقاوى.. حين يأتى الجراد الصحراوى نأخذ الصفائح وندقها ونقض مضجعه حتى تغادر جحافله.. ونصطاد منه ما نستطيع فيكون مصدر طبيعى للبروتين.. الأمراض التى كان
    يعانى منها بعضنا إما فلقة فى رأس أو عوارة نتيجة وقوع من مكان عالى. شفت كيف.. كنا نزرع القطن ونبيعه فى طوكر من أجل شوية كاش نشترى به البن والسكر والملابس (لموسم العيد) فيما عدا ذلك كنا نخيط
    ملابسنا التى تبلى وتقطع.. شفت كيف؟
    ماذا حدث الان؟
    هل توقف المطر؟
    هل عقرت الأبقار فلم تلد؟
    هل توقف القطن والدخن عن النمو؟
    هل أختفت السلوكة والطورية من السوق؟

    لم يحصل أى من ذلك.. وإنما ظهر مرض اسمه الخرطوم.. الكل ترك أعماله الزراعية والرعوية وتدفق فى الخرطوم.
    الحل فى الأية *فارتدا على اثارهما قصصا*.. أعود الى نقطة البدء.. تأسيس القاعدة الإقتصادية البسيطة هذه التى تضمن الحد الأدنى من الحياة، ثم الإنطلاق منها نحو تحديث بيئتنا المحلية.
    خلى ناس الخرطوم يصاقروا بعض ويأكلوا بعض بدون إنتاج وبدون إنجاز. وخليهم يكونوا رؤساء ووزراء :-)

    عارف سبب مجاعة سنة ستـة؟ (السبب الاساسى)
    1. الخليفة عبدالله جمع كل زعماء الأهالى والقبائل وشيوخ الطرق الصوفية فى أمدرمان.. الناس البسيطة لا يعرفون يديرون العملية الإقتصادية وكأنما قطع الخليفة رؤوسهم..
    2ز وعند بوادر المجاعة وبدل أن يعين الخليفة الأقاليم، أمر بإحضار الغلال لأم درمان. ثم حدث ما حدث

    .
                  

09-30-2020, 07:14 AM

Ali Alkanzi
<aAli Alkanzi
تاريخ التسجيل: 03-21-2017
مجموع المشاركات: 6586

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Abureesh)

    ساعود ان شاء الله خلال هذا لليوم
    للرد على الاخوين
    عاصم علي
    ابوالريش (بالانجليزي)
    مع شكري لهما
                  

09-30-2020, 09:32 AM

حسن محمد عمر
<aحسن محمد عمر
تاريخ التسجيل: 04-01-2016
مجموع المشاركات: 156

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Ali Alkanzi)

    لك التحية أخي الأستاذ / علي ورحم الله أم العيال وغفر لها وجعل الجنة مأواها ومبروك نجاح الأبناء -حقيقة رغم المعاناة الماغريبة علينا فى السودان إلا أن الكل صار يعاني فأنت مثلاً ماشاء الله عليك وربنا يرزقك من وسع عندك أرض زراعية وسيارة لكنك عانيت من إنعدام الوقود وغيره غيرك ماعندو التكتح وبرضو يعاني ويصبر وأسأل الله أن يرفع عنا ضنك المعيشة والضنك مرتبط بالإعراض عن ذكر الله ( ومن أعرض عن ذكري فإن له معيشة ضنكا ونحشره يوم القيامة أعمى ) إلى آخر الآيةالكريمة وللأسف كثير من المواطنين لا يذكرون الله إلا قليلاً طول اليوم حلفان فى البيع والشراء ونميمة وقطيعة وسحر وشعوذة وحسد كيف مانعيش حياة ضنكة لا حل لأزماتنا وبلاوينا مالم نتوب إلى الله ونترك هذه المصائب التى إبتلينا بها ونتسامح فيما بيننا سبحان الله أكثر شعوب الأرض تسامحاً تحصل لينا المآسي دى كلها بل نعيش على المعونات الخارجية دول أقل منا إمكانيات عايشة وكافية خيرها شرها ونحن نتصارع فى كرسى حكم أو بضعة رغيفات أو أسطوانة غاز أوصف بنزين لك الله ياسودان الوجع كثير ياعلي ربنا يصلح الحال
                  

09-30-2020, 03:30 PM

Ali Alkanzi
<aAli Alkanzi
تاريخ التسجيل: 03-21-2017
مجموع المشاركات: 6586

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: حسن محمد عمر)

