رسالة نارية من عميلة لمدير بنك الخرطوم وردود أفعال مثيرة من عملاء البنك

نعى اليم سودانيز اون لاين تحتسب عادل نجيلة فى رحمه الله
مرحبا Guest
اخر زيارك لك: 03-01-2024, 11:55 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2020-2023م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
05-22-2022, 11:02 PM

زهير ابو الزهراء
<aزهير ابو الزهراء
تاريخ التسجيل: 08-23-2021
مجموع المشاركات: 7432

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
رسالة نارية من عميلة لمدير بنك الخرطوم وردود أفعال مثيرة من عملاء البنك

    11:02 PM May, 23 2022

    سودانيز اون لاين
    زهير ابو الزهراء-السودان
    مكتبتى
    رابط مختصر



    سودافاكس _

    قامت إحدى العميلات ببنك الخرطوم بتوجيه رسالة إلى مدير البنك مفادها شكوى من سوء الخدمات المقدمة.

    و أوردت التالي في رسالتها التي تم تداولها على صفحات مواقع التواصل الإجتماعي:

    (الى السيد مدير عام بنك الخرطوم
    قمه الاستهتار والمهزله الحاصله في البنك ده ياخ انا عميله عندكم ابسط شي ما قادرين تقدمو لي. ياخ لي قريب اسبوعين حسابي قفل ما قادرين حته تفتحو لي حسابي مرتين السستم عندكم ما شغال ومره اراجع رقم شريحتي وراجعتها ومره وحده اسمها الاء اي سؤال سألتني ليهو وجوابتها اخر حاجه قالت دايره عمليه إيداع ٣ اديتها ومره عمليات سحب قالت الا ٣ اتزكرت ليها اتنين قالت لي ناسف ممكن تمشي أقرب مركز.)

    كما أشارت في رسالتها عدم تمكن العملاء مع التواصل مع البنك و ذلك نسبة لعدم الرد الفوري و السريع من خدمة العملاء مضيفة:
    ( وده غير عدم الرد يعني انا في الأسبوعين ديل ردو لي ٣ مرات وما افادوني بي شي في حاجه مؤسفه اكتر من كدا. انا شايفه تراجعو الموظفين بتاعنكم ديل لانو ناس بتستهتر بي العميل وده اسلوب غير مقبول).

    كما أردفت: (ودي ما اول مره ولا انا اول زول. وقفو المهزله الحاصله دي..في مليون بنك ومن بكرا حقفل حسابي لانو ما ليهو لازمه عندكم
    حسبي الله ونعم الوكيل).

    و أثار هذا المنشور حفيظة مجموعة ضخمة من عملاء بنك الخرطوم مؤيدين سوء تقديم الخدمات و البطء في المعاملات التي تتم عبر خدمة الإتصال (مباشر)، مع ذكرهم أن عدم تلبية احتياجات العميل ستؤدي للبنك بخسارة عملائه على المدى الطويل.






                  

05-23-2022, 06:16 AM

walid taha
<awalid taha
تاريخ التسجيل: 01-28-2004
مجموع المشاركات: 4198

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: رسالة نارية من عميلة لمدير بنك الخرطوم ور� (Re: زهير ابو الزهراء)

    الغريبة الجماعة ديل لو عندك تحويل من الخرطوم للولايات بدفعوك رسوم ! رغم إنو البنك هو نفس البنك و المعاملة (إلكرتونية ) يعنى مفروض إنها ما بتفرق لو محول لفرع فى الخرطوم ولا لحلفة إلا إذا كانو بشيلو القروش الإنت محولها دى وبودوها الميناء البري يشحنوها !!!

