ادبيات الثورة

مرحبا Guest
اخر زيارك لك: 07-28-2021, 08:32 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
07-11-2021, 03:00 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
ادبيات الثورة

    03:00 PM July, 11 2021

    سودانيز اون لاين
    عاصم الطيب قرشى-Australia
    مكتبتى
    رابط مختصر



    *ملخص رواية الزمن المائي*
    عاصم الطيب قرشي



    حكايات الزمن المائي.

    (1)

    كامل و عادل و جلال و جمال ممثل و قاص و رسام و مغني، طباعهم  كالنار و الماء و التراب و الهواء،  يمثلون جنوب السودان و شماله و غربه و شرقه، ولدوا و عاشوا بين غابات الاستوائية و الصحراء الكبرى و جبل مرة و البحر الاحمر. كامل من النيل الأزرق، استوائي القامة زنجي التفاصيل، عادل نوبي كوشي عربي الملامح، جلال هجين دارفوري نوباوي عطاوي ماركساوي، أما جمال فبجاوي ختمي ختم القرءان في همشكوريب. جلس الاربعة على ضفتي الاعتصام الشرقية و الغربية اللتين لا يفصل بينهما سوى قضيب من السكة الحديدية ينقر عليه صباح مساء، ليل و نهار "سقطت ما سقطت صابنا". كان الاربعة يتراشقون بالحب و يتراهنون على الإنسانية و الكونية و السودانوية و هم يندهون روح العدالة والسلام و الحرية.

    (2 )
    في الجانب الأيسر من الرجولة و المروءة و الإنسانية و السودانوية، كانت كتائب الظل تتآمر في غرفة مظلمة بقيادة زعيمهم لوسيفر الماسوني وهو يملئ عليهم آخر سطور القرن الترابي. في الصباح استباحوهم دماءا زكية و زهقوا أرواحهم الطاهرة ، و في المساء شهدت السماء عرسا جماعيا لشهداء بنين و بنات تعانقت أرواحهم في سماء الخرطوم. أعلام الكرامة هتافات ترفرف في كل الآفاق و طبول العز تدق من نبض قلوب بلغت الحناجر.

    (3 )

    تشتت المكان في فوضى عارمة فتشظى اسم مكان الرواية لتكتب حروفه نادوس و سادون و دوسان و سوءدان و سودانين. حينها تبعثر الزمن في قرون متناثرة بين قرن ناري و ترابي فمائي ثم هوائي. تلك الزمكانيات كانت مسرحا للرواية بين الواقع المترجل على الحياة بتنوع الاحداث. سماوات الخيال الجامح في تصوير برزخ الارواح الطيبة عند حضرة النبي الجميل الجليل العادل الكامل المكمل، يشدوا باطراف الحديث دون شد و جذب عن حال المعذبين في الأرض. حال حديثهم آيات و أحاديث، حيث كانوا و يكونوا و ما زالوا يجتمعون كل لحظة و لمحة في حضرة المولى عز و جل يسألونه الرحمة لأطفال الشوارع و الفقراء الجياع العراة. ثم يوفدوا رسولا منهم بروح نبي الله الخضر ليقود كامل و عادل و جلال و جمال الذين طال انتظارهم للعدالة و السلام.

    (4)

    في الرواية وقائع درامية تترنح بين الكوميديا و التراجيديا، يحرك بندولها الشيخ صالح يمينا و ود الجن الممسوخ يسارا. الشيخ الصالح غوث الزمن المائي يزيد عمره عن مائتي عام، شاهد عصر تفرد بالحكمة و الحب قبل الصدق. أما ود الجن الممسوخ فلا يزيد جسمه عن شبرين بهما رأسه الأصلع الكبير و عيناه الواسعتان على حول فوق شفة ارنبية ثم رقبة غيظة حلت محل البطن و الجوارح، وجهه الصارخ و لسانه الجارح يسوقان القارئ الى عالم الجن الكلكي.
    الصور التشكيلية التي يرسمها جلال تجسد جماليات المكان في لوحات ملحمية واقعية جسدت ثورته الفتية و وثقت لمشهد احتراق القصر التي رسمها وريده.

    (5 )

    الراوي يجلس على صخرة عند مجمع النيلين يغني و يحكي حكايات الزمن المائي بالعربية الفصحى، بينما أبطاله يتحاورون بلهجات عربية و لغات افريقية اسود لسانها لكنها تموسقت في أغنيات و أمنيات عذبة من بين الاشعار في حوارات العشق المطلق بين جلال و جميلة. أخيرا، لا تكتمل الرواية الا بعرض سيمفونية جمال التي جعل عنوانها "فانتازيا النيل المقدس" استلهم مقدمتها من روح محراب النيل و صورها من كتاب النيل الازرق لألان مورهيد، لتعزفها فرقة امبراطورية السودان السمح.








                  

07-11-2021, 03:24 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    *قطر عطبرة*
    عاصم الطيب قرشي

    كان ايقاع نقر الحجارة على الحديد يرسم خلفية صوتية على مشهد اعتصام الشعب السوداني في عرين السلطة العسكرية. أمام سفينة عمارة القوات البحرية و برد السقوط المتساقط بهتافات "سقطت ما سقطت صابنا" يرسل إشارات و بشارات من أخذها بايمان تحقق و من أخذها بكفر تزندق. موسيقى ملونة تنبعث من مصابيح مسرح الأحداث و عبر شاشات تلفزيون الحدث تمطر الجو الاحتفالي فرحا مهرجاني. تناثرت الأفراح و تشظت هنا و هناك بين طرب و خطب و ضرب. اعتصم المعتصمون و عسكر العسكريون في منتصف الطريق الواصل بين بري صانعة الأحداث التاريخية و الثورية و بحري واصلة الطرق  النهرية و الحديدية والبرية.
    في منتصف ليلة من ليالي أبريل المجيد وصلت الإشارات الصوتية التي أرسلها الثوار عبر قضبان السكة الحديدية من الدمازين عبر الخرطوم لعطبرة. هناك في محطة سكة حديد عطبرة تسللت موجات الصوت لماكينة القطار و تراكمت حتى بلغت نصاب الحركة وأدارت محركات الديزل فايقظت السواقين والثوار.
    الريس، رئيس السواقين كان قد خلص اوراده الليلية فطوى مسبحته و فروته على عجل ثم لبس مركوبه النمري و تدرع حقيبته الصغيرة و كأنه على موعد مع قدر الثورة. ثوار عطبرة كانوا متاهبين لتلك اللحظة، أسر و عرسان و خطاب واحباب وأصحاب و أصدقاء كلهم هرعوا إلى محطة سكة حديد عطبرة.
    في القطار كانت الأسر تستعرض ابداعات ثورة أطفالهم الذين ملأوا القطار ببراءتهم"تسقط بس، تسقط بس،  تكسر ضرسك تكسر سنك ما دايرنك الغنماية أحسن منك، كفاية كفاية يا غنماية". في الركن الشمالي الشرقي من العربة الأولى كانت سهام و إلهام تجتران ذكريات الطفولة و مآسي الحرمان، أقسمت إحدى المخطوبات لخطيبها انها ستقنع ابويها بزواج مبسط بعد العودة مباشرة فصرخ قلب الخطيب بنبض هتافي "ثورة". سبعة بنات عشرينيات نبضت قلوبهن لأول مرة في تاريخ عذريتهن و هن يتبادلن نظرات الإعجاب مع أصدقاء طفولتهن. في العربة الثانية أكمل شيخ صالح ختمته القرآنية بقراءة جزئي تبارك وعم فعمت موجة فرح عاتية وتباركت بين بسمات و ضحكات هنا و هناك. اما العربة الثالثة فيسمع منها حشرجات نحيب مكتوم  لأمهات فقدن فلذات اكبادهن  و خالات يعاودن الزيارة لمكلومات الخرطوم، أرواح الشهداء تحوم حول الراكبين على سطوح القطار لتحمي أجسادهم النائمة من السقوط. عصفور صغير استغل مرور القطار بالقرب من الكتياب و دخل عرباته الواحدة تلو الاخرى. كانت تلك روح الاستاذ أحمد الخير المقتول بخازوق التركية اللاحقة في مدينة خشم القربة المقدودة. اقترب العصفور خلسة من رأس عادل الذي اتكأ نائما على كتف كامل الذي نام متكئا على شباك القمرة. اقترب العصفور اكثر و طاف برأس عادل مزقزقا "انا روح الأستاذ أحمد الخير، جئت احملك رسالة لقاتلي الملقب بالفاروق. قل له أن اسمك قد مسخوه في دفتر أحوال القتلة و نسخوه في كل سجلات تاريخ السفاحين ايها الخازوق.
    طيور و نسور و حمائم شيعت القطار ليلا شوهدت على ضوء القمر المكتمل. برد الجو و ألهبت سياط السائقين ظهر القطار بالبطان فتأوه يردد "قلبي انقطع، قلبي انقطع". على نمط هذا الإيقاع رأى عادل في المنام نفسه يغني أغنية لعطبرة في ميدان الاعتصام و الشباب يرددون معه الكورس.
    يا عطبرة....  يا عطبرة....  عطبرة
    بلد الحديد و النار
    عطبرة.... عطبرة....عطبرة
    شعبك برا.. أتى برا
    ما قام جرى ما ادبرا
    بل كر زي القسورة
    عطبرة عطبرة عطبرة
    عطبرة عطبرة عطبرة
    بلد الحديد و النار
     اشواق الثوار الراكبين على القطار تشدهم للقاء ثوار الخرطوم وحنين للحرية يفك لجام القطار فيزيد سرعته وهو يلهث "قلبي انقطع، قلبي انقطع". كان وزن القطار يثقل كلما مر بمدينة او محطة بزيادة ثوار جدد يعتلون ظهره ولولا ذلك لطار قطار عطبرة محلقا.
    عندما مر قطار عطبرة  بحلفاية ملوك سلطنة سنار تسللت أغنية بشير عباس بصوت بلابل طلسم "بغني لي ود القبائل سيد الراي والفهم"، ايقاع عرضة تشريفية جعلت رئيس السواقين يدمع و يرفع يده ليبشر بالطريقة السودانية. أحس انه و بقراره الشجاع لرحلة ثوار عطبرة  هو المقصود بهذه الأغنية، أنه رئيس اللحظة، صاحب الوقت و المكان، و قائد الحدث الكبير. فجأة لاحت في السكة جموع تستقبل القطار عندما القطار من شمبات الكنداكات عبقت ثيابهن البيضاء برائحة البمبان يغنن:
    قطر العظمة سافر و قام بالثورة سافر خلاني
    يا الماشي لي السودان
     سلم على ام درمان
    تسلم سلام و أمان
    لا طلقة لا بمبان و سافر
    يا الماشي لي شمبات
    شوف لي معاك بنات و سافر
    سمحات و كنداكات و سافر
    يا الماشي لي بحري
    سلم علي بري و سافر
    الأمر كان سري
    أنا كاتمه في سدري و سافر

    يا الماشي للخرطوم
    سلم علي المظلوم
    قول ليه صلي وصوم
    النوم بجيب اللوم

    عندما وصل قطار عطبرة ميدان الاعتصام تبادل معهم الثوار.
     الثوار: انتو منو؟
    ناس عطبرة: نحنا الاسمنت.
     الثوار:جايين لشنو؟
    ناس عطبرة: جايين للصب.
    معا: الصبه سنه، واقفه قنا.
    ثوار كوستي: وى وى وى.
    تزامن وصول قطار عطبرة مع حملة ثوار ريف ام درمان الشمالي الذين أتوا يحملون المؤن الغذائية و الذبائح.  هتف فيهم ثوار القيادة: انتو منو؟
    ثوار الريف
    جايين لشنو؟
    جايين للموت.
    سقطت ما سقطت صابنا
                  

07-11-2021, 03:28 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    *سماء الاعتصام*

    عاصم الطيب قرشي


     في سماء الاعتصام ليلة السادس من ابريل تلألأ أربعة عشر نجما و برجا فلكيا، يتقدمهم نجم السعد السوداني الذي أضاء ظلمة الشقاء و برج الحوت المائي الذي استلم الأمانة من برج الثور الترابي. الناظر من السماء لما بين قضبي السكة الحديدية بالقرب من سفينة جيش البحرية يرى صور أربعة عشر شخصية مدورة الاطار رصت على هيئة إنسان يرقد على الأرض و قلبه مفتوح على السماء. صورة شيخ صالح في موضع وجه ذاك الانسان و على كتفيه صورتا الثنائي خدر مقدم النوبة و الحضرة و المقدم خضر احد الضباط المهمومين بأمن و سلامة البلد. أما زوايا الصدر الاربعة فتفتح على قلب شفاف زينت بطيناه و اذيناه بصور مربع الفن الذي يشبه مربع الحقيقة الكونية، الممثل الكوميدي كامل السناري، الكاتب عادل المائي ، الرسام التشكيلي جلال التربي و الموسيقار جمال هبباي. من وسط ذاك الانسان ما بين المحسن و الفخذين و الساقين و القدمين يرى سباعي جميلة الجميلة عازفة الجيتار و توأم جمال، الرأس ود الجن الممسوخ، قنيع كفيل الراس وعازف الطبلة، زهرة البنات ست الشاي، الشول بت الصول ام زهرة البنات و ست الانداية، فاطمة زوجة شيخ صالح، الطفل محمد ابن دكتور عادل. جلست غير بعيد منهم استرق السمع بلا غرض سوى متعة حديثهم البناء، وقد أدركت من لغتهم وأفكارهم الإبداعية و اعمارهم أنهم طلاب جامعيين أو خريجين. عرفت أسماءهم من خلال حديثهم، سبحان الله نفس أسماء مجموعتي التي رافقتني قي حلم السودان السمح أبان العصر الترابي و قبل طوفان شباب العصر المائي، بل ان عادل الذي يشبهني استدعي صورة ابني محمد من ذاكرتي.
    قال عادل: شيخ صالح صوته رخيم و فخيم لو سمعتوه يرتل أو يدندن، يعني ممكن يلم لينا الناس الفي عمره.
    رد عليه كامل: عمي خدر عنده طمبور و صوته فالسيت أرق من زنقار، لو انضم عليه بيكون عملنا مقدمة مديح وغنا قديم. عادل: و المقدم خضر بشلاليفه الكبار ديل لو صفر ليكم تقول مزمار داوود، على الأقل يطلع من جو العسكرية للمدنية. جلال: طيب دقت ساعة العمل، انت يا كامل اما تدق لينا النوبة أو ترقص رقصة الرئيس، عادل تعزف لينا عود و تغني، جمال عليك بالكمان واختك تغني وتعزف معاي جيتار، اما انا فعلي بالبيز جيتار ادقو ليكم دقة الترابي. جمال: بيني و بينكم دي مسطرة من فوق، بعد ده نحن لازم نحدد دائرين نقول شنو عبر الفرقة الميلودرامية دي و متين وين ومعانا منو و ادواتنا شنو و ليه ده كلو و كيف؟ كامل: يا جماعة انتو نسيتو المطرب النكتة الرأس ود الجن و قنيع أخطر مغني و عازف طبلة.
    عادل: الرأس رغم مشاكله الكتيرة الا انو ضحاك و بكاي في نفس الوقت. كامل: و زهرة تمتم ست الشاي، والشول بت الصول بي دستورها و جارتها فاطمة ام التيمان المداحة، يا إخواننا دي فرقة كتاحة. جلال: قول مطرة يا ميت، خلاص زمن الكتاحات انتهى مع العصر الترابي.
    كامل: انا ناري على كل حال لا ترابي و لا مائي و لا حتى هوائي. جمال: رجعونا لموضوع الفرقة تاني يا جماعة. دائرين نقول شنو؟ متين نبدأ بروفات و متين نعرض وفي أي مكان؟
    عادل: نحن عايزين نثبت التغيير بعمل مفيد و مبشر و عاجل مختلف، الزمن ما في صالحنا و المكان بامتداد رقعة الأرض طالما الدعوة انسانية و كتر خير التكنولوجيا.
    كامل: انا عاجبني في قنيع طبلته المجلدة بجلد الكلب دي، يا جماعة انا بسمع صوتها تهوهو من بعد عشرة اميال، زهرة دي بي صوتها بس ممكن تخلق سلام اجتماعي.
    كامل: انا برضو شايف لي بعد درامي في الشول بي دلوكتها و دنقرها و بخور زارها. يا اخواننا ده عرض طقوسي كامل، ازياء، اكسسوارات، وفوق ده كله الشخصية النمطية.
    جمال: يا كامل حتى محمد ولد عادل الصغير ده ممكن يكون في الفرقة و يغني معانا غنا اطفال. يعني بي كلامه المتجاوز عمره ده ممكن يوصل ملف الثقافات السودانية كلها ببراءة و صدق و دهشة، و كده نكون عبرنا للمستقبل.
    كامل: تمام، و في الحالة دي فاطنة ام التيمان ممكن تلعب دور حجاية محمد. فاحت رايحة حلة كامل فقام بسرعة و فتح غطائها ثم انزلها من النار قايلا: يا شباب الحلة دي حرقت عايزين موية سريع. كلهم بصوت واحد: حرقت ما حرقت ماكلنها سقطت ما سقطت صابنها. صب كامل كل محتويات الحلة في صحن كبير ووزع الرغيف، أكلوا في صمت و بشهية انتهت بإحسان الإناء. قاموا كلهم عدا كامل الذي نظف الصحن بآخر رغيفة و كفاه على وجهه. نقرش جلال باصابعه إيقاع الكرنق قائلا: يا شباب الحلة دي نضجت ما حرقت.
    جلال: تتذكر يا كامل يوم عملت ملاح ويكابك المسبع داك؟ ده كان اجمل فطور رمضان يمر علينا. من اليوم داك الشباب كلهم كرهوا الكباب و طالبوا بالعصيدة بملاح الويكاب.
    كامل: انا متذكر بعد يومين بس طلعت مظاهرة ;كفانا كباب عايزين ويكاب. الاخطر منها مظاهرة الطباخين لما المعتصمين بوروا ليهم عشاهم بعشاء دجاجي اتكفل به فاعل خير ثورجي. دقينا ليهم نوبة و شعار بقت مظاهرة حمنا بيها كل الخيم لما جاعوا رجعناهم الصفرة و قرضوا الأخضر و اليابس. "طعمية و جبنة و بيض و الفول حبيب الشعب، حرية سلام و عدالة و الثورة خيار الشعب".
                  

07-11-2021, 03:56 PM

بدر الدين الأمير
<aبدر الدين الأمير
تاريخ التسجيل: 09-28-2005
مجموع المشاركات: 20013

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    عاصم الطيب
    كيف انك ايها الدرويش المتجول
                  

07-11-2021, 04:14 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: بدر الدين الأمير)

    ايها البدر الساطع.
    كل التحايا و الأشواق
    ما زلت متجولا بين الجبال و الوديان.
                  

07-11-2021, 04:26 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    *ضمنة*

    جلس أربعتهم على طاولة حولها أربعة كراسي.

    كامل: انا النار البتحرق الغابة وتقعد هبوت، فمن انتم؟
    جلال: انا التراب الدفقوه في الصحراء و اتجمر بقى تبر.
    عادل: انا الموية الملت بحر المالح وبلعت الحوت جب. 
    جمال: انا الهبباي سليل صرصر العاتية
    كامل: انا النار عقاب يوم الدين
    جلال: التراب أصل ابونا آدم و امنا حواء.
    عادل: الموية أصل الحياة.
    جمال: الهواء أصل الموية. 
    كامل: انا الغابة و لهب البركان الاسود.
    جلال: انا الجبل و حمرة الجرح النازف.
    عادل: انا النيل و زرقة مويتو .
    جمال: انا جبال التاكا و بحر أحمر .
    كامل: تمام يا شباب، وزع الضمنة يا عادل وخلي قسمتك عادلة.
    عادل: معلومة اليوم: الضمنة مجموعتين على أربعة في سبعة كروت، و الله زي نموذج الذرة، نواة والكترون و بروتون و أربعة قوى نووية و سبعة مدارات، دل، دوسة.
    جلال.كع،  سي أبو الدو ألما بدو.
    كامل، داوو، دو أبو اليك.
    جمال، شووو، شيش ابو البيش.
    دل، كع، كو، شو،....
    جلال: ورق، كتمت.
    جمال: طلق، سقطت.
    كامل افرشو ورقكم.... فرش متاع،  والله انا من الليلة البلاطة دي ما بتتحسب علي إلا بي حقها، حوار ما كوار. كفاية مكاورننا مما قمنا مرة يمين و مرة يسار.
    جلال: مالك بتخرخر يا كامل انت؟  ما البلاطة معروفة بتتحسب خمس وعشرين.
    كامل. يا زول دي ما خرخرة، دي ثورة وعي عدييل كدة، كان ما عجبك، منطق، رجالة،و أي حاجة. خلاص كفاية نص عمرنا و زيادة البلاطة والفلس مباريننا بي اعرافكم المقلوبة دي. ....... من الليلة أي حاجة تتحسب بالمنطق. يا جماعة ما ممكن انا ما عندي أي حاجة وتحاسبوني بي أي حاجة. أنت يا جمال عندك الشيش ابو الأبيض وحاسبين ليك الشيش بس،  بقى عندك ستة،  ابقى انا العندي بلاطة يعني ابيض أبو الابيض تتحسب لي خمس وعشرين! مالكم كيف تحكمون؟
    عادل: والله يا كامل المنطق معاك و انا قلبي معاك، بس بي كلامك ده معناها نغير قانون اللعبة كلو.
    كامل: طيب المشكلة شنو في التغيير لمن تتمثل فيه العدالة و الثورة؟
    عادل: دي مسؤوليتي انا للاسف الشديد باعتباري قاضي اللعبة.
    جمال: الحق يقال يا شباب، انا عندي الشيش ابو الأبيض والبلاطة ما نزلت، عرفت أنها ما عند زميلي فقمت طلقت بدون تردد. يا أخي من الليلة أقر انا جمال و بكامل وعيي و جلال هذه اللحظات اني مع تغيير قوانيننا التي لا تتماشى مع العدالة والروح الجمالية، يا كامل من الليلة العندو البلاطة هو الفايز و كان الله في عون العايشين على الشيش بيش و دايشين مع الديش.
    عادل يضحك: و محطة الفقرا نقلبها سندة و سندوتشات للمساكين، بي كدة نكون حققنا لي جلال اشتراكيتو البيحلم بيها. 
    جلال: والله اكلتونا حنك ساي يا عادل والحكم في صفك يا كامل، تسقط بس.
    جمال: تعرف يا جلال أنا القيم ده كلو لعبتو معاكم وانا في حالة حضور روحاني مكثف بتأمل في عبر ومعاني حوارنا البسيط البيشبه واقعنا الواقع في التراب و سجم الرماد ده. اكتشفت انو حتى اللعب فيه اشارات و مواضع جادة و رسائل كونية ربانية، بس نحن كيف ننتبه!
    جلال: جمال يا أخوي ما تلخبت الكيمان و أرجوك خت الكورة واطة، قلنا ليك تسقط بس و أي كوز ندوسو دوس. 
    عادل: لا يا جلال، بالراحة و زي ما قال جمال خت الكورة واطة و تعال نستمتع بلعب الحرفاء، جمال شوفو صاح، أنا ذاتي حكمت بتجرد شديد في الموقف دا وشايف كامل معاو حق في الجزئية دي بالتحديد من قانون الضمنة. فعشان نضمن مستقبل عقلاني و روحاني للقيم ده للأجيال الجاية وافقت بدون تردد على رأي كامل بتعديل القانون و بشكل يتناسب مع العدالة. بما أني أمثل الإعتدال، جمال واقف في صفنا، يبقى الكمال والجمال والإعتدال غلبوا القهر و القمع و الجلال تلاتة صفر.
    عادل: (يرفع الشاكوش وينقر على التربيزة)، محكمة.  
                  

07-11-2021, 04:41 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    *حريق الكون كان*
    عاصم الطيب قرشي


    لعبة حريق الكون كان المشتعل في خيمة الفنانين تجمع جنرالات الحرب الباردة عادل و كامل و جلال و جمال على طاولة مفاوضات كتشينة الاعتصام.
    عادل: دول العالم الاول بتحافظ على براءة و سلمية أطفالها ببرامج مخصصة لكل الأعمار حسب وعيها وعلى العكس في عالمنا الثالث أولادنا بيطبقوا أفلام عنف تمجد عاد الثانية، صانعة الحرب، متحدية الطبيعة و مروجة العنف حتى من خلال لعب الأطفال.
    جلال: صراع الاقطاعيين و الطبقة العاملة ما ظنيته ينتهي بي أخوي و أخوك يا عادل، ده بقى صراع العالم الأول والآخر و الخير و الشر. 
    كامل: بوش أسس لي حرب الأديان بي طيارتين بس، ضربن راس برج التجارة فانهارت القاعدة، لو عرف معنى لادن كان لدن و ما احتاج لبرمجة امخاخ داعش بأشرطة برمجة العقل الباطن في قوانتانتمو.
    جمال: أنا قريت عن أشرطة الصبلينيمال زمان بس اختفت فجأة زي ما ظهرت.
    عادل: نحن السي آي اي دخلت علينا بي شل و مرقت بي شيفرون، رجعت تاني بي زين و حتطلع طلوع شين.
    كامل: والله انا قلبي كان حاسي بالمؤامرة دي لكني اتاكدت بعد ما قريت مقال آفي دختر شيطان موساد الفساد الاسبق في مجلة معرخون العسكرية. المقال ده كشف لي قنبلة إسرائيل الموقوتة و أكدتها عودة الفلاشا.
    جلال: جر ياخي، جدعت ليك دينارية خواجية ان شاءالله ما تنفعك. 
    جمال: الله اخير منك، بس انتو طنشتوا مشروع دولة البحيرات الماسونية و فصل شمال يوغندا بي جيش الرب و جنوب السودان بالحركة الشعبية، نسيتو حرب المياه و سوزان رايس و مقتل قرنق؟
    جمال يرمي كرت لكمال: هاك بت خالتك كونداليزا دي.
    كامل بقوة: خمسين.
    جلال: لا يا كمال، انا محروق في شطاية وجبال النوبة بالأنتنوف، تحرقني معاهم تاني؟
    عادل بقوة: لا.. لا، لا اله إلا الله، شفتو لا دي قوية كيف؟ كدي راجع لينا الميل خمسين بتاعك ده يا دباب! الشايب ده القعدو شنو وسط البنات في حوش بانقا؟ ها ها هاااي. حرقت انت يا فاطر بي تمانية وعشرين ضابط في رمضان و بي دم الشباب و برضو في رمضان، عايز تحرق الشباب وترطب انت؟ اها حرقت. مش قالوا ليك الدم ما ببقى موية و اللعب بالنار خليه، قلنا ليك خليك خال يخلخل ضروسك. قوم يا حرامي يا نصاب، من غشنا ليس منا.
     الخمسين دي بي خمسين سنة سجن في كباريه كوبر و ترقص بس. 
    جلال يهتف: تلاتين سنة تتبوبر الليلة في كوبر.
    عادل: تلاتين سنة ترقص... الليلة رقصتنا.
    كامل: علي الطلاق انا ما سرقت، دي غلطة بس انتو ظنكم سيء يا شذاذ الآفاق.
    جلال: بعد ده كله؟ يا أخي نحن سلمناك ارواحنا وفرشنا ليك ورقنا كله قدامك وصدقناك! ده كله سوء ظن. اقول ليك كلام: نيتي سوداء و قلبي اسود وانا ذاتي أسود و شيوعي و بسكر وتسقط بس، قلت شنو؟
    كامل: لو ما كنت اسود زيي كنت ح اقول ليك يا عنصري و مغرور.
    جمال: تعرفوا انا الموقف ده بالنسبة لي اولته بطريقة غريبة: كامل يجر جمال،  بمعنى تاني حالة الكمال تجذب الجمال. كان ممكن تكون جذبة صوفية لو كانت لله لكنها كانت للهو و لم تكن له . عادل أوقف كامل بصوت العدالة لعدم تكامل سلوكه مع اسمه. قبل أن يعترف كامل بفشله في تحقيق اسمه ثار جلال مستغلا سلطته الجلالية ليحول الموقف إلى سياسة. يا إخواننا ما تدخلوا لينا السياسة في ونستنا وخلوها على الله.
    جلال: انا ما عارف يا جمال انت ما عايز تعترف بانو السياسة دي داخلة في اليومي الخاص بيك وبي والناس دي كلها ليه؟
    جمال: وليه ما يكون الدين؟ علما بأن الدين منهج حياة كامل على المستوى الراسي في علاقتتا الذاتية مع ربنا والأفقي في علاقاتنا الموضوعية مع الآخرين؟
    جلال: تاني جبت سيرة الدين؟ ده الطلع روح أهلي في دارفور الحفروا أبيار علي في الحجاز ودفعوا الصرة و كسوا الكعبة و حفظوا القرءان، في النهاية ضبحتوهم قرابين لارضاء شواطينكم. انا ما عارفك يا جمال انت كوز ولا جردل! غايتو انا واخوي كامل ده عبارات مريسة الى يوم الدين.
    كامل يبشر بيده اليمنى ويضرب الارض برجله بقوة وهو يردد:  الكلم ساكت الكلم ساكت آ ولضمي.
    جمال: انا لا كوز ولا جردل ولا حتى نقطة في بحر الحقيقة لكنكم ماعونكم ضيق بس، لو ما كان قدر الكاس أقل من الكوز. يا اخوانا انا بدعوكم للبيلمنا و يحرك كوامن الحب والجمال في مجالسنا لأنها دي اسلحتنا في حرب الجيل الرابع. يا جماعة نحن فنانين مفروض ننحاز للإنسانية كلها ونروج ليها بالحب والجمال .
    عادل: هل الفنان والسياسي والعسكري في صف واحد؟ مالكم كيف تحكمون؟ 
    جمال:  لا يا عادل! زي لااا الغيرت مجريات اللعبة من حرقة لي غرقة، أصلا لا هي اساس ايماننا و مصدر قوة النفس الانسانية و أي زول ما بيقدر يقولها ضعيف و المجتمع الما بيقدر يقول لا ضعيف.
    عادل: آي كلموا يا جمال، فلسفة لاااا دي عميقة جدا يا جلال جربها وجرب طقوسها حتورثك ثورة معرفية عملية و عملية تتعدى مظهر الأشياء لجوهرها و الطبيعة لما وراءها.
     جمال: خلي يجرب الإيمان مرة يا استاذ عادل زي ما نحن جربنا الشك مرات و شكينا شورتي لمن بقينا زي أبوالدنان.
    عادل: بالمناسبة بكرة عندي ندوة عن جدلية النسبي و المطلق، ح اتكلم فيها عن حقيقة الله العلمية.
                  

07-11-2021, 05:06 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    *الرمم المتحدة*
    عاصم الطيب قرشي

    قبل أن ينام جلال و كامل:-
    جلال: معقولة البيحصل لي بني السودان ده ياخي!  وين حقوق الإنسان و وين الرمم المتحدة؟
    كامل: حقوق الانسان في السودان بقت اقل من حقوق أي حيوان في كثير من البلدان، أما حروف لافتة مكتب الامم المتحدة في السودان إنطمست و بقت كلمة المتحدة تتقري المضطهدة، ده لو في زول حاول يقربها و يقراها.
    جلال: ها ها ها اولاد ام زقدة، بدلوا دال الدلالة بالضاد اضطهادا للغة الضاد، الطاء عشان تتواطؤوا على بعض و تتطوطووا، بس دقسوا في حاء الحمد خلوها لينا رواب نلوك بيهو الصبر و الحمدلله. هم قصدوا يوصلونا للمعنى ده و فعلا الأمم المضطهدة هي المسيرة مجلس الرعب ونعش النقد الدولي و مصاصات الدماء الدولية.
    كامل: تعرف يا جلال، زي ما الشعب معتصم في ميادين الاعتصام، دهاليز الامم المضطهدة الآن معتصبة بعصابات الجن السفلي، شايلين عصايات للبشر و شادبن دين عصب الشعب الحركي و أيديولوجيا أعصاب المجلس العسكري الحسية، و بالوضع ده اتشل حراك شذاذ الآفاق و اتبلد احساس حراس السلطة. 
    جلال: عصابات معتصبة و امخاخ متعصبة و عيون معصوبة حتى ما تشوف الضياع و ترد الصاع صياعة بعدالة النفس بالنفس و العين بالعين. نحن بقينا نعصب رؤوسنا عشان ما تتصدع بالصداع و الصراع و يا ريتو صراع نوبة كان ح يقوينا، ده صراع مصالح و القوي يأكل الضعيف.
    كامل: كل الحقوق مغصوبة بقلوب معطوبة، اعتصامات مصبوبة في خيام منصوبة لا تكاد تنصب حتى تجمع و تطرح و تضرب فترفع او تجر لشارع النيل مغضوبة حيث الإغتصاب و الإستلاب واكتئاب طال مع طول الضباب.
     جلال: طال الجدال بين شرفاء القوات المسلوبة من سلبوا حق الدفاع عن شرفاء الأرض المنهوبة.
    كامل: يا صديقي اذا طال الجدال بين طرفين فاعلم أن الطرفين على خطأ، إذن فقد هلكوا واهلكوا بمؤامرات السيسة و الساسة و معسكرات العسكر و السادة.
    جلال: غشيم و فهيم وصلوها القاضي، غشيم و غشيم ودوها بي غادي، فهيم و فهيم حلوها عادي. تتذكر لما قلت لي القبلي شال و برقو شلع! أهو خاب و امطرنا صيفا بالغبار و الرصاص و الشعب انبرش  واتكندك و سف التراب، انا قلت ليك  النافع بقى ضار و الصاح بقى غلط و الصلاح طلاح و الصادق كاذب، تاني حارسين منو؟
    كامل: تأكد يا جلال انا حارس الله و غيري كتير منهم من قضى نحبه و منهم من ينتظر و ما بدلوا تبديلا. 
     جلال: و لسة ناظر عموم النظار في ظلامياته منتظر المهدي المنتظر!
     كامل: ما قالوا أفول نجمات البرهان الاتنين برهان على سطوع نجم حميدتي بأمارة الحمد و دلالة حديث رعاة الإبل السودان.
    جلال: لكن ده ذاتو بيحتاج لدليل و برهان عشان يصدقوه الزرقان و يقبلوه البيضان.
    كامل: أقول ليك؟ الكلام ده كوللو من عمايل الماسون  الشيطانية بالدليل المقاطع و البرهان عشان خاطر عيون ابليس و المسيح الدجال.
     و دي إشاراته من الهرج و المرج الى نفخة الصور الكاذبة النفخها ترمب و هنق عليها المسيح الدجال، السامعينو و طارشنا ده صوت الترمبيت النشاذ  و ترمب النتن ياهو.
                  