    الاخ عاصم علي
    حبابك عشرة
    مداخلاتك خاصة هذه
    Quote: سلام عليكم
    الازمه بعضها مفتعل بجانب الوضع العام للاقاصاد
    مشكله اداره وتنظيم ورقابه وانفاذ قانون حتى يمكن اداره ماهو متاح بعداله دون تغول السوق الاسود واصحاب الغرض
    اقبل شويه صف بنزين ممتد تقاطع البوسته لموقف الحاج يوسف ولاادرى ان كان ينتهى عند طلمبه الزواده (مدخل كبرى الجامعه) ام ام يعود لينتهى عند طلمبه تقاطع البوسته
    الخبز نقص الحصه من الدقيق والاسوء الدقيق كسلعه مدعومه يجب يتم ادارتها بحيث تصل الى المواطن لكن المواطنين فى الصفوف تجد المطاعم ووناس الاقاشى ودكاكين الفول...و... الخ شغالين من غير عطله ..عندنا فى فرن الحى تشاركنا جهات نظاميه فى خبزنا ويكون جاخز ويطلع امام لعيننا ونحن فى الصفوف رغم وجود افران تخص هذه الجهات.اذن لانحلم برقابه على سلعه كالخبز طالما اول من يتغول على السلعه من يفترض ان يكون (حاميها).
    اشاره لتعليق عن موضوع العصيده العصيده فى بلد الخواجات عند ناس رفاخيه وهنا طعام فوق طاقه السواد الاعظم من الشعب وممكن بالحساب والمقارنه تتضح الصوره
    وسؤال له هل تعلم كم تكلفه العصيده ؟؟؟؟
    العصيده مش دقيق وبس وانما تجيب غاز من وين وازمه الغاز ضمن الازمات والفحم طار السما وجوده متدنيه (يعنى مش بطر على النعمه) واصلا انسانم بعيد عن واقع افضل ان يتحرى الدقه والحكم قبل اطلاق الكلام على هذا التحو .
    .
    اما المواصلات حدث ولاحرج والخط اصبح مجزا لثلاثه او اربعه يعنى تدفع اربعه او خمسه امثال مابفترض تدفعو فى رحله واحده على الخط (طبعا مابقول تعريفه لانو التعريفه اصبحت تعريفه عرفيه يفرضها اصحاب الحافلات فى الخطوط وبعدها يتهربو منها بتجزئه الخط) طيب خليك من الموظف او العامل كم يدفع فى ذهاب واياب من والى العمل وانظر لابنائه من الطلاب سواء مدارس او جامعات .كم تكلفه مصاريف مواصلاتهم وفطورهم ..الخ
    ناس الجامعات فى قنبله موقوته لسه ماظهرت وحتنفجر مع بدايه انتظام الدراسه فى العام الجامعى الجديد وهى مشكله الرسوم الدراسيه التى اتوقع ان تكون عشره اضعاف وربما زياده خاصه مع تملص وزيره الماليه من دفع بند المرتبات لمنسوبى التعليم العالى - حسب فهمها الخواجاتى انو مايدفع للتعليم العالى من مرتبات يقع تحت بند دعم التعليم العالى وليس التزام بالتالى القت عبء جديد على الجامعات هو المرتبات (الوزيره طلعت اخطر من الكيزان فى الحته دى).
    نتكلم عن صحه البيئه والنفايات مقروءه مع تجمعات المياه فى الخريف ودا موضوع براهو والدواء بقى مشكله (امس اشريت شريط بندول ب50 جنيه ومن صيدايه اسعارها معقوله طيب وناس السكرى والضغط والقلب ...الخ ادويتهم وضعها شنو ؟ظ

    والامثله كثيره والواحد بيذكرها وبقول الحمدلله على خالو لان بعاين للاقل منو من بسطاء الشعب ويحس بالامهم وينطق بلسان معاناتهم .

    تعكس واقع الحياة والمعاناة اليومية التي يتكبدها انسان السودان
    والحل اصبح متعذرا، لانه كلما مضى الزمن تعقدت المشاكل
    وحمدوك وحكومته فوتوا فرصة عظيمة على السودان حين كان هناك تعاطف عالمي مع الثورة السودانية
    ولكن لأن هؤلاء الرجال اتوا بعقول خاوية
    فلم يستطيعوا ان يقدموا برنامجا محددا للثلاث سنوات التي سيحكمونها
    لهذا برد الحماس والتعاطف العالمي تجاه الثورة السودانية
    وفاتت علينا فرصة كانت ستخرجنا لبر الامان
    شكرا لحضورك المكثف
                  

09-30-2020, 03:40 PM

Ali Alkanzi
<aAli Alkanzi
تاريخ التسجيل: 03-21-2017
مجموع المشاركات: 6586

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Ali Alkanzi)

    الاخ حسن محمد عمر
    الف مرحب بيك وبمداخلتك المليئة من كل صوب
    وانت تقول:
    Quote: لك التحية أخي الأستاذ / علي ورحم الله أم العيال وغفر لها وجعل الجنة مأواها ومبروك نجاح الأبناء -حقيقة رغم المعاناة الماغريبة علينا فى السودان إلا أن الكل صار يعاني فأنت مثلاً ماشاء الله عليك وربنا يرزقك من وسع عندك أرض زراعية وسيارة لكنك عانيت من إنعدام الوقود وغيره غيرك ماعندو التكتح وبرضو يعاني ويصبر وأسأل الله أن يرفع عنا ضنك المعيشة والضنك مرتبط بالإعراض عن ذكر الله ( ومن أعرض عن ذكري فإن له معيشة ضنكا ونحشره يوم القيامة أعمى ) إلى آخر الآيةالكريمة وللأسف كثير من المواطنين لا يذكرون الله إلا قليلاً طول اليوم حلفان فى البيع والشراء ونميمة وقطيعة وسحر وشعوذة وحسد كيف مانعيش حياة ضنكة لا حل لأزماتنا وبلاوينا مالم نتوب إلى الله ونترك هذه المصائب التى إبتلينا بها ونتسامح فيما بيننا سبحان الله أكثر شعوب الأرض تسامحاً تحصل لينا المآسي دى كلها بل نعيش على المعونات الخارجية دول أقل منا إمكانيات عايشة وكافية خيرها شرها ونحن نتصارع فى كرسى حكم أو بضعة رغيفات أو أسطوانة غاز أوصف بنزين لك الله ياسودان الوجع كثير ياعلي ربنا يصلح الحال

    حيرتني فرحا حقيقة
    حتى انني ربما تسمرت قليلا في الرد على مداخلتك المفعمة بالمشاعر الانسانية الصادقة
    مرة تعزيني في اجمل انسان التقيته في حياتي وذهب عني
    ومرة تهنيني في نجاح ابنائي
    وثالثة تحمد الله لي الذي وهبني الارض والسيارة
    فهي ما جاء ذكره في الاية
    وان تعدوا نعمة الله لا تحصوها
    فما اعظم فضائل الله علينا وعسى ان نكون من الشاكرين
    واسأل الله ان نكون من الصابرين على هذا الضنك وان لا نكون من الغافلين عن ذكر الله
    لك ودي وسلامي اخ حسن
                  

09-30-2020, 03:55 PM

Abureesh
<aAbureesh
تاريخ التسجيل: 09-22-2003
مجموع المشاركات: 23098

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Ali Alkanzi)

    Quote: كنت اريد ان الفت نظر القارئ ان الامور تمشي للوراء
    وانت في بلد الخبز فيه مائة صنف من الخبز او هو اكثر
    وليس صنف واحد كما عندنا نحن


    عندك الأعلى.. الكسرة والعصيدة.. وحاسدنا على الأدنى؟ الظاهر ما قريت كلامى..
    قلت اسوق عشرة كيلومتر للكسرة.. ولدقيق الذرة الذى يبيعه الهنود فى متاجرهم.. وفى زيارتى الأخيرة للسودان حين كنت فى الخرطوم مرات كتيرة اركب ترحال لشارع 15 فى العمارات فيه المطعم الشعبى
    أكله كسرة وقراصة فقط. وأصدقاء لى قالوا لى هم عايشين طول عمرهم فى السودان وما عارفين المطعم دا وين.. كنت أسأل أصحاب الركشات. وممكن تشترى الكسرة بس تمشى بيها بيتكم لو العواسة صعبة.

