النار ولعت

مرحبا Guest
اخر زيارك لك: 09-26-2021, 11:46 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
09-07-2021, 08:09 PM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
النار ولعت

    08:09 PM September, 07 2021

    سودانيز اون لاين
    Ahmed Yassin-
    مكتبتى
    رابط مختصر



    *النار ولعت* 🔥
    في إحدى الصباحات الندية في ذلك الزمان وتلك الأيام ونحن علي مقاعد الدراسة كان عندنا أستاذ الإنجليزي
    إسمو ( السماني ) زول مرتب كدا ودقيق حال الإنجليز أنفسهم والحصة كانت ( دبل ) إنجليزي
    دي بالنسبه لينا قنبلة ( نووية ) ملخبتة مع ( هيدروجينية )
    وترانا راكزين …!!
    المهم جا خاشي كدا ( قود مورننغ ) ….( قود مورنننغ ) تبادلنا التحايا
    تحلف تقول طلبه في ( ساندهيرست )
    ( هو إنتا خليت فيها مورننغ )
    أستاذ ( السماني ( دا بتكلم زي الخواجات نفس ( الآكسنت ) ….!!
    ما تسمعو ( الآكسنت ) دي تقولو خلاص كنا ( منقطنها ) عرفناها بعد زمن ...وقريب دا
    هو نحن فاضين من ( بريزنت بيرفكت تنس )
    الله حلانا من ( كونتينيوس ) المسك بينا زمن
    ....
    المهم زي ماقلت ليكم هو زول منظم كدا وصعب
    بنلاوز منو لكن ًبنحبو برضو … ماعارف اشرحا ليكم كيف .!!!🤓
    أحاسيس متضاربة لكن في النهاية كويسة …
    المهم بعد التحيه دي كتب كلام كدا بالإنجليزي في السبورة ونحن كالعاده ماعارفنو كتب شنو..
    ( فكي بس ) ….
    وعندو حركة غريبة كدا بعملا قبل ما يكتب …..
    بكسر جزء من ( الطبشيرة ) وبجدعو بالشباك …..ماعرفناها دي شنو ...!!
    يكًون بجدع الفاضي ..!!؟؟؟ 🤔
    المهم قام طوالي قال: ( بي اتنشن )
    وسادت حالة من الصمت الرهيب ….!! وخاطبنا متسائلا بصوته الجهور
    Fire ....!!🔥
    what does it mean؟
    ‎مش كلام واضح والإجابة أوضح من ( النار ) دي ذاتا






                  

09-07-2021, 08:22 PM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    برضو اتجهجهنا ….
    وصبت فينا المطره ….نتلفت زي الطير …..!!
    قلنا إمكن كمين …!!
    المهم إترددنا كدا وسادت حالة من الصمت لم يتركها ( السماني ) تطول
    طوالي حسم الموقف وحدد الهدف قال
    قوم جاوب يا ( عامر !!
    الله !!!
    ليه كدا ياخ ؟ !!!
    ما لقيت إلا ( عامر)
    ( عامر ) دا ود لطيف كدا معانا في الفصل مسكييين ومسالم خلاص
    وغير متفرع للاكاديميات دي شديد ….ضارب ليك ( الكورنة ) دي وقاعد كافي شرو ..غيرو
    المهم ( عامر ) عشان بس يقوم داير لي ( دفرة )
    أول حاجة القعدة دي بتكون من الصباح رجلينو خدرن ومنملات
    وهو ذاتو ما بحب الإزعاج … تحس بيهو ( وحلان ) كدا حاضن الركن دا والجيوب مليانة ( كرور )
    و( عامر ) دا ببيع لينا ( اللالوب ) في الفصل وبصدر لي فصول تانية….والله زي ما بقول ليكم ..
    وأشهد أنه صاحب أجمل ( لالوب ) في المدينة
    ماهي ( اللالوبة ) دي ياطازجة يا ( حزينة)
    وفي واحدات ( مزعمطات ) كدا زي الأكلم زول قبل كدا
    ياخ الزول دا شدة ما مبدع في ( قد ) كدا في ( اللالوبة ) دي لي هسا أنا ما عرفتو دا شنو !!!
    ( تصريف وتهوية ) ولا ( فتحة درب ) ولا الحاصل شنو ؟!!
    ما عرفتو والله
    المهم ( عامر ) دا كان بركب فيهو عود كدا بتبقى ( اللالوبة ) زي ( حلاوهةحربهة) لمن لا يستطع للأصل سبيلا …
    الأصلية دي كان بشتروها ناس ( وليد إمام )
    ( شوف الإسم ....) 👋
                  

09-07-2021, 08:31 PM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    وليد دا مره جاب معاهو ( حصالة ) كدا أول يوم نشوفها
    في شكل ( فيل ) 🐘 مليانة قروش ( تطقطق ) قال بوفر فيها من مصروفو اليومي …!!
    وكانت صدمتنا كبيرة وبالغة يومها لأنو أول مره نكتشف إنو ذاتو في *مصروف* ….!!😳 خلي يومي …
    أتاري أهلنا سايقننا بالغابة الزمن دا كلو
    حدنا حق الفطور ….. جابت ليها حصاله كمان ….!!
    ( ليكم يوم لكن )
    تسقطو كلكم …
    الغريبة ( وليد ) دا بجي بي فطوروا من البيت
    ( فطور العريس )
    نحن سلطة الروب بتاعة حاجة ( نفلو ) عملت لينا نوفاخ و ( إستسقا )
    ( لكن طاعمة طعومية )
    أها ( عامر ) أخيراً قام !!
    ( ألف حمدلله على السلامة )
    ونحن الضحك كاتلنا منتظرين الإجابة مع ترقب وتضامن نفسي كبير معاهو
    هو طوااالي سرحان كدا
    ( يكون بحسب في عائدات الصادر والمنتجات الزراعية دي )
    لو قال لي أستاذ ( السماني ) ….السؤال كان شنو ...!؟؟
    حتكون مصيبة …ولو جاوب غلط فهي الكارثة ( وهي الأقرب للوقوع )
    علاقة ( عامر ) بالإنجليزي متوترة شديد حال بعض المواد الأخرى عدا الدين والتاريخ !!
    ونفسنا كلنا نساعدو والله وكلنا متعاطفين معاهو …
    ( غير اللالوب ) عامر لطيف ياخ وطيبان كدا وبرضو مرات ببيع لينا ( الحبر )
    وفي تقديري هو أحد رواد ( قدر ظروفك )
    ( والمشاريع متناهية الصغر ) لأنو عندو ( محبرة ) كدا تجي ( تشفط ) بي قلمك وتديهو الفيها النصيب 🖌✍️
    غايتو كان بمرقنا من أزمات قاتلة
    يمين ( عامر ) أحسن من الحكومة وأفضل من يدير الازمات
    يعني مره معانا واحد ( زرايرو ) كلها اتقطعت في إحدي معارك ( فسحة الفطور )
    وكانت ( الإبره والخيت ) الوحيدات عند ( عامر )
    ولولا ( عامر ) الزول دا كان قطعوا هو ذاتو …
    لأنو أستاذ ( الريح ) أبو فصلنا دا
    ( الاضافرين ) الطوال بقشطك بي المسطرة ….
    ( الزراير ) دي معناها المقصلة …!!
    المهم يازول الفصل دا صننننن صنا وأستاذ ( السماني )
    بقى يمشي ويجي زي بندول الساعة …
    ردد السؤال مره تانية ….!!
    المرة دي كلمة …كلمة تسمع صوت ( بلعة الريق ) ...بين كل كلمة والتانية
    Fire
    ‎موسيقي من سيربح المليون)
    ‎🥁( دا دا دنق دنق)
    what ....
    does....
    it ....
    meen 👹
    بس أفلام الرعب ديك ….
    ( عامر ) بدا يفقد سوايل ) ....!!😰
    قال ليهو يا ( عامر ) يعني شنو fire
    قالا بالعربي كدة
                  