07-11-2021, 05:15 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    - *بريدتي و الحمان*
    عاصم الطيب قرشي
    في الصباح جلس شيخ صالح و خدر المقدم و عادل يشربون نخب الثورة تحت شجرة لبخ عملاقة في شارع النيل.
    الشيخ: سبحان الله يا اولادي! اول ما الله خلق الارض قدر الأرزاق و أول ما رفع السماء وضع الميزان. سؤالي ليكم، و
    ين البرهان و هامان من ميزان الرحمن و بأي آلاء ربهما يكذبان على شعب السودان؟
    عادل: كضب في المليان، تطفيف في الميزان و وزن تقيل و طيارة الاخرة على وشك الطيران!
    خدر: السؤال القبل ده يا شيخ صالح، وين موقع الشمس و القمر بحسبان بين برودة شمس الدين و سخانة شمس السودان؟
    شيخ صالح: وكت قلت الحسبان، احسب من بيان ابن عوف.
    عادل: ابن عوف ده اتولد من رحم الدوشكا و الكلاشنكوف، قالو هو اللبسنا طواقي الخوف.
    شيخ صالح: و البرهان و الكيزان؟
    عادل: البرهان ده كتل الفوران كأنو بيكتل فيران، دي شهادتي فيه بالدليل القاطع و البرهان، اما الكيزان فبلا شك هم شياطين بني السودان.
    خدر: معقولة؟ اله دارفور بي جلالة قدرو مرة هبران لخليج العربان و مرة هربان لفرعون العريان!
    عادل: و فوق ده كلو رهبان و حاخام خلى الشعب يعيش احلام رهاب و يدفق مويتو على السراب.
    شيخ صالح: والله هو سبب الارهاب و طول عمر كتائب الظل الحولت فضا الحرية سجون و معنى العدالة ظلم.
    خدر: الاغرب من فريق البرهان هو فريق كلا كلا.
    عادل: قالوا في الخلا اتفقوا الظعاين والفرقان بما فيهم جداد الخلا و كدايس الخلا على فريق واحد خلا.
    شيخ صالح: هيع، فريق حمرة عين و كادوك سمين، شهادتو إرادة سادية في فن الابادة الجماعية القتل فورية و الدار فورية.
    عادل: عندنا في الاحياء اتفقوا الاحياء و الاموات على مقاطعتو بعد ما سلب مقاطعة كولومبيا بي غانون سلب السلب ايجاب.
    شيخ صالح: المرتزقة خلوا الاسترزاق و بقوا على و الارتزاق، اموال من اليمن الى الكفن، ملطخة بي دماء أطفال بني رزيق الأبرياء و شهداء حضرموت الأتقياء.
    خدر: يا خال ديل أحالوا الحال لأهوال و أوحال.
    عادل: ان شاءالله يحلوا في جهنم بي كذبهم و قتلهم.
    خدر: سجل يا تاريخ، كان ياما كان في سالف العصر و الزمان اجتماعات ضمت رعاة بني رعيان و نهيان و سلمان و جميع آل طمعان، انتهت بقتل بني السودان.
    شيخ: صالح: و شن قولكم في الابالة و الخيالة الاستابلوا ضهور جقلاتهم واختالوا بخيالهم أنهم جن راكب جواد؟
    خدر: ديل اغتصبوا و قتلوا و حرقوا لمن فاتو الطير الأبابيل.
    شيخ صالح: و البقارة بقروا بطون بعض و الغنامة اغتنموا غنائم و غنم و استأسدوا بنصيب الأسد و هم ذئاب و ضباع.
    عادل: قالوا أثناء دواس السود في السودان كاكو الجداد بالخوف و بيضو الديوك بالعوف.
    خدر: اهااا، في ديك بيض دهبة اتقاسموها رزيق و زريق، و لمن كبروا خلفوا مرزوق و مزروق و فرفور و قرقور، و ديل كبرو جعلوا رزقهم قسمة و ضرب بين مسترزق رزقو تلاقيط و مرتزق حربو تباريح.
    شيخ صالح: ما قالوا زريق و رزيق اتقاسموا قسم غليظ انو يقسموا دهب جبل عامر المفصل عليهم قميص عامر و الخاين الله يخونو!
    خدر: تمام، لكن بعضهم فضل الارتزاق على الاسترزاق و الحرب و السلب لمن الدهب ذاتو ذهب.
    عادل: في الحقيقة أنا أول مرة سمعت بالمرتزقة ديل في السبعينات. قالوا اللمام راى نفسو في المنام، لاعب كورة و هو راكب جوادو، اتمطى زيين و شات كورنة معارضة دقت في العارضة. في الصباح فسر رؤيتو و بعد شهر حقق حلمتو بي ديش المرتزقة و سمى العملية تحلمون.
    خدر: متذكر اليوم داك، كتلو لاعب السلة مغني الجاز المشهور و أفقدو الشعب السوداني سلة غذاء العالم و سببوا ليه أزمة في فرق الجاز و المحروقات.
    عادل: اها من الزمن داك، بعاعيت المرتزقة ما ظهروا الا في ميدان الاعتصام. خطلت السماء و هطلت على الارض وابل رصاص على الناس، الدخان خنق صبح الخلاص و لليوم حارسين القصاص من الرئيس الرقاص.
    خدر: و الله جنس خلط و خطل بين حميدتي و البرهان، قالوا حميدتي اتبرد و جاتو ام برد، لمن سموه بريدتي و البرهان استحمى و جاتو حمى سموه الحمان.
    شيخ صالح: ههههه، بريدتي و الحمان و الله يا خدر انت مسخوت خلاس، ذكرتني بي كلامك ده قصيدة في العصر الجاهلي:
    و احبه و يحبني
    و تحب دوشكته عصافيري
    و اخلطه و يخلطني
    فتبلع جزمته دبابيري
                  

07-11-2021, 05:19 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    *بين قداسة النيل و دقساته*
    عاصم الطيب قرشي

    على شاطيء نهر النيل الازرق أسفل كبري الحديد، جلس كامل وجلال و جمال جلسة ودية على ايقاع هتافات الثورة.
    رصاصة حية: ثورة
    يقولوا ليك مطاطة: ثورة
    ديل عصبجية: ثورة
    جنجويد رباطة: ثورة

    كامل: رغم قداسة نهر النيل ده يا جلال وتاريخو الطويل و عذوبة مويتو لكن قداستو دي دقستنا و عذوبتو عذبتنا وتاريخو شاهد على تأخيرنا.
    جلال: قداسة و دقاسة و تاريخ و تأخير! مالو كلامك بقى زي الرندوك يا كامل! ذكرتني عقيرب سار تحت راس بريقع ولا عقرب سار تحت رأس برقع، ينقري من اليمين للشمال و الشمال لليمين.
    كامل: "لداع ما، كل في فلك ام عادل" محسية من حسان النوبة طالما كلمة محس تعني سمح، الحمدلله حبوبتا الكنداكة أماني فلتت من أماني سلطان جن النيل.
    جلال: و الله قداسة النيل فعلا دي ظلمت أجمل فتياتنا و حرمتنا من نسل اجمل الكنداكات لاشباع غرور ملوك جن النيل.
    جمال: أعياد عروس النيل السادية يا كامل قدموا فيها قرابين بشرية اغرقن بالماء في زمن مائي غامر زي ما وئدن كنداكاتنا بالتراب في القرن الترابي الغابر، استلاب و اغتصاب و ظلم في ظلم متربع فينا.
    كامل: قلت لي عذوبتو عذبتنا يا جلال! ما دا الخلانا عذابة ونحن اتجاوزنا عمر النبوءة.
    أما قداستو دي دقستنا بشكل! .
    جلال: تعرف يا كامل حتى اكسجين مويتنا و هيدروجنيها إتواطؤوا علينا و دعموا الدولة الترابية دعم سريع جدا، مثلا بدلا من زراعة اخصب تربة في الدنيا بأعذب موية في جروف النيل، قامت اطماع الانتهازيين حرقت كل اطماء المزارعين عشان يبنو قصورم العشوائية و فللم الرئاسية. الغريبة كلما كبرت قصورهم زاد قصورهم!
    كامل: تراب يكيل عيونهم و قصور تقصر أجلهم ان شاءالله، نحن حتى الان بنشرب موية النيل إما عكارة معكرة بالطمي او لواثة ملوثة بالقاتلات الكيماوية والبكتيرية، يا اخواننا حتى موية الصرف اتصرفت و عملت ليها صرفة في نهر النيل المقدس.
    جلال: بالمناسبة مع تغيرات الزمن المائي و حرب المياه اخشى انو تركيبة موية النيل الكيميائية تتغير بفعل الطبيعة او فاعل و أخشى انو سد النهضة يكون قنبلة موقوتة.
    و زي ما قال المبعوث الامريكي قريشون "الحقيقة الوحيدة في السودان هي نهر النيل و اخشى يوما ان يغير مجراه" و يبقى سودانا وهمة كبيرة.
    جمال: بيني و بينك اربعة و سبعين مليار متر مكعب موية دي لو كسرت علينا ح تسد نيتنا و دنيتنا من حلفا لي نمولي، بعدين جابت ليها رجوع فلاشا و تطبيع صهيوني و تركيع يانكي مع حرب المياه!
    كامل: غايتو اي زول يجهز مركبو للطوفان، لكن مصداقا لي قولك في تغيير الموية، انا متخيلها تتحول لى مركب رباعي العناصر بإضافة الكالسيوم والفلورين بي موية زمزم.
    جمال: و ليه ما تتوقعوا الخواجات ديل يقوموا يحضروا موية في المعمل!
    كامل: انا متوقع اغرب عمليات الامن المائي بين السودان ودول الصحراء تبدا بي شق قنال من النيل يسقي بورتسودان ويتحول الى انابيب تعبر البحر الاحمر تسقي اليمن والسعودية والامارات والكويت و قطر و كده يكونوا اخواننا في الشراب طالما ما الملح و الملاح و الاسلام و الإنسانية ما خاوتنا.
    جلال: و ديل خوتهم ح تفيدنا بي شنو؟ مش كفاية استعمرونا ثقافيا و اقتصاديا و اتعالوا علينا مع أننا نحن اللي علمناهم، خلاص دفقوا بترولهم على السراب جايين يشاركونا في مويتنا بعد الخراب؟
    كامل: بالراحة يا جلال، الأراضي المقدسة و العرب كلهم ممكن يشتروا مننا موية و ح تكون بلا شك اغلى من البترول اللي ح يكون على وشك النضب وأكثر من كدة بدائل البترول الزراعية زي الجاتروفا والطاقات البديلة النضيفة تكون وصلت مرحلة متطورة في السودان. بس انا متخيل السعودية ترسل لينا أنبوب من بئر زمزم يصب في النيل و يزم فيضاناته المدمرة دي.
    جلال: ها ها ها يعني النيل ح يتزمزم و زمزم ح تتنيل معانا في ستين الف داهية.
    كامل: بدون تريقة يا جلال موية زمزم فعلا بتزمزم أي موية بعملية أقرب للتأين الكيميائي، بعدين هي وقاية و علاج روحي، في سر من أسرار زمزم كشفو العالم الياباني ميسارو إموتو اللي كان بيتحدث مع الموية ويصور اثر كلامو بالمجهر. إموتو هو صاحب نظريات الكلام مع الماء والعلاج بالماء وتاين الماء الزلال بماء زمزم المالح.
    جلال: يا طلس أتذكر مرة حكيت لي انك مشيت مع الطيب أمين سر الموية بطيبتكم ومعاكم زمزمية مليانة موية زمزم كبيتوها في البير الوراني.
    كامل: ايوة .......مشيت معاهم ورافقونا أبدال حال حلتنا. الفاتح فاتح خط مع القبة و ناجي يناجي القرشي و بشير أدى الاشارة و البشارة. و اتزمزم البير الوراني راوي السلفية و الصوفية و ساقي الكيزان والشيوعية مع بداية قراية سورة الفاتحة بصوت واحد، بعدها يس بنية الحب وختمناها بالإخلاص بنية الاخلاص سبع مرات. تصدق قربت أشوف نوايا ناس طيبة الطيبة. لو شفت أمين سر الموية لمن فتح غطاية البير و كب القارورة كان مبتسم كيف! في اللحظة ديك الابدال رفعوا كفوفهم بالدعاء و حسيت بي سعادة كأنو الحال إتبدل في الحال.
    جلال: يا ربي قريت عرضحال الحلة و لا حصلت ليك مكاشفة و لا كشف حال!
    كامل: ده كوللو حصل يا جلال، بأمارة سحابة اترسم فيها صوت المطر تقلت في سما الحلة اليوم داك طول النهار و أمطرت مطر ملون نص الليل. الصباح بدري مشيت السوق وشفت فيض الطاقات الإيجابية يتماوج حول الوجوه زي قوس قزح. والله لو كان أهل الحلة على درجة من الدقة كنت قطعت ليك الشك بي صورة سيلفي، تخيل الزول يشوف طيفو و لون موجتو و طولها بين عمق اللون الازرق و نفسيات الريح الاحمر.

    صمت الجميع و نظروا للسماء بدهشة حين انداحت سحابة لونها اقرب للبمبي من البنفسج تركت أثر جميل في كل النفوس. لحظة جميلة طافت على خيال كامل بنكهة الكاراميل و على خيال جلال بطعم قبلة مطبوعة على خدود عذارى الحي.
    *****************،*******************

    جمال: ما شاءالله يا جلال و كامل ونسة كاملة الدسم، بحر كبير لاقى عوامو.
    جلال: كامل ده دييب يااا، لكن ما تخاف منو لأنو اهلي في دارفور قالوا "دبيب في خشمو جرادة و لا بيعضي".
    كامل: انت ذاتك اكبر جرادة يا دمباري، بس زي ما اهلك قالوا " جرادة في سروالاي و لا بسوي حاجة لكن قعادو و لا حلو".
    جمال: قووووون يا كامل
    "أبو القدح بيعرفي محل يعضي أخيو".

    جلال: و ليه يا كوز ما تقول "شدرة كان مالت بتكي في اخيو"؟
    جمال: قلت ليك مليون مرة ما تصنفني سياسيا، أنا فنان بفكر بالألوان و الانغام و اكبر من تصنيفاتك البلاك اند وايت دي. بعدين كامل ده بالله الزمن ه كله عامل لينا فيها نمر و هو دبيب!
    جلال: هوي يا جمال اعمل حسابك كامل ده نمر، إنت ما سمعت "نمر كان مات كلو جلدايتو ارقط".
    جمال: و الله هانت لكن، "الديك اجاويدو عيالو".
    كامل: انا ابو الرجال كلهم يا وهم.
    جمال: الرجال دناقر ما كبر عناقر، أها جاكم القاضي العادل.
    عادل: السلام عليكم يا خوة، المشكلة في شنو؟ اخوي كامل ان شاءالله مستور معاكم؟ معليش مرض حامد خلاه عضم بلا لحم. زمان انا قلت ليه عرس "الراجل بي ام عيالو".
    جمال: و المفنقل بي سروالو.
    جلال: يا جمال ما تدخل في كلام الكبار، ديل فهيم و فهيم، ح يحلوها عادي.
    جمال: ما اتدخل كيف! اذا كنت انت وكامل غشيم و غشيم وديتوها بي غادي.
    عادل: خلاص باركوها يا جماعة و صلوا على النبي، أصلو الدنيا لو ما كان فيها غشيم و فهيم ما كنا ح نحتاج لقاضي، و لا إنتو ما رضيانين بحكمي العادل؟
    قبل ان يردوا وقف عادل و أخرج مطرقته الخشبية و ضرب طاولة كانت بالقرب منه.
    عادل: محكمة.....
    حكمت محكمة النيل علينا و على جميع شهداء ثورة ديسمبر الذين أحرقهم المؤتمر و أغرقهم العسكر في الزمن الترابي بالزواج المؤبد من عروسات نيل الزمن المائي.
    كامل: أيوي يوي يوي يوووووي
    جلال: ابشر بالحب الأبدي
                  

07-11-2021, 05:36 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    .
    تنصيب خاليوت
    عاصم الطيب قرشي

    اضطجع عادل على بعد امتار من النيل و قبل ان ينام على خده الأيمن سمع همس موجة تحكي لاختها:-
    يَوْمُ تَنْصِيْبِ جَدِّي خَالْيَوْتَ اِبْنِ بَعَنْخِي مَلِكَاً لِشَعْبِ النُّوْبَةِ كُنْتُ حِيْنَهَا قَدَرَاً مَقْدُورَاً فِي رَحِمِ الغَيْبْ
    . بَيْدَ أَنَّ رُوْحِي كَانَتْ شَاهِدَةً وَهِيَ تُطِلُّ مِنْ شُرْفَةِ بُرْجٍ سَمَاوِيٍّ, تَحِنُّ وَتَشْتَاقُ لِلْنُزُوْلِ مِنْ عَالَمِ البَرْزَخِ لِسَمَاءِ الدُّنْيِا كَيْ تَنْعَمَ وَلَوْ لِلَحْظَاتٍ قَلِيْلَةٍ بِالتَأَمُّلِ فِي عَظَمَةِ ذَلِكَ الاِنْسَانِ العَادِلْ. تِلْكَ اللَّيْلَةِ لَمْ تَغْفَلْ عَيْنُ رُوْحِي طَرَفَةً, فَسَهِرَتْ عَلَى مَشْهَدِ الاِعْدَادِ لَحَفْلِ التَنْصِيْبِ حَيْثُ كَانَ النَّاسُ يَعْمَلُوْنَ فِي صَمْتٍ وَنِظَامٍ كَأَنَّهُمْ قَبِيْلَةً مِنْ النَّمْلِ أَوِ النَّحْلِ أَوْ رُبَّمَا جِنْ, وَكَأَنَّهُمْ فِي حَالَةِ عِبَادَةٍ مِنْ فَرْطِ دِقَّةِ التَفَاصِيْلِ الطُقُوْسِيَّةِ . رُبَّمَا كَانَتْ تِلْكَ عَادَتَهُمْ, أَنْ يَعْمَلُوْا كَثِيْرَاً وَيَتَكَلَّمُوْا قَلِيْلَاً, أَوْ رُبَّمَا بَلَغَتِ اللُّغَةُ المَنْطُوْقَةُ حِيْنَهَا دَرَجَةً مِن التَطَوُّرِ أَوْصَلَهَا حَدَّ النَقِيْضِ فَأصْبَحَت لُغَتُهُم صَامِتِةً أَوْ صَارَ الكَلَامُ عِنْدَهُم تَخَاطُرَ القَلْبِ لِلْقَلْبِ, اِشَارَةَ العَقْلِ لِلْعَقْلِ وهَمْسَ الرُّوْحِ لِلْرُّوْحْ. عَلَى كُلٍّ, لَقَدْ رَاقَبَتْ رُوْحِيَ الأَمْرَ حَتَّى بَزَغَ الفَجْرُ وَأَصْبَحَ الصُبْحُ فِي كَوْكَبِ الأَرْضِ حِيْنَ رَشَقَتْ أَشِعَّةُ الشَمْسِ الذَهَبِيَّةِ جَبَلَ البَرْكَلِ المُقَدَّسِ بِوَابِلِ طَاقَاتِهَا المُبَارَكَةِ. هَامَتْ رُوْحِي فِي سَمَوَاتِ حَضَارَةِ جَدِّي كُوْشْ ثُمَّ حَلَّقَتْ فِي فَضَاءَاتِ نَبْتَةٍ مَرَوِيَّةٍ كَرِيْمَةً عَانَقَتِ النِّيْلَ فَحَبِلَتْ مِنْهُ حُبَّاً وأَنْجَبَتْ حَبَّاً. هَا قَدْ حَطَّتْ رُوْحِي فِي قِمَّةِ الجَبَلِ وَقَدْ صَارَ الوَقْتُ ضُحَى.
    أَضْحَتِ الشَمْسُ فَمَدَ جَبَلُ البَرْكَلِ ظِلَّهُ بَعِيْدَاً ثُمَّ عَادَ مُنْحَسِرَاً فِي اِتِّجَاهِ النِيْلِ وَوَقَفْ.
    وَقَفَ الظِلُّ قَلِيْلَاً عِنْدَ بِرْكِةِ البَرَكَةِ بِالْقُرْبِ مِنَ البِئْرِ المُقَدَّسَةِ فَتَوَقَّفَتِ الشَمْسُ وَسَاعَاتُ الكُوْنِ كُلُّهَا رَيْثَمَا يَصْعُدُ المَلِكُ لِمِنْبَرٍ حَجَرِيٍّ صَمَّمَتُهُ الطَبِيْعَةُ وَنَحَتَتْهُ فِي سَفْحِ الجَبَلِ لِيَكُوْنَ مِحْرِاباً لِلْعَدَالَةِ وَ عَرْشَاً لِلْأَرْضِيِيْنَ كَمَا يَقُوْلُ المُؤَرِّخُونْ. كَانَ خَالْيُوْتُ عَالِيِ القِمَّةِ وَالهِمَّةِ, تُشْرِقُ جَبْهَتُهُ وَتُضِيْئُ حِيْنَ سُقُوْطِ الضَوْءُ عَلَى عَرَقِ جَبِيْنِهِ,كَمَا تُضِيْءُ بَسْمَتُهُ التِّي لا تَكادُ تَنْطَفِئْ.
    أَمَّا أَنْفُهُ المَكْسُوْرُ فَقَدْ كَانَ مُسْتَقِيْمِاً حَدَّ السَيْفِ حِيْنَ وَلَدَتْهُ أُمُّهُ, بَيْدَ أَنّهُ هَامَ فِي حُبِّ الكَوْنِ وَالتَوَاصُلِ مَعَهُ كَنَبِيٍّ مُنْذُ الفِطَامِ فَبَادَلَهُ الآخَرُ حُبَّهُ وَأَشْهَدَهُ ما أَشْهَدِهُ حَتَّى أَدْرَكَ سِرَّ السُّجُوْدِ لِلْمَعْبُوْدِ وَذلِكَ سِبِبُ انْكِسَارِ أَنْفِهِ. خَلْفُ المَلِكِ المُرْتَجَى يقف المُسَاعِدَانِ عَنْ يَمِيْنِهِ وَيَسَارِهِ وِعِلِى رِأْسِ كُلِ مِنْهُمَا قَرْنَا جَامُوْسْ. المَلِكُ مُقَنَّعَاً بِوَجْهِ أَسَدٍ,َ يْلبَسُ سُتْرَةً مِنْ جِلْدِ الأَسَدْ وأَمَامُهُ على بُعْدِ قَدَمٍ وَذِرَاع يَجْلِسُ جَمْعٌ غَفِيْرٌ مٍنْ رِجَالٍ وَنِسَاءْ. كَانُوا جَمِيْعَاً جَالِسِيْنَ عَلَى الأَرْضِ, لَا يَسْتُرَ أَجْسَادَهُمُ العَارِيَةِ سِوَى حَيَاؤُهُم وَاحْتِرَامُهُمْ لِبَعْضٍ فَأَلْبَسَتْهُم العِنَايَةُ الاِلَهِيَّةُ لَبَاسَاً لِلرُوْحِ لَيْسَ مِنْ بَيْنِ نَسِيْجِهِ وِرِقِةُ تُوْتٍ وَاحِدَةٍ. وُجُوهُهُم تَكْسُوْهَا سُمْرَةٌ أَبَنُوسِيَّةٌ مَحْرُوقَةٌ وَأُخْرَى بُرَوْنَزِيَّةٌ يُشِعُّ مِنْهَا وَهَجٌ مَعْدَنَيِّ, زُرْقَةٌ نَسَبُوهَا لِزُرْقَةِ مَاءَ نِيْلِهِمُ العَظِيْمِ وَقُلُوْبُهُم مُخْضَرَّةٌ بِلَوْنِ صَفْصَافِهِ المُتَكَسِّرِ فِي حَوَاشِيْهِ. أَكَادُ أَرَى بَسَمَاتِ الأَطْفَالِ بِوُضُوْحٍ وَهُمْ يَلْعَبُوْنَ خَلْفَ الجَبَلِ بِالْقُرْبِ مِنْ بِرْكَةِ البَرَكَةِ , بِيْضُ الأَسْنَانِ والسرَائر.
    حَيَّا المَلِكُ شَعْبَهُ ثُمَّ رَفَعَ يَدَهُ اليُمْنَى مُشِيْرَاً بِأَصْبَعِه السَبَّابَةِ اِلَى تِمْثَالِ كُوبْرَا مُتَوَّجَةِ بِتَاجٍ أبْيَضٍ نُحِتَتْ مِنْ صُخُوْرِ الجَبَلِ فَخَرَّ التِمْثَالُ وَسَقَطَ التَاجُ لِأوَّلِ مَرَّةٍ. ذُهِلَ الحُضُوْرُ جَمِيْعَاً مِن رَهْبَةِ المُوْقِفِ وَخَرْقِهِ لِلسَائِدِ, بَلْ حَتَّى كَهَنَةُ مَعَابِدِ الكُرُو وَنُوْرِي الذِّيْنَ تَوَافَدُوُا لِحُضُوْرِ مَرَاسِمِ التَتْوِيْجِ خَرُّوا سُجَّدَاً. أَمَّا المَلِكُ فَقَدْ خَنَقَتْهُ عَبْرَةٌ فَلَمْ يَقَوَ عَلَى النُّطْقِ بِحَرْفٍ وَاحِدٍ, حَنَّ كِبَارُ القُلُوْبِ لِحَالِهِ وَرَثُوا لِثِقَلِ الأَمَانَةِ عَلَيْهِ فَبَكُوا ثُمَّ بَكَى الجَمِيْعُ وَتَذَكَّرُوا أبَاهُ بَعَنْخِي فَبَكَى خَالْيُوتَ فِي أُولَى دَقَائِقِ حُكْمَهَ. كَانَ المَلِكُ مُنْكَبَّاً بِوَجْهِهِ عَلَى المِنْبَرِ حِيْنَ تَغَلَّبَتْ عَلَيْهِ مَوْجَةُ الحَنِيْنِ وَالبُكَاءِ فَحَمَلُهُ المُسَاعِدَانِ وَأَجْلَسَاهُ عَلَى كُرْسِيِّ أَسْلَافِهِ. لَمْ تَمْضِ ثَوَانٍ حَتَّى عَادَ النِّظَامُ وَسَادَتِ السَّكِيْنَةُ بَيْنَ النَّاسِ حِيْنَ سُمِعَ صَوْتُ ضَرَبَاتِ الطُّبُوْلِ عِنْدَ مَعْبَدِ آمُوْنَ اِشْهَارَاً بِأنَّ القَرَابِيْنُ قَدْ ذُبِحَتْ وَ اِيْذَانَاً بِبِدَايَةِ مَرَاسِمِ التَتْوِيْجْ. فَجْأَةً طَارَتْ حَمَامَتَانِ حَوْلَ كُرْسَيِّ العَرْشِ وَرَكَّتَا عَلَى كَتِفَيِ المَلِكِ المُرْتَجَى بَيْنَمَا حَطَّ نِسْرٌ عَلَى رَأَسِهِ. بِقَدْرِ مَا كَانَتِ الحَمَامَتَانُ وَدِيْعَتَانِ تُطِيْرَانِ وَتُحَلِّقَانِ وَتَحُطَّانِ عَلَى رَأْسِ خَالْيُوْتَ, كَانَ النِّسْرُ حَادَّ النَظَرِ يُحَدِّقُ فِي الوُجُوْهِ وَيَتَفَرَّسُهَا فَرْدَاً فَتَنْحَنِي نَظَرَاتُ الأَشْرَارِ وَتَنْكَسِرُ الغِيْرَةُ وَالحَسَدْ.
    وَقَفَ المَلِكُ فَوَقَفَ الجَمِيْعُ, الصِّغَارُ ثُمَّ الْكِبَارُ, الأَبْنَاءُ فِي المُقَدِّمَةِ وَ مِنْ خَلْفِهِمُ الآبَاءُ فَالأَجْدَادُ وَكُلُّ أُسْرَةٍ تَبْدُوْ كَخِلِيَّةٍ بَشَرِيَّةٍ فِيْ نَسِيْجِ ذَلِكَ الشَعْبِ الطَيِّبْ.
    الآنَ يُؤَدِّى المَلِكُ القَسَمَ أَمَامَ شَعْبِهِ :
    نَبَسَ المَلِكُ فِيْ صَوْتٍ يَنْبِضُ مِنْ قَلْبُهُ وَكَلِمَاتٍ تُشِعُّ مِنْ رُوْحِهِ الطَيِّبَةِ:

    بِسْمِ الاِلَهِ المَعْبُوْدِ أُقْسِمُ أَنْ لَا أَكْذِبَ عَلَيْكُمْ أَبَدَا.
    وَلَا أَعْتَدِيَ عَلَى مِلْكِيَةِ غَيْرِي.
    وَلَا أَرْتَكِبَ الخَطِيْئَةَ.
    وَقَلْبِي يَنْفَطِرُ لِمُعَانَاةِ الفُقَرَاءْ.
    إنَّنِي لَا أَقْتُلَ شَخْصَاً دُوْنَ جُرْمٍ يَسْتَحِقُّ القَتْلْ.
    وَلَا أَقْبَلَ رَشْوَةً لِأَدَاءِ عَمَلٍ غَيْرِ شَرْعِيِّ
    وَلَا أَدْفَعَ بِخَادِمٍ اِسْتَجَارَنِي إلَى صَاحِبِهِ
    وَلَا أُعَاشِرَ اِمْرَأَتَاً مُتَزَوِّجَةً
    وَلَا أَنْطِقَ بِحُكْمٍ دُوْنَ سَنَدٍ
    وَلَا أَنْصِبَ الشِرَاكِ لِلْطُيُوْرِ المُقَدَّسَةِ
    أَوْ أَقْتُلُ حَيْوَانَاً" مُقَدَّسَاً"
    إنَّنِي لا أَعْتَدِيَ عَلَى مُمْتَلَكَاتِ المَعْبَدِ و الدَوْلَةِ.
    أُقَدِّمُ العَطَايَا لِلْمَعْبَدِ.
    إنَّنِي أُقَدِّمُ الخُبْزَ لِلْجِيَاعِ
    وَالمَاءَ لِلْعَطْشَى
    وَالْمَلْبَسَ لِلْعِرِي
    أَفْعَلُ هَذَا فِي الحَيَاةِ الدُّنْيَا
    وَأَسِيْرُ فِي طَرِيْقِ الخَالِقِ
    مُبْتَعِدَاً عَنْ كُلِّ مَا يُغْضِبُ المَعْبُوْدُ
    لِكَيْ أَرْسِمَ الطَرِيْقَ لِلْأَحْفَادِ الَّذِيْنَ يَأْتُوْنَ بَعْدِي
    فِي هَذِهِ الدُّنْيَا وَ اِلَى الَّذِيْنَ يَخْلِفُوْنَهُمْ وَ اِلَى الْأَبَدِ.
                  