    تجربتى التانية معاهم إنو فقدت الرقم السري بتاع تطبيق بنكك وأنا فى السعودية فعرفت إنو ممكن تمشي فرع السفارة عشان تقوم بإجراء إستعادة الرقم السري ففعلا مشكورين عملو لى تحديث بيانات لكن لمن سألتهم عن الرقم السري قالو لى لازم تكلم (الكول سنتر) فى السودان !! قلت ليهم هو ناس الكول سنتر فى السودان ما بردو عايزني أنا أفتح معاهم خط من الرياض ؟!!! فزعلو مني :)
                  

05-23-2022, 07:33 AM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13569

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: رسالة نارية من عميلة لمدير بنك الخرطوم ور� (Re: walid taha)


    + سلام ابو الزور يا فدة ،/ وأنت يا وليد طه لينا زمن نفتش ليك.
    + أما بعدُ ، نضيف ليكم تجاربَ معاناةٍ شخصيةٍ مع معظم فروعم
    وب خاصة المنطقة الصناعية ، الفردوس و ش 60 ، ديل بقى لو كايس
    تفتح حساب تمش دغش تصلي الفجر واطة جنب المبنى ، و تسجل نفسك
    أول زول مع زي 20 واحد كأعلى سقف مسموح لقبول الطلبات خلال الدوام،
    و تفضل مجخم راجيهم يفتحو باب الكعبة المشرفة ، ينط ليك عسكري عيونو
    بي قضاهن كان نايم في الكُشَك ، يمسك ورقتكم يمدغا قدامكم ، يا جنابو دا
    شنو دا: يقول بسم الله! يقلليك ،لأنو في ورقة قبلها، من وين و متين جو
    القبالنا ديل بايتين هنا مسلن؟! يقولليك : ما شغلتك ، وبي غمزة عين
    كدا يهمس ليك : لو داي" في رمشة عين أبعدوك يا حنين"
    + كمان ملاحظ عندهم كائن اسمو مشرف الفرع ، دا لو الله بس
    مشقيها عليك يحولك ليه موظف الكاونتر غتاتة كدا، لأنو عارفو
    حا يشحطك قدامو ساعة ،عامل مشغول مع غيرك ولا محنِّك مع
    الجكسوية بتاعتو في الموبايل، و لامن يتلفت عليك ينقي شعيرك
    بقلة أدب و صفاقة وعنطظة، يندى لها جبين بت إبليس اللعين
    ويشيب لها الوليد بن طه و حتى الوليد بن طلال ظاطو.
    + و ثالثة الأثافي ، كلهم كل المشفرين يخلق من الشبه 40
    جلابة أولاد بحر معفنين، شكلهم ماخدين المناصب دي بالواراثة
    أباً عن جدٍّ ةوكابراً عن كابرٍ ونفس الملاح والطباع، و خلو الوفاض
    من أي خُلُقٍ ولا دين، مش الدين المعاملة والله ديل يعاملوك معاملة
    الكلب الأكل الدريش و انزنق في طاحونة فلاتة .ثم ماياهو
    جنس دا ظاطوالبيخلي الأخ سمعة يصدق فينا ظنه.
    فخليها العميلة دي تردمم بلا رحمةٍ ولا هوادة ،
    ثكلتهم أمهاتهم و أخواتهم من الرضاعة.
                  

05-23-2022, 12:19 PM

Asim Ali
<aAsim Ali
تاريخ التسجيل: 01-25-2017
مجموع المشاركات: 13492

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: رسالة نارية من عميلة لمدير بنك الخرطوم ور� (Re: دفع الله ود الأصيل)

    سلام عليكم
    بنك تجربتى معاهو ق
    يمة من ايام الدراسه فى نهايه التمانينات وبداية التسعينات ولاحقا فتحت حساب فى 2010 فى 2010 كانو نوعا ما كويسين لكن مؤخرا اصبح البنك رمز رداءة الخدمات والتعامل مع الجمهور
    رفى رمضان مشيت اغير بطاقه الصراف الالى
    مشيت الفرع بتاعى وقريب من البيت
    الموظف قال لى امشى اتصل على 1913 عشان تستخرج البطاقه
    مشيت اتصلت قالو لى بيتاتك مامحدثه امش حدث بياناتك بعدين تطلب تجديد البطاقه وممكن تقدم طلب من البنك مباشرة
    مشيت حدثت البيانات وبعدها مشيت للموظفه المفروض تعمل الاجراء بتاع التجديد قالت لى تعال بكرة
    بكرة كيف وانا موجود هسه والناس عندها اشغال !!!
    قالت حدهم 12الساعه وممكن تمشى اقرب فرع ليك قلت ليها اقرب فرع ياهو الفردع دا وبرضو مصرة انو لازم ارجع بكرة (مافاضيه من رنه موبايل لى مشاغله زميله بونسه والناس واقفه)
    مشيت البيت واتصلت 1913 وعملت الاجراء هاتفيا
    اها متين وكيف استلم
    قال لى تمشى الفرع بعد خمسه ايام عمل
    الكلام دا الخميس قبل الفات يعنى مفروض امشى امس الاحد
    لكن صراحه مامتوقع القاها وصلت
    غايتو بس الواحد مستمر كعميل للبنكعشم فى يوم تتعددل الاحوال ويعود لسابق عهدو
    لكن حاليا اكعب خدمات واكعب معامله
                  