09-07-2021, 08:37 PM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    ( سرك باتع يا معلم )
    أستاذ ( السماني) أسلم
    بس مافي فايدة ال ( fire ) لسا مولعة ..🔥
    الليله يحلك الله يا ( عامر )
    ( زنقة السواد ) ….!!
    زولك بقى يهبش في جيوبو ….!!
    ( ياربي داير يرشي الأستاذ ) !!!!!🤔
    وأطول دقايق تمر علينا منذ فترة طويلة …
    و( عامر ) عامل فيها بفكر ......🙄
    ونحن ندعو في دواخلنا أن يلهمه الله الصواب ….!! وحسن الجواب
    ويثبته عند السؤال 👀
    وصبر ( السماني ) بدا في النفاذ ….!!
    واخير نطق ( عامر )
    وبكل ثقة قال للأستاذ
    ( السوق )
    يا الرسول ....!!!!!
    والله كأنو دفقو فينا موية باردة …..!!!
    الله لا كسبك يا ( عامر ) ياخ .....!!
    دا شنو دا هسا ….!!؟؟؟؟؟؟
    غايتو كمية الإحباط الدخلتنا ما حصلت
    وكان حزننا كبير لأننا سنشهد ( مجلدة ) يندى لها جبين الإنسانية على هذا الإجابة النموذجية
    يعني الزول دا لو قال ( الرماد) كنا قلنا احتمال …
    ( غايتو الرماد فينا وفيك )
    السوق ياعامر ...!!؟؟ ………..ما بالغتا …..!!
    وتهيئنا للمجزرة
    لكن حدث مالم يكن في الحسبان
    أستاذ ( السماني ) قال:
                  

09-07-2021, 08:45 PM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    صفقو لي عامر ...
    نحن طوالي صفقنا ..!!👏👏
    وضحك ( عامر ) ضحكة بريئة ( ممزوجة بخجل ) يشوبها الحذر والتوجس كحال طبعة الودود ….!!
    ( هو ذاتو مابكون عارف قال شنو ) …!!
    أستاذ ( السماني) قال ليهو ( fire ) معناها النار يا ( عامر ) والسوق القلتو إنتا دا لأنو قاعد في عقلك الباطن …!!
    ( وكانت أول مرة في حياتنا نسمع بقصة الباطن دي )
    أستاذ ( السماني ) قال لينا يا أبنائي أنا الليلة
    I am sooo impressed
    ( طبعا نحن الجمل الاعتراضية دي ولا كأنو سمعناها
    راجين باقي الحكاية بالعربي .!! )
    قال الحقيقة أنا لقيت ( عامر ) دا قبل يومين وتحديداً يوم الجمعة الفاتت بعد الصلاة …!! كنا بنصلي في جامع السوق
    قال لقيتو تحت شجرة كدا لما شافني جا جاري علي
    وقال لي عليك الله يا أستاذ ممكن تجي تسلم على الوالدة….!!!
    وقد كان ….قال فعلاً جيت سلمت عليها ووجدتها امرأة عظيمة
    إسمها الحجة ( نعيمة ) ..و..وصفها بالفارسة
    وقال
    ‏She is a great and distinguished woman
    ( دي كباها لينا بدون ترجمة …..!! بس حسينا بيها )
    قال فارشة بتبيع حاجات في السوق بكل عزة
    و( عامر ) جنبها يساعد فيها .....!!
    وقال لينا ما تتخيلو سعادتي بيهم كانت قدر شنو ....
    واحترامي ليهم قدر شنو …!!
    أخوكم ( عامر ) يا أبنائي رجل محترم وعصامي …
    ( وكانت برضو أول مرة نسمع بكلمة ( عصامي )
    ولا نعلم معناها لكن اتوقعنا ا إنها حاجة كويسه ؛ ….!!
    أستاذ ( السماني ) شكرو على الهدية قال هو وأمو
    اهدوهو كيس من ( النبق ) و ( القنقليز ) و ( الدوم )
    وبجانب هذه الطيبات قال ( أم عامر )
    عندها ( المقاشيش ) و( الهبابات )
    وحاجات جميلة كدا معمولة بالسعف ….!!
    زمن البلد فيها ( مقاشيش )
    ( نقش الواطا والقلوب نضيفة )
    ( قبل ما يقشونا نحن ذاتنا ) …….!!
    قال دي أعظم هديه يتلقاها .....
    أكرمني ( عامر ) وأنا ( أكرمه ) اليوم …..!!
    وأنا قصدت أقول ليهو ( fire ) لأنو الظروف القاسية زي ( النار ….بتختبر الرجال ….!!
    و إنتا والوالدة نموذج يحتذي للنضال … ربنا يوفقك يا ابني….!!
    قال أكتر حاجه هزتو لما حاجه ( نعيمة ) قالت ليهو
    ما بوصيك على ( عامر ) ياولدي …ينتبه لي دروسو
    دقو ما تفضل فيه الحبة ....!! ياهو دا يسمع في كلامي
    قلمو قليم …..
    وهو يضحك سااااي وهي تضحك وأستاذ ( السماني) يضحك
    ....
    ( في دق يا اخوانا أجمل من كدا ) 🥰
    قال حاجه ( نعيمة ) قالت ليهو
    ( *عايزاهو يتعلم عشان ما يتألم* ) 👌
    قال لينا العباره القالتا ( أم عامر ) دي مش أنا
    *أستاذ* ومعلم وانجليزي وكدا …..
    قال هو يقف ( *تلميذ* ) أمام هذه العبارة ……!!
    يازوووول نحن من غير ما نشعر صفقنا وجنس صفقة هي
    و( عامر ) دا بس يتبسم ويعاين
    أستاذ( السماني ) قال تاني صفقو ليهو …!
    ودورنا ليك تاتي صفقة نار 🔥 ووقفنا على حيلنا نصفق
    و دقينا الادراج .. رط رط رط المدرسة كلها تسمع 👏👏👏👏👏👏👏👏👏👏👏👏
    ( بنحب عامر ياخ )🥰
    انه طيب وجميل وحبيب الشعب 😍
    وهو أول إحتفال أشهده في حياتي لجواب غلط
    لكن الطريق إليه صحيح ....!!
    ( *مامهم نغط المهم نتعلم من الغلط* )
    ومن غير عمل مافي أمل …. ومن غير تعليم الواقع أليم
    كما قالتها المحترمة ( نعيمة ) ….
    ومين علمك يا فراش…..!!
    الحصة انتهت وكان بطلها ( عامر ) وانتقلت الحكايه لبقية الفصول وكان ( عامر ) في ذلك اليوم
    أشهر من ( المدير ) يوزع في الإبتسامات والضحكات ( واللالوب ) برضو 😂😂😂
    مستغلا ( الماركتنغ) الرهيب دا الليله
    ولأول مرة ( اللالوب ) قطع .....واحتاج ( عامر) للإمداد
    ( الله يفتحا عليك من كل باب )
    وكان ( عامر ) نجم ذلك اليوم وكل الفصول ........
    سلام عليك أينما كنت …فقد منحتنا كل شيئ في ذلك
    الصباح الباهي والذي لازال في ذاكرتنا …!!
    تذكرت كل ذلك وأنا أشاهد علي صفحات ( الفيس )
    ( عامر ) ذااااتو المابغباني بكل صفائه والجمال والضربة الفي الجبهة ….والطيبة …بس ضعف شوية
    في صورة له أمام ( الحرم ) مع والدته ….! 🕋
    وقد كتب عليها ….
    ( أنا وأمي ( نعيمة ) العظيمة ) 🥰🥰
    أشهد أنها عظيمة …..!!
    وأشهد أنك ( عامر )
    ( وان شاءلله دايماً عامر ) …!!
    أتاري ( اللالوبة ) كانت ( سبحة ) ونحن ماعارفين …!!
    اللهم رزقاً طيباً مباركاً ..
    وبلغ نعيمة الحب ❤️
    سلام عليكما في العالمين
    وصباح الخير يا الأمير …….!!!
                  