07-11-2021, 05:57 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    *اصل السودان*
    عاصم الطيب قرشي

    في المساء جلس كامل و عادل و جلال و جمال على اربعة بنابر صغيرة حول ستنا بائعة الشاي و تبادلوا حديث جاد حول تاريخ السودان.
    ابتدر كامل الحديث قائلا: يا اخوانا اسم السودان ده مش أطلقوه العرب على السود الساكنين المنطقة الافريقية الواقعة بين جنوب الصحراء الكبرى الممتدة من المحيط الأطلسي غربا للبحر الأحمر والمحيط الهندي شرقا؟
    عادل: تمام،،، لكن المصريين برضو زمان أطلقو على المنطقة الواقعة جنوب الشلال الأول اسم تانحسيو، معناها أرض الزنوج او السود و اسم تاسيتي بمعنى الأرض القاسية. 
    جلال: يخيل لي اسم تاسيتي ده حتى الان موجود لو سمعت بشلالات تيس في اثيوبيا. أنا كمان قريت انو قدماء المصريين قسموا السودان لاقليمين، واوات بين الشلال الأول والثاني و كاش جنوب الشلال الثاني و يمكن اسم كوش يكون ليه علاقة بي كاش. يا سلام ذكرتوني قرية جميلة اسمها كوشة بالقرب من منطقة عبري التاريخية، ممكن يكون في علاقة بين كاش و كوش و كوشة.
     جمال: انا قريت في سفر التكوين في التوراة والنصوص الاشورية انو كل جنوب مصر كان اسمه كوش. الكلام ده قالوا موجود في لوحة الملك الاكسومي عيزانا ملك الحبشة.
    جلال: اليونانيون أطلقوا على المنطقة دي كلها اسم اثيوببا و معناها سمر الوجوه.
    كامل: يبقى متفقين انو سودان و ليس بيضان، كلموا حواءات السودان تاني ما يبيضن عشان ما يضطرونا  نقعد نكاكي ولا نشيل السلاح و نلبس كاكي. 
    عادل: عليك الله ده ما ياهو الحاصل عندنا، البلد كلها لابسة كاكي و متيمنين ما يتيسروا و حتى الاتيسروا اتعسروا و اتعثروا. غايتو بعد اله دارفور بقى سيد اسياد و رئيس مجلس الاسياد، الما لا بس كاكي يكاكي و يبيض و يحضن بيضو.
    جمال: يا جماعة امرقونا من كاك يكاكي كوكة و خلونا نراجع هويتنا المهوية في زمن السقوط في الهاوية. تعالوا نبدأ بجدلية اللغة العربية السايدة قصاد
    لغاتنا الافريقية الاصبحت بايدة. حقيقة اللغة العربية ما دخلت على لغاتنا المحلية إلا في التاريخ الحديث، بعد ده قدرت توحدنا وبقت اللغة الرسمية، هل ده لانها مكتوبة و حاملة ثقافة روحية؟  
    جلال: ابدا والله ما لأنها مكتوبة و لا لأنها حاملة ثقافة، لأنو حضارة مروي كانت ثقافة عظيمة و كانت مكتوبة بحروف ديموطيقية، يعني بالصور والرسومات بالاضافة للهيروغليفية المروية والمصرية، لكن سيطرة العرب و نفوذهم الطاغي نسف كل ماضينا.
     جمال: يا شباب.... ارجوكم ما تتحاملوا على اللغة العربية و لا حتى على العرب، زي ما الطفل بياخد ملامح الجينات الأقوى من والدينه، ثقافتنا أخدت الجينات العربية لأنها دخلت علينا في زمن انهيار اجتماعي و ظلم سياسي، بس انا العاجبني و ساري بالي كزول مهتم بالبعد الروحي و النبوءات المحمدية انو اسم السودان ورد في تفسير ابن كثير انه: قال صلى الله عليه وسلم لعمر ابن الخطاب عندما نزلت الآية "ثلة من الأولين و ثلة من الآخرين "لن نستكمل ثلتنا حتى نستعين بالسودان من رعاة الإبل ممن شهدوا ان لا اله إلا الله وحده لا شريك له.
    جلال: انت يا جمال جنك كتب صفراء و عايز تدخل الدين ده في أي حاجة، الغريبة الحديث ده أول مرة اسمع بيه في الفيس بوك و تاني عندك، كتبوا عنه اولاد الابالة في دارفور وقالوا هم المقصودين بالسودان و رعاة الإبل.
    كامل: يا زول الحديث ده قالوا مفصل قميص عامر و جبله على حميدتي و انو قوات دعم سريع فيها إشارة للقدس و جيش المهدي المنتظر، رأيك شنو في التأويل ده؟
    عادل: المانع شنو يا جماعة؟ اذا كان الحديث صحيح و مذكور فيه السودان و الإبل يبقى ما في شيء ناقصنا غير الأمور تمشي في الاتجاه و ننتظر اذا جاء نصر الله و الفتح و علامات الساعة الكبرى.
    كامل: بيني و بينك انا و الله منتظر القيامة بشوق أحر من الجمر و ما أظن جنس الظلم لشفناه في السودان ده ربنا يورينا  ليه تاني.
    عادل: هل اتخذت عند الله عهدا يا كامل؟
    كامل: بلى يا عادل و شهدت ان لا اله إلا الله محمد رسول الله، دي بالنسبة لي شهادة تخرج من الدنيا و تشهد خراج روح.
    جلال: و العرقي الشربنا سوا يا كامل و قيام الليل في انداية الشول، اصبأت يا رجل!
    كامل: يا زول انا متأكد تماما انو ربي غفور و رحمته وسعت كل شيء، كان عايز تخش النار خش برااك، لكن انا الجنة خاشيها خاشيها و ما بزح منها شبر، و بي ظني في ربي ده بس، في الحتة دي بالذات يا جلال انا لا ود خالتك و لا حاجتين و لا بعرفك، صحيح سكرنا سوا و إن ربي غفور رحيم، اما بالنسبة للجنة و النار دي فلكم دينكم و لي دين.
    عادل: يا جماعة باركوها و رجعونا للسود الموعودين بنصرة الإسلام، هل هم أهل السودان حقنا ده و لا المقصود منو؟ يا جمال ممكن تفتي لينا في الموضوع ده عشان نكون خلصنا ماضي السودان و انتقلنا لمستقبله إلى ان تقوم الساعة.
    جمال: انا علمي أقل كتير من علمك يا دكتور لكن الرأي الأرجح و الله أعلم انو مقصود بيه السودان الحالي لانو حديث الرسول صلى الله عليه و سلم كان بيتكلم عن المستقبل، يبقى المسميات و المفردات لابد ان تكون مطابقة لمسميات المستقبل.
    عادل: تحليلك منطقي جدا، انا ذاتي شايف انو ما معقول شعب بالتاريخ الناصع و التكوين المتصالح ده و صاحب أعظم الثورات ضد الدكتاتوريات يكون مستقبله في مزبلة التاريخ. أيوة ديل نحن و ربنا ادخرنا لليوم ده، افهموها كده و امشوا لي قدام.
    كامل: بيني و بينك يا عادل نحن الآن في مزبلة التاريخ طالما قلوبنا و شوارعنا وسخانة، نحن حتى الان ما عرفنا ندور النفايات و الموية تفتكر ح نقدر ندور السلطة و نبقى من اهل الدائرة؟
    عادل: سبحان الله انا لسة متذكر كلمات أستاذ مادة الزمكان في الجامعة في اول محاضرة كانت مقارنة بين علوم المكان و الزمان:
    "التاريخ ذكريات و أحداث في الزمان عندما نستمع لها بقلوبنا نستمتع بصدى نغماتها و كانها أغنيات، بينما الجغرافيا دروس لامكنة الاحداث نستبصر واقعها حتى نكاد نعايشه و نوثق المشاهد  بالصور و اللوحات الخيالية". نحن لازم نستمتع بصدى أغنيات تاريخنا و نستمد منها القوة و لازم نتعرف على واقعنا عشان نغطي مساحاته بالحب اللازم.
    جمال: انا متذكر اول حصة تاريخ كانت عن أجدادنا القدماء و الإنسان الأول، حبيت فيها جدودنا لمن اكتشفوا النار و صنعوا الاواني و كل شيء محتاجين ليه ببساطة من غير ما يفكروا يستوردوا من الصين و امريكا.
    كامل: انا حبيت أول حصة جغرافيا كانت عن وطني الصغير و انتهى الدرس بنشيد بلدتي بلدتي بهجة النظر، غناه الأستاذ بصوت حنين كأنه كان يتذكر امه و ابوه. أذكر اني كنت سارح من شباك الفصل في خضرة حواشات القمح و المطرة رذاذ مع ريحة الدعاش.
    كنا صغار محبوسين بين جدران الفصل لكننا منعتقين في خيالنا و عوالمنا الطفولية الملونة.
    جلال: حصة التاريخ الجد بالنسبة لي كانت في الثانوي لما الاستاذ كتب لينا تواريخ باللغة الإنجليزية، ما زالت عالقة بذاكرتي. أستاذنا حق التاريخ كأنه حبوبة آمنة من بساطته و حنينه، سبعة نقاط كتبها في السبورة و ترجمها و شرحها لدرجة اننا حفظناها صم قبل ما يحكي لينا الحكاية.
    300000-8500 B.C. pakaeolithik
    8500-5500 B.C. Metholithic
    5500- 3500 B. C. Neolithic
    2500-1500 Kush
    Nepata 1500
    Kerma
    Meroe
    عادل: غايتو انا متذكر بالتفصيل اسماء كنداكات مملكة جدي كوش. اسماء فيها كل الاماني.
     بيلك أو بيلخ كنداكة مروي (345 الي 332 قبل الميلاد). الكنداكة اليكاباسكن (295 قبل الميلاد). الكنداكة شاناداخت (177 الي 155 قبل الميلاد). الكنداكة أماني كبيل (50 الي 40 قبل الميلاد). الكنداكة أماني ريناس (40 الي 10 قبل الميلاد). الكنداكة أماني شكتو (10 الي العام الميلادي الأول). الكنداكة أماني تيري ( 01 الي 20 ميلادية). الكنداكة أماني تير(22 الي 41 ميلادية). الكنداكة أماني كاتاشن (62 الي 85 ميلادية). الكنداكة مولاجيربار (266 الي 283 ميلادية). الكنداكة لاهي ديمني (306 الي 314 ميلادية).
    يغني عادل
    الكنداكة الكان داك
    كورس
    الكنداكة سيري سيري الاراك
                  

07-11-2021, 06:06 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    *هرم توتي*

    عاصم الطيب قرشي


    جمال: عندي ليك بشارة ياعمي خدر، قالوا توتي ح يكون فيها هرم على هيئة اضخم قبة في العالم شموخ و قداسة.
    خدر: منو القال ليك الكلام ده؟ ده لسة قدر في رحم الغيب!
    جمال: كلمني بيه عادل، قال النيل همس ليه في اضانو اليمين مع أول نسمة من نسمات فجر الحرية. 
    خدر: صدق عادل و النيل، هرم توتي كرم الله لي شعب الله في أرض الله.... كدي كلمني يا جمال تاني قال ليك شنو؟
    جمال: قال شاف صورة الهرم مرسومة في موج النيل، قبة اسطورية فيها ملامح الكون، هرم انيق عملاق تخليد لأول قطية قصب بناها خدر السماك ساكن توتي في عهد حضارة الشهيناب. 
    خدر: هل حيبنوا أولادنا الغبش ديل؟
     جمال: حنبنيهو نحن مبدعون الزمن المائي يا خال، معمار، تشكيل، نجارة، حدادة، خزاف، و بستنة. ح يجوا إخواننا من بلاد العم سام للتعارف مع ابناء عمهم حام،  كلهم حيجو لي نفير بناء كوخ العم نام، أصلا العم نام ما كان ينشد في حياته اكثر من تراحم و محنة و عيشة مستورة.
    خدر: كلنا اخوان، ابونا ادم و امنا حواء، لكن الهدامين السرقوا لسان البنائين ما حبابهم، يجونا الانسانين و الصادقين بس. 
     جمال: يا حاج حتجيك أيدي عاملة، عقول عالمة، قلوب طيبة وأرواح لطيفة، اطفال نابغين، شباب اقوياء، فقرة خلاوي، اساقف كنايس و حاخامات يهود كلهم متطوعين وقفوا الصرح الملأ فضاء الخرطوم. 
    خدر: لكن فكرة الهرم دي جبتوها من وين؟
    جمال: هرم توتي طيف برق في خيال كامل ود قيسان عروسة النيل الازرق. 
    خدر: كامل ود منو ما عرفتو؟
    جمال: كامل اتولد قيسان و اتربى في خور القنا، عاش في غابات تستخدم خشب القنا في كل شيء، أعواد طويلة علمت الناس معنى الاستقامة و المرونة، ناس قيسان اكلوا براعم القنا وبنوا منها قطاطيهم و أثاثهم الانيق، صناديقهم و حاوياتهم، سلاتهم و اواني طعامهم و قواريرهم و مزامير موسيقية تشبه مزامير داؤود.
    خدر: تبارك الله، دي نعمة واحدة بس! وان تعدوا نعمة الله لا تحصوها.
     جمال: أهل قيسان واقفين و الصبة مليون سنة. ديل حبوا القنا و القنا ذاتو حباهم واهدى ليهم ذهب خالص اسمه دهب القنا، الماظ تتشربه عروق القنا بالضغط الازموزي و يسري في السيقان الجوفاء لكن ما بيلقاه الا السعيد. 
    خدر: الله يسعدنا كلنا.
    جمال: اها كامل ده واحد من السعداء، زرع الف فدان قنا حول خور الذهب. صبر عليه أربعة سنة و كل يوم يحوم حول القنا ويتكلم معاه و يغني و يطمبر لما بقى يتخيل ليه انه القنا ذاته يبادله الود و المشاعر،  و فوق ده كله بنى ليه قطية قنا في نص القنا.
    خدر: ده كلام صوفي قناوي كبير.
    جمال: كان لما يجوع يطبخ شوربة براعم القنا و لما يحتاج للحلو يعصر نوع من القنا هجنه واحد من زملائه الزراعيين بقصب العنكوليب الحلو فطلع قنكوليب.
    خدر: قنكوليبك عجيييب يا بحر الكامل، الله فوق زوزو و خدر البزوزي.
     جمال: في السنة الرابعة يا خال، القنا بقى غابة جذبت الغزلان و الافاعي و الهوام من كل مكان خصوصا حول برك الموية الفضلت من الخريف. لمن موعد القطع قرب، كانت  خطة كامل انو يشرك معاه شباب البلد العاطلين عن العمل بنفير يوفر فيه الطعام و الشاي والبن و المريسة والبقنية، لكن الفقر منعه من حقوق النفير فتوكل على الله و شمر ضراعه للعمل وحده.
    خدر: عفيت منو لا حول و لا قوة الا بالله.
    جمال: في اليوم الاول جاب شريط طوله مترين و قعد النهار كلو يقيس اطوال القنا الداير يقطعها، لما انتهت الضحوة وصل العدد لمئة قطعة جاهزة للقطع. بعد الراحة و شراب شوربة القنا الحارة وعصير عنكوليب القنا البارد  اتبرد بجمام خور الذهب و اتكلم بحميمية مع اناث القنا  فردت عليه وشوشة حملها النسيم حتى دخلن عليه بنات الليل و يا ليلة ليلك جن.
    خدر: هيع، الليل برد غطى الجبال و الرجال البقيمو الليل.
    جمال: في الليل سطع ضوء البدر كامل، بهاء تغنيه وشوشة قشور القنا الجافة و خرير موية الخور. كامل شال كلبيته و بدا يقطع القنا و يقطع معاه شك دهب القنا، فوجئ من اول سكبة للقنا بقطع القنا تتناثر تبر ذهب برق على ضوء القمر.
    خدر: سبحان الله و الحمدلله و لا اله إلا الله و الله اكبر.
    جمال: كمية الذهب و الماس كانت اكبر من طموح كامل لكنه حفظ السر حتى ينجلي الامر و اكتفى بالقطعو و نقلو للبيت بعيد عن المتطفلين.
    خدر: كاتم السر نا بحت و رضيت بالنصيب، سبحان الله يضع سره في أضعف خلقه.
    جمال: ما كلم اي زول و اعتبر الحاصل ده كرامة ربانية كبيرة و تأييد الهي لا شك فيه. توضأ وتوجه بقلبه لله و صلى ركعتين أطال فيهما السجود حمدا حتى غفا في السجدة الأخيرة، غفا لكنه ما غفل بل حضر رؤيا كأنها واقع لفرط وضوح الصورة والألوان و تسلسل الافكار رغم كثرتها و سرعة حركتها.
    خدر: يل سلام، أللهم اجعله خير
    جمال: حلم بي اعمدة دهب متينة حول جزيرة توتي مستقلة قاعدة و فضاء الجزيرة. شاف توتي الأصلية زي ما هي لكنهم بنوا فضاء الجزيرة و أجروه مدى الحياة ريع جاري لاجيال توتي القادمة.
    خدر: و ارتفاعه بحصل هرم خوفو الكبير؟
     جمال: ارتفاعه سبعمئة طابق تسموا لمسافة سبعة كيلومترات لأعلى، اضطر المهندسين لان يزودوا الطوابق العليا  بالأكسجين.
    خدر: لكن القنا ده بتحمل الهرم ده؟
    جمال: الهرم أساسه أعمدة كثيرة من الدهب و الالماظ محفور لها في النيل. كل مترين من القنا مربوطات باقطاب مغناطيسية قوية التماسك مرنة الحركة وضعت في تجاويف القنا. اما التوضيب الداخلي للشقق و الغرف فروحاني جدا و سوداني جدا جدا يختلف عن ناطحات سحاب شارع النيل.  
    خدر: الله يخدر ضراعاتكم.
     جمال: هرم توتي ح يكون ذكرى من جيل الزمن المائي و مجد خالد من ثورة الشباب للأجيال القادمة، صدقة جمالية جارية كماء النيل الجاري من تحته.
     خرج جمال من مجلس خدر و عاد ليجالس عادل وكامل وجلال على شاطيء الاعتصام وهم يتجاذبون الاماني العذبة.
    كانت نقلة حمال من عالم خدر المقدم الى عالم كانها رحلة مكوكية من السماء الى الارص او من زمن آخر. هو و عادل وحدهما القادران على التسرب و الانفلات من هذا الواقع المنكفيء على نفسه.
    وصل جمال جمهورية اعلى النفق و جلس خلسة على قضيب السكة حديد. واضح ان عادل هبط قبله للواقع بدليل كلامه عن السياسيين.
    عادل: بالمناسبة الترابيون أول ما سطوا على كراسي السلطة كونوا حكومة تمكين بقانون البقاء للاقوى بدت بفرق تسد، قتل الأسود السود و سياسة إضرب العب بالعب، لكنهم لم يتمكنوا من اقتلاع السودانوية من جذورها.
    كامل: سادون و ماسون داسوا سوادنا بسياسة يموت السودان ويبقى السوء دان.
     عادل: دوسان كتم الانفاس و اغتصاب بالخازوق، و اضرب لتقتل و القصاص بالرصاص على حد قول الرقاص. 
    كامل: الحمدلله انتهى القرن الترابي بطوفان شباب الزمن المائي.
      جلال: اجمل ما في حكومة الشباب انها رسمت ظلال من شاكلة حكومة ضل الشفاتة و حكومة ظل الكنداكات  والمنبرشات و حكومة ظل المهنيين و حكومة ظل اهل الدائرة الروحية.
    جمال: الحقيقة كل مطالب الثوار شرعية انسانية، حرية و سلام و عدالة، لازمهم أساس متين لدولة مؤسسات حقيقية وأنظمة جديدة تتنقح بين الدقيقة و الساعة و اليوم.
     عادل: انصتوا واسمعوا وعوا، في هذه اللحظات بعد وقت ليس بالبعيد يتم تهيئة الدول الإفريقية وموانئ  البحر الأحمر والأبيض والمحيط الهندي  لاستقبال وفود الدول الاسكندنافية من النرويج والسويد وهولندا وغيرهم من الناجين من سيول المتجمد الشمالي.  
    جلال: تف على الغبي ترمبيت، كان نافخ نفيره لاعادة استعمار افريقيا كحل اناني لشعب اليانكي. بس نحن انسب لينا توزيع الدول الأوروبية على دول أفريقيا لان سكان كندا والولايات المتحدة أقرب ليهم أمريكا اللاتينية و الاسيويون أقرب لأستراليا.
    كامل: غايتو هنا حيكون الإستقبال حار وممطر و دافي  بكل أنواع البكاء السوداني الحنين.  طبعا دي فرصة الواحد يعرس  ليه كنداكة سويدية و لا هولندية من غير شنطة و لا شيلة. 
    عادل: ها ها هاي، كل عوانس الشباب والشابات الراكبهم جن اللحم الابيض المتوسط  ح ينزلوا في دقة زار الخواجة أبو كسكتة. 
    جلال: ها ها هاي و حتى منبرطات السودان ح يلقن نصيبهن من اولاد البيضان و تنحل عقدة اللون الابيض في افريقيا للأبد، يلا كلو يبقى اسمراني.
    يغني سوداني اسمراني داؤودي وصلوي.
     جمال: بتخيل لي دي أول مرة تفرح فيها روح ابونا آدم وامنا حواء و تنجلي احزانهما على هابيل واخوانه الذين تقاتلوا من بعده خصوصا ابناء العم سام و العم حام و اخوهم العم نام الضايع في السودان.
      كامل: يا سلام الخرطوم حيتم إعدادها بدقة ونظام على مدار السنوات السابقة لهجرة البيض  لأرض السود، احتمال ده يفسر سر التقاء النيل الأزرق بالأبيض و أرض الميعاد الحقيقية زي ما قالوا اليهود، في النهاية العالم ده كلو ح يتلم عندنا.
     جمال: ما تنسوا!  قبل نهايات القرن المائي ح يبدأ الاعداد لحكومة الفن الجمالية بهبوب رياح القرن الهوائي حيث يبدو السودان  كعالم فاضل من عوالم افلاطون الحالم، او فردوس مفقود.
    عادل: كلامك ده يبدو وهم و خيال لا يتحقق في فضاءات الواقع اللسة مكندك بالتراب ده،  لكنه في الحقيقة مخطط متسق التشكيل، سهل التكوين، جميل الملامح و الهيئة. 
    جمال: طبعا، و نقطة بداية تشكيل الحكومة ح تكون عقد اجتماعي جديد يحضره كل افراد و مجتمعات السودان الاصليين والمهاجرين.
    جلال: و يقود التغيير أطفال السودان كلهم، حتى الاجنة في بطون أمهاتهم ح يكونوا حضور لصياغة دستور الانسانية المستنبط من ناموس الكون.
     عادل: قادر اتخيل اجتماع يستمر اربعين دقيقة و عشرة ثواني ونصف تنتظم فيه انفاس الناس عبر شاشاتهم الدماغية  المفتوحة على ارواحهم وأجهزة اتصالهم التخاطرية.
      جمال: وانا شايف بي إضني ديل طفل معجزة قرنه يدعو الناس كلها برسالة اثيرية في ساعة متأخرة من الليل و معه اربعة اطفال نابغين  لعقد العقد والاتفاق على الاتفاق بعدها يلخصوا الدستور كله في كلمة واحدة هي الجمال،  اعلى قيمة تنقلك من الانسانية للكونية.
    جلال: انا شايف رؤية كالقرافية متخيلها من نقطة حرف الجيم في كلمة الجمال.  يسيل حبر النقطة لأسفل و يرسم خط راسي مستقيم يشكل سيف العدالة و على المقبض خط أفقي عريض منقوش على حديه كلمتا السلام و الحرية.
    كامل: دي ح تكون نقلة من الانسانية للكونية بعد إجازة الدستور السوداني الانساني في اكبر مهرجان كوني تجتمع فيه قبيلة الانسانية، ح تكون  اساليب الحياة كلها ابداعية والمعلومة تنقل بالدراما واللوحة والقصة واللحن.
    عادل: شايف شوارع العاصمة متمددة في أفريقيا زي اوردة القلب، شارع النيل رابط اتحاد دول حوض النيل الكنفدرالي و النيل زي سيف مجوهر بالنجوم لكن بي نظام. من بحر المتوسط نهر النيل متوسط طريقين متوازيين شرق و غرب من مصر العليا عبر الصعيد واقليم النوبة مرورا بالخرطوم الى ان يتوزع بين افرعه السبع في الابيض و الازرق. 
     جمال: طريق الجمهورية رابط البحر الأحمر بجبل مرة و بقى من اطول الطرق العرضية الواصلة بين شرق و غرب أفريقيا. 
    جلال: ما رايك في شارع الحرية مطلب الثوار الاول؟ ده ح يكون من أجمل و ابرك و أنظف شوارع السودان يميزه تمثال الحرية السوداني المنحوت من الذهب الخالص لكنداكة رافعة كفيها تحضن الشرق الداني والغرب القاصي.
    كامل: ح نعمل أكبر مهرجان كوني في مثلث اقتران النيل الأزرق بالأبيض ونعزم الجن الكلكي والريح الاحمر وشمهروش مع وصول آخر فلول أوروبا المغمورة بموية المتجمد الشمالي. مطارات الخرطوم الكثيرة تزدحم بلطف،  زحمة معاها رحمة السودانيين وحفاوة استقبالهم للضيوف.
                  

07-11-2021, 06:41 PM

الشيخ سيد أحمد
<aالشيخ سيد أحمد
تاريخ التسجيل: 07-14-2008
مجموع المشاركات: 3415

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    يا سلام يا عاصم.
    شكرآ على هذا الجمال.
    تسلم.
                  

07-11-2021, 07:08 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: الشيخ سيد أحمد)

    سلام ايها الشيخ الجليل و شكرا جزيلا على جميل لطفك و المجاملة.
    ودي و إحترامي
                  

07-11-2021, 07:40 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    *كولومبيا السودانية*
    *عاصم الطيب قرشي*

    في نهايات الزمن الترابي كانت حبال الإعتصام بالحرية والسلام و العدالة تتمدد طويلا لتربط العسكر بجامعة الخرطوم، ساحات التمدد تعج بالتجمعات المهنية بدءا بالاطباء و المهندسين، مرورا بإتحاد العاطلين، تجمع المفلسين، رابطة العتالة، إتحاد السواقين، جمعية ستات الشاي، إنتهاءا بأصحاب الطبالي السياسية من الطبالين و البطالين و العياذ بالله. بالقرب من مركز التدريب المهني في الطريق المؤدي لداخليات البركس كانت العيادة و ركن الثقافة و الفنون. شارع النيل الازرق بدا على غير زرقته، أحمر اللون تسكنه رائحة الدم المسفوك سابقا و لاحقا.
    أما أسفل كبري الحديد الموغل في أدغال مقاطعة كولمبيا السودانية فقد دار الثلث الأخير على سمر ثوري من نوع خاص.
    عادل: البارح صلاة الجمعة كانت قيامة رابطة وصلاة التراويح و القيام قيامة تانية! معقولة ديل شبابنا!
    جمال: يا زول إنت ما شفت ثقافة عندك أدفع ما عندك شيل، الوجبات المجان و الشاي بي جاي؟
    يغني جمال بالجيتار "الشاي بي جاي الشاي بي جاي، شاي ما عادي، شاي كوفتي كمان، بي موية صحة، معاو كيكة".
    يتوقف جمال عن الغناء و يواصل الحديث: هي الصدقة مش معناها تصديق نوايا الخير؟ يا اخواننا الزول لما يموت أول شي بيشوف صدقو و صدقاتو و يقول رب لولا أخرتني إلى أجل قريب فأتصدق. لاحظ أتصدق مش أصلي ولا أصوم! ده معناها تثبت إنسانيتك أولا مع خلق.
    جلال: يا جماعة الشباب ديل طلع دينهم أقوى و أكتر و أرجل و أجمل من دين أبو أهلهم.
    كامل: و الله الداير يشوف السمح بشوفو و الداير الشين بلقاهو. ما في بيت فيه مطبخ من غير أدبخانة ولا صالون إستقبال من غير غرف نوم ولا حديقة من غير مزبلة. مرات كتيرة الأدبخانة بتكون أهم من المطبخ و الجزمة أجمل من الطاقية و العمة. ياخي يكفي إنو الشماسة و فاقدين الإنتماء لقوا ليهم حضن ثوري و ضل وطني.
    جمال: فعلا نحن لازمنا قبول بعض، و بالمفارقات دي كمان، بس برضو ننظمها بقانون السر في محل السر و الجهر في محل الجهر.
    جلال: أيوااا.... كدة ممكن نعلم علماء السلطان دين عملي يحمي الباطن قبل الظاهر و ينصر الحقيقة الكاملة بدل واجهة الجلابية بيضة مكوية و السروال تملة مخفية.
    إستأذن عادل و جمال متعللين بالتعب، بعد أن عرضا عرض أكتافهما مباشرة أخرج جلال و كامل قارورة السائل المزيل للكآبة و وضعاها على تربيزة صغيرة أجادت بت الصول توليفها من بقايا أربعة ترابيز بلاستيكية مكسرة. إنتصف الليل و ثمل كامل تماما فصار يضرب التربيزة بعنف و كل مرة يصرخ: أنا عب؟ نحن عبيد منو يا جلال؟ ضرب التربيزة حتى تهشمت ثم غني وهو يبكي حين تداعت له قصة خطوبته من زميلته التي إنتهت إلى طرد و إهانة: "ما بندي بتنا لي عب".
    يا ماسون ما دي الحقيقة...تررم تم تم
    رغم إنك ما بتطيقا....تم تم تم
    جلال: عاارفك بتحاسب نفسك كتيير وكت تسكر، بس الليلة شكلك بتحاسب زول تاني يا كامل.
    كامل: أنا عايز أحاسب الناس ال بيقولوا الزرق عبيد، الناس دي كلها تسقط بس، تسقط سقط ينقلب تلج نكسر بيهو عرقينا و جننا الراكبنا تلاتين سنة و ما داير ينزل مننا ده.
    جلال: ههههه عايز تبقى كسار تلج؟ تعيش إنت و يموت غيرك ويبقى الباقي من خيرك معاييرك نياشينك دبابيرك تكتل في عصافيرك.
    كامل: كضبا كاضب يا جلال ما بيقدروا علينا نحن الغبش ديل، خلاص عبرنا حاجز الموت و الخوف.
    كامل يغني: نعمل إيه تم تم تم....
    نعمل إيييه ما الباقي باقي
    و أصلو الدنيا كلها وهم....
    ..... لا دي برضك ما بتقدر عليها يا ماسون لانو الدنيا دي ح يورثوها أهلي المساكين ديل و إتحداك يا ماسون.... . علي الطلاق بي سكرتي دي...يبكي.. بي سكرتي دي أنا ماسك في الحبيب، يلا...... كلنا عبيد الحي، و ده كمان قايل نفسو براهو عبدالحي و لا شايفني عبد الميت و لا شايفنا كفار؟ نحن المستضعفين ال الله قال داير يمن عليهم آخر الزمن، غايتو أنا واحد منهم عب و ود حرام كمان و من ما قمت مفلس و كج لكني سوداني سيد بلد و وطني أكتر منكم يا حرامية، إنتو الحرام ذاتو.
    يبكي كامل بحرقة و يستغفر.
    جلال: ما قلنا ليك زمان جرب الناري ده يا كامل عشان يطلق نارية في جسمك يخلي عمك إبليس ذاتو يطلب الدفو منك. حب أحمر يخش عليك بالريح الأحمر راكب موجة نور أحمر و يلبد ليك وراء ستارة حمراء لمن لمبتك الحمراء تولع.
    كامل: تعرف يا وليد دارفور، المغرور الكضاب ده، نيات الحلال كلها كان بيفسيها و الحرام يخش فيها، قابضنا تلاتين سنة بالسفلي و غسيل أموال شابكنا دين و هو الجن الأحمر...... عشان كدة يا أبو الليس هيء.... بسم الله الرحمن الرحيم. يا ميسو أنا الحب الفيني ده رحمة زرقاء زرقة الموية والنيل والسماء. أنا حبي لي بلدي مائي مش هوائي يطفيك قبل ما تولع. ما شايفني بثبتك طوالي لمن تمسك نار. .... خلاص يا تشكيلي دفقت لونك الاحمر كلو وجاي تقالعنا في زرقتنا؟ إنت قائل الدم الدفقوه ده بيرجع تاني و لا بروح ساي و لا ببقى موية؟ لا يا أخوي!
    قوم على المظاهرة الجاية علينا دي:

    " الدم قصاد الدم ما بنقبل الدية".
    يسمع صوت راب و ماو يغني:
    دفعوا لك كم
    عشان تقلبا دم.
    جلال: قلت لي أخوك؟ أخوك منو أيها الماسون الأعظم؟
    كامل بشهقة: أعظم دي شيلها برة من فضلك ولا أقول ليك خليك، ما هي في النهاية دي شوفتك. بس أنا الأعظم عندي بالمنطق واحد و الباقي كلو يسقط بس.
    جلال: أنت لسة مستعبد يا كيمو.
    كامل: آي، أنا عبدالله الإرهابي، هئ.
    كانت تلك آخر أربعة كلمات و شهقة لكامل في تلك الليلة، إنكفأ بعدها على وجهه و نام جالسا، إلتحق به جلال بعد دقيقة و ثانيتين تقريبا.
                  