    يا رجل أنتم فى نعمة المفروض تحمدوا الله عليها و (تلزموهــا). الحبش هنا مطاعهم فى كل مدينة كبيرة.. والزبائن من البيض بالذات ما يدوك الدرب.. علموا الأمريكان الإنجيرا..
    أحمدوا الله على نعمته قبل ما يحيركم فيها.. أنا ممكن أفهم الناس تحب تأكل رغيف، ولكن هل هذا يعنى لو أختفى الناس تنزعج وتدور تقلب الحكومة!!! هذا هو الوضع المزعج.. فى مشكلة حقيقية فى مكان ما.

    .
                  

10-01-2020, 06:27 PM

Ali Alkanzi
<aAli Alkanzi
تاريخ التسجيل: 03-21-2017
مجموع المشاركات: 6586

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Abureesh)

    اخ ابوالريش بالانجليزي
    بالله عليك الله ما تستعرض علينا وتفور دمنا
    بقولك:
    Quote: عندك الأعلى.. الكسرة والعصيدة.. وحاسدنا على الأدنى؟ الظاهر ما قريت كلامى..
    قلت اسوق عشرة كيلومتر للكسرة.. ولدقيق الذرة الذى يبيعه الهنود فى متاجرهم.. وفى زيارتى الأخيرة للسودان حين كنت فى الخرطوم مرات كتيرة اركب ترحال لشارع 15 فى العمارات فيه المطعم الشعبى
    أكله كسرة وقراصة فقط. وأصدقاء لى قالوا لى هم عايشين طول عمرهم فى السودان وما عارفين المطعم دا وين.. كنت أسأل أصحاب الركشات. وممكن تشترى الكسرة بس تمشى بيها بيتكم لو العواسة صعبة.

    يا اخوي احمد الله انو عندك عربية
    وكمان مليانا بنزين
    وتتفسح بيها بين مطعم لمطعم
    تخيل يا اخي انا عشان اكب بنزين يوم السبت الفات دا
    كلفت احد معارفي بذلك
    الراجل قعد يومين في طلمبة البنزين
    ونام كمان
    حتين ملا بنزين
    عايزني ابذرا زيك
    من مطعم كسرة لمطعم انجيرا؟
    يا اخي خليك واقعي
    انت في بلاد ناسا مشو المريخ والقمر
    وانحنا لسا نسوانا ينتظرو الظلام يلقي سدوله ليذهبن لقضاء حاجتهن
    يا اخي ناس زي ديل مش ياكلو كسرة بس
    صدقني الكسرة رفاهية
    في ايامنا هذه
    زي ما عندكم في امريكا
    اسا لو داير تسوي كسرا في السودان
    اسأل عن:
    وين الدقيق
    وين العجين
    وين الصاج
    وين البرمة
    وين القرقريبة
    وين الطبق
    وين الخمارة
    وين الحطب
    وين الفحم
    وين الورق
    وين الكرتون
    وين الغاز
    وين الجاز
    وين وابور الجاز
    يا اخوي خلنا في حالنا وابقوا حندكونا بس وانحنا نلوك الصبر
                  

10-03-2020, 08:28 PM

Ali Alkanzi
<aAli Alkanzi
تاريخ التسجيل: 03-21-2017
مجموع المشاركات: 6586

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Ali Alkanzi)

    اسا لو داير تسوي كسرا في السودان
    اسأل عن:
    وين الدقيق
    وين العجين
    وين الصاج
    وين البرمة
    وين القرقريبة
    وين الطبق
    وين الخمارة
    وين الحطب
    وين الفحم
    وين الورق
    وين الكرتون
    وين الغاز
    وين الجاز
    وين وابور الجاز
    يا اخوي خلنا في حالنا وابقوا حندكونا بس وانحنا نلوك الصبر
                  

10-04-2020, 02:07 PM

adil amin
<aadil amin
تاريخ التسجيل: 08-01-2002
مجموع المشاركات: 27210

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Ali Alkanzi)

    الله يرحم ام الاولاد ويلزمك الصبر
    الحقيقة بس عنوانك ده عندي فيه عقيدة
    وانت وانا مرجعنا الاعلي القران الكريم
    كيف عرف الله المعيشة الضنكة في القران ؟؟
    قوله تعالى
    (وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى (124) قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيراً (125) قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى)
    هي انقطاع العقل البشري عن الغيب الاصلي الخالق الرزاق "الله " بي سببين
    تمكن عقل المعاش الادني الحيواني علي عقل المعاش العلمي وراء العلمي ايضا العقل السامي الذي يربط الشخص بغيب حقيقي هو الله
    وَمَا كَانَ لِنَفْسٍ أَن تُؤْمِنَ إِلَّا بِإِذْنِ اللَّهِ ۚ وَيَجْعَلُ الرِّجْسَ عَلَى الَّذِينَ لَا يَعْقِلُونَ (100)