09-07-2021, 09:32 PM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 40789

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    ياسلااااااااااام

                  

09-07-2021, 11:22 PM

منتصر صلاح
<aمنتصر صلاح
تاريخ التسجيل: 08-31-2012
مجموع المشاركات: 546

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Yasir Elsharif)

    والله ابداع ما بعدو ابداع

    ادخلتنا وارجعت ذاكرتنا ل متوسطت/ ة الشيخ شريف واستاذ الانجليزي الأنيق عوض سكارة له التحايا هناك في منطقة الخناق بدنقلا ..

    ولك الود فنانا.
                  

09-08-2021, 03:24 AM

بسمات الشيخ
<aبسمات الشيخ
تاريخ التسجيل: 05-22-2021
مجموع المشاركات: 159

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: منتصر صلاح)

    الاستاذ احمد ياسين
    التحيات النواضر لك لهذه الرائعة التي كتبتها
    باسلوب محبب للنفوس وجعلتنا نتسمر امام
    الكمبيوتر نتابع قصة استاذ الانجليزي الصارم
    والتلميذ عامر..
    والتحيات النواضر لي عامر حيث ما كان ،
    ..ونحن بالعكس استاذ الانجليزي عندنا كان ظريف
    جدا وحبب لينا اللغة.اما استاذ الرياضيات فقد صعب
    شديد زي استاذ السماني بتاعكم ..ولهذا كرهنا
    الرياضيات...الان اذا سالتني ٩+٧ كم ؟ حاتردد
    في الاجابة لان العقل الباطني بيخليني اتذكر استاذ الرياضيات
    ..وشكرا استاذ احمد ياسين فقد عشنا لحظات سعيدة مع
    هذه القصة الرائعة والتي احس بها فعلا حقيقية ..
    وقصة ممتعة ..ومفيدة في نفس الوقت وفيها عبر.
    فشكرا لك
    والله يديك الصحة والعافية...
    تقبل تحيات الصديقة امتثال التي بلغت الصحة والعافية.ولكن
    نحن مانعنها تكتب عشان ما تتوتر فلقد مرت بظروف صحية
    صعبة...ولكن قرانا لها قصة استاذ الانجليزي وعامر
    ولاول مرة منذ بداية مرضها تضحك بصوت عالي،،،
                  

09-08-2021, 04:35 AM

Salah Zubeir
<aSalah Zubeir
تاريخ التسجيل: 08-17-2015
مجموع المشاركات: 4502

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: بسمات الشيخ)

    Quote: ( *عايزاهو يتعلم عشان ما يتألم* )

    يا سلااااام عليك يا أفن فنان ...
    ياخي جننتنا جن ... بوست ذو شؤون وشجن بالكوم
    لا يعد ولا يوصف ... الصنف جبار ... جبتو من ووووين ...
                  

09-08-2021, 06:12 AM

الزبير بشير
<aالزبير بشير
تاريخ التسجيل: 08-11-2009
مجموع المشاركات: 1541

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)


    تشكر استاذ احمد يس

    الكبر و حب الماضي خلا دموعنا تجري زي المطر

    نحن اهل قري و عامر نموذج للكثير من العصاميين و العصميات في ايامنا تلك

    دموعي جرن و تذكرت الوالد ، كان بفرش الطماطم بالكوم في سوق القرية الصغير ( الجزر ) تصغير جزارة .

    علي طارى الانجليزي

    استاذ الانجليزي كتب لينا children و قال لينا انطقوها و احد و را التاني

    اول مره اشوف مبارة تنتهي 55 / صفر

    صباح بداية جميلة بهذه القصه في الغربه المسيخه

    الزبير الختمي
                  

09-08-2021, 06:27 AM

نزار عبد الوهاب
<aنزار عبد الوهاب
تاريخ التسجيل: 05-14-2014
مجموع المشاركات: 473

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    يا الله على الجمال والكمال ...
    الله يرضى عليك يا أبو حميد وعلى عامر وأمو حاجة نعيمة ...
    وكل الأعضاء والزوار وكل الشعب السوداني الفضّل ...
    والتحية لكل أساتذة الإنجليزي الأجلاء ...
                  

09-08-2021, 06:42 AM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: نزار عبد الوهاب)

    اعزائي الطلاب.. حسب جلوسهم
    بسمات الشيخ. امتثال عبدالله ( غياب )
    ياسر الشريف
    منتصر صلاح
    الخليفة .. الزبير بالختميبشير
    نزار عبدالوهاب
    صلاح الزبير ( كنبة ورا) "خت100" غرب
    والله مع حبي ليكم والله بشهد
                  

09-08-2021, 06:42 AM

علي عبدالوهاب عثمان
<aعلي عبدالوهاب عثمان
تاريخ التسجيل: 01-17-2013
مجموع المشاركات: 10384

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: نزار عبد الوهاب)

    يا سلام فنانا وأديبنا الجميل ..
    سرد في منتهى الروعة
    ذكرتنا تلك السنين الجميلة ورجعت بنا سنوات عديدة
    كنت مدرس لغة الانجليزية أدرس 18 حصة في الاسبوع انجليزي
    المنهج كان جميل وموضوع عن طريق ناس متخصصين
    هناك في ضواحي الدنيا التلاميذ كانوا في منتهى الانضباط

    شكرا لتنشيط ذاكرتنا لنسترجع تلك الايام الجميلة

    المهم فنانا الجميل .. نضيف ليك لقب اديبنا الجميل

    تحياتي الحبيب أحمد
                  

09-08-2021, 07:15 AM

تماضر الطاهر
<aتماضر الطاهر
تاريخ التسجيل: 04-16-2018
مجموع المشاركات: 925

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: علي عبدالوهاب عثمان)


    ذكرتني بوستات (كمونية)
    سلام وتحايا للجميع
                  

09-08-2021, 07:31 AM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 40789

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: تماضر الطاهر)

    الحمد لله على سلامة امتثال عبدالله يا بسمات.


    بالله بلغيها منا السلام وربنا يتم عليها العافية.
                  

