السفة ما بتكتل .. بكتل فساد الكوز

مرحبا Guest
اخر زيارك لك: 09-26-2021, 12:03 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
08-07-2021, 07:18 AM

Osman Musa
<aOsman Musa
تاريخ التسجيل: 11-28-2006
مجموع المشاركات: 21372

للتواصل معنا

FaceBook
تويتر Twitter
YouTube

20 عاما من العطاء و الصمود
السفة ما بتكتل .. بكتل فساد الكوز

    07:18 AM August, 07 2021 سودانيز اون لاين
    Osman Musa-
    مكتبتى
    رابط مختصر

    (adsbygoogle = window.adsbygoogle || []).push({});

    السفة ما بتكتل.
    بكتل فساد الكوز
    ناس اللبع بالجوز
    لحسوا الندم والكوع
    والنفخة طلعت موز .
    حصدوا النجاح ككو .
    لا تاني خج لا فوز .
    لاهاي على المفرق .
    والشعب متكيف .
    وجلمبو مادي البوز .
    ديل الخيانة الصر .
    ضربوا الكرام بالشوز .
    كلو اللضاع مكتوب .
    والشهداء في بالنا.
    واصلو الكعب مفروز. ...
    7/8/2021 في , musa ...

    ونتابع

    (عدل بواسطة Osman Musa on 08-07-2021, 07:22 AM)







                  

08-07-2021, 07:44 AM

Osman Musa
<aOsman Musa
تاريخ التسجيل: 11-28-2006
مجموع المشاركات: 21372

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: Osman Musa)

    ياخ كندي زاتو بسف
    والسفة حاجة تمام
    انتوا السلختوا أحرار
    بالمطوة في الحمام
    انتوا الدفنتوا ابوذر
    الشاعر المقدام.
    يا حليلهن الرايحين
    يا حليلهن الطافشين.
    يا حليلهن الأيتام
    يا حليلهن الماتوا
    في نار قطاطي القش
    لا عندكن رحمة

    لا بتعرفوا الأرحام
    لاهاي على المفرق
    وكتاف على اليدين
    وكتاف على الأقدام.
    كدا يرجع المسروق
    وسماحة الإسلام.
    ..
    Musa


                  

08-07-2021, 08:54 AM

بدر الدين الأمير
<aبدر الدين الأمير
تاريخ التسجيل: 09-28-2005
مجموع المشاركات: 20538

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: Osman Musa)

    الكيزان
    تجار الدين
    فاكرين فحشاهم
    بداروها بسفة وزير
    وكانها هى الفحشاء
    المارسوها على مدى 30سنة
    وهم الكانو بتاجرو وبشترو من الفقير
    زوجتة لو اعجبتهم او يتم تصفيته
                  

08-07-2021, 09:03 AM

Abdalla Gaafar

تاريخ التسجيل: 02-10-2003
مجموع المشاركات: 1640

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: بدر الدين الأمير)


    الغزيز عثمان
    تحيات وتقدير


    الرَّجُلُ الْحِرْبَاء

    هَذَا الرَّجُلُ يُخَيِّرُنِي مَابَيْنَ الْخُبْزِ وَبَيْنَ الْأَمْنِ،
    وَلَيْسَ بِرَبِّيِ كَيْ يُعْطِيَنِي أَيّاً مِنْهُمْ
    بَيْنَ الْجَنَّةِ وَالسَّجَّانِ وَلَيْسَ إلهَي كَيْ يُهْدِيَنِي صَكَّا مِنْ غُفْرَانْ
    أَرَّاهُ الْآنَ عَلَى التِّلْفَازِ وَفِي الْأَسْوَاقِ وَفِي الْأَنْفَاقِ،
    وَحَيْثُ أَوَلِي وَجْهي أَرَاه
    مُنْذُ النَّكْبَةِ جَاءَ إِلَى الْمِنْبَر
    يَقْطُرُ تَقْوَى
    وَرَعٌ يَمْشِي فِي جِلْبَاب
    يَبْكِي حِينَ يَؤُمّ النَّاسَ وَيَبْكِي حِينَ يُرَتِّل آياتَ اللهِ،
    وَيَبْكِي أَيْضاً حِينَ تَمرُّ نِسَاءُ الْحَيِّ أَمَامَ الْبَاب
    وَرَعٌ يَمْشِي فِي جِلْبَابٍ
    يَبْكِي حَتَّى يَبْتَل حَرِيرُ الشَّالِ وَتَبْتَلُ اللَّحْيَةُ
    يَقْطُرُ تَقْوى
    حَدَّثَنَا عَنْ شَرَعَ اللهِ،
    وَأَنَّ الْحَاكِمَ بِاِسْمِ اللهِ
    هُوَ الْمَبْعُوثُ لِيَحْكُمُ فِينَا كَيْفَ يَشَاءُ
    وحينَ يشاءْ
    مُنْذُ النَّكْبَةِ جَاءَ إِلَى المنبرْ
    رَجُلٌ كالْحِرْبَاءِ،
    يُصادِرُصوتي بِاِسْمِ اللهِ
    وَيُفْتِي فِينَا كَيْفَ يَشَاءُ،
    ووقت يشاءْ
    يَسْرِقُ خُبْزِي بِاِسْمِ اللهْ
    وَيَقْتُلُ شَعْبِي بِاِسْمِ اللهْ
    وَيُنْهِبُ بَلَدِي بِاِسْمِ اللهْ
    وَدُونَ حَيَاءٍ يَمْضِي صُبْحًا لِلْآذَانِ
    وَيَمْضِي لَيْلَا لِلنِّسْوَانِ أَوِ الْغَلِمَانِ
    وَحِينَ نَرَاهُ كَمَا فَرَعَوْنَ بِغَيْرِ لِبَاسٍ،
    يَصْرُخُ فِينَا،
    هِي لله

                  

08-07-2021, 09:16 AM

Osman Musa
<aOsman Musa
تاريخ التسجيل: 11-28-2006
مجموع المشاركات: 21372

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: Abdalla Gaafar)

    اخي العزيز أستاذ عبدالله
    سلام وشكر وتقدير ومراحب.
    وهناك دي .

    أكان سلك سفة.
    خليو يزيد السف
    ياخ انتو عالم شيين
    عالم يحب اللف.
    عذبتوا اصدق ناس.
    شلوت وكية وكف.
    مسمار في نص الرأس
    تف الشواكيش تف .
    كلو السجل مليان
    صور الحقير في الرف.
    إعدام عديل إعدام
    إعدام طويل الصف.
    إعدام عديل إعدام
    30 ملف وملف
    30 ملف وملف
    30 ملف وملف
    ...
    Musa

                  

08-07-2021, 09:20 AM

عمر التاج
<aعمر التاج
تاريخ التسجيل: 02-08-2008
مجموع المشاركات: 13467

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: بدر الدين الأمير)

    الفساد كله كعب وقبيح ،
    وليس فساد الكوز على وجه الخصوص
    الفساد الأكعب والأسوأ هو فساد المسؤولين الحاليين في السلطة
    لانه اولا يغطي على فساد المسؤولين السابقين .. سواء أقاموا كيزان أم حزب أمه ..الخ.
    الفساد هو الفساد وبيقتل الوطن .. لذا كنا ننتظر من صاحب البوست ان يدين الفساد الحالي، ونضرب له مثلا بفساد الأسبوع الأخير فقط:
    - فساد مدير شركة المعادن، وهو يجمع مايقارب المئة مليار عبر قروب واتساب، من الشركات التي تتعامل مع المؤسسة التي يديرها
    - فساد وزارة الخارجية، وهي تقوم بتعيين راسبين في اختبارات الوزارة محل الناجحين في كل المواد.
    - فضائح الدكتور الناطق الرسمي بالثورة في جامعة..، وهو يرسل صورة ... لطالبته ويعدها بالمساعدة الأكاديمية ان هي قبلت ..
    - ممارسة وزير شؤون مجلس الوزراء، لممارسة عادة ضارة مثل التمباك ، في منصة رسمية وعلى الهواء مباشرة، وهو يتحدث باسم المنصب.
    - تعيين ناشطين سياسين لاشهادات لهم ولا مؤهلات ولا خبرات في المجال ، في مواقع خبراء ومستشاريين على مستوى الجمهورية، وخلق وظائف جديدة بناء على املاءات خارجية (مستشارية النوع في السودان كمثال تم الإعلان عنها في موقع الأمم المتحدة قبل أكثر من عام، وفضح امرها د.الجزولي المعتقل الان سياسيا في سجون الحكومة )
    - فساد الأدوية منتهية الصلاحية وباخرة الضأن المعادة للمرة ال٨٧ خلال عامين.
    دي مجرد نماذج للفساد في أسبوع واحد مضى، ده غير فساد البرهان وحميدتي وجبريل وتعيين مناوي .. وده كوم عايز بوست منفصل حايكتل دولة -مش زول- لو فتحناه .


                  

08-07-2021, 10:25 AM

Osman Musa
<aOsman Musa
تاريخ التسجيل: 11-28-2006
مجموع المشاركات: 21372

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: عمر التاج)

    مرحبتين أخينا الزميل عمر
    عاد اقولك يا الاخو .
    بلادنا الحبيبة ما عرفت فساد ب دا الحجم إلا في ال 30 سنة الفاتت.
    هم سبب كل البلاوي.
    ..
    تحياتي
                  

08-07-2021, 11:12 AM

Osman Musa
<aOsman Musa
تاريخ التسجيل: 11-28-2006
مجموع المشاركات: 21372

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: Osman Musa)

    عزيزنا الأخ بدرالدين
    سلامات
    السفة ما بتكتل .
    الكلابيش حتنزرد فيهم وأحد و أحد و بالقانون و بالعديل
    وقدام الكاميرات .
    حتي لو ترخرخت حكومتنا الإنتقالية برضو شعب الثورة مفتح
    عيونو .
                  

08-07-2021, 11:45 AM

عمر التاج
<aعمر التاج
تاريخ التسجيل: 02-08-2008
مجموع المشاركات: 13467

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: Osman Musa)

    Quote: بلادنا الحبيبة ما عرفت فساد ب دا الحجم إلا في ال 30 سنة الفاتت.

    اتفق معك يا عثمان موسى
    ٣٠ سنة في الحكم كفيله بإنزال كافة أنواع الفساد والعذاب لأي بلد واي شعب
    ولكن أي نظام يمارس الشمولية ويمارس التمكين ويعتقل مخالفيه في السياسه ويسيس القانون
    فتأكد أن مصيره الفساد والإضافة ..
    الكيزان عملوا كده ، ووجبت محاسبتهم منذ عامين، فلماذا لم تتم محاسبتهم بالقانون وبلوائح العمل؟
    وهل من تم كشفهم ومحاسبتهم حتى الآن هم كل فساد ال٣٠ سنة ؟ وعلى من يقع التقصير في محاكمتهم وبعضهم يقبع في السجون لعامين بدون محاكمة؟
    الحكومة الحالية ايضا مارست فساد كبير
    واستلموا واكلوا أموال وقروش ماليها حد..
    وما ظهرت منها من فساد وتجاوزات هي رأس جبل الجليد
    وما كتبه المراجع العام عن تجاوزات المال العام في الفترة الأخيرة يشيب له الولدان
    وماخفي أعظم لا تكشفه الا حكومة لاحقة تراجع المستندات وتحكم بالعدل والشفافية وتفصل بين السلطات الثلاث.
    لذا فإن بلادنا تحتاج لتغيير جذري في مفاهيم العلاقة بين السلطة والشعب..
    وتحتاج ايضا لتغيير ممارسات السلطة بين المسؤولين والصحافة والشارع والعسكريين والمدنيين
    وتحتاج لمراقب يكتب عن سوءاتها لتداريها، وتبعد عنها المطبلين وسماسرة السياسة والاقتصاد..
    ..
    ..
    وبعدين ، انتو كشعراء مش قلتوا قبل كده .. الطاقة مابتكتل ،
    أهي قتلت المئات ومافي زول حاسب القتلة ..
    والان تزين للسفة وتقول ما بتكتل؟
    لا يا الاخو .. السفة بتكتل .. وبتدمر بلد بحاله..
    وصدق الله إذ يقول ( والشعراء يتبعهم الغاوون)


    Quote: أضرار التمباك يحتوي على نسبةٍ عالية من النيكوتين الذي يقود للإدمان، ويتسبّب باضطرابات متعددة في عمل القلب، ويؤثر على ضغط الدم، ويدمر صحّة الأوعية الدموية، والجدير بالذكر أنّ الجسم يمتص النيكوتين الموجود في التمباك بثلاث مرات ضعف ما يمتصها. يتسبّب التبغ بإصابة الجسم بالعديد من السرطانات الخطيرة، والأورام الحميدة التي قد تتحول إلى سرطانات، أهمها سرطان الفم، وسرطان الحنجرة، وسرطان البلعوم. يُسبّب الإصابة بالعديد من التقرّحات في تجويف الفم، بالإضافة لظهور بقع باللون الأحمر، واللون الأبيض، مع وجود احتمالية كبيرة لتحول التقرحات والبقع إلى سرطان. تآكل اللثة، وضعف نموها، وانحسارها عن الأسنان بشكل ملفت، وإصابتها بالأمراض، ممّا يؤدّي لسقوط الأسنان وتخلخلها. تحول لون الأسنان إلى اللون الأصفر الداكن، وظهورها بمظهر منفر، ومثير للتقزز. خروج رائحة كريهة من الفم، وأنفاس نتنة. نفور الآخرين، والتسبّب بإزعاجهم، بسبب الرائحة الكريهة والمنظر المنفر للفم والأسنان. يُسبّب العجز الجنسي لدى الرجال، ويُضعف الانتصاب، ويقلل الرغبة، ويؤثر على الصحة الإنجابية. يؤثر على إفراز الهرمونات الذكرية عند الرجال. يُسبّب ضيق النفس، والشّعور بالاختناق، وأمراض الرئة والقصبات الهوائية. يولّد الشعر بالاكتئاب الشديد، خصوصاً بعد الإدمان عليه لفترة من الزمن.
                  

