ماكرون؟ تعدد الزوجات أفضل أم تعدد العشيقات

مرحبا Guest
اخر زيارك لك: 10-20-2020, 03:17 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
10-12-2020, 07:39 AM

محمد عبد الله الحسين
<aمحمد عبد الله الحسين
تاريخ التسجيل: 01-02-2013
مجموع المشاركات: 7127

للتواصل معنا

FaceBook
تويتر Twitter
YouTube

20 عاما من العطاء و الصمود
ماكرون؟ تعدد الزوجات أفضل أم تعدد العشيقات

    07:39 AM October, 12 2020

    سودانيز اون لاين
    محمد عبد الله الحسين-
    مكتبتى
    رابط مختصر




    أولاً عذراً ! فالعنوان قمت بتعديله في محاولة لاكسابه جزء من محتوى المقال.. وكذلك....

    المقال الالأصلي بعنوان :فرنسا وتعدد الزوجات

    منقول من صحيفة العرب..

    الاثنين 2020/10/12


    تعدد يقابله الطرد من فرنسا

    تعدد الزوجات موضوع مثير للجدل بين المسلمين أنفسهم. إنه جائز، ولكن وفقا لشروط. هذا هو الحد – القاعدة. وأول الشروط هو العدل، ومن ثم الكفاية، بكل ما تعني. والنص القرآني يجزم بعدم إمكانية العدل من الأساس، (ولن تعدلوا). وحرف الجزم ذاك، شديد القوة، شديد الوضوح، لمن يقتفي أثر المعنى، لا أثر التفسيرات والاجتهادات، التي يمكن لبعضها أن يذهب إلى حدود شنيعة، تختلف حولها “المذاهب”. والمذاهب هي بحد ذاتها جزء من مسار شنيع في الأساس، بما يخرج عن الإطار البياني والقيمي للنص المقدس، أو بما يزيد عليه أو ينقص منه، أو يلوي عنق التأويل فيه.

    فرنسا تريد أن تعمل “قصة” من هذا الموضوع، أقرب ما يكون إلى زوبعة في فنجان.

    القانون الفرنسي يحظر، من الأساس، تعدد الزوجات، وذلك كغيره من القوانين الأوروبية. وبرغم ذلك، فإن الوزيرة المنتدبة المكلفة بالمواطنة، مارلين شيابا، تريد سحب تصريح الإقامة من الأجانب متعددي الزوجات المقيمين في البلاد في إطار المشروع الحكومي لقانون ضد النزعة الانفصالية.

    النزعة الانفصالية، سلوك خطير من دون أدنى شك. وتعدد الزوجات جزء من الظاهرة. ولكن إثارة زوبعة حول قضية إشكالية بالنسبة إلى المسلمين أنفسهم، يعني أن الغاية هي الزوبعة نفسها، وليس مكافحة النزعة الانفصالية.

    هذه النزعة لا تُكافح في الواقع من هذا الباب أصلا. ولا يفترض أن تتحول إلى معركة تشريعات وإجراءات زجرية، إلا أذا كانت الحكومة الفرنسية تتوسّل ذرائع من أجل القيام بأعمال طرد.

    تقول الوزيرة “في حال تم الكشف عن تعدد الزوجات، نقترح سحب تصريح الإقامة من الشخص المعني، حتى يسوي وضعه، وقد نضطر إلى طرده”.

    ويجدر بالوزيرة أن تجيب على السؤال التالي: ما رأي القانون في رجل لديه زوجة واحدة، وثلاث عشيقات؟

    لا يوجد تشريع فرنسي يمنع تعدد العشيقات. ولو أن “مسلما” فعلها، فإن القانون الذي تقترحه الوزيرة لن يطاله بكل تأكيد، لأن كثرة العشيقات، وممارسة الجنس مع خمسين امرأة، بل الدعارة نفسها، شيء مشروع أيضا.

    هذا هو أحد أبرز عيوب النفاق في السجال الغربي حول قواعد الزواج في الشريعة الإسلامية.

    إدانة تعدد الزوجات، تبدو قضية لا علاقة لها بما يمارسه رجل ما مع مجموعة نساء. ولكن له علاقة شديدة الصلة بمحاولات التشويه المتعمدة ضد الإسلام كدين، وكمشروع حضاري أو ثقافي.

    على أي حال، فلو توفرت شروط العدل والكفاية، فإن رجلا وأربع زوجات، لا بد وأن يكون في وضع حقوقي أكثر تعقيدا، من رجل وأربع عشيقات. لأنه سيكون ملزما بأداء سلسلة من الواجبات في الحالة الأولى، بينما يكون حرا إلى حد بعيد في الحالة الثانية. ولو حدث وأن انتهت العلاقة الزوجية إلى وجود أطفال، فإن الواجبات المترتبة عليه تتضاعف. بينما نمط العلاقات الآخر، نادرا ما يعني شيئا على أرض الواقع.

    تعدد الزوجات، في إطاره التشريعي الصحيح، يقصد حماية حقوق المرأة وتأطيرها في عقود ذات طبيعة قانونية ملزمة. بينما تعدد العشيقات لا يحمي أحدا من أي شيء، بما في ذلك تداول الأوبئة.

    دعاة "التحرر" الذين يدينون الإسلام من زاوية القيود التي يفرضها ضد "تسليع" المرأة إنما يقفون على أرض رخوة للغاية ويعجزون في النهاية عن الصمود أمام أي سجال ثقافي متزن

    هذا هو الفرق بين “تعدد الزوجات” الذي يجيزه التشريع الإسلامي، وبين “تعدد العشيقات” الذي تجيزه التشريعات الغربية أو تغض البصر عنه.

    بعض أسباب تعدد الزوجات جدير بالاعتبار حقا. فالزواج من امرأة أخرى، إذا ظهر أن الأولى عاقر، خير من تطليقها. الأمر هنا يتوقف على الاختيار الحر بين الطرفين في معظم الأحوال. وبالمقدار نفسه، فإنه يجيز للمرأة أن تطلب الطلاق، دون سجال، إذا ظهر أن زوجها عاقر.

    الكل يعرف، على أيّ حال، أن النفاق هو جزء من المعركة الحضارية ضدّ الإسلام. ولكنه نفاق في النهاية. وعلاته غالبا ما تنتهي إلى فضيحة أخلاقية أكثر سوءا.

    الإسلام يُحرّم الدعارة. ولهذا التحريم أسباب جديرة بالاعتبار أيضا. جانب بسيط منها يقصد حماية صحة الرجل، ولكن كل جوانبها الأخرى، تقصد حماية المرأة من أن تكون سلعة جنس.

    دعاة “التحرر” الذين يدينون الإسلام من زاوية القيود التي يفرضها ضدّ “تسليع” المرأة، والتبرج جزء من “التسليع”، إنما يقفون على أرض رخوة للغاية. ويعجزون في النهاية عن الصمود أمام أيّ سجال ثقافي متزن.

    خير للرجل، أن يكتفي بزوجة واحدة. ولكن خير للمرأة أن تكون زوجة ثانية من أن تكون سلعة.

    هذا هو المعيار الأساسي للتشريع في الإسلام، على وجه الدقة والحصر. وتكاد الثقافة الغربية تقول الشيء المضاد.

    نساء غربيات كثيرات، عندما يدركن المغزى، يُقبلن على الإسلام، ويتقيدن به أكثر من النساء اللواتي ولدن مسلمات في الكثير من الأحيان. السبب يتعلق بعمق الإدراك، أو بصدمته بالأحرى. المسلمة لا تبدأ مع دينها بصدمة، لأنها غالبا ما تأخذه على أنه تحصيل حاصل.

    ما يهمّ في التنازع حول “الانفصالية الإسلامية” هو أن يصدر عن ثقافة قادرة على خوض الحوار، بل وقبل ذلك، قادرة على فهم الآخر وعلى استيعابه، وعلى إدراك المقاصد الأخلاقية للحجة والحجة المضادة.

    ولو أمكن لهذه المقاصد أن تقف على أرض وسط؛ أرض فهم مشترك، وقبول عقلاني، فإن المعركة ضدّ التطرف سوف يمكن الفوز بها، أسهل وأسرع.

    فرنسا جديرة تماما، بأن تتصدر هذا الجهد، وأن تحوّله إلى عمل ثقافي منفتح، شجاع، ومرح. وأن تكون غايته الدمج، لا الطرد. الاستيعاب، لا النبذ. الفهم المشترك، لا الإقصاء.

    تعدد الزوجات، لن يكون حينها، موضوعا من الأساس. يمكن لفرنسا أن تحافظ على قوانينها. كما يمكن لها أن تدعو المسلمين أن يحافظوا على معاييرهم عندما تتفق مع نفسها بالفعل.

    علي الصراف

    كاتب عراقي








                  

10-12-2020, 08:17 AM

Abureesh
<aAbureesh
تاريخ التسجيل: 09-22-2003
مجموع المشاركات: 23098

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: محمد عبد الله الحسين)

    طبعا الكتاب المسلمين معظمهم لما يتحدثون عن تعدد الزوجات على طول يتحدثون عن العشيقات فى الغرب.. وكأن فى العالم العربى والإسلامى ليست هناك عشيقات.. إفلاس فكرى.
    فى الغرب يسمى الرجل المتزوج الذى له علاقة بإمرأة أخرى يسمى infidel.. أى كافر.. إنفيدال تعنى كافر عديل.. ما عاصى.. وإكتشاف العلاقة وتوثيقها بالدليل هو السبب الوحيد
    فى المحاكم الغربية الذى يجيزيعطى حق طلاق المرأة بدون أى أسئلة أو تعقيدات أخرى. والكلام عن أن الرجل فى الغرب له زوجة ومجموعة من العشيقات فهذا كلام جاهل وسخيف.
    وفى كل مجموعة فى العالم تجد (الكفار) أو العصاة، حتى عند الوثنيين، ولكن هذه قلة لا يعتد بها. علاقات الصداقة فى الغرب بين الشباب الغير متزوج وغالبا تنتهى بالزواج. وهى فى الواقع
    يجرى عليها ما يجرى فى الزواج.. يعنى العلاقة مثل الزواج بالضبط يعنى لا يستطيع الرجل أن تكون له أكثر من عشيقة فى وقت واحد.. ثم لو أنجب طفل يكون هو المسؤول عنه، وغالبا
    لو جابوا طفل يتزوجوا.. الكتاب المسلمين ينحتون من رأسهم صور للغرب لا وجود لها إلا فى خيالهم ، وهم رقبتهم معووجة 180 درجة. شوف كلنتون تمت محاكمته فى الكونجرس حين
    كشفت أحدى الموظفات علاقة معه وهو متزوج، وكاد بفقد الرئاسة. ولولا زوجته دعمته ووقفت الى جانبه من منطلق إيمانها بالقضاء والقدر لدمر مستقبله السياسى.
                  

10-12-2020, 08:59 AM

أحمد محمد عمر

تاريخ التسجيل: 03-03-2010
مجموع المشاركات: 4752

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: Abureesh)

    Quote: دعاة “التحرر” الذين يدينون الإسلام من زاوية القيود التي يفرضها ضدّ “تسليع” المرأة، والتبرج جزء من “التسليع”
    بحيرني مصطلح تسليع دة
    كون المرأة تتحب أو تختار تكون عندها علاقة مع راجل أو تلبس قصير دي خياراتها براها مافي زول مسلعها
    ليه دايماً المتحدثين بإسم الدين بيفرضوا وصايتهم على المرأة وكأنها كائن غير مكتمل العقل بيتساق من أضانه بدون ما يعرف!
    الدفاع عن المرأة (تحديداً) ضد خياراتها الشخصية دة قمة التسليع .. كدة جعلتها سلعة خاصة بيك انت تتصرف فيها وشلت منها الإرادة الحرة
                  

10-12-2020, 09:06 AM

الشيخ سيد أحمد
<aالشيخ سيد أحمد
تاريخ التسجيل: 07-14-2008
مجموع المشاركات: 2328

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: Abureesh)

    سلام محمد الحسين


    كتب ابو الريش

    Quote:
    طبعا الكتاب المسلمين معظمهم لما يتحدثون عن تعدد الزوجات على طول يتحدثون عن العشيقات فى الغرب.. وكأن فى العالم العربى والإسلامى ليست هناك عشيقات.. إفلاس فكرى.


    انا اتخيل لي عدم ذكر الامر مرتبطآ بالشرق او العالم العربي لأن الامر مرفوض كفكرة وبالتالي كممارسة.


    Quote:

    فى الغرب يسمى الرجل المتزوج الذى له علاقة بإمرأة أخرى يسمى infidel.. أى كافر.. إنفيدال تعنى كافر عديل.. ما عاصى.. وإكتشاف العلاقة وتوثيقها بالدليل هو السبب الوحيد
    فى المحاكم الغربية الذى يجيزيعطى حق طلاق المرأة بدون أى أسئلة أو تعقيدات أخرى. والكلام عن أن الرجل فى الغرب له زوجة ومجموعة من العشيقات فهذا كلام جاهل وسخيف.
    وفى كل مجموعة فى العالم تجد (الكفار) أو العصاة، حتى عند الوثنيين، ولكن هذه قلة لا يعتد بها. علاقات الصداقة فى الغرب بين الشباب الغير متزوج وغالبا تنتهى بالزواج. وهى فى الواقع
    يجرى عليها ما يجرى فى الزواج.. يعنى العلاقة مثل الزواج بالضبط يعنى لا يستطيع الرجل أن تكون له أكثر من عشيقة فى وقت واحد.. ثم لو أنجب طفل يكون هو المسؤول عنه، وغالبا
    لو جابوا طفل يتزوجوا.. الكتاب المسلمين ينحتون من رأسهم صور للغرب لا وجود لها إلا فى خيالهم ، وهم رقبتهم معووجة 180 درجة.


    أديتني إحساس إتك رافض لمبدأ المقارنة مع وصف "التخلف" للمجتمع العربي الرافض للفكرة والممارسة..
    انت بتفتكر انو الزواج بعد إنجاب طفل من علاقة جنسية بيحل المشكلة؟؟
    الموضوع من خلال ردك وضح لي انو مرتبط بالكفالة والصرف على الطفل!!
    طيب وين النهي الإلهي عن الامر ..تحريم تام للامر الا من خلال رباط شرعي..


    Quote: ولولا زوجته دعمته ووقفت الى جانبه من منطلق إيمانها بالقضاء والقدر لدمر مستقبله السياسى.


    دي ما فهمتها !!
    كيف يعني القضاء والقدر؟؟
    يعني القضاء و القدر هو الدافع للفعل؟؟
    طيب معناها اي زول رئيس ولا غفير كل ما يكون عنده رغبة للممارسة الجنسية الغير شرعية بمشي يمارس ويجي يقول القضاء والقدر.
    كدي عليك الله وقع لي الحتة دي.

    التحايا مرفقة عزيزي "ابو الريش"
                  

10-12-2020, 09:03 AM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 37630

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: محمد عبد الله الحسين)

    سلام يا محمد وشكرا لجلب المقال
    Quote: تعدد الزوجات أفضل أم تعدد العشيقات

    بنفس المنطق يمكن لمن يريد تطبيق مِلك اليمين بوصفه مسموحا به في الشريعة، وفق نصوص قطعية الدلالة قطعية الثبوت، أن يقول: مِلك اليمن أفضل أم تعدد العشيقات.

    Quote: القانون الفرنسي يحظر، من الأساس، تعدد الزوجات، وذلك كغيره من القوانين الأوروبية. وبرغم ذلك، فإن الوزيرة المنتدبة المكلفة بالمواطنة، مارلين شيابا، تريد سحب تصريح الإقامة من الأجانب متعددي الزوجات المقيمين في البلاد في إطار المشروع الحكومي لقانون ضد النزعة الانفصالية.


                  

10-12-2020, 09:17 AM

محمد عبد الله الحسين
<aمحمد عبد الله الحسين
تاريخ التسجيل: 01-02-2013
مجموع المشاركات: 7127

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: Yasir Elsharif)

    الأعزاء المتداخلون جميعا شكرا على مداخلاتكم الثرة و المفيدة..القصد من هذا البوست طرح مختلف الافكار حول موضوع التعدد

    والعلاقات خارج الاسرة و الأخدان أي الخليلات...

    والموضوع بخلاف إنه موضوع اجتماعي و ثقافي فهو له علاقة بوطيدة بالمعتقدات الدينية..

    طبعا الشرق يختلف عن الغرب ..لذلك من غير المنطقي المقارنة بينهما باعتبارهما متشابهين..

    المهم اتوقع أن يساعد الموضوع في طرح الإكار مختلفة بطريقة يستفيد منها الجميع..