09-08-2021, 07:53 AM

Asim Ali
<aAsim Ali
تاريخ التسجيل: 01-25-2017
مجموع المشاركات: 11614

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: تماضر الطاهر)

    وانا اقراء السرد
    عدت لايام مدرسه الكدرو المتوسطه -اوائل الثمانينات-واساتذه الانجليزى محمد ابراهيم وعبدالله يوسف (وكيل المدرسه) والاسبلينغ الاسبوعى (20 كلمه) والفلطه بجلده (الا تقفل الدرجخ حتى تمرق من الجلد
    اسنتين قضيتها من عمر المرحله المتوسطه فى الدرسه دى لكن كانت تجربه تعادل سنوات
    .
    Quote:
    وعندو حركة غريبة كدا بعملا قبل ما يكتب …..
    بكسر جزء من ( الطبشيرة ) وبجدعو بالشباك …..ماعرفناها دي شنو ...!!
    يكًون بجدع الفاضي ..!!؟؟؟ 🤔

    بعد التخرج والعمل فى الثانوى لفتره مره طلبه فصل -فى رمضان- عملو فطور جماعى للاساتذه للاسف ماحضرتو
    فى فقره من فقرات البرنامج واحد قام قلد الاساتذه
    واحد منهم قالو قلدنى
    اثناء الشرح من دون كتابه
    امسك الطبشيره واخليها جوا فراغ كف اليد المكوره واهزها
    حركه حتى انا ماكنت منتبه ليها او منتبه لانو فى زول جايب خبرها
    .
    ذكريات زمن جميل
    ومرحله عمر جميله ورائعه بكل عنفوانها وتناقضاتها
    كتير مانهرب ليها فى دواخلنا بعيدا عن واقع مزعج ومؤلم
    تحياتى
                  

09-08-2021, 07:56 AM

Haytham Ghaly

تاريخ التسجيل: 01-20-2013
مجموع المشاركات: 4537

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Asim Ali)


    سرد جميل يا احمد يس

    تصدق انا افتكرت انك ناقلو من يوميات علوب

    نفس الاسلوب الظريف والمعبر

    تحياتي
                  

09-08-2021, 08:06 AM

Kamal Alalla
<aKamal Alalla
تاريخ التسجيل: 10-13-2018
مجموع المشاركات: 171

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    هائل هائل
    ابدعت ابداعا شديدا يا استاذ ع قول عمك قدور
    فعلا تشبه يوميات علوب للمبدع الطيب عبد الماجد
                  

09-08-2021, 09:32 AM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Kamal Alalla)

    استاذ الانجليزي الفاضل : علي عبدالوهاب .. انت عارف مكانتك ايها المربي العظيم
    الطالبة: تماضر الطاهر .. الشاعرة والفنانة .. زي بسمات اكيد ماحافظة جدول الضرب طبعا عارفة تقدير الجميع ليك ولناس بيتكم الافاضل
    الطالب: الدكتور ياسر الشريف .. من نواحي المانيا وياريت لو في (هايدلبيرغ) كل ما اشوفك بتذكر الجميل التجاني الشريف
    الطالب: عاصم علي .. صاحب المجهود الجبار والكبير في المنبر
    الطالب: الغالي .. هيثم غالي .. وحات غلاوتك يا هيثم العمر زادت غلاتو معاك وصالحني الزمان يا اعز الناس
    الطالب: كمال على الله: فرحنا وزانت شتلاتنا بيك
    التحية لكم جميعا فردا فردا
                  

09-08-2021, 10:09 AM

Mortada Adam
<aMortada Adam
تاريخ التسجيل: 01-08-2013
مجموع المشاركات: 223

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    استاذنا احمد ياسين
    لك التحية والاحترام

    بوست جميل يخليك تبكي وتضحك وتفرح وتفتخر بعامر

    شكرا بحجم السماء
                  

09-08-2021, 10:09 AM

عمر عبد العزيز كيلاني

تاريخ التسجيل: 10-21-2009
مجموع المشاركات: 324

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    ]روعة والله .

    تسلم يا مبدع
                  

09-08-2021, 10:10 AM

عمر عبد العزيز كيلاني

تاريخ التسجيل: 10-21-2009
مجموع المشاركات: 324

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    ]روعة والله .

    تسلم يا مبدع
                  

09-08-2021, 10:36 AM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: عمر عبد العزيز كيلاني)

    الآتية اسمائهم :
    مرتضى آدم
    عمر كيلاني
    منصر صلاح
    نزار عبدالوهاب
    كمال على الله
    لقد لوحظ في الآونة الاخيرة غيابكم المتكرر عن المنبر وهروب البعض بعد فسحة الفطور
    لذا قد تقرر أن يحضر كل منكم ولي امره بعد غدٍ (السبت )
    وهذا بمثابة انذار
    ---
    مع كامل الود والحب
                  

09-08-2021, 10:39 AM

علاء سيداحمد
<aعلاء سيداحمد
تاريخ التسجيل: 03-28-2013
مجموع المشاركات: 12751

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: عمر عبد العزيز كيلاني)

    Quote: وهو أول إحتفال أشهده في حياتي لجواب غلط
    لكن الطريق إليه صحيح ....!!
    ( *مامهم نغط المهم نتعلم من الغلط* )
    ومن غير عمل مافي أمل …. ومن غير تعليم الواقع أليم
    كما قالتها المحترمة ( نعيمة )


    يا سلااااااااااام يا احمد يافنان ياخ

    ابداع حتى الثمالة يا فنان انتا ممكن تنافس اطخن سيناريست ياخ ليك اسلوب شيق فى الكتابة .
    بالله عليك واصل جنس الخواطر دى .
                  

09-08-2021, 10:44 AM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: علاء سيداحمد)

    علوش .. الشيخ علاء سيداحمد من نواحي كرمة التاريخ والتراث
    فرصة ارسل ليك تحية كبيرة وتقدير في تعبك ومجهودك في النواحي الفقهية في المنبر
    ننتهز السانحة دي .. ونقول ربنا يجزاك عنا خير الجزاء ويزيدك علما
                  

09-08-2021, 11:26 AM

محمد حمزة الحسين
<aمحمد حمزة الحسين
تاريخ التسجيل: 04-22-2013
مجموع المشاركات: 2218

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    Quote: سرد جميل يا احمد يس

    تصدق انا افتكرت انك ناقلو من يوميات علوب

    المبدع الفنان احمد يس ...
    حياك الغمام يا غالي ...
    هل أنت علوووب ؟



    رغم إني قرأتها في يوميات علوب عبر الأخيدر فضحكت وبكيت في آنٍ معاً كأني لم أقرأها من قبل ...
                  

09-08-2021, 11:37 AM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: محمد حمزة الحسين)

    الطالب: محمد حمزة الحسين .. بامانة ياخ وبصراحة كدة أنت تمتلك او نقول ربنا اعطاك قلب ابيض وطيب
                  

09-08-2021, 11:36 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 7592

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    احمد ياسين
    والنضمي الحلو المبين
                  

09-08-2021, 11:42 AM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: أبوذر بابكر)

    الطالب: ابوذر بابكر الخرطومي الأنيق والأغبش في نفس الوقت
    مرة بقول لاستاذنا الكبير يوسف الموصلي .. انت كنت بتغني بالرق في اشلاق البوليس الغربي
    وكان معاك فلان وفلان .. اها يا ابوذر كل ما اجي الخرطوم نواحي حسن عطية . طق بتجي انت تطل لي من راسي
    ياخ انا دا محظوظ بى ناس المنبر وبالتشكيلة المتنوعة .. عاد الانجليزي دا ما .. حقك
                  

09-08-2021, 11:49 AM

طلحة عبدالله
<aطلحة عبدالله
تاريخ التسجيل: 09-14-2007
مجموع المشاركات: 16964

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    دا كلام زول كان بعاني من شد الطابور
    وجلد النيم والخرطوش الأسود 3 بوصة
    المعاناة تولد الابداع كما قال استاذ حمدنالله السيد بابا
    تحياتي يا أحمد يسن
                  

09-08-2021, 11:59 AM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: طلحة عبدالله)

    الطالب: طلحة عبدالله دا
    اتذكر في واحد اسمه طلحة.. طبعا من الجماعة الورا .. ماخد (كورنة) وقدامه واحد ماشاءالله اسمه تيسير
    سمين .. في الحصة الرابعة كالعادة كان نايم .. لكن اليوم في اليوم المشهود دا الحصة جغرافيا شغالة وهو
    في قمة نومته العميقة التقيلة مستترا بالقاعد قدامه .. والاستاذ بشرح خط الاستواء والطول والعرض
    فجأة تسمع (خخخخخخخخخ) ..
    الحصل بعد كدة بتخيل لي انت عارفو وانا عارفو
                  

09-08-2021, 12:55 PM

طلحة عبدالله
<aطلحة عبدالله
تاريخ التسجيل: 09-14-2007
مجموع المشاركات: 16964

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    كنت بنوم في حصة العلوم يا أحمد
    بالذات اجزاء الزهرة والبتلات ولتاعت اللمبة زسلك التنجستين
    والمعا عارف شنو
    حصة مملة واستاد امل منها
    لو ما دكيتا بجي انوم
    لكن الغريبة يوم واحد ما قبضوني نائم
    خخخخخخخ
                  

09-08-2021, 01:08 PM

نعمات عماد
<aنعمات عماد
تاريخ التسجيل: 03-08-2014
مجموع المشاركات: 9268

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: طلحة عبدالله)



    Nice 🍁
    شخصيات رائعة،الأستاذ و عامر و والدته.
    وحكي ممتع يا فنان.
                  