    وديل اهل الرجس جماعة الترابي
    الاخوان المسلمين والسلفيين ودي كلها مشاريع شيطانية وغيب مزيف يربط الشخص بي اليهود والنصاري ومشاريعهم الشيطانية الناهبة للثروات الوطنية
    واهل السفاهة وديل جماعة مايو الشيوعيين والبعثيين والناصريين ويسقطون الغيب نفسه من وعيهم ويرفضو مشاريع سيداو وغيرها
    وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ ۗ أَلَا إِنَّهُمْ هُمُ السُّفَهَاءُ وَلَٰكِن لَّا يَعْلَمُونَ (13)
    العقل السوداني له ثلاث ابعاد
    والان ستري ما يحدث في السودان علي ضوء هذه الاية
    وَالْبَلَدُ الطَّيِّبُ يَخْرُجُ نَبَاتُهُ بِإِذْنِ رَبِّهِ ۖ وَالَّذِي خَبُثَ لَا يَخْرُجُ إِلَّا نَكِدًا ۚ كَذَٰلِكَ نُصَرِّفُ الْآيَاتِ لِقَوْمٍ يَشْكُرُونَ (58)

    ده وضع السودان
    فارق يقينو الروحي الطبيعي البربطو بي الغيب الحقيقي "الله "وراحت البركة من البلد
    ومشو يلهثو ورا الامريكان والبنك الدولي ومصر دول الخليج
    لا نزلت بركات من السماء في السودان بلد الذكر والذاكرين زمان
    ولا نفعهم جريهم للخارج
    السودان بلد منهوب الموارد يحكم بي ناس ما كويسين اطلاقا وبي طريقة قسرية المحاصصة
    واهل الطريق مغيبين تماما
    اليقين الزائف للكيزان والورع لزائف ايضا ما عنده عبرة عند رب العالمين
    وعلمانيو دي كمان اضل والعن وما عندها جماهير في السودان المجتمع الروحي من زمن خليووت بعانخي لي المهدي
    وصاحب العقل يميز
    ده تعريف الله للمعيشة الضنكة
    الخواء الروحي او فساد العقيدة وليس الفقر وسوء ادارة الموارد ولكنها تقود الي ذلك

    https://top4top.io/
    افلا يتدبرون القران ام علي القلوب اقفالها
                  

10-04-2020, 05:18 PM

امتثال عبدالله

تاريخ التسجيل: 05-15-2017
مجموع المشاركات: 4981

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: adil amin)

    علي الكنزي
    اولا الجواب على سؤالك في عنوان البوست هو:-
    لا انتم لا تعيشون معيشة ضنكا،،،فبالرغم عن الصعوبات المعروفة في السودان الا ان السودان افضل من دول كثيرة يعيش مواطنوها حياة اصعب
    بكثير من شعب السودان.
    اما عن الحزن فان هذا هو ناموس الكون وكلنا مفارقون لهذه الدنيا الفانية الزائلة والفائز في هذا الدنيا من يصبر على الابتلاءات ويقول الحمد لله....
                  

10-04-2020, 11:08 PM

منتصر عبد الباسط
<aمنتصر عبد الباسط
تاريخ التسجيل: 06-24-2011
مجموع المشاركات: 5471

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Ali Alkanzi)

    تحياتي الكنزي وضيوفك
    توجد أزمة حقيقية وليست مفتعلة
    سببها أننا خدعنا خديعة نكراء وتورطنا
    في حمدوك وصحبة والقحاتة القحاطة
    ووجدت هذه الورطة مبرراتية تحزبيين
    حالوا بيننا والاصلاح
    حمدوك طلع جرابوا فاضي لا يملك
    لا يملك برامج ولا منفتح علي
    الخبراء من الشعب وعين وزراء محاصصة
    أما دعاة الاشتراكية فهولاء رؤيتهم
    للعلاج هي نفسها مشكلة
    ونحن نريد حلول مواكبة وفعالة
    تحرير الاقتصاد كان غلطة وجريمة
    حين تم فرضه وقتها
    أم الأن محاولة النكوص عنه
    سيكون جريمة أشد شناعة
    رفع وزير المالية السابق البدوي للمرتبات
    بتلك الصورة كانت جريمة
    وكذلك فرض وزير الصحة المقال
    للحظر الجائر الغير محسوب
    بحكمة وضمير مفقودين للوزيران المقالان
    يتحملها معهم حمدوك
    لكن من يعي ومن يحاسب؟!
                  

10-04-2020, 11:45 PM

Asim Ali
<aAsim Ali
تاريخ التسجيل: 01-25-2017
مجموع المشاركات: 8347

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: منتصر عبد الباسط)

    Quote: صف الموية الصحافة غرب مربع (18)
    الاب في العمل
    الام في صف العيش
    الاخو الكبير في صف الغاز
    الشفع في صف الموية
    لله درك ياوطن


                  

10-04-2020, 11:50 PM

Elhadi
<aElhadi
تاريخ التسجيل: 01-06-2003
مجموع المشاركات: 6686

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Asim Ali)

    الحل تمرقوا بعكاكيزكم على المستهبلين ديل

    حمدوك وحكومته وجنجويده وعساكره وأحزابه وعواليقه تشيلوهم برة وتستردوا كرامتكم المهدرة

    ما بنفعكم إلا ضراعكم .. عبوا ضراعكم يا رجالة

    وخلوا بصركم دغري وسالم

    أي حاجة غير كده كلام فارغ ساكت وضياع زمن ليس إلا
                  

10-05-2020, 10:39 PM

Asim Ali
<aAsim Ali
تاريخ التسجيل: 01-25-2017
مجموع المشاركات: 8347

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Elhadi)