05-23-2022, 12:35 PM

Mahjob Abdalla
<aMahjob Abdalla
تاريخ التسجيل: 10-05-2006
مجموع المشاركات: 8885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: رسالة نارية من عميلة لمدير بنك الخرطوم ور� (Re: Asim Ali)

    Quote: قالت حدهم 12الساعه

    الفكرة دى جات من وين, كل مكاتب الحكومة و يبدو ايضا القطاع الخاص, يقولو ليك حدنا الساعة 12.
    بتذكر من ايام امتحان الشهادة السودانية في الـ 80نات وقفنا في الصف لغاية الساعة 11 علي ما اذكر, قالو لينا الخزينة قفلت الا تجو بكرة.
    بكرة جينا, الموظف حوالي ال10 و نص اتشاكل مع الزول الكان وصل الشباك, اها زعل و ما عارف كب اى نوع من الشتائم و قفل شباكو و قال خلاص اليوم انتهى.
                  

05-23-2022, 02:34 PM

دفع الله ود الأصيل
<aدفع الله ود الأصيل
تاريخ التسجيل: 08-15-2017
مجموع المشاركات: 13569

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: رسالة نارية من عميلة لمدير بنك الخرطوم ور� (Re: Mahjob Abdalla)

    ياخي هاكم دي ع الطاير و نا زاتي جيعان مقفل لاحق الويكاب
    و في رواية أخرى ( Wake -Up) يعني صحي النوم يا بريشس , وكديي.
    مواعدني لاستلام بطاقة و دفتر شيكات بعد 8 أيام ، طلع خميس ، جيت و لقيتم
    مصربين احتجاجن على فصل زملاء ليهم في الله ، لكن و أنا مارق أنقنق لأني مزنوق
    ومشيافر، نادنا العسكري الحارس ، قاللي لي وسوس لي في عضاني قاللي: بنك السودان
    المركزي ملزمم يعوضواليوم دوام بكرة ، وبكرة جيت و طبعن كان اليوم دا يوم جمعة
    واللمة مجتمعة ، و فعلن مشيت راسي عديل على زولتي في الكاوانتر المواعداني فوقو ،
    تصدق ليقتا بترسم ليه في ود أبرق وعشوشةة، و التاني الجمبها خالف كراع فوق كراع
    يونسو وياكلو كورع مع مع جكسوية بتاعو، كوركت: يا جماعة بطاقتي و دفتر شيكاتي
    وأنا طيارتي مجنحة؛ تعرف الزولة قالت لي بدمٍ باردٍ :هديل جنبي يسمعن في كواريكك
    و ما بديك ياهن شفتَ كيف "حتى لو عملت بوريكنا فاسو هنا"!! لكن ليه يا بت الشيخ؟!
    ما هدا ليكم مداومين بي صمتكم تامين ولامين ، زولتك طوالي شتخت مناخيرا و
    نهرتني لا يدي لا كراعي: أيوة مداومين و لانا داسنها، علا لاكين كدي بس
    على بنك مركزي السجم ، ألزمنا نجي و هدا جينا، لاكين مانا هابشين لينا
    أي حاجة ،نقعد كدي بس إن شاء نعديها لعب مُنقلة ولا صفرجت
    لحد الساعة 2 و نمرق متراوحين أهلنا و"نعيش أملنا "
    "ياحاسدين غرامنا ياقاصدين خصامنا
    شوفو غيرى وغير حبيبى
    يادايرين تقولو وماقادرين تقولو
    ايه عايزين تقولو فيا وفى حبيبى
    قولو وقولو قال مهما تقولو قال
    مارايحين تنالو منى ومن حبيبى
    قلبين ضماهم غرام
    اتنين دنياهم سلام
    محال يحصل خصام
    بينى وبين حبيبى
    عهدى فيه وعهدو فيا
    ريدى ليه وريدو لليا"
                  