09-08-2021, 01:23 PM

محمد حمزة الحسين
<aمحمد حمزة الحسين
تاريخ التسجيل: 04-22-2013
مجموع المشاركات: 2218

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: نعمات عماد)

    Quote: الطالب: محمد حمزة الحسين .. بامانة ياخ وبصراحة كدة أنت تمتلك او نقول ربنا اعطاك قلب ابيض وطيب

    شراً علي الإشادة من فنان في قامتك ...
    عندي بس
    Please , tell Mr Khador AlType (Moustfa) to do me a favor
    how to post Audios HERE
                  

09-08-2021, 01:19 PM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: طلحة عبدالله)

    طلحة ود عبدالله
    ذكرتنا ....ياخ ..سلك التنجستن و ناس البطارية الكامنة والجافة
    والتوازي والتوالي ...
    اها طلحة دا ( انوارو واحدة بدون سلوك ).عشان التنجستن .الاستاذ جاب لمبة وسلوك
    وقال تجربة حية اللمبة دي ماركتها .. وقام متب في السبورة(Phhilips) وقال قوم
    اقرأ يا طلحة ... طبعا طلحة سكت والاستاذ هرشو .. اقتح خشمك دا ... شنو المكتوب
    وصاحبنا بحرك شلاليفو دون صوت بقول شنو ماعارف وبحاول يفهم الاستاذ انه بتهجى
    مع رفعة السوط.. وهو بحاول يتحاشي ويمنعه بكلتا يديه وعينه اليمين مغمضة ....قال
    ( بهيلبس )
                  

09-08-2021, 01:25 PM

Biraima M Adam
<aBiraima M Adam
تاريخ التسجيل: 07-04-2005
مجموع المشاركات: 18774

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: طلحة عبدالله)

    ول أبا أحمد
    يا سلاااااام ..

    يا أخي عرفناك زول موسيقار ..
    لكن اليوم عرفنا أحمد القاص .. يا أخ أنت قاص رهيب .. !

    أنا أتخيل لي المواهب الأديبة .. تسند بعضها البعض ..! تكون موسيقار .. معناها أنت شاعر .. معنا أنت أديب تقرض الشعر .. ووو ..

    بريمة
                  

09-08-2021, 05:17 PM

Hatim Alhwary
<aHatim Alhwary
تاريخ التسجيل: 01-23-2013
مجموع المشاركات: 2181

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Biraima M Adam)

    متعة...مافي كلام
    شكرا حبيبنا احمد ياسين تحياتي لك وضيوفك الكرام

    شكرا ابودومة على التوصيلة🤣
                  

09-08-2021, 05:28 PM

Nasr
<aNasr
تاريخ التسجيل: 08-18-2003
مجموع المشاركات: 9197

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Hatim Alhwary)

    الله يعدل ليك يومك كما عدلت لينا صباحنا
    خالص التحايا للحاجة نعيمة
    والزيها (هم كتار في السودان)
    ولولا كفاحاتهم ونضالاتهم في تربية أولادهم تربية حلال
    لما كان السودان أصلا








                  

09-08-2021, 05:57 PM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Nasr)

    الطالب: نصر.. الله يعدلها عليك وين ما تقبل...
    لكن ظاهر عليك كنت بتحب التاريخ ومكجن حساب المثلثات.. اعترف
                  

09-08-2021, 05:41 PM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Hatim Alhwary)

    الله
    الطالبة: نعمات عماد...لازم نغني ليك يا نعمة من رب السماء
    الطالب: محمد حمزة الحسين( مكرر ) انت عارف خضر الطيب دا خبير فيديو و...اوديو كمهندس صوت ومونتاج
    طبعا ما عنده مانع .
    الطالب بريمة محمد آدم: ياخ والله حبيناك من قلوبنا وا خترناك يا حلو
    الطالب: حاتم الهواري . يا سلام سمعت انه كان في المدرسة بغني لى مصطفى سيداحمد ..
    في الفصل وخاصة في احتفالات المدرسة.
    لكم اربعتكم.. سلام مربع وحب مربع واشواق شهودا
                  

09-08-2021, 08:59 PM

Arif Nashed
<aArif Nashed
تاريخ التسجيل: 05-12-2014
مجموع المشاركات: 9114

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    ياسلام عليك يا ود ياسين
    ابهرتنا بموهبتك الفذة
    واصل في الحاجات الحلوة دي.
                  

09-09-2021, 03:27 PM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Arif Nashed)

    الطالب: عارف عبدالعزيز ناشد .. حبيبنا وجارنا واخو الاخوان
                  

09-09-2021, 03:29 PM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    كل واحد فينا عنده ذكريات في المدرسة ما بتغيب عن الذاكرة ولا عن الخاطر
    خاصة المواقف الانسانية .. بتظل تاثر فيك .. في حياتك ايجابا
    جانا استاذ جديد .. بعد السلام والتعارف قال اسمه (عبدالعظيم)
    كان انيق .. ولمن يمر في الفصل جيئة وذهابا كنا بنشم ريحة عطره الجميلة
    نحن كنا بنقول ريحة كلونيا...
    و من اليوم الاول عرفنا انه ما بتاع دق وجلد وتسميع وارهاب ..كان مبتسم دائما وبشوش
    الغريبة كان بدرس اكتر من مادة والحصتين بتاعة الرياضة الاحد الصباح ..
    اجمل يوم كان يوم الرياضة دا
    واستاذ عبدالعظيم بى جهده وتعبه واشرافه وبعون داخلي ونفير قمنا ببناء مسرح امام برندات الفصول
    بارتفاع نص متر تقريباً .. استعدادا لاحتفالات الاستقلال وفعاليات الجمعيات الادبية
    طالب معانا كان يجلس في وسط الفصل .. الفصل طبعا فيهو صفين يمين وشمال هو كان
    في شمال الاستاذ لمن يتجه على الفصل ..الطالب كان اسمه (هاشم) ولقبو (عموش)
    لآنه دائما يغمض عيونو نص غمضة وهو بتكلم أو اثناء القراية
    يقرب الكتاب على عينه الشمال وهو يثني رقبته ..محاولا قراءة الكلمة ..
    في حصة الرياضة اذا في تمارين لياقة بسيطة زي الجكة وتمارين البطن انت واقف او راقد
    كان بشارك لكن في لعب الكورة تقسيمة او مباراة مع فصل تاني كان بقعد برة واحيانا في الفصل
    يوم من ذات الايام دخل علينا استاذ عبدالعظيم وطلب من أي واحد بكرة يساهم بى (نص) قيمة فطوره
    فقط .. ويتم التسليم والدفع لـ (الألفة) مع تسجيل الاسامي. طبعا أي واحد فكر انه عايز يجيب كورة جديدة
    او فنايل لفريق الفصل ، لكن بعد كم يوم جاء داخل ومعاهو دكتور لابس بالطو ابيض
    والدكتور شايل لوحة مستطيلة بيضاء وفيها دوائر سوداء ( بتاعة الفحص حق النظر) بعد القيام والسلام
    والجلوس تم تعريفنا بالدكتور .. قام بمساعدة الاستاذ علق اللوحة .. واتذكر سألنا وقال
    طبعا سمعتوا وبقولوا الزول دا نظره (6/6) يعني شنو او (6/9) او (6/36) يعني شنو ستة على ستة
    ويعني شنو ستة على 36؟
                  