    لكم الشكر جميعاً


                  

10-12-2020, 09:39 AM

ABUHUSSEIN
<aABUHUSSEIN
تاريخ التسجيل: 08-14-2002
مجموع المشاركات: 34893

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: محمد عبد الله الحسين)

    Quote: طبعا الكتاب المسلمين معظمهم لما يتحدثون عن تعدد الزوجات على طول يتحدثون عن العشيقات فى الغرب.. وكأن فى العالم العربى والإسلامى ليست هناك عشيقات.. إفلاس فكرى.
    فى الغرب يسمى الرجل المتزوج الذى له علاقة بإمرأة أخرى يسمى infidel.. أى كافر.. إنفيدال تعنى كافر عديل.. ما عاصى.. وإكتشاف العلاقة وتوثيقها بالدليل هو السبب الوحيد
    فى المحاكم الغربية الذى يجيزيعطى حق طلاق المرأة بدون أى أسئلة أو تعقيدات أخرى. والكلام عن أن الرجل فى الغرب له زوجة ومجموعة من العشيقاتفهذا كلام جاهل وسخيف.
    وفى كل مجموعة فى العالم تجد (الكفار) أو العصاة، حتى عند الوثنيين، ولكن هذه قلة لا يعتد بها. علاقات الصداقة فى الغرب بين الشباب الغير متزوج وغالبا تنتهى بالزواج. وهى فى الواقع
    يجرى عليها ما يجرى فى الزواج.. يعنى العلاقة مثل الزواج بالضبط يعنى لا يستطيع الرجل أن تكون له أكثر من عشيقة فى وقت واحد.. ثم لو أنجب طفل يكون هو المسؤول عنه، وغالبا
    لو جابوا طفل يتزوجوا.. الكتاب المسلمين ينحتون من رأسهم صور للغرب لا وجود لها إلا فى خيالهم ، وهم رقبتهم معووجة 180 درجة. شوف كلنتون تمت محاكمته فى الكونجرس حين
    كشفت أحدى الموظفات علاقة معه وهو متزوج، وكاد بفقد الرئاسة. ولولا زوجته دعمته ووقفت الى جانبه من منطلق إيمانها بالقضاء والقدر لدمر مستقبله السياسى.


                  

10-12-2020, 09:55 AM

Abureesh
<aAbureesh
تاريخ التسجيل: 09-22-2003
مجموع المشاركات: 23098

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: محمد عبد الله الحسين)

    أخونا الشيخ سيد أحمد
    سلام والظاهر كلامى تحتاج تقرأه تانى.. أولا لو عايز تعرف رأيى الشخصى فهو رأى الشريعة، (وكل الشرائع السماوية رأيها هو نفسه - تحريم العلاقة الجنسية خارج نطاق الأسرة)
    والقران حسم الموضوع: * ولا تقربوا الزنا انه كان فاحشة وساء سبيلا *
    إنتهينا من دى؟

    طيب.
    كلامى عشان يوقع ليك كويس يدور حول محورين:
    1. الغرب ليس إباحى كما صوره الكاتب بل محافظ أكثر من الشرق. حاول تشاغل أمرأة لا تعرفها فى الشارع فى الغرب.. توريك اللمبة يطفوها كيف.
    2. عالمنا فى الشرق فيه من الممارسات ما يخجل منها الغرب بل يشمئز.. أقرأ عن الأغنياء الذين يسافرون أوروبا وتايلاند ويتهابلوا ويتعاوروا هناك ولا يحترمهم أحد.
    3. بالنسبة لنا كمسلمين، وكما ذكر الاخ ياسر، فإن الإسلام يبيح ملك اليد.. وهى غير الزوجة وممكن يكونن عشرة وعشرين.. لذلك لا تكيل بمكيالين.. لما يجى عند الغربيين ورغم انها غير صحيحة، يقول عنهم إباحيين
    لأنهم يملكون عشيقات مع الزوجة.. (خطأ شنيع لأن الصديقة واحدة إلا بعد أن يحلوا الصداقة) وحين تأتى للمسلمين وملك اليمين، فتترك معيار العلمانية بسرعة و تلجأ لمعيار الشريعة وتقول هذا حكم الشرع.
    ممارسة الصداقات فى الغرب محرمة حسب اليهودية والمسيحية، وهى مخالفات دينية عندهم، ويعلمون ذلك.. لذلك هم فى هذا عصاة كما العصاة عندنا لا فرق.. وطبعا حين أقول "هم" لا أقصد الأغلبية الملتزمة
    فى الغرب.. وإنما شبابهم.. وهذا ينطبق بالحرف على الشرق.. هل سمعت بالبويات فى الخليج.. ديل بالهبل ويجوز يكونن غالبية بين متوسطات السن الغير متزوجات.. بل سمعت زيجات بين الأولاد.. أما المثلية
    عندهم فيحسدهم عليها مثليو الغرب.

                  

10-12-2020, 10:15 AM

الشيخ سيد أحمد
<aالشيخ سيد أحمد
تاريخ التسجيل: 07-14-2008
مجموع المشاركات: 2328

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: Abureesh)

    Quote: أخونا الشيخ سيد أحمد
    سلام والظاهر كلامى تحتاج تقرأه تانى.. أولا لو عايز تعرف رأيى الشخصى فهو رأى الشريعة، (وكل الشرائع السماوية رأيها هو نفسه - تحريم العلاقة الجنسية خارج نطاق الأسرة)
    والقران حسم الموضوع: * ولا تقربوا الزنا انه كان فاحشة وساء سبيلا *
    إنتهينا من دى؟



    حياك الله اخونا ابوالريش

    بالحيل قريت كلامك ...
    مداخلتك ال ح اوردها الان .. مربكة شوية.
    لأنك قلت :
    Quote: أولا لو عايز تعرف رأيى الشخصى فهو رأى الشريعة،


    وتاني جيت قلت :

    Quote:
    3. بالنسبة لنا كمسلمين، وكما ذكر الاخ ياسر، فإن الإسلام يبيح ملك اليد.. وهى غير الزوجة وممكن يكونن عشرة وعشرين.. لذلك لا تكيل بمكيالين.. لما يجى عند الغربيين ورغم انها غير صحيحة، يقول عنهم إباحيين
    لأنهم يملكون عشيقات مع الزوجة.. (خطأ شنيع لأن الصديقة واحدة إلا بعد أن يحلوا الصداقة) وحين تأتى للمسلمين وملك اليمين، فتترك معيار العلمانية بسرعة و تلجأ لمعيار الشريعة وتقول هذا حكم الشرع.


    طيب اذا كانت الشريعة اباحت ملك اليد ان شاء الله عشرة نساء.
    وانت قلت انك متفق مع الشريعة ..
    ليه جيت واخضعت الامر لمقارنة؟؟
    اديتني احساس فيهو تناقض ..كأنك تضع "المصاحبة او المساكنة" بفي مقابل لتشريع الرباني وتستهجن التعرض لها
    بسبب ان العديد من المسلمين يمارسون الامر خارج اوطانهم بصورة تدعو للتقزز.
    المهم شنو هنا؟؟
    هل هو التشريع ام اتباع التشريع؟؟
    ما اهو "داعش" كل يوم بيكتل في الناس ..نقول عليهو شنو ده.؟؟
    هم برضهم مسلمين...لكن افعالهم تخالف التشريع ولا تنفي سماحة الاسلام....لذلك حتى وضع الامر في صورة مقارنة بين ممارسات البعض
    من المسلمين في تقديري فيهو عدم انصاف للدين حين تختزله في ممارسات البعض ممن تدفعهم غرائزهم.

    ا

                  

10-12-2020, 10:22 AM

أحمد محمد عمر

تاريخ التسجيل: 03-03-2010
مجموع المشاركات: 4752

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: الشيخ سيد أحمد)

    يعني يا الشيخ تمشي السوق تشتري ليك عشرة عشرين مرة ملك يمين تربطهم في البوكسي بي وراء وتمشي بيهم البيت تقوم بيهم كلهم عادي ما فيها حاجة لأنه ربنا ما حرم ملك اليمين
    لكن تصاحب واحدة بي إرادتها وانتوا الاتنين عاقلين وراشدين مشكلة كبيرة لأنه الموضوع دة حرام
    هسة (التسليع) ياتو فيهم؟

    المقارنة لأنه صاحب المقال نفسه بقارن بين الشريعة والمجتمع الغربي
                  

10-12-2020, 10:54 AM

الشيخ سيد أحمد
<aالشيخ سيد أحمد
تاريخ التسجيل: 07-14-2008
مجموع المشاركات: 2328

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: أحمد محمد عمر)

    Quote: يعني يا الشيخ تمشي السوق تشتري ليك عشرة عشرين مرة ملك يمين تربطهم في البوكسي بي وراء وتمشي بيهم البيت تقوم بيهم كلهم عادي ما فيها حاجة لأنه ربنا ما حرم ملك اليمين
    لكن تصاحب واحدة بي إرادتها وانتوا الاتنين عاقلين وراشدين مشكلة كبيرة لأنه الموضوع دة حرام
    هسة (التسليع) ياتو فيهم؟

    المقارنة لأنه صاحب المقال نفسه بقارن بين الشريعة والمجتمع الغربي


    يا أحمد موضوع الإماء والعبيد ده ما كلامي انا ...ده كلام القرآن.
    القرآن شرع اباحة امر ملك اليد ...
    وفي نفس الوقت "حرم" امر "المساكنة"....

    نجي لي زي ما قلت "تصاحب واحدة وعاقلين وراشدين"..

    يعني انا كل ما اكون عندي رغبة في الممارسة امشي واشوف لي واحدة
    واجي اقعد فترة وبعد فترة ازهج منها افكها واشوف واحدة تانية؟؟

    طيب انا فرقي شنو من الحيوان البشبع غريزتو في اي مكان؟؟
    وين قول الله تعالى بتكريم الانسان ؟؟
    يعني الفرق يكون في الممارسة داخل البيوت ؟؟
    طيب ما هو في كلاب وقطط عندها بيوت ..مش كده.

    نجي لي مداخلتك دي:


    Quote: بحيرني مصطلح تسليع دة
    كون المرأة تتحب أو تختار تكون عندها علاقة مع راجل أو تلبس قصير دي خياراتها براها مافي زول مسلعها
    ليه دايماً المتحدثين بإسم الدين بيفرضوا وصايتهم على المرأة وكأنها كائن غير مكتمل العقل بيتساق من أضانه بدون ما يعرف!
    الدفاع عن المرأة (تحديداً) ضد خياراتها الشخصية دة قمة التسليع .. كدة جعلتها سلعة خاصة بيك انت تتصرف فيها وشلت منها الإرادة الحرة


    ما هو عشان تسليع دي فالمرأة مكرمة في الاسلام.

    خلينا اول حاجه نتكلم عن المحفزات للممارسة الجنسية بين الرجل والمرأة...
    الدكاترة قالو انو الرجل يحفز بالنظر...
    المرأة تحفز باللمس.
    الفرق بين المحفزات دي هو البخلي التشريع يقول "إنستري" واضربي بخمرك
    ولا تضربي بأرجلك....ده كلو عشان صاحب الصنعة "الله تعالى" هو الصانع وهو العارف
    بصنعته.
    يبقى لمن تكون المرأة مستورة معناها انت "أزلت " المحفز للرجل...

    يبقى لما انت تقول المرأة تمشي "على حل شعرها" معناها اثرت غريزة الرجل بالنظر الى مفاتن المرأة
    وبي كده انت عملتها سلعة ...لأنك لمن فكيتها بدون "ستر" معناها بتعرض فيها للغريزة الذكورية.
    الغرض الاساسي من التشريع هو الحفاظ على الجنس البشري بأفضل صورة ممكنة وغير مبتذلة
    تحفظ للإنسان كرامته وللمرأة مكانتها وكرامتها...وبذلك تسلم المجتمعات من كل مبتذل ورخيص..

    تحياتي.
                  

10-12-2020, 11:08 AM

محمد عبد الله الحسين
<aمحمد عبد الله الحسين
تاريخ التسجيل: 01-02-2013
مجموع المشاركات: 7127

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: الشيخ سيد أحمد)


    تعليق بسيط:

    أعتقد مافي حاجة اسمها ملك يمين. ملك اليمين ده كان في زمان كان فيه الاسترقاق و السبي في الحرب و الغزوات ..

    عشان كده لا معنى للاستشهاد بها الآن.زأقصد في الأوضاع الحالية.
                  

10-12-2020, 11:21 AM

أحمد محمد عمر

تاريخ التسجيل: 03-03-2010
مجموع المشاركات: 4752

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: الشيخ سيد أحمد)

    Quote: يا أحمد موضوع الإماء والعبيد ده ما كلامي انا ...ده كلام القرآن.
    القرآن شرع اباحة امر ملك اليد ...
    وفي نفس الوقت "حرم" امر "المساكنة"....
    شوف كلام صاحب المقال
    Quote: دعاة "التحرر" الذين يدينون الإسلام من زاوية القيود التي يفرضها ضد "تسليع" المرأة إنما يقفون على أرض رخوة للغاية ويعجزون في النهاية عن الصمود أمام أي سجال ثقافي متزن
    هذا هو الفرق بين “تعدد الزوجات” الذي يجيزه التشريع الإسلامي، وبين “تعدد العشيقات” الذي تجيزه التشريعات الغربية أو تغض البصر عنه.
    أي زول بتكلم عن سجال ثقافي عليه نزع القدسية النصوص الدينية
    ما انت براك الاعتبرتها مقابل ثقافي وليس تشريع ديني غير قابل للنقاش! مش كدة؟
    أول حاجة مافي حاجة اسمها تعدد عشيقات في الغرب .. الزول بتكون عنده عشيقة واحدة بس ما بقدر يعشق غيرها إلا يخليها أو يبقى خائن بنفس مفهوم الخيانة الزوجية عند المسلمين
    يعني فكرة إنه الخواجي عندو 3 عشيقات وهن عارفات بعض ويتجول بيناتهم عادي دي من صنع خيال الكاتب .. الكلام دة بحصل في الزواج الاسلامي بس لكن في الدول الغربية الخيانة موضوع كبير شديد بتتهد بيه مؤسسات كاملة
    Quote: يعني انا كل ما اكون عندي رغبة في الممارسة امشي واشوف لي واحدة
    واجي اقعد فترة وبعد فترة ازهج منها افكها واشوف واحدة تانية؟؟
    الصحابة كانوا بعملوا كدة فيما يسمى بزواج المتعة
    اللي تم تحليله وتحريمه عدة مرات وبعض الصحابة استمروا فيه حتى بعد وفاة النبي زي ابن عباس
    وحتى في ملك اليمين اللي بتدافع عنه كتشريع اسلامي بحصل كدة .. تشتري جارية تقوم بيها شهرين تلاتة تزهج منها تفكها في السوق تجيب غيرها
    Quote: ما هو عشان تسليع دي فالمرأة مكرمة في الاسلام.
    انت أقريت بملك اليمين يعني تدفع قروش عشان تمارس معاها الجنس يعني البيع والشراء بالدرب العديل تاني الكلام عن التسليع الضمني والمتخيل لزومه شنو؟ ماهو انت بتشريعاتك بتشتريها من السوق عادي !!
    Quote: يبقى لما انت تقول المرأة تمشي "على حل شعرها"
    أنا ما بقول المرأة تعمل شنو .. هي البتختار تمشي على شعرها ولا ضهرها
    دة الفرق بيني وبينك انت شايفها قاصر عاوز تحدد ليها تلبس شنو .. وانا شايفها كائن مساوي لي في الإنسانية وربنا بحاسبها براها ومن حقها تختار ما تلبس
                  

10-12-2020, 11:52 AM

Asim Ali
<aAsim Ali
تاريخ التسجيل: 01-25-2017
مجموع المشاركات: 8347

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: الشيخ سيد أحمد)

    سلام عليكم
    ماقريت بنفصيل كل المداخلات لكن يبدو لى انو الناس مستخدمه كلمه تسليع المراه فى اطار ضيق.
    التسليع سواء للمراه او للجسد مرفوض لكن حقيقه ان المراه سلعه تستخدم من رؤوس الاموال للحصول على مردود اقتصادى فى الاعلان بشكل خاص وفى الفن معيار الجسد مقدم على اجاده الفن او منتج الذى يقدم سواء تمثيل او غناء وحتى فى مجال البورنو النساء هم الاشهر من الرجال كتحمات او على الاقل واصبحت متعارفه كواجهه لجذب العملاء والزيائن سكرتيره او متحصله (كاشير) فى مجل بل واحيانا فى محلات الخلاقه الرجالى عندنا فى السودان البعض وظف فتاه(على صندوق المحل /كاشير) لجذب الرجال
    المراه تستخدم كسلعه فى كل العالم لقياده الرجل من غرائزه وتخدير عقله باعتباره اكثر جنس حركه وفعل فى الاقتصاد والتجاره مقارنه بالنساء ولافرق ديانات فى الامر العقليه واحده والعجيب ان المراع (الهعموم) مستسلمه ومستسيغه للامر لانه اقصر الطرق (shortcut) للنجاح. فلانجد المراه حريصه على اثبات وجودها فى كثير من المجالات رقم مطالبتها بالمساواه ولكن مساوه بارده فحتى كشرطيه فو فى الجيش فى الغالب لاتخدم الا فى المكاتب -على سبيل المثال- بالتالى المراه هلا من تتيح للرجل تسليعها رغم تعليمها واستقلاليتها لكن ترهن نفسها كسلعهملتذله لتحقيق الكسب والنجاح.
    اما عن وصف الامر فى اطار العلاقات بين الرجل والمراه فالامر فى اعتقادى يراوح بين الاستحواذ والتملك والاستعباد.
    من جهه اخرى فكره العشيقه غير مطلقه فالنساء ايضا لهم نزواتهم وعشاقهم فى مجتمعات مختلفه بنفس الفهم والمستوى متزوجه او غير متزوجه بمقابل او بغير مقابلبل وباعد من ذلك مامر على ان سيده فى عهد الاسلام الاول مانت سيده اعمال ولهم خدم وحشم وعبيد واصبحت تستمتع بعيسدها حتى تناهى الامر الى الهليفه فاستدعاها وونهاها ذلك باعتبار الاستماع بالجوارى للرجل دون النساء وامكانيه استمتاعم بعبيدهم وهذا يطرح جدل حقيقى حول التساؤل لماذا الرجل يستمتع بجاريته والمراه لاتستمتع بعبدها ؟؟؟؟ (طرحى للتساؤل كحاله عصف ذهنى لقضيه ممارسه اجتماعيه رغم معرفتى لملامح الاجابه على اساس عقيدتى كمسلم) والعبوديه مازالت موجوده فى فى بعض البلاد كمانعلم وليست من التاريخ. فهل برز هذا التساؤل فى موريتانيا حيث العبوديه موجوده وراسخه كعرف اجتماعى ؟

    Quote: ما يهمّ في التنازع حول “الانفصالية الإسلامية” هو أن يصدر عن ثقافة قادرة على خوض الحوار، بل وقبل ذلك، قادرة على فهم الآخر وعلى استيعابه، وعلى إدراك المقاصد الأخلاقية للحجة والحجة المضادة.