07-11-2021, 07:57 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    *الشعب المقلوب*
      عاصم الطيب قرشي

    عادل: يا شباب سمعتوا ولا قريتو تقرير السفيرة البريطانية عن التعليم العالي في السودان؟
    كامل : شفنا و سمعنا و قرينا، كتلونا و جايين يمشوا في جنازتنا.
     عادل: بس ح اقراه للفايدة العامة، قالت الأذكياء بيدرسوا طب و هندسة.
    قاطعه كامل: و الأقل ذكاء إدارة أعمال و اقتصاد و يبقوا مدراء على الأذكياء خريجين الطب والهندسة.
     عادل: مظبوط، و ناس الدرجة الثالثة يبقوا سياسيين يجوا يحكموا ناس الدرجة الأولى و الثانية.
    جلال: ها ها ها وناس الدرجة الرابعة يبقوا ضباط جيش و شرطة يتحكموا في  السياسيين.
    جمال: المدهش جد انو الما دخلوا مدارس يبقوا تجار دين و سماسرة دنيا و ديل المتسيطرين علي البلد كلها.
    كامل:غايتو نحن الفنانين و المجانين أسياد البلد و الدرجة الأولى بحق و حقيقة رغم اننا ما مضمنين في اللستة دي،  لكننا قادرين بقدرة قادر نحول الواقع السوداني ده بي جننا و فننا لي جنة فنانة او فن مجنون.
     جلال: طبعا الفنانين لما يجتمعوا مع المجانين. 
    يقاطعه عادل: او ينطرحوا بالرصاص.
    جلال: او ينضربوا بالبمبان والعصي. 
    جمال: او يتقاسموا نبقة الفقراء.
    كامل: يا جماعة ممكن اكمل كلامي قبال الفكرة تروح؟  البيحصل في كل العمليات الرياضية والحسابية دي جمع و طرح و قسمة و ضرب نحن قاعدين نتقبله بروح رياضية. جمعونا و طرحونا وضربونا وقسمونا لكن حبنا لي بعض خلي شمهروش ذاتو يتربع وسطنا مؤدب ونحن متربعين على عرشه، ما تجيبي لينا قزازة جن يا خالتو الشول.
    الشول: هوي يا جنا، جن خالتك الشول ده ما بتقدر عليه يا ود أختي، ده مخلوت بالريح الأحمر. 
    جلال: يا سلام يا خالتو على ريحك الاحمر والوانك النارية. انت سمعت ايمن ابو شعر قال شنو؟
    علمني لون الجرح النازف ان الاحمر اشرف من كل الالوان.
    الشول: يطرشني يا ولدي لا سمعت ايمن ولا ايسر لكن بديكم حسب قروشكم.  المستورد داير دولار والدولار عند السلطان والسلطان عايز عروس ترقص بس.
    كامل: الله عليك يا خالتو ومنكم نستفيد، ما قلت ليكم يا جماعة جننا لما يلاقي فننا يا جاب فن مجنون او جن فنان.
    جلال: في الواقع السلطان هو الكان بيرقص و العروي تقرص. عموما ما في مشكلة يا خالتو، الليلة الحساب علي، بعت لوحات معرضي كلها و القروش ح نقضي عليها الليلة قبل ان يقضوا علينا في الصباح برصاصهم وبمبانهم.
    الشول: عايزين شنو يعني؟
    جلال: اي حاجة حمرة، ويسكي، دستويفسكي، شايكوفسكي، كونياك ولا نيكولاي شاوسيسكي.
    الشول: ده كله؟ الله يجازي محنك يا الممسوخ.
    عادل: ممكن اشير معاكم ثورتكم الحمراء ولا ليلتكم السوداء دي بي زيادة رأي قبل ما تجيكم زيادة الشول؟
    كمال وجلال بصوت واحد: جدا. 
    التفت عادل ناحية جمال الذي كان صامتا فأشار لعادل بالموافقة: تفضل وادلي بدلوك يا استاذ.
    عادل: لي متين الكلام ده وحدو وين؟ كل يوم تشتروا السم ده وتحرقوا قروشكم وقروش الثوار! قضيتنا دي ما بحلها المسيح ولا الدجال ولا المهدي المنتظر. انا بقترح من الليلة خم رماد نهائي و وداع لغياب طال نبدله بي حضور و قرار واحد شجاع نقوله سوا: لا.
    جلال: مدنيااااو
    كامل: شنو يا عادل!  انت ما سكرت زمان وانسطلت لمن كنا طلبة، الجد شنو هسة ولا عشان الكيزان ديل شغلوك محاضر عايز تبقى لينا ألفة.
    عادل: ده كلو عملته، فترة انتهت بي مناعة قوية. و الله لو شفتني شايل كأس عرقي ولا سيجارة اعرف انها لحظة ضعف و فراغ روحي. بالجد نحن كبرنا ولسة عايزبن نكبر عشان نقدر نعمل حاجات اكبر.
    جلال: الحاجة دي ما بالسهولة دي يا استاذ عادل. مثلا انا بسكر من زمن المريسة في حلتنا كانت فطور المدرسة مرورا بجغيمات العرقي البفضلوها ناس أبوي و خالي. يعني الكلام ده عايز حكومة انتقالية،  ولا مش انت الكنت بتحدثنا عن الصبر كأحد أركان العمل الفني والحاسمة في الاتقان؟
    عادل: صحيح انا قلت كده يا جلال، لكني برضو اتكلمت عن العزم كقوة دافعة للإرادة، لو متذكر محاضرة قيم الفنان في علم الأخلاق.
    كامل: يا عادل المشكلة انك مريت بالمرحلة دي واتجاوزتها لكن نحن لسة ما اتجاوزناها، ياخ  قول الله ما تاب علينا. يا اخي وما تشاؤون الا ان يشاء الله. 
    جلال: دخلتوا لينا فيها قرءان وانجيل وعلم أخلاق!  يا جماعة نحن في انداية، ده لا جامع ولا كنيسة ولا حتى أكاديمية فنون فلكل مقام مقال.
    عادل لجمال: انت ساكت مالك يا جمال ما تقول حاجة.
    جمال: والله كل واحد رأيه صحيح نسبيا او بالنسبة ليه، لكن في النهاية لا يصح إلا الصحيح ولا يحق الا الحق.  سمعت كامل يدافع عن سكره تذكرت قصة الشيخ الجابوا ليه مدمن خمرة عشان يعالجه بعد أسبوع أهله جو يشوفوه لقوا الشيخ جايب ليه نص عرقي.  سألوا الشيخ  مستنكرين، رد عليهم "خلوه يكمل حوضه". فيما يختص برأيك يا استاذ عادل في دورنا كثوار فهو يصب عندي في مبدأ "كن التغيير الذي تريده"، بعدين يا جلال انت بالذات لازم تكون قدوة.
    جلال: يا زول دي مسائل شخصية، انا اسكر ولا اسطل ده قرار شخصي.
    جمال: يا زول لو انت ثورجي فعلا مفروض تكون موضوعي و واقعي. الحصة وطن و المرحلة  محتاجة لي وعي و تركيز عالي، غير كدة أبريل تاني ح تضيع مننا. 
    جلال: حرياااو.
                  

07-11-2021, 08:23 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

      *الحكومة الانتقالية*
    عاصم الطيب قرشي

    في الثلث الأخير من ليلة القدر إجتمعت أرواح خدر مقدم النوبة، المقدم طبيب خضر، فكي صالح سيد المسيد و شاعر المشاعر عادل، هؤلاء هم سدنة السلام و العدالة و الحرية باعتبارها أسماء و صفات لله تتنزل بها إرادة الخير.
    خدر المقدم: يا جنابو خضر مجلسكم العسكري ده جاتو حمى كنكوشية ، ركبهم جن السلطة و قال ما بينزل إلا حمار الوادي يهنق. 
     المقدم خضر: ها ها ها نحن ذاتنا عايزين ننحل من المسؤولية دي و نشكل حكومة مدنيين وطنيين، بس البلد ملتهبة سياسيا و عسكريا، أبلد طبيب ما بيعمل عملية في الحالة الالتهابية دي.
    خدر المقدم : لكن ما طولتوها والفار لعب في عبنا، أصلا الحكومة الإنتقالية إسعافية، يعني حكومة حلول معيشة و إدارة أزمات و ما تزيد من تلاتة  شهور بس، تتجدد لي تلاتة شهور تانية أو تتغير حسب نجاحها و فشلها في التغيير الإيجابي.
    فكي صالح: مواصلة لي كلامكم ده، أمس رأيت لي رؤية عجيبة خلاس، حلمت بي إسعاف يتلون زي الحربوية لكن حركتو بطيئة زي أبو القدح وقف جنب مستشفى الخرتوم. نزل منو سواق مصري و ممرض لابس ليهو عقال دخلوا المكسرين في معركة ذات الكراسي و طلعوا ولدين وبتين تحت الأربعين سنة و راجل و مرتين فوق الستين. مرقوا من غرفة الإنعاش و كل واحد منهم شايل ليه لوح.
    خدر المقدم: إنشاءالله خير يا شيخ صالح،  لكن عشان الخير يعم و الشر يخص لازم ناس قانون الشر يعم و الخير يخص يتغيرو خالص لأنو ما مناسب لمطالب الثورة و العدالة. بعدين يا اخوانا ما في داعي للكذب و الدسديس، الناس مغبونة عايزة تحاسب السرقوا أرواح اولادم، عايزين قرارات سريعة لجمع السلاح من المليشيات و قلع شجرة الموت الزرعتها حكومات الضلام و كتايب الضل.
    المقدم خضر: المدنيين برضهم ما واضحين، مفروض يكونوا جاهزين بي تصورات و خطط مكتوبة توضح رؤيتهم  للتغيير. عمبلوقكم قال ما أدوه خطط، طيب هو دورو شنو؟ و الجابو منو؟ نحن عايزين خطط إسعافية و مستقبلبة للتنمية البشرية و الإقتصادية، عايزين حلول سريعة للمعيشة، عايزين المجتمع يعرف هويتو و معنى الدستور و حقوقو و واجباتو و حدود حرياتو. 
    عادل: أنا أفتكر إنو دور المتعلمين الوطنيين المستقلين في المرحلة دي مهم لي بث الوعي من خلال العمل العام و عبر الإعلام. أما دورنا كفنانين إننا نصمم وعي جاذب و نرصد و نوثق الأفكار السمحة.
    المقدم خضر: بالنسبة لي رؤيتك يا شيخ صالح تفسيرها عندي تشكيل مجلس عسكري و مجلس مدني جداد لنج يخلفوا المجلس العسكري الحالي. العسكر يجيبوا ممثلنهم من الجيش و من الشرطة. الرتب الوسيطة هم الأنسب للإدارة في المرحلة دي،  مقدمين و رواد و نقباء غير ملوثين سياسيا أو لسة الجبن ما دخل قلوبهم زي ما دخل على الألوية و الفرق.
    عادل: و الله يكون أنسب لينا في المرحلة دي لو المجموعة العسكرية كلها تكون فنيين إقتصاد و هندسة و زراعة و طب. كذلك التخصصات المدنية لازم تشمل الصحة والتعليم و الإقتصاد الزراعي الصناعي، و القانونيين يساعدونا في تصميم الدستور.
    المقدم خضر: الشرطة مهمة جدا للأمن الداخلي و البحث الجنائي بعد غربلتهم من اللصوص و قطاع الطرق، أما الأمن الخارجي و الإستخبارات العسكرية والدفاع عن الوطن فمحلهم حراسة الحدود.
    الشيخ:  الأمن و اجب و نظرية المؤامرة واردة و حرب المويه و القرصنة العالمية قرعت طبولها، لذلك لازم نعمل كلنا على حماية البلد من أعداء الخارج و الداخل و كلنا أمن دولة.
    عادل: أيوة، بعد ده كل الشعب يتعلم يبقى أمن دولة و السياسيين المنتظرين التشريف بي مناصب من غير برامج تكليفية مهنية مرفوضين تماما.
    خدر: ينصر دينك يا عادل، الوقت للعمل من الكمبو الحلة و الحي و المدينة و الدولة ما محتاجة لي أكثر من منصبين دستوريين في المرحلة دي عشان ما تتورم و تتسرطن زي الإنقاذ، كفانا ورم الجنيه و سرطنة مجلس شركاء الدم و الوزراء.
    المقدم خضر: تمام، بالمنطق ده وزارة للشؤون الداخلية و وزارة للشؤون الخارجية و بقية الوزارات كلها تبقى مكاتب و إدارات فرعية. الداخلية عليها حفظ الأمن والسلام الداخلي من خلال تأمين حقوق المواطن و إدارة الإنتاج والخدمات و توزيع الثروة والإقتصاد.
     شيخ صالح: أبدو بي خطط سريعة لإنجاح الموسم الزراعي القدامنا ده و رجعوا ترتيب مصارف الزكاة زي ما فرضت على مستحقيها.
    عادل: و الخارجية عليها بالشؤون الدبلوماسية والعلاقات الدولية.
    خدر: بس عشان خاطر العدالة و المساواة تثبتوا حسن النية بين الزرقة و العرب مهما خفي، يعني وزير من الزرقان و التاني من العربان.
    الشيخ الصالح: عدالة.

    .
                  

07-11-2021, 08:07 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 7311

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    الذى يعصمنا من القبح
    موئل الجمال العاصم

    سعدنا والله
    بك وانت تجملنا

    وتمنحنا سببا في غاية الوجاهة لنحيا

    اسعدك الخالق

    قول آمين
                  

07-11-2021, 08:29 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: أبوذر بابكر)

    سلام يا أبا ذر
    سعدت جدا بمروركم الأنيق.
    انتظرت كثيرا قبل ان اقدم على خطوة نشر وثائقيات الثورة و أخشى الموت قبل أن اؤدي الأمانات الى أهلها.
    تحياتي و احترامي
                  

07-11-2021, 08:50 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    *من غير سياسة و سوسة*
    عاصم الطيب قرشي

    جمال: سؤال يا شباب، السياسة بتعني ليكم شنو؟ و متين السودان عرف السياسة بمعناها الحديث و ما هي إنجازات السياسي في السودان؟ وهل نحن محتاجين لسياسي يقودنا؟
    جلال: السياسة أساسها ساس يسوس، السايس يسوس خيلو، حسب فهمي إنها اساليب وفنون تنظيم علاقة الحاكم بالمحكوم، الآن هي علم يدرس و يبحث في علاقات السلطة بالمجتمع، لكن بالنسبة لي أميز كلمة فيها هي الدبلوماسية، بعتبرها نوع مغلف من أنواع اللف و الدوران حول الحقيقة البينة. إحتمال السياسي السوداني الحقيقي يكون حتى الان ما لقى ليه فرصة يختبر فيها حنكته مع الأنظمة الشمولية و سيطرة العسكر أكثر من خمسين سنة سارقين السلطة ومنقلبين على شعبهم.
    كامل: غايتو انا الكلام الكبار ده ما بعرفو لكن جدي قبال يموت قال لي يا ولدي السياسة لعبة قذرة اوعك تقرب منها لانو السياسي لازم يكون عندو درجة من الخبث عشان يقدر يتخيل خبث الآخرين و انت يا ولدي قلبك ابيض.
    جمال: السياسي يكذب و يكيد و ينافق و يمكر و يحول ذكاءه لدهاء و مكر وعايز شخصيتو قوية و طاغية على الآخرين. بعدين الجاب العسكر منو يا جلال مش تآمر السياسيين على الشعب!  مرة اليسار متآمر علينا و مرات اليمين مؤتمر ضدنا.
    عادل: الغريبة كلهم دخلوا علينا بالشمال من الشمال! جيش الاستعمار تقدم بالشمال من الشمال و جيوش السياسة برضو دخلوا علينا من الشمال. ملعون أبو النخب السياسية الانتهازية. دايما متسلطين متسلقين مستغلين و مستلقين على أكتاف المسحوقين المستعبدين. المجد لبسطاء السودانيين الذين لم تكبر أحلامهم على أن يكونوا أحرار و مستقلين.
    جلال: يا جماعة، من الليلة، العايز يكون رئيسنا لازم ينحني لينا و يخدمنا مش يكسر ضهر ألما بينحني ليه و الما عاجبو يشرب موية النيل و يمز بي سمكو.
    عادل: هاها هااي، السمك سكر بي ويسكي قوانين سبتمبر الدفقوه في النيل و التماسيح أكلوه و طلعوا برة اكلونا نحن ذاتنا. إنتو عارفين إنو سياسيين عصر النهضة في أوروبا قلعوا السلطة من الكنيسة لما غشت بي إسم الدين و حققوا عدالة خلتهم حتى الآن نموذج لي بقية الشعوب المتصالحة.
    كامل: ة نحن يا دوب وصلنا عصور اوروبا المظلمة و طبقية النبلاء و سيادة البلهاء، يعني مشوارنا ح يكون طويل جدا لو مشينا ورا نموذج اوروبا ده.
    جمال: انا غايتو مع الفن و الإبداع لقيادة السودان، على الأقل واقعنا ده يتجمل حبة.
    جلال: معاك يا زول، نيران العالم دي كلها ما في زول ولعها غير السياسيين يا جمال كل يوم طالعين فوق قفا العسكر و يطقعو بالرصاص لحدي ما العساكر ذاتهم دخلتهم السوسة و الوسوسة و بقوا يكتلوا في شعبهم بدل العدو.
    عادل: "طيرة تأكل في جناها و حيطة تتمطى و تفلع في قفا الزول البناها" على حد قول ولي الله و حبيب الوطن محمد الحسن حميد، نرجع لي كيف نوظف العمل الثقافي كبديل للسياسة؟
    جمال: يا استاذ عادل السياسي في السودان حتى الآن ما خرج من دور المستأسد المستبد بشعبه و مستند عليه في نفس الوقت، دبلوماسية وما ادراك ما حصانة دبلويوسية خلتهم يتعالوا على المجتمع و القانون، كلهم إنتهازية حرامية اولاد ستين كلب.
    جلال: يا جمال يا اخوي ما تجمع ساي، أنا سياسي و شخصيا ضد العسكري البيقتل شعبو و قاعد مغزوز في وسط المجتمع المدني محتل أجمل المواقع المدنية بدل ما يكون حامي حدودنا، نحن بقينا دروع بشرية للعسكر. بس سؤالي لسة قائم، أنت عايز تحكم السودان كيف بدون سياسة و عساكر؟
    كامل: ههههه غايتو لو اقنعت جلال يا جمال كانك اقنعتني، ح اساندك بداية من نضافة شوارع الحلة و اغني ليك في مسرح الحلة و حدي معاك حلة العشاء.
    جمال: براك قلتها يا كامل، بالثقافة و الفنون و كيمياء الحب نحن قادرين نتلملم و نستثمر  تنوعنا إجتماعيا و إقتصاديا، قادرين ندير إختلافنا بي حب و نقدم مجتمعنا لي بعض و للعالم في أجمل شكل سياحي، نحن قادرين نحول الخطب الجوفاء و الوعود الكاذبة و الشتم و النميمة إلى أغنيات أطفال و رسوم و قصص.
    عادل: كلامك منطقي يا جمال، والله كل الأزمات دي نحن ممكن نحلها بالكلام الطيب و ننشر ثقافة السلام بالشعر والموسيقى و المسرح.
    جمال: تخيلوا معاي ديمقراطية إجماع توافقية، كلو بيت حكومة تجتمع كل جمعة في صينية الغداء. حكومة البيت تتلاقى في برلمان الشارع بعد صلاة المغرب يوم الجمعة، برلمانات الشوارع تكون برلمان القرية يتلاقوا يوم السبت الصباح و يجتمعوا في برلمان المدينة في المساء يتبادلوا الحب قبل القرارات.
    كامل: فكرة مناسبة جدا، كده نكون حلينا مشكلة السلطة التشريعية.
    عادل: و السلطة التنفيذية تتحل بي بيوت خبرة طوعية ما تحوجنا لي وزير و لا مدير.
    جلال: المشكلة الاكبر هي جنرالات الحرب، هل نحن محتاجين لي عتاد عسكري بالشكل التقليدي ده؟ هل حرب الجيل الرابع البقت بيولوجية فيروسية و بكتيرية و اقتصادية محتاجة لي بندقية؟ و ليه نحن بنصرف في الموت أكتر من الحياة؟

    جمال: اسمعوا يا جماعة، مهام القائد الحقيقي كان عسكري و لا مدني كلها تكليفية و التشريف بالإنجاز، تشريع و تنفيذ. المهام دي ممكن يعملها المهني و المثقف و المفكر بي جدارة و من غير ما يحتاج لذرة من لعبة السياسة القذرة و لا لوجود العسكر في شارع النيل و المسرح القومي.
    عادل: بتفق معاك تماما، إضافة لذلك، المفكر و المبدع رهانهم على الصدق و الأخلاق، قمة الانحياز للواقع، عكس السياسة و العسكرية رهانهم على الكذب و الخداع، و زي ما قالوا السياسة لعبة قذرة و الحرب خدعة. المحصن بي إنسانيتو ما محتاج لي حصانة تجعلو فوق القانون او إمتيازات تميزو ماديا عن غيرو.
    جمال: طيب نحن ممكن نقدم مشروع دولة جمالية يقودها الفنانون و المثقفون، لكننا محتاجين لي دستور مبني على الإعتراف بالاخر، محتاجين لترويج ثقافة إنتاج و خدمات متوازنة من المدرسة و نحول مناهجها لي جرعات قصصية و درامية و أغنيات هادفة، نحن قادرين نوصل رسايلنا الإيجابية للشارع و السوق و الجامع و الكنيسة و النادي و الإنداية إنتهاءا بالبيت نواة المؤسسة الإجتماعية السودانية. قادرين نوجه الناس لي ثقافة قائمة على المسؤولية الفردية و الجماعية و أكتر من كدة نساهم في خلق زعامات تحترم الإنسان السوداني البسيط و تكرمو و تضمد جراحو و تقشقش دموعو.
    كامل: و الله كده ما خليت للسياسي أي أمل إنو يجي يقول خطبو و وعوده الكاذبة. بس لازم البلد كلها تتحول لي مؤسسات و منظمات مجتمع مدني تدير نفسها من غير معالي وزير و لا تعالي أمير و فريق و مشير، واضح إنو الأول قرصان و التاني سفاح.
    جلال: طيب عساكرنا ديل حلهم شنو؟ دايما عينهم في الفيل و يطعنوا في ضلو، يقتلونا بقواتنا المسلحة و ما زال ليل الظلم طفلا يحبو و الشعب في خدمة الشرطة، أقصد المدني في خدمة العسكري.
    كامل: ما في حل غير حل الجيش و تحويل المؤسسات السياسية والعسكرية لي قطاعات إنتاج و خدمة.
    فجأة دخل عليهم الشيخ الصالح و كأنه وقت دخوله و مداخلته لحسم الحوار بكلام روحاني: يا أولادي حرب آخر الزمن نفسية و روحية، زي ما اتفقتوا على شعار واحد "تسقط بس" رددتوها لمن بقت حقيقة، رددوا معاي صباح و مساء "فسيكفيكم الله و هو السميع العليم" مرة واحدة صباح و مساء ربنا يكفيكم شر السوسة و السياسة، رتلوا "كلما اوقدوا نارا للحرب اطفأها الله" في أي وقت ربنا يطفئ عنكم نار العسكر الولعوها، أي عسكري مسلح كتل مدني جبان و مجرم حرب، كاتلوا أعداءكم ب"فلم تقتلوهم و لكن الله قتلهم" أقنصوهم ب "و ما رميت إذ رميت و لكن الله رمى".
    همس جلال و اسر في خاطره: تاني الدين يا عمك! تلاتين سنة كذب و دجل مش كفاية؟
    كان الشيخ أكثر شفافية من خواطر جلال و همساته فرد جهرة بطريقة فاجأت جلال: براك قلتها يا ولدي الفات ده كوللو كان كذب و ما فيهو ذرة دين لأنو الدين صدق و روح و محبة و إنسانية، غير كده أي دين مرفوض.
                  

07-12-2021, 06:10 AM

خضر الطيب
<aخضر الطيب
تاريخ التسجيل: 06-24-2004
مجموع المشاركات: 9129

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    موسيقارنا الجميل عاصم الطيب القرشي
    يا عالمي
    و الكاتب انيق العبارة
    ليك التحية و التقدير
    اسعدتا صباحاتي
    و بقت صباحات شوقنا بي خيرن للمزيد
    بالمناسبة قبل تلاتة اسابيع بدر الدين الأمير جاب سيرتك بكل الحب
    Quote: خدر المقدم: يا جنابو خضر

    بعدين يا سعادتك دفعتي انا برتبة لواء و ما كانو اشطر مني
    يعني هسي انا مفروض مع (البركان) في سرج واحد برتبة (فريغ)
    و بعدي الفريق اصبح خلا
    واصل يا نقي الدواخل.... محبتي

                  

07-12-2021, 07:12 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: خضر الطيب)

    سلام يا جنابو خضر
    من الأعماق يا حبيبي يا غالي
    انت الآن مشير أول في سلاح الإشارة
    لمن يفهم الإشارة و يأتي بالبشارة.
    كن بخير أنت و البدر الأمير
                  

07-12-2021, 07:06 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)
                  

07-12-2021, 07:07 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)
                  

07-12-2021, 07:07 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    *دستور جديد*
    عاصم الطيب قرشي

    دخل كامل مسيد شيخ صالح فوجد معه خدر المقدم و المقدم خضر و عادل و جميلة، حيا الجميع بادب ثم جلس بالقرب من المقدم خدر.
    الشيخ : يا أولادي السودان ده سكنه جن الحرابة من زمن السيف والنار مرة يولعوها في الجنوب، و مرة في الشرق و مرات في دارفور، انيانيا ون و انيانيا تو و ثري وفور و زغاوة و نوبة، ناس تأكل لحم بعض لمن بقى الهم كله اكل ونيانيا.
    خضر: قطع شك الاستعمار أثرو فينا كبير لانو خلى لينا عقد كتيرة، لكن نحن ما فكرنا نحل ولا عقدة واحدة.
    عادل: الإستعمار ما زال متحكم فينا بواسطة ناس مننا،  و أطماع في ثرواتنا. آفي ديختر وزير الأمن الصهيوني الأسبق كشف في مجلة معرخون العسكرية إنهم بتآمروا علينا من زمن ديفيد بن قوريون وحتى الآن، بالسحر و البروتكولات و المكائد.

    الشيخ: لازم نوحد نوايانا الفي قلوبنا و نحمي أرواحنا من أعدائنا ب "كل ما اوقدوا  نارا للحرب اطفأها الله" يرتلها الشعب كله سبعة مرات كل يوم و النية طلقة واحدة تقوم ما في. و كان بقينا على حربهم "فلم تقتلوهم و لكن الله قتلهم وما رميت إذ رميت و لكن الله رمى" دي تنشين قناصة لو حددنا العدو بالإسم و الرسم.
    عادل: نحن احسن نبدأ بدستور البلد لأن الحكم بالدستور البريطاني معناه استمرار الاستعمار فينا من نخب الافندية الفاشلة و السادات.
     خضر: فعلا الدستور البريطاني كرس للمركزية والتهميش والتمييز بين القبايل، استغفلونا و استحمرونا بقانون المناطق المقفولة.
    كامل: هو الدستور ده شنو يا جماعة؟ قاصدين القانون؟
     عادل: باااس، ده ابو القوانين ذاتو،  عقد قران اجتماعي بنوده تحكم علاقة الفرد بالفرد والمجتمعات،  او المجتمعات فيما بينها. لكن اهم جانبين في الدستور هما حقوق وواجبات المواطن في حيز جغرافي و تاريخي يعرف بالدولة. الدستور بيحدد الهوية و الحريات و حدودها و يرسم علاقات المواطنة و علاقة السلطة بالمجتمع.
    خضر: إنت تصورك شنو لي تصميم الدستور يا عادل؟
    عادل: تصميم الدستور بيعتمد على نوع المجتمع و أنسب طريقة لي حكمو سواء ان كان ملكي او جمهوري او... ، بس في حالة السودان كدولة متعددة الأجناس والأعراف، الدستور مفروض يتصمم بطريقة تساهم في إدارة تنوعنا و إختلافنا. تانيا، لا بد من التأكيد على ضرورة السلام و العدالة و المساواة كمطالب ثورية شعبية و إنسانية في المقام الأول.
    كامل: سبحان الله، غير تعدد قبايلنا، نحن عندنا مجتمعات لسة عائشة على اللقيط، عندنا مجتمعات رعوية، مجتمعات زراعية، مجتمعات صناعية، مجتمعات تجارية. تخيلوا ناس لسة في غابة متعايشين مع حيوانات مفترسة، ناس عايشة في صحرا كبرى مسكونة بي جن الدهب، ناس متصالحين مع جن بحر احمر و ناس نيل أزرق و أبيض متحالفين مع جن الموية، و ناس في قمم جبال التاكا والإقسنا والأماتونج و جبل الطور أسطورة جبل مرة. يا جماعة ده تنوع عايز أولياء كمل أو علماء ورثة أنبياء عشان يقودوا دفة حكمو.  
    خضر: بتفق معاك يا عادل إنو الدستور مهم جدا في المرحلة دي، أضف الى ذلك، انو لازم يشير إن لم يفرد مساحة كافية و مفصلة لي نظم ولوائح إدارة الفرد النفسية و العقلية، إدارة المجتمع الآمن المعافى، إدارة الثروة والإقتصاد، إدارة التنوع والثقافة، إدارة الوقت والزمن و المكان، إدارة المعرفة و التعليم، إدارة البيئة و الصحة، إدارة الطاقة والحركة و الكهرباء، إدارة الأرض والإنتاج، ادارة الخدمة العسكرية و المدنية، إدارة الماء و الزراعة و الحيوية، إدارة الهواء و النقاء و الرفاهية.
    الشيخ: برضو لازم صغارنا و كبارنا يعرفوا تاريخ أجدادهم زي إنسان سنجة وحضارة الشهيناب والكوشيين و قبائل البانتو النيلية و البجة و كرمة و مروي و المقرة و علوة. يعرفوا كيف كانت ثقافة الفطرة الأولية و كيف تطورت لغاتنا من الايماء (التقليد والمحاكاة والرقص) إلى النطق بالأسماء (الشفاهة والكتابة)  (الديموطيقية و الهيروغليفية المروية).
     عادل: فيما يختص بالهوية السودانية مفروض عشان ما نبدأ من الصفر، نطالع كتابات إهتمت بالهوية زي د. بركات مقترح تغيير إسم السودان، نداء الباقر عفيف بهدم الراهن وبناء صرح جديد، نظرية فرانسيس دينق و التماهي او انصهار الزنج مع العرب،  سودانوية أحمد الطيب زين العابدين و مجموعة الغابة والصحراء الأدبية حتى نظرية سودان قرنق الجديد و سودان بكرة و دولة المواطنة.





                  

07-12-2021, 07:27 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    *حنبنيهو*
    عاصم الطيب قرشي

    الشيخ الصالح: ما قالوا حنبنيهو يا اولادي! منو الحيجي يصلح لينا بلدنا دي؟
    جمال: انا بي جيتاري ده بناغم الشباب حي على العمل، زكريا المؤذن كل يوم ينادي حي على الفلاح، انت بي عمارك و لوحك يا فكي ضالح تلهمنا العمار و تلوح لينا بالصلاح، جمعة الكناس بي مكنستو و دكتور علي يطبطب على جراحنا و باش مهندس عنكبة بي عنكبتو دي زول عندو ارادة قوية و عايز يحول علمو لي عمل مفيد و يكسب بيهو عيش حلال. 
    عادل:و الله يا خال نحن لازم نبدأ بي أنفسنا كنواة لي حكومة مجتمع و مؤسسات مبنية على العلم و العمل و نسوق الناس للتنمية و الإنتاج و توزيع الثروة بعدالة.
    الشيخ: غايتو أهل الدائرة بيسندوا عمل الخير كلو، لكن لازم الحكومة تبدأ من البيت و القرية و المدينة. 
    عادل: وحكومة إتحادية و فدراليات و كنفدراليات كمان. 
     الشيخ: البلد ناقصاها مدارس مسهلة و مشافي مؤهلة و متاجر مشهلة.
     جمال: ح تكون عندنا حكومة في كل قرية بي مجلس شورتا، دار رياضتا و مركز ثقافتا ودور عبادتا ونشيدا الوطني كمان يا خال.
    عادل: ح يركزوا على التنمية بي خطط اسعافية و مستقبلية، إنتاج و خدمات،  زراعة و صناعة و تعليم و صحة، ماء صافي، غذاء كافي، دواء شافي، كساءوافي، إيواء دافي، كهرباء إضافي، و إنتماء ثقافي في وطن خرافي.
    جميلة: لكن لازم نعمل عقد قران جديد بين كل الأطراف،  هاك اقرأ مواثيق الكنداكات يا خال.
    الشيخ يقرأ:

    ميثاق الإنسانية: إحترام الإنسان السوداني و تكريمو وعدم إهانتو. 

    ميثاق الوحدة: الاتفاق و الالتفاف حول الوجدان السوداني الذي يتمدد في حدودنا الإقليمية و حتى العالمية، نموذج وحدة وادي النيل مثال لاتحاد المصالح و المجتمعات. 
     وثيقة التنوع:
    تطوير ثقافتنا و عرضها كرسالة إنسانية و كنشاط إقتصادي سياحي عبر المهرجانات. الجانب الإخر للتنوع هو الإختلاف، ممكن نديرو بي حكمة علمائنا وإبداع فنانينا و توجيهو لي قوتنا و سعادتنا في وحدتنا.

     ميثاق توزيع الثروة:
    ثروات السودان ما حكر على شرائح دون الاخرى والف لا لقانون *يموتوا تلتين ويعيش تلت* نعم لإعادة تقسيم أراضي البلد و زراعتها بساتين و محاصيل و مراعي وغابات.

    قسم القيادة الرشيدة:
    القيادة لازم يتولاها شباب راشد يحكم بالشورى مع كل المجتمع عبر آليات تستخدم فيها سبل إيصال الرأي المتاحة واحترام الرأي الآخر. قيادة السودان وإدارتو قيادة طوعية تعمل دون إمتيازات مادية وليس لهم حصانة ضد القانون. 
    ميثاق العدالة: يجب أن تحكمنا روح القانون و العدالة لي ضمان وسطيتنا،  و لا كبير على القانون في مبدأ النفس بالنفس و العين بالعين والسن بالسن فمن عفا و أصلح فأجره على الله.

     ميثاق الحرية:
    الحرية توازي السعادة في مضمونها القائم على كيفية وكمية الخيارات التي منحها لنا الله من خلال الطبيعة والمجتمع، تنتهي حرياتنا عند حدود حرية الآخرين، طلبها حق و حمايتها  واجب.
    عهد الإخلاص:
    الاخلاص لله في عبادته، للانسانية في تكريمها، للوطن في الانتماء له للنفس في اتقان القول و العمل حد الإحسان. 
    ميثاق المعرفة:
    الوعي و التعليم و التفكير والتخطيط  من صميم حقوق و مسؤوليات الفرد والمجتمع.

     ميثاق الأمن والسلام:
    الأمن  يبدا من طمانينة الفرد و يتمدد في سلام المجتمع و سلامته. لا مكان لأجهزة الرعب القمعية بيننا.

     عهد المساواة:
    هو تطبيق مبدأ العدالة بين الناس. هو  الاعتدال والتوازن والوسطية. لا فرق بين اسود وأبيض وديني ولا ديني بعد عهد المساواة فكلنا شركاء حد توزيع الثروات حتى للأجيال القادمة ولمن يهاجرون إلينا من أوروبا في المستقبل.

    ميثاق العطاء:
      العطاء درجة من درجات نكران الذات يزيد طاقات الحب الإيجابية بدرجة كافية لرؤية الجمال. العطاء تدوير للطاقة الإيجابية ويستحق أن يعلم ويدرس وتربى عليه الأجيال.

    شرف الإبداع:
    الابداع هو تجاوز المألوف برؤى طليعية موزونة تمشي لما بعد الحداثة والانية إلى الاستشراف،  يتجلى دور الابداع في التفكير الجمالي او ما يعرف بالفنون التطبيقية. يتحرك المبدع بحرية اكثر في مساحات تجسيد المجردات و تجريد المجسدات و يمتلك القدرة على التوازن في أقصى صراعات الأنا والاخر بين ذاته و موضوعاته. تتضح رؤية الإبداع بمعاصرة الواقع الإنساني و تتمدد بالطاقات الإيجابية و الحب و التراحم  في فضاءات كونية روحانية لخلق مبتكر جديد.