08-07-2021, 12:52 PM

بدر الدين الأمير
<aبدر الدين الأمير
تاريخ التسجيل: 09-28-2005
مجموع المشاركات: 20538

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: عمر التاج)

    Quote: ﻣﺤﻤﺪ ﺍﻟﺤﺴﻦ ﺳﺎﻟﻢ ﺣﻤﻴﺪ .. ﻗﺼﻴﺪﺓ ﺍﻟﺠﺎﺑﺮﻳﺔ ..... ﻛﺎﻣﻠﺔ
    ﺣﻜﺎﻳﺔ ﻧﺎﺱ ﺍﻟﺠﺎﺑﺮﻳﺔ ﻣﻊ ﻧﺎﺱ ﺍﻟﺤﻴﻜﻮﻣﺔ ..
    ﻛﺎﻥ ﺿﺤﻮﻳﺔ ... ﻭﻛُﻨَﺎ ﻧﺴﻨِّﺪ ﻓﻲ ﺍﻟﻤﺤﺮﻭﺕ
    ﻭﻓﺠﺄﺓ ﻳﻬّﻮﻱ ﻣَﻜﺒﺮ ﺻﻮﺕ
    ﻗﺎﻝ : ﺍﻟﺮﻳﺲ ﻣﺎﺭ ﺑﻲ ﻓﻮﻗﻨﺎ
    ﻣﻦ ﺷﻐﻠﺘﻨﺎ ﻗﻠﻌﻨﺎ ﻋِﺮﻭﻗﻨﺎ
    ﻓﻜَﻴﻨﺎﻟُﻮ ﺣﺒﻞ ﻭﺁﺳﻮﻗﻨﺎ
    ﻭﺇﻧﻤﺎﺳﻜﻨﺎ ﻳﻄﻤّﻦ ﺭﻭﻗﻨﺎ
    ﻗﻤﻨﺎ ﺟﻤﻴﻊ ﺍﻟﺤﻠﻲ ﻣَﺮﻗﻨﺎ ...
    ﺍﻟﺒﻴﺸﻮﻓﻨﺎ .. ﻳﻘﻮﻝ ﻭﺁﺁ ﺷﻮﻗﻨﺎ
    ﻛﺎﻥ ﺿﺤﻮﻳﺔ ... ﻭﻛﺎﻧﺖ ﻋﻴﻦ ﺷﻤﺲ ﺍﻟﻠﻪ ﻗﻮﻳﺔ
    ﻭﻛﺎﻥ ﺍﻟﺮﻳﺲ ﻓﻲ ﻋَﺮﺑﻴﺔ ...
    ﻭﺍﻗﻒ ﻃﻮﻟﻮ .. ﺗﺤﺖ ﺷﻤﺴﻴﺔ
    ﻫﻠﻠّﻨّﺎﻟﻮ ... ﻫﻠّﺠﻨّﺎﻟﻮ ... ﻟﻮّﺣﻨّﺎﻟﻮ ﺑﺎﻟﻄﻮﺭﻳﺔ
    ﻓﺮَّ ﻋﺒﺎﻳﺘﻮ .. ﻭﻫﺰَّ ﻋﺼﺎﻳﺘﻮ ...
    ﻭﻫﺰﻭﺍ ﺑﻨﺎﺩﻗﻦ ﺍﻟﻀﺎﺑﻄﻴﺔ
    ﺻﻔﻘﻨﺎﻟﻦ .. ﺻﻔﻘﺔ ﻗﻮﻳﺔ
    ﺯﻏﺮﺩﻧﺎﻟﻦ ... ﻳﻮﻳﺎ ﺃﻳﻮﻳﺎ
    ﻫﺪّﻥ ﻋﻨﺪﻧﺎ ﺧﻤﺴﺔ ﺩﻗﺎﺋﻖ
    ﻗﺪﻣﻨﺎﻟﻮ ﻛﺘﺎﺏ ﺍﻟﻠﻪ ... ﺩﺭﻗﺔ ﻭﺳﻴﻒ ... ﺗﺒﺮﻭﻗﺔ ﻫﺪﻳﺔ
    .. ﻗـُـﻔّﺔ ﺗﻤﻮﺩﺓ .. ﻭﻓﺎﺱ ﺩﻫﺒﻴﺔ
    ﻭﻛﻨﺎ ﻗﺒُﻞ ﺑﻴّﺘﻨَﺎ ﺍﻟﻨﻴﺔ ...
    ﺑﻴﻦ ﺑﺘﻴﻦ ﻋﻠّﻴﻨﺎ ﺍﻟﻴﺎﻓﻄﺔ ...
    ﺍﻟﻴﺎﻓﻄﺔ ﺃﻡ ﺯﻳﻖ ﺍﻟﺪﻣﻮﺭﻳﺔ
    ﻭﺍﻧﻌﺒﻴﻨﺎ ﻫﺘﺎﻓﺎً ﻭﺍﺣﺪ -:
    ﺍﻟﺠﺎﺑﺮﻳﺔ ﺗﺤﻴّﻲ ﺍﻟﺜﻮﺭﺓ ...
    ﺩﺍﻳﺮﻳﻦ ﺑﻮﺳﻄﺔ ﻭﻣﺪﺭﺳﺔ ﻭﺳﻄﻰ
    ﺍﻟﺸﻔﺨﺎﻧﺔ ﻭﺳﻮﻕ ﻣﻨﻀﺒﻄﺔ
    ﻗﺎﻡ ﺍﻟﺮﻳﺲ .. ﺭﻭّﺡ ﺑﺎﺳﻢ
    ﻭﻗﺎﻡ ﺧﺎﻃﺒﻨﺎ ﺑﻨﻬﺞ ﺍﻟﺜﻮﺭﺓ ﺍﻟﺼﺎﺭﻡ ﻭﺣﺎﺯﻡ
    ﺃﻣّﻦ .. ﻻﺯﻡ ﻣﻦ ﺷﻔﺨﺎﻧﺔ ﻭﻣﺪﺭﺳﺔ ﻭﺳﻄﻲ
    ﻭﺍﻟﺘﻌﻤﻴﺮ ﺑﺎﻟﻌﻮﻥ ﺍﻟﺬﺍﺗﻲ
    ﺇﻻ ﺍﻟﺒﻮﺳﻄﺔ .. ﺩﻱ ﻳﻨﻈﺮ ﻓﻴﻬﺎ
    ﺃﻣﺎ ﺍﻟﺴﻮﻕ ... ﺍﻟﺴﻮﻕ ﻣﻨﻀﺒﻄﺔ
    ﻟﻠﺘُﺠَﺎﺭ ﺍﻷﺳﻌﺎﺭ ﻭﺍﺿﺤﺔ
    ﻭﻟﻠﻤﺴﺘﻬﻠﻚ ﺑﺎﻳﻨﺔ ﻭﻭﺍﺿﺤﺔ ...
    ﺟﺎﻣﻠﺘﻮﻫﻦ ﺗﺒﻘﻰ ﺍﻟﻐﻠﻄﺔ
    ﻭﺇﻧﻜﻔّﻴﻨﺎ
    ﺭﻓﻌﻨﺎ ﺇﻳﺪﻳﻨﺎ ... ﻫﺰﻳﻨﺎﻫﻦ ﺑﺎﻟﺘﺄﻳﻴﺪ :
    ﻻ ﺗﻔﺮﻳﻂ ﻓﻲ ﻗﻮﺕ ﺍﻟﺸﻌﺐ ...
    ﺳﺤﻘﺎً ﺳﺤﻘﺎً ﻟﻠﺮﺟﻌﻴﺔ
    ﺍﻟﺠﺎﺑﺮﻳﺔ ﺿﺮﺍﻉ ﺍﻟﺜﻮﺭﺓ ...
    ﺑﺎﻹﻧﺘﺎﺝ ﺣﻨﺒﻨﻲ ﺑﻠﺪﻧﺎ
    ﻛﺎﻧﻮﺍ ﻓﻲ ﺟﻴﻬﺔ .. ﻭﺇﺣﻨﺎ ﻓﻲ ﺟﻴﻬﺔ
    ﻫﻦ ﻳﻨﻬﺒّﺒّﻮﺍ ﺑﺎﻟﻜﺎﺑﺎﺕ ...
    ﻭﻣﺎ ﻫﻤّﺎﻧﺎ ﺍﻟﺼﻴﻒ ﻭﻋَﺮﻗَﻨﺎ
    ﻓﺎﺕ ﺍﻟﺮﻳﺲ ﻭﺇﻧﻔّﺮﻗﻨﺎ
    ﺇﻧﻔﺮﺗﻘﻨﺎ ﻋﻠﻰ ﺍﻟﺠﺎﺑﺮﻳﺔ
    ﻛﻨﺎ ﺑﺒﻨﻀﻢ ﻭﻣﺎ ﺻﺪّﻗّﻨﺎ
    ﺑﺎﻟﺠﺎﺑﺮﻳﺔ ﺗﺠﻴﻬﺎ ﺍﻟﺒﻮﺳﻄﺔ
    ﺍﻟﺸﻔﺨﺎﻧﺔ ﻭﻣﺪﺭﺳﺔ ﻭﺳﻄﻰ
    ﻗﻠﻨﺎ ﻳﺎ ﺭﻳﺖ ﻟﻮ ﻭﺻﻠﻮﺍ ﻓﻄﻮﺭ
    ﻭﺇﻧﺤﺰّﻣﻨﺎ ﺿﺒﺤﻨﺎ ﺍﻟﺘﻮﺭ
    ﻛُﻨﺎ ﺃﻗﻼ ﺿِﻤّﻨﻨِﺎ ﺍﻟﻨﻮﺭ
    ﺃﻭ ﻳﺎ ﺭﻳﺖ ﻟﻮ ﺯﺩﻧﺎ ﺍﻟﺼﻔﻘﺔ ..
    ﻭﻋﺎﺵ ﻭﻳﺴﻘﻂ ﻭﻳﻮﻳﺎ ﺃﻳﻴﻴﻮﻳﺎ
    ﻛُﻨﺎ ﺃﻗﻼ ﺿِﻤﻨﺎ ﺍﻟﻤﻮﻳﺔ
    ﻛﻨﺎ ﺑﻨﻨﻀﻢ ﺑﻲ ﺇﻳﺪﻳﻨﺎ ...
    ﺩﺍ ﺃﺣﺴﻦ ﺭﻳﺲ ﻣَّﺮّْ ﻋﻠﻴﻨﺎ
    ﻭﻣﻦ ﺍﻟﻠﻪ ﺧَﻠﻘﻨﺎ ﻭﺷﻔﻨﺎ ﺧِﻠﻘﻨﺎ ...
    ﺩﺍ ﺃﻭﻝ ﺭﻳﺲ ﺯﺍﺗﻮ ﻳﺠﻴﻨﺎ
    ﻭﻛﻮﻧﻮ ﻳﺠﻴﻨﺎ
    ﻳﻘﻨّﺐ ﺑﻴﻨﺎ ...
    ﻳﺸﻮﻑ ﺍﻟﺒﻴﻨﺎ .... ﻛﻔﺎﻳﺔ ﻋﻠﻴﻨﺎ
    ﺁ ﺍﻟﺠﺎﺑﺮﻳﺔ ﻳﺠﻮﻛﻲ ﺍﻟﺤُﻜَﻤﺎ
    ﺁ ﺍﻟﺠﺎﺑﺮﻳﺔ ﺗﻮﺍﺻﻠﻲ ﺍﻟﺒﺮﺓ
    ﺁ ﺍﻟﺠﺎﺑﺮﻳﺔ ﻭﻻﺩِﻙ ﺗﻘﺮﺍ
    ﻧﻤﺸﻲ ﺍﻟﻠﻴﻠﺔ ﻧﺼﺎﻗﺮ ﺍﻟﺮﺍﺩﻱ
    ﻧﻤﺸﻲ ﺍﻟﻠﻴﻠﺔ ﻧﺤﻀﺮ ﺍﻟﻨﺸﺮﺓ
    ﻭﻛﻨﺎ ﻧﺮﺟِِّﻊ ﻓﻲ ﻛﻠﻤﺎﺗﻮ
    ﺇﻻ ﻓﻲ ﺳﺘﺔ ﻣﻦ ﺍﻟﺠﺎﺑﺮﻳﺔ ...
    ﻗﺎﻟﻮﺍ .. ﺗﻌﺒﻜﻢ ﺧﺎﺭﻡ ﺑﺎﺭﻡ
    ﻳﺬﻫﺐ ﺣﺎﻛﻢ ﺧﻠﻒ ﺍﻟﺤﺎﻛﻢ
    ﻭﺍﻟﺠﺎﺑﺮﻳﺔ ﺗﻈﻞ ﻓﻲ ﺣﺎﻟﻬﺎ ...
    ﺣِﻠّﺔ ﺣﻴﺎﺗﺎ ﺗﺴُﺮ ﺍﻟﻈﺎﻟﻢ
    ﺻُﺪﻓﺔ ﺗﻤﻮﺕ ﻭﺗﺤَﻴﺎ ﺍﻃﻔﺎﻻ
    ﻻ ﺟﻠﻜﻮﺯ ﻻ ﺗﻘﺮﺍ ﺭﺳﺎﻟﺔ
    ﻭﻻ .. ﺭﺍﺡ ﻳﻄﻠﻊ ﻣﻨﻬﺎ ﻋﺎﻟﻢ
    ﻣﺎ ﺑﻴﻨﺼﻔﻜﻢ ﺇﻻ ﺿﺮﺍﻋﻜﻢ
    ﻋّﺒّﻮﺍ ﺿﺮﺍﻋﻜﻢ ﻳﺎ ﺭﺟّﺎﻟﺔ
    ﻭﺧَﻠّﻮﺍ ﺑﺼﺮﻛﻢ ﺩﻏﺮﻱ ﻭﺳﺎﻟﻢ
    ﺣُﻜﻢ ﺍﻟﻌﺴﻜﺮ ﻣﺎ ﺑﻴﻨﺸﻜﺮ
    ﻛﻠﻮ ﺩﺭﺍﺩﺭ ... ﻛﻠﻮ ﻣﻈﺎﻟﻢ
    ﻭﻣﺎ ﻫﻮ ﻗﺪﺭﻛﻦ ﺗَﺤﻴﻮ ﻫﻤﺎﻟﺔ
    ﻣﻘﺼﻮﺩﻳﻦ ﻭﺍﻟﻘﺎﺻﺪ ﻓﺎﻫﻢ
    ﻭﻗﺎﻃﻌﻨﺎﻫﻦ ...
    ﺣﺎﺭﺑﻨﺎﻫﻦ ..
    ﺗﻤﻴﻨﺎﻫﺎ ﺍﻟﺒﻴﻨﺎ ﺷﺘﺎﺋﻢ
    ﺣﺎﻟﺘُﻦ ﺃﺣﺴﻦ ﻧﺎﺱ ﻓﻲ ﺍﻟﺤﻠﺔ
    ﺇﻳﺪﺍ ﻧﺰﻳﻬﺔ ... ﻋﻘﻮﻻ ﻧﺒﻴﻬﺔ