    ماكرون الايام دى- وجديثه عن ازمه الاسلام فى العالم- كاشاره انذار مبكر لاوروبا وامريكا وومناطق اخرى من تنامى وتزايد قوى مشروع الاستعمار الاخوانى تحت ستار نشرالاسلام فى هذه البلاد ومايصاحبها من خطاب كراهيه وارهاب لن يحسم بحوار فكرى وانما باشكال اخرى من الحسم هم اكثر تارخى فى اوروبا وامريكا فى التعاطى بها لحسم القضيه .وربما كان اختيار خطوات كقضيه التعدد خطزه يائسه وغبير مجديه فى التعاطى مع امشكله الاسلام السياسى (الاخوانى)
    فالاسلام لليس فى ازمه ولكن الازمه ازمه تنامى خطاب وفعل يعبر عن الاسلام تعبير لايمثل روح الاسلام وقد ساعد الغرب وحتى الانهذه الجماعات ووفر لها حضن امن والان فر اخ واق واق بدات تفعل ماتفعله فى كل عش وحضن امن تنمو فيه
                  

10-12-2020, 11:17 AM

علاء سيداحمد
<aعلاء سيداحمد
تاريخ التسجيل: 03-28-2013
مجموع المشاركات: 10807

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: أحمد محمد عمر)

    Quote: لا يوجد تشريع فرنسي يمنع تعدد العشيقات. ولو أن “مسلما” فعلها، فإن القانون الذي تقترحه الوزيرة لن يطاله بكل تأكيد، لأن كثرة العشيقات،
    وممارسة الجنس مع خمسين امرأة،


    بالنسبة لرابطة الزواج فى الغرب
    الشئ الذى يساعد على ديمومة الزواج هو :
    اثبات احد الزوجين حالة الزنا على الآخر هذا من ناحية
    ومن ناحية اخرى اقتسام الثروة بين الزوجين فى حال الطلاق .

    لايوجد شئ اسمه تعدد العشيقات انما هناك عشيقة واحدة فقط والعلاقة تفضى الى الزواج فى حال انجاب طفل
    علينا ان لا نفرض على الغرب وصاية وان نفرض عليهم عاداتنا فى التعدد حيث ان التعدد محرم فى جميغ دول الغرب
    وعلينا ان نحترم قوانينهم وكما نحن احرار فى التعدد وفى عاداتنا وتقاليدنا فانهم كذلك احرار فى منع التعدد فى بلدناهم
                  

10-12-2020, 11:29 AM

HAIDER ALZAIN
<aHAIDER ALZAIN
تاريخ التسجيل: 12-27-2007
مجموع المشاركات: 20090

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: أحمد محمد عمر)

    الفهمته عن كاتب المقال اعلاه انه بيوجه دعوة للاخوة الفرنسيين الأشقاء لسجال ثقافي متزن يظن انه هو يملك ادواته..
    يهدف من هذا السجال في الأخيـر تحقيق إنتصار يجيز ليهو تصدير ثقافته الي البيئة والارض الفرنسية وبعد إعلان هزيمة الثقافة الفرنسية بمنطق ولغة وثقافة المسلمين الزاحفين من وطنهم للوطن الفرنسي الذين يعتبر ثقافتهم ضالة حسب معياره.
    خلينا من مقابلة الأمـر او توقع ردة فعله هو نفسه إذا سعى الفرنسيون في المقابل لتصدير ثقافتهم لداخل البلاد الاسلامية فكلنا نعلم كيف ستكون لكن لنراجع ثقافته الاسلامية نفسه التي يريد تصديرها..

    يقول في الغايـة من تشريع العلاقة بين الرجل والمرأة في الاسلام :

    Quote: خير للرجل، أن يكتفي بزوجة واحدة. ولكن خير للمرأة أن تكون زوجة ثانية من أن تكون سلعة.هذا هو المعيار الأساسي للتشريع في الإسلام، على وجه الدقة والحصر. وتكاد الثقافة الغربية تقول الشيء المضاد.


    اانا كفرنسي علماني ممكن أفهم من هذه اللغة ان المرأة في الثقافة الاسلامية يا بيت زوج وراجل يشتريها .. او انها تلقائياً ستكون داعـرة وتحوم في الشوارع امفكو..
    وشرع الزواج لمنع هذا السبب ..
    وبكدة ثقافياً فقط على مدلول الدقة والحصر القالهم في اثباته اعلاه بيشوف انه أي إمراءة في الوسط الثقافي الاسلامي إن لم تجد رجلاً يتخلى عن " خيـر الإكتفاء " ويرتضي بها زوجة ثانية
    فمصيرها التسليع والبيع والتدعر والتعشق كما يحصل في الغرب..
    الافهمه زيادة من كدة انه هذه الثقافة التي يقصد ان يعبر عنها لا تجعل مصيـر المرأة مرتبطاً بالرجل استعلائياً فقط ولكن غايـة وجودها وخلقها هو الزواج والإنجاب..
    ودي مسألة بتتعارض اساساً مع مبدأ آخـر من مبادئ الثقافة الاسلامية العامة والمأطرة للغاية العظمي من وجود المخلوق والبتتعلق بالعبادة والخضوع لله..
    وان كان الفعل الجنسي كغريزة نفسه في احد التأؤلات الثقافية تم استخدامه كعبادة لها الأجـر والمثوبة .. وان كنت ذا مال وجاه فلك ان تسعى للأجر والمثوبة وتكثر من الحسنات بالإكثار من النساء..
    وهنا الخيــر كل الخيـر في الإكثار وزيادة الحسنات وليست الدقة والحصر كما قال آنفاً ..

    أخيـراً فهمت منه نهايـة المقال انه مع إشادته بفرنسا وجدارتها بيدعوها لتغيير القوانيين التي تتؤام مع ثقافته هو وتتنكر للثقافة الفرنسية الداعيـةالقائمة في مجملها على الفصل مابين الدين والدولة..
    ويبشر فرنسا إنها في حالة تبنت ثقافته فهي قادرة على دعوة المسلمين إلي الاتفاق على معايير اسلامية والمحافظة عليها..
    المعايير دي هي العبر عنها بقوله بداية المقال :/

    Quote: التي يمكن لبعضها أن يذهب إلى حدود شنيعة، تختلف حولها “المذاهب”. والمذاهب هي بحد ذاتها جزء من مسار شنيع في الأساس، بما يخرج عن الإطار البياني والقيمي للنص المقدس، أو بما يزيد عليه أو ينقص منه، أو يلوي عنق التأويل فيه.


    الكاتب ناسي حاجة واحدة بس في المقال دا .. ما وراني هل يمكن لفرنسا ان توائم وتتوافق المعايير المسيحية أو اليهودية في ثقافتها وقوانينها ام الدعوة لمعاييره هو فقط ؟؟!





    ـــــــــــــ

    رأي الشخصي...يأكل تبن بس :)

    (عدل بواسطة HAIDER ALZAIN on 10-12-2020, 11:36 AM)

                  

10-12-2020, 11:55 AM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 37630

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: HAIDER ALZAIN)

    الأخ محمد عبد الله
    لدي تعقيب على تعليقك البسيط:
    Quote: تعليق بسيط:

    أعتقد مافي حاجة اسمها ملك يمين. ملك اليمين ده كان في زمان كان فيه الاسترقاق و السبي في الحرب و الغزوات ..

    عشان كده لا معنى للاستشهاد بها الآن.زأقصد في الأوضاع الحالية.

    عندما تقول "مافي حاجة إسمها ملك يمين" في يومنا هذا فأنت تحاول أن تتجاهل أن منع ممارسة ملك اليمين لم تجئ بأمر من الحكام المسلمين أو بفتوى من الفقهاء المسلمين، وإنما جاءت بقوانين وضعية فرضها الغرب على العالم، بما فيه العالم العربي والإسلامي. ولذلك عندما ظن حكام الدولة الإسلامية في العراق والشام، داعش، أنهم قد تحرروا من سلطة الأوامر الوضعية المانعة لملك اليمين، لم يترددوا في إحياء ممارسته. بل هناك من يصرح من وهابية السودان بأمور مضحكة، حال تمكن المسلمون من إحياء وممارسة شريعة جهاد الطلب، وهي تشتمل على إعادة ملك اليمين كما يخبرنا الوهابي محمد مصطفى عبد القادر في هذه الشريحة.


    العالم يتابع مثل هذا الكلام ويأخذه مأخذ الجد تماما، خاصة بعد قيام الدولة الإسلامية في العراق والشام، وإمكانية تكرارها في مناطق أخرى.

    ياسر
                  

10-12-2020, 12:10 PM

الشيخ سيد أحمد
<aالشيخ سيد أحمد
تاريخ التسجيل: 07-14-2008
مجموع المشاركات: 2328

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: HAIDER ALZAIN)

    Quote: شوف كلام صاحب المقال


    طالما اتبنيت فهم صاحب المقال يبقى مافي داعي امشي اشوف قال شنو.

    Quote:
    هذا هو الفرق بين “تعدد الزوجات” الذي يجيزه التشريع الإسلامي، وبين “تعدد العشيقات” الذي تجيزه التشريعات الغربية أو تغض البصر عنه.
    أي زول بتكلم عن سجال ثقافي عليه نزع القدسية النصوص الدينية
    ما انت براك الاعتبرتها مقابل ثقافي وليس تشريع ديني غير قابل للنقاش! مش كدة؟


    لا مش كده.
    ده ما سجال ثقافي دي تشريعات عقائدية..
    بتحكم تعامل البشر فيما بينهم..

    انا كمسلم ملزم بإتباع التشريع..غير المسلم "بي جازو" ماعندي معاهو شغلة..
    مابفرض عليهو يتبع تشريعي العقائدي.

    Quote:
    الصحابة كانوا بعملوا كدة فيما يسمى بزواج المتعة
    اللي تم تحليله وتحريمه عدة مرات وبعض الصحابة استمروا فيه حتى بعد وفاة ا


    الصحابة كانو بياكلو الضب ..انا برضو مفروض آكل الضب؟؟
    منو القال ليك الصحابة معصومين من الخطأ..طيب ما كان يعملو رايحين من الصلاة والصيام
    وباقي العبادات...
    ومن وين جبت انو ابن عباس مارس زواج المتعه في ياتو سند ولا ياتو مرجع الكلام ده موجود؟؟



    Quote:
    انت أقريت بملك اليمين يعني تدفع قروش عشان تمارس معاها الجنس يعني البيع والشراء بالدرب العديل تاني الكلام عن التسليع الضمني والمتخيل لزومه شنو؟ ماهو انت بتشريعاتك بتشتريها من السوق عادي !!
    Quote: يبقى لما انت تقول المرأة تمشي "على حل شعرها"



    كيف اقريت يعني ؟؟
    هو التشريع فيهو مفاضلة وخيار وفقوس عشان اقر ولا ما اقر؟؟

    Quote: أنا ما بقول المرأة تعمل شنو .. هي البتختار تمشي على شعرها ولا ضهرها


    شخصيآ اقول واقوم واقدم الاستشارة.
    بدوافع محبة و بتكليف من الدين.
    بنقدم راينا بما يتوافق مع الدين و مراعاة للأعراف المجتمعية
    كونك ماتقول لي المرأة تعمل شنو ده موضوعك انت ...
    اذا بي فهمك ده ...نترك الاطفال دون مراقبة ودون مراعاة ..نترك المراهقين دون إرشاد
    وبالتالي نترك الفتاة دون توجيه وتقويم.
    في مجتمعنا السوداني وضعك ده وضع نادر..والنادر لا حكم له.

    Quote:
    دة الفرق بيني وبينك انت شايفها قاصر عاوز تحدد ليها تلبس شنو .. وانا شايفها كائن مساوي لي في الإنسانية وربنا بحاسبها براها ومن حقها تختار ما تلبس


    ما تحاول تضعني في مقارنة معاك رجاء ...
    انا ما في مكان مفاضلة ومنو الافضل من التاني.
    كونك تتكلم مع المرأة أو تدلي برأيك لا يعني أنك تستخف بها وتستهين بعقلها.
    أحيانآ المرأة تقصد أن تأتي بفعل غريب ..فقط من أجل أن تسمع صوت الرجل في إبداء رايه.

    حاول أقرأ قليلآ عن النساء ..عشان تفهم الكائن البديع ده ..ماهي درجة ذكائه وكيفية تفكيره.

                  

10-12-2020, 12:34 PM

أحمد محمد عمر

تاريخ التسجيل: 03-03-2010
مجموع المشاركات: 4752

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: الشيخ سيد أحمد)

    Quote: منو القال ليك الصحابة معصومين من الخطأ
    يا زول دة كلام شنو؟
    زواج المتعة جاء بي إقرار مباشر من النبي (ص)
    Quote: ومن وين جبت انو ابن عباس مارس زواج المتعه في ياتو سند ولا ياتو مرجع الكلام ده موجود؟؟
    من صحيح مسلم (كان ابن عباس يأمر بالمتعة وكان ابن الزبير ينهى عنها .....) إلى آخر الحديث
    Quote: اذا بي فهمك ده ...نترك الاطفال دون مراقبة ودون مراعاة ..نترك المراهقين دون إرشاد
    الأطفال قصّر بحتاجوا لإرشاد فهل بترى إنه المرأة برضو قاصر؟
    Quote: حاول أقرأ قليلآ عن النساء ..عشان تفهم الكائن البديع ده ..ماهي درجة ذكائه وكيفية تفكيره.
    يا النبي نوح!
    نعلو أقل ذكاء مننا بسبب الأعضاء التناسلية!!
    ليه اقرأ عن المرأة ؟ عندي أم واخوات وزوجة وبنات ما شايفهم كائنات فضائية .. بل أقر وأعترف إنه أمي أذكى مني بي كتير .. الذكاء العااااادي دة وبتفكر احسن مني
                  

10-12-2020, 12:46 PM

محمد عبد الله الحسين
<aمحمد عبد الله الحسين
تاريخ التسجيل: 01-02-2013
مجموع المشاركات: 7127

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: أحمد محمد عمر)

    تعليقاً على كلام الأخ ياسر

    Quote: أخ محمد عبد الله
    لدي تعقيب على تعليقك البسيط:

    Quote: عندما تقول "مافي حاجة إسمها ملك يمين" في يومنا هذا فأنت تحاول أن تتجاهل أن منع ممارسة ملك اليمين لم تجئ بأمر من الحكام المسلمين أو بفتوى من الفقهاء

    المسلمين، وإنما جاءت بقوانين وضعية فرضها الغرب على العالم، بما فيه العالم العربي والإسلامي. ولذلك عندما ظن حكام الدولة الإسلامية في العراق والشام، داعش

    ، أنهم قد تحرروا من سلطة الأوامر الوضعية المانعة لملك اليمين، لم يترددوا في إحياء ممارسته.