    ميثاق الروحانية:
    المادة - بكل ما تشمله المفردة من معاني وتأويلات - ابدا ما كانت كلو شيء في حياة السودانيين. حياة السوداني في متوسط طبيعتها أكثر روحانية، الروحانية عندنا مبنية على التجرد و ترويض الجسد على الحرمان و ده من صميم واقعنا. لذلك لا بد ان تكون الروحانية علم وعمل يعلمان ويطبقان بشكل رسمي في المجتمع السوداني. فلنبدأ بحصر طاقاتنا الروحانية و دراستها ثم توظيفها بعلمية وعمليات مفيدة للإنسانية.
    الشيخ: الأهم من ده كلو المباديء. الإيمان. العلم و العمل. العهد. العزم. الصدق. الصبر. حسن النية. الوعي. السلام. الوسطية. الحب. الجمال. الروحانية.
    جمال: تاريخنا يبقى متاحف للزعماء أمثال خاليوت بن بعنخي، عبدالله جماع، عمارة دنقس، ابولكيلك، المك نمر، المك عجبنا، علي دينار، دقنة المقدوم مسلم، محمد احمد المهدي. 
    جلال: متحف شهداء الفكر و الراي زي الأستاذ محمود، الرفيق عبدالخالق صاحب وثيقة إصلاح الخطأ، و نعرض أقوالهم و كتاباتهم.
    كامل: الطغاة برضو نعمل ليهم متحف زي غردون،  إسماعيل باشا، نميري، البشير، تماثيل بحجم الاقزام.
    جلال: ومتحف الخونة يكون  مظلم حتى لا نتاذى من ذكراهم.
    جميلة: متحف للكنداكات من الكنداكات النوبيات إلى كنداكات ثورة ديسمبر ابريل.
    جمال: ما تنسوا متحف ومكتبة المبدعين حكام السودان المخفيين و روح الجمال.
                  

07-12-2021, 07:35 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    عام الكرونا
    عاصم الطيب قرشي


    على هامش شارع البيت في حي الصحة في ضحى اليوم الثالث من عام الكرونا، جلس عادل و كامل و جلال و جمال فنانين الحلة، جلسة ودية خلت من كل انواع الكؤوس. رغم فارق العمر والثقافة لم يجد الشيخ صالح حرجا في مجالستهم و مجايلتهم.
     عادل: يا اخوانا بمناسبة الكرونا، نحن محتاجين نتعلم الحياة و الاتوكيت من جديد و نكتشف إمكانياتنا كبشر. عايزين نختبر انسانيتنا و إبداعنا في ظل ظروفنا الراهنة بشروط حياتية تواكب متطلبات المرحلة الكونية القادمة.
    كامل: و الله نحن مفروض نقعد في الجابرة دي و نراجع طريقة حياتنا و سلوكنا من طق طق للسلام عليكم.
    جلال: اولا كل زول ينقد نفسه و يحاسبها، بعد داك ممكن ننزل الراكبين في ضهر الحمار الوطني و المؤتمر الوطني والحوار الغلب شيخه و نركب ليهم مكنة وطنية جديدة.
    . عادل: من غير سياسة، بالجد يا شباب نحن لازم نسأل و نجاوب على اسئلة كبيرة تبدو صغيرة. سؤال زي كيف نحيا حياة سعيدة من غير توتر و ملاواة؟
    كامل: يا جماعة نحن اتربينا بالدق بالسوط و الكف و الشلوت انتهينا بالكتل بالرصاص المطاطي و الحي لكن و الله ما اتعلمنا التكتح بعد شهاداتنا دي كلها.
    جلال: انا غايتو عايز اخد كورس اني كيف أموت ميتة أبطال بشرف و الواحد مبتسم في نهاية الفيلم؟
    شيخ صالح: يا ابنائي رحلة التصالح مع الذات تبدأ بكبح جماح النفس الامارة بالسوء و محاسبتها و لومها بالنقد حتى تلهم حلولا منطقية. عندما نطمئن لتلك الحلول نربطها بطاقات الخير المطلقة فنرضى خضوعا لسلطة الكون المطلقة حتى تبادلنا الرضاء. تلك هي مشارف العبودية. 
    عادل: دي مشارف السعادة يا شيخ صالح، دي الجنة ذاتا.
    جلال: يا اخوانا ضرب مثل يعني في طريقة شرابنا، تلقى الواحد يشرب و يتنفس في الكوز كع كع كع يكرطعه كله،  مع انو الطريقة المثلى انو الزول يقسم الشراب لي جرعات، او كمات بكلام العلم، التقاسيم دي سمحة في الشراب، تقاسيم العود و تقاسيم الوجه و الله حتى تقسيم مكنة العربية بيكون مريح لو المكنة كرونتها تمام.
    عادل: كلكم شايفين، نحن لسة في السودان الزول يشرب و يفضل للتاني والتاني ما عارف كمية البكتريا النزلت مع لعاب اخوه في كوز الموية، اخييي.
    جلال: هههه من الان فصاعدا ما عايزين كيزان و لا جرادل، كتابي بس و تسقط بس.
     كامل: بالنسبة للاكل برضو في اسئلة كتيرة تبدأ من نأكل شنو وين و متين و كيف؟
     جمال: دي كلها مسائل حيوية او حيوانية لكن الاهم هي انسانيتنا و نحن في عصر الاتصالات و حتى الان ما بنعرف كيف نتكلم؟ العيون بتقول شنو اثناء الكلام واليدين وحركة الجسم وين محلها من الإعراب؟ عايزين نقول شنو ولكل مقام مقال و لاي مدى كلامنا العايزين نقولو مهم؟  هل كل ما يعرف يقال؟ هل نحن صادقين في كلامنا؟ مين المخاطب وعلمه قدر شنو و كيف حالتو النفسية؟ هل خطابنا من اللسان ام من العقل ام القلب ام من الروح؟ الكلام السمح بيسحر والكلام ألفي محلو حكمة والكلام المرتب شعر والكلم الطيب شفاء و الكلمة الطيبة جواز سفر وكلام الله آيات و إشارات . وين و متين نخفض صوتنا و نعليه، تلقى الواحد خاتي التلفون في اضانو والتاني بي هناك نفس الوضع وهاك يا عياط عوك هلو عيييك. والله ان عرفنا نتكلم صاح و نستمع صاح الواحد ممكن يوصل المعنى للتاني من غير كلمة و لا صوت. 
    كامل: ده ما التخاطر ذاته البنتكلم عنه في مستقبل إنسان القرن القادم وطريقة أهل الباطن من زمن يا سارية الجبل.
    عادل: الأهم من ده كله أننا نمارس العدالة في علاقاتنا البينية مع نفوسنا و الاخرين، حتي في توزيع فرص الحوار بيناتنا في جلسات النقاش او حتى في الونسة العادية بين الأصحاب.
    كامل: برضو محتاجين نتعلم التواضع ونخت نخرتنا في الواطة لأني أزرق وحبوبتي زرقاء و متأذي بالجد من العزة الزائدة والانفة حقت العرب دي.
    جلال: الحقد و الحسد و السحر انتقلوا من البيت للقصر الجمهوري و دور بالعكس. بعدين الواحد لما ينجح عندنا الناس بدل تبارك ليه يتمنوا زوال نعمته بعد ما ياكلوا كرامته.
    عادل: يا جماعة نحن حتى المشي مفروض نبدأ نتعلمه من جديد و نتاتي زي الأطفال، نتعلم البيادة العسكرية و نتعلم كيف نسمع و كيف نشوف و كيف نفكر و ننوم و نقعد و نقيف؟ .
    جمال: انا معاك يا عادل نحن حقو نتعلم البيادة من الجيش والضبط والربط..... على الأقل الزول يتعلم الرجولة و النظام من المعنى الحقيقي لمفهوم القوات النظامية.
    جلال: الجيش ياتو يا جمال؟ جيش العهد الجديد الفيهو الرائد يأمر اللواء و يصرف بدلات لحية و بعوضة؟  ولا جيش العهد القديم بتاع ميز الضباط و إشلاق العساكر الكلو سكر ونسوان وفوضى الجنرالات؟ ولا تقصد فض اعتصام المدنيين العزل بالقتل و السحل و حدس ما حدس؟ و لا جيش الموت البطيء بتجويع الفقراء و قهرهم و تمرير أسلحة الحروب الجرثومية؟
    جمال: انا اقصد أننا ممكن نتعلم من الروح العسكرية الإيجابية معاني الاستعداد و القوة بغض النظر عن الاستبداد وغيره من السلبيات لأن اصلا ما في ظاهرة في الكون تخلو من وجهين، الجيش فيه ناس كويسين و ناس بايظين زي أي مجتمع. 
    جمال: يا جماعة الكلام ده كلو بي اتوكيته و اخلاقه موجود في السنة المحمدية باعتبار انو الدين هو الواقع و العايز يتأكد يقرأ كيف كان الرسول صلى الله عليه وسلم يتكلم و كيف يشرب و كيف يأكل و كيف ينوم. الكلام ده طبعا للإنسان المؤمن أما غير المؤمن فليبحر عن طريق رأس الرجاء الصالح وما أدراك ما الإبحار والرجاء والصلاح.
    جلال: تاني قمنا على الكوزنة وكمان معاها إقصاء. يا اخي ما تقولها واضحة، الكلام ده مستثنى منه جلال، انت دايما عايز تجر الناس لي عالمك الوهم ده.
    عادل: و انت وين ديمقراطيتك يا جلال و قبول الرأي الآخر؟ دي دكتاتورية منك برضو و بالله تاني ما تقلل من اعتقادات و أفكار الآخرين، راجع وثيقة إصلاح الخطأ لعبدالخالق محجوب.
    جمال: يا جماعة ارجعوا لينا تاني لموضوع الكرونا فيروس الساعة المتربع على عرش الموت.
    اسمعوا المقترحات دي لفحتها لكن نقحتها من نبض الشارع عفى الواتساب.
    من الظواهر السالبة في الصحة العامة غير الأوساخ و التي يجب ان نقول ليها... لاااا... سلوكيات تتمثل في الآتي.
    عشان نمنع انتقال آثار اللعاب او السوائل المخاطية للجهاز التنفسي من الشخص المصاب لشخص سليم.
    ما تشرب بالبوز من باقات التلاجه.
    لا تدخلوا الاواني الملوثه في الزير او اي اناء كبير.
    ما تدخلوا الملاعق في إناء واحد مثل الشوربه او الاكل في صحن تحليه كبير مع بعض.
    لا تاكلوا الوجبات السائلة جماعيا و تدخلوا الاصابع في الفم اثناء الاكل مع لحس الايادي.
    ما تشرب فضلة زول او تفضل موية لي زول عشان ما تتبادلوا لعاب ملوث.
    اوعك من غسيل الأواني بشكل سريع دون التدقيق في نظافتها.
    اياك و الاستحمام الجماعي بجردل مويه مشترك من غير ما تغسله او تجدد الماء.
    ما تغسل الايادي بالصابون ثم تلوثهم مرة تانية عند قفل ماسورة الموية الملوثه او مقبض باب الحمام الوسخان و كأنك يا ابو زيد ما غزيت .
    ١١- تجنب الوضوء الجماعي
    ١٢- ما تلوث حوض الماسورة بلعاب السواك وحتى الصابونه.

    ده كلام لي ناس المدن،، أما ناس الريف ومعسكرات النازحين وخلاوي القران ألما عندهم كهرباء و لا واتساب يسمعونا في الراديو.
    يقوم جلال ببطء و ياخذ جردل البلاستيك بينما يتناول كل من عادل و جمال و كامل الباقة و طشت الغسيل و يغنوا أغنية الكرونا.

    كرونا كرونا كرونا
    مرض فتاك بقى منتشر
    ما بترحم زول غلب البشر

    اغسل يديك
    ربك يحميك
    زح من زحمة
    من سيك و ميك
    دعواتنا تجيك
    صلوات تنجيك

                  

07-12-2021, 07:55 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    *مقدمة ابن خلدون*
    عاصم الطيب قرشي

    عادل: أسمع الكلام ده يا كامل كتبه ابن خلدون عن حالنا من زمن حفروا البحر.
    كامل: نسمع
    قرأ عادل: عندما ينهار السودان يكثر المنجمون والمتسولون .. والمنافقون والمدّعون .. والكتبة والقوّالون .. والمغنون النشاز والشعراء النظّامون .. والمتصعلكون وضاربوا المندل .. وقارعوا الطبول والمتفيقهون .. وقارئوا الكفّ والطالع والنازل .. والمتسيّسون والمدّاحون والهجّائون وعابروا السبيل والانتهازيون .. تتكشف الأقنعة ويختلط ما لا يختلط .. يضيع التقدير ويسوء التدبير .. وتختلط المعاني ﻭﺍﻟﻜﻼﻡ .. ويختلط الصدق بالكذب والجهاد بالقتل .. فعندما تنهار الدول .. يسود الرعب ويلوذ الناس بالطوائف .. وتظهر العجائب وتعم الإشاعة ... ويتحول الصديق الى عدو والعدو الى صديق .. ويعلو صوت الباطل .. ويخفق صوت الحق .. وتظهر على السطح وجوه مريبة .. وتختفي وجوه مؤنسة .. وتشح الأحلام ويموت الأمل .. وتزداد غربة العاقل وتضيع ملامح الوجوه .. ويصبح الإنتماء الى القبيلة اشد التصاقاً .. وإلى الأوطان ضربا من ضروب الهذيان . ويضيع صوت الحكماء في ضجيج الخطباء .. والمزايدات على الإنتماء ومفهوم القومية والوطنية والعقيدة وأصول الدين .. ويتقاذف أهل البيت الواحد التهم بالعماله والخيانة .. وتسري الإشاعات عن هروب كبير .. وتُحاك الدسائس والمؤامرات .. وتكثر النصائح من القاصي والداني .. وتُطرح المبادرات من القريب والبعيد .. ويتدبر المقتدر أمر رحيله والغني أمر ثروته .. ويصبح الكل في حالة تأهب وانتظار .. ويتحول الوضع الى مشروعات مهاجرين .. ويتحول الوطن الى محطة سفر .. والمراتع التي نعيش فيها الى حقائب .. والبيوت الى ذكريات.
    كامل: يا هو ده حالنا ذاااتو
    عادل: عرضحال كامل يا كامل؟
    كامل: ده طول و عرض.
    عادل: و الحل؟
    كامل: الحل في البل.
    عادل: يعني شنو الحل في البل.
    كامل: يعني الناس لازم تعرف انو الزمن الترابي وراه زمن مائي و العاصفة الرملية وراها مطرة، الداير يزرع يبل ارضه و العايز ينظف بيل خلقاته و يرطب أخلاقه، و الداير يحلق يبل رأسه.
    عادل: أكان ده المعنى جيت لينا و جيد لينا.
    كامل: عارفك يا عادل ح تقول لي الحل في التفكير السليم والعلم و العلم، بتفق معاك في انو العقل بيوزنوا بيه كل الحاجات المايلة، و انو الافكار مواليد شرعية للعقل. لكن لازم نفكر بي شفافية و بصوت قوي عالي عشان افكارنا تتصاهر و تنتج جيل أفكار مهجنة. لازم تحول اسمك لي صفة يا حمدوك يا جوك جوك و يضبحوك عمبلوق. عشان تنقلنا من الظلم و الظلامية دي للعدالة و المساواة بين الناس، من تكبير المناففين لحمد الراضين. بس حاسب على أفكارك ما تكون فيها نتوءات جارحة لجودنا الناعمة، خليك ماشي في النص و حاسيها مع سيف العدالة
                  

07-12-2021, 08:16 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)
                  

07-12-2021, 08:16 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    *عام الإضراب*

    عاصم الطيب قرشي


     في الكورس الصيفي لطلاب سنة ثامنة أساس أضرب أستاذ اللغة العربية بطريقته الخاصة حيث قام بتغيير حصة العربي الى تربية وطنية. دخل الفصل و حيا التلاميذ بوجه غير صارم ثم كتب تاريخ اليوم على السبورة:
     27/5/2019 الموافق الفاتح من شهر الإضراب عام الثورة. عنوان الدرس "اضراب" رسم حروفه بخط جميل ثم كتب أهداف الدرس ضربا جديدا من ضروب الاضرابات يفسر معنى أضرب يضرب إضرابا. مدخل الدرس باب ضرب يضرب ضربا.
    كتب تحت التاريخ و العنوان أربعة نقاط:
    1/ضرب بفتح الضاد و الراء و الباء: "و ضرب لنا مثلا و نسي خلقه قال من يحي العظام و هي رميم". سبحان الذي أحيا الشعب السوداني بعد ان أماته ثلاثين عاما.
    2/ضرب مبنية على المجهول: "يا أيها الناس ضرب مثل فاستمعوا له إن الذين تدعون من دون الله لن يخلقوا ذبابا ولو اجتمعوا له" ضربنا ثلاثون عاما ضرب غرايب الإبل فما الغريب إن أضربنا يوما أو شهرا أو حتى عاما كاملا عن العمل! 
    3/ضرب بفتح الضاد و كسر الراء و سكون الباء، سودانية بحتة: ضرب شديد، ضربوا شبابنا بالعصي والرصاص و البمبان في رجب و شعبان و رمضان، يضربهم الضريب شقاق العناقريب. ضربونا و ضباط العسكر بين الصفا و اللا إنتباه و للخلف دور ثم انصراف.
    4/ لعبة العسكر و الحرامية.
    قبل أن يسترسل الأستاذ في هذه النقطة رفع أحد التلاميذ يده معلقا: يا استاذ ممكن النقطة الأخيرة دي تتعدل للعسكر و المدنيين لأن الحرامية ما عندهم وجود معانا تاني؟
    الاستاذ: يسلم تمك يا ابني و تنعدل عليك، تم التعديل بسلام. بس قبل ما تقعد ما الفرق بين العسكر و المدنيين؟
    التلميذ: العسكري الجد بشبه الخط المستقيم و المدني المتحضر بشبه الدائرة، يعني زي أنصار السنة و الصوفية.
    الاستاذ بفرح و دهشة شديدة: ولد ده جوطة ده عفن ده.
    في اي إضافة تانية يا اولاد؟
    تلميذ آخر: يا استاذ العسكري كان بقى أعظم ضابط فرقة ما بيفوت الفريق و كان بقى قائم على الجيش كله ما بيكون اكتر من زاوية قائمة درجاتها تسعين درجة لانه بيشوف قدامه و بس. لكن المدني كان نجح بيكمل تلتمية و ستين درجة بيشوف ورا و قدام، بيبقى مدينة و دولة و شاهد عصره.
    تلميذ ثالث: العسكري الشاطر بيعرف كيف يقتل الناس و المدني الناجح بيعرف كيف ينقذهم.
    الاستاذ: يا اولاد انتو متأكدين انكم في سنة تامنة أساس. رد أحد الطلبة الشليقين بصوت جريء: أستاذ ده فصل سنة أولى ثورة.
    الاستاذ: بعد الأمثال الضربتوها دي ما في استاذ حساب تاني يقدر يخش عليكم بدفتر حضوره و يسمع ليكم جداول الضرب. 
     الاستاذ: هل اضراب الثوار ده ضرب من الجنون ام ضرب من فنون الثورة؟
    رد أحد التلاميذ النجباء: بل ضربا من ضروب الاعتصام بحبل الله.
    الاستاذ: برافو عليك
     احد التلاميذ: سمع اضاني اليمين يا استاذ،  في ضابط قال للجنود اجمعوهم وقسموهم  والتاني قال للجنجويد اطرحوهم و اضربوهم. 
    الاستاذ:
    اكتبوا: حين أقسمت حكومة ظل المهنيين على عدم اقتسام السلطة مع العسكر هددت كتائب الظل بالضرب، فأضربت حكومة الظل عن العمل.
     قالوا بكسر الراء: اضربوهم 
    رد عليهم الثوار بضم الراء في تحدي سوداني: اضربونا.
     كان الإضراب في زمن الحرية ضربة حرة و العصيان بالسلمية ضربة قاضية.
    سؤال: ما الفرق بين الضراب و الضرابة؟
    رد تلميذ غير نجيب جلس في الصف الامامي ثلاثين عام من الرسوب والإعادة: الضراب مذكر و الضرابة مؤنث. 
     الاستاذ: ن. ع. م... هذا فرق، بس فكرة الدرس اتجاوزت الذكورة والانوثة، الحصة إنسانية يا شباب،  اي إجابة تانية يا الناس الورا خط مية غرب.
    رد أحد تلاميذ الصفوف المهمشة: الضرابة اسم الويكة او البامية عندنا في غرب السودان.
    قام تلميذ آخر: و الضراب ضراب البلي في لعب الاطفال.
    الاستاذ: باااس شاطر انت وهو و فاهمين ثقافتكم. لازم كلكم تكونوا لواييق زي ملاح الضرابة و كلكم ضرابين بلي عشان حقكم و حق إخوانكم الجايين.
    معليش يا شباب دي ضريبة الحياة الحرة مع انو في استعمار السودانية السابقة الضرايب الباهظة و طرق جبايتها كانت من اسباب الانهيار و الواسطة خربت .
    خرج الطلاب من الفصل و هم يهتفون
    أضرب يضرب إضرابا
    ضرب يضرب ضربا
    في المقابل خرج فصل الاستاذ السادن بمظاهرة كيزانية واضحة المعالم:
    أمريكا روسيا قد دنا عذابها
    علي ان لاقيتها ضرابها
    كادت المظاهرة ان تنتهي بالضرب لولا تدخل مدير الكورس الذي ظهر اخيرا و هو يحمل بوسترين أحدهما مكتوب عليه بالخط العريض كلمة "ضرب"و الثاتي "أضرب"
    المدير: ما الفرق بين الكلمتين؟
    التلانيذ: ضرب بادية بي حرف الضاد و أضرب بحرف الألف.
     المدير: اي ملاحظة تانية؟..... ما في زول؟ طيب، ضربونا بالرصاص و البمبان و العصا و الثورة ماشة سلمية، ده كلو من ضرب يضرب ضربا، قمنا كتبنا 
    الألف البتشبه العصاية دي قبل كلمة ضرب وبقت أضرب يضرب إضرابا. الكلمتين مشتركات في الفعل المضارع او الحاضر يضرب بس عصاية أضرب المرة الجاية ح تكون عصيان. يلا اتفضلوا على بيوتكم والليلة كلكم نجحتو في امتحان اضرب يضرب إضرابا و سجلوا اليوم ده في كراس التاريخ.
                  

07-12-2021, 08:27 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    ونسة ودية
    عاصم الطيب قرشي

    عادل: لطفك يا رب و لك الحمد... نسألك الرضا والعدل و الإحسان.
    كامل: آمييييين بالحيل ده الناقصنا رضا النفس و عدل الحكام و إحسان الشعوب.
    جلال: فعلا واقعنا واقع في مثلث برمودة، استعباد و حرب و ظلم. تعرفوا انا مشكلتي كلها مع الظالم رأس الحية ده، يلدغ و يرش سمومو فينا بي دم بارد.
    كامل: الله ينتقم منو ، الدنيا جاذباه للدرك الأسفل، ده ثقيل و ضلو أثقل من كتائبو.
    جلال: ما قادر أتخيل لزوجة فكر زول يتغذى على دم أبرياء يضبحهم قرابين لشياطينو السفلية.
    كامل: لايوووقا، اذا كان دمو نتن لا يغشاه اكسجين، متجلط بي نقاط مظلمة تفتكر أفكارو وكلامو ح تكون سايلة؟
    عادل: انتو بتتكلموا عن منو بالضبط يا شباب.
    جلال: عن منو كيف يا استاذ؟ معقولة! الوصف الدقيق ده كولو ما وضح ليك الصورة ولا عماك علم الجمال عن شوف القباحة؟
    كامل يقاطع جلال بخبث: عادل عماهو فقد الحنان يا طالب يا ما نجيب.
    عادل: وإنت الباءة باءت بي فشلك يا كامل.
    جلال: اسم غير لايق انسانيا، حروف اسمو تديك احساس بالعمط الشيطاني، عبيط عميل منبوذ طريد.
    كامل ضاحكا: قهرتو بي حسن و حسين.
    عادل: اوعك يا زول، حسن مات الله يرحمو و حسين فات الله يوصلو.
    كامل: عندك طريقة تاني نمرق بيها السفلي ده؟
    عادل: إحم إحم، بسم الله الرحمن الرحيم، أخرجي يا عين يا عنية يا شيطانية يا سفلية، أطلعي بالضفر الصغير، طلعتي ميتينا و فطستي أرواح الشباب.
    جلال: في الحقيقة نحن بنحارب غول بي عيون كثيرة و كذا وجه و كم راس، واحدة من عيونو سحر مرسوم عين سمكة في قدم آخر عروس رموها في النيل.
    كامل: ده سبب الجرح الغرغر في اخمص قدم الخير و شل حركتو، مجاوز بي عين أخطبوط سياسي مص رحيق جمال الشعب السوداني.
    جلال: بلد مات آخر أسودها بالجوع و بقى يقدل فيها الورل و الكلاب الضالة، البلد محروقة بي بالجاز و العوض على الله.
    يدخل عليهم جمال و يحييهم بتحيته المؤدبة المعهودة كنسمة باردة في الهجير: طيبين يا قوم.
    عادل: أهلا يا فنان، جيب الكرسي داك تعال غني لي زهرة البنات دي اغاني ثورية.
    كامل: أيوة بالله امرقنا من الطاقة السالبة دي خلي يومنا  يستعدل بي نغمة جميلة و شاي من ست البنات.
    زهرة: جمال ده يا هو الفيكم و الله، يلا نكتل الهم بالفرح. عادل: فعلا الإنسان بيختار الفرح و الكره هو اللي بيختارو.
    جمال لزهرة: شيلي جردل البلاستيك ده و دقي لي تم تم.
    زهرة: تم تم عديل كده! دي الليلة كتمت بالجد. يخرج جمال آلة العود من جرابها فتزغرد زهرة.
    كامل: ابشر كتمت سقطت لقطت.
    جمال: لا يا كامل كده طبزت، زحونا من مفردات السياسة دي و خلونا نشوف بالألوان و نسمع بالانغام.
    جلال: غني غني يا كوز، انا ما عارفك ما عايزنا ندوس الوحوش دي ليه.
    جمال بلا مبالاة لكلام جلال يعزف بابهامه على أوتار العود إيقاع التمتم بمصاحبة جردل زهرة.
    جمال شيلو معاي،  دي الشيلة الكبيرة:
    شباب العظمة سافر
    قام بالثورة سافر خلاني
    كورس: شباب العظمة سافر
    قام بالثورة سافر خلاني
    الماشي لي السودان
    سلم على ام درمان
    وسافر خلاني
    تسلم سلام وأمان
    لا طلقة لا بمبان
    وسافر خلاني

    الماشي لي شمبات
    جيب لي معاك بنات
    وسافر خلاني
    سمحات وكنداكات
    اخوات و منبرشات
    و سافر خلاني

    يا الماشي لي بحري
    شوف لي معاك بري
    وسافر خلاني
    الأمر كان بدري
    انا كاتمه في سري
    و سافر خلاني.
    يينما جمال يعزف على العود اشكال ايقاعية على خلفية جردل زهرة البنات قام كامل و رقص و كشف مكاشفات كثيرة و كأنه ملبوس بالجن الاحمر، حمسه جلال بالصفقة وهو يردد مع الإيقاع "تسقط بس" حتى تلاشت الاغنية.
    جلال: يا جماعة ممكن تعزفوا لي دقة الفرنقبية؟
    جمال:  بالله لو امكن اعزف لينا الإيقاع بضرب رجليك وصفقة يديك وكامل يواصل رقيص بعدين تبدأ غنا. انا و زهرة بنخش معاك لما نعرف مقامك الموسيقي و توقيعك.
    جلال: احسبوا معاي كلكم: واحد نين واحد نين وكانكم جاكين بنشاط.
    جمال: نقول بي سرعة خطوتين في الثانية.
    جلال: حاجة كدة،  هاكم اسمعوا احساس الإيقاع مع الحساب:
    واحد نين واحد نين. تكت تكت تكت تكت  سقطت سقطت سقطت سقطت.
    نحن عيال دارفووور
    نشربكو شووت
    نبلعكو شووت
     نترعكو باع
    باع باع باع.
    كامل: ما تخليك قومي يا جلال و قول نحن عيال سودان بدل عنصريتك دي. البلد كلها مجروحة.
    عادل: اقتراح إيجابي، هيا إلى العمل.
    بنفس الترتيب بدأ جلال و المجموعة يحسبون واحد نين واحد نين. تكت تكت تكت تكت
    سقطت سقطت سقطت سقطت
    نحن شباب سودان
    نبلعكو شووت
    نشربكو شووت
    نترعكو باع
    باع باع باع
    كورس

    حمي الإحساس و الإيقاع والكورس حتى علت أصواتهم مما استدعى وقوف بعض المارة يسترقون السمع.
    كان لعادل إضافة موسيقية جميلة نتجت عن علو الصوت بالانفعال حين صار يقود درجة الصوت الجماعي علوا و خفوتا  مثل قائد الأوركسترا، انتهى العمل إلى اغنية قومية بسيطة. في اليوم الثاني اصبحت الأغنية لحنا يلهم الوحدة والقوة و يقود موكب التغيير بهمة نشطة.
                  

07-16-2021, 03:26 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)
                  

07-16-2021, 03:26 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    .
    *حكومة ضل الشماسة*
    عاصم الطيب قرشي

    في اليوم الأول من شهر الاستقبال عام السلام، اجتمع عادل وكامل وجلال وجمال بالشماسة في ميدان جاكسون الواقع أسفل كبري الحرية في شارع الحرية الموؤودة. توافدوا الى هناك بعد مغيب الشمس حتى بلغ الجمع عددا كافيا لقيام جمعية عمومية لمجتمع الشماسة. جلسوا في دائرة عريضة كانت كافية لتوصيل دائرة كهربية على التوازي. كانت منصة عادل و كامل و جلال جمال طبلية حديد علت مقامهم قليلا.
    جمال: لازم الليلة نكون نقابة تهتم بي شؤون الشماسة.
    جلال: ده طموح أكبر من تطلعات الشباب ديل يا جمال.
    كامل: انا ح أمشى أبعد من كده، نحن عايزين نعمل منظمة عالمية للشماشة.
    رفع عادل يده: اقترح تشكيل حكومة من الفنانين والشماسة.
    (ضحك الجميع)
    تلفت عادل يمنة ويسارا وابتسم ردا على سخريتهم: آسمعوني يا جماعة، أنا جادي جدا، نحن ح نشكل حكومة الليلة دي و نسميها حكومة ضل الشمس.
    كامل: انا معاك يا عادل، الشباب ديل أحق بالضل من غيرهم لي قيادة حكومة الضل دي لأنها حكومة امهم الشمس و لأنهم من ما قاموا لقو نفسهم في الشمس وغيرهم قاعد في الضل.
    جمال: سوا بنقدر نسوي مساواة نساوي بيها الحال و نعدل المال.
    جميعا: " حرية سلام و عدالة شماسة نقرز عتالة"
    عادل: حرية سلام و عدالة شماسة نقرز عتالة.
    عادل مواصلا: ما في زول بيقدر يمنعنا لأننا ما مطالبين بي وزارات ولا مرتبات ولا ح نلعب لعبة الكراسي و نركب حصان المناصب الدستورية و الهيئة الدبلوماسية. ما عندنا سلطة جلد وحلق صلعة رغم إننا كتار وقادرين نعمل أكتر من كدة كان حقارة و لا شطارة.
    صفق البعض ،صفر غالبيتهم، فرفع كامل يده بعلامة النصر هاتفا: انا معاكم، قول واحد،
    جلال: اتنين
    جمال: تلاتة،.
    تبعهم كل الشماسة في هرج وحساب غير مرتب تسمع فيه الرقم يعاد عشرة مرات تقريبا.
    رفع عادل يده و رأسه مطأطأٌ فهدؤوا وسكتوا

    كامل: ح نسمي اليوم ده الفاتح من شهر الجمال عام السلام.
    .
    جمال: يا شفوت انتو اسياد الرصة دي كلها
    هتف احد الفارات الصغار: حرية سلام و عدالة شماسة نقرز عتالة.
    ردد جميع التفاتيح والجوكيات خلفه بصوت واحد: حرية سلام و عدالة شماسة نقرز عتالة.
    واصل عادل: مبروك، نحن حكومة ضل من اللحظة دي وما محتاجين نكتب ورقة واحدة عشان ما نوسخ البلد اكتر من وسخ السياسيين وجنرالات الحرب الحبرهم دم.
    رغم ذلك أخرج كامل وجلال ورقتين و شرعوا في كتابة مرقمة للاسماء كما تكفل جمال بالتصوير الحي والنقل المباشر عبر الشبكة العنكبوتية.
    كان جمال يرفع كل هذه الاحداث حية من موبايله عبر الشبكةالعنكبوتية:
    جمال: عدد الناس الشاركوا موضوعنا عبر وسائط الانترنيت وصلوا مليون في خلال ساعة. المشاهدات عملت خمسين مليون بعد ما التلفزيونات العالمية اذاعت الخبر.
    عادل: شكرا جميلا يا جمال.
    جمال: ابدأ و الله لا شكرا و لا حاجة، ده عمل إعلامي بسيط لكنو صادف توفيق و ربنا بارك أول حكومة ضل في امبراطورية السودان السمح.
    عادل: سبحان الله يا جماعة ، حكومة الضل دي محبوسة السنين دي كلها عشان تتحرر في الساعات الأولى من العام ده.
    كامل: يا اخوانا ده يوم تاريخي وتأريخ جديد بعمر جديد للسودان الجديد الكان أمل بطل الوحدة جون قرن.
    جمال: الخطة الأولى لي حكومة ضل الشماسة أننا نمشي نعمل نموذج لي حكومة القرية السودانية، نبدأ بي الثقافة و النظافة
    و الزراعة و الصناعة، أثناء العمل كل زول فينا ح يكون رئيس، لكن دايرين زول يكون قدوة.
    كامل: حقو نبدا من كمبو صغير مش قرية جمال.
    عادل: طبعا طبعا يا كامل و ح نطبق في نموذجنا ده أحسن ما وصلت ليهو الإنسانية من إبداعات.
    احس عادل أن النعاس قد غزا جفونه فختم الحديث بتصبحوا على خير و نام متكئا على جدران متهالك كان خلفية للمسرح الاحداث. اقتربت الساعة من الثانية صباحا فناموا جميعا، اكوام جثث حصدتها بنادق الاحباط.