    ﻗﻠﻨﺎ ﺑَﻌﺮﻓﻮﺍ ... ﻭﻗﻠﻨﺎ ﻓﻮﺍﻫﻢ
    ﻳﻄﻠﻌﻮﺍ ﻓﺎﻟﺼﻮ.. ﻭﻗٌﻄّﺎﻉ ﺭﺣَﻤﺔ
    ﻋﻴﻨﺔ ﺷﻤﺎﺗﺔ ﻭﺧﺎﺭﻡ ﺑﺎﺭﻡ
    ﻭﺇﺣﻨﺎ ﺍﻟﻘُﺼّﺮ ﻭﺍﺛﻘﻴﻦ ﻓﻴﻬﺎ
    ﻭﻗﻄّﻌﻨﺎﻫﺎ ﻣﻌﺎﻫﻢ ﺟﻤﻠﺔ .. ﻭﻗﺎﻃﻌﻨﺎﻫﻢ
    ﺻﺎﺭﻭﺍ ﻓﻲ ﺟﻴﻬﺔ ... ﻭﻧﺤﻦ ﻓﻲ ﺟﻴﻬﺔ
    ﻭﻣﺮ ﺍﻟﻴﻮﻡ ... ﺍﻟﺸﻬﺮ ... ﺍﻟﺤﻮﻝ
    ﻭﺍﻟﺠﺎﺑﺮﻳﺔ ﺑﻠﺪ ﻓﻲ ﺣﺎﻻ
    ﻗﻮﺍﺳﻲ ﺷﻴﻮﺧﺎ ... ﻣﺂﺳﻲ ﺃﻃﻔﺎﻻ
    ﻋﺬﺍﺑﺎﺕ ﻧﺎﺳﺎ
    ﻣﻦ ﺍﻟﻘُﺮّﺍﺻﺔ ﻭﻟﻲ ﻗَﺮّﺍﺻﺎ ...
    ... ﺣﻠﺔ ﺗﻌﺎﻓﺮ ﻭﻣﻘﻄﻮﻉ ﺭﺍﺳﺎ
    ﻋﺸﺮﻳﻦ ﻛﻴﻠﻮ ﻣﻦ ﺍﻟﺠﺎﺑﺮﻳﺔ ...
    ﺻِﺒﻴﺔ ﺗﺴﺎﺳﻖ ﺑﻲ ﻛﺮﺍﺳﺎ
    ﺁ ﺍﻟﺠﺎﺑﺮﻳﺔ ﻋﺬﺍﺑﻚ ﻓﻴﻨﺎ ...
    ﻻﻛﻲ ﺍﻟﻘﺮﻳﺔ .. ﻭﻻﻛﻲ ﻣﺪﻳﻨﺔ
    ﻭﻓﺪ ﻓﻲ ﻭﻓﺪ ﻳﻘﻮﻡ ﻭﻳﺠﻴﻨﺎ
    ... ﺩﺍﻳﺮﺓ ﺩﺭﺍﺳﺔ ﻭﺇﺟﺮﺍﺀﺍﺕ
    ﻋﻮﻥ ﺃﻣﺮﻳﻜﻲ ﻭﻗﺮﺽ ﺃﻟﻤﺎﻧﻲ ﻭﺣﺎﺣﺎﺀﺍﺕ
    ﻭﺣﺪ ﻣﺎ ﻧﺸﻮﻓﻠﻨﺎ ﻣﺴﻌﻮﻟﻴﻦ ...
    ﻣﺴﻌﻮﻟﻴﻦ ﺃﻭ ﺧﻮﺍﺟﺎﺕ
    ﻧﺠﺮﻱ ﻧﻠﻢ ﻗﺪﺣﺎﺗﻨﺎ ﻋﻠﻴﻬﺎ ....
    ﺗﺮﻃﻦ ﺗﺮﺟﻊ ﺯﻱ ﻣﺎ ﺟﺎﺕ
    ﺍﻟﺸﻔﺨﺎﻧﺔ ﻭﻋﺎﻳﺰﺓ ﺩﺭﺍﺳﺔ ...
    ﻣﺪﺭﺳﺔ ﻭﺳﻄﻰ ﻭﺇﺟﺮﺍﺀﺍﺕ
    ﻭﻟﻤﺎ ﺍﻟﻤﻄﻮﺣﺔ ﻃﺎﻟﺖ ﺑﻴﻨﺎ
    ﺇﻧﺬﻛﺮﻧﺎ ﺍﻟﻌﻮﻥ ﺍﻟﺬﺍﺗﻲ
    ﺇﻧﺤﺰﻣﻨﺎ ﻭﻗﻠﻨﺎ ﺑﺮﺍﻧﺎ ... ﻧﺒﻨﻲ ﻧﻘﻮًﻡ ﻟﻠﺸﻔﺨﺎﻧﺔ
    ﻃﻮﺑﺔ ﻓﻲ ﻃﻮﺑﺔ ﻭﻗﻮّﻣﻨﺎﻫﺎ
    ﻭﻳﻮﻣﺎ ﺍﻟﺘﻤﺖ .. ﺟﺎﺕ ﺍﻟﺴﻠﻄﺔ ...
    ﻋﺮﺑﻲ ﻭﻋﺠﻤﻲ ﻭﻣﺮﺓ ﺭﻃﺎﻧﺔ
    ﺍﻟﺸﻔﺨﺎﻧﺔ ﺩﺍ ﻣﺎﻫﻮ ﺑﻜﺎﻧﺎ
    ﻭﻫﺎﻙ ﻳﺎ ﺗﻠﺘﻠﺔ ﻫﺎﻙ ﻳﺎ ﻭﺭﻃﺔ
    ﻭﻏﺼﺒﺎً ﻋﻨﻚ ﻳﺎ ﺍﻟﺠﺎﺑﺮﻳﺔ ...
    ﻭﻏﺼﺒﺎً ﻋﻨﻚ ﻳﺎ ﺃﺣﻮﺍﻻ
    ﻭﺣُﻤﻴّﺎﺗﺎ ﻭﻣﻮﺕ ﺃﻃﻔﺎﻻ
    ﻭﺣُﻤﺮﺓ ﻋﻴﻨﻜﻦ ﻳﺎ ﺭﺟّﺎﻟﺔ
    ﻗﻮﺓ ﺍﻧﺸﻜﺖ ﺑﻴﻦ ﺍﻟﻨﻘﻄﺔ
    ﻭﻓﻲ ﺍﻟﺠﺎﺑﺮﻳﺔ ﺗﺤﻮﻡ ﺍﻟﺸﺮﻃﺔ
    ﻫﻮﻭﺍ ﻛﻼﺏ ﺍﻟﺤﻠﺔ ﻭﺻﻨﻮﺍ
    ﻭﻣﻦ ﻳﻮﻡ ﺩﺍﻙ ﻣﺎ ﺷﻔﻨﺎ ﺍﻟﺴِﺘًﺔ
    ................
    ﻭﻓﺪ ﺍﻟﺤﻠﺔ ﺍﻟﺴﺎﻓﺮ ﺟﺎﻧﺎ ...
    ﻗﺎﻝ ﺇﻧﺄﻛﺪ ﺷﺎﻑ ﺍﻟﺨﺮﻃﺔ
    ﻭﻧﺤﻦ ﺑﺪﻝ ﻧﺒﻨﻲ ﺍﻟﺸﻔﺨﺎﻧﺔ ...
    ﺇﻧﺴﺮﻋﻨﺎ ﺑﻨﻴﻨﺎ ﺍﻟﻨﻘﻄﺔ
    ﺍﻟﺸﻔﺨﺎﻧﺔ ﺩﺍ ﻣﺎﻫﻮ ﺑﻜﺎﻧﺎ ...
    ﻭﻛﺎﻧﺖ ﻏﻠﻄﺔ ﺍﻧﻘﻠﺒﺖ ﻭﺭﻃﺔ
    ﺇﻧﻔﺎﻫﻤﺘﻮ ﻣﻊ ﺍﻟﻤﺴﻌﻮﻝ ؟؟ ؟؟؟
    ﺇﻧﻔﺎﻫﻤﻨﺎ ﻣﻊ ﺍﻟﻤﺴﻌﻮﻝ
    ﻭﻗﺎﻝ ﺣﺎ ﻳﻘﻮﻡ ﻟﻠﺸﻔﺨﺎﻧﺔ
    ﺃﻭ ﻳﺪﻓﻌﻠﻨﺎ ﺣﻖ ﺍﻃﻴﺎﻧﺎ
    ﻣﻊ ﺇﻧﻮ ﺍﻟﻨﻘﻄﺔ ﻭﻛﺖ ﺑُﻨﻴﺎﻧﺎ ...
    ﻗﻮَﻣﺘﻮﻫﺎ ﺑﻼ ﺯﻧﺰﺍﻧﺔ
    ﻭﻓﻲ ﺗﻘﺪﻳﺮﻧﺎ ﻛﻼﻡ ﻣﻌﻘﻮﻝ
    ﻛﻮﻧﻮ ﻳﻘﻮَﻡ ﻟﻲ ﺍﻟﺸﻔﺨﺎﻧﺔ
    ﺣﺎﺟﺔ ﺗﻀﺤﻚ
    ﻣﺤﺮﻗﺔ ﻫﺎﻧﺔ
    ﺇﻧﺘﻮ ﺗﻘﻴﻔﻮﺍ ﻣﻊ ﺍﻟﻤﺴﻌﻮﻝ
    ﻭﺃﻻ ﺍﻟﻜﻨﺘﻮ ﺗﻘﻴﻔﻮﺍ ﻣﻌﺎﻧﺎ؟
    ﻗﻠﻨﺎ -:
    ﺧﻔﻨﺎ ﻧﻔﻘِﺪ ﺍﻟﺠﺎﻱ ...
    ﺧﻔﻨﺎ ﻧﻔﺸّﻞ ﺑﺎﻗﻲ ﺍﻟﺨﻄﺔ
    ﻫﻮ ﻓﻀﻞ ﺟﺎﻱ ؟ ... ﻫﻲ ﻓﻀﻠﺖ ﺧﻄﺔ؟
    ﻭﺍﻧﻔﺮﺗﻘﻨﺎ ﻋﻠﻰ ﺍﻟﺠﺎﺑﺮﻳﺔ ....
    ﻭﺍﻧﻌﻠﻘﻨﺎ
    ﺗﺠﻴﻨﺎ ﺍﻟﺒﻮﺳﻄﺔ ﻭﻣﺪﺭﺳﺔ ﻭﺳﻄﻰ
    ﻭﺍﻟﺸﻔﺨﺎﻧﺔ ﻗﺼﺎﺩ ﺍﻟﻨﻘﻄﺔ
    ﺗﺠﻴﻨﺎ ... ﺗﺠﻴﻨﺎ ... ﻭﻣﺎ ﺃﻧﻴﻘﻨﻨﺎ
    ﻧﺎﺱ ﺇﻧﻮﻟﺪﻭ ... ﻭﻭﺍﺣﺪﻳﻦ ﻣﺎﺗﻮﺍ
    ﻟﻤﺎ ﺍﻟﺮﻳّﺲ ﻭﺩﻭﺷﺘﻮ ﻓﺎﺗﻮﺍ
    ﻭﺑﻌﺪ ﺧﺮﺍﺝ ﺃﺭﻭﺍﺡ ﻭﻋﺬﺍﺏ
    ﻓﺎﺗﻮﺍ ﺍﻟﻌﺴﻜﺮ ﻭﺟﻮ ﺍﻷﺣﺰﺍﺏ ...
    ﻭﻧﻔﺲ ﺍﻟﻮﺟﻊ ﺍﺗﺠﺪﺩ ﺗﺎﻧﻲ
    ﻭﻧﻔﺲ ﺍﻟﺤﻠﻢ ﺍﻟﺮﺍﺡ ﺗﺤﺘﺎﻧﻲ
    ﺣﺘﻠﻨﺎﻫﻮ ... ﺟﻤﻌﻨﺎ ﺭﻓﺎﺗﻮ
    ﻧﻔﺲ ﺍﻟﻴﺎﻓﻄﺔ ﻓﻲ ﻧﻔﺲ ﺍﻟﺤﺘﺔ :
    ﺍﻟﺠﺎﺑﺮﻳﺔ ﺗﺤﻴﻲ ﺍﻟﺸﻌﺐ
    ﺩﺍﻳﺮﻳﻦ ﺑﻮﺳﻄﺔ ﻭﻣﺪﺭﺳﺔ ﻭﺳﻄﻰ
    ﻭﺍﻟﺸﻔﺨﺎﻧﺔ ﺑﺪﻳﻞ ﺍﻟﻨﻘﻄﺔ
    ﻓﻴﻨﺎ ﺍﻧﻜﻠﻢ ﺷﻴﺦ ﺍﻟﺤﻠﺔ
    ﺻﻨﻘﻊ ...ﺩﻧﻘﺮ ... ﺻﻠﻲ ﻭﺳﻠﻢ
    ﻭﻛﺎﻧﻮﺍ ﻛﻼﺏ ﺍﻟﺤﻠﺔ ﻳﻬﻮﻭﺍ
    ﻭﻗﺎﻝ ﻛﻠﻤﺘﻨﺎ ﺗﻜﻮﻥ ﻓﺪ ﻭﺍﺣﺪﻱ ...
    ﺷﺎﻥ ﻧﻨﻘﻮﻯ ﻭﻣﺎ ﻧﻨﺰﻻ
    ﺷﺎﻥ ﻣﺸﻬﺎﺩﻧﺎ ﻭﻋﺪﻝ ﺍﻟﺤﻠﺔ
    ﻧﺤﻦ ﻧﻔﻮّﺯ ﺷﻴﺦ ﺍﻟﺒﻠﺔ
    ﻭﺯﺍﺩ ﻫﻮﻫﻴﻮ ... ﻛﻠﻮﺏ ﺍﻟﺤﻠﺔ
    ﻭﺑﻌﻀﻨﺎ ﻋﺎﺭﺽ ... ﺭﺩﻩ ﻭﻓﺎﻭﺽ
    ﺷﻴﺦ ﺍﻟﺤﻠﺔ ﺍﻟﻘﺎﻡ ﺣﻤﺴﻨﺎ ...
    ﺑﻠﺔ ﺍﻟﺤﻤﺶ ﺍﻟﺰﻭﻝ ﻣﺎ ﺩﻟﺔ
    ﺃﻭﻝ ﻓﺎﻫﻢ .. ﻭﻗﺒﻠﻮ ﻭﻟﺪﻧﺎ ...
    ﻭﺭﺍﺡ ﻳﺤﻜﻤﻠﻨﺎ ﺑﺸﺮﻉ ﺍﻟﻠﻪ
    ﻫﻮ .. ﻫﻮ ... ﻫﻮﻭﺍ ﻛﻼﺑﻨﺎ
    ﻟﻤﺎ ﺃﺳﺘﻐﺮﺏ ﺷﻴﺦ ﺍﻟﺤﻠﺔ
    ﻭﺇﻧﻔﺮﻗﻨﺎ ﻋﻠﻰ ﺍﻟﺠﺎﺑﺮﻳﺔ
    ﺇﻧﻔﺮﻗﻨﺎ ﻭﻳﻮﻡ ﺍﻟﻠﻴﻠﺔ ﺍﻧﺠﻤﻌﻨﺎ ﻋﻤﻮﻡ ﺍﻟﺤﻠﺔ
    ﺷﻴﺦ ﺍﻟﺤﻠﺔ ﻗﺮﺃ ﺍﻟﻘﺮﺁﻥ ...
    ﺻﻨﻮ ﻛﻼﺏ ﺍﻟﺤﻠﺔ ﻭﻫﻮﻭﺍ
    ﻭﺑﻠﺔ ﺇﻧﻘﺪﻡ ﺳﻤَّﻲ ﻭﺻﻠَّﻰ ...