    *************************************************************

    الأخ ياسر تحياتي
    ماكنت قايل مطلوب مني أن استرسل في موضوع ملك اليمين حتى أقول إنه ملك اليمين لم يمنعه ‏حاكم مسلم أو غيره..‏

    لكن طالما فتحت النافذة دي أوضح رأي:‏
    كان السبي سلوكاً شائعاً في كل المجتمعات القديمة تقريباً بالذات خلال الحروب ..وتحكي ‏الاساطير ‏اليونانية الكثير من تلك العمليات كما في الالياذة الاوديسة

    و حرب طروادة ..ومعظم ‏الحروب القديمة و ‏هي عملية انتقامية. و لازال في العصر الحديث يمارس و لكن في مناطق ‏معزولة و في فترات زمنية ‏قصيرة.‏

    ملك اليمين أصلاً هو السبي والخطف والاسترقاق أثناء الحرب أو الغزو أو الغارات ولاشيء غير ‏ذلك. و ملك اليمين كان سلوك مشاع قديماً وحتى القرن الثامن عشر.

    ...و استمر بأشكال متعددة..في ‏المناجم و المزارع و البيوت..و في كل أنحاء العالم ..وما تجارة الرقيق إلا شكل منه..‏

    ولم يمنعه الغرب إلا في وقت متأخر بعد أن مارسه هو وشبع منه..وما فعله الغربيين الأسبان في ‏دول أمريكا الجنوبية مئات السنين من فظائع السبي أرحم منها بمراحل‏


                  

10-12-2020, 01:14 PM

الشيخ سيد أحمد
<aالشيخ سيد أحمد
تاريخ التسجيل: 07-14-2008
مجموع المشاركات: 2328

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: محمد عبد الله الحسين)

    Quote: يا زول دة كلام شنو؟
    ز


    ده كلام عديل

    ابوذر الغفاري مش كان صحابي ولا ما كده.
    قال شنو لي بلال بن رباح؟؟
    طيب اذا كان معصوم ليه غلط بصورة كبيرة زي دي.


    Quote: يا زول دة كلام شنو؟
    زواج المتعة جاء بي إقرار مباشر من النبي (ص)
    Quote: ومن وين جبت انو ابن عباس مارس زواج المتعه في ياتو سند ولا ياتو مرجع الكلام ده موجود؟؟
    من صحيح مسلم (كان ابن عباس يأمر بالمتعة وكان ابن الزبير ينهى عنها .


    العلاقة شنو بين زواج المسيار و المساكنة او المصاحبة؟؟
    شنو الضوابط البتحكم زواج المسيار؟؟



    Quote:
    الأطفال قصّر بحتاجوا لإرشاد فهل بترى إنه المرأة برضو قاصر؟


    ليه ما جبت الاقتباس كامل ..مش برضو فيهو الفتاة..
    ولا انت شايف انو الفتاة غير قاصر ..


    Quote:
    يا النبي نوح!
    نعلو أقل ذكاء مننا بسبب الأعضاء التناسلية!!


    منو القال الكلام ده ؟؟
    وليه المرأة عندك طوالي ربطتها بالغريزة؟؟
    ده تناقض عجيب.




    Quote:
    ليه اقرأ عن المرأة ؟ عندي أم واخوات وزوجة وبنات ما شايفهم كائنات فضائية .. بل أقر وأعترف إنه أمي أذكى مني بي كتير .. الذكاء العااااادي دة وبتفكر احسن مني


    أمك الجابها هنا شنو؟؟
    اي زول شايف امه أكثر ذكاء منه..
    وهي ليست المقياس لمعرفة النساء ...ليه؟؟
    لأنها عاطفية حتى في أقصى درجات إنفعالها.
    نحن بنتناقش في اشياء بعضها مرتبط بالغريزة الجنسية وضوابط ممارستها..
    فما في داعي امك واختك يجو هنا ..لأنو ده شئ غير طبيعة النفس البشرية..اتخيل لي المعنى واضح.

    يبقى لمن اقول ليك اقرأ عن النساء لانو أنت محتاج تفصل بين فهم العلاقة بين أمك وبين من تقاسمها
    العاطفة "المكتسبة"...لأنو عاطفتك لي أمك عاطفة فطرية...
    أنت ما عندك خيار انو هذه تكون أمك...لكن عندك خيار في أنك تنتقي شريكتك..
    ده فرق كبير..

    كسرة:

    شايفك عملت رايح من قصة ابداء الراي للمرأة.





                  

10-12-2020, 02:28 PM

عمر سعيد علي
<aعمر سعيد علي
تاريخ التسجيل: 08-20-2015
مجموع المشاركات: 841

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: الشيخ سيد أحمد)

    شايف الناس بتكلمو عن ملك اليمين كأنه لازال موجود . .
    ملك اليمين للنساء زي العبودية للرجال كانت موجودة قبل الاسلام . .
    لما جا الاسلام ما قال للناس فكو العبيد وحررو الاماء كده بس خبط لزق . .
    لكن الامر جاء بالتدرج الى ان انتهت هذه الممارسة . .
    ولا يوجد الان حاجة اسمها ملك يمين ولا عبيد . .
                  

10-12-2020, 03:31 PM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 37630

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: عمر سعيد علي)

    Quote: الأخ ياسر تحياتي
    ماكنت قايل مطلوب مني أن استرسل في موضوع ملك اليمين حتى أقول إنه ملك اليمين لم يمنعه ‏حاكم مسلم أو غيره..‏

    لكن طالما فتحت النافذة دي أوضح رأي:‏
    كان السبي سلوكاً شائعاً في كل المجتمعات القديمة تقريباً بالذات خلال الحروب ..وتحكي ‏الاساطير ‏اليونانية الكثير من تلك العمليات كما في الالياذة الاوديسة

    و حرب طروادة ..ومعظم ‏الحروب القديمة و ‏هي عملية انتقامية. و لازال في العصر الحديث يمارس و لكن في مناطق ‏معزولة و في فترات زمنية ‏قصيرة.‏

    ملك اليمين أصلاً هو السبي والخطف والاسترقاق أثناء الحرب أو الغزو أو الغارات ولاشيء غير ‏ذلك. و ملك اليمين كان سلوك مشاع قديماً وحتى القرن الثامن عشر.

    ...و استمر بأشكال متعددة..في ‏المناجم و المزارع و البيوت..و في كل أنحاء العالم ..وما تجارة الرقيق إلا شكل منه..‏

    ولم يمنعه الغرب إلا في وقت متأخر بعد أن مارسه هو وشبع منه..وما فعله الغربيين الأسبان في ‏دول أمريكا الجنوبية مئات السنين من فظائع السبي أرحم منها بمراحل‏



    الأخ محمد عبد الله
    تحية طيبة
    أنا لا أخالفك فيما ذكرت هنا بعاليه.
    ولكني أقول أن تعدد الزوجات سيكون مستبشعا مثلما أصبحت ممارسة ملك اليمين مستبشعة.
                  

10-12-2020, 03:51 PM

osama elkhawad
<aosama elkhawad
تاريخ التسجيل: 12-31-2002
مجموع المشاركات: 15587

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: Yasir Elsharif)

    سلام محمد وضيوفه الكرام

    شكرا لمحمد على اثارة هذا الموضوع الهام.

    اتفق تماما مع ابوالريش واحمد محمد عمر.

    وعاصم علي قال:
    Quote: المراه تستخدم كسلعه فى كل العالم

    مارايكم في المذيعات في القنوات العربية خاصة في الدول المحافظة كالخليج مثلا؟

    هل هنالك مذيعة قبيحة؟
    ليه؟

    طبعا الموضوع اكبر من هذه الجزئية.

    الموضوع هو ان المسلمين لم يستطيعوا بشكل عام التأقلم في المجتمعات الغربية،

    فاصبح لهم كانتونات خاصة بهم، ولهم تطلعات بتحكيم الشريعة.

    ماكرون كان له خطاب مهم ، هاجمه اردوغان بكلمات لاذعة،

    قال من ضمن حديثه:
    Quote: الاسلام يمر بأزمة عميقة.

    فارجو الرجوع الى ماكرون في هذا الصدد.
                  

10-12-2020, 05:33 PM

Deng
<aDeng
تاريخ التسجيل: 11-28-2002
مجموع المشاركات: 50874

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: osama elkhawad)

    أنا متابع النقاش هنا.

    شايف أصحاب الاكليشيهات الدينية الجاهزة الملقنة لهم قد فشلت هذه المرة، وذلك لأن النقاش هنا حر تماما.
                  

10-12-2020, 05:34 PM

osama elkhawad
<aosama elkhawad
تاريخ التسجيل: 12-31-2002
مجموع المشاركات: 15587

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: osama elkhawad)

    سأجري تعديلاً على خبر نشرته "الجزيرة، بحيث يرد كلام ماكرون أولاً ثم ردود الفعل عليه.

    قال ماكرون في خطاب الجمعة الماضي إن الإسلام يعيش اليوم أزمة في كل مكان بالعالم،

    وعلى فرنسا التصدي لما وصفها بالانعزالية الإسلامية الساعية إلى إقامة نظام مواز وإنكار الجمهورية الفرنسية.

    وجاء تصريح ماكرون متزامنا مع استعداده لطرح مشروع قانون ضد "الانفصال الشعوري"، بهدف "مكافحة من يوظفون الدين للتشكيك في قيم الجمهورية

    وانتقد الرئيس التركي رجب طيب أردوغان بشدة تصريحات الرئيس الفرنسي إيمانويل ماكرون الأخيرة التي قال فيها إن الإسلام يعيش أزمة في كل مكان من العالم.

    وقال أردوغان إن ماكرون يحاول التغطية على الأزمة التي تعيشها فرنسا من خلال قوله إن الإسلام في أزمة.

    وأضاف أن حديث ماكرون عن إعادة تشكيل الإسلام قلة أدب ويدل على عدم معرفته لحدوده،

    مشيرا إلى أن الذين يتهربون من مواجهة العنصرية وكراهية الإسلام يرتكبون أكبر إساءة لمجتمعاتهم.

    وأدت تصريحات ماكرون حول الإسلام إلى غضب واسع في وسائل التواصل الاجتماعي، كما نددت بها هيئات دينية وعلمية في العالم الإسلامي.

    وأعلن الأزهر السبت الماضي رفضه تصريحات الرئيس الفرنسي عن الإسلام، مؤكدا أنها "عنصرية وتؤجج مشاعر ملياري مسلم".

    جاء ذلك في بيان لمجمع البحوث الإسلامية بالأزهر، بعد يومين من رفض شيخ الأزهر أحمد الطيب تصريحات مسؤول فرنسي تحدث عن مصطلح "الإرهاب الإسلامي".

    وأوضح البيان أن ماكرون اتهم الإسلام "باتهامات باطلة لا علاقة لها بصحيح هذا الدين"،

    وأضاف "نرفض بشدة تلك التصريحات ونؤكد أنها تصريحات عنصرية من شأنها أن تؤجج مشاعر ملياري مسلم".

    واستنكر البيان إصرار البعض على إلصاق التهم الزائفة بالإسلام أو غيره من الأديان، كالانفصالية والانعزالية،

    مؤكدا أن هذا الإصرار "خلط معيب بين حقيقة ما تدعو إليه الأديان من دعوة للتقارب بين البشر وعمارة الأرض، وبين استغلال البعض لنصوص هذه الأديان وتوظيفها لتحقيق أغراض هابطة".

    كما ردّ الاتحاد العالمي لعلماء المسلمين على تصريحات ماكرون موضحا أن المقتنعين بالإسلام يزدادون كل يوم، "فهو ليس في أزمة،

    وإنما الأزمة في الجهل بمبادئه وحقائقه والحقد عليه وعلى أمته، فهي أزمة فهم وأزمة أخلاق".
                  

10-12-2020, 05:47 PM

علاء سيداحمد
<aعلاء سيداحمد
تاريخ التسجيل: 03-28-2013
مجموع المشاركات: 10807

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: osama elkhawad)

    يا شباب بالنسبة للطلاق فى الغرب بصفة عامة :
    موضوع الطلاق صعب جداً وخاصة من ناحية الميراث لان المرأة فى حال الطلاق
    تحصل على نصف ثروت زوجها .
    الآن العلاقة بين ترامب وزوجته ميلانيا سيئة وميلانيا تريد الطلاق وترامب رافض
    لانها سترث نصف ثروته .
    كما حدث قبل شهور للملياردير مالك - امازون - جيف بيزوس وزوجته ماكينزي
    بعد ان نشرت صحيفة امريكية صور فاضحه له مع عشيقته .
    حيث طالبت ماكينزى بالانفصال حصلت على ثروة هائلة جعلت منها واحدة من
    اثرى اثرياء العالم .
                  

10-12-2020, 05:48 PM

علاء سيداحمد
<aعلاء سيداحمد
تاريخ التسجيل: 03-28-2013
مجموع المشاركات: 10807

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: علاء سيداحمد)

    لذلك يلجأون فى الغرب الى اتخاذ الاخدان
    والعشيقات .

    (عدل بواسطة علاء سيداحمد on 10-12-2020, 05:51 PM)

                  

10-13-2020, 02:54 AM

tasneem

تاريخ التسجيل: 02-05-2002
مجموع المشاركات: 1212

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: علاء سيداحمد)

    موضوع الطلاق صعب جداً وخاصة من ناحية الميراث لان المرأة فى حال الطلاق
    تحصل على نصف ثروت زوجها .
    الآن العلاقة بين ترامب وزوجته ميلانيا
    سلام
    الموضوع ما علي الرجل فقط
    برضو في الغرب الغرب الزوج بياخد
    نصف ثروة زوجته في حالة الطلاق
    تحياتي
                  

10-12-2020, 05:45 PM

Asim Ali
<aAsim Ali
تاريخ التسجيل: 01-25-2017
مجموع المشاركات: 8347

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: عمر سعيد علي)

    Quote: شايف الناس بتكلمو عن ملك اليمين كأنه لازال موجود . .
    ملك اليمين للنساء زي العبودية للرجال كانت موجودة قبل الاسلام . .
    لما جا الاسلام ما قال للناس فكو العبيد وحررو الاماء كده بس خبط لزق . .
    لكن الامر جاء بالتدرج الى ان انتهت هذه الممارسة . .
    ولا يوجد الان حاجة اسمها ملك يمين ولا عبيد . .

    الاخ عمر سعيد
    العبوديه موجوده ةانصع مثال موريتانيا .
    حادثه سمعت عنها ايام الجامعه فى فتره دراستى فى دوله عربيه واحد من الاخوهالسودانيين (من الجنوب) لاحظ انو فى الداخليه واحد من الجنسيه الذكرتها دى طوالى فى الحمامات بيغسل يوم فضول سالو انت ليه طوالى شغال غسيل ليه ؟؟؟
    فكان الرد الصادم انو يغسل ملابس ابناء اسيادو فى الوطن (زملائو فى الجامعه ) فما كان من الاخ السودانى الانو انتقدو على اساس انو نوعو دا جايب الكفوه للافارقه والسود ويقال انو جلدو جلد نضيف
                  

10-12-2020, 06:03 PM

عمر سعيد علي
<aعمر سعيد علي
تاريخ التسجيل: 08-20-2015
مجموع المشاركات: 841

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: Asim Ali)

    الحبيب عاصم علي
    صراحة ما عارف ده عبد وديك اسياد بي ياتو فهم وبي اي صفة . .
    امتياز السيادة ده جا من وين وكيف . .؟
    كل التقدير والتحية . .
                  

10-12-2020, 06:16 PM

علاء سيداحمد
<aعلاء سيداحمد
تاريخ التسجيل: 03-28-2013
مجموع المشاركات: 10807

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: Asim Ali)

    مافى اى وجه للمقارنة بين تعدد الزوجات و اتخاذ العشيقات و اتخاذ السرارى ( ملك اليمين - الجوارى )
    لان الزواج دائماً بوثيقة رسمية عكس العشيقة والجوارى
    لان العشيقة تكون فى بيت عاشقها بدون اوراق رسمية ويمكن ان تنتهى ( المساكنة ) فى اى وقت
    و الفرق بين ملك اليمين "الجارية" والعشيقة فى انّ الجارية مغصوبة على فعلتها ( غصباً عنها )
    والعشيقة تمارس فعلتها بكامل ارادتها .