    في الصباح وصل مجموعة من طلاب اكاديمية الفنون و اختار عادل عشرة منهم، كان من بينهم مصورين، مهندسين صوت، مغنيين، موسيقيين، ممثلين و مخرجين و رسامين و كتاب و نقاد.
    أستيقظ جلال لأول مرة بوجه مبتسم رغم الفوضى الصباحية و الجوع، توجه نحو عادل و عانقه بشوق فوق العادة، بعض من دموع الليل قد رسمت على ناضره خطوطا عريضة.
    جلال: انا محتاج لي عشرة خريجين فنون من أقسام مختلفة، يكوم فيهم تخصصات معمار، خزف، نسيج، تصميم، تلوين، طباعة، خطوط، جلود، نجارة، حدادة، خراطة و تدوير.
    جمال: و انا عايز سبعة عازفين مهرة و مواهب متعددة، كلهم يعزفوا أكثر من آلة ويغنوا.
    ح ادقق في شخصياتهم و تاريخهم السلوكي والوطني خلال سنين الدراسة بالاكاديمية.
    الالات الغربية لازم تتكامل مع المحلية و عازفين الساكسفون والترمبيت يتدربوا ويتعلموا الات النفخ المحلية زي الوازا والنقرو والصفافير، عازفين الايقاعات لازم يعزفزا على كل النفاقير و الطبول المحلية، وعازفين الاوتار يعزفوا عائلة الكمان الغربي والجيتار والبيانو إضافة لطنابير والكربي وام كيكي والبالمبو. برضو عايز تلاتة مغنيين بما فيهم جميلة اخت جمال و صاحباتها عشان نضمن تنوع الأصوات الغنائية و تباين المدى الصوتي بين الأصوات الباص والسوبرانو، إضافة للتنوع في الإحساس و التعبير.
    كامل: يا جماعة، انا محتاج لي سبعة ممثلين و فني إضاءة وأزياء وديكور بس، ديل ح ينفذوا لي كل أنواع الدراما؛ مسرح عرائس، مسرح ظل، مسرح تجريبي و كلاسيكي، لازم نعمل مسرح سوداني متجول و سينما متجولة، محتاجين برضو لي اذاعة الشماسة.
    عادل: طيب بالنسبة للمواصفات الشخصية القدوة، أنا شايف انو شخصية نبي الله محمد لأنو اهتم في رسالتك بالفقراء و المساواة.
    جلال: بحكم منهجي المادي، أنا منحاز لاختيار النموذج من الواقع اليومي المعاش باعتبار أنو النبي عاش في زمن غير زماننا.
    جمال: انت يا جلال مستند على حديث أنتم أعلم بأمور دنياكم.
    جلال: أنا ما بعرف احاديثكم دي لكن ح أقيف مع رأي الأغلبية على اي حال تماشيا مع حق الآخرين في ممارسة الديمقراطية.
    قام ود الجن الرأس الممسوخ بلا بطن و جوارح: انا بعتبر نفسي الشخص الأنسب و الإنسان الذي تفوق على الآخرين و عاش بدون
    اي مقومات حياة. صوتوا لي حزب الحرية و الميرندا.
    بكى الرأس ود الجن و سكت قليلا ثم واصل الحديث:
    لازم نعمل تصويت، السودانيين كلهم ح يصوتوا لي حزب الحرية و الميرندا المتحرر.
    سانده أحدهم: أيوة، نحن كلنا معاك يا جوكي، الناس دي كلها عايزة تتمتع بي نعم الله
    و أما بنعمة ربك فحدث يا دكاترة.
    أحدهم: نحن عايزين حرية.
    آخر: نحن عايزين يفتحوا لينا البارات و الانادي وبيوت أحرار، مش قلتو حرية، أها ده من حقنا برضو.

    فجأة تحول الاجتماع الى أصوات غابة فالبعض صار يعوي كالكلاب الجائعة، صفر بعضهم و آخرون هنقوا و ساد الهرج.
    انزعج جلال من الفوضي التي عمت فهتف فيهم بصوت قوي: “حرية سلام و عدالة، شماسة نقرز عتالة”
    رددوا جميعا، “حرية سلام و عدالة، شماسة نقرز عتالة” .

    ردد عادل معهم أيضا ثم رفع يديه مشيرا لهم بالهدوء: يا شباب البلد دي واقعة في بير مضلم و الزمن ضيق جدا، قيامتنا قربت تقوم و ما في وكت نعمل فيه جمعية عمومية لي كل الشماسة و نعمل انتخابات.
    قاطعه الجوكي الملقب بالملك و سأله بحرف و كلمتين فقط: و الناس المسيحيين؟
    وقف أكثر من عشرة جوكيات و تفاتيح و عشرين فارة وأقروا بمسيحيتهم فتوجهت كل الانظار لكامل غالبية المسيحيين كانوا من مجموعته ما عدا الملك الذي كان عازف جيتار في مجموعة جمال.
    سأله عادل: سيدنا عيسى عليه السلام كان بيدير خده الايسر للبضربو في اليمين تقدرو على جنس التسامح ده؟
    رد الملك بسرعة: نحن المسيحيين بنغفر كل يوم لي اي زول و انا بغفر لأي زول أكل حقي، ابونا في الكنيسة كلو يوم احد يقول لينا الكلام ده، عشان كده نحن صبرنا الزمن ده كلو لمن جونا اخواننا النقرز ديل دقو الجرس.
    حرية سلام و عدالة شماسة نقرز عتالة
    الجميع: حرية سلام و عدالة شماسة نقرز عتالة.
    قال أحد المسيحيين بصوت جهوري: المجد لله في الاعالي، بالناس المسرة و على الأرض السلام، سلام لي أبونا يسوع.
    ردد خلفه المسيحيون: هللويا هللويا هللويا.
    كامل: طيب، تهليل للناس الرشحوا سيدنا محمد، ده من حقهم و هللويا للناس الرشحوا اليسوع وبرضو ده من حقهم، و الناس
    الما عندهم شغلة بي محمد و لا عيسى يشوفوا ليهم شعار روحي.
    جمال: بس في الحالة دي نحن لازم نتخيل نموذج للإنسان العايزينو يكون مثال لينا. تعالوا نفكر فيه سوا و نرسم صورتو في مخنا.
    صمت
    ضرب عادل الطاولة بشاكوش خشبي صغير و صاح: محكمة.
    قرار رقم واحد: أعلن انا عادل المائي بحضور مائة وستين شماسيا وأربعين فنانا أن الشخصية المثالية لهذا العام هي صورة جميلة للإنسان الكامل كما نراه. عليه، لا بد من تحديد صفات الشخصية السودانية الجميلة.
    جمال: اقترح إننا كحكومة نقرا المولد البرزنجي لأنو بيوفر لينا صورة جميلة لخلقة و اخلاق إنسان كامل اسمو محمد عبدالله. طبعا دا رأيي انا جمال الختمي المسكين ده.
    كامل: جدا، و انا بساندك بي شناتي دي و اقترح إننا نقرأ كتاب العقاد “حياة محمد” و نبسطو على مستوى وعي الشباب والأطفال.
    جلال: و انا بقترح قراية راس المال داس كابيتال و كل شي عن كارل ماركس لانو بيشبه الشباب ديل و لأنو زول حقيقي،كرس حياتو لطبقة البلوتاريا الضعيفة.
    قال جلال بصوت خافت: ما بعيد التاريخ يعيد ثورة العبيد.
    كامل: ما ترفع صوتك يا جلال، خايف مالك؟ ما قالها الشيخ فرح زمااان " آخر الزمن البلد اما شلعوها العرابة و لا حكموها العبادة".
                  

07-16-2021, 04:17 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    *مظاهرات عبر القرون*
    عاصم الطيب قرشي

    أثناء قتل المتظاهرين في الزمن الترابي و رميهم في نهر النيل المقدس، انفعل النيل بغضب ففاض و أرغى و ازبد. جلس عادل غير بعيد من شاطئه يستلهم الحكايات عن مظاهرات القرون المائية و الهوائية و النارية بعد أن نقض الترابيون كل عهود الإنسانية بقتل المتظاهرين بلا رحمة.
    اقترب جمال من عادل و فاجأه بالحديث في نفس محور تفكيره.
    جمال: قضايا المتظاهرين في الزمن الترابي أجبرت النهر العظيم انو يفيض صيفا لينذر شباب الزمن المائي بمطر الرصاص.
    قبل أن يرد عليه عادل سبقه كامل الذي كان متكئا على شجرة اللبخ العجوزة.
    كامل: تخيلوا مظاهرات الشفوت ديل في الزمن المائي ح تكون كيف و أسبابها ممكن تكون شنو؟
    جمال: ممكن تكون بي سبب اختلاف الفقهاء السلفيين مع إمبراطور نادوس في تحضير موية الشراب بي طرق كيميائية أو اعتراضهم على تلقيح السحب الغير ممطرة.
    كامل: أو بسبب تحكمهم في كمية الامطار السنوية بتحويل مسار الرياح.
    جلال: طبعا السلطان لو همبول و لا مهبول ح يبرر قراراتو العلمانية بي ضرورة استخدام العلم في كل شي و متطلبات المرحلة الانسانية المتأخرة بعد العبور و النصر في حرب المياه.
    عادل: مظاهرات الزمن المائي ح يكونوا قايدنها أطفال صغار بي روحانية موروثة في جيناتهم.
    جمال: و في الزمن الهوائي اولاد الروضة ح يطلعوا من رياضهم شايلين شاشات عملاقة ذكية بي صورة فل اتش دي،مكتوب عليها آيات انزال مطر الخير " و انزلنا من المعصرات ماءا ثجاجا" و أحيانا تصريف آيات مطر الشر القلوية و الحمضية يوجهونها لخصومهم "و أمطرنا عليهم مطرا فساء مطر المنذرين".
    جلال: يا ربي مظاهراتهم دي ح يفضوها بي بمبان و لا برتكان.
    كامل: بالنسبة للزمن المائي يمكن طبيعة الزمن داك تحتم على شرطة الخرطوم استعمال خراطيم موية باردة يرشوا بيها المتظاهرين.
    عادل: اتخيلوا معاي الاخبار في الصحف التخاطرية و الشمارات المسموعة همسا: "في ضواحي مدينة بري، أطفال المقاومة يبادلون الشرطة الرش بمسدساتهم المائية"

    جلال: "إنهم يلطخون ملابس الشرطة البيضاء بأحبار حمراء و سوداء و زرقاء"
    كامل: فاول، "رجال الشرطة يوجهون مسدساتهم المائية الرشاشة للاطفال"
    جلال: يا للهول، الان بدأت المعركة بين الاطفال و شرطة الشقاوة. جلال: رجال الشرطة يقذفون المتظاهرين بالفواكه.
    عادل: الاطفال يمسكون بالقذائف و يردوا على شرطة الشقاوة فواكههم و هم يهتفون:" و فاكهة كثيرة لا مقطوعة ولا ممنوعة"
    كامل: "و فاكهة و أبا".
    عادل: شفاتي يهمس لزميله: عمك بتاع شرطة الشقاوة ده بمباناتو البرتقالية أصلها ما بتجلي، المشكلة كان ولينا الدبر بتكسر الضهر و كان واجهناه بتقع في السدر.
    جلال: شفاتي آخر: صحي كان اول دفعتو و بطل رماية كراع كديس؟
    عادل: قالوا خريج خلوة شيخ صالح و حافظ الكتاب قلبة و عدلة.
    جمال: شفاتي ثالث: سمعت انو مشروع تخرجو من أكاديمية الشرطة كان عن تصريف القرءان في مكافحة الشغب " و ما رميت إذ رميت ولكن الله رمى".
    كامل: شفاتي رابع: سمعت ضابط الشرطة أداهم أوامر يفلقونا بالمنقة و البرتكان القايمات في شارع السلطان.
    عادل: شرطي: المشكلة يا جنابو في الشيوعيين، دسوا الشطة الحارة و الفلفل الاسود في مسدسات المتظاهرين.
    جمال: غايتو في الزمن الهوائي الدعوة للمظاهرات والعصيان ح تكون بالتخاطر، الوسيلة الوحيدة للتواصل بعد أفول شمس الإنترنت والشبكة العنكبوتية هي الاشارات الذهنية و القلبية و الروحية. 
    كامل: سمعتو بي عصيان مدني في شارع الحب في عهد خاليوت ود بعنخي؟
    جمال: انا شفتو في النوم، قالوا احباب السلطان امتنعوا عن ارسال طاقة الحب الصباحية فتاثر جدا و جاتو جلطة عاطفية و قرفة روحية.عادل: لكن السبب شنو، ما قالوا خاليوت ده كان أرق و أعدل سلطان؟
    جمال: السلطان خاليوت عودهم على الحب، كان بيخاطرهم بي باقات ورد بنفسجية و رسائل رومانسية كل صباح، يبدو انو سمع وشاية و قطع عنهم الإمداد العاطفي أسبوع كامل.
    عادل: سبحان الله، يعني السبب ما ازمة رغيف و لا بنزين و لا حتى كهرباء قاطعة!
    جلال: قالوا شفاتة كوش وقفوا قدام بيوتهم و نضفوا  شوارعهم ورشوها بالموية و مشوا وقفوا اكتر من تمانية ساعات في شارع السلطان، آخر اليوم مرق عليهم من قصرو بكل أدب، قبل خدود الأطفال و اعتذر للشفاتة.
    كامل: على العكس تماما، مظاهرة مكوار في الزمن الناري السناري، كل متظاهر رسم تمثال للسلطان بي لهب الشموع.
    عادل: المظاهرة ديك بالذات كانت على شاطئ النيل الأزرق في دايرة كبيرة اجتمع حولها الصبيان، رسموا تماثيلهم و كتبوا لافتتهم في التراب بالنيران بي خط كبير "البادي اظلم".
    كامل: برضو قالوا كل واحد منهم جاب ليه عود نشاب و غرزو في حرف واحد من حروف السلطان و ولع فيه النار.
    عادل: هم كانوا ناوين يحرقوا السلطان بادي وحدو، لكن الحريق ولع في كل السلطنة حتى إسماعيل باشا صادف إسبوع مظاهرات الشموع و وصلتو لعنة الشفاتة رغم انو كان بعيد منهم في المتمة.
    جلال: بالله شوفوا قدر السودانيين ديل! يتحرقوا بي نيران السلطان في كل زمان و مكان.
    جمال: سبحان الله، أنا يا دوب كده فهمت إشارات لعبة حريق الكون كان، و لسة السودانيين بيقامروا بي حريق الكون كان، رغم انو حرق قلوبهم و قفل بيوتهم.

    (عدل بواسطة عاصم الطيب قرشى on 07-16-2021, 04:05 PM)
    (عدل بواسطة عاصم الطيب قرشى on 07-16-2021, 04:29 PM)

                  

07-16-2021, 04:20 AM

صباح حسين طه

تاريخ التسجيل: 08-04-2007
مجموع المشاركات: 1247

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    عبقرية الفن والأدب لا يهبها الوهاب إلا نادراً
    كتاباتك انت وشاهين تبث في حياتنا السعادة
    وتخرجنا من الضجر والملل والإحساس بأننا وصلنا نهاية النفق
                  

07-16-2021, 04:53 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: صباح حسين طه)

    أجمل صباح حسيني
    سعيد بمرورك
    عسى و لعل ان تتواصل الثورة عبر الاثير و بكل جمالياتها.
    ودي و احترامي
    عاصم قرشي
                  

07-16-2021, 05:03 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    *كمبو هببنا*
    عاصم الطيب قرشي

      عادل: الخريف دخل علينا يا كامل و لازم نعمل نموذج حكومة القرية السودانية، قرية تسخر مواردها و إمكانياتها بقدر يوازن إنتاجها مع خدماتها. اخترت كمبو اسمو هببنا بمحلية الحصاحيصا على بعد كيلومترين شمال غرب طيبة الشيخ القرشي.
    كامل: دي فكرة جميلة جدا، يعني عايز تخلي خيرهم يكفي شرهم!
    عادل: تمام او على الاقل نخلق توازنات مع احتمالات زيادة الخير على الشر.
    كامل: قول عايز تعمل شنو بالضبط و متين و ناسك المعاك منو و ادواتك شنو؟ غايتو انا جاهز معاك معاك. عادل: عايز ابدع في الكمبو ده و اخلق منو نموذج حكومة بي حواضن اجتماعية مل عندها اي علاقة بالأحزاب. تتصور النوبة ديل ساكنين فيه ستين سنة و حتى الان ما زاد طوبة واحدة مما بنوه، يمكن بس يكونوا اضافوا الجامع و الكنيسة المتجاورين ديل و بير موية محفور قبال سنتين مع وقف التنفيذ و زيادة العطش.
    كامل: بيشتغلوا شنو ناس هببنا يا عادل؟عادل: معظمهم مزارعين بطبيعة قبايل جبال النوبة، لكن مطحن دقيق قوز كبرو على بعد خطوات منهم كان مستوعب عمال كثيرين قبال ما الإنقاذ تدمر المصنع.
    كامل: عدد سكان هببنا كم تقريبا؟ عادل: مئتين اسرة تقريبا لا يملكون أدنى مستوى للحياة المدنية، يعني متوسط الف نسمة تقريبا، بس قول الفين لحسابات المستقبل القريب.
    كامل: معليش سؤال مهم جدا، ليه اخترت الكمبو ده بالتحديد؟ عادل: كمبو هببنا نموذج لتعايش اجتماعي سلمي في منطقة لا تملك اي شيء من مقومات الحياة العصرية لكن عندها الامكانية تتطور لأنهم أقرب للواقع من وهم الوتسبة و الفسبكة. بس لازم نرفع كفاءتهم الإنتاجية و الخدمية.
    كامل: قادر اتخيل مسجد جنبو كنيسة و قدام هناك انداية و بالرغم من التناقض ده مجتمع متعايش في انسجام.
    عادل: بالضبط ده الحال في هببنا، نعمل فيه نموذج تنمية ريفية مبني على استغلال الموارد المحلية و تعزيز التنوع و التعايش السلمي. بعد يومين من هذا الحوار سافر عادل و كامل لهببنا فاستضافهم العم بريمة في بيته. بعد الغداء استلقى كامل و عادل على عنقريبين هبابيين. هبت نسمة لطييييفة اتت من كل الاتجاهات. كامل: هبوووبك يا اللااااه ". عبارة نطقها بإحساس واحد و في زمن واحد تزامن مع حمدلة عم بريمة مؤذن جامع كمبو هببنا، صلوات التجاني قس كنيسة هببنا، و آهة أمبو ست انداية هببنا. عادل: رحمة في شكل نسمة في هجير رمضان الرامض ده، ربنا بيكون رسلها لي عمك بريمة المبلبل بي موية الترعة و متمدد على عنقريبو داااك.
    كامل: و ليه ما تكون للتجاني المشغول بنظافة الكنيسة و نشر المحبة و السلام بين اهلو؟ في النهاية ده ايمان وقر في قلبو و صدقو بي عملو. عادل: ما تنسى امبو الان بتجهز اندايتها لافطار الشباب السنوي.
    كامل: الامر ما ح يكون فيه تناقض اذا جهزت برميل مديدة خفيفة بالمحريب، أربعة جرادل بقنية و أربعة جرادل حلو مر و جردلين عصير عرديب و جردل قنقليس. كامل: ما فيها مريسة اسلامية خالية كحول؟ 
    عادل: ههههههههه قالول البقنية اصلها كانت باقي نية مريسة، ابتكرها واحد من الاولياء الحكماء للفترة الانتقالية البين التوبة و الاستقامة.
    كامل: ههههاااي، فكرة حكيمة و الله و بديل شرعي لابوحمار خصوصا عرقي العيش الملقب بقوشو.
    عادل: اهل هببنا يا كامل اخوي اتحرموا من نعمة الكهرباء و الماء و الدواء و  الغذاء و الكساء و الإيواء، قابضين الريح ستين سنة ما فضل ليهم شيء غير الانتماء للهواء كيفما كان وده حال كتيرين.
    كامل: شفتهم قبيل احتفوا بالنسمة ديك كيف! عادل: و لو كانت غبار ترابي عقيم. كامل: عشان كده سموا حلتهم هببنا.
    عادل: يا ربي تهببهم بي هبوبك و نسماتك اللطيفة و تجنبهم الهبايب و المهببات و تهويهم يا الله طابقين و تلاتة و اربعة.
    كامل: و الله هم متهببين و المهببين نحن ديل، يا أخي جامع و كنيسة و انداية و عايشين إخوان متحابين و نحن عندنا أربعة جوامع في حلتنا و لسة كلو واحد مننا ما رضيان بالتاني!
    عادل: يا اخوي ديل موزونين وزنة ربانية و متوازنين و مقرضين على الرضاء بالمقسوم، يحمدوا الله عفاهم من نفسيات المكيفات و المراوح و الثلاجات و موضوع الكهرباء جات و قطعت.
    كامل: متخيل يا عادل قدر شنو أطفال هببنا بيفرحوا بالمطر و ريحة الدعاش! عادل: طبعا، بتستدعوا من ذاكرة جيناتهم  خريف اجدادهم بجبال النوبة،كامل: و يتزحلقوا في طين البادوبة اللزج ده لمن يبقوا زي صلصال الحمأ المسنون و يتمسحوا بيه و يمسحوا وجوهم  و لا رقيب ولا عتيد.  
    عادل: ديل فطروهم و فطموهم بالحرمان من ما اتوجدوا في الحتة المهببة دي، لذلك ربنا بيعوضهم احساس اكثر اصالة، الحاجة الثانية يا كامل انو احساس الاشتهاء أقوى و أجمل من تخمة الشبع.  
    كامل: بعد ده الدور حقهم (و نريد ان نمن على الذين استضعفوا في الارض و نجعلهم ائمة و نجعلهم الوارثين) ده دور السماء في إحقاق الحق و العدالة الاجتماعية.
    عادل: مش يمكن عدالة السماء تكون طلتهم في ليلة القدر الفاتت دي بي دعواتنا ليهم و قلوبنا المعاهم و نيتنا الصادقة دي؟
    كامل: ان شاءالله تكون نزلت ملائكتها كلها على المعذبين في الأرض والبؤساء و شملت جامع هببنا و كنيستها و اندايتها .
    عادل: آمييين، رأيك شنو نكون عمليين و نبدأ مشروع قريتنا النموذجية في هببنا؟ كلها ميتين بيت لكن شبابها ما شاءالله كتير و عملي. 
    كامل: وعزة ربي، الله و خلقه و جنده كلهم ح يقيفوا معانا طالما النية سليمة و خالصة.
    عادل: طيب نبدأ نجهز البرنامج أول و نرتب نحن عايزين نعمل ليهم شنو و متين و لمدة كم يوم و معانا منو و ادواتنا شنو و كيف نقنع الناس البيهمهم الأمر بمشروعنا و كيف نوزع الادوار.
    كامل: والله لو بدينا بي برنامج رياضي و بعدو ثقافي ممكن نجمع الناس و نشرح ليهم فكرتنا في جو فرايحي. افتكر  شعار نضف بيتكم و شارع بيتكم عشرة دقائق في الصباح برنامج بداية قوي و بينضف السودان كلو في نص ساعة مع ترويج بأول فيديو في الوسايط.  
    عادل: تمام، و نعمل منافسات و كاس أنظف شارع و اجمل شارع و نشجرو و نسميه و الحمدلله مجتمعنا تقليدي جدا، بكرة كل البلد ح تكون هببنا.
    كامل: طبعا زراعة الشوارع دي ح يقولوا ليك الغنم ما بيخلونا.
    عادل: نفس التعليق ده سمعتو في حلتنا في اجتماع، ردت عليهم أختي قالت ليهم: لي متين الغنم يتحكموا في مزاجنا؟
    كامل: فعلا لازم نعمل زريبة كبيرة يختو فيها غنمهم و بقرهم و دجاجهم و كل حيواناتهم و يقعدوا يحرسوها بي كلابهم و عصيهم و كل يوم الحراسة على مجموعة، و الغنم و التيوس بالذات نعمل ليهم زنازين في سجن كوبر.
    عادل: طيب بالنسبة لي منفستو حكومة الفنانين، نحن محتاجين ننفذ الآتي:ثنائي إنتاج و خدمات، مربع زراعة، صناعة، تعليم، صحة، و مسبع ماء، غذاء، دواء،  كساء، إيواء، كهرباء و انتماء.
    كامل: نبدأ بالزراعة، الموية متوفرة في الترعة جنوب الحلة على بعد خمسمئة متر من أبعد بيت و بئر الحلة شمالا و برضو على بعد خمسمئة متر.
    عادل: حيشان الحلة كبيرة و شوارعها واسعة اضافة إلى زراعة ضفاف الترعة بعد تسويرها، العمالة  شباب الحلة و البذور و الشتول ممكن نوفرها.
    كامل: محتاجين طرمبتين موية تعمل بالطاقة الشمسية عشان نقدر نرفع موية شراب من البئر و موية زراعة من الترعة.
    عادل: عندنا موافقة من تلاتة شركات لدعم التشجير المثمر، عندنا ميتين أسرة و حوالي الف نسمة جاهزين.
    كامل: لو حسبنا اي فرد قصادو شجرة واحدة ده بيعني أننا محتاجين حوالي الف شجرة ممكن نبدأ بي خضروات الخريف و نقسم الشتول بين شتول تنتج في خلال عام واحد زي الموز و الباباي و التوت، شتول تنتج بعد عامين مثل الليمون و البرتقال، و شتول في ثلاثة سنوات مثل الجوافة و القشطة و المنقة جنوب أفريقيا. 
    عادل:  افتكر الأهم و الأسرع زراعة الخضر و البقوليات بين الشتول خصوصا اللوبياء البيضاء لان إنتاجها من ستة إلى ثمانية أسابيع. 
    كامل: اللوبياء دي بالذات معناها طعمية فطور الطلبة و البليلة و ملاح الويكاب و الورق و السيقان علف إضافة لتثبيت نيتروجين للتربة و تهويتها. أذن عمي بريمة لصلاة المغرب فذهب عادل للمسجد بينما ذهب كامل لانداية أمبو يهنئها بحل قانون النظام العام و استبداله بالنظام الخاص. كانت فرص عادل و كامل مؤاتية جدا لتقديم تنوير في المسجد و الإنداية عن برنامج التنمية في هببنا. بعد الصلاة وقف كامل أمام المصلين و حياهم ثم عرف نفسه و عرف عادل بانهم من إخوانهم المهمومين بالضيقو عليهم الدنيا الواسعة دي. كان تقديمه في حد ذاته كوم من الشجون فمس القلوب كلها بحنو. بعد انتهاء كامل من تقديمه قدم عادل للحديث عن المشروع عادل: ازيكم يا أهلناالمصلون: و عليكم السلام و رحمة الله تعالى و بركاتو.
    عادل: زي ما قال ليكم كامل أخوي، نحن ناس بنحب الخير للناس و ما في قلوبنا سوسة و لا وسوسة و لا آفة سياسة. جيتنا ليكم دي فوق رأي سمح شديد. ملخصه نحن جينا ليكم عشان نعرف الناقصة و نتمها و الحال واضح و الواضح ما فاضح.
    كامل: اهم سبعة حاجات بالترتيب هي الماء و الغذاء و الدواء و الكساء و الإيواء و الكهرباء و الإنتماء. يعني عشان الزول فيكم يقدر يعيش بي كرامتو لازم تتوفر ليه الحاجات دي.
    عادل: كتر خير الناس الحفروا ليكم بير الموية بس لسة عايزين خراطيش٠الحلة و البيوت، بعد الموية تصل البيت ممكن نزرع الحوش و الشارع.كمان. بعدين الترعة الجنبكم دي ح نعملها ليكم جنينة و مزرعة سمك و دواجن لنسوان الحلة.
    كامل: طيب عشان نحن ما نكرر الكلام، نحن عاملين برنامج بعد العشاء يجمع ناس الحلة كلها مسيحيين على مسيحيين، رجال و نسوان، كبار و صغار. بعد صلاة العشاء توافد مجتمع هببنا في ساحة خلف جامع هببنا و بدأ الحفل بأغاني غناها عادل افتتحها باغنية شعب جبال النوبة بالعربي ثم اعقب بلغتي الكواليب يا امبو قم تيلي و بلغة النمنق كوربا تاولا. كانت دهشة لمعظم أهالي هببنا الذين ينحدرون من هاتين السلالتين النوبيتين. كان كامل يرقص أثناء غناء عادل فرقص على إيقاع الكمبلا كما رقص الكرنق بطريقة ألهبت حماس أهل هببنا فشاركوه الرقص رجالا و نساء شيبا و شبابا. زغردت امرأة عجوز ، رقص الشباب و ضربوا الأرض بقوة، ضرب عمي بريمة الروراي بعد ستين عام من الإستغلال، و انزوى التجاني باكيا في ركن بعيد .

    (عدل بواسطة عاصم الطيب قرشى on 07-19-2021, 08:47 AM)

                  

07-16-2021, 08:02 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)


    حكومة ضل المهنيين

    عاصم الطيب قرشي

    ١)
    تَخَلَّلَتْ ثَوْرَةُ الوَعْيِ مُنْتَدَيَاتٌ فِكْرِيَّةٌ وَ وِرَشُ عَمَلٍ عِلْمِيَةٍ كَانَ لِعَادِلِ القَدَحُ المُعَلَّى فِي تَنْظِيْمِ حلقاتها وَ تَقْدِيْمِ مكنوناتهَا. ورشة التخطيط و التفكير الإبداعي التي نظمها طوال أيام وليالي الإعتصام ضمت مختلف التخصصات المعنية بالتغيير الإيجابي وقدمت كثيرا من الحلول المنطقية و الإبداعية لمشكلات البلد. بالرغم من جمال كل الورش التي نظمها إلا أن الورشة الأخيرة كانت على درجة أعلى من
    الإمتياز.
    سأل عادل المشاركين: قبل أن نبدأ يا ريت كلنا نجاوب عل أسئلة محددة، أولاً ماذا تعني الثورة بالنسبة ليكم؟ ما هي مشاكلنا و تصوراتكم للحلول؟ لو سمحتوا عرفوا أنفسكم بأسماءكم و تخصصاتكم.
    قام الجالس في أقصى اليسار و أجاب بإيجاز: أنا سياسي و الثورة عندي تعني التغيير الجذري. 
    عادل: متفق عليه، طيب ماذا نريد أن نغير؟ أو ما هي المشكلة؟ و لماذا؟ و كيف نغير؟
    قام جاره الجالس على يمينه: أنا طبيب بشري و بالنسبة لي السودان ميت موت سريري لأنو مريض بورم خبيث و فقدان مناعة، يعني سرطان و أيدز.
    عادل: معليش بما إنك طبيب ح أواصل معاك فحوصات و تحاليل، كيف شخصت الأمراض دي؟
    الطبيب: تشخيص السرطان واضح من خلال التضخم الإداري الفاسد، تضخم الذوات و التكبر، تضخم الإقتصاد و ورم العملة. أما الإيدز فيكشفه ضعفنا على مقاومة الغول الاقتصادي و سيطرة الجهل السياسي و الغزو الثقافي.
    عادل: برافو، ده تحليل زول متخصص علم أمراض سياسي إقتصادي اجتماعي ثقافي, أي تعقيب ياشباب؟ 

    ثالث: أنا محلل سياسي، عايز أضيف لي كلام الدكتور إنو الكيزان فعلا إستغلوا الدين بإعتبارو حمض نووي في ثقافة المجتمع السوداني
    إلى أن وصلوا بسياسة التمكين لمركز المناعة المتمثل في الاقتصاد والأمن والعساكر.
    د. عادل: تمام، طيب نرجع للطبيب، كيف عايز تعالج السرطان ده؟
    الطبيب: جرعات كيميائية للتخلص من الخلايا المسرطنة أو إستئصال من الجذور وده أسرع حل أفضل في المراحل الأولى.
    عادل: وكيف ح تعالج الإيدز؟
    الطبيب: المضادات الحيوية قد تساعد لكن البعد الروحي والنفسي أكثر داعم لجهاز المناعة في الحالات الحرجة و الميئوس منها, بالمناسبة القناعات النفسية والتحصينات الروحية محفزة للمناعة أكتر من العضوية. 
    د. عادل: و دي كيف كمان؟
    الطبيب: أولا كل مرض ليه دوافعه و عمقه اللي ممكن يكون جسدي، نفسي و عقلي و روحي، البعد الجسدي ليس الا طفح في سطح المرض، لكن البعد الروحي هو الأعمق لأنه بنتهي بي خراج الروح، لذلك أنا كطبيب في واقع زي السودان ده وصيتي إنو التحصين و المناعة يكون فيهم إعتبار للعناصر الاربعة دي كلها, عضوية نفسية عقلية و روحية.
    رابع: أنا قيادي ثوري من شباب مقاومة الظلم و الاستبداد: أولاً, لا بد إننا نعرف نفكر عشان نقدر نخطط.
    د عادل: طيب كيف ح نفكر و نخطط و ما هو منهجك المقترح للكلام ده؟
    قبل أن يرد الرابع قام المشارك الخامس ورد: أنا لقمان ملقب بي افلاطون و دارس فلسفة، ممكن أساهم معاكم في الإجابة على السؤال ده؟ مع إنو طرق التفكير بتختلف حسب مرجعية المفكر و موضوع التفكير.
    عادل: تمام, يكون في بالك نحن محتاجين لي نظرية تفكير موضوعية سودانية تستوعب تنوع ايديولوجياتنا و عندها قدرة على الاجابة على أسئلة الدين او الايمان والعقيدة، سؤال الفلسفة الأساسي او جدلية المادة والروح، أسئلة العلوم على ضوء النسبية و تطبيقات البعد الرابع، اخيرا أسئلة الفنون السبعة وعلم الجمال.
    خامس: أنا الرازي، خريج علوم فيزياء، ممكن أدعم كلامك ده بي رد مضمن في رؤية فيزيائية مبسطة لنموذج أو مصطلح الذرة الروحي و المادي. بالنسبة للحساب الروحاني يقول الله في كتابه الكريم ان في يوم القيامة تكون الذرة معيار الوزن “فمن يعمل مثقال ذرة خيرا يره و من يعمل مثقال ذرة شرا يره”. أما في الجانب المادي فالذرة قاسم مشترك بين كل عناصر الكون.
    اذا نظرنا لمركز الذرة او النواة كوحدة أضداد ح نجد الاجابة على سؤال التوحيد، ثنائيتها الكترونات موجية سالبة وبروتونات جسيمية موجبة و ده جواب للعلاقات الجدلية، فيها أربعة قوى نووية تمثل العناصر و الأبعاد الأربعة و اخيرا سبعة مدارات تمثل ألوان الطيف و أنغام السلم الموسيقى الطبيعي و السموات السبعة.
     د عادل: تمام، ده كلام متناسق جدا مع أيديولجيا الانسان أو علم التفكير الحديث باعتماده على نظرية الذرة التي تشبه هيئة الإنسان كما سنرى. الرأس هو النواة ووحدة الأضداد ورمانة الميزان، الكتفان تشظي الاضداد و كفتان ميزان، مربع الصدر قاعدة الميزان و أخيرا سباعية المحسن و الفخذين والساقين والقدمين هم أثقال الميزان. 
    جلال: يا دكتور ممكن تشرح لينا أبسط أدوات تفكيرك عشان تملكنا المنهج ده بشكل أوضح؟
    د عادل: أدوات التفكير هي الأسئلة و تبدأ حسب الترتيب الرأسي لمظهر الإنسان ب (ما) سؤال الماهية، (أين و متى) لدلالة المكان والزمان ثم (من وماذا و لماذا و كيف)، هوية الشخوص و أدواتهم أو الأشياء الحولهم، ثم ضرورة حل المشكلة و كيفية حلها.
    أما أسئلة المتابعة فهي كالاتي:
    ثم ماذا؟ بعد ذلك، أثناء ذلك، قبل ذلك، رغم ذلك، لذلك، أبعد من ذلك، وأكثر من ذلك. تلك هي مدارات الأسئلة الفرعية للخروج من فلك الأسئلة الكلية إلى رحاب الاجوبة الكلية. 
     د عادل: الآن الفرص متاحة للتطبيقات, أرجو إنكم تكونوا مجموعات حسب التخصصات و تطبقوا المنهج في محاولة تعليل وافي لمشاكل البلد و إقتراح حلول إسعافية و إستراتيجية.