    ﺻﻨﻮ ﺷﻮﻳﺔ ... ﻭﻫﻮ ﻫﻮ ﻫﻮﻭﺍ
    ﻗﺎﻡ ﻭﺇﻧﻜﻠﻢ ... ﻋﻦ ﻳﻨﻜﻠﻢ ﻛﺎﻥ ﻳﻨﻘﺴﻢ
    ﺍﻟﻨﺴﻮﺍﻥ ﺍﻟﺠﺎﻱ ﺗﺘﻬﺎﻣﺰ
    ﺍﻟﺼﺒﻴﺎﻥ ﺍﻟﺠﺎﻱ ﺗﻨﻐﺎﻣﺰ
    ﻭﻛﺎﻥ ﻳﻨﺒﺴﻢ ... ﻭﻛﺎﻧﻮ ﻛﻼﺏ ﺍﻟﺤﻠﺔ ﻳﻬﻮﻭﺍ
    ﺷﻜَّﺮ ﻭﺷﺘَّﻢ ... ﻫﻮ ﻫﻮ ﻫﻮﻭﺍ
    ﺣﻠَّﻞ ﻭﺣﺮَّﻡ ... ﻫﻮ ﻫﻮ ﻫﻮﻭﺍ
    ﻫﻮَّﺩ ﻭﺳﺎﺑﻨﺎ ... ﻭﻓﺎﺕ ﻭﺩﺍﻧﺎ ﺍﻵﺧﺮﺓ ﻭﺟﺎﺑﻨﺎ
    ﻗﺎﻃﻌﻨﺎﻫﻮ ﻭﺻﻮﺗﻮ ﺇﻧﻮﻃَّﺎ
    ﺃﺻﻼً ﻭﺍﻃﻲ ﻭﺗﺎﻧﻲ ﺇﻧﻮﻃَّﺎ
    ﺩﺍﻳﺮﻥ ﺑﻮﺳﻄﺔ ﻭﻣﺪﺭﺳﺔ ﻭﺳﻄﻰ ...
    ﻭﺍﻟﺸﻔﺨﺎﻧﺔ ﺑﺪﻳﻞ ﺍﻟﻨﻘﻄﺔ
    ﺍﻟﺘﻤﻮﻳﻦ ﻭﺯﻳﺎﺩﺓ ﺍﻟﺤﺼﺔ ....
    ﻛﻬﺮﺑﺔ ﻣﻮﻳﺔ ﻭﺳﻮﻕ ﻣﻨﻀﺒﻄﺔ
    ﺑﻠﺔ ﺍﻧﺒﺮﻉ ﻭﻗﺎﻝ ﺑﺒﻨﻴﻬﻦ ...
    ﻫﻮ ﻫﻮ ﻫﻮﻭﺍ ﻛﻼﺑﻨﺎ
    ﻭﺍﺳﺘﻐﺮﺑﻨﺎ ﻗﺒﻞ ﺑﺎﻟﻤﺮﺓ
    ﻻﻣﻦ ﻧﻬﺘﻒ ﺗﺮﺳﻰ ﻛﻼﺑﻨﺎ
    ﻻﻣﻦ ﻳﻨﻀﻢ ﺑﻠﺔ ﻳﻬﻮﻭﺍ
    ﺑﻠﺔ ﺍﻧﺤﻤﺲ ﻭﻗﺎﻝ ﺑﺴﻘﻴﻨﺎ ...
    ﻭﺑﻲ ﺇﺫﻥ ﺍﻟﻠﻪ ﻳﻀﻮﻯ ﺍﻟﺤﻠﺔ
    ﻫﺘﻒ ﺍﻟﺸﻴﺦ ﻭﻫﺘﻔﻨﺎ ﻭﺭﺍﻫﻮ :
    ﻻ ﺗﺒﺪﻳﻞ ﻟﺸﺮﻉ ﺍﻟﻠﻪ .... ﻫﻮ ﻫﻮ ﻫﻮ
    ﻻ ﻭﻻﺀ ﻟﻐﻴﺮ ﺍﻟﻠﻪ ...... ﻃﺎﺀ ﻃﺎﺀ ﻃﺎﺀ
    ﻋﺎﺵ ﺍﻟﻔﺎﺭﺱ ﺃﻣﻞ ﺍﻟﺤﻠﺔ
    ﺑﻠﺔ ﺍﻟﻄﺎﻫﺮ ﻋﻠﻲ ﺣﺴﺐ ﺍﻟﻠﻪ
    ﻋﺎﺵ ﺍﻟﻔﺎﺭﺱ ﺃﻣﻞ ﺍﻟﺤﻠﺔ
    ﺑﻠﺔ ﺍﻟﻄﺎﻫﺮ ﻋﻠﻲ ﺣﺴﺐ ﺍﻟﻠﻪ
    .....
    ﺑﻠﺔ ﺍﻟﻄﺎﻫﺮ ﻋﻠﻲ ﺣﺴﺐ ﺍﻟﻠﻪ
    ﻛﺒَّﺮ ﻓﻴﻨﺎ ﻭﻗﺎﻡ ﺇﻧﺪﻟﻲ ...
    ﻭﻟﺴﺔ ﻛﻼﺏ ﺍﻟﺤﻠﺔ ﻳﻬﻮﻭﺍ ...
    ﻭﺯﺍﺩ ﻫﻮﻫﻴﻮﻥ ﻛﺒﺸﺎً ﺿﺎﻉ
    ﻣﻦ ﻣﺮﺣﺎﺗﻮ ﻭﺻﺎﻗﻊ ﺑﺎﻉ
    ﺑﻠﺔ ﺍﻟﻄﺎﻫﺮ ﻋﻠﻲ ﺑﻼّﻉ
    .........
    ﺑﻠﺔ ﺍﻟﻄﺎﻫﺮ ﻋﻠﻲ ﺑﻼّﻉ
    ﻛﺎﻧﺖ ﺃﻭﻝ ﻣﺮﺓ ﻧﺸﻮﻓﻮ ...
    ﻳﻮﻣﻨﺎ ﺍﻟﺸﻔﻨﺎ ﺍﻟﻼﻧﺪﻛﺮﻭﺯﺭ
    ﺍﻟﻠﻮﻧﺎ ﻣﺨﻄَﻂ
    ﻭﺍﻟﺒﻨﻮﺕ ﺍﻟﺮﺍﺳﺎ ﻣﺮَﺑﻂ ....
    ﺍﻟﺘﻨﺒﻮﺑﺮ
    ﻟﻮﺭﻱ ﻣﻜﻮَّﺵ ﺃﻗﻤﺸﺔ ..ﺳﻜﺮ ...
    ﺣﺘﻰ ﺍﻟﻔﻮﻓﻮ ... ﻭﻋﺘﻞ ﺗﺆﺟﺮ
    ﻭﺃﻣﺤﻲ ﺍﻟﻤﻨﻜﺮ ﺑﻲ ﻣﻌﺮﻭﻓﻮ
    ﺑﻠﺔ ﺍﻟﻄﺎﻫﺮ ﻋﻠﻲ ﺑﻼﻉ ...
    ﺃﻛﺮﻣﻨﺎﻫﻮ .... ﺃﻛﺮﻣﻦ ﺿﻴﻮﻓﻮ
    ﻳﺸﺒﻪ ﻣﺮﺕ ﺍﻟﺸﻴﺦ ﻓﻲ ﻭﺷﻴﻬﻮ ...
    ﻟﻮﻻ ﺍﻟﺪﻗﻦ ﺍﻟﺪﺷﺪﺵ ﺻﻮﻓﻮ
    ﺑﻠﺔ ﺧﺒﺎﺭﻙ ﻣﺎ ﺑﺘﺸﺒﻬﻨﺎ ﻭﻋﺎﻣﻞ ﺯﻭﻟﻨﺎ
    ﺗﺎﻧﻲ ﻧﻘﻮﻝ ﺍﻟﺰﻭﻝ ﺑﺮﺍﻧﺎ ﻧﻐﻴﻴﺮ ﻗﻮﻟﻨﺎ
    ﺇﻻ ﻛﺒﺎﺭ ﺍﻟﺤﻠﺔ ﺑﻘﻮﻟﻮﺍ ...
    ﺑﻠﺔ ﺩﺍ ﻫﻮﻟﻨﺎ
    ﺑﻠﺔ ﺩﺍ ﺃﺻﻼ ﻣﻦ ﻫﺎ ﺍﻟﺤِﻠﺔ
    ﺇﻻ ﺃﻧﺮﺑﻰ ﻭﻗﺮﺃ ﻓﻲ ﺍﻟﺨﺎﺭﺝ
    ﺭﺍﻓﻖ ﺟﺪﻭ ﺍﻟﻔﺘﺢ ﺍﻟﺘﺮﻛﻲ
    ﻭﺳﻴﺮﺗﻮ ﺍﻧﻘﻄﻌﺖ ﻓﻲ ﺍﻟﻤﻬﺪﻳﺔ
    ﻭﺭﺭَﺭَﺓ ﺳﻤﻌﻨﺎ ﺃﺳﺘﻮﻃﻦ ﺑﺮﺓ ...
    ﻭﻗﺎﻡ ﺇﻧﺰﻭﺝ ﻣﻦ ﻣﺼﺮﻳﺔ
    ﺟﺎﺑﺖ ﻋﻠﻲ ... ﻋﻠﻲ ﺟﺎﺏ ﺍﻟﻄﺎﻫﺮ
    ﺣﺘﻰ ﺍﻟﻄﺎﻫﺮ ﺧﻠَّﻒ ﺑﻠﺔ
    ﺟﺪﻭ ﺍﻧﺸﻴﻄﻦ ﺃﺧﻴﺮ ﻣﺎ ﻻﻧﺎ
    ﺑﻠﺔ ﺃﻧﺴﺮﻛﻦ ﻭﺑﻘﻲ ﻣﻮﻻﻧﺎ ﻭﺟﺎﺀ ﻭﺑﺮﺍﻧﺎ
    ﺃﻗﺮﺏ ﻭﺍﺣﺪ ﻟﻲ ﺣﺎﺝ ﺑﻠﺔ ....
    ﺃﻗﺮﺏ ﻭﺍﺣﺪ ﺷﻴﺦ ﺍﻟﺤﻠﺔ
    ﺑﻠﺔ ﺍﻟﻄﺎﻫﺮ ﻋﻠﻲ ﺣﺴﺐ ﺍﻟﻠﻪ
    ﺃﻭﻝ ﻣﺮﺓ ﻳﺼﻠﻲ ﻣﻌﺎﻧﺎ ... ﻗﺪﻣﻨﺎﻫﻮ ﻭﻗﻢ ﺃﻣَّﺎﻧﺎ
    ﺻﻮﺗﻮ ﻣﺮﺧﺮﺥ ﻻﻣﻦ ﻳﻘﺮﺃ
    ﻳﻘﺮﺃ ﻭﻳﻘﻄﻊ .. ﺯﻱ ﺍﻟﺒﻄﺮﺍ
    ﻻﻣﻦ ﻳﺮﻛﻊ ﺟﺴﻤﻮ ﻣﺘﺨﺘﺦ
    ﻋﻨﺪ ﺍﻟﺴﺠﺪﺓ ﺳﺠﻮﺩﻭ ﻣﻤﺨﻤﺦ
    ﺷﻴﺦ ﺍﻟﺤﻠﺔ ﺑﻘﻮﻝ ﻋﻦ ﺍﻣﺮﻭ
    ﺯﻭﻝ ﻏﺮﻗﺎﻥ ﻓﻲ ﺍﻟﺪﻳﻦ ﻣﻦ ﻋﻤﺮﻭ
    ﺳﺘﺔ ﺳﻨﻴﻦ .. ﻗﺎﺑﺾ ﻓﻲ ﺟﻤﺮﻭ
    ﻭﻣﺎ ﻓﻜﺎﻫﻮ ﻃﺮﻳﻖ ﺍﻟﻠﻪ ...
    ﺻﻮﺗﻮ ﻭِﺩِﺭ ﻣﻦ ﻛﺘﺮﺓ ﺫﻛﺮﻭ
    ﻭﺟﺴﻤﻮ ﺍﻟﺘﺨﺘﺨﻮ .. ﺷﺪَﺓ ﺻﺒﺮﻭ
    ﻗﻠﻨﺎ ﺣﻘﻴﻘﺔ ﺍﻟﺰﻭﻝ ﺑﻲ ﻋﺬﺭﻭ
    ﻭﻓﺘﻨﺎ ﻗﻨﺎﻋﺔ .. ﻭﻣﺎﺍﺍﺍﺍﻧﺎ ﻗﻨﺎﻋﺔ
    ﺇﻻ ﺍﻟﺴﺘﺔ .. ﺍﻟﺼﺎﺭﻭﺍ ﺟﻤﺎﻋﺔ
    ﻗﺎﻟﻮﺍ .. ﺩﺍ ﺯﻭﻝ ﺗﺮﺑﺎﻳﺘﻪ ﻣﻴﺎﻋﺔ
    ﻣﺎ ﻳﺸﺒﻬﻨﺎ ﻭﺭﻓﻌﻮ ﻭﺿﺎﻋﺔ
    ﺯﻭﻝ ﺯﻭﻝ ﺩﻧﻴﺎ ﻭﺩﻧﻴﺎ ﺻﻴﺎﻋﺔ
    ﻗﺼﺔ ﺩﻳﻨﻮ ﻭﺩﻗﻨﻮ ﺑﻀﺎﻋﺔ
    ﻭﺇﺣﻨﺎ ﺃﺻﻮﺍﺗﻨﺎ ... ﻳﺎ ﺇﻣﺎ ﻣﺒﺎﻋﺔ
    ﻳﺎ ﺇﻣﺎ ﺟﻬﺎﻟﺔ ﻭﻧﺎﺱ ﻣﺘﺒﺎﻋﺔ
    ﻭﻓﻲ ﺍﻟﺤﺎﻟﺘﻴﻦ ﺁﻣﺎﻟﻨﺎ ﻣﻀﺎﻋﺔ
    ﻭﺧﺎﺭﻡ ﺑﺎﺭﻡ
    ﻛﻮﻧﻬﺎ ﺑﻮﺳﻄﺔ ... ﻭﻣﺪﺭﺳﺔ ﻭﺳﻄﻰ
    ﻭﺍﻟﺸﻔﺨﺎﻧﺔ ﻭﻣﻮﻳﺔ ﻭﻧﻮﺭ
    ﻛﻮﻧﻮ ﻳﺠﻴﺒﺎ ﺩﺍ ﻣﺎ ﻣﻨﻈﻮﺭ
    ﻭﺯﻳﺎﺩﺓ ﺍﻟﺤﺼﺔ ... ﺍﻟﺰﻭﻝ ﺯﻭﻝ ﺳﻮﻕ
    ﺯﻭﻝ ﻣﻦ ﺟﺪﻭ ﻳﻠﻒ ﻭﻳﺪﻭﺭ
    ﻭﻳﺎ ﺍﻟﺠﺎﺑﺮﻳﺔ ﺩﺍ ﻣﻄﻠﺐ ﻋﺎﺩﻝ ...
    ﻛﻮﻧﻮ ﺗﻄﻴﺒﻲ ... ﺗﻜﺎﺗﺒﻲ ﻭﺗﻘﺮﻱ
    ﺿﻮﻙ ﻳﺸﻠﻊ ... ﺩﺷﻚ ﻳﺮﺷﻊ
    ﻭﻧﺤﻦ ﺩﻓﻌﻨﺎ ﺿﺮﺍﻳﺐ ﺑﺪﺭﻱ
    ﻭﻟﺴﻪ ﺑﻨﺪﻓﻊ ... ﻟﺴﻊ ... ﻟﺴﻊ
    ﺑﺲ ﻳﺎ ﺟﻤﺎﻋﺔ ... ﺇﻥ ﻗﻀﻴﻨﺎ ﺣﻴﺎﺗﻨﺎ ﺗﺒﺎﻋﺔ