    الا اذا اعتبرنا ان الاثنان بدون اوراق تحفظ للمرأة حقها .
                  

10-12-2020, 06:47 PM

HAIDER ALZAIN
<aHAIDER ALZAIN
تاريخ التسجيل: 12-27-2007
مجموع المشاركات: 20090

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: علاء سيداحمد)

    سلامات علاء سيد احمد
    اخبارك ..
    نقطتين للتوضيح والشفافية الثقافية المستحقة للاخوة الفرنسيين بس :) :)

    Quote: لان الزواج دائماً بوثيقة رسمية عكس العشيقة والجوارى

    عشان ما يفتكرو الشغلة سايبة .. فاالجاريـة برضه بأوراق رسمية ووثائق ...
    وإن كانت الوثائق لإثبات الملكية ففيها حصرية الإستخدام برضو..
    تنتفي الحصرية دي في حالة تعميم الرخصة للعمل ببيوت زي بيوت فرنسا مثلاً :)

    التانية..
    Quote: و الفرق بين ملك اليمين "الجارية" والعشيقة فى انّ الجارية مغصوبة على فعلتها ( غصباً عنها )
    والعشيقة تمارس فعلتها بكامل ارادتها .

    حتى لايعتبر كل السلف مغتصبين او يفتح الباب للقدح في عصمة الصحابة فنقول بعد الاستعانة بالله
    مع وضع احتماليـة انه بعض العشيقات مغصوبات ايضاً ..
    فالغصب لا اظن يستقيم تعميمه على كل الجواري إلا ان كانن سبايا..
    فالمشهود خلاف نشاة الجارية على وضعها في الرق فبعضهن يسعين لها سعي برغبتهن ورغبة أهلن..
    بعلو البشر وجوههن وتسبقهن الاغاني والأماني :)

    المهم ..
                  

10-12-2020, 06:50 PM

أحمد محمد عمر

تاريخ التسجيل: 03-03-2010
مجموع المشاركات: 4752

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: HAIDER ALZAIN)

    Quote: شايف الناس بتكلمو عن ملك اليمين كأنه لازال موجود
    بالحيل موجود
    شفت فيديوهات الدواعش البتتكلم عن توزيع وسوق السبايا ؟
    خليك من الدواعش شفت كلام الشيخ سيد أحمد فوق
    قال ليك ملك اليمين دة مباح بأمر القرآن

    أي نعم في محاولات تجديد كتيرة بتحاول تضع السنة جانباً وما تجعلها ملزمة كامل الإلزام كما يفعل السلفيون .. لكن في نفس الوقت ما بتقدر تنفيها أو تخرج من مطبات ما لم يحرمه الإسلام لما تجي تتكلم عن الغرب وتنتقد حياتهم كأنه إنت عندك الحل السحري

    الفكرة إنه أي كلام عن إنه الدين الاسلامي بيصنع مجتمع أفضل لا يصمد أمام المقارنة المنطقية بدليل إنه المسلمين كل يوم بموتوا في السمبك وهم يتسللون لبلاد الكفر طالبين فيها الحياة الكريمة ويوم واحد ما شفنا لينا أوروبي ولا امريكي كافر مهاجر في بلاد مسلمة .. وكلام إنه الإسلام كويس لكن المشكلة في التطبيق برضو لا يصمد أمام المنطق معقول 14 قرن مافي زول قدر يطبقه بعد الخلفاء؟ طبعاً دة إذا سلمنا إنه أيام الخلفاء ما كان فيها حروب ولا فتنة وكانت يوتوبيا
    أنا شايف الناس تصلي صلاتها وتصوم صيامها وما أتاكم الرسول فخذوه وما نهاكم فانتهوا عنه ولا تسألوا عن أشياء سكت عنها الإسلام رحمة غير نسيان .. يعني أمر الدنيا سيبه لمعايير الدنيا وما تقيس كلام ربنا بمنطق البشر .. أمور الدين تسلم فيها تسليم كامل بدون أي تفكير
    أي محاولة مقايسة منطقية زي ما عمل كاتب الموضوع ما بتجي في صالح الاسلام .. يعني كتب عليكم الصيام خلاص تصوم وكراعك فوق رقبتك ما تقعد تقول لي السبب إنه صوموا تصحوا وبتاع .. مافي سبب دنيوي دة أمر رباني لأنه صوموا تصحوا دي لو أخضعناها للعلم التجريبي بتاع قرننا الحالي ممكن تطلع معانا بالخسارة
    قالوا المرأة تعتد بعد وفاة زوجها خلاص تعتد ما تقعد تقول براءة الرحم وبتاع .. مافي براءة ولا حاجة لأنك لو ربطت العدة بالبراءة بقول ليك خلاص لو حملت بنعمل فحص DNA كدة معناها مافي سبب تعتد موش ولا ما موش؟ وهكذا في كل الأحكام
                  

10-12-2020, 09:02 PM

محمد عبد الله الحسين
<aمحمد عبد الله الحسين
تاريخ التسجيل: 01-02-2013
مجموع المشاركات: 7127

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: أحمد محمد عمر)

    نقاش جميل و مفيد والشيء الجميل إنه رغم اختلاف الآراء لكن كان بيتم عرض الأفكار بكثير من الاحترام ..وهي سمة يجب أن تسود دائماً في كل نقاشاتنا..بس عندي تعليق بسيط على مصط-لح التسليع لمشار إليه ب OBJECTIFICATION (وإن كان المعنى له مدلولات لغوية أخرى و لكنها تدخل ضمن المعنى العام) اصبح مصطلح التسليع من المصطلحات الرائجة والمتداولة بكثرة بدءً من المفكرين وانتهاء بشيوعها في المنتديات والصحف و مجرى الحياة العام للتعبير عن ما بلغته الراسمالية ( النيوليبرالية) من توحش و سعي نحو تسليع أي شيء حتى الإنسان نفسه..و أصبح المصطلح من الشائع في أدبيات النسوية والتي ترى في النيوليبرالية وما تبعها من سيطرة للرأسمالية في أوجها خاصة مع غشيان العولمة في كل مناحي الحياة..إنما هو يجعل من المرأة ضمن فئات أخرىهدفاً للتسليع..إذن فالتسليع له أوجه عديدةقديماً و حديثاً..ولكن إن كان قديماً له ما يبرره نسبة للظروف التاريخية للتطور البشري..إلا أن الرأسمالية لا تعيش ولا تنتعش إلا بجلب كل ما ينبض بالحياة لأتونها الشرِه..تحياتي للجميع.
    املحوظة: بالنسبة لي كلمة تسليع كترجمة لكلمة OBJECTIFICATION ما مستساغة لكنها أصبحت شائعة.فالأقرب لها معاني تفيد السيطرة و الخضوع اوالإخضاع والاغتراب.

    (عدل بواسطة محمد عبد الله الحسين on 10-12-2020, 09:15 PM)
    (عدل بواسطة محمد عبد الله الحسين on 10-12-2020, 09:21 PM)

                  

10-12-2020, 09:18 PM

علاء سيداحمد
<aعلاء سيداحمد
تاريخ التسجيل: 03-28-2013
مجموع المشاركات: 10807

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: أحمد محمد عمر)

    Quote: حتى لايعتبر كل السلف مغتصبين او يفتح الباب للقدح في عصمة الصحابة فنقول بعد الاستعانة بالله
    مع وضع احتماليـة انه بعض العشيقات مغصوبات ايضاً ..
    فالغصب لا اظن يستقيم تعميمه على كل الجواري إلا ان كانن سبايا..


    يا مراحب يا حبيبنا ود الزين

    اكيد ياصديقى الصحابة حقهم محفوظ لان النبى صلى الله عليه وسلم هو الذى اباح لهم
    حيث في زمن الغزوات رخص الرسول صلي الله عليه وسلم لجنده بمعاشرة السبايا والجوارى ( ولم تكن مباحة )
    والرخصة لا تكون الا في الامور المحرمة اصلا .: مثل اكل الميتة والرسول لم يرخص بها في مجتمع المسلمين ابدا انما في الغزوات .
    وملك اليمين والسبايا والجوارى والاتجار بالبشر تم منعه بقوة القانون من جانب الامم المتحدة .
    وحتى من يقومون بها تطاردهم قوة القانون مثال : احد عناصر دواعش العراق والشام تم القبض عليه وقد تعرفت عليه ازدية
    كان هذا الداعشي قد اشتراها من داعشي آخر .



                  

10-13-2020, 01:46 AM

osama elkhawad
<aosama elkhawad
تاريخ التسجيل: 12-31-2002
مجموع المشاركات: 15587

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: علاء سيداحمد)

    Quote: خطة ماكرون ضد "الانعزالية الإسلامية"

    حماية العلمانية الفرنسية أم تأجيج للعنصرية ضد المسلمين؟

    يثير التشريع الذي تم إعداده من أجل "حماية" الجمهورية والقيم الفرنسية انقسامات عميقة في فرنسا، لاسيما وأن المسلمين الفرنسيين يخشون من أن يوصمهم بشكل غير عادل. بعض المراقبين يرون أنه يخفي حسابات سياسية. التفاصيل من الصحافية اليزابيث براينت من باريس.

    رُفع الستار عن مشروع قانون قادم لمكافحة "الانفصالية في فرنسا"، وبالرغم من تأكيدات القائمين على أن القانون يشمل التهديدات العنصرية، يرى مراقبون أنه يستهدف بوضوح التطرف الإسلامي.

    التشريع أثار جدلا حادا داخل المجتمع قبل طرحه في وقت لاحق من هذا الخريف. وفي حين يرحب البعض بالجهود الحكومية من أجل محاربة النزعة الانفصالية، يخشى قادة الجالية المسلمة الفرنسية، والتي يبلغ عدد سكانها نحو ستة ملايين نسمة - وهي الأكبر في أوروبا الغربية – من أن تطبيق هذا القانون قد يؤثر عليهم بشكل غير عادل.

    ويقول جواد بشاري، مدير جمعية "مكافحة الإسلاموفوبيا" في فرنسا، والتي اتُهمت بصلتها بجماعة الإخوان المسلمين: "نحن نقترب من نهاية ولاية ماكرون الأولى. ومع كل انتخابات تعود نفس الأسئلة للطرح داخل المجتمع وهي عن المسلمين، وتمويل دور العبادة".

    هجمات شارلي إيبدو

    خطاب الرئيس الفرنسي إيمانويل ماكرون الأخير، الذي وعد فيه بملاحقة النزعات المذكورة والجرائم المرتبطة بها، جاء بعد أيام فقط من طعن شخصين أمام المقر السابق لمجلة "شارلي إبيدو" الساخرة.
    .
    ومن المتوقع أن يعزز مشروع هذا القانون ملاحقة تمويل المساجد والمدارس الدينية الأجنبية الخاصة، ونقابة الأئمة الأجانب، وزيادة المراقبة على الجمعيات والأفراد المشتبه في محاولة الانفصال عن الدولة الفرنسية، بما في ذلك في مجالات القطاع العام وفي الألعاب الرياضية، وحظر الجهود التي تهدد المساواة بين الجنسين، بما في ذلك "شهادات العذرية" قبل الزواج بالنسبة للمرأة المسلمة.

    وقال وزير الداخلية الفرنسي جيرالد دارمانين، وهو حفيد مهاجر مسلم للإذاعة الفرنسية مؤخرا إنه "لا يوجد تعارض بين ان تكون مسلما ومواطنا فرنسيا".

    وأضاف أن التشريع الجديد يهدف إلى مهاجمة "أعداء فرنسا من الإرهابيين، والجماعات السياسية التي تهدد "النموذج الفرنسي لحرية التعبير، وطريقة عيشنا، والطريقة التي نعلم بها أطفالنا".

    كما دعا ماكرون إلى حماية الأمة من القوى الانفصالية. في إشارة إلى ما حدث مؤخرا مع شارلي إيبدو.

    وكان ماكرون قد صرح مرارا أنه "لن يكون هناك أي مكان في فرنسا للذين يحاولون فرض قانونهم الخاص " باسم الله أو بمساعدة قوى اجنبية".

    عن موقع "قنطرة" الالماني.
                  

10-13-2020, 04:16 AM

Abureesh
<aAbureesh
تاريخ التسجيل: 09-22-2003
مجموع المشاركات: 23098

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: osama elkhawad)

    أخونا محمد الشيخ

    ياخى قلنا ليك مافى تعدد عشيقات فى الغرب.. الكلام دا دبته من وين.. نحن عشنا عقود فى هذه البلاد، وقلنا ليك تعدد العشيقات هنا يعتبرونه كفر.. بل العشيقة الواحدة حتى عند الأعزب يعلمون أنها حرام فى دينهم المسيحى او اليهودى
    ويعلمون أنهم عاصون لدينهم.. وهذه أقلية. أما المتزوج وله عشيقة فهذه أكبر الفضائح عندهم، وضربت لك مثال كلنتون.. ارجو نقاش هذه النقاط بموضوعية أكتر شوية.. وناقش معها أحوال العرب المسلمين فى الشرق عشان
    النقاش ما يكون فى فراغ.
                  

10-13-2020, 04:51 AM

الشيخ سيد أحمد
<aالشيخ سيد أحمد
تاريخ التسجيل: 07-14-2008
مجموع المشاركات: 2328

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: osama elkhawad)

    سلام خواض
    كتبت يا عزيزي:
    Quote: اتفق تماما مع ابوالريش واحمد محمد عمر[/QUOTE

    طيب انا مختلف معاي في شنو؟؟
    بالمناسبة "ابو الريش" قال انو الموضوع قضاء وقدر...يعني الممارسة خارج الاطار الشرعي قضاء وقدر !!

    Quote: الموضوع هو ان المسلمين لم يستطيعوا بشكل عام التأقلم في المجتمعات الغربية،فاصبح لهم كانتونات خاصة بهم، ولهم تطلعات بتحكيم الشريعة



    هل يستطيع الغربيين أن يتاقلموا مع المجتمعات الشرقية؟؟
    وهل لهم كانتونات مشتركة مع المجتمعات الشرقية؟؟
    لماذا تخضع القياس على المجتمع الغربي ولا تخضعه للمجتمع الشرقي.
    إذا أقريت بفشل المسلمين في المجتمعات الغربية فعليك ان تقر بفشل الغربيين في المجتمعات الشرقية

    Quote: ولهم تطلعات بتحكيم الشريعة


    العيب شنو إذا كنت مقتنع بفهم عقائدي وقمت بالدعوة له..
    ما أهو نحن شايفين البعثات التبشيرية المسيحية في كل مكان...
    لماذا لا يستغرب البعض دعوات تلك البعثات ويستنكر ان تتم الدعوة لعقيدة اخرى ..ده ميزان شنو ده يا جماعة؟؟

    Quote: الاسلام يمر بأزمة عميقة.


    هل كلام "ماكرون" غير قابل للتعليق أو النفي؟؟

    بذات الفهم فرنسا والغرب والكنيسة تمر بأزمة كبيرة ..فلنتخذ زواج المثليين كمثال ...شئ مخالف للطبيعة البشرية ..
    الرد على "ماكرون" هو ان الإسلام لا يمر بأزمة ..إنما بعض المسلمين يمرون بأزمة فهم للدين ونصوصه وتشريعاته.
    الدين براء من تلك الممارسات التي ينتهجها بعض المنتمين إليه.

    كتب "أحمد عمر":

    Quote: خليك من الدواعش شفت كلام الشيخ سيد أحمد فوققال ليك ملك اليمين دة مباح بأمر القرآن


    أراك تحاول أن تضعني في مصاف الدواعش!!
    لازلت عند رايي في أمر "ملك اليد" وأكرر على أنه تشريع رباني...لا يجب أن نتعامل مع الدين بإنتقائية..نأخذ هذا ونترك ذاك...
    يأتي التنزيل من فوق سبع سماوات ...وعلى المرء أن يجتهد في فهم النص والتشريع بصورة منطقية يقبلها العقل..
    هل القرآن صالح لكل زمان ومكان؟؟
    بالحيل..
    لذا يجب ان تؤخذ تشريعاته في كل زمان ومكان...
    إذا أردنا أن نوقف "سوق النخاسة" علينا أن نوقف المسببات.. طالما كانت هناك حروب ..سيكون هناك ضحايا ومن ضمنهم "السبايا"
    المشرع "رب العزة" يعلم "طمع بني آدم" لذلك أورده ولم يلمح إليه تلميحآ "نصوص مباشرة" لأن واضع التشريع عارف ومدرك لطبيعة النفس التي "سواها"..
    لذلك حينما يقول التشريع "الإماء والعبيد" فهو يعلم جيدآ أن الأمر قد حدث وسوف يحدث

    (عدل بواسطة الشيخ سيد أحمد on 10-13-2020, 07:16 AM)

                      

10-13-2020, 05:06 AM

الشيخ سيد أحمد
<aالشيخ سيد أحمد
تاريخ التسجيل: 07-14-2008
مجموع المشاركات: 2328

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: الشيخ سيد أحمد)

    أخونا أبو الريش

    Quote: أخونا محمد الشيخ


    منو محمد الشيخ ده؟؟؟؟

    Quote:

    ياخى قلنا ليك مافى تعدد عشيقات فى الغرب.. الكلام دا دبته من وين.. نحن عشنا عقود فى هذه البلاد، وقلنا ليك تعدد العشيقات هنا يعتبرونه كفر.. بل العشيقة الواحدة حتى عند الأعزب يعلمون أنها حرام فى دينهم المسيحى او اليهودى
    ويعلمون أنهم عاصون لدينهم.. وهذه أقلية. أما المتزوج وله عشيقة فهذه أكبر الفضائح عندهم، وضربت لك مثال كلنتون.. ارجو نقاش هذه النقاط بموضوعية أكتر شوية.. وناقش معها أحوال العرب المسلمين فى الشرق عشان
    النقاش ما يكون فى فراغ.