    اليوم هو التانى اعود بدون خبز بعد انتظار تحت الشمس واحمل كرت لشراء الخبز زاربعه صفوف رجال/نساء حمله الكروت ورجال نساء من خارج الحى لايحملون كروت وهؤلاء اغلبهم صبيه اصحاب المطاعم والسوق الاسود يشترو ب2 جنيه ليباع ب5 على اقل تقدير .زومشكله ابعد هى انو حصه الدقيق(8-10 جوالات) تخلص قبل صلاه الضهر رغم البطء فى انتاج الخبز وفاصل تلت ساعه على الاقل بين طاووله والتانيه وساعه او يزيد بين عجنه وعجنه .ومايبدو -غير متيقن تماما - انو جهات نظاميه تشاركنا النصيب ويحفظ حقها لتستلمه بهد عوده المواطنين بخفى حتيت ولاادرى الا توجد ليدهم نخابز وجهات توفر لهم احتياجاتهم بدلا عن مزاحمه المواطن البسيط؟؟
    ذكرت الكلام دا عشان اوضح انو الازمه -من ضمن الازمات اليوميه للمواطن والمعاناه هى ازمه اداره وانفاذ قانون اضيف ليها قله خبره القائمين على العمل الخدمى فى لجان الخدمات والتغيير لكن مايبدو انو الفلول متغلغلين يشده وشغالين باستغلال الثغرات دى
    ---------------
    Quote: الحل تمرقوا بعكاكيزكم على المستهبلين ديل

    حمدوك وحكومته وجنجويده وعساكره وأحزابه وعواليقه تشيلوهم برة وتستردوا كرامتكم المهدرة

    ما بنفعكم إلا ضراعكم .. عبوا ضراعكم يا رجالة

    وخلوا بصركم دغري وسالم

    أي حاجة غير كده كلام فارغ ساكت وضياع زمن ليس إلا

    يا الهادى اصلو ماصعب الناس تدور دواس وتقلع حقها حقها لكن مع تربص الفلول والبلد البقت متنازعه بين المحاور الخارجيه بايدى سودانيه الاشفاق على البلد من لحظه انفجار يتعذر يتعذر بعدها جمع ماتبعثر بعد فوضى وحروب اهليه .ونرجع لكلامى الزمان انو التغيير جراحه دقيقه ومادايرين نقع فى فخ تجمع مهنين جديد و ق ح ت كمان
                  

10-06-2020, 09:11 AM

Ali Alkanzi
<aAli Alkanzi
تاريخ التسجيل: 03-21-2017
مجموع المشاركات: 6586

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Asim Ali)

    الاستاذة امتثال
    شكرا على المرور والتذكير وانت تقولين:
    Quote: علي الكنزي
    اولا الجواب على سؤالك في عنوان البوست هو:-
    لا انتم لا تعيشون معيشة ضنكا،،،فبالرغم عن الصعوبات المعروفة في السودان الا ان السودان افضل من دول كثيرة يعيش مواطنوها حياة اصعب
    بكثير من شعب السودان.
    اما عن الحزن فان هذا هو ناموس الكون وكلنا مفارقون لهذه الدنيا الفانية الزائلة والفائز في هذا الدنيا من يصبر على الابتلاءات ويقول الحمد لله....

    نسأل الله ان يجعلنا من الصابرين
                  

10-06-2020, 09:22 AM

Ali Alkanzi
<aAli Alkanzi
تاريخ التسجيل: 03-21-2017
مجموع المشاركات: 6586

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Ali Alkanzi)

    الاخ منتصر
    اهلا بيك ومرحبا
    اتفق معك تماما فيما جاء من طرح عندك وانت تقول:
    Quote:
    تحياتي الكنزي وضيوفك
    توجد أزمة حقيقية وليست مفتعلة
    سببها أننا خدعنا خديعة نكراء وتورطنا
    في حمدوك وصحبة والقحاتة القحاطة
    ووجدت هذه الورطة مبرراتية تحزبيين
    حالوا بيننا والاصلاح
    حمدوك طلع جرابوا فاضي لا يملك
    لا يملك برامج ولا منفتح علي
    الخبراء من الشعب وعين وزراء محاصصة
    أما دعاة الاشتراكية فهولاء رؤيتهم
    للعلاج هي نفسها مشكلة
    ونحن نريد حلول مواكبة وفعالة
    تحرير الاقتصاد كان غلطة وجريمة
    حين تم فرضه وقتها
    أم الأن محاولة النكوص عنه
    سيكون جريمة أشد شناعة
    رفع وزير المالية السابق البدوي للمرتبات
    بتلك الصورة كانت جريمة
    وكذلك فرض وزير الصحة المقال
    للحظر الجائر الغير محسوب
    بحكمة وضمير مفقودين للوزيران المقالان
    يتحملها معهم حمدوك
    لكن من يعي ومن يحاسب؟!

    فعلا حمدوك لفراغ جعبته من اي خطة لاخراج السودان من وصعه الاقتصادي ، هذا الفراغ ضيع على السودان زخم التعاطف الذي تولد عند بعض البلدان خاصة الغربية منها لاعانة السودان ، ولكن لأن حمدوك لم يكن صاحب رؤية فما كان لهذه الدول إلا ان تبرد عاطفتها تجاه السودان واصبحت في حل من الالتزام اليه بتنفيذ بعض برامج الثورة التي لم تكن موجودة اصلا
                  

10-06-2020, 12:34 PM

Ali Alkanzi
<aAli Alkanzi
تاريخ التسجيل: 03-21-2017
مجموع المشاركات: 6586

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Ali Alkanzi)

    الاخ عادل امين
    بعد السلام والترحيب
    اعتذر عن تجاوزي لمداخلتك والتي جاء في اخرها تذكريك لي :
    افلا يتدبرون القران ام علي القلوب اقفالها

    من الصدف اننا انشانا جمعية قرانية في قريتي الشوال في شهر رمضان الماضي، تحت عنوان (افلا يتدبرون القرآن)
    ولكي تنفتح قلوبنا وعقولنا فعلينا بتدبر القرآن حين نقرأه او حين نسمعه
    ومن فتح نافذة كهذا فسينطلق لعوالم اخرى لا يعرف كنهها إلا الله
    وسأعلق على باقي مداخلتك في مداخلة اخرى
    لك ودي احترامي
                  

10-06-2020, 08:24 PM

Shinteer
<aShinteer
تاريخ التسجيل: 09-04-2002
مجموع المشاركات: 2264

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Ali Alkanzi)