    ﻭﺻﻨﻴﺖ ﺭﺍﺩﻱ ... ﻭﻗﻮﻝ ﻓﻲ ﺍﻟﻔﺎﺿﻲ
    ﺧﻮﻓﻨﺎ ﻧﻘﻮﻡ ﻣﺎ ﻧﻠﻘﻰ ﺃﺭﺍﺿﻲ
    ﻭﻧﺤﻦ ﺃﺳﺎﺳﻨﺎ ﻭﺭﺍﺳﻨﺎ ﺯﺭﺍﻋﺔ
    ﻭﺍﻟﺠﺎﺑﺮﻳﺔ ﺇﻥ ﺩﺍﻳﺮﺓ ﺷﻔﺎﻋﺎ
    ﻣﺎ ﺑﻴﺸﻔﻌﻠﻬﺎ ﺇﻻ ﺿُﺮﺍﻋﺎ
    ﻋﺒﻮ ﺿﺮﺍﻋﻜﻦ ﻳﺎ ﺭﺟَﺎﻻ ...
    ﻭﺧﻠﻮ ﺑﺼﺮﻛﻢ ﺩﻏﺮﻱ ﻭﺳﺎﻟﻢ
    ﻋﺒﻮ ﺿﺮﺍﻋﻜﻦ ﺁ ﺭﺟﺎﻻ ...
    ﺷﻴﺦ ﺍﻟﺤﻠﺔ ﺃﺿﻞَّ ﻭﺿﻞَّ
    ﻭﺃﺳﺄﻟﻮﺍ ﺑُﺮَّﺓ ﻭﺣﺎﺟﺔ ﺍﻟﺴُﺮَّﺓ
    ﻋﻦ ﺍﻟﺘﻴﺒﺎﻥ ﻭﺣﻜﺎﻳﺔ ﺍﻟﺼُّﺮﺓ
    ﺷﻦ ﻟﻤﻪ ﺑﻠﺔ ﻭﺷﻴﺦ ﺍﻟﺤِﻠﺔ ﻣﻊ ﺷﺮﻉ ﺍﻟﻠﻪ
    ﻭﺍﻟﻨﺎﺱ ﺩﻳﻞ ﺍﻟﻌﺎﺭﺿﻴﻦ ﺑﺮﺓ
    ﺟﺮﺑﻨﺎﻫﻦ ﻛﻤﻴﻦ ﻣﺮﺓ
    ﻭﺗﺎﻧﻲ ﻧﺠﺮﺏ ﺷﺎﻥ ﻧﻨﻀﺮَّ؟ !
    ﻭﻳﺎ ﺍﻟﺠﺎﺑﺮﻳﺔ ﻣﻌﺎﻛﻲ ﺳﻼﻣﺔ ...
    ﻛﺎﻥ ﺍﻟﻔﻮﻗﻚ ﻣﺎ ﻓﺎﺕ ﻣﺮﺓ
    ﻛﺎﻥ ﻛﻠﻤﺎﺗﻦ ﻧﺎﺷﻒ ﺭﻳﻘﺎ ... ﻛﺎﻧﺖ ﻣﺮﺓ
    ﺇﻻ ﺣﻘﻴﻘﺔ ... ﻭﻏﻠﺒﻨﺎ ﻧﻄﻴﻘﺎ ...
    ﻭﻳﻦ ﻓﻲ ﺍﻟﺼُﺮﻣﺔ ... ﻭﻗِﻞ ﺍﻟﻘﺪﺭﺓ
    ﻭﺳﻜﺘﻨﺎﻫﻦ ﺑﺲ ﻣﺎ ﺻﻨﻮ
    ﻭﻗﺎﻃﻌﻨﺎﻫﻦ ﺗﺎﻧﻲ ﺍﻟﻤﺮﺓ
    ﻭﻣﺎ ﻣﻦ ﻭﺍﺣﺪ ﻓﻴﻬﻦ ﺗﺮَﺍ
    ﻭﺑﻠﺔ
    ﻛﺎﻥ ﻫﻮ ﻃﺮﻳﻖ ﺍﻟﻨﺎﺱ ﻭﺧﻴﺎﺭﺍ
    ﻓﻮﺯﻧﺎﻫﻮ .. ﻭﺟﺎﻧﺎ ﺯﻳﺎﺭﺓ
    ﻛﺮﻣﻨﺎﻟﻮ ﺍﻟﺘﻮﺭ ﻭﻋﺮﺿﻨﺎ ...
    ﻭﺧﻠﻴﻨﺎﻫﻢ ﺑﺮﺓ ﺍﻟﺪﺍﺭﺓ
    ﺩﺍﻳﺮﻥ ﺑﻮﺳﻄﺔ ﻭﻣﺪﺭﺳﺔ ﻭﺳﻄﻰ ...
    ﻣﻮﻳﺔ ﻭﻛﻬﺮﺑﺎ ﻭﺍﻟﺸﻔﺨﺎﻧﺔ ...
    ﺯﻳﺎﺩﺓ ﺍﻟﺤﺼﺔ ﻭﺳﻮﻕ ﻣﻨﻀﺒﻄﺔ
    ﻭﺻﺪﻭ ﻛﻼﺏ ﺍﻟﺤﻠﺔ ﻳﻬﻮﻭﺍ ...
    ﻳﻨﻀﻢ ﺑﻠﺔ ﻳﻬﻮﻭﺍ ﻣﻌﺎﻫﻮ
    ﻧﻬﺘﻒ ﻧﺤﻦ ﻳﺰﻳﺪ ﻫﻮﻫﻴﻮﺍ
    ﻣﺎﻓﻲ ﺷﻬﺮ ﺟﺎﺗﻨﺎ ﺍﻟﺨﺮﺳﺎﻧﺔ ...
    ﺟﺎﻧﺎ ﺍﻟﺴﻴﺦ ... ﺍﻟﻄﻮﺏ ... ﺍﻟﺮﻣﻠﺔ ...
    ﺟﺎ ﺍﻷﺳﻤﻨﺖ ﺷﻜﺎﺭﺓ ﺷﻜﺎﺭﺓ
    ﻋﺪﻳﻨﺎﻫﻦ ﺃﻟﻒ ﺷﻜﺎﺭﺓ
    ﻭﻛﺮﻣﻨﺎﻟﻦ ﺧﻴﺮﺍ ﺟﺎﻧﺎ
    ﻭﻛﻞ ﻛﻼﺏ ﺍﻟﺤﻠﺔ ﺍﻟﻬﻮَّﻥ ...
    ﻃﻔﺸﻨﺎﻫﻦ ﺑﺎﻟﺠﺒﺨﺎﻧﺔ
    ﻭﻓﻲ ﺻﻨﺎﻧﺎ ﺗﺪﻭﺩﻱ ﺍﻟﺰﺍﻧﺔ
    ﺇﻧﻐﺎﻟﻄﻨﺎ ﻛﺘﻴﺮ ﻓﻲ ﺑﻌﻀﻨﺎ ...
    ﺃﻭﻟﻰ ﺍﻟﻤﺪﺭﺳﺔ ﻭﺍﻟﻼ ﺍﻟﺒﻮﺳﻄﺔ ؟
    ﺃﻭﻟﻰ ﺍﻟﻤﺪﺭﺳﺔ
    ﻭﺍﻟﺸﻔﺨﺎﻧﺔ ؟؟؟؟
    ﺍﻟﺸﻔﺨﺎﻧﺔ ﻣﺤﻞ ﺍﻟﻨﻘﻄﺔ
    ﻭﻧﺎﻥ ﺍﻟﻨﻘﻄﺔ؟؟؟؟؟ ..
    .ﻧﺤﻦ ﺃﻫﺎﻟﻲ ... ﻭﻭﺩﻧﺎ ﺻﺎﻓﻲ
    ﺑﻴﻨﻨﺎ ﻣﻌﺰَّّﺓ ﺟﺮﺍﺋﻢ ﻣﺎﻓﻲ ...
    ﻭﻣﺎ ﺑﻨﺤﺘﺎﺝ ﻟﻲ ﺷﺮﻃﺔ ﻭﻧﻘﻄﺔ
    ﺗﺤﺼﻞ ﻋِﻠﺔ ﻓﻲ ﺷﻴﺦ ﺍﻟﺤﻠﺔ
    ﻭﻧﺎﻥ ﺍﻟﻨﻘﻄﺔ؟؟؟؟
    ﻧﺤﻦ ﺍﻹﻳﺪﻧﺎ ﺑﻨﺖ ﻟﻠﻨﻘﻄﺔ ...
    ﻭﺍﻟﺠﻴَﺮﻧﺎ ﺯﺑﺎﻟﺔ ﺃﻃﻴﺎﻧﺎ
    ﻧﺎﺱ ﺍﻟﺴﻠﻄﺔ ﺇﻥ ﺩﺍﺭﻭ ﺍﻟﻨﻘﻄﺔ ...
    ﻳﻤﺸﻮﺍ ﺑﻜﺎﻥ ﺃﺭﺽ ﺍﻟﺸﻔﺨﺎﻧﺔ
    ﻭﻣﺎ ﻃﺎﻟﺒﺎﻧﺎ ﺧﻼﻑ ﺯﻧﺰﺍﻧﺔ
    ﻣﺪﺭﺳﺔ ﺑﻮﺳﻄﺔ ... ﻣﺪﺭﺳﺔ ﺑﻮﺳﻄﺔ
    ﺳﺘﻴﻦ ﻃﻠﺒﺔ ﻭﻋﺸﺮﻳﻦ ﺃﻭﺳﻄﻰ
    ﺷﻐﺎﻟﻴﻦ ﻣﺎ ﻣﻠَﻮ ﺳﺨﺎﻧﺔ
    ﻣﺪﺭﺳﺔ ﺑﻮﺳﻄﺔ ...
    ﻭﻗﻠﻨﺎ ﻏُﻨﺎﻧﺎ -:
    ﻳﺎ ﺍﻟﺠﺎﺑﺮﻳﺔ ﺍﻟﻠﻪ ﺃﺩّﺍﻧﺎ ...
    ﺣﺎﺝ ﺍﻟﺒﻠﺔ ﺍﻟﻤﺒﺮﻭﻙ ﺟﺎﻧﺎ
    ﺟﺎﺏ ﺍﻟﻤﺪﺭﺳﺔ ﺟﺎﺏ ﺍﻟﺒﻮﺳﻄﺔ
    ﻭﺑﻜﺮﺓ ﻳﺮﺟّﻊ ﻟﻠﺸﻔﺨﺎﻧﺔ
    ﻧﺼﺤﻰ ﻧﺼﺎﺑﺢ ﻣﻮﻳﺔ ﺍﻟﺪُّﺵ
    ﻧﻤﺴﻲ ﻧﻼﻗﻲ ﺍﻟﻀﻮْ ﻋﻤّﺎﻧﺎ
    ﻣﺪﺭﺳﺔ ﺑﻮﺳﻄﺔ ... ﻣﺪﺭﺳﺔ ﺑﻮﺳﻄﺔ
    ﻭﺗﺎﻭﻕ ... ﻭﺗﺎﻭﻕ ... ﻭﺗﺎﻭﻕ ...ﺍﺥ
    ﻭﻓﺠﺄﺓ ﺗﺒﻴﻦ ﺗﺘﻀﺦ ﺍﻟﺨﺮﻃﺔ
    ﻭﻛﺐ ﺗﻨﺘﺼﺐ ﺍﻟﻤﻴﻀﻨﺔ ... ﺃﺥ
    ﺃﺥ ﻣﻦ ﺣﻈﻚ ﻳﺎ ﺍﻟﺠﺎﺑﺮﻳﺔ
    ﺳﺎﺑﻊ ﺟﺎﻣﻊ ﻓﻲ ﺍﻟﺠﺎﺑﺮﻳﺔ
    ﺳﺎﺑﻊ ﺟﺎﻣﻊ ﻭﺑﺎﻟﺠﺒﺮﻳﺔ
    ﻭﺻﺪﻭﺍ ﻛﻼﺏ ﺍﻟﺤﻠﺔ ﻳﻬﻮﻭﺍ ...
    ﺃﺥ ﻳﺎ ﺍﻟﻨﺎﺱ ﺍﻟﺤﺎﻟﻦ ﻗﻄَﺎ
    ﻓﻲ ﺍﻟﺒﻠﺪﺍﻥ ﺍﻟﺤﻈﻬﺎ ﻓﺎﺟﻊ
    ﺑﻖ ﻳﺎ ﺍﻟﺼﺎﺡ ﺍﻟﻤﺎﻙ ﻣﺘﺮﺍﺟﻊ
    ﻭﺣﺮِّﻕ ﺩﺑﺶ ﺍﻟﺪﻧﻴﺎ ﺍﻟﻐﻠﻄﺔ
    ﺑﻖ ﻭﺍﻧﻔﺮَﻕ ﻓﻲ ﺍﻟﺠﺎﺑﺮﻳﺔ
    ﺑﻖ ﻓﻲ ﺃﺭﺣﺎﻣﻨﺎ ﻓﻲ ﺷﺎﻓﻊ ﻧﺎﻓﻊ
    ﺗﺮﻓﻌﻮ ﺃﻣﻮ ﻓﻲ ﺣﻴﻄﺔ ﺍﻟﺠﺎﻣﻊ
    ﻳﻜﺘﺐ .. (ﻳﺴﻘﻂ ﺩﺟﻞ ﺍﻟﺴﻠﻄﺔ (
    ﻭﻳﺴﻘﻂ ﺑﻠﺔ ﻭﺷﻴﺨﻨﺎ ﺍﻟﺘﺎﺑﻊ
    ﻛﺸّﻔﻨﺎﻙ ﻭﻛﺸﻔﻨﺎ ﺍﻟﺨﻄﺔ
    ﺗﺤﻴﺎ ﻛﻼﺑﻚ ﻳﺎ ﺍﻟﺠﺎﺑﺮﻳﺔ
    ﻭﻳﺤﻴﺎ ﺿﺮﺍﻉ ﺍﻟﺰﻳﺘﻦ ﻃﺎﻟﻊ
    ﻭﺍﻟﺒﻴﺼﺎﺭﻉ ﻣُﺮ ﺍﻟﻮﺍﻗﻊ
    ﺗﺤﻴﺎ ﺗﺮﺍﺑﻚ ﻭﺍﻟﻄﻮﺭﻳﺔ
    ﺍﻟﺠﺎﺑﺮﻳﺔ ﺗﺤﻴﻲ ﺍﻟﺸﺎﺭﻉ
    ﺩﺍﻳﺮﻳﻦ ﻛﻬﺮﺑﺎﺀ
    ﺩﺍﻳﺮﻳﻦ ﻣﻮﻳﺔ
    ﺩﺍﻳﺮﻳﻦ ﺳﻠﻄﺔ ﻭﺳﻮﻕ ﻣﻨﻀﺒﻄﺔ
    ﺩﺍﻳﺮﻥ ﻫﺴﺔ ﺯﻳﺎﺩﺓ ﺍﻟﺤﺼﺔ ..
    ﺍﻟﺸﻔﺨﺎﻧﺔ ﺑﺪﻳﻞ ﺍﻟﻨﻘﻄﺔ
    ﺩﺍﻳﺮﻳﻦ ﺑﻮﺳﻄﺔ ﻭﻣﺪﺭﺳﺔ ﻭﺳﻄﻰ
    ﻭﺍﻟﻠﻪ ﺑﻨﻌﺒﺪﻭﺍ ﻓﻲ ﺍﻳﺖ ﺣﺘﺔ
    ﺩﺍﻳﺮﻳﻦ ﺑﻮﺳﻄﺔ ﻭﻣﺪﺭﺳﺔ ﻭﺳﻄﻰ
    ﻭﺍﻟﻠﻪ ﺑﻨﻌﺒﺪﻭﺍ ﻓﻲ ﺍﻳﺖ ﺣﺘﺔ
                  