    هو اصلآ ليه تكون في عشيقة من الاساس؟؟
    خليك من تعدد العشيقات..
    كونه تكون واحد او أكثر فهذا يعني إباحة الأمر.
    ممتاز هم يعرفون انها محرمة دينيآ ...لذلك الأمر دافعه غريزي مش كده؟؟
    طيب المجنمع ليه وافق على الممارسة وسمح لي "المتصاحبين" يتزوجو اذا كان هناك ثمرة "طفل"؟؟
    طيب اذا ما كان في "طفل" ح يكون الفهم شنو يعني...تكون عبارة عن غريزة وخلاص..
    الكنيسة مش اباحت زواج حتى المثليين؟؟
    يبقى معناها دي جبانه وهايصة..
    ودي مجتمعات متفسخة اخلاقيآ..لأنها قبلت للممارسة دون روابط شرعية.
    يبقى لما كاتب من الشرق يكتب عن الأمر معناها بيكون مستصحب معاهو مجتمعه الشرقي الرافض للامر.
    فهل ده معناهو تخلف زي ما تفضلت انت؟؟
    بحاول اكون موضوعي زي ما انت قلت لي ...مع وافر الإحترام.
                  

10-13-2020, 06:48 AM

محمد عبد الله الحسين
<aمحمد عبد الله الحسين
تاريخ التسجيل: 01-02-2013
مجموع المشاركات: 7127

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: الشيخ سيد أحمد)

    يا أخ أبوالريش يعني من لهجتك كده الواحد لو عايز يقول وجهة نظره يعمل حسابه.

    الغرب ده كتاب مفتوح زي الشرق..واي أخبار أو معلومات متاحة ما زي زمان.زيعني ما في احتكار للمعلومة..و الجانب الذي انت تنظر به لربما غيرك يرى جانب

    آخر فهذا حقه..
    الغرب ليسو بملائكة..هناك اغتصاب و تحرش وزنا و سرقة و عصابات و تعرّي وكل شيء..هناك الأفلام و القصص و الجرائم كلها مبذولة في السوشيال ميديا وغيرها....

    في الشرق نعم موجودة هذه الأشياء ولكن بنسبة أقل كثيراً و هي أفعال مذمومة و صاحبها منبوذ..و تتم كل هذه الأفعال المحرمة و المنبوذة في الخفاء..

    عكس ما هو الوضع في الغرب بدعوى الحرية الفردية..

    فرحاء برّد لهجتك حبتين يا صاحب..وخلي كل زول يقول رأيه بصراحة، دون وجل..
                  

10-13-2020, 07:07 AM

الشيخ سيد أحمد
<aالشيخ سيد أحمد
تاريخ التسجيل: 07-14-2008
مجموع المشاركات: 2328

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: محمد عبد الله الحسين)

    محمد عبدالله الحسين

    كتر خيرك.

    انا زاتي لاحظت انو رفع النغمة ...لمن بقيت أتساءل واشوف انا غلطت وين !!



    Quote: يا أخ أبوالريش يعني من لهجتك كده الواحد لو عايز يقول وجهة نظره يعمل حسابه.

    الغرب ده كتاب مفتوح زي الشرق..واي أخبار أو معلومات متاحة ما زي زمان.زيعني ما في احتكار للمعلومة..و الجانب الذي انت تنظر به لربما غيرك يرى جانب

    آخر فهذا حقه..
    الغرب ليسو بملائكة..هناك اغتصاب و تحرش وزنا و سرقة و عصابات و تعرّي وكل شيء..هناك الأفلام و القصص و الجرائم كلها مبذولة في السوشيال ميديا وغيرها....

    في الشرق نعم موجودة هذه الأشياء ولكن بنسبة أقل كثيراً و هي أفعال مذمومة و صاحبها منبوذ..و تتم كل هذه الأفعال المحرمة و المنبوذة في الخفاء..

    عكس ما هو الوضع في الغرب بدعوى الحرية الفردية..

    فرحاء برّد لهجتك حبتين يا صاحب..وخلي كل زول يقول رأيه بصراحة، دون وجل..


    الغرب يا "محمد" جبانه وهايصة ...
    أعزك الله "الغريزة" ما عندها اي ضوابط...والممارسة مافي ليها اي "رادع" أخلاقي.

    وبعد ده يوصف الشرق بالتخلف والرجعية.

    ياخي هو "التطفبف" في الميزان كيف اصلو.
                  

10-13-2020, 07:11 AM

osama elkhawad
<aosama elkhawad
تاريخ التسجيل: 12-31-2002
مجموع المشاركات: 15587

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: الشيخ سيد أحمد)

    في هذه الحلقة تم ذكر محمود محمد طه بعد الدقيقة السادسة، والمهدية بعد الدقيقة 28، في سياقين مختلفين:

                  

10-13-2020, 06:54 AM

عمر سعيد علي
<aعمر سعيد علي
تاريخ التسجيل: 08-20-2015
مجموع المشاركات: 841

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: الشيخ سيد أحمد)

    Quote: بالحيل موجود
    شفت فيديوهات الدواعش البتتكلم عن توزيع وسوق السبايا ؟
    خليك من الدواعش شفت كلام الشيخ سيد أحمد فوق
    قال ليك ملك اليمين دة مباح بأمر القرآن


    يا احمد محمد عمر يعني الدواعش ديل عملتهم حجة على الاسلام . .؟
    الاسلام لما جا لقى ملك اليمين ده شغال في الدنيا كلها نتيجة للسبي في الحروب. .
    فجاء التشريع واضح في اسارى الحروب :
    (فَإِمَّا مَنًّا بَعْدُ وَإِمَّا فِدَاءً حَتَّى تَضَعَ الْحَرْبُ أَوْزَارَهَا) ديل خيارين للمسلمين للاسارى هل فيهم اي خيار هنا للعبودية . .


                  

10-13-2020, 07:11 AM

أحمد محمد عمر

تاريخ التسجيل: 03-03-2010
مجموع المشاركات: 4752

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: عمر سعيد علي)

    طيب هاك امسك يا عمر دة كلام الشيخ الذي ليس في مصاف الدواعش
    Quote: لازلت عند رايي في أمر "ملك اليد" وأكرر على أنه تشريع رباني.
    لا يجب أن نتعامل مع الدين بإنتقائية..نأخذ هذا ونترك ذاك...يأتي التنزيل من فوق سبع سماوات ...وعلى المرء أن يجتهد في فهم النص
    والتشريع بصورة منطقية يقبلها العقل..
    هل القرآن صالح لكل زمان ومكان؟؟
    بالحيل..
    لذا يجب ان تؤخذ تشريعاته في كل زمان ومكان.
    إذا أردنا أن نوقف "سوق النخاسة" علينا أن نوقف المسببات.. طالما كانت هناك حروب ..سيكون هناك ضحايا ومن ضمنهم "السبايا"


    أنا متفهم وجهة نظرك وأن القرآن لم يترك مجالاً للاسترقاق لكن هل فعلت السنة؟
    هل فعل الصحابة والتابعين؟
    تجارة الرق استمرت لما يزيد عن الألف عام بعد وفاة النبي (ص) في العالم الإسلامي وبمباركة الفقهاء والأئمة
    كما ذكرت أعلاه فإن استصحاب السياق التاريخي والاجتماعي للسنة يخرجنا من مثل هذه المآزق لكن إن سلمنا بالإتباع المطلق كما يفعل السلفيون فلن نجد آية أو حديثاً يحرم الرق حتى اكتمال التشريع
                  

10-13-2020, 07:13 AM

Abureesh
<aAbureesh
تاريخ التسجيل: 09-22-2003
مجموع المشاركات: 23098

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: عمر سعيد علي)

    يا شباب بدل حوار الطرشان دا تعالوا شهرين بس وارجعوا. نتوسط ليكم فى قرين كارد..

    عشان تشوفوا براكم وتحكموا من الواقع.

    (عدل بواسطة Abureesh on 10-13-2020, 07:15 AM)

                  

10-13-2020, 07:17 AM

محمد عبد الله الحسين
<aمحمد عبد الله الحسين
تاريخ التسجيل: 01-02-2013
مجموع المشاركات: 7127

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: Abureesh)

    حبيبنا ابو الريش

    Quote: ا شباب بدل حوار الطرشان دا تعالوا شهرين بس وارجعوا. نتوسط ليكم فى قرين كارد..

    عشان تشوفوا براكم وتحكموا من الواقع.


    موافقيييين..بس التذاكر عليك..اوكي؟؟؟
                  

10-13-2020, 09:32 AM

علاء سيداحمد
<aعلاء سيداحمد
تاريخ التسجيل: 03-28-2013
مجموع المشاركات: 10807

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: محمد عبد الله الحسين)
                  

10-13-2020, 07:44 AM

الشيخ سيد أحمد
<aالشيخ سيد أحمد
تاريخ التسجيل: 07-14-2008
مجموع المشاركات: 2328

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: Abureesh)

    كتب احمد عمر:

    Quote: أنا متفهم وجهة نظرك وأن القرآن لم يترك مجالاً للاسترقاق لكن هل فعلت السنة؟
    هل فعل الصحابة والتابعين؟
    تجارة الرق استمرت لما يزيد عن الألف عام بعد وفاة النبي (ص) في العالم الإسلامي وبمباركة الفقهاء والأئمة
    كما ذكرت أعلاه فإن استصحاب السياق التاريخي والاجتماعي للسنة يخرجنا من مثل هذه المآزق لكن إن سلمنا بالإتباع المطلق كما يفعل السلفيون فلن نجد آية أو حديثاً يحرم الرق حتى اكتمال التشريع


    القال ليك منو ان القرآن ما ترك مجال لللإسترقاق..
    طيب ذكر الآيات الفيها "عبيد وإماء" كتبها "طه حسين ولا العقاد" ؟؟
    إستصحاب السياق التاريخي والاجتماعي لا يعني إنتهاء الحروب التي تؤدي الى "السبي" واسواق بيع الإماء والعبيد.
    يعني معنى كلامك ان "السنة" حظرت الرق بينما اباحه القرآن؟؟
    طيب معنى كلامك ده ان السنه خالفت التشريع!!
    كيف بتوصف "السلفيين" بأنهم رجعيين وفي نفس الوقت عايز تعتمد على السنه؟؟
    يازول انت متناقض جدآ.
    و ح اوريك متناقض كيف في نهاية ردي عليك.


    عشان ما يبقى كلام دون سند...من من الأئمة والفقهاء بارك تجارة الرقيق؟؟
    وجيب لينا ليها باركها.

    أنا ما عندي اي مشكلة في انك توصفني باي وصف "سلفي" "داعشي" "قاعدي" اي شئ
    طالما انك تستطيع ان تقيم الحجة والمنطق..
    غير كده يبقى انت ما بتحترم عقل القارئ او المتابع ..القائ او المتابع لا يستطيع ان يرفض
    عدم المنطق والمعقولية في ردودك لأنه لا يستطيع ان يشارك..لكن انا استطيع
    كونك لابس ليك "عباية" تحرر ومفتون بي "مكنة" (التقدميين) ما معناها انو البقية
    تسبح في بحور من التخلف.
    حاول خاطب عقولنا بمنطق. ورجاء ابعد لينا من "أمي وأختي".

    كدي شوف الاقتباسين ديل في المداخلة الفوق دي :
    جبتهم منفصلين عشان تشوفو كم التناقض العجيب الإنت بتكتب بيهو
    Quote: نا متفهم وجهة نظرك وأن القرآن لم يترك مجالاً للاسترقاق لكن هل فعلت السنة؟



    Quote: فلن نجد آية أو حديثاً يحرم الرق حتى اكتمال التشريع



    "صفرجت" يا "أحمد"...أمسح و أعمل رسمة جديدة.
                  

10-13-2020, 08:15 AM

HAIDER ALZAIN
<aHAIDER ALZAIN
تاريخ التسجيل: 12-27-2007
مجموع المشاركات: 20090

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: الشيخ سيد أحمد)

    سلام علاء الدين
    شكرا على الرد ..
    حكاية عصمة الصحابة ( رضوان الله عليهم جميعا ) دي انا قلتها ساي .. لكن الحقيقة ليس لهم ولا وجود لعصمة لصحابي حسب ما اعرف ..
    ولكن لهم فضلهم واثرهم في نشر الرسالة وعكس السنة على الواقع المعروف ..


    Quote: في زمن الغزوات رخص الرسول صلي الله عليه وسلم لجنده بمعاشرة السبايا والجوارى ( ولم تكن مباحة )
    والرخصة لا تكون الا في الامور المحرمة اصلا .: مثل اكل الميتة والرسول لم يرخص بها في مجتمع المسلمين ابدا انما في الغزوات .
    وملك اليمين والسبايا والجوارى والاتجار بالبشر تم منعه بقوة القانون من جانب الامم المتحدة


    بي كدة انا كفرنسي علماني ممكن ببساطة أقول للمسلميـن .. إذا كنتم مقتنعيـن بصحة تشريع وترخيص رسولكم الكريم
    وشريعتكم من وحي تعليماته ..
    ثم حرمتم الرق والجواري والمباح التي رخصها لكم رسولكم بناءاً على تشريعات الأمم المتحدة ..
    فالمانع ان تخضع قوانين زواجكم لشريعة فرنسا ؟؟!
                  

10-13-2020, 09:13 AM

أحمد محمد عمر

تاريخ التسجيل: 03-03-2010
مجموع المشاركات: 4752

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: HAIDER ALZAIN)

    الحوار معاك صعب شديد يا الشيخ :)

    القرآن لم يذكر ديمومة الرقيق ولم يأمر بالاسترقاق
    (فإذا لقيتم الذين كفروا فضرب الرقاب حتى إذا أثخنتموهم فشدوا الوثاق) لحدي هنا الموضوع حرب مع كفار
    (فإما مناً بعد) تفكوهم ساي كدة لي الله
    (وإما فداء) يدفعوا مقابل إطلاق سراحهم
    (حتى تضع الحرب أوزارها) في سقف زمني للعملية دي وبمجرد نهاية الحرب ينتهي الإجراء
    لاحظ أن الآيات لم تذكر الاحتفاظ بهم إطلاقاً .. قالت يا يفدوا نفسهم عن طريق الدفع أو تمنوا عليهم بالحرية

    الآيات اللي فيها ذكر ما ملكت أيمانكم تعامل مع واقع موجود وليس إيجاد واقع
    النبي (ص) والصحابة تعاملوا مع الواقع الموجود دة وكان عندهم رقيق وجواري
                  

10-13-2020, 09:37 AM

علاء سيداحمد
<aعلاء سيداحمد
تاريخ التسجيل: 03-28-2013
مجموع المشاركات: 10807

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: أحمد محمد عمر)

    Quote: لازلت عند رايي في أمر "ملك اليد" وأكرر على أنه تشريع رباني...لا يجب أن نتعامل مع الدين بإنتقائية..نأخذ هذا ونترك ذاك...
    يأتي التنزيل من فوق سبع سماوات ...وعلى المرء أن يجتهد في فهم النص والتشريع بصورة منطقية يقبلها العقل..