09-09-2021, 03:31 PM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    قوم يا فلان وياعلان في ناس غايتو قالوا ستة على ستة يعني نظروا قوي وفي واحد قال
    البصل قالوا بقوي النظر .. الدكتور ..اشاد بى كلام (نظرو قوي ) وقال نعم لكن 6/6 يعني
    انت مفروض تشوف العلامة دي من بعد ستة امتار للزول السليم والنظرو قوي
    اما (6/36) معناتا انت بتشوف العلامة الكبيرة دي من مسافة 6 أمتار والمفروض انت تشوفها
    من على مسافة (36) متر زي الزول السليم مابشوفها من على بعد 36 متر
    انا طبعا من بقت فيها ارقام و(على) وتسعات و36 خلاص بقيت مافاهم أي شىء والزي يكتار طبعا
    طلعونا برة الفصل وبعد داك بدأ الفحص واحد واحد .. دي الفتحة على وين .. فوق تحت بى جاي
    على كدة .. بديك ورقة مقوية صغيرة تغطي بيها عين واحدة.
    انتهى الفحص .. حق الفصل حقنا .. وبعد ايام قليلة ذات الدكتور بمعية الاستاذ دخلوا الفصل
    ونادى على اتنين بس .. انا (وهاشم عموش) وسلم كل واحد مننا نضارة نظر وانا بستلم النضارة
    وقع نظري على استاذ (عبدالعظيم) والله حتى اللحظة لا انسى تعابير وجهه وابتسامته
    او يمكن (دموعه) .. وهاشم فاز بالنضارة الأكثر سمكا قعر كباية
    ودي كانت اول نضارة نظر البسها في حياتي .. وهي الاقل سعرا .. كانت تكلفتها نص حق الفطور
                  

09-09-2021, 04:06 PM

طلحة عبدالله
<aطلحة عبدالله
تاريخ التسجيل: 09-14-2007
مجموع المشاركات: 16964

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    Quote: ويتم التسليم والدفع لـ (الألفة)
    كان الألفة كائنا تخينا وهبه الله بسطة
    في الجسم وعشق لارهاب ناس الفصل لدرجة فرض
    الاتاوات .. حبر، قلم زايد او ما زايد المهم ما عندو قلم
    تديهو قلم، بالإضافة لأية حاجة للأكل جبتها معاك في شنطتك بتاعت الدمورية
    طعمية، قنقليز، تسالي، دقة دوم، عيشة، ليمونة،
    أية حاجة لازم تجي تديهو وإلا فأنت مكتوب يا ولدي
    مكتوب في المهرجلين وطبعا بالتالي مبطوح أو مشدود
    بواسطة أربعة غلاظ الجسم والقلب يبتسمون جميعهم
    في تلذذ وشماتة وأنت بتنجلد .
    المحظوظون فقط هم من يرضى الألفة الكريه بصحبتهم
    والأذكياء الجبناء هم من يكسبون وده بالرشاوى وخلافو
    حتى لو كان الضحك لنكتة بايخة اتقالت قبل كدا ألف مرة
    المهم لابد من الضحك طالما قالها الألفة الظاالم .
    شخصيا عشت في عذاب شديد في سنة تالتة ابتدائي
    وأضطريت ان أجلس لساعة أو أكثر في اليوم لأسمع
    قصص بايخة لا طعم ولا لون ولا أية فائدة منها كان
    يحكيها لنا الألفة البليد، وليس فقط الانصات باهتمام هو
    ما يجب أن تحرص عليه في الأثناء بل ينبغي عليك أن تعبر
    عن ذلك بالاستغراب أو الضحك أو الحزن أو حتى الزحف
    من الخلف لتكون أمام الألفة الوهم لتؤكد له اهتمامك العظيم
    بالقصة الأبيخ ما بايخة .
    ميتين الألفة لميتين اليوم الجابو ياخ
                  

09-09-2021, 03:55 PM

عماد الدين الطيب عمر

تاريخ التسجيل: 09-22-2015
مجموع المشاركات: 1204

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    ,وحاة الله
    و ما طالبني حليفة
    يا احمد يا ود ياسين
    الشي الكتبتو دا خلى دموعي يجرن
    يا اخي انت زول قاسي
    الله يصبحك بالخير و يمسيك بالسعادة
    ملايين التحايا لك و للفارس عامر و ربنا يدي الحاجة نعيمة طولة العمر
    و ما تسالني عن الانجليزي
                  

09-09-2021, 04:55 PM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: عماد الدين الطيب عمر)

    الألفة: طلحة .. هسي انا من اسمك دا قايلك الفة الفصل في كل المراحل الدراسية
                  

09-09-2021, 04:57 PM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    الطالب: عماد الدين الطيب عمر .. الشهير بـ العمدة
    الله يمسيك بالخير وكل ايامك تكون خير وربنا يسعدك ياخ
                  

09-09-2021, 04:59 PM

طلحة عبدالله
<aطلحة عبدالله
تاريخ التسجيل: 09-14-2007
مجموع المشاركات: 16964

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    يا فنان ألفة شنو ياخ
    أنا مما فتحت عيوني على الدنيا
    لقيت نفسي بكره الألفة وحصة العلوم
    والهلال المبشتن خخخخخخخخ
                  

09-09-2021, 05:51 PM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: طلحة عبدالله)

    اههههه
    عارف يا طلحة يا حبيبنا
    انا بالاضافة لي كلامك .. جني وجن تلاتة حاجات
    الألفة .. الهلال .. والبامبي
                  

09-10-2021, 07:35 AM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    في سوق الجيلي في رجل يبيع طعمية؛ وسندوتشات طعمية للطلبة؛
    محل صغير يعمل فيه اكتر من عشر شباب
    ومزحوم زحمة مبالغة من الطلبة؛ طلبة الثانوي بالذات؛ يشترون سندوتش طعمية
    رغيفة ومعاها 3 او ربما 4 طعميات وبس خلاس؛
    ولاحظت اي طالب يرمي 1000ج ثمن السندوتش في كرتونة كبيرة جمب عمك
    والعندو خمسة براه يفك ويشيل الباقي؛ ويركب الصف في الجهة المقابلة؛
    عمك صاحب البوفية لا يتدخل ابدا في عملية الفلوس دي
    زحمة خلتني اسال اخوي عن السبب بتاعا شنو؛
    قال لي: شفتا الراجل دا اي طالب عندو ما عندو يشيل سندوتش؛ بعض الطلاب بكرة
    يدفع الفين ولو ما عندو يدفع متى ما توفر
    ولو ما عندو خالص خلاس انتهى؛
    سالت بعض الطلاب من وفوق لفوق اكد لي المعلومة والتي هي معروفة لكل ناس السوق....
    علمت انو عمك دا ممن البوفية دي عمل بيت طوابق في الجيلي ذاتا؛ وعربية فخمة...
                  