    Quote: تاكل عصيدة بس

    كيف حالك يا علي؟ ياخي ما حيرني من كلامك إلا المقتبس أعلاه. نحن بننتج الذرة والدخن عشان شنو إذا كان ما بناكلو ولا عندنا ليه عِدّة؟ ومين ضيَّع العدة دي غير أولاد السودن؟ المانع شنو إنهم يرجعوا ياكلوا من إنتاج مزارعهم اللي كلها بتنتج ذرة ودخن؟
    نعم الكيزان غيّروا التركيبة الغذائية حتى في قرانا المن الله خلقها شغالة فيتريتة ودخن، وفجأة السودان كله لقى نفسه ما قادر ياكل عصيدة!!! والله أنا قاعد أجيب دقيق وأعمل عصيدة (الكسرة/الرهيفة غلبتني).
    ولاحظت جيراننا الحبوش في قلب عواصم العالم بتجيهم الآنجيرة بالطائرات ... ومستحيل تلاقيهم في مطعم هندي أو إيطالي أو ياباني أو تركي إلا ما ندر ... ترفيه وكدا يعني. نحن رفسنا عيشنا وقلنا ناكل عفن اسمو رغيف كلو سموم ... ووقفنا صفوف.
    أمشي اشتري ليك شوال ود عكر أو أي نوع من الذرة ودقّقو ... وعوس عواستك؛ شيء بني كربو وشيء عصيدة (لقمة) وشيء رهيفة (كما نسميها).
    السودانيين ديل والله راح ليهم الدرب.
    ياخي حتى الرغيف دا ... المغاربة عندهم عيب إنه ما يتعمل في البيت ... ما في زول بيشتري خبز من فرن أو من السوق. كل بيت عندو أجهزة خبز الخبز.

    والشكر موصول لمصر الجابت أفران ولا حول ولا قوة إلا بالله. بقينا ما بنخجل حتى.
                  

10-06-2020, 08:38 PM

Asim Ali
<aAsim Ali
تاريخ التسجيل: 01-25-2017
مجموع المشاركات: 8347

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Shinteer)

    Quote: المانع شنو إنهم يرجعوا ياكلوا من إنتاج مزارعهم اللي كلها بتنتج ذرة ودخن؟

    نعم فى مانع
    القصه تتحسب حساب من غير كلام عاطفىوزى مارصاهها الاخ الكنزى
    واكون اكتر تحديد
    احسب منصرف اسره متوسطه الدخل (بينن 10-20 الف حتيه مليون بالقديم ) وعدد افرادها (5) بيكفيهم كم عيش وبيكفيهم كم من باقى الانواع البلدى (عصيده او كسره او فطير او قراصه او .....الخ )
    داير دقيق قدر شنو ؟ وسعرو كم ؟
    فى غاز ؟.... بكم ؟ لو اتلقى بعد مجازفات
    البديل الفحم والحطب بكم ؟؟؟
    بعدين الدقيق يشترو بشنو بالربع ولا بالشوال والاسعار كيف ؟؟ طبعا الطاحونه هسى بتبيع دقيق جاهز اها والاسعار كيف ؟
    دى دايره زول يوريك من خلال تجربه او من حسابات قبل مايكتشف انو القصه كدا اغلى من العيش بمراحل
    لكن طبعا مايحكم ليك ويديك راى زول مقتدر لانو بنتكلم عن السواد الاعطم من الشعب ومستوى دخلهم
    لذلك بقول نعم فى مانع فرضتو ظروف استشنائيه خلت حتى البلدى اصبح الاعتماد عليهو مشكله اكبر وثقيله على جيب المواطن (المتوسط الحال ومادونه)

    (عدل بواسطة Asim Ali on 10-06-2020, 08:40 PM)

                  

10-07-2020, 09:47 AM

Ali Alkanzi
<aAli Alkanzi
تاريخ التسجيل: 03-21-2017
مجموع المشاركات: 6586

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Asim Ali)

    مرحبتين حبابك اخ شانتير
    واراك تقول:
    Quote: كيف حالك يا علي؟ ياخي ما حيرني من كلامك إلا المقتبس أعلاه. نحن بننتج الذرة والدخن عشان شنو إذا كان ما بناكلو ولا عندنا ليه عِدّة؟ ومين ضيَّع العدة دي غير أولاد السودن؟ المانع شنو إنهم يرجعوا ياكلوا من إنتاج مزارعهم اللي كلها بتنتج ذرة ودخن؟
    نعم الكيزان غيّروا التركيبة الغذائية حتى في قرانا المن الله خلقها شغالة فيتريتة ودخن، وفجأة السودان كله لقى نفسه ما قادر ياكل عصيدة!!! والله أنا قاعد أجيب دقيق وأعمل عصيدة (الكسرة/الرهيفة غلبتني).
    ولاحظت جيراننا الحبوش في قلب عواصم العالم بتجيهم الآنجيرة بالطائرات ... ومستحيل تلاقيهم في مطعم هندي أو إيطالي أو ياباني أو تركي إلا ما ندر ... ترفيه وكدا يعني. نحن رفسنا عيشنا وقلنا ناكل عفن اسمو رغيف كلو سموم ... ووقفنا صفوف.
    أمشي اشتري ليك شوال ود عكر أو أي نوع من الذرة ودقّقو ... وعوس عواستك؛ شيء بني كربو وشيء عصيدة (لقمة) وشيء رهيفة (كما نسميها).
    السودانيين ديل والله راح ليهم الدرب.
    ياخي حتى الرغيف دا ... المغاربة عندهم عيب إنه ما يتعمل في البيت ... ما في زول بيشتري خبز من فرن أو من السوق. كل بيت عندو أجهزة خبز الخبز.

    والشكر موصول لمصر الجابت أفران ولا حول ولا قوة إلا بالله. بقينا ما بنخجل حتى.