    تحياتى الشيخ سيدأحمد

    ملك اليمين وسبايا الحروب - حرّمه النبى صلى الله عليه وسلم - نهى عنه - منعه : فى غزوة خيبر
    حيث فى بداية الغزوات اباح النبى صلى الله عليه وسلم للصحابة بالتمتع بسبايا الغزوات ثم رجع ونهى عنها فى خيبر
    وقد تداخلت فى المسألة الفكر الداعشي وفكر الخوارج وجعلت من سبايا الحروب حلالا ودون زواج وهذا خطأ شنيع وفاضح

    مسألة فى ملك اليمين :

    قال تعالى ( يَا أَيُّهَا النَّبِيُّ إِنَّا أَحْلَلْنَا لَكَ أَزْوَاجَكَ اللَّاتِي آتَيْتَ أُجُورَهُنَّ وَمَا مَلَكَتْ يَمِينُكَ مِمَّا أَفَاءَ اللَّهُ عَلَيْكَ وَبَنَاتِ عَمِّكَ وَبَنَاتِ عَمَّاتِكَ وَبَنَاتِ
    خَالِكَ وَبَنَاتِ خَالَاتِكَ اللَّاتِي هَاجَرْنَ مَعَكَ وَامْرَأَةً مُّؤْمِنَةً إِن وَهَبَتْ نَفْسَهَا لِلنَّبِيِّ إِنْ أَرَادَ النَّبِيُّ أَن يَسْتَنكِحَهَا خَالِصَةً لَّكَ مِن دُونِ الْمُؤْمِنِينَ ۗ قَدْ عَلِمْنَا
    مَا فَرَضْنَا عَلَيْهِمْ فِي أَزْوَاجِهِمْ وَمَا مَلَكَتْ أَيْمَانُهُمْ لِكَيْلَا يَكُونَ عَلَيْكَ حَرَجٌ ۗ وَكَانَ اللَّهُ غَفُورًا رَّحِيمًا ) 50 الاحزاب

    ( لَّا يَحِلُّ لَكَ النِّسَاءُ مِن بَعْدُ وَلَا أَن تَبَدَّلَ بِهِنَّ مِنْ أَزْوَاجٍ وَلَوْ أَعْجَبَكَ حُسْنُهُنَّ إِلَّا مَا مَلَكَتْ يَمِينُكَ ۗ وَكَانَ اللَّهُ عَلَىٰ كُلِّ شَيْءٍ رَّقِيبًا (52) ) 52 الاحزاب

    فى الآية رقم 52 من سورة الاحزاب حرم الله على النبى صلى الله عليه وسلم الزواج من الحرائر ( 4 زوجات ) واباح له ملك اليمين من الغزوات
    لزيادة العتق من الاماء وذلك بالزوااااج وليس السفاااااح ( الزنا )
    لان مواقعة المرأة دون عقد زواج كان ولا يزال وسيظل فى نظر الشارع الحكيم ( زنـا ) والعياذ بالله .
    ومن ملك اليمين ( اسارى الغزوات والهبات والهدايا ) تزوج النبى صلى الله عليه وسلم زواجاً شرعياً من :

    1- صفيه بنت حيي بن أخطب .
    2- جويريه بنت الحارث .
    3- مارية القبطية .

    ولان القرآن الكريم قد فرض فى حال عدم القدرة على الزواج من الحرائر فى الفترة الاولى من الاسلام ان يواقع سبايا الحروب
    بالزواااج وليس سفاحاً كما هو فى الفكر الداعشي فى هذا الزمان بالغصب والاكراه واعتبار السبايا حلالا مباحاً . قال تعالى :

    ( وَالْمُحْصَنَاتُ مِنَ النِّسَاء إِلاَّ مَا مَلَكَتْ أَيْمَانُكُمْ كِتَابَ اللّهِ عَلَيْكُمْ وَأُحِلَّ لَكُم مَّا وَرَاء ذَلِكُمْ أَن تَبْتَغُواْ بِأَمْوَالِكُم مُّحْصِنِينَ غَيْرَ مُسَافِحِينَ فَمَا اسْتَمْتَعْتُم بِهِ
    مِنْهُنَّ فَآتُوهُنَّ أُجُورَهُنَّ فَرِيضَةً وَلاَ جُنَاحَ عَلَيْكُمْ فِيمَا تَرَاضَيْتُم بِهِ مِن بَعْدِ الْفَرِيضَةِ إِنَّ اللّهَ كَانَ عَلِيمًا حَكِيمًا ) 24 النساء

    فى الآية اعلاه الاله العظيم يأمر المسلمين عند معاشرتهم اسارى الحروب - سبايا الحروب - ملك اليمين : ان يكون هذا الفعل
    عن طريق الزوااااج وليس كما هو الآن فى الفكر الداعشي الضال البغيض والايات فى هذا البا كثيرة .


    Quote: : وَامْرَأَةً مُّؤْمِنَةً إِن وَهَبَتْ نَفْسَهَا لِلنَّبِيِّ إِنْ أَرَادَ النَّبِيُّ أَن يَسْتَنكِحَهَا خَالِصَةً لَّكَ مِن دُونِ الْمُؤْمِنِينَ ۗ



    حتى من تهب نفسها للرجل يجب ان يكون هذا فى اطار الزواج الشرعى :

    Quote: : ( وامرأة مؤمنة إن وهبت نفسها للنبي إن أراد النبي أن يستنكحها ) وقد قال الإمام أحمد :
    حدثنا إسحاق ، أخبرنا مالك ، عن أبي حازم ، عن سهل بن سعد الساعدي ; أن رسول الله صلى الله عليه وسلم جاءته امرأة فقالت : يا رسول الله ، إني قد وهبت نفسي لك . فقامت قياما طويلا فقام رجل فقال : يا رسول الله ، زوجنيها إن لم يكن لك بها حاجة . فقال رسول الله صلى الله عليه وسلم : " هل عندك من شيء تصدقها إياه " ؟ فقال : ما عندي إلا إزاري هذا . فقال رسول الله صلى الله عليه وسلم : " إن أعطيتها إزارك جلست لا إزار لك ، فالتمس شيئا " . فقال : لا أجد شيئا . فقال : " التمس ولو خاتما من حديد " فالتمس فلم يجد شيئا ، فقال له النبي صلى الله عليه وسلم : " هل معك من القرآن شيء ؟ " قال : نعم; سورة كذا ، وسورة كذا - لسور يسميها - فقال له رسول الله صلى الله عليه وسلم : " زوجتكها بما معك من القرآن " .

    امامنا الطبرى



    خلاصة القول الرسول صلى الله عليه وسلم نهى عن مواقعة اسارى الحروب دون زواج شرعى .
    ومن غير زواج يعتبر هذا العمل سفاح وزنا .
                  

10-13-2020, 10:30 AM

الشيخ سيد أحمد
<aالشيخ سيد أحمد
تاريخ التسجيل: 07-14-2008
مجموع المشاركات: 2328

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: علاء سيداحمد)

    Quote:
    القرآن لم يذكر ديمومة الرقيق ولم يأمر بالاسترقاق
    (فإذا لقيتم الذين كفروا فضرب الرقاب حتى إذا أثخنتموهم فشدوا الوثاق) لحدي هنا الموضوع حرب مع كفار
    (فإما مناً بعد) تفكوهم ساي كدة لي الله
    (وإما فداء) يدفعوا مقابل إطلاق سراحهم
    (حتى تضع الحرب أوزارها) في سقف زمني للعملية دي وبمجرد نهاية الحرب ينتهي الإجراء
    لاحظ أن الآيات لم تذكر الاحتفاظ بهم إطلاقاً .. قالت يا يفدوا نفسهم عن طريق الدفع أو تمنوا عليهم بالحرية


    كيف ما تحتفظ بهن؟؟

    كدي شوف القرآن قال شنو هنا:

    Quote:
    وَمَنْ لَمْ يَسْتَطِعْ مِنْكُمْ طَوْلاً أَنْ يَنْكِحَ الْمُحْصَنَاتِ الْمُؤْمِنَاتِ فَمِنْ مَا مَلَكَتْ أَيْمَانُكُمْ مِنْ فَتَيَاتِكُمُ الْمُؤْمِنَاتِ
    واللهُ أَعْلَمُ بِإِيمَانِكُمْ بَعْضُكُمْ مِنْ بَعْضٍ فَانْكِحُوهُنَّ بِإِذْنِ أَهْلِهِنَّ وَآتُوهُنَّ أُجُورَهُنَّ بِالْمَعْرُوفِ مُحْصَنَاتٍ غَيْرَ مُسَافِحَاتٍ
    وَلا مُتَّخِذَاتِ أَخْدَانٍ فَإِذَا أُحْصِنَّ فَإِنْ أَتَيْنَ بِفَاحِشَةٍ فَعَلَيْهِنَّ نِصْفُ مَا عَلَى الْمُحْصَنَاتِ مِنَ الْعَذَابِ ذَلِكَ لِمَنْ خَشِيَ الْعَنَتَ مِنْكُمْ وَأَنْ تَصْبِرُوا خَيْرٌ لَكُمْ واللهُ غَفُورٌ رَحِيمٌ) النساء:25.



    وشوف هنا برضو:

    Quote: وَالَّذِينَ هُمْ لِفُرُوجِهِمْ حَافِظُونَ ، إِلَّا عَلَى أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ) المؤمنون:5-6


    طيب معناهو شنو "النكاح" هنا في محكم التنزيل...يعني "أنكحوهم" و اقضوا "وطركم" وإتخارجو منهم ؟؟
    طيب كان التشريع من الأول يقول "لا تقربوهم" يقطعوا معاهم من قول "التيت".
    ده تفسير غريب يا "أحمد".


    Quote: الآيات اللي فيها ذكر ما ملكت أيمانكم تعامل مع واقع موجود وليس إيجاد واقع
    النبي (ص) والصحابة تعاملوا مع الواقع الموجود دة وكان عندهم رقيق وجواري


    الإسلام "ذنبو "شنو في الحروب التي تحصل؟؟
    وجود الواقع لإباحة الرق لا ينفي حدوث المسببات في المستقبل..
    إعجاز القرآن في قراءته للغيب ...ربنا سبحانه وتعالى عارف انو ح تكون في حروب
    وفي انانية وطمع وكل شئ سئ ..لذلك وضع تشريع عشان الناس تتعاطى بيهو لمن
    تكون في حروب وسبايا.

    كون الناس تحاول ان تخلق المساواة بين" السبايا أو الإماء " و "المصاحبة أو الصديقة الحميمة" بتكون ظلمت "الإماء" لأن المصاحبة
    مارست الفعل بملئ إرادتها ...بينما "التي بيعت" في سوق النخاسة كانت ممارستها دون رغبه منها
    تم إجبارها على الفعل.



    Quote: الحوار معاك صعب شديد يا الشيخ :)


    مساحة الإحترام موجوده وكبيرة ومعاها الكثير من الود والمحبة لشخصك الكريم يا "أحمد"..

    تحياتي وتقديري.
                  

10-13-2020, 10:39 AM

أحمد محمد عمر

تاريخ التسجيل: 03-03-2010
مجموع المشاركات: 4752

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: الشيخ سيد أحمد)

    أكيد يا حبيب
    أنا ما قاصدك انت تحديداً وإنما أي سلفي يؤمن بالنصوص كما هي بدون إعمال العقل

    أكيد سمعت بعبارة إنه الإسلام جفف منابع الرق
    بس التجفيف هو ما ورد في ردي
    والواقع هو ما ورد في ردك
                  

10-13-2020, 10:40 AM

الشيخ سيد أحمد
<aالشيخ سيد أحمد
تاريخ التسجيل: 07-14-2008
مجموع المشاركات: 2328

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: الشيخ سيد أحمد)

    Quote:
    تحياتى الشيخ سيدأحمد



    هلا وغلا "علاء".






    Quote:

    تحياتى الشيخ سيدأحمد

    ملك اليمين وسبايا الحروب - حرّمه النبى صلى الله عليه وسلم - نهى عنه - منعه : فى غزوة خيبر
    حيث فى بداية الغزوات اباح النبى صلى الله عليه وسلم للصحابة بالتمتع بسبايا الغزوات ثم رجع ونهى عنها فى خيبر
    وقد تداخلت فى المسألة الفكر الداعشي وفكر الخوارج وجعلت من سبايا الحروب حلالا ودون زواج وهذا خطأ شنيع وفاضح

    مسألة فى ملك اليمين :

    قال تعالى ( يَا أَيُّهَا النَّبِيُّ إِنَّا أَحْلَلْنَا لَكَ أَزْوَاجَكَ اللَّاتِي آتَيْتَ أُجُورَهُنَّ وَمَا مَلَكَتْ يَمِينُكَ مِمَّا أَفَاءَ اللَّهُ عَلَيْكَ وَبَنَاتِ عَمِّكَ وَبَنَاتِ عَمَّاتِكَ وَبَنَاتِ
    خَالِكَ وَبَنَاتِ خَالَاتِكَ اللَّاتِي هَاجَرْنَ مَعَكَ وَامْرَأَةً مُّؤْمِنَةً إِن وَهَبَتْ نَفْسَهَا لِلنَّبِيِّ إِنْ أَرَادَ النَّبِيُّ أَن يَسْتَنكِحَهَا خَالِصَةً لَّكَ مِن دُونِ الْمُؤْمِنِينَ ۗ قَدْ عَلِمْنَا
    مَا فَرَضْنَا عَلَيْهِمْ فِي أَزْوَاجِهِمْ وَمَا مَلَكَتْ أَيْمَانُهُمْ لِكَيْلَا يَكُونَ عَلَيْكَ حَرَجٌ ۗ وَكَانَ اللَّهُ غَفُورًا رَّحِيمًا ) 50 الاحزاب

    ( لَّا يَحِلُّ لَكَ النِّسَاءُ مِن بَعْدُ وَلَا أَن تَبَدَّلَ بِهِنَّ مِنْ أَزْوَاجٍ وَلَوْ أَعْجَبَكَ حُسْنُهُنَّ إِلَّا مَا مَلَكَتْ يَمِينُكَ ۗ وَكَانَ اللَّهُ عَلَىٰ كُلِّ شَيْءٍ رَّقِيبًا (52) ) 52 الاحزاب

    فى الآية رقم 52 من سورة الاحزاب حرم الله على النبى صلى الله عليه وسلم الزواج من الحرائر ( 4 زوجات ) واباح له ملك اليمين من الغزوات
    لزيادة العتق من الاماء وذلك بالزوااااج وليس السفاااااح ( الزنا )
    لان مواقعة المرأة دون عقد زواج كان ولا يزال وسيظل فى نظر الشارع الحكيم ( زنـا ) والعياذ بالله .
    ومن ملك اليمين ( اسارى الغزوات والهبات والهدايا ) تزوج النبى صلى الله عليه وسلم زواجاً شرعياً من :

    1- صفيه بنت حيي بن أخطب .
    2- جويريه بنت الحارث .
    3- مارية القبطية .

    ولان القرآن الكريم قد فرض فى حال عدم القدرة على الزواج من الحرائر فى الفترة الاولى من الاسلام ان يواقع سبايا الحروب
    بالزواااج وليس سفاحاً كما هو فى الفكر الداعشي فى هذا الزمان بالغصب والاكراه واعتبار السبايا حلالا مباحاً . قال تعالى :

    ( وَالْمُحْصَنَاتُ مِنَ النِّسَاء إِلاَّ مَا مَلَكَتْ أَيْمَانُكُمْ كِتَابَ اللّهِ عَلَيْكُمْ وَأُحِلَّ لَكُم مَّا وَرَاء ذَلِكُمْ أَن تَبْتَغُواْ بِأَمْوَالِكُم مُّحْصِنِينَ غَيْرَ مُسَافِحِينَ فَمَا اسْتَمْتَعْتُم بِهِ
    مِنْهُنَّ فَآتُوهُنَّ أُجُورَهُنَّ فَرِيضَةً وَلاَ جُنَاحَ عَلَيْكُمْ فِيمَا تَرَاضَيْتُم بِهِ مِن بَعْدِ الْفَرِيضَةِ إِنَّ اللّهَ كَانَ عَلِيمًا حَكِيمًا ) 24 النساء

    فى الآية اعلاه الاله العظيم يأمر المسلمين عند معاشرتهم اسارى الحروب - سبايا الحروب - ملك اليمين : ان يكون هذا الفعل
    عن طريق الزوااااج وليس كما هو الآن فى الفكر الداعشي الضال البغيض والايات فى هذا البا كثيرة .