    قسم دكتور عادل الحضور حسب تخصصاتهم إلى أدبية و علمية, بعد ذلك قسم العلميين إلى نظريين و تطبيقيين و الأدبية إلى مادية و روحية. أخيرا كون من كل قسم سبعة مجموعات تخصصية و كل مجموعة تضم سبعة أشخاص يمثلون تنوع الوان الطيف. في الجانب الأيمن من الصف الأول شكلت مجموعة الجغرافيا دائرة من سبعة تخصصات جغرافية شملت متخصص في علوم الأرض و المناخ و الجغرافيا الاقتصادية و حتى الإرصاد و الاستشعار عن بعد, خلفها تشكلت مجموعة التاريخ من متخصصين في التاريخ السياسي و الاجتماعي و القديم و الحديث و الميثولوجيا و التاريخ الشفاهي و المكتوب. أما الجانب الأيسر فقد تضمن مجموعة الأطباء و الصيادلة و خريجي العلوم, من خلفهم تحلقت مجموعة المهندسين و خلف الجميع كانت مجموعات المعليمن.
    تبقى من زمن ورشة التخطيط مئة و أربعون دقيقة, قسمها عادل بالتساوي على المجموعات السبعة, بل جعل لكل مجموعة خرطة زمنية تقسم زمنها فيه بين عصف الأفكار و ترتيبها و إعادة ترتيبها ثم عرضها. في واجهة الفصل جهاز كمبيوتر صغير موصل بشاشة كبيرة مثبتة على الحائط و معد لعرض كل أفكار المشاركين. مرت عشرة دقائق و أربعون ثانية لا يسمع فيها إلا همهمات هنا و هناك بين المجموعات بصوت خافت و صرير أقلام تكتب للسودان حاضرا جميلا و مستقبلا أجمل.
                  

07-16-2021, 08:39 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    حكومة ضل المهنيين(٢)

    وقف ممثل مجموعة الجغرافيا في الدقيقة الحادية عشر كأول مجموعة عصفت و رتبت أفكارها ثم طلبت إذن العرض.
    بعد التحية والسلام عرف إسمه و موطنه: النيل العطبراوي, من مواليد نهر النيل مدينة عطبرة, ثم جلس على الكمبيوتر و رسم شكل الانسان من أربعة عشر دائرة بدءا من دائرة الرأس الكبيرة لونها باللون البنفسج دلالة وحدة الأضداد, لون دائرتين صغيرتين في موضع الكتفين باللونين الأزرق و الأحمر إِشارة للتباين و تفكيك لون البنفسج, ثم تلاهما بأربعة دوائر في مربع الصدر و البطن بالألوان الأصفر و البرتقالي و الأخضر و النيلي لتكتمل سباعية ألوان الطيف العلوية. أخيرا رسم دوائر مسبع المحسن والفخذين والساقين والقدمين بنفس ترتيب ألوان الطيف, زاد على ذلك بتظليل خفيف. تجلت روعة شكل الانسان في تلك الدوائر التي رسمها بحب, كما تجملت بترتيب ألوان قوس قزح التي شكلت هرمين جاذبين و داعيين للتركيز و التفكير و التفاعل و الانفعال . إبتدر الحديث بأهمية و حيوية طبيعة و جغرافيا السودان المستمدة من مركزية نهر النيل و جدلية النيلين الأزرق والأبيض، ثم أحاط النيل بمربع البيئة المتنوع بين الصحراء الكبرى، البحر الأحمر، جبل مرة، و الغابات الإستوائية, بعد ذلك استطرد مفصلا سباعية أقاليم السودان حسب تقسيم المستعمر الإنجليزيٍ للمديريات الستة و الخرطوم مجمع النيلين الإقليم السابع والعاصمة الإتحادية. أيضآ تكلم باختصار عن دور الأرصاد الجوي كوسيلة جغرافية للإستفادة من جدلية الرياح الرطبة والجافة بين الشمالية الشرقية الجافة و الجنوبية الغربية العكسية, الخرطة الزمنية لمربع الفصول الأربعة, ثم العينات السبعة لكل فصل و أثر كل ذلك في الزراعة كحجر أساس للاقتصاد القومي. أخيراً عرض جغرافيا المياه الجارية بين جدلية الأنهار الطبيعية و القنوات الصناعية، مربع البحيرات و المصبات, الأنهار الدائمة و الأنهار الموسمية, ثم سباعية روافد الأنهار, الخيران الطبيعية, الترع الصناعية، الوديان، البرك، الجنادل, و الشلالات.
    مجموعة إدارة المياه عبارة عن مجموعة صغيرة داخل مجموعة الجغرافيا البشرية لكنها الأهم على الإطلاق لإرتباط الماء بالحياة و خطورة أثر التغير المناخي في حرب المياه. مثل المجموعة بدأ عرضه بأهمية المياه العذبة وضرورة ترتيب أمورها من جدلية ماء الشرب للإنسان، وماء الزراعة للنبات و الحيوان, ثم مربع مصادر المياه العذبة من الامطار، الأنهار, الآبار و الحفائر ،إنتهوا بسباعية متنوعة لفنيات الماء شملت حصاد المياه، تنقية المياه، توفير المياه، توزيع المياه، حفظ الماء، تصريف الماء، تسويق الماء.
    أخيرا مجموعة التنمية التي لخصت كل ما سبق في مجموعات الجغرافيا, قال الناطق بلسانهم: الحل في التنمية المتوازنة المستدامة بتوظيف التكنولوجيا, تفعيل جدلية الإنتاج والخدمات, مربع الزراعة, الصناعة, التعليم, و الصحة.مسبع أساسي يتضمن مجانية الماء, الغذاء, الدواء, الكساء, الإيواء, الكهرباء, الإنتماء. تحدث ممثل التنمية أيضا عن ضرورة تخطيط البرامج بخارطة زمنية فرسم هيكلا للتخطيط مبنيا على جدلية التخطيط الإسعافي و الإستراتيجي, مربع خطط الطوارئ, الخطط قصيرة المدى, المتوسطة و طويلة المدى. بعد ذلك فصل مسبع التخطيط إلى برامج عمل يومية, أسبوعية, شهرية, فصلية, سنوية, عقدية و قرنية.
    من نقطة في الوسط تماما وقفت كنداكة سمراء نحيلة طويلة الجيد وعالية القامة, بدأت بتعريف إسمها، إعتدال القاضي, شخصت صفتها كنقيب للحقوقيين ثم طلبت فرصة لتقديم عرض يمثل مجموعة القانونين. كانت نقيبة الحقوقيين ترتدي ثوبا أبيض على الطريقة السودانية الاصيلة و لو كانت رجلا لتمردت على البدلة الافرنجية و ربطة العنق. مرت دقيقة كاملة قبل أن تبدأ الحديث و ذهن عادل يمشي بين التوقع والاحتمال جتى فاجأته في أول جملة عبر عنها صوت قوي و لغة بينة المخارج و المداخل: قالت إعتدال بثقة يزينها أدبها و تهذيبها رغم قوة شخصيتها البائنة في نبرتها "حل مشاكل السودان كلها تكمن في دولة القانون لأنه مصدر و حامي العدالة و المساواة, يبدأ الحل من توعية و إجماع المجتمع السوداني على عقد تعايش جديد, نواة لقانون دستوري مرن و بسيط حتى يسهل تعريف و تقنين معنى المواطنة بين حقوق و واجبات المواطن .
    قام عادل من مقعده دون أن يشعر وصفق فتبعه تصفيق من الجميع.

    واصلت الأستاذة في أدب بعد أن انتهى التصفيق. ثم إن مربعات الدستور تشمل مربع مصادر التشريع التي تتضمن الاعراف المحلية و الدساتير العالمية و شريعة دين الأغلبية و شرائع الأديان الأخرى مهما كان أتباعها أقلية. أما مربع السلطات فيبدأ من سلطة القضاء المستقل في قمة هرم السلطة, تعقبه سلطة الإعلام الحر المعبر عن صوت المجتمع والثقافة, ثم السلطة التشريعية التي تنتخب بالديمقراطية التمثيلية أو التوافقية. السلطة التنفيذية التي يجب أن تعتمد الكفاءة المهنية و الكفاءة الإدارية, القطاع الإنتاجي والقطاع الخدمي. أخيرا مربع نظام الحكم الذي يجب أن ينص صراحة على نوع الحكم, مدة الحكم, هيكل الحكم, و تدويل الحكم. بعد تحقيق مربعات التربع على عرش العدالة اتفقنا نحن القانونيون على سبعة قضايا أساسية متنوعة لتكمل معنى الدستور و تحقيق هدفي الحرية و السلام المستدام: أولا كفالة الحريات التي تحدها حريات الأخرين, ثانيا و ثالثا تحديد الحريات بالقوانين العامة و الخاصة, رابعا و خامسا تمديد العدالة الإجتماعية في توزيع ثروات الدولة و تحقيق السلام من خلال أمن الفرد و المجتمع, سادسا و سابعا تعزيز السياسات الداخلية بإدارات فدرالية قومية و تطوير العلاقات الخارجية بإتحادات كونفدرالية إقليمية. بالنسبة لهيكل السلطة نقترح أن يتكون من رئيس و نائبين يمثلان العدالة الإثنية في ثنائية الزنج و العروبة, يتبعهم أربعة وزراء فقط لإدارة الشؤون الداخلية و العلاقات الخارجية و وزارة الإنتاج و وزارة الخدمات. يكتمل هيكل السلطة بانتخاب سبعة حكام للأقاليم الفدرالية السبعة المسماة بالعاصمة الإتحادية و النيل الأزرق و النيل الأبيض و كردفان و دارفور و البحر الأحمر و نهر النيل، بهذا نختم رؤيتنا لدولة القانون.غنى عادل و ردد خلفه جميع المشاركين كورس "الكنداكة سيري سيري الاراكا" ثم صفقوا للاستاذة اعتدال التي انحنت طويلا قبل أن يتقدم ممثل مجموعة السلام و يعرف نفسه: إسمي أمين عبدالسلام, مولود في قوز عبدالسلام و أمثل مجموعة الأمن و السلام. أولا نشكر الأستاذة إعتدال و مجموعة القانونيين على المعلومات القيمة و أقول ليها أبشري بالخير، نحن الذين يقع على عاتقنا حماية و تنفيذ القانون, إذن فالحل يتواصل بترسيخ دعائم و جدلية الأمن الداخلي و الخارجي, مربع عمليات الأمن يتضمن توزيع الشرطة في كل ركن و على طول الشوارع لبسط هيبة القانون بدلا من التمركز في المراكز في انتظار تجريم البشر, نشر الجيش في كل حدود البلاد بدلا من التمترس وسط المدن ، تطوير ذكاء المباحث الجنائية و أساليب منع الجريمة, ثم ترفيع الأساليب الدفاعية و القتالية للمخابرات العسكرية بتوظيف الطاقات الروحية و الذهنية لإحباط مؤامرات حرب الجيل الرابع. إن أهم همومنا لخصناها في سبعة هي الإهتمام بأمن الإنسانية قاطبة تحت قانون حقوق الإنسان, المساهمة في طمأنينة و أمن الفرد المادي و المعنوي, تعزيز قيمة السلام الإجتماعي و سلامته, تأمين المرافق العامة, تحقيق الأمن الاقتصادي و الغذائي, التأمين الصحي، تأمين حدود الدولة.


    مجموعة الإدارة مثلها الناظر صالح المشهور بصالح الديمقراطي الذي عرف نفسه و قرأ ملخص مجموعته: حلول الإصلاح الإداري تبدأ من إعادة النظر في الإدارة الأهلية أساس ديمقراطية الاجماع و الإدارة الحكومية لهيكل الدولة. مربع الإدارة يبدأ بإدارة النفس و إدارة الوقت، ثم إدارة الأفراد و إدارة المجتمع. أما السباعية التي اخترناها لكم فتشمل الإدارة العامة بما في ذلك إدارة الدولة، إدارة الأعمال، إدارة المال، إدارة الخدمة المدنية, إدارة الخدمة العسكرية، إدارة العلاقات العامة، إدارة البيئة و بشكل مباشر تدوير النفايات. جملة أخيرة " الما بيقدر يدور النفايات ما ح يقدر يدور السلطة.صفق الجميع صفقة استمرت قرابة الدقيقتين.
    عادل: طيب يا شباب، ممكن نرجع تاني لي أمراض السودان و إنسان السودان؟
    قام طبيب آخر و عرف نفسه: أنا دكتور حكيم عبد الكافي من قرية طابت: أؤكد تشخيص حالة السودان بموت سريري, جدليته فقدان مناعة و أورام خبيثة, أبعاد المرض الأربعة عضوية، نفسية، عقلية و روحية. حال صعبة صاحبها نزيف مستمر بسبب الحروب، انيميا بسب الجوع متلازمة الازمات الاقتصادية، حميات متنوعة بسبب الناموس و تردي البيئة، نزلات معوية بسبب الاوساخ و توالد الذباب، أمراض دم بسبب سوء التغذية، فشل عضوي بسبب الكيماويات و استيراد الأغذية المسرطنة، أخيرا إحباط نفسي بكثرة الصراعات و إدمان الفشل. الحلول الطبية وقائية و علاجية تبدأ بتبني ثقافة النظافة، ثقافة غذائية صحيحة، تشخيص سليم للأمراض، أدوية طبيعية من البيئة المحيطة. صفق الحضور.واصل دكتور حكيم الحديث مستطردا: الحل في الصحة وجدلية الطب الوقائي قبل العلاجي, مربع الغذاء و النظافة و التشخيص و الدواء, ثم مسبع التطعيم المبكر، المرافق الصحية المؤهلة، الأطباء المتخصصون، الأجهزة الطبية، دقة الإجراءات الصحية، الممارضة العلاجية و الاسعافية ، العناية الطبية.
    أما بالنسبة للطب النفسي فمعظم مشاكلنا النفسية سببها سيطرة الأنا و عدم الإحساس بالآخر. مربعها الشرير هو التكبر و الغرور الذي ينتهي بظلم الآخر، عنصرية الدين و اللون والقبيلة التي تنتهي باستعباد او استبعاد الآخر، الكذب الذي يقود للنفاق الإجتماعي و إستلاب حق الآخر، القسوة التي لا يتردد صاحبها في الاعتداء، بل و قتل الآخر. من مظاهرها المتنوعة الوسواس، الجهل، العنف، التطرف، البغض، الحسد، و السحر. المناعة النفسية تبدأ بترويج و ترسيخ معاني عظمة التواضع رافع الفرد في عيون الاخرين و أن السعادة تبدأ بالرضاء بالقليل نتقوى بالعهد و الاإرادة، نتوحد بالصدق، الصبر مناعة المبدع ضد إستعجال النهايات. حسن النية يقتل الوسواس و يورث حسن الظن, حسن الظن يجعل الحضور سهلا ويأتي بالوعي الإيجابي، الوعي يقلل الأخطاء فيتمدد الحضور للطمأنينة، الطمأنينة سلام داخلي يسوقنا نحو الرضاء و التوازن و الإعتدال، الاعتدال الحقيقي هو أن تقف بين نفسك و الآخر فتقبله و تحبه، الحب نور يتغلغل و يكشف أعمق بؤر الجمال, الجمال وجه الله و مدخل الروحانية اللطيفة.

    (عدل بواسطة عاصم الطيب قرشى on 07-27-2021, 03:12 AM)

                  

07-17-2021, 10:05 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    حكومة ضل المهنيين ٣

    توالت مجموعات المهنيين تقدم ملخصاتها حول المشاكل او الحلول من خلال تطبيق منهج الانسان.
     
    مجموعة المجلس المهني: لابد من احتواء صراع العسكر و المدنيين بعمل بيوت خبرة مهنية تحتوي مدنيين و عسكريين يتربعون على أربعة مجالس: مجلس صحي، هندسي، اقتصادي، اجتماعي . تفضي هذه المجالس الى سبعة إدارات تبدأ بالادارة الطبية، التكنولوجية، الأمنية، الزراعية، الصناعية، التعليمية، الثقافية، الإبداعية.
    مجموعة السياسيين: مشكلتنا الآن هي لعبة كراسي السلطة و الفجوة بين الحكام و المحكومين، البلد كلها مسجونة بين أربعة جدران ملتهبة بي نيران التنمر الحزبي و القبلي و الطائفي و الثقافي. نحن الآن نتمزق نتيجة لصراعات السلطة، صراع الثروة، الصراع الطبقي، الصراع الايديولوجي، الصراعات الإقليمية و العالمية. حلنا في احتواء الصراعات دي عبر نظام ديمقراطي توفيقي توافقي.
    مجموعة الزراعيين: نحن نجزم أن الحل في الزراعة بثنائيتها اليدوية و الآلية. لابد ان نضع في الحسبان خطط اسعافية فصلية و إستراتيجية قرنية تشمل مربع البساتين، المحاصيل، المراعي، و الغابات. بيد أن هناك سبعة عوامل تحكم نجاحنا، هي تمويل الانتاج، توفير الماء، إعداد الأرض، تحسين التقاوي، تدريب العمالة، تطوير الادارة، و حماية المنتجات. 
    مجموعة الاقتصاد الزراعي: لابد أن نضع في الحسبان فائض القيمة بتصنيع منتجاتنا الزراعية، ثنائية محاصيل غذائية و نقدية, مربع الإنتاج الزراعي هو الأرض، راس المال، العمالة، الإدارة. أما مسبع عمليات الاقتصاد الزراعي فتبدأ من كم و كيف المنتج، تصنيع المنتج، تغليف المنتج، ترويج المنتج، تسويق المنتج، ترحيل المنتج و تخزين المنتج.

    مجموعة الصناعات: الصناعات بشقيها الخفيفة و الثقيلة هي طوق نجاتنا الثاني بعد الزراعة. لابد أن نبدأ بتدريب المجتمع على تجويد صناعته اليدوية، الآلية، التقليدية و الحديثة. سنصنع للاكتفاء الذاتي قبل التصدير. صناعة الأغذية، الأعشاب الطبية، الغزل و النسيج، صناعة الجلود، الفخار و الخزف، النجارة و الموبيليا، التعدين و الخراطة.

    مجموعة المعلمين: اولا لابد من حل مشكلة السودان تكمن في الوعي العام بشقيه المدرسي و المجتمعي، يكون ذلك من خلال تصميم مناهج جاذبة تناسب متغيرات العصر و خصوصيتنا كسودانيين على مستوى المحتوى و طريقة العرض. اذن المربع الاساسي يبدأ بالمنهج ثم إعداد المعلمين و السلم التعليمي و المؤسسات التعليمية.
    تأهيل المدارس، التأهيل التربوي، الكتب المدرسية، الوسائل التعليمية، السكن الطلابي، الزي المدرسي، و المناشط التربوية.

    شعبة التعليم الفني.
    معاهد و كليات.
    زراعي،  صناعي، هندسي, تجاري
    زراعة و صناعة الاغذية، زراعة وصناعة المنسوجات، زراعة و صناعة الاثاثات، صناعة الجلود، صناعة المعادن، المعمار و المنشآت, صناعة الطاقة. 

    شعبة التعليم لأكاديمي.
    قبل المدرسي و بعد المدرسي.
    محو الامية التعليم الديني, التعليم العام و التعليم الخاص.
    .رياض الأطفال، خلاوي القرءان, تعليم الاساس، التعليم الاوسط، التعليم الثانوي، الكليات الجامعية، البحث العلمي.

    السلم التعليمي.
    رياض للترويض، مدارس أولية لتدريس القراءة و الكتابة، مدارس وسطى تعلم التفكير المنطقي و الابداعي، مدارس ثانوية تطبق التفكير العلمي و العملي.
    زمن اللعب من سن الثالثة للرابعة. زمن الحفظ من الخامسة للثامنة، زمن العمل من التاسعة للثانية عشر، زمن العلم من الثالثة عشر للسادسة عشر، تخصصات جامعية من السابعة عشر للعشرين، ماجستير بحث نظري من الواحد و عشرين لاثنين و عشرين، دكتوراة نظرية و دكتوراة احترافية من اثنين و عشرين لستة و عشرين.

    مجموعة مناهج رياض الاطفال
    تربية الحركة و الحواس بين اللعب و الحكي.
    تربية بدنية، وجدانية، ذهنية، روحية. 
    رياضة، أخلاق، تحفيظ، قراءة و كتابة و حساب، فنون.

    مجموعة معلمي المرحلة الوسطى
    تفكير منطقي و إبداعي.
    فلسفة و علوم، زراعة و صناعة.
    رياضيات، لغات، علوم طبيعية، علوم انسانية، أعمال يدوية، فنون، أديان.

    مجموعة الأمن القومي: حل قضايا الأمن الداخلي و الخارجي يبدأ بطمأنينة الفرد، السلام الإجتماعي، الأمن الإقتصادي، الأمن السياسي.
    قوات الشرطة تبسط هيبة القانون, قوات الجيش تحمي الحدود و هيبة الدولة, الاستخبارات تمنع التخريب , قوات المباحث تمنع الجريمة
     مجموعة تربية السمع، جدلية الاستماع النشط و الاستماع الخامل، مربع استماع التمييز، استماع المعلومات, الاستماع التحليلي، الاستماع التذوقي.
    مسبع الانتباه، الانصات و الاصغاء، البساطة فعلية و تركيب حسي، انفعال عاطفي و تفاعل ذهني، حضور جمالي و غياب روحاني.

    مجموعة الموسيقيين: جدلية الزمن و النغم تتمركز حول مربع الإيقاع، و اللحن، و الانسجام، والخلفيات لتنتهي بسبعة أنغام موسيقية لبناء سلم موسيقي طبيعي و متعارف عليه. خصوصيتنا و تميزنا تكمن في تراثنا الشفاهي من حكايات وشعر و موسيقى لون النغم، الأوزان الإيقاعية، المقامات والسلالم، الصوت البشري، الآلات، المدى الصوتي، النسيج والانسجام.
    من زاوية علم النفس الموسيقي نقترح توظيف الموسيقى للتوازن النفسي عبر الوعي و اللاوعي لأن أقوى جدلية لوظائف الموسيقى هي بعديها المادي، و الروحي. الموسيقى محفز فعال لمربع اللذة، الحنين، الدهشة، و الشوق.
    أجمل سباعية ناتجة عن التفاعل مع الموسيقى تبدأ بالمعايشة، الرقص، الطرب، ثم الحضور، الخيال، الانعتاق، و الاستشراف. 
    مجموعة الفنون البصرية: الفنون البصرية هي الأساس لفهم الواقع و إعادة إنتاجه, جدليتها الأساسية هي الرسوم المتحركة و الثابتة, مربع التمثيل و الإخراج، التصوير و الرسم، التخطيط و التلوين, النحت و الخزف. سباعيتها تشمل النسيج, التصميم الصناعي و التصميم الايضاحي, التجسيد, التجريد، المطبوعات, و الرسوم المتحركة. لا يمكن أن نحل مشاكلنا بالفنون البصرية ما لم نتعلم شوف الحاضر و الغائب. مربع النظرة و الرؤية و البصر و البصيرة. مسبع شوف الروح شوف القلب شوف العقل شوف العين و شوف الاذن، شوف الفراسة و شوف البصارة.  

    مجموعة اللاهوت:
     الله
    بديع السموات والأرض
    خلقهم من اربعة عناصر، الهواء و الماء والتراب و النار
    ثم سبع سموات و من الأرض مثلهن.
    مجموعة الوجود: أصل الوجود سكون ثم أمر بين كاف و نون.
    المربع بين كن و كان فيكون و سيكون، أفعال تتحرك في الزمن
    من الأمر في الماضي إلى الحاضر و المستقبل.
    كينونة، كيان، كائن، مكان، زمان، كون و مكنون.

    مجموعة العلوم الطبيعية: الحل في معرفة علوم الطبيعة للإنفلات منها, الجدلية الأساسية هي جدلية الطبيعة و ما وراء الطبيعة. مربع علوم الانسان, علوم الحيوان, علوم النبات, علوم الكون. الذرات، المركبات، الخلايا، الانسجة، الأعضاء, الانظمة، الكائنات.
    مجموعة المفكرين: الحل في التفكير السليم لأنه مفتاح حل مشاكل الحاضر و أساس التخطيط للمستقبل. التفكير منطقي و ابداعي، يبدأ بعصف الافكار، ثم ترتيب الأفكار, إعادة ترتيب الافكار، و ينتهي بعرض الافكار. تتجلى آثاره في حسن الظن ، العلم و العمل،التوازن, الجمال و الخيال، و الروحانية.

    الجماعة السلفية: نحن نعتقد أن المشكلة في التوحيد بين توحيد الالوهية و الربوبية، مربع العقيدة و الفقه و السيرة و الدعوة، مسبع الاستقامة و القرءان و السنة و العبادات و المعاملات و الاتباع و ترك الابتداع.
    مجموعة المتصوفة: الحل في حب الله نور السموات والأرض و خلقه، خلق العناصر الاربعة النار و التراب و الماء و الهواء.  السبع سموات.
    أخيرا قام شيخ صالح ليختم ورشة التفكير بكلام حكيم و روحاني: يا اولادي الكلام ده كلو من غير مبادئ و قيم و أخلاق ما بيتم. لازم نبدأ علم الاخلاق بتفسير مبدأ الإيمان ما وقر في القلب و صدقه العمل يعني العلم والعمل. بعدين مربع العهد و العزم و الصدق و الصبر. ثم مسبع الاحسان من حسن النية, الوعي, السلام و الوسطية و الحب و الجمال و الروحانية. هرم خلافة الأرض يبدأ من الغوث و الإمامين، الأقطاب الأربعة , ثم مسبع النجباء السبعة, العرفاء العشرة, الأمناء الاتناشر, البدلاء الاربعين, الرقباء السبعين, الأولياء التسعة و تسعين, و النقباء التلتمية و ستين.
                  

07-17-2021, 01:15 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)
                  

07-17-2021, 01:30 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    فقاقيع الفصول
    عاصم الطيب قرشي


    مع هدهدة خرير النيل المتدفق في الزمن الترابي، نَامَ عَادِلُ المائي عَلَى أَحْلام يقظة بلقاء حبيبة يمني بها الروح, لكنها لم توجد الا في قلبه الحالم. إستيقظ على حلم سريالي يجرد أربعة حبيبات ويجسدهن. كان يجلس قريبا من دائرة اشتد ضرب الطبول عليها كما اشتدت ضربات قلبه بخواطره الثائرة. ما زال صدى صوت الطبل في الحلم يتردد على مسامعه ونبرات قوية من وجوه صارمة تردد "الحي قيوم ،الحي قيوم". قال عادل بصوت مموسق: بل الحي ودود ، هذه القيومية أقامت الدنيا وما أقعدتها.رد صوت كامل مناصراً: إنها كلمة حقٌّ أريد به باطل.إستدرك عادل قائلا: ليس لنقص فيها بالطبع ، بل لتقصير وتقاصركامل: اللهم لا تجعلنا ممن يقولون ما لا يفعلون
    عادل:من تقصد؟ هل تقصد الساسة والسوسة والسيسة؟
    كامل: يا أخي لا تؤاخذني, لقد أفرغنا اللحظة عن جمالها بذكر من لايستحقون الذكر.