09-10-2021, 07:50 AM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    دي نوعية التجارب والاحداث وليست (قصص) التي ننقراها وتاثر فينا
    تدخل نفسك المتعبة...وتجعلك تعيش .. الصورة والكلمة.
    اخونا العزيز زميل المنبر ابو حراز قال: تغسل الروح والقلب كما يغسل المطر النوافذ
    الكلام العميق الكتبه اخونا العزيز زميل المنبر: عبدالمنعم الطيب حسن من نواحي واوسي
    عن ( بياع الطعمية ) الفوق يوريك معدن الناس وعظمة الناس وعظمة هذا الشعب.
    والتحية للاستاذ الطيب عبدالماجد واخيه ياسر عبدالماجد لغسل ارواحنا وقلوبنا
                  

09-10-2021, 09:07 AM

طلحة عبدالله
<aطلحة عبدالله
تاريخ التسجيل: 09-14-2007
مجموع المشاركات: 16964

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    سلام يا احمد ياسين
    فعلا والله الدنيا فيها بشر كدا يعقدوك
    وتشوف أي عمل خير عملتو حاجة تافهة
    جدا مع البعملوا بعض الناس
    الدنيا دي زي ما فيها بلاوي فيها كمان أجمل حكاوي
    او كما قالت .
                  

09-10-2021, 09:35 AM

محمد جبره
<aمحمد جبره
تاريخ التسجيل: 01-12-2013
مجموع المشاركات: 890

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    السلام عليكم استاذ احمد يس
    سؤال محدد و مباشر
    انت كاتب النص موضوع البوست و لا ناقله من يوميات علوب ؟
    اتمني اجابة مباشرة للسؤال
    تحياتي
                  

09-11-2021, 01:02 PM

Ahmed Khalil

تاريخ التسجيل: 08-05-2003
مجموع المشاركات: 921

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: محمد جبره)

    ؟؟؟؟؟
    هشام ادم ؟ ☻
                  

09-12-2021, 03:37 AM

Haytham Ghaly

تاريخ التسجيل: 01-20-2013
مجموع المشاركات: 4537

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: محمد جبره)

    Quote: السلام عليكم استاذ احمد يس
    سؤال محدد و مباشر
    انت كاتب النص موضوع البوست و لا ناقله من يوميات علوب ؟
    اتمني اجابة مباشرة للسؤال
    تحياتي

                  

09-12-2021, 04:21 AM

Saifelyazal Elmaki

تاريخ التسجيل: 10-09-2009
مجموع المشاركات: 1341

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Haytham Ghaly)

    تحياتي يا صاحب البوست

    على الاقل كان تشير للمصدر

    يوميات علوب للطيب عبد الماجد
                  

09-12-2021, 04:51 AM

نعمات عماد
<aنعمات عماد
تاريخ التسجيل: 03-08-2014
مجموع المشاركات: 9268

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Saifelyazal Elmaki)


    كتب الموسيقار اللماح أحمد يسن
    Quote: والتحية للاستاذ الطيب عبدالماجد واخيه ياسر
    عبدالماجد لغسل ارواحنا وقلوبنا

    أصبروا قليلاً على التجربة الغياظة 😂
                  

09-12-2021, 05:04 AM

طلحة عبدالله
<aطلحة عبدالله
تاريخ التسجيل: 09-14-2007
مجموع المشاركات: 16964

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: نعمات عماد)

    شخصيا كنت معتقد أنو الموسيقار أحمد يسن
    أشار ل ( منقول ) بطريقة أو اخرى
    وعندما انتبهت انو لم يفعل ختيت في بالي
    انو نسى ..
    عادي زي ما قاعد ينسى الأستاذ زهير أو أبو
    الزهراء عندما ينقل خبر هنا واعتقد لثقة
    الناس به (أبو الزهراء) أو لصداقته وحب
    الجميع له ما قاعدين يقولوا ليهو دا منقول ( خوفا من احراجه ربما).
    من ناحيتي اثق في الموسيقار أحمد يسن
    وأرى أنه مفيد جدا للمنبر من حيث الانتاج الكيفي.
    ................
    أتمنى والله أن لا تكون المواجد الشخصية والنفس
    الامارة بالسوء سببا في محاولة احراق الأديب .

    (عدل بواسطة طلحة عبدالله on 09-12-2021, 05:09 AM)

                  

09-12-2021, 05:35 AM

نعمات عماد
<aنعمات عماد
تاريخ التسجيل: 03-08-2014
مجموع المشاركات: 9268

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: طلحة عبدالله)



    أ.أحمد ياسين كمان لم يدّعي إنه كتب القصص.
    يعني ممكن في النهاية يقول إنه نقلها عن الكاتب
    الأصل.أنا أظن بأن الموضوع مجرد إختبار الثقة.
                  

09-12-2021, 06:53 AM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 5523

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: نعمات عماد)



    كتيرين بيكونوا قروا القصة قي واحد من وسائل التواصل.
    فيوميات علوب متداولة ومنتشرة بكثرة في الواتساب وعلى الفيسبوك.
    وحتى الما مرت عليهم القصة دي تحديداً ممكن يعرفوا كاتبها بإسلوبه المميز.

    من بداية البوست فهمت أن الفنان أحمد ياسين قصد بعدم إشارته للكاتب أن يقول أن القصة موجودة ونابعة من ذكريات كل واحد فينا.
    رغم فهمي دا المفروض أحمد ياسين كان يشير للكاتب في بداية البوست عشان ما يفتح فرصة للشكوك.

                  

09-12-2021, 07:37 AM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Hafiz Bashir)

    التحية لكم جميعا فردا فردا ..
    وليكم الشكر ... والتقدير فردا فردا
    اظن الاخت الفاضلة نعمات عماد فهمت القصد.
    بالمناسبة لكل واحد منكم عبارات او مداخلة انا شخصيا بتوقف عندها
    حتى ولو ونسة... عشان ما قاعد اقراكم والسلام.. لاني بلقى فيها ومافيها
    من حلو الحديث.
    نسبة لان موضوع البوست عبارة عن دراما واقعية بسيطة في الصياغة لكن كبيرة
    في الاثر.. ووقعها الانساني الجميل .... ويمكن تسقط دموعك العصية او القريبة
    وترجعك لذكرياتك..للبيت لمدرستك... للحلة.. لزملاء الدفعة... لى دفتر حياتك
    برضو موضوع اخونا عبدالمنعم الطيب حسن الله يطراهو بالخير ويوفقه .
    نزل موضوع عمك بتاع الفطور.... برضو ليهو اثر كبير وجميل.... رغم انه بضعة اسطر
    لكنها .... ادب رفيع ومغزي عميق.
    بعضكم لم يصبر علي قليلا.... حتى انزل الاشياء الحلوة في البوست واشكر اصحابها
    لان كلمة ( منقول) ممكن في خبر سياسي او حكومي ..ولازم مصدر الخبر في البداية ..
    القصة مالية الاسافير ومعروفة ...ولو انا كتبت (منقول) في البداية زي ما طالب بعض الاخوة.. كان
    انا فقدنا العنصر النفسي المهم واصبح الموضوع ( للقراءة فقط )
    اها
    ادونا خاتركم


                  

09-12-2021, 09:52 AM

Hatim Alhwary
<aHatim Alhwary
تاريخ التسجيل: 01-23-2013
مجموع المشاركات: 2181

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Ahmed Yassin)