    اتفق معك في ما جاء في تعليقك
    وعلى المستوى الشخصي لم اقف في صف خبز إلا ان كان قصيرا، ولم اذهب للخبز قبل الثامنة صباحا كما يفعل الناس الان يقومون له في النصف الثاني من الليل اي عند الثالثة صباحا علما بأن صلاة الصبح تكون بعد الرابعة والنصف
    واعتبر هذا اذلال لانسان السودان الذي اصبح جل وقته وهمه هي الحصول على الخبز والغاز والبنزين والجزولين
    على المستوى الشخصي نعمل الخبز في البيت ونأكل القراصة والكسرة
    و أحياناً نكتفي بالارز او المكرونة او الاثنين معا في وجبة الغداء
    ولكن هذا غير متاح لانسان السودان العادي لأنه عالي التكلفة
    لهذا تضج الناس في الافران
                  

10-07-2020, 07:54 PM

Shinteer
<aShinteer
تاريخ التسجيل: 09-04-2002
مجموع المشاركات: 2264

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Ali Alkanzi)

    إذن مشكلتنا في دماغنا. دماغنا تالف، إذا كان حتى العصيدة ما متوفرة في بلد زي السودان .... ألمسوا روسينكم وتساءلوا كيف البلدان الأخرى عايشة في نعيم وهي لا تملك سوى إنسانها. المشكلة في راسنا دا.
    أمة طريقة تفكيرها فيه غلط. وهذه قناعتي ... المشكلة في الرأس .. رأس الفرد السوداني ... والسودان جماع أفراده. يللا اشكوا وكوركوا والحكومة سوّت والحكومة ما سوّت وكأن الحكومة دي ما من جنس تفكيرنا. كلو طين في طين.
                  

10-07-2020, 08:10 PM

محمد الأمين موسى
<aمحمد الأمين موسى
تاريخ التسجيل: 10-30-2005
مجموع المشاركات: 3332

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Shinteer)

    Quote: المشكلة في الرأس .. رأس الفرد السوداني


    قناعتك حكمة، أخي العزيز.
                  

10-08-2020, 08:57 AM

نعمات عماد
<aنعمات عماد
تاريخ التسجيل: 03-08-2014
مجموع المشاركات: 8535

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: محمد الأمين موسى)

    سلام عليكم الكنزي و ضيوفك الكرام

    رغم قناعتي بأن الخبز أو الرغيف لا يستحق الوقوف في صفوف تحت الشمس من أجل الحصول عليه، لكن

    لا بد من الإشارة إلى أمور مهمة:

    1- بالنسبة لغالب الناس يعتبر الرغيف أرخص جزء من الوجبة و أهم جزء كعنصر غذائي مشبع.بدونه ستصبح

    الوجبة غالية جداً.

    2- الحبوب المنتجة محلياً، أي الذرة و الدخن، أسعارها مرتفعة جداً، لماذا؟

    حسب تجارب البعض من المزارعين فإنه بمجرد حصاد الذرة و الدخن و الفول السوداني و ربما منتجات

    أخرى، تتهافت الرأسمالية الطفيلية على مناطق الإنتاج و تشتري المحصول بسعر متواضع ثم تُخزّْنه و

    ترفع السعر للمستهلك.بالإضافة التهريب.و هذا هو سبب إرتفاع تكلفة الكسرة و العصيدة حتى لو صُنعت

    منزلياً.

    3- وجود أعداد كبيرة من الطلاب بعيدين من أهلهم و وجود أعداد كبيرة من العمال و الموظفين و التجار

    في الأسواق، كل هولاء يعتمدون في أغلب وجباتهم على الخبز.

                  

10-08-2020, 03:31 PM

Ali Alkanzi
<aAli Alkanzi
تاريخ التسجيل: 03-21-2017
مجموع المشاركات: 6586

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: نعمات عماد)

    الاخ شانتير
    كلامك دا هو الحقيقة الموجعة التي لا نريد ان ننتبه لها ونعالجها
    لن يصلح حال هذا البلد حتى يصلح انسانه
    واشدد على قول:
    Quote: وهذه قناعتي ... المشكلة في الرأس .. رأس الفرد السوداني ... والسودان جماع أفراده.
                  

10-08-2020, 03:33 PM

Ali Alkanzi
<aAli Alkanzi
تاريخ التسجيل: 03-21-2017
مجموع المشاركات: 6586

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Ali Alkanzi)

    الاخ محمد الامين
    انت وانا متفقان على قناعة شانتير التي وصفتها انت:

    Quote:
    قناعتك حكمة، أخي العزيز.
                  

10-08-2020, 03:43 PM

Ali Alkanzi
<aAli Alkanzi
تاريخ التسجيل: 03-21-2017
مجموع المشاركات: 6586

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Ali Alkanzi)

    الف مرحب بيك يا دكتورة نعمات ووجودك هنا يسعدنا
    واراك تقولين:
    Quote: رغم قناعتي بأن الخبز أو الرغيف لا يستحق الوقوف في صفوف تحت الشمس من أجل الحصول عليه،
    لكن ا بد من الإشارة إلى أمور مهمة

    يا ريت يا دكتورة لو الوقفة تحت الشمس وبالنهار
    دا اسا الناس بتقيف من الثانية صباحا
    والله تطابقت اقوال اخي الذي يمر علي في الصباح قبل الذهاب لعمله
    واستاذ ابنائي
    وكليهما اكدا لي انهما يسجلان اسمهما اخي في الحتانة في الثالثة صباحا والاستاذ في الحارة ١٤ المهدية او الثورة
    قال يسجل اسمه في الثانية صباحا
    ويستلما الخبز بعد صلاة الفجر مباشرة
    اما ما اشرت اليه لماذا تصر الناس على استخدام الرغيف
    فقولك حق
    ولكنه معدوم

    امس كنت في اجتماع بعد صلاة المغرب في شارع ١٧ العمارات
    وقدموا لنا صناديق بها وجبة عشاء
    لم يؤسني كثيرا عندما قام احد المجتمعين بتجميع الخبز المتبقى حتى الذي استخدم ليحمله لداره؟
    دون حياء او شعور بالخجل
    شفتي الحالة وصلت وين؟
                  

10-08-2020, 04:06 PM

Asim Ali
<aAsim Ali
تاريخ التسجيل: 01-25-2017
مجموع المشاركات: 8347

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Ali Alkanzi)