    Quote: : وَامْرَأَةً مُّؤْمِنَةً إِن وَهَبَتْ نَفْسَهَا لِلنَّبِيِّ إِنْ أَرَادَ النَّبِيُّ أَن يَسْتَنكِحَهَا خَالِصَةً لَّكَ مِن دُونِ الْمُؤْمِنِينَ ۗ



    حتى من تهب نفسها للرجل يجب ان يكون هذا فى اطار الزواج الشرعى :

    Quote: : ( وامرأة مؤمنة إن وهبت نفسها للنبي إن أراد النبي أن يستنكحها ) وقد قال الإمام أحمد :
    حدثنا إسحاق ، أخبرنا مالك ، عن أبي حازم ، عن سهل بن سعد الساعدي ; أن رسول الله صلى الله عليه وسلم جاءته امرأة فقالت : يا رسول الله ، إني قد وهبت نفسي لك . فقامت قياما طويلا فقام رجل فقال : يا رسول الله ، زوجنيها إن لم يكن لك بها حاجة . فقال رسول الله صلى الله عليه وسلم : " هل عندك من شيء تصدقها إياه " ؟ فقال : ما عندي إلا إزاري هذا . فقال رسول الله صلى الله عليه وسلم : " إن أعطيتها إزارك جلست لا إزار لك ، فالتمس شيئا " . فقال : لا أجد شيئا . فقال : " التمس ولو خاتما من حديد " فالتمس فلم يجد شيئا ، فقال له النبي صلى الله عليه وسلم : " هل معك من القرآن شيء ؟ " قال : نعم; سورة كذا ، وسورة كذا - لسور يسميها - فقال له رسول الله صلى الله عليه وسلم : " زوجتكها بما معك من القرآن " .

    امامنا الطبرى



    خلاصة القول الرسول صلى الله عليه وسلم نهى عن مواقعة اسارى الحروب دون زواج شرعى .
    ومن غير زواج يعتبر هذا العمل سفاح وزنا .



    يا "أبو علوة " يعني السنة لم تجيز مواقعة الإماء كما أجازها القرآن الكريم!!

    كدي يا "ابو علوة" أقرأ الآية دي:




    Quote: وَالَّذِينَ هُمْ لِفُرُوجِهِمْ حَافِظُونَ ، إِلَّا عَلَى أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ) المؤمنون:5-6


    "إلا " (الإستثنائية) الكبيرة دي يا علاء فيها "الزوجة والأمة" يعني القرآن اباح الأمر.
    يبقى مستحيل السنه تعارض القرآن.

                  

10-13-2020, 01:08 PM

علاء سيداحمد
<aعلاء سيداحمد
تاريخ التسجيل: 03-28-2013
مجموع المشاركات: 10807

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: الشيخ سيد أحمد)

    Quote: وَالَّذِينَ هُمْ لِفُرُوجِهِمْ حَافِظُونَ ، إِلَّا عَلَى أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ) المؤمنون:5-6


    "إلا " (الإستثنائية) الكبيرة دي يا علاء فيها "الزوجة والأمة" يعني القرآن اباح الأمر.
    يبقى مستحيل السنه تعارض القرآن.


    الاستثناء هنا : للفصل بين الحرائر وسبايا الحروب ( حيث الحرائر مهورهن عالى والسبايا مهورهن وكما ورد فى بعض
    الاثر بما يحفظه الرجل من كتاب الله -
    و الاسلام فى سبيل عتق رقاب اسرى واسيرات الحروب ( جعل من عتق الرقاب كفارة لذنوب بعض السيئات كما هو
    فى الكتاب الكريم والسنة الشريفة )
    ومن المستحيل ان يدعوا الله وهو الكمال فى الطهر عباده ان يواقعوا اسيرات الحروب دون زواج و فى المشاركة السابقة
    اوضحت لك ان الرسول صلى الله عليه وسلم اباح للمسلمين التمتع ب سبايا الغزوات ثم عاد ونهى عن التمتع فى غزوة
    خيبر - ودعا المسلمين وحسب الوحى عليه ان يكون مواقعة اسيرات الحروب بزواج رسمى حتى ولو بما يحفظ الرجل من
    كتاب الله ( وما يحفظه الرجل من كتاب الله يعتبر مهر )
                  

10-13-2020, 01:13 PM

علاء سيداحمد
<aعلاء سيداحمد
تاريخ التسجيل: 03-28-2013
مجموع المشاركات: 10807

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: علاء سيداحمد)

    واما حل مواقعة السبايا اثناء الغزوات مثل : ( كما يفعل الجنود فى زمننا هذا اثناء الحروب من اغتصاب للنساء فهذا والله
    لضلال مبين وتفسير داعشى وهابى عقيم ليس من الاسلام فى شئ )

    الاسلام لم يأمر بهذا ابداً وهذا تفسير داعشى ضال .
                  

10-13-2020, 01:46 PM

الشيخ سيد أحمد
<aالشيخ سيد أحمد
تاريخ التسجيل: 07-14-2008
مجموع المشاركات: 2328

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: علاء سيداحمد)

    اسمع هنا الشيخ الشعراوي "رحمه الله تعالى " .

    شوف التفسير المنطقي ..

    عبر تمامآ عما كنت أريد قوله:

                  

10-13-2020, 02:12 PM

علاء سيداحمد
<aعلاء سيداحمد
تاريخ التسجيل: 03-28-2013
مجموع المشاركات: 10807

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: الشيخ سيد أحمد)

    Quote: اسمع هنا الشيخ الشعراوي "رحمه الله تعالى " .

    شوف التفسير المنطقي ..

    عبر تمامآ عما كنت أريد قوله:


    كتر الف خيرك يا الشيخ سيداحمد

    الشيخ الشعراوى اثبت فى المقطع اعلاه وفى تفسيره لقوله تعالى :

    Quote: وَالَّذِينَ هُمْ لِفُرُوجِهِمْ حَافِظُونَ (5) إِلَّا عَلَىٰ أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ (6) فَمَنِ ابْتَغَىٰ وَرَاءَ ذَٰلِكَ فَأُولَٰئِكَ هُمُ الْعَادُونَ (7)
    المؤمنون


    بمعنى الذين يحافظون فروجهم من الحرام فلا يقعون فيما نهاهم الله من المحرمات مثل الزنا وغيره .
    ولا يقربون سوى ازواجهم او ما ملكت ايمانهم من السرارى .
    ولايكون حــل ملك اليمين الا بزواج حتى ولو بما يحفظه الرجل من سور كتاب الله كما قضى وحكم بذلك النبى صلى الله عليه وسلم كما فى الاثر
    ومن وقع فيما نهاه الله فانه زنا وسفاح .

    كلام الشيخ الشعراوى فى المقطع اعلاه يدعم ويثبت صحة حُجتى وما قلته فى المشاركة السابقة ولا يعارضه .
                  

10-13-2020, 02:25 PM

الشيخ سيد أحمد
<aالشيخ سيد أحمد
تاريخ التسجيل: 07-14-2008
مجموع المشاركات: 2328

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: علاء سيداحمد)

    لا يا علاء

    مش كده.

    لاحظ الشيخ الشعراوي قال شنو في "تعطيل الحد" لا يعني زواله.
    وقال اذا قامت حرب يجوز تطبيق التشريع .
    وقال السبب في "السبي" هو الحفاظ على الروح..
    ووضح سبب المعاشرة للإماء ..درءآ للغيرة من الزوجة.
    ياخي ده شرح تفصيلي.

    معقول يا علاء .. عايز تغالط بعد ما جبت ليك الفيديو.


    يا جماعة أحضرونا وقولو لينا فهمتو شنو من كلام الشيخ الشعراوي.


                  

10-13-2020, 02:50 PM

علاء سيداحمد
<aعلاء سيداحمد
تاريخ التسجيل: 03-28-2013
مجموع المشاركات: 10807

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: الشيخ سيد أحمد)

    Quote: لا يا علاء

    مش كده.

    لاحظ الشيخ الشعراوي قال شنو في "تعطيل الحد" لا يعني زواله.
    وقال اذا قامت حرب يجوز تطبيق التشريع .
    وقال السبب في "السبي" هو الحفاظ على الروح..
    ووضح سبب المعاشرة للإماء ..درءآ للغيرة من الزوجة.
    ياخي ده شرح تفصيلي.

    معقول يا علاء .. عايز تغالط بعد ما جبت ليك الفيديو.


    يا جماعة أحضرونا وقولو لينا فهمتو شنو من كلام الشيخ الشعراوي.


    حولااااااااا الظاهر عليك زول بتاع غلاط بس !!!

    ياخ الشيخ الشعراوى فى المقطع بيقول :

    الا ما ملكت ايمانهم لم يعد لهم موضع ماعادش فى حاجة اسمها ما ملكت ايمانهم حيث القانون البشرى
    حرمه . فى الدقيقة 4.6 دقيقة

    برضو هناك قوانين دوليه انتا ربطّا نفسك بيها واتفقت معاهم وقلت مافيش رقيق ولو حصل
    حرب بين المسلمين والكفار وحاول المسلمون تطبيق ما ملكت ايمانهم يكون هذا سُـبّـه للاسلام .
    فى الدقيقة 6.31 ومابعدها .

    بالجد انتا بتفهم القرآن والاسلام كيف !؟ سؤال جاد
                  

10-13-2020, 02:52 PM

علاء سيداحمد
<aعلاء سيداحمد
تاريخ التسجيل: 03-28-2013
مجموع المشاركات: 10807

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: علاء سيداحمد)

    لو فهمك فهم الدواعش والوهابية عفيناك
                  

10-13-2020, 04:04 PM

الشيخ سيد أحمد
<aالشيخ سيد أحمد
تاريخ التسجيل: 07-14-2008
مجموع المشاركات: 2328

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: علاء سيداحمد)

    Quote: الا ما ملكت ايمانهم لم يعد لهم موضع ماعادش فى حاجة اسمها ما ملكت ايمانهم حيث القانون البشرى
    حرمه . فى الدقيقة 4.6 دقيقة



    وبعد كده قال شنو؟؟

    مش قال إلا غذا جاءت حرب وتم تطبيق التشريع "فيما معناه"



    Quote:

    برضو هناك قوانين دوليه انتا ربطّا نفسك بيها واتفقت معاهم وقلت مافيش رقيق ولو حصل
    حرب بين المسلمين والكفار وحاول المسلمون تطبيق ما ملكت ايمانهم يكون هذا سُـبّـه للاسلام .
    فى الدقيقة 6.31 ومابعدها .



    قال انت ربطت نفسك بالقوانين الدولية..

    القوانين الدولية دي عبارة عن قوانين وضعية ..
    كتبوها بشر .
    اما القانون السماوي جايي من فوق.
    يعني انا اذا ما ربطت نفسي بالقوانين الدولية ما بكون ملزم بتطبيق التشريعات الدولية.


    Quote:

    بالجد انتا بتفهم القرآن والاسلام كيف !؟ سؤال جاد


    ما تديني إحساس إنك "إبن كثير"..
    بنفس القدر أنت بتفهم الدين كيف؟؟
    عايز تغالط في فيديو انا الاوردته ليك...
    بي منطق بسيط ..يعني معقول اجيب ليك فيديو يدحض وجهة نظري الانا مقتنع بيها
    وبناقش فيها من امبارح.

    انت متأكد انك تابعت الفيديو الانا جبتو..ولا كنت بتشوف في "كابتن ماجد".

                  

10-13-2020, 04:35 PM

علاء سيداحمد
<aعلاء سيداحمد
تاريخ التسجيل: 03-28-2013
مجموع المشاركات: 10807

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: الشيخ سيد أحمد)

    Quote: ما تديني إحساس إنك "إبن كثير"..
    بنفس القدر أنت بتفهم الدين كيف؟؟
    عايز تغالط في فيديو انا الاوردته ليك...
    بي منطق بسيط ..يعني معقول اجيب ليك فيديو يدحض وجهة نظري الانا مقتنع بيها
    وبناقش فيها من امبارح.

    انت متأكد انك تابعت الفيديو الانا جبتو..ولا كنت بتشوف في "كابتن ماجد".


    هههه انا ما ابن كثير ولا حتى الترابى بتاعك ولكن انا بناقشك فى فيديو انتا جلبتو فى البوست دا
    عشان تدافع بيهو عن وجهة نظرك وللاسف الشديد الفيديو طلع بيدعم وجهة نظرى

    Quote: مش قال إلا غذا جاءت حرب وتم تطبيق التشريع "فيما معناه
    اما القانون السماوي جايي من فوق.
    يعني انا اذا ما ربطت نفسي بالقوانين الدولية ما بكون ملزم بتطبيق التشريعات الدولية."


    ابداً لم يقول الشعراوى انا اذا ما ربطت نفسي بالقوانين الدولية ما بكون ملزم بتطبيق التشريعات الدولية
    انتا جبت الكلام دا من وين ؟ حدد الموعد فى الفيديو بالظبط لانو انا ما سمعت الكلام دا فى المقطع
    قول الكلام دا موجود فى الدقيقة الفلانية .؟
                  

10-14-2020, 06:55 AM

محمد عبد الله الحسين
<aمحمد عبد الله الحسين
تاريخ التسجيل: 01-02-2013
مجموع المشاركات: 7127

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: علاء سيداحمد)

    الإخوة الأعزاء...حينما نزلت هذا المقال كنت على ثقة بأنه مقال مثير للجدل.. ودائماً أحب أن ‏يتبادل الناس الآراء بكل حرية واحترام لرأي الآخر دون استخفاف أو سخرية..

    بالتأكيد من يفعل ذلك ‏ليس جدير بالديموقراطية.. فما تراه أنت اليوم صحيحاً قد تراه ليس كذلك..‏
    تحياتي لكل من تابع وتداخل في هذا البوست لأنه في الحقيقة فجّر أفكاراً كثيرة جديرة بالاهتمام و ‏لفت الأنظار إلى جوانب متعددة منها الديني و منها الثقافي ومنها
    التاريخي و الفكري..‏
    التحية لحبيبنا الرجل الواضح أبو الريش الذي ابتدر التعليق، أبوحسين، حيدروف، الخواض، عمر ‏سعيد، عاصم، تسنيم، ياسر، و للأخ أحمد محمد عمر والشيخ سيد أحمد

    وعلاء سيد أحمد الذين ‏صبروا وصابروا و ابلوا بلاء حسناً بكل صبر واحترام..‏

    ولا يزال هناك مجال للاستمرار ‏

    لكم جميعاً كل الحب والود والاحترام
                  

10-16-2020, 09:26 AM

طارق عبد الله
<aطارق عبد الله
تاريخ التسجيل: 06-30-2016
مجموع المشاركات: 309

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: محمد عبد الله الحسين)

    موضوع مثير وتعليقات حافلة بالكثير المفيد،،، رؤيتي للموضوع اجتماعيا أن الغرب غرب والشرق شرق و بينهما فروقات رغم أن قيمة الأسرة لاخلاف عليها بين البشر عموما، بينما سياسيا المشكلة واضحة في تكدس أعداد كبيرة من المسلمين من أجيال مختلفة في كانتونات شبه معزولة عن المجتمع وربما أحد أسباب ذلك تقصير الحكومات الفرنسية المتعاقبة في ادماجهم ومحاولة فرض علمانية متطرفة عليهم وعدم مراعاة خصوصيتهم بالشكل المطلوب بخلاف دول أخرى مثل جارتها بريطانيا والسويد وهولندا وغيرها، وهذا لاينفي وجود ارضية خصبة بين المسلمين أنفسهم لنشر التشدد والتطرف خاصة مع تفشي الفقر والجهل لدى شريحة واسعة منهم. النقطة الأساسية بالنسبة لي ان المرجعية في فرنسا هي القانون وليست الشريعة او تعاليم الدين (اي دين) رغم ارث البلاد المسيحي وبالتالي على المسلم تحديدا في موضوعنا هنا أن يدرك ذلك والا يحاكم الآخرين بقواعده خاصة اذا كان هو الدخيل عليهم وليس العكس، وأن يضع في حسبانه تعارض القانون مع مبادئ دينه وأنه مجرد مكون في تلك البلاد القائمة على التعددية الفكرية والثقافية مثله مثل اليهود والمسيحيين والملحدين والمثليين والاشتراكيين وغيرهم بصرف النظر عن رأيه فيهم وأن المسلمات التي يحملها من الموروث الذي أتى منه لاقيمة لها في مجتمعات منتجة ومتعايشة مع ذاتها، والأهم أن أدوات التغيير في تلك المجتمعات مختلفة تماما عن دولنا وليس من بينها أساليب التخوين والتكفير والتفسيق التي اقعدت الحراك الفكري في بلدان المسلمين.
                  

10-16-2020, 06:11 PM

محمد عبد الله الحسين
<aمحمد عبد الله الحسين
تاريخ التسجيل: 01-02-2013
مجموع المشاركات: 7127

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ماكرون؟ تعدد الزوجات أفضل أم تعدد العشيقا (Re: طارق عبد الله)

    استاذ طارق تحياتي
    تعليقك جاء خلاصة منطقية، و قراءة واعية و منطقية للواقع والظروف.
                  


[رد على الموضوع] صفحة 1 „‰ 1:   <<  1  >>

تعليقات قراء سودانيزاونلاين دوت كم على هذا الموضوع:
at FaceBook




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de