08-09-2021, 05:15 AM

Osman Musa
<aOsman Musa
تاريخ التسجيل: 11-28-2006
مجموع المشاركات: 21372

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: بدر الدين الأمير)


    اخي أستاذ بدرالدين
    الأخ شكر على جلب معلقة الراحل حميد عليه الرحمة
                  

08-07-2021, 01:05 PM

Osman Musa
<aOsman Musa
تاريخ التسجيل: 11-28-2006
مجموع المشاركات: 21372

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: عمر التاج)

    السفة ما بتكتل
    بكتل شراب الدم
    في منازل الأشباح
    هنا راحت الأرواح
    هنا كتمت الأنفاس
    هنا عدمت الأفراح
    هنا ود فضل عذب
    هنا يضحك السفاح
    هنا مات حمد عزة
    والطبلة في ساقو
    راح منها المفتاح
                  

08-07-2021, 09:19 PM

Osman Musa
<aOsman Musa
تاريخ التسجيل: 11-28-2006
مجموع المشاركات: 21372

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: Osman Musa)


    السفة ما بتكتل
                  

08-07-2021, 10:54 PM

منتصر عبد الباسط
<aمنتصر عبد الباسط
تاريخ التسجيل: 06-24-2011
مجموع المشاركات: 3504

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: Osman Musa)

    أنا شايف لو قارورة الموية الجغم منها قبل السفة
    كانت قزازة وسكي وبعد السفة ولع ليهو سيجارة بكل
    اريحية عادي جدا ولا فيها أي حاجة بالنسبة لجريمة
    خالد سلك الحقيقية وهي دفع الشباب والتغرير بهم
    هو الأصم وبقيتهم بتحريض الشباب والمراهقين للبقاء في
    ميادين اعتصام القيادة العامة للقوات المسلحة وتعريضهم للقتل
    ثم بعد ذلك اشتروا بدمهم المناصب
    دي جريمة تتحوذ منها المومسات
                  

08-08-2021, 05:43 AM

Osman Musa
<aOsman Musa
تاريخ التسجيل: 11-28-2006
مجموع المشاركات: 21372

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: منتصر عبد الباسط)



    السفة ما بتكتل 
    بكتل شراب الدم 
    في منازل الأشباح 
    هنا راحت الأرواح 
    هنا كتمت الأنفاس 
    هنا عدمت الأفراح 
    هنا ود فضل عذب 
    هنا يضحك السفاح 
    هنا مات حمد عزة
    والطبلة في ساقو
    راح منها الم
                  

08-08-2021, 09:59 AM

نعمات عماد
<aنعمات عماد
تاريخ التسجيل: 03-08-2014
مجموع المشاركات: 9268

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: Osman Musa)

    Quote: السفة ما بتكتل
    بكتل شراب الدم
    في منازل الأشباح
    هنا راحت الأرواح
    هنا كتمت الأنفاس

    شكراً أخ عثمان على الأبيات المؤثرة.
    و سؤالين لمنتصر:
    (1) ما هو دليلك على مسؤلية الأصم و سلك عن المجزرة؟
    مش يمكن الثوار أصروا على البقاء في ميدان الإعتصام؟
    (2) ليه ما تلوم بنفس القدر برهان و كباشي على المجزرة
    بعد إعتراف كباشي المصور بمشاركة كل المجلس العسكري
    في الخطة؟
                  

08-08-2021, 12:04 PM

Osman Musa
<aOsman Musa
تاريخ التسجيل: 11-28-2006
مجموع المشاركات: 21372

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: نعمات عماد)


    مرحب بنتنا العزيزة نعمات
    وارجو المتابعة.
    الف شكر
                  

08-08-2021, 01:05 PM

Osman Musa
<aOsman Musa
تاريخ التسجيل: 11-28-2006
مجموع المشاركات: 21372

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: منتصر عبد الباسط)

    منتصر يا شاب كان عمرك كم في بداية الكريهة الإنقاذ؟
    أيام كانوا بيكركروا شباب الجامعات للمحارق في الجنوب الحبيب.
    و شنو كانت نتيجة ديك الحروب اللعينة.
    تقول لي سفة و ويسكي وحراويل. ؟
    سلك والاصم من قيادات الثورة المباركة ولهم التحية. .. مشكور يا ابننا منتصر على المرور .

    (عدل بواسطة Osman Musa on 08-08-2021, 05:02 PM)

                  

08-09-2021, 06:59 AM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 03-04-2014
مجموع المشاركات: 9054

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: Osman Musa)

    ود موسي والمتداخلين السلام عليكم

    لا يغير الله ما بقوم حتي يغيروا ما بأنفسهم
    السفة سلوك متفشي وهو غير حضاري
    أولاً امراض اللثة ووساخة الشارع ( الاخيرة دي
    هي المقصودة بالتغيير). و حقي سمح وحق غيري كعب
    برضو سلوك يحتاج تغيير.