    مشهد من مشاهد المعاناه
    بالنسبه للمرتبات لااعلم عن الوزارات الاخرى لكن وزاره الماليه ووزيرتها الموهوبه بعد تنصلت الشهر الماضى من دفع مرتبات التعليم العالى (حسب الزيادات) بحجه ان مايدفع للتعليم العالى تحت بند (جعم) وبعد ضغط تم الصرف فى منتصف الشهروالان تكرر الوزاره نفس المسلك مع منسوبلى التعليم العالى (اللهم الا الجامعات التى لديها موارد ذاتيه او اتفاقات مع البنوك).
    وزيره الماليه تدفع بشريحه اساتذه الجامعات (احد اضلاع التنميه والنهضه) الى الهجره وافراغ الجامعات من ماتبقى من خبرات وعقول بعد الهجرات الماضيه خلال العهد البائد.
                  

10-10-2020, 05:10 PM

Ali Alkanzi
<aAli Alkanzi
تاريخ التسجيل: 03-21-2017
مجموع المشاركات: 6586

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Asim Ali)

    الاخ عاصم
    شكرا لتواجدك هنا وقولك:
    Quote: وزيره الماليه تدفع بشريحه اساتذه الجامعات (احد اضلاع التنميه والنهضه) الى الهجره وافراغ الجامعات من ماتبقى من خبرات وعقول بعد الهجرات الماضيه خلال العهد البائد.

    واعلم اخي عاصم
    بعد اقامة دامت لاربع سنوات اعقبت هجرة امتدت لما يقارب الاربعة عقود
    نجد ان الوطن في كل عام هو اكثر سوءً مما مضى
    لهذا كل العوامل تدفع بكوادر السودان المدربة إلى الهروب اي ليس اساتذة الجامعات فحسب
    فالامر انكى وامر
    لك ودي
                  

10-12-2020, 07:04 AM

Ali Alkanzi
<aAli Alkanzi
تاريخ التسجيل: 03-21-2017
مجموع المشاركات: 6586

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Ali Alkanzi)

    يبقى حتى مداخلة اخرى
                  

10-15-2020, 05:00 PM

Asim Ali
<aAsim Ali
تاريخ التسجيل: 01-25-2017
مجموع المشاركات: 8347

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Ali Alkanzi)

    [QUOTE
    ]صدق أو لا تصدق .. ظهور صفوف جديدة لهذه السلعة (….)
    الخرطوم منى رضوان - 15 أكتوبر 2020
    رصدت (الانتباهة أون لاين) اصطفاف وزحام المواطنين على إحدى بوابات الصيدليات بمنطقة الشهداء أمدرمان لشراء المحاليل الورِيديّة (دربات). وقال عدد من المواطنين لـ (الانتباهة أون لاين) أن عدد كبير من المستشفيات تخلو من الدربات ومعظم الصيدليات الخارجية ولا يمكن الحصول على (الدرب) إلا عن طريق روشتة مختومة تذهب بها إلى الامدادات الطبية لتقف في صف الانتظار حتى لو كانت حالة مريضك حرجة. وعلق ناشطون على وسائط التواصل الاجتماعي أن صف (الدربات) هو أحدث الصفوف في ظل الأزمات التي يعاني منها المواطن والندرة الكبيرة في سلع أساسية كالخبز والغاز والوقود.
    وفي تصريحات صحفية سابقة أكد الأمين العام لجمعية حماية المستهلك د. ياسر ميرغني أن الصيدليات مليئة بالمنشطات وأدوية الرفاهية التي لا يحتاجها كثير من المستهلكين. وأشار ميرغني إلى أن سوق الدواء فيه خلل كبير، وأقر بوجود ندرة في عدد من الأصناف الأساسية.


                  

10-15-2020, 09:18 PM

امتثال عبدالله

تاريخ التسجيل: 05-15-2017
مجموع المشاركات: 4981

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: Asim Ali)

    اول دولة في العالم الصيدلية تكون فيها صفوف !!!!!!!!!!!
    والله حتى افقر دول العالم ما سمعنا ان الصيدليات فيها صفوف ..
    بوركينا فاسو وافريقيا الوسطى والصومال ما فيها صفوف رغيف ولا صفوف
    بنزين ....
    صفوف في صيدلية،،!!!!!؟؟؟؟؟؟؟
    لا حول ولا قوة الا بالله ،،،،،حتى في عهد اللصوص والحرامية ما سمعنا ان الصيدلية فيها صفوف...
    حسبنا الله ونعم الوكيل....
                  

10-17-2020, 05:29 AM

Ali Alkanzi
<aAli Alkanzi
تاريخ التسجيل: 03-21-2017
مجموع المشاركات: 6586

للتواصل معنا

FaceBook
تويتر Twitter
YouTube

20 عاما من العطاء و الصمود
Re: هل نحن (من بداخل السودان) في معيشة ضنكا؟ (Re: امتثال عبدالله)

    الاستاذة امتثال
    شكرا للحضور وكذلك الاخ عاصم الذي له حضور (مبين)
    وهو الذي حرك فيك مشاعر الغضب،
    وحرك مشاعرنا كلنا بقوله وصوره التي تعكس واقعا مريرا لامة طال صبرها
    وكاد ان ينفد
    لان الدواء عندنا
    اصبح عندها بالصفوف
    اتدرين حتى الماء عندنا اصبحت بالصفوف؟
    واخشى ان يأتي يوماً يكون:
    الهواء فيه بالصفوف
    اعتذر مقدما لكل متداخل لم ارد عليه خاصة من يأتي بعد هذه المداخلة
    فإني مهاجر لايام معدودات لقريتي الشوال

    (عدل بواسطة Ali Alkanzi on 10-17-2020, 05:30 AM)

                  


[رد على الموضوع] صفحة 1 „‰ 1:   <<  1  >>

تعليقات قراء سودانيزاونلاين دوت كم على هذا الموضوع:
at FaceBook




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de