    Quote: قال لي: شفتا الراجل دا اي طالب عندو ما عندو يشيل سندوتش؛ بعض الطلاب بكرة


    رجل محترم بصراحة خاصة لابناءنا الطلاب ديل شريحة تحتاج سند وتشجيع عشان يواصلوا الدراسة وما ينقطعوا منها
    في السودان كتير من الطلاب لم يكملوا دراستهم لاسباب مادبة بسيطة يمكن حلها زي حق الفطور وحق المواصلات

    فكرة تستحق الاشادة والوقوف عندها لانها غير انها بتحل مشكلة الفطور للبعض بتعملهم برضوا "الامانة" والاخلاق والضمير الصاحي

    بالمناسبة جيل الشباب الفي السودان دا جيل ما ساهل وتعلم من التجربة القاسية الفي السودان وشوفنا وتعملنا منه حاجات ولفتات عالية المقام خصوصا ايام الاعتصام وثورة ديسمبر المجيدة (‫عندك خت ما عندك شيل)
                  

09-12-2021, 01:45 PM

محمد جبره
<aمحمد جبره
تاريخ التسجيل: 01-12-2013
مجموع المشاركات: 890

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Hatim Alhwary)

    Quote: أتمنى والله أن لا تكون المواجد الشخصية والنفس
    الامارة بالسوء سببا في محاولة احراق الأديب .

    سلامات يا طلحة
    احراق شنو واديب شنو يا جبوب ؟؟
    الاديب يا طحة اكثر زول بيعرف شنو يعني الحق الادبي و احترامه
    تعرف الخلاني اسال صاحب البوست لانه شايف انه ما احترم المتداخلين معاه وانت منهم
    فيهم ناس شكروه و اشادوا بموهبته في الكتابة و ما قال ليهم انا ما الكاتب وكان بشكر فيهم عادي
    في ناس سالوه سؤال مباااشر عن علاقته بعلوب وبرضو شكرهم ورجعهم محيرين في حنانهم
    ...
    وفرنا حسن النية لمن عطشنا
    قلنا ايقونة منقول ما مشكلة
    عدم كتابة منقول ما مشكلة
    لكن يسالوك سؤال بالباب و تعمل رايح دي صعبة
    يتفتح بوست بنفس الموضوع مع الاشارة للكاتب الحقيقي وبرضو تعمل رايح برضو صعبة

    ما غايتو

                  

09-12-2021, 01:58 PM

Arif Nashed
<aArif Nashed
تاريخ التسجيل: 05-12-2014
مجموع المشاركات: 9114

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: محمد جبره)

    ثقتنا في الفنان أحمد ياسين لا يمكن أن تهتز

                  

09-12-2021, 02:41 PM

طلحة عبدالله
<aطلحة عبدالله
تاريخ التسجيل: 09-14-2007
مجموع المشاركات: 16964

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Arif Nashed)

    تحياتي محمد جبرة
    مش القصد والله
    دا كلام عام ومن وجهة نظري انو
    الحبيب أحمد يسن قد يكون نقل الكلام بحسن نية
    وأرجأ نسبته إلى صاحبه إلى وقت لاحق لتكتمل
    بالإفصاح عنه فكرته من البوست كما أوضح
    هو في رده الأخير.
    وقلت في السياق ان هناك من ينقل بدون ذكر المصدر
    ولم يعتب عليه أحد مجرد عتاب في دلالة على أن البساط أحمدي بين الأعضاء
    لكن لما يحصل العكس لعصو آخر فالأمر مستغرب
    وقد يثير الريبة بأن هناك مواجد شخصية أو ربما
    شلليات تكيل بمكيالين.
    المهم أنا هنا ما بدافع عن أحمد يسن ولا أحاول
    أن أجد له مبررا بقدر ما عبرت عما جال بخاطري

                  

09-12-2021, 02:52 PM

Arif Nashed
<aArif Nashed
تاريخ التسجيل: 05-12-2014
مجموع المشاركات: 9114

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: طلحة عبدالله)

    استاذ طلحة تحياتي
    هذه اليوميات منتشرة في السودان ميديا كما قيل والكثير يتابعها ويعرفون من يكتبها لا أظن بأن الاخ احمد من السذاجة أن يحاول نسبها الي شخصه .
    اعتقد بأن هناك سبب اخر لم يوضحه الاخ احمد في هذه المسألة.
                  

09-12-2021, 03:52 PM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 4045

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Arif Nashed)

    شكرا لناس المساندة الحارسين الميمنة في جيش المهدية
    ارجع واقول.. ان القصة نشرت في جميع ارجاء التواصل
    ومنتشرة...ومعروفة ..حتى في القروبات..
    انا ببساطة جهزت كم موضع بنفس المعنى الانساني الفيها
    وفيها مواضيع من المنبر دا بنفس المفهوم ..
    وحقيقة معانا اساتذة ومربيين هنا في المنبر . ولهم تجارب
    زي استاذنا علي واستاذنا عبدالله عثمان و غيرهم.
    بعدين يا جماعة.. انحنا الواحد فينا وين وين لمن يفتح بوست
    يعني طيلة السنوات دي الواحد بوستاته بالعدد..

    (عدل بواسطة Ahmed Yassin on 09-12-2021, 03:54 PM)

                  

09-13-2021, 03:34 AM

Haytham Ghaly

تاريخ التسجيل: 01-20-2013
مجموع المشاركات: 4537

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: محمد جبره)

    Quote: لكن يسالوك سؤال بالباب و تعمل رايح دي صعبة


    النصيحة لله انا تداخلت واشرت ليوميات علوب مخصوص عشان اذكرو لو كان ناسي

    عموماً الفنان احمد يس اخطأ في تأخير ذكر الكاتب ولكن ثقتنا فيه لن تتبدل فجل من لا يسهو

    او ربما اساء ترتيب اولويات البوست

    لك التحيات يا ود يس وللاعلامي الجميل اللبق والكاتب المتميز الطيب عبد الماجد
                  

09-13-2021, 09:09 AM

طلحة عبدالله
<aطلحة عبدالله
تاريخ التسجيل: 09-14-2007
مجموع المشاركات: 16964

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: Haytham Ghaly)

    شكرا يا عارف ناشد وما عايزة ليها ذكاء ما ممكن
    أحمد يسن يعتلو يجيبو هنا بزعم أنو انتاجو
    وهو عارف انو اليوميات دي مالية الأسافير وبالتالي
    متأكد أنو خمسة على الأقل من ناس المنبر ديل عارفين
    انو بتاعت شخص آخر .. انا شخصيا لاقتني كتير في جخانين عدة.
    اللهم إلا اذا كان احمد يسن دا ما بفهم أو على أقل تقدير
    شارب شاي بى لين خخخخخخخ
    ..............
    كبير يا هيثم يا غالي .
                  

09-13-2021, 12:20 PM

Osama Siddig
<aOsama Siddig
تاريخ التسجيل: 10-08-2006
مجموع المشاركات: 951

للتواصل معنا

FaceBook
تويتر Twitter
YouTube

20 عاما من العطاء و الصمود
Re: النار ولعت (Re: طلحة عبدالله)

    تحياتي لكل الاخوة الذين تداخلوا في هذا الخيط

    أساند بشدة رأي الأخ محمد جبرة ، ففي رأيي أن ردود الأخ أحمد علي المتداخلين(خاصة الذين أشادوا بموهبته في الكتابة) أوحت للكثيرين بأن الأخ أحمد هو كاتب النص، هذا الإرباك (في رأيي) فيه انتقاص لحق الطيب عبد الماجد الأدبي.

    برغم مداخلات الأخ أحمد يس بعد أن اتضحت الحقيقة، برغم ذلك لم أستبن الحكمة في تأخيره الإفصاح عن كاتب النص الحقيقي....
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de