    لا تقدح السفة في الكفأة ولا الذمة المالية بس الخرمة
    تدل علي مدي العزيمة
                  

08-09-2021, 09:57 AM

منتصر عبد الباسط
<aمنتصر عبد الباسط
تاريخ التسجيل: 06-24-2011
مجموع المشاركات: 3504

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: اخلاص عبدالرحمن المشرف)

    يا هلا دكتورة نعمات بك وبما تسألين
    Quote: و سؤالين لمنتصر:
    (1) ما هو دليلك على مسؤلية الأصم و سلك عن المجزرة؟
    مش يمكن الثوار أصروا على البقاء في ميدان الإعتصام؟
    (2) ليه ما تلوم بنفس القدر برهان و كباشي على المجزرة
    بعد إعتراف كباشي المصور بمشاركة كل المجلس العسكري
    في الخطة؟
    سوف لا اتحدث عن أضرار استمرار
    إعتصام القيادة الذي كان هدفا كيزانيا بامتياز
    الذي حققوا به كل ما كانوا يشتهون
    لكن دعيني أحدثك عن المسؤلية الأخلاقية
    للأصم وسلك ومدني عباس
    ومريم الصادق وكل ما يسمى بتجمع المهنيين
    وكل القحتيين
    المسؤلية تكمن في تحريض الشباب والنسإء
    والأطفال للبقاء
    في ميادين القيادة دون ضمانات سلامة
    بل حدثت أحداث قتل متفرقة داخل ميادين
    القيادة
    وكانت ردة الفعل سياسية وصولية دنيئة
    وليست ردة فعل أخلاقية انسانية أقصد ردة
    فعل ما يسمى تجمع المهنيين والقحتيين
    يعني كلما حدث قتل للشباب شخص شخصين
    تتم المتاجرة بدمهم الغالي بوقف التفاوض
    مع العسكر يعني دماء
    الشباب وأرواحهم وحياتهم التي دفعوها
    لأجل رفاهية الشعب وأمنه ونهضة الوطن
    كانت بالنسبة للقحتيين وسيلة ضغط سياسي
    فقط
    ليس ضغطا لتحقيق أهداف الثورة بل لأجل
    مناصب السيادي
    لم يطرحوا في مهزلة تفاوض قحت مع السيادي
    نقاش وحوار علي مشروع أو هدف وطني واحد
    بل كل الحوار وما اختلفوا حوله لمن تكون كراسي
    مجلس السيادة؟!
    والأن بعد مرور عامين لم يحاكم قاتل ولا سارق
    ولا حققوا هدف من أهداف الثورة
    أما بالنسبة لسؤالك الثاني عن لماذا ألوم لا الكباشي
    والبرهان على المجزرة ؟
    مشكلتي في أني لم أتوصل حتى الأن
    لأعتبار الذين قتلوا في القيادة كانوا خراف أو نعاج
    أو قطيع أبقار حتى ألوم الكباشي علي لماذا لم
    تحرسوهم في تلك الظروف المعقدة الخطرة
    يا أختي سقوط نظام الكيزان لم يكن هدفا سهلا
    ولا يمكن تحقيقه بسهولة بل أي انقلاب علي نظام
    واسقاطه لا يكون تحقيقه في يوم أو يومين أو شهر
    أو شهرين أو فقط عام أو عامين
    إنقلاب 30يونيو 1989م احتاج خمسة سنوات
    ليتم اكماله فلم يتستلم كل ضباط القوات المسلحة
    لنظام الكيزان وظلت المحاولات تستمر
    حينما يذاع بيان بإنقلاب أو تغيير وسقوط لنظام
    لا يظهر الضباط مقاومة لحظية ولكنهم يكون
    المعارضون متربصون للفرصة للإنقضاض
    فبعد إذاعة بياني ابن عوف والبرهان
    كان أقل تصرف عاقل محترم رشيد لاتمام مهمة
    سقوط نظام الكيزان هو افراغ ميادين القيادة
    من أي تظاهر وأي تجمعات أو أي اعتصام
    كضرورة أمنية لإكمال مهمة اسقاط النظام
    أما استمرار الاعتصام كان مرهقا جدا لقوات الشعب
    المسلحة ويعطي الفرصة تلو الأخرى لاصتياد
    رقاب الشباب وذبحهم من منسوبي النظام السابق
    من عسكر وأمنجية
    والعجيب بمباركة قحت لا زال جهاز أمن الكيزان
    يعمل حتى الأن !
    وهذه خيانة وعمالة للكيزان من قبل قحت وتجمع
    المهنيين
    لو كان لي لوم للكباشي واليرهان كان
    سيكون في عدم الخطاب الصريح في ضرورة
    اخلاء ميادين القيادة العامة من الناس
    بصرامة وصراحة وأن يشترطوا هذا لقبول
    التفاوض مع ممثلي قحت والمهنيين
    أما ما أقر به المتحدث الكباشي هو الفض للإعتصام
    أما مسؤلية القتل وهل كان القتل بتجاوزات واختراقات
    من قبل الكيزان أما لا هذا يثبته التحقيق الذي
    لا ينتظر عاقل رشيد حدوثة من قبل سماسرة الدم
    من الساسة السجم

                  

08-09-2021, 11:25 AM

محمد حمزة الحسين
<aمحمد حمزة الحسين
تاريخ التسجيل: 04-22-2013
مجموع المشاركات: 2218

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: اخلاص عبدالرحمن المشرف)

    Quote: يَسْرِقُ خُبْزِي بِاِسْمِ اللهْ
    وَيَقْتُلُ شَعْبِي بِاِسْمِ اللهْ
    وَيُنْهِبُ بَلَدِي بِاِسْمِ اللهْ
    وَدُونَ حَيَاءٍ يَمْضِي صُبْحًا لِلْآذَانِ
    وَيَمْضِي لَيْلَا لِلنِّسْوَانِ أَوِ الْغَلِمَانِ


    غايتو يا عبد الله الحنك دا كان المصدقين بيهو كووتاااار لكن بعد جو الأوباش ديل ...
    بقي حنك عاضي ...
    والله صحي
                  

08-10-2021, 09:14 AM

Osman Musa
<aOsman Musa
تاريخ التسجيل: 11-28-2006
مجموع المشاركات: 21372

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: محمد حمزة الحسين)

    السفة ما حاجة
    ساهل تكتلوا الزول
    الدم على تيابكم
    خايفين ومرعوبين
    وملان سلاحكم بول
    كاشفكم العالم
    كملتوا كلوا القول
    بعتوا الفنادق ليل
    والفسحة
    والجندول
    سجنتوا بايع العيش
    وفلقتوا جالب
    الفول
    سمسرتوا في المولد
    والمدرسة السمحة
    بعتوا العرض
    والطول
    بعتوا العرض والطول



                  

08-10-2021, 09:38 AM

منتصر عبد الباسط
<aمنتصر عبد الباسط
تاريخ التسجيل: 06-24-2011
مجموع المشاركات: 3504

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: Osman Musa)

    فساد الكيزان يا أخوانا عثمان لاخلاف عليه
    بس نحن الأن نعايش الفساد الجديد المحتمل للساسة الجدد
    هل سنظل نتحدث عن الماضي ونترك الحاضر
    المعاش!
    البنسوى فيهو دا هو بالظبت عملية
    صناعة لمفسدين جدد
                  

08-10-2021, 11:55 AM

نعمات عماد
<aنعمات عماد
تاريخ التسجيل: 03-08-2014
مجموع المشاركات: 9268

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: منتصر عبد الباسط)

    https://youtu.be/https://youtu.be/
    KH0lFplcoC4
    سلام أ. منتصر
    Quote: المسؤلية تكمن في تحريض الشباب والنسإء
    والأطفال للبقاء
    في ميادين القيادة

    دي إجابتك على سؤالي و لم تقدم أي دليل على أدعاءك
    بأن الأصم و سلك حرضوا الثوار على البقاء في ميدان
    الإعتصام. هل أنت سمعت و رأيت الأصم و سلك يقولون
    حرفياً للثوار. أن لا يغادروا أرض الإعتصام؟
    هل لديك فيديو للأصم و سلك يطالبون الثوار بعدم مغادرة
    أرض الإعتصام؟
    أذا كنت تملك أدلة تدين المذكورين أعلاه، فمن دربك دا
    على النيابة و قدّم إتهامك لتأخذ العدالة مجراها.
    أما ردك بخصوص كباشي و برهان و الأجهزة الأمنية و
    مسئوليتهم الأخلاقية و الجنائية والموجودة في تصريح
    كباشي في الرابط أعلى المداخلة. و هي واضحة لكل
    من ليس في عينه رمد.
    رغم أعتراف كباشي و أعتذاره فلم يفتح الله عليك
    بتحميله المسئولية الأخلاقية حتى. بل أنت تقول لو كان
    لى لوم على كباشي و برهان!!!!
    كل هذا العدد من الشهداء و الجرحى و المفقودين و جثث
    الشهداء داخل النيل. كل هذه الجرائم كانت نتيجة للخطة.
    التي وضعها وشارك فيها المجلس العسكري و الأجهزة الأمنية
    المجزرة كانت نتيجة للخطة التي وضعها هولاء لفض الإعتصام
    بحسب تصريح الكباشي.
    Quote:
    لو كان لي لوم للكباشي واليرهان كان
    سيكون في عدم الخطاب الصريح في ضرورة إخلاء ميادين
    القيادة العامة من الناس

    في رأيك أنت ليه ما كان في خطاب صريح من كباشي و برهان
    بضرورة إخلاء ميادين القيادة العامة من الناس قبل تنفيذ المجزرة؟
    غياب التحذير الصريح من العسكر قد يكون دليل على النية المبيتة لقتل المعتصمين.
                  

08-10-2021, 06:28 PM

منتصر عبد الباسط
<aمنتصر عبد الباسط
تاريخ التسجيل: 06-24-2011
مجموع المشاركات: 3504

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: نعمات عماد)

    بالله واحدة أو واحدة من الزملاء الكرام
    ممن يستخدمون كمبيوتر يتفضل برفع هذا الفيديو
    وهذا هو الرابط من اليوتيوب
    👇
    https://https://
    youtu.be/Si4CAp_gS1M
    👆أتفضلي يا دكتورة نعمات
                  

08-10-2021, 07:10 PM

منتصر عبد الباسط
<aمنتصر عبد الباسط
تاريخ التسجيل: 06-24-2011
مجموع المشاركات: 3504

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: منتصر عبد الباسط)

    Quote: دي إجابتك على سؤالي و لم تقدم أي دليل على أدعاءك
    بأن الأصم و سلك حرضوا الثوار على البقاء في ميدان
    الإعتصام. هل أنت سمعت و رأيت الأصم و سلك يقولون
    حرفياً للثوار. أن لا يغادروا أرض الإعتصام؟
    هل لديك فيديو للأصم و سلك يطالبون الثوار بعدم مغادرة
    أرض الإعتصام؟
    أذا كنت تملك أدلة تدين المذكورين أعلاه، فمن دربك دا
    على النيابة و قدّم إتهامك لتأخذ العدالة مجراها.
    في الفيديو الجبت ليك
    رابطو الفوق دا
    الأصم قال للمعتصمين في ميادين القيادة:
    ((( الناس ديل لو ما جبنا حقهم مافي زول حا يرجع
    أساسنا هو الاعتصام دا نتمسك باعتصامنا دا للنهاية)))
    وماذا كانت النهاية؟!
    أي زول بفهم في الدارجية السودانية بفهم
    بأنو دا كان تحريض صريح
    علي أن يظل الناس في ميادين القيادة
    أنا ما حا أمشي للنيابة
    إذا كان ذوي القتلى لم يجرموهو
    رغم تحريضه هو وخالد سلك
    وأخدو التمن مناصب وجاه !!!!
    أنا مالي ومال النيابات والشرطة والقضاء
    أنا يكفيني أن اطرح طرحي هنا دي قدرتي
    ال الله قدرني عليها وربنا يقبل

                  

08-10-2021, 07:30 PM

نعمات عماد
<aنعمات عماد
تاريخ التسجيل: 03-08-2014
مجموع المشاركات: 9268

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: منتصر عبد الباسط)

    و طرحك ليه يكون مسئولية الأصم و سلك عن المجزرة ما دام لا تستطيع إثبات
    هذه التهمة عن طريق القانون؟
    لا أعرف أي منصب تولاه الأصم؟ و انت تقول قبضوا الثمن، فمن هو الذي دفع
    لهم و ما هي مصلحته في المجزرة حتى يدفع؟
    لم تجبني على تعليقي عن تجنبك التعليق على مسئولية كباشي و برهان والمجلس
    العسكري عن خطة فض الإعتصام التي إنتهت بالمجزرة الدموية؟



                  

08-11-2021, 00:09 AM

منتصر عبد الباسط
<aمنتصر عبد الباسط
تاريخ التسجيل: 06-24-2011
مجموع المشاركات: 3504

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: نعمات عماد)

    Quote: طرحك ليه يكون مسئولية الأصم و سلك عن المجزرة ما دام
    لا تستطيع إثبات
    كيف لم استطيع؟!
    هل شاهدت الفيديو؟
    أنت طلبتي مني الدليل على التحريض على بقاء
    المعتصمين في ميادين قيادة القوات المسلحة أليس كذلك؟
    وجبت ليك كلام صريح في الفيديو
    بحرض الأصم فيهو الناس على البقاء في القيادة
    وكتبت ليك العبارات القالها التي فيها تحريض واضح
    تاني دليل شنو العايزاهو مني؟!
    هل شاهدتي الفيديو والفيديو قصير
    والعبارات في النصف الأخير منه
    الزملاء متغاتتين علي ما عايزين
    ينزلوهو
    😂
    أنا شغال بي جوال ما كمبيوتر
    جبت ليك الرابط
    فهل شاهدتي الفيديو ول لسع؟
                  

08-11-2021, 00:16 AM

منتصر عبد الباسط
<aمنتصر عبد الباسط
تاريخ التسجيل: 06-24-2011
مجموع المشاركات: 3504

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: منتصر عبد الباسط)

    Quote: الأصم قال للمعتصمين في ميادين القيادة:
    ((( الناس ديل لو ما جبنا حقهم مافي زول حا يرجع 
    أساسنا هو الاعتصام دا نتمسك باعتصامنا دا للنهاية)))
    وماذا كانت النهاية؟!
                  

08-11-2021, 01:45 PM

محمد حمزة الحسين
<aمحمد حمزة الحسين
تاريخ التسجيل: 04-22-2013
مجموع المشاركات: 2218

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: منتصر عبد الباسط)

    Quote: الزملاء متغاتتين علي ما عايزين
    ينزلوهو😂
    أنا شغال بي جوال ما كمبيوتر

    هاك الفديو دا يا منتصر عبد الباسط الدقيقه 14:35 ....
    (الدقيقه 14 و35 ثانيه )
    الدكتوره نعمات بالله شوفي لينا الأصم دا وييين من سوق امدفسوا الحاصل اليوم دا ...

    أظن ما تقصده هو مجتزاء من هذا الفديو بعد الدقيقه 26 ...
    إستلم ...
                  