05-23-2022, 06:34 PM

مصطفى نور
<aمصطفى نور
تاريخ التسجيل: 05-13-2022
مجموع المشاركات: 4940

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: رسالة نارية من عميلة لمدير بنك الخرطوم ور� (Re: دفع الله ود الأصيل)

    من المضحك منلا موقع بنك الخرطوم الالكترني قالوا الكلام الجميل ده بس اظنوا كلام ساكت اتخييل قالوا شنو ههههههه

    إنجازاتنا
    تعتبر الإنجازات التي حققها بنك الخرطوم حتى الآن كبيرة للغاية. فهو يستمر في الخروج عن المألوف، كما يواصل تحقيق أداء مالي قوي ونمو في الأعمال، بإدارة حكيمة للمخاطر، في الوقت الذي يعمل به ضمن بيئة أعمال متضاربة ومعقدة.

    عمل البنك على تعزيز عمليات ومنتجات البنك لضمان تلبية المعايير الدولية. كما اعتمد الابتكار، باعتباره ركيزة استراتيجية رئيسية، وينعكس هذا في عروض الخدمات والثقافة والفكر الحديث التي تتمتع بها المجموعة المصرفية، حيث يتم تدريب موظفي بنك الخرطوم وتصميم منتجاته لاستباق الاحتياجات المهنية والشخصية لقاعدة عملائه المتنوعة.

    وفي الواقع، لطالما كان بنك الخرطوم رائداً في السوق، وذلك من خلال تقديم خدمات مصرفية رائدة للأفراد في السودان منذ عام 2006. وتطورت استراتيجيته وأداؤه في السوق ابتداء من المنتجات الإعلانية المخصصة التي تقدمها البنوك الأخرى، ووصولاً إلى تقديم خدمات مركزة ومبتكرة أدخلت مجموعة كاملة من المنتجات المبتكرة والمصممة خصيصاً لتعزيز ودعم إحتياجات ومتطلبات العملاء. ويتمتع البنك بالحصة الأكبر في السوق فيما يخص الخدمات المصرفية للأفراد، ليكون البنك الرائد والسباق في السوق المصرفي.

    وفي عام 2008، اندمج بنك الخرطوم مع بنك الإمارات والسودان، مما جعله البنك الأكبر في السودان، من حيث رأس المال، وحصته في السوق. وكان من الملحوظ بشكل خاص الإنجاز الذي حققه في عام 2011 عندما تم شطب البنك من قائمة عقوبات مكتب مراقبة الأصول الأجنبية (OFAC)، التابع للحكومة الأمريكية على الرغم من استمرار تطبيق العقوبات على السودان. بالإضافة إلى ذلك، حصل البنك على تصنيف AA من الوكالة الإسلامية الدولية للتصنيف، مما يجعله البنك الأول في السودان الذي يحظى بهذه المرتبة. وقد توسعت شبكة الشراكات المصرفية للبنك بشكل كبير حيث أصبحت تضم الآن بنوكاً دولية وإقليمية من آسيا وأوروبا والشرق الأوسط وتسهم شبكة الشركاء الموسعة في زيادة مرافق وقدرات خط ائتمان البنك.

    شطب بنك الخرطوم من مكتب مراقبة الأصول الأجنبية
                  

05-24-2022, 07:57 AM

walid taha
<awalid taha
تاريخ التسجيل: 01-28-2004
مجموع المشاركات: 4198

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: رسالة نارية من عميلة لمدير بنك الخرطوم ور� (Re: دفع الله ود الأصيل)

    Quote: وأنت يا وليد طه لينا زمن نفتش ليك.


    الله يخليك يا ود الأصيل
    موجود و اللاي بس أهو "بنككـ" :)
                  

05-24-2022, 07:58 AM

walid taha
<awalid taha
تاريخ التسجيل: 01-28-2004
مجموع المشاركات: 4198

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: رسالة نارية من عميلة لمدير بنك الخرطوم ور� (Re: زهير ابو الزهراء)

    Quote: قالت حدهم 12الساعه

    وبعد ده يقولو ليك (بنككـ) !!
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de