08-11-2021, 06:02 PM

نعمات عماد
<aنعمات عماد
تاريخ التسجيل: 03-08-2014
مجموع المشاركات: 9268

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: محمد حمزة الحسين)

    سلام عليكم
    شاهدت الفيديوهين،
    واحد بتاريخ 1مايو 2019 و التاني بتاريخ 28 مايو نفس العام
    كما قلت سابقاً إذا كنت ترى إن الفيديو قرينة إتهام فما قدامك
    غير الحل القانوني و إلا قد تصبح كتاباتك دليل ضدك في حال
    تم مقاضاتك بدعوى التشهير و إشانة السمعة.
    غريب أن تتهم الأصم و سلك بالمسؤولية عن المجزرة و لا
    تستطيع إتهام كباشي و المجلس العسكري الذين قاموا بوضع
    خطة فض الإعتصام و أعترف كباشي بذلك، فهل من الإتساق
    أن تغض طرفك عن المسئولية الواضحة للكباشي وبرهان و بقية
    المجلس العسكري؟
                  

08-11-2021, 07:27 PM

عماد الدين الطيب عمر

تاريخ التسجيل: 09-22-2015
مجموع المشاركات: 1204

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: منتصر عبد الباسط)

                  

08-12-2021, 05:39 AM

Osman Musa
<aOsman Musa
تاريخ التسجيل: 11-28-2006
مجموع المشاركات: 21372

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: عماد الدين الطيب عمر)

    يا استاذ منتصر
    ياخ طريقتك في الكلام والتحليل ما فيها اختلاف عن طريقة
    العسكر .
                  

08-12-2021, 12:20 PM

منتصر عبد الباسط
<aمنتصر عبد الباسط
تاريخ التسجيل: 06-24-2011
مجموع المشاركات: 3504

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: Osman Musa)

    Quote:
    يا استاذ منتصر
    ياخ طريقتك في الكلام والتحليل ما فيها اختلاف عن طريقة
    العسكر .
    يا أستاذنا عثمان
    أنا شن شغلتي بالعسكر واسمع كلامن وين؟!
    وياتو كلام ؟!
    أنا ما سمعت ليهم كلام قريب في الموضوع دا!
    أمش أسأل من كلام العسكر
    الناس القاعدين معاهم في مجلس السيادة
    وبفرشو ليهم سجاد الجوامع يمشو فيهو
    ودا كان تمن الدم السفك في ميادين القيادة!!!
    مالي أنا والعساكر
    العساكر أسأل منهم الناس القعدوهم ومكنوهم
    في السلطة بلا تفويض شعبي ولا انتخابات
    فقط مخابرات الكيزان التي دعمتهم عبر كوادرها
    لابتزاز العسكر بحشد كوارهم استثارة الناس وتضليلهم
    عبر الجداد الالكتروني والجداد في كل مكان وموقع وشارع
    وزقاق
    والنتيجة لا محاسبة لأي كوز
    وتسليم عسكر الإنقاذ للاهاي يعتبر إغلاق لكل ملفاتهم
    في المحاكم السودانية ولا ندري ربما تتم تبرئتهم
    في لاهاي فاثبات تهم الإبادة يحتاج اعترافات من المنفذين
    داخل محكمة لاهاي بالجرائم أو إثبات التهمة في حقهم
    ثم الإقرار بأن الذي أمرهم وسلحهم هو وزير الدفاع وبعلم
    عمر البشير
    وفي حال لم يتحقق ذلك بأدلة كافية مقنعة ربما بعد سنوات
    يتم اطلاق سراهم ويختاروا منفى في بلد ما
    وأصلا لاهاي مطلب مخابراتي كيزاني تقرأ مع المادة
    من القانون الكيزاني الذي يستثني من بلغ سن السبعين
    ذلك القانون الذي لا زال نافذ
    العسكر أسأل عنهم القاعدين تحت حماية العسكر ومخابرات الكيزان
    وللمسرحية فصول ودهاليز أخرى شائكة ومعقدة تصعب
    قرأتها إذا تم تبسيطها للمتعجلين
                  

08-12-2021, 12:39 PM

منتصر عبد الباسط
<aمنتصر عبد الباسط
تاريخ التسجيل: 06-24-2011
مجموع المشاركات: 3504

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: منتصر عبد الباسط)

    وعليكم السلام الدكتورة نعمات
    وتحياتي وشكري للأخوان محمد حمزة
    وعماد الدين الذي أتي بالفيديو المقطتع منه الجزء
    المقصود وهو الذي أتيت برابطه
    Quote: شاهدت الفيديوهين،
    واحد بتاريخ 1مايو 2019 و التاني بتاريخ 28 مايو نفس العام
    كما قلت سابقاً إذا كنت ترى إن الفيديو قرينة إتهام فما قدامك
    غير الحل القانوني و إلا قد تصبح كتاباتك دليل ضدك في حال
    تم مقاضاتك بدعوى التشهير و إشانة السمعة.
    غريب أن تتهم الأصم و سلك بالمسؤولية عن المجزرة و لا
    تستطيع إتهام كباشي و المجلس العسكري الذين قاموا بوضع
    خطة فض الإعتصام و أعترف كباشي بذلك، فهل من الإتساق
    أن تغض طرفك عن المسئولية الواضحة للكباشي وبرهان و بقية
    المجلس العسكري؟
    الاجابة في الأسفل 👇
                  

08-12-2021, 01:06 PM

منتصر عبد الباسط
<aمنتصر عبد الباسط
تاريخ التسجيل: 06-24-2011
مجموع المشاركات: 3504

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: منتصر عبد الباسط)

    ليه تقصدي إنو محاكمنا صارت مهزلة السبق أكل النبق؟!
    الحمد الله القضاء السوداني لا زال بخير
    بعدين أنت قلت أنا طالعت الفيدوهات
    وما وريتينا رايك!
    خايفة من مقاضاتك ول شنو !؟
    ليه لحقوا يعملو محاكم خاصة لمحاكمة من يطعن
    في رموز قحت وتجمع المهببين!
    ول سنو؟!
    بعدين أشانة السمعة دي كيف؟!
    ليه أنا نشرت ليهو صور من داخل أوكار
    وبيوت مستورة؟!
    أنا نقلت من كلام قالوا في حشود من آلاف الناس
    وما أنا الصورت ولا القناة النشرت قناتي
    كلامك دا فيهو إقرار ضمني بأن الأصم وباقي الشلة
    تضعهم هذه التسجيلات في موقع الاتهام
    بالاشتراك في ذلك الجرم بالتحريض بما عرضهم للقتل
    ‘‘‘‘‘‘‘
    أما عن سؤالك بخصوص العسكر
    العسكر بعد التحريض بتاع الأصم وجماعتو دا
    فهمو بأنو لو تم اعلان لفض الاعتصام سيتم حشد أكبر عدد
    من الناس لمنعه
    الشيء الآخر الأصم قال حتى النهاية والنهاية. ما حدد ليها حد معين
    ولا زمن بل ربطها بمطالب أثبت الزمن بأن جماعة الأصم
    كانوا هم العاجزون عن تحقيقها
    هذا المطلب الأن أحيل للمدنيين وكونوا لجنة اديب
    الأن مر عامان ولم تخرج نتائج!
    يعني لو العسكر سلموا الأصم حق تكوين لجنة للتحقيق
    كما طلب في التحقيق فيما حدث
    في مقتل من تحدث عنهم في هذا الخطاب كان ستستمر
    اللجنة شهور واعوام وهم في القيادة وعدد القتلى سيتزايد كل يوم
    والبلد معطلة والمولد بتاع اعتصام القيادة دا
    كان بستمر سنوات وتكون بلدنا
    أصبحت بلا أمن ولا أمان واتشلعت كلها
    أما بالنسبة لتكوين العسكر لقوة لفض الاعتصام وأمرها بفض
    الاعتصام لا يعني عدم حدوث اختراق لقوة أخرى نفذت القتل
    وهذا كان يحتاج لتحقيق لمعرفة من المسؤول من الاغتيالات
    العسكر كونوا لجنة وبدت تكشف عن المتورطين
    تجمع المهنيين والقحاتة رفضوا لجنة العسكر
    وكونوا لجنة آديب والباقي يعلمه الجميع

                  

08-12-2021, 02:52 PM

نعمات عماد
<aنعمات عماد
تاريخ التسجيل: 03-08-2014
مجموع المشاركات: 9268

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: منتصر عبد الباسط)

    Quote: والمولد بتاع اعتصام القيادة دا
    كان بستمر سنوات وتكون بلدنا

    منتصر
    ما عندك مصداقية و لا إتساق. غلبك عديل تقول أن
    كباشي و برهان و المجلس العسكري مسئولين أخلاقياً
    و جنائياً عن الخطة الوضعوها و كان نتيجتها مجزرة
    و أغتصاب و تنكيل و ألقاء الشباب الأحياء في النيل
    سواء حدث إختراق أو هذه هي الخطة الأصلية فأن
    المسئولية تقع على العسكر الذين وضعوا الخطة.
    لو استطاع كباشي و المجلس العسكري إثبات حدوث
    إختراق، فالإختراق دليل على فشلهم و عدم كفاءتهم و
    إدعاءهم الكاذب بحماية الثورة و ربما تواطؤهم.
    إبتلاعك للسانك و تهربك من قول الحق يجعل منك منافق.
                  

08-12-2021, 03:05 PM

نعمات عماد
<aنعمات عماد
تاريخ التسجيل: 03-08-2014
مجموع المشاركات: 9268

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: نعمات عماد)

    Quote: والمولد بتاع اعتصام القيادة دا
    كان بستمر سنوات وتكون بلدنا

    دا نفس رأي الكيزان!!!
    الإعتصام ليس مولد يا سيد، الإعتصام هو الوسيلة السلمية
    التي أسقطت البشير.
                  

08-12-2021, 03:58 PM

منتصر عبد الباسط
<aمنتصر عبد الباسط
تاريخ التسجيل: 06-24-2011
مجموع المشاركات: 3504

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: نعمات عماد)

    Quote: دا نفس رأي الكيزان!!!
    الإعتصام ليس مولد يا سيد، الإعتصام هو الوسيلة السلمية
    التي أسقطت البشير
    نعم الست أيام الأولى من اعتصام القيادة
    اسقطت البشير والكيزان
    وباقي أيام الاعتصام أعادت الحياة للكيزان من جديد
                  

08-12-2021, 04:21 PM

منتصر عبد الباسط
<aمنتصر عبد الباسط
تاريخ التسجيل: 06-24-2011
مجموع المشاركات: 3504

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: منتصر عبد الباسط)

    Quote: يجعل منك منافق.
    أكون منافق عشان شنو ؟!
    مالي تاجرت بدم الأبرياء بعد غررت بهم وتسببت
    في قتلهم عشان المناصب في السيادي؟!
    وأمشي في سجاد الجوامع بجزمتي ؟
    وبعدين وكت العسكر ديل مجارمة المقعد جماعتك
    معاهم في القصر الجمهوري شنو؟!
    أنا المنافق يا دكتورة عشان قلت الحقيقة ؟!
    بعدين أنا دايراني أكون خروق من خراف القطيع
    عشان أكرر ما ظل يردده القطيع من أن المجلس
    العسكري هو فقط المسؤول من المجزرة ؟!
    أنا لم أبرئ المجلس العسكري سكوتي عن مسؤوليتهم
    ليس لتبرئتهم عن المسؤولية لكني أتحدث عن المسكوت عنه
    وأسكت عنما خاض فيه الناس لتجلية المسكوت عنه واظهاره
    بشكل واضح
    وحينما أصبح خروف من القطيع
    سأحقق لك رغبتك وأتحدث فقط فقط
    وأكرر لك فقط فقط ما يقوله عامة الناس
    وأسكت عما سكتوا عنه من الحقائق الخطرة
    التي زادت الظلام ظلام والمبهم ابهام
                  

08-12-2021, 04:37 PM

Osman Musa
<aOsman Musa
تاريخ التسجيل: 11-28-2006
مجموع المشاركات: 21372

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: منتصر عبد الباسط)

    السفة ما بتكتل
    بكتل فساد الكوز
                  

08-12-2021, 08:01 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 13467

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: Osman Musa)

    وفساد اردول ما بيكتل؟
    وفساد وزارة الخارجية ما بيكتل؟
    وفساد ٨٧ شاحنة ضان راجعة من جدة مابيكتل؟
    وفساد مئات اطنات الذهب المهربة خلال ستة أشهر ما بتكتل؟
    وفساد القضاء وتسيسه من قبل لجنة سياسية ما بيكتل ؟
    وفساد الأدوية ما بيكتل؟
    وفساد تنصيب مناوي ما بيكتل ؟
    اقول لكم الخلاصة.. انتم اصلا ميتين وما حاتشوفوا الحقيقة ابدا ..
                  

08-12-2021, 08:28 PM

Osman Musa
<aOsman Musa
تاريخ التسجيل: 11-28-2006
مجموع المشاركات: 21372

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: عمر التاج)

    دا كلام ساكت .
    الخلاصة يا أخ عمر التاج معروفة.
    والحقيقة واضحة وضوح الشمس.

                  

08-13-2021, 12:29 PM

Osman Musa
<aOsman Musa
تاريخ التسجيل: 11-28-2006
مجموع المشاركات: 21372

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: محمد حمزة الحسين)


    مرحب بالأخ محمد ح الأمين
                  

09-13-2021, 01:21 PM

Osman Musa
<aOsman Musa
تاريخ التسجيل: 11-28-2006
مجموع المشاركات: 21372

للتواصل معنا

FaceBook
تويتر Twitter
YouTube

20 عاما من العطاء و الصمود
Re: السفة ما بتكتل .. بكتل فساد الكوز (Re: Osman Musa)

    ياخ كندي زاتو بسف
    والسفة حاجة تمام
    انتوا السلختوا الحر.. بالمطوة في الحمام
    انتوا الدفنتوا ابوذر .. الشاعر المقدام
    انتوا العويش والنار .. انتوا الوجع والهم.
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de