    ربما حقت قيمة القيومية إن حق القيام والقوامة والإستقامة ، بيد أنها انتهت عند قوم يقيمون الليل لهوا والصلاة سهوا. تطاولت نفوسهم لإرضاء الأنا والتناطح بالبناء فقطعوا الطريق على الهواء إلا من غبار ترابي عالق وريح عقيم . ناطحت عماراتهم السحاب كما ناطحت نفوسهم السماء بغرور و كبرياء نسوا فيه حقيقة الموت حين اكتمال الدائرة ومعنى الإنحناء حين الوصل.
    فجأة إنتفض عادل واختطف أحد الطبول مردداً في إبتسام “الحي ودود، الحي ودود”. تلك الودودية في لا زمن حركت النسائم صباً وعليلا، فحين حمل عادل النوبة وطاف بين الذاكرين أشاع محبة بين الناس حركت النسائم وسرعان ما صارت توقيتا للجمال وجسرا للوصال، عبر به من زمن الأفلاك الكثيف إلى زمن الحضرات اللطيف.
    لقد دخل في دائرة زمن كوني توحد فيه فوحد فيه حنين الماضي بأشواق المستقبل في دهشة الحاضر حتى صار الزمن عنده دائرة تسع الكون. كان نقر عادل على الطبل رقيقا رقص عليه فدار دورة رسم فيها دائرة هاء الله بجسده في محوره، بيديه في الهواء وبرجليه في التراب ثم دار ودار حتى أغمي عليه. غاب عن رؤية الأشياء مجتمعة لكنه حينها حضر الحقيقة مشهدا فكت طلاسمه فجذبته السماء جذبة رأي فيها فصول العمر نساءا.
    كان الصيف إمرأة رآها جسدا بلذة فقاعة ماء تبرجت عند غيظ الصيف فأججت الإشتهاء لكنها سرعان ما تبخرت دون أن يتمدد في حبها ثم تكثفت سحابة تبشر بالخريف. أما إمرأة الخريف فقد كانت حبلى بكل ما تحمله الخصوبة من معاني، تشبه تماما تلك الفتاة المرسومة على عطر بنت السودان. تلك عروسته الأولى وقد صادف عرسه منها زفاف الغيث على المروج. ليلة أشهرت فيها دفوف الرعد وأنغام الخرير زواجهما، رقصا على إيقاع الرعد و نبضهما و لحن أنفاسهما. كان الحفل يعج بمشاهد كونية عجيبة، إناث الندى تكورن فقاقعات بلور تفتقن فراشات لحقن أزهار قلبه فحبل حبا. كن يتزينَّ للعرس فتموجن على بصيص ضوء شارد تلوح منه ذكريات عاشقين، آمال محبين وصور لعوالم لم ولن توجد إلا بين حنايا تلك البلورات. هناك عند نهاية الجدول الذي يطوف بالحديقة خرجت ضفادع الغدير تغني إلا من ضفدع عجوز كان يحكي حواديتا للأسماك الصغيرة التي نامت على هدهدة أغنياته النقيقة. إنتهى عقد إمرأة الخريف بحلول موسم الشتاء.
    إمرأة الشتاء فقاعة زجاج لا تحتمل الوقوع، صلبة كجمود جليده ولكأنها لب بلا قلب أو جسد بلا روح. كثيرا ما وقفت سدا منيعا بينه وشلال عواطفه بتهمة البكاء على أطلال الخريف كما أعلنت إشمئزازها منه حين إرتدى جبته الخضراء المرقوعة بحمرة توهجه، بل اتهمته بالرياء حين سألته ذات استنكار: أما آن لك أن تكف عن الرياء و ترتدي الخفاء؟ هيا اخلع عنك هذا الزيف. لم تكن تعلم إمرأة الشتاء أن عادل روحا بلا جسدا إلا عندما خلع جبته الخضراء ليبدو شفافا كقوافل النقاء. خرج منها والوقت إشراقات وسماؤه ملونة بأحواله، أقسم أن يسطع فيها شمسا ثانية فأبره الله حين أشرق في زمن الأفول وعنقاء مغربه تملؤ الأفق بجناحيها. دنا منه أطفال الحارة و حينها لم يره أحدٌ سواهم فشيعوه المجنون المجنون المجنون. إلتفت ضاحكا بعد أن أطمأن لصدقهم فأيقن أن العقل قد رفع العقال عنه وأن طول اللذة ما عاد بعمر فقاعة ماء تطفئها سموم رياح الصيف ولا فقاعة بلور تخدش وجهها أشواك الخريف، و لا فقاعة زجاج يحطمها السقوط حين تتجمد عند زمهرير الشتاء. قف، إنها الفقاعة الماسية، فقاعة الروح في ربيع العمر. فقاعة لا تفنى في الزمن!
    التفت عادل مرة أخرى مبتسما لمن شيعوه ثم أطلق ساقيه للريح ليجرى بكل ما لديه من قوة. جرى حتى صار في هيئة نسمة، حتى إذا ما اقترب من البحر رأته شجرة التوت النابتة على صخرة البحر فهمست الشجرة للصخرة: أنظري أيتها العذراء، لقد تشيأ فارس أحلامك وصار يشبهنا. أحدست الصخرة خفقان قلبه لوميض أنوثتها فأسرعت بشد شجرة التوت توارت خلفها. تعرى ظهر الشجرة فانتفضت محتشمة, شدتها الصخرة وانتزعت صفقها, استردته الشجرة, استعادته الصخرة, الشجرة, نزاعاً صار اعصارا عتم الرؤية.
    لم يعد يبصر شيئا فأخرج ضوءا من ذاته ليفرغه في الموقف، بيد أن الموقف تبعثر صور ورموز وإشارات زادت الضبابية. لم يبق منه سوى روحه فسكبها في الأشياء. حينها تفتفقت الشجرة مصابيحا وعانق رنين خروج روحه شهقة دهشة الصخرة, مازجها، زاوجها، واقعها ولاقحها لينجبا في التو وشوشة الهمس. أشهرت صرخة الميلاد زواج الصخرة منه، باركه موج البحر، عصافيره، أصدافه وكل الأحجار الكريمة خرجت تردد أغنية الزفاف بلحن الربيع:

    أَتَى الرَّبِيْعُ
    اليَوْمَ عِشْقٌ كَرْنَفَالْ

    مَضَى الصَّقِيْعُ
    السَاعَة دَقَّت احْتِفَال
    ها النَّسْمُ يَخْتَلِجُ الصُّخُور حَقيقةً
    والتوت يشعل في المياه حريقةً

    عاصمة تعانق في الجمال
    جلاله القدسي
    عاصفة تلاقح في الجلال
    جماله الحسي
    تكتب ليلة العرس
    تعويذة آية الكرسي
                  

07-18-2021, 01:31 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    *تاريخ الاستهبال السياسي*
    عاصم الطيب قرشي

     عادل: تعالوا أحكي ليكم تاريخ الاستهبال السياسي من نهايات القرن الناري الى نهايات القرن الترابي.
    كامل: ممكن نرتجل الفكرة كلنا و نفرق دمها بين القبايل. ابدا ليكم من  العصب. اتخيل نفسك انت الخليفة يا عادل قاعد في فروتك بعد صلاة الظهر، جاك واحد من الانصار برك قدامك وقبل يدك و همس ليك:
    جلال: سيدي الخليفة انا عندي وجع في اضاني تعبني شديد و رأيت لي رؤية في المنام شفت فيها خليفة المهدي يعزم لي في اضاني و انا شفيت و الشفاء من الله.
    عادل: اسمك شنو يا المبروك؟
    جلال: إسمي قلب التور ود تورشين.
    عادل: خلاس تعال لي بكرة يا التور بعد صلاة العصر.
    كامل: في اليوم الثاني صلى الخليفة العصر بالانصار و بعد الباقيات الصالحات و قبل الدعاء نادى الخليفة بصوت عالي:
    عادل: "قلب التور ود تورشين".
     جلال: نعم سيدي الخليفة.
    كامل: قام قلب التور و جرى بي سرعة للخليفة و صنقر قدامو و سلم عليه في ايدو. الخليفة قرب منو وعزم ليهو في اضانو. الانصار قالوا لخليفة عندو كلام سر مع الزول الغريب ده. بعد ما الخليفة قرأ للانصاري طوالي مرق و ركب فرسو و كرب كرب . الأنصار كلهم اتحلقوا حول قلب التور.
    أحدهم: هوي، شن نفرك مع الخليفة؟
    آخر: بتوسوسوا في شنو؟
    ثالث: الخليفة قال ليك شنو؟
    جلال: الخليفة قال داير وزراء جداد لنج وقال اي وزير لازم يكون شريفي جدو النبي..وقال انا اسجل الأشراف في ورقة و اوديها ليهو بعد اسبوع...الشريفي منكم خليهو يجيني في البيت نسجل اسمو.
    كامل: بعد صلاة العشاء عدد لا بأس به من مرشحين الوزارات مشوا بيت قلب التور. كل واحد دفع
    جنيه رسوم تسجيل بلغت مبلغ محترم يكفي لي مواصلة مكر قلب التور لقرن كامل. بعد أسبوع وبعد صلاة الجمعة الناس الدفعوا سألوا عن مصير الوزراء القدام و الكشف الجديد وجنيه التسجيل.في الاسبوع التاني بعد صلاة الجمعة اجتمعوا مرة تانية و وسوسوا و شككوا في نوايا قلب التور نادوه و هددوه بصوت خافت: قلب التور المكار تدينا قروشنا ولا نكلم الخليفة.
    جلال:- كدي شيلوا الصبر شوية وانا بمشي اسال الخليفة.
      كامل: قلب التور مشى للخليفة قبل ما يخرج من المسجد و همس ليه بي ادب: يا سيدي الخليفة والله اضاني العزمت لي فيها  شفت و بقت تسمع الخواتر، أكان بعد صلاة العصر عزمت لي فوق اضاني التانية قلب التور يبقى عين و اضان للخليفة.  بعد صلاة العصر نادى الخليفة بصوته الجهور:-
    عادل: قلب التور ود تورشين.
    كامل: قلب التور قام من الصف الامامي و الوزراء الأشراف كلهم صلوا على النبي و دعوا ليه بالتوفيق. ا
    الخليفة قرب منو و قرا ليه في اضانو التانية و بي سرعة ركب فرسو و كرب كرب مرق بعيد.
    الأشراف المسجلين في كشف الوزراء كلهم اتكابسو علي قلب التور متملقين:
    أحدهم: قلب التور قلب الخير و النور.
    آخر: يا جماعة صلوا على النبي و آل بيتو.
    وزير مرشح: اها الخليفة قال منو ومنو ؟
    جلال: والله الخليفة قال كلام حااار، زي النار البحرقوا بيها الكفار .الخليفة قال يوم الجمعة يولع التقابة بعد صلاة العصر و يوقد نار كبيرة و يدق النوبة و يجيب الناس المسجلين ديل كلهم يدخلهم في النار واحد واحد عشان يعرفي الشريفي الاصلي من الكضاب.. ويا جماعة الشريفي النار ما بتحرقا و الكضاب يلاقي الله ويلاقي النار ويلاقي المهدي و خليفتا وانا من ضربي دا ماشي أسلم الورقة للخليفة.
     أحدهم : المبروك اخوي عليك الله تمسح اخوك انا شريفي من امي بس.
    آخر: هو يا ود تورشين انا ما شريفي، اني منحب الأشراف فوق الله و الرسول يا أخاي تمسحني بس.
    وزير مرتقب: قلب التور ود تورشين امسك دي خمسة جنيه امسح اسمي ده هسة و اشطبوا و قشو ما توري لي زول.
    جلال: قلتو كدي؟ خلاص كلو واحد يدفع خمسة جنيه و نشرط ليه محل اسمه مكتوب ده نسلمه ليه في ايدو.
     جميعا بصوت واحد: الله أكبر.
    جلال: الله أكبر ولله الحمد يا نجوس ثم صار يحسب الخمسات، خمسة، عشرة، خمستاشر، خمسمية و خمسين، تسعمية و خمسة وتسعين والاشراف المعصومين ما زالوا  يتدافعون لتمزيق أسمائهم من كشف وزراء خليفة المهدي المنتظر.
    كامل: ضحك قلب التور ضحكة ابليسية مخلوطة بالمكر و الخبث و الزهو و السخرية و قال جملة سمعها ابليس وحده و حجبها عن الناس قرنا كاملا: قالول البلد ناقصة وزراء شريفين مش اشراف!
                  

07-18-2021, 12:06 PM

عبدالغني محمد الحاج

تاريخ التسجيل: 06-25-2005
مجموع المشاركات: 234

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    كلام من درر ذاكرة قوية وقدرة كبيرة على التصوير وتجسيد الأحداث
    تسلم يا فنان
                  

07-18-2021, 02:42 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عبدالغني محمد الحاج)

    شكرا جزيلا يا غني الروح
    عبثا نحاول تحويل نار الثورة و حرارة المقاومة إلى نور.
    سيدخل المؤرخون في مأزق التوثيق التقريري الممل ما لم
    تتجمل أحرفهم لتستجدي قراء المستقبل.
    ودي و احترامي.
                  

07-18-2021, 02:51 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة: حكايات (Re: عاصم الطيب قرشى)

     المهدية الثالثة

    عادل: عايزين نعمل جرد تاريخي مواصلة لتاريخ الاستهبال السياسي في العهد الناري الثاني.
    كامل: احسب معاي التفاضل و التكامل يا بتاع علم الحسبان. صباح الاربعاء سبعة و عشرين شهر الكوارث عام البسملة، اجتمع اللمام بي اولادو
    و اولاد عمومتو لهادي و الضلالي و ليل و نهار و غيرهم من آل البيت الكبير و أتباعهم و اشياعهم و أنصارهم و من سيسير على هديهم إلى يوم الدين. 
    عادل: متذكر كانت اجندة الاجتماع العاجل هي البكاء على اطلال العهد الناري، الوقوف على أنقاض العهد الترابي و استشراف آفاق القرن المائي.
    كامل: مساء الاربعاء نفس اليوم خرج المجتمعون ببيان ملخصو "نحن اجتمعنا عشان نوحد الامة"
    جمال: يوم الخميس اللمام صرح بدعم الثورة.
    عادل: و يوم الجمعة الاسافير كلها ضجت إنو اللمام ضد النظام.
    جمال: يوم السبت أصدر اللمام بيانا ينفي خروجه على الحاكم العام.
    كامل: من هو النظام يا ما منظمين يا...  تعالوا شوفوا النظام في خلية النحل دي و اوع
    واحد يقرب، ح تلسعو نحلة عانس، ده لو ما جاهدوا فيه شغيلين الملكة. 
    عادل: إمام القرن الناري خال القرن الترابي.
    كامل: نايب الترابي زوج بت خال اللمام.
    جمال: ميم عين هباكم كريمة خال اللمام قرينة نايب عزرائيل سفاح كتايب الظل.
    عادل: وزير الدفاع بالنظر نسيب المهدي المنتظر
    كامل: نسيب الهادي مدير جامعة الهادي.
    جمال: رئيس برلمان الشر نسيب المهدي .
    عدل: هباني نسيب العتباني.
    كامل: اتفضلوا شاهدوا فيديو زواج نايب عزرائيل عشان تشوفوا شربكة شركة آل البيت.
     جلال: ديشاااااك.! دي خلية نحل فعلا، تخيلوا الثورة دي لو ولعت الخلية دي تطير وين وترك وين من الدخان الما بمبان! 
    كامل: يا زول القرنطول ده و الله ما يطير لا بدخان عذبات و لا بوخة مطبوقة، بالانصهار القلتوه ده هم اقرب الي الأعداء
    من الأصدقاء بالنسبة للثوار شذاذ الآفاق ديل، لذلك الثوار لازم يلحسوا كوعهم طالما الأمة كلها بقت أعدقاء.
    عادل: والحل؟
    كامل: ما قلنا ليك الحل في البل.
    عادل: لا اله إلا الله محمد رسول الله، يا زول انت جنيت؟ عايز تطمبجها ولا شنو؟ ما كفاية اتبلبلت بالدم.
    كامل: ولا شنو دي انا عندي فيها رأي يا عادل و كلنا شايفين شوفنا. بس انت خليك عادل في تقسيم فرص الحلول وواقعي ما تبقى لينا دكتاتور و مثالي.
    عادل: كدي قول ولا شنو حقتك دي.
    كامل: نلعبها حريق علينا وعلى اعداءنا و البتغلب ما يخرخر. الخمسين بي خمسين و الجوكر بي خمسين سنة في كوبر.
    عادل: هي أصلا يا حرقة ولا غرقة يلا اختاروا.
    جمال: لا حرقة و لا غرقة، أنا اخترت المرقة، أحسن أركب السمبك و لا أموت سمبلا بالخازوق و السمبك.
    جلال: خلونا نموت كلنا مش تلتين بس.
    عادل: لو مات ربع العشر بس ممكن يكون زكاة الشعب السودان.
    كامل: أنا مع أخوي جلال، خلونا نموت كلنا و هم يحكموا نفسهم براهم.
    جمال: و الفائدة شنو لما يجوهم غزاة من بره و يغتصبوهم و ياكلوهم بالشوكة و السكين بلا رحمة على طفل و لا عجوز و نحن تحت الأرض بلا حول و لا قوة؟
    جلال: فليكن، نحن مالنا!
    جمال:  تبقى ديوث و حاقد و شمتان و رمدان  لانو ده بينافي طبيعتنا كسودانيبن و كبشر.
    جلال: يا اخوي نحن ما ملائكة عشان نستحمل الظلم و التعالي و الإستبداد ده، ولا نحن حيران المسيح عليه السلام عشان نمد خدنا الأيسر للبلطمنا في الايمن.
    عادل: من حقك تطلب العدالة و المساواة و العين بالعين و السن بالسن بس العفو عند المقدرة أرجل و اجمل، الكورة عندك و الميدان كاشف.
    كامل: خليك من رأينا يا عادل إنت رأيك شنو في اللي بيحصل ده و تصورك شنو لي حل الشربكة دي؟
    عادل: أنا رأيي نمشي نعمل سوداننا السمح ده في الأقاليم و الهوامش بهدوء و على بال ما تنتهي الفترة الانتقالية نكون هيئنا المجتمع بوعي عملي قائم على إستغلال مواردو الجمالية و النضافة و الثقافة الإيجابية.
    جمال: الأهم من ده كلو اننا نشتغل شغل بمهنية عالية ما فيه أي سياسة لأنو السياسة عن
    نا خميرة حرب و الصراعات الفي الدنيا دي كولها ولأننا مقومين نفسها السياسيين، يلا، أصلا نخن ما محتاجين لي سياسي يقودنا لو قدرنا نوظف الفنون و الإبداع في محلهم مش محل هم الرغيف.
    جلال: والله نحن قادرين نسوق الشغل ده كلو من غير وزير و لا غفير.
    عادل: رأيكم شنو؟ بيان بالعمل نعمل منافسة شعبية ثقافية بين إقليم نهر النيل و النيل الازرق كنموذج اقليمين فدراليين و نسير كرنفالات فرح بي قطر عطبرة الحديد و النار لي تقاطع مدينة سنار و مكوار.
    كامل: انا جاهز ابقى كمساري هنا و هناك، و بي ضراعي ده بشتري ليكم كأس الجمال و اشرب نخبو.
    جمال: شكرا ليكم على الجمال ده، حققتو لي إسمي حرفيا، في المقابل أنا ح أدوزن ليكم الأرض بي رنات الطنابير و ألون السما بي أنغام المزامير.
    عادل: طيب قوموا نجرب هتافات الكرنفال.
    محبة وداد و محنة، بي حبة ربة و رنة
    جميعا: محبة وداد و محنة، بي حبة ربة و رنة.
                  

07-18-2021, 06:10 PM

صباح حسين طه

تاريخ التسجيل: 08-04-2007
مجموع المشاركات: 1247

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة: حكايات (Re: عاصم الطيب قرشى)

    Quote: جمال: يوم الخميس اللمام صرح بدعم الثورة.
    عادل: و يوم الجمعة الاسافير كلها ضجت إنو اللمام ضد النظام.
    جمال: يوم السبت أصدر اللمام بيانا ينفي خروجه على الحاكم العام.


    بنتذكر وبالمغسة يا فنان كيف كانت مواقف الأمام مخذلة
    رغم إنه الأنصار كانت قلوبهم تهفوا للثورة ضد النظام البائد
                  

07-19-2021, 08:08 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة: حكايات (Re: صباح حسين طه)

    يا صباح العيد و الثورة
    قدرنا أن نكون شهود عصر و أن نأتمر بما تمليه علينا ضمائرنا.
    سنكتب التاريخ السياسي و الثقافي كما (ينبغي) أن نكتبه.
    في البال حكايات و روايات و أشعار و أوتار و (هلم جرا).

    دام صباحك مشرقا
                  

07-19-2021, 09:03 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة: حكايات (Re: عاصم الطيب قرشى)

    استشهاد د بابكر

    جميلة: يا دكتور عادل مر عليك بوست ملحمة سبعتاشر يناير في رويال كير ؟
    عادل: ابدا والله، انا ممتنع عن الدخول للعالم الافتراضي ده من زمن. قلبي بقى ما بتحمل أي أخبار اليمة.
    جميلة: أنا حضرت تفاصيلو و مت مليون مرة في اليوم ده.
    عادل: طيب احكي لي يا جميلة. جميلة: أقول ليك شنو و لا أخلي شنو يا دكتور! دي ملحمة مشاعر حتى سردها ما بيوفيها وصفها.
    عادل: اتخيلي نفسك كاتب سيناريو و احكي لي الشفتيهو
    جميلة: حوالي الساعة أربعة مساء أنا كنت مارقة من رويال كير، فجأة شفت ناس جارية في اتجاه الطوارئ شايلين ناس مصابين دخلوهم الطوارئ، افتكروني استاف، واحد منهم ناداني تعالي ساعدينا يا دكتورة. في اللحظة ديك وصل دكتور حسن نائب اختصاصي الطوارئ بمستشفى رويال كير ماشي علي عيادة القلب دخل الطوارئ و دخلت معاه. لقيناهم  وزعوا الادوار بقيادة د. محمد تومي نائب اختصاصي الطؤاري ودكتور محمد ناجي مدير الطؤاري
    .د حسن: الحاصل شنو و المصابين كم؟د محمد تومي: ستة مضروبين بي رصاص كلهم اصابات كبيرة، اتنين واعين لحد ما و تلاتة اصابات خطيرة فاقدين الوعي ...واحد قلبو اتوقف لحظة دخولو.
    د حسن: طيب انا ح اعمل انعاش قلب سريع على بال ما يجي مستر أنس البدوي استشاري القلب
    .د محمد تومي: خلي المعاك دي تنتظر بره و أول ما دكتور انس البدوي تنبهو يلحقنا في الطوارئ.
    وقفت جنب الباب و انتظرت دكتور انس وصل بعد خمسة دقائق بالضبط و شرحت ليه الموضوع.
    مستر أنس: طيب بس ألغى العيادة وفي خلال ثواني ح أجي و أعمل إنعاش لي كل المرضى. انا بقيت واحدة من الاستاف و عشان لابسة كمامة مافي زول فارزني و دخلت مع دكتور انس للطوارئ. المستشفى كلو ستاند باي، الدكاترة و الممرضين و المساعدين و الممارضين.
    د أنس: السلام عليكم، د. حسن: و عليكم السلام يا بوس، حتى الان ما عارفين اي اسم للناس المصابين اديناهم ارقام بس و شغالين انعاش. دكتور مصطفى: انا طبيب اسنان، لكن ح أشارك معاكم في الانعاش. د حسن: الحمدلله، معانا ممرضين قمة في التفاني والاخلاص.
    ممرضة: ده واجبنا يادكتور.ممرضة اخرى: يا دكتور المصاب رقم ١ ده ركبنا ليهو كانيولا في اي مكان.
    مستر أنس: يا  دكتور منتصر  عايزين دم بدون تحضير وماعارفين الفصيلة ح نديهو O_ve د منتصر: في ثواني ح اوفر تلاتة قزازت تبدو بيهم و في ظرف دقائق ح نجهز دم. 
    مستر أنس: وين تيم الصيادلة؟ يا جماعة عايزين هيمي جل.
    صيدلي: ثواني ح يكون عندك عشرة دربات.
    د حسن: المصاب رقم اتنين قلبو اشتغل الحمد لله، عايزين زول بتاع اشعة....ياجماعة محتاجين اخصائي اشعة.
    دكتورة  صغيرة: يا دكتور انا راديولجست، قول عايز شنو.د حسن: عايزين اشعة لي صدر المصاب رقم واحد ده بي أي طريقة.
    مستر حاتم البشير استشاري جراحة القلب والصدر: أنا منتظر المصاب رقم واحد ده قلبو يشتغل عشان آخدو علي غرفة العمليات.
    د حسن: طيب انا ح اركب ليه انبوب صدر.
    مستر حاتم يركز في تفاصيل وجه المصاب و يتمتم: لا لا ده ما هو، بيكون شبه ساي .. غايتو الله يكضب الشينة.
    دكتور حسن: أنا ركبت الأنبوب،ح أطلع برة أسأل الزول ده اسمو منو
    .ممرضة: اختو دكتورة اسمها هاجر برا ..
    مستر حاتم: انا ذاتي ح أطلع و أسأل دكتورة هاجر: اسمو منو المصاب في صدرو ده يا دكتورة؟
    دكتورة هاجر: اسمو بابكر.
    مستر حاتم: طبيب؟
    دكتورة هاجر: آاي، ده أخوي.
    عاد مستر حاتم لغرفة الإنعاش... لا حول ولا قوة إلا بالله .. دي الشينة الكنت منتظر ربي يكضبها ... ده مساعدي الدكتور الشغال معاي في احمد قاسم ... ده الزول الكان معاي الصباح ... انهار دكتور حاتم وبكى بحرقة وابكى كل الناس الفي الطؤاري.
    د حسن: بالله طلع طبيب و زميلنا، لا حول و لا قوة إلا بالله العظيم.
    ممرضة: يا دكتور نحول إسمو من مصاب رقم واحد لي دكتور بابكر.
    د حسن: يا دكتور مرت عشرين دقيقة من الإنعاش للمرة الرابعة
    .مستر حاتم: معليش يا دكتور حسن، ح أوكل ليك مهمة تهيئة الأسرة بعد ده و تتكلم معاهم. اختو دكتورة هاجر لسة واقفة بره، وصل ليها الخبر بي هدوء.
    خرج دكتور حسن بعد تردد و وقف بعيد و نادى الدكتورة: يا دكتورة هاجر ممكن دقيقة...... معليش انا لساني معقود وغالبني الكلام..... كملنا الزمن المقرر حسب البرتكول وا وا وا وقفنا الإنعاش، آآآه.
    إنهمرت الدموع من د هاجر لكنها تمالكت أعصابها: عارفة إنو دي أصعب اللحظات إنكم تقيفوا من إنعاش زميل، المشكلة أوصل الخبر ده لي أمي كيف!
    بكى د حسن بصوت عالي أبكى معه د هاجر.
    د حسن: كان نفسنا نواصل إنعاش العمر كلو و يعيش دكتور بابكر.
    انهارت ممرضة بالداخل: وااااي، أنا إتمليت غبن شديييييد وغضب وحرقة، ما قادرة إشتغل تاني يا ناس، ما بقدر، وووب وووب من حقد الكيزان.
    د حاتم: معليش، معليش يا أميرة، لازم تدوسي على جرحك الحي ده و تواصلي انقاذ المصابين التانيين لأنو اغلبهم محتاجين جراحة.
    د حسن: شايف مجموعة من الدكاترة برة يا مستر أنس ممكن تطلع عليهم.
    مستر أنس: ما شاءالله، جراحين البلد كلهم حاضرين و جاهزين. خرج دكتور أنس و شاهد جمهرة من الأطباء خارج غرفة العمليات.
    مستر أنس: السلام عليكم بروف ابن عوف، أبوبكر وداعة ، مستر سيف، حسن زيادة، مستر كمال، مستر ضرار، الفاتحة على روح زميلنا دكتور بابكر.
    جميعا: الفاتحة ربنا يتقبل جميع شهداء الوطن، نحن جاهزين.
    مستر ضرار: الحمدلله على كل حال، أنا جاي من المعتقل و طوالي علي غرفة العمليات لابس وجاهز، ح أواصل معاكم.
    مستر أنس: الحمدلله، اتعملت كل العمليات لكل المصابين بأسرع ما يمكن.
    مستر ضرار: طيب أنا ح اتكفل بي مصاريف العمليات و أي أدوية. مستر أنس: ابدا، كل العمليات دي مجانا لا المستشفى اخدت قروش ولافي دكتور ح ياخد قروش.مستر ضرار: لسة عندنا احتياطي اطباء نواب إختصاصي طوارئ جاهزين بره، دكتور عبدالقادر حامد ،
    د. محمد حسن ود تقي الدين و بقية.
    د حسن: جونا أطباء من مختلف المناطق كتر خيرهم لبوا النداء، في صيادلة قالوا جاهزين لأي كمية من أي دواء، و المواطنين منتظرين بره بيسالوا عن مكان التبرع بالدم.
    عادل: يا سلام يا جميلة على تصويرك لي ملحمة يناير، المجد و الخلود لشهداء الثورة و الخلود لدكتوربابكر و عاش الجيش الأبيض حرا مستقلا.

    (عدل بواسطة عاصم الطيب قرشى on 07-19-2021, 03:25 PM)
    (عدل بواسطة عاصم الطيب قرشى on 07-19-2021, 03:44 PM)

                  

07-19-2021, 03:48 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة: حكايات (Re: عاصم الطيب قرشى)


    جلال: يا استاذ عادل و كامل ممكن تحكوا لينا شوية عن ذكرياتكم  ايام انتفاضة أبريل الأولى.
    كامل: ياخي دي حلقة ضيقة جدا و دورة سريعة جدا جدا من دورات التاريخ، تخيلوا ثورة، لسة دماء شهدائها ما جفت و لا بلغت أربعينية سن الرشد و لا حتى احتفلت بخمسينية يوبيلها الذهبي قدرت بخصوبة عالية تحبل و تنجب طفلة تحمل ملامحها، في نفس يوم ميلاد الام و السماية بعد خمسة يوم.
    عادل: لما انقلبت احرف سودان لي نادوس و داس الجلادون على سواد الناس في مدينة الخرطوم تضرجت الارض بدماء روت عطش ستين سنة ظلم. احمرت خدود شارع الحرية و الجمهورية حياءا من ثورات احياء الثورات و الشعبية.
    كامل:  سجون كوبر و دبك و شالا و بورتسودان اتنفست انفاس الشرفاء و الاحرار و اسلمت لدين الحرية و العدالة. دماء اريقت و اسودت لا من تقادم ولا حريق شمس، لكنو سواد ظلمات بيوت الأشباح و ظلام شياطين
    زينوا الزنازين بالرعب و الزبانية بإجنحة الملائكة.
     عادل: هرج و مرج و بشاعة قتل و غدر بين طلاب الجامعات و طلاب الحكمة بين طعن بالخناجر و ضرب بالسيخ. سبعتاشر يوم إتوالت إتراكم فيها الغبن واحتدم  الصراع  بين يسار متطرف و يمين أكثر تطرف و نحن في نص المعمعة.
    كامل: بالضبط، نحن كده من زمان، سرادق عزاء العناقر و بنادق العساكر
    عادل: سبعتاشر يوم من الثلاثاء تسعتاشر مارس والسبت ستة أبريل عام الانتفاضة الأم، كان كل يوم فيها يساوي حولا كاملا في عمر التجربة النضالية لشعب السودان.
    كامل: سبعتاشر سنة بي كلامك ده زايد تلاتة و تلاتين تساوي خمسين سنة، يوبيل ذهبي اكتمل فيه نصاب الثورة تماما.
    جمال: بس الشعب لازم يعرف انو الله ما يغير قوم ما لم يغيروا حالهم، لازم نكون انسانيين و رحيمين و نضيفين عشان الله يجيب لينا رئيس إنساني و رحيم و نضيف فكيفما نكون يولى عليهم.
    عادل: بيني و بينك طالما الشوارع و الاحياء لسة وسخانة، التغيير لسة ما جانا. الانسان ابن بيئته و بيشبه الحاجات الحوله لذلك فنحن بنشبه بيئتنا الكلها اكياس نايلون ما قادرين نرتبها. نحن بنشبه وساختنا و بقينا بالفوضى زي أكياس النايلون نتطاير هنا و هناك واقل رياح تشيلنا و ما عندنا لا قيمة و لا وزن سوى و خاربين المنظر.
    كامل: المهم يا جلال، لحد يوم خمسة أبريل كانت الناس بتموت بمسدسات المدسوسين في المظاهرات من ناس الأمن و طلاب الجامعات التابعين للجبهة القومية الإسلامية او على الأصح الاسم المحلي للماسونية في السودان. الزول يقع جنبك مضروب و ينزف ما تعرف الضربو منو و لشنو و الموت لثلثي الشعب السوداني بدأ من الزمن داك.
    عادل: طبعا الزمن داك لا فيه موبايل و لا انترنت و حتى التلفونات الأرضية كانت عند الخواص. لذلك الجهات  المنظمة كانت يتوزع مناشير ورقية عبر خلاياها لتنظيم المظاهرت.
    ليلة ستة ابريل كنت بايت في بيت عمتي في اركويت، صحيت بدري جدا و صليت الصبح حاضر وانتظرت ساعة بعد الصبح بعدها تحركت حوالي الساعة ستة و نص من اركويت للديوم الشرقية لاضم ثورتي و صوتي الى جانب صديقي كامل. وصلت حوالي الساعة تمانية صباحا و احساسي بالتغيير ما خاب ابدا. سمعنا هتاف في شارع محمد نجيب وشفنا مظاهرة فمشينا مع الموكب إلى ان وصلنا الخرطوم اتنين بعدها انعطف الموكب ناحية البوابة الجنوبية لقيادة قوات الشعب المسلحة.
    كامل: لما وصلنا قصاد مكاتب جهاز الأمن انا بديت اهتف: " أمن الدولة جهاز فاشيستي" و الناس رددوا معاي. الجملة دي استفزت ناس الامن بشكل واضح فاطلقوا رصاص حي على المتظاهرين و كانت مفاجأة انو ننضرب بالرصاص بعد ما اتأكدنا انو الحكومة سقطت و استلمها سوار الدهب. المفاجأة الأكثر بالنسبة لي هي اني انضربت و قميصي مليان دم ما حسيت بيه ابدا. واحد جنبي شاف الدم و هتف شهيد واحد تاتي نبهني: يا زول انت مضروب، هتف و حاول يرفعني و يهتف بي، قلت ليه نزلني لأنك كدة بتسهل ليهم استهدافي.
    عادل: ناس مكبوسة و ناس مدسوسة بين الناس و ناس داسوها تحت الارجل و ناس سكارى و ما هم بسكارى و لكن للموت سكرات. اخيرا تخطينا مرحلة الخطر ووجدنا انفسنا مدفوعين بالتزاحم إلى ان عبرنا السكة حديد و مشينا غربا مع جموع المصابين لمستشفى الخرطوم.
    كامل: الكهرباء كانت مقطوعة في المستشفى، الأطباء مضربين و بعض الثوار مصابين بإصابات خطيرة يئنوا في الحوادث و رائحة الدم زفرة. كل ذلك هون علي مصابي اللي ما كان اكتر من طلقة سلاخية في ساعد يدي اليسرى أخطأت العظم بمليمتر واحد.
    عادل: بتذكر أول ما دخلنا في ممرضة شافت كامل مليان دم طوالي زغردت و قالت "يا ود اخوي الليلة يوم الرجال، كهرباء قاطعة و بنج ما في، اقعد نزغرد ليك و نخيط ليك جروحك.
    كامل: أخدتني هاشمية ديك وضربت الأرض بكراعي اليمين و بشرت فيها، ابشري انا أخوك يا السمحة، انا اخو البنات، انا دراج العاطلات. 
    جمال: بختك يا كامل إنت ختموك بي ختم الانتفاضة الأم، عقبالنا نحن لو فضل فينا نخوة ثوار.
    كامل: رجعت البيت شايل قميصي في ايدي و علقتو في الشماعة شهادة مختومة بالدم الاحمر.
                  

07-21-2021, 03:18 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة: حكايات (Re: عاصم الطيب قرشى)

    *قوات الشعب المسلوبة*

    عاصم الطيب قرشي

    عادل: قاف شين ميم.
    كامل: قوات شعب مسلحة.
    عادل: كضبن كاضب، قوم شد ملايتك.
    جلال: أبدن، قشو شالو مرتو.
    عادل: قتلونا شردونا مسحونا.
    جمال: يا جماعة بالراحة عليهم، قوات شعب مسلوبة.
    جلال: حدس ما حدس من قيادات شلة مليشيات.
    عادل: قلة شرفاء ماتوا.
    كامل: قالوهم شمعوهم معاشات.
    جلال: قعدوا شوية مقصات.
    عادل: قمعوا شلتو الملكية.
    جمال: و طال الجدال بين قوات شرف مسلوبة و سفهاء البلد المنهوبة!
    كامل: يا صديقي اذا طال الجدال بين طرفين فاعلم أن الطرفين على خطأ، إذن فقد هلكوا واهلكونا بمؤامرات الساسة و معسكرات السادة.
    جلال: تتذكر لما قلت لي القبلي شال و برقو شلع! قلت ليك ح يخيب و يمطرونا بالرصاص.
    كامل: مطرة رصاص سالت و غرقت الشعب في النيل و كندكت الكنداكات بالتراب، اصلا من أول لا حسن كان حسن و لا علي كان علي و لا الصادق صادق و لا نافع نافع و لا صلاح صالح، ديل آخر أنبياء الزمن الترابي، طلعوا كلهم شياطين، تاني حارسين منو؟
    جمال: تأكد يا كامل انا حارس الله و غيري كتيريييين, منهم من قضى نحبه و منهم من ينتظر و ما بدلوا تبديلا. 
     جلال: و لسة ناظر عموم النظار في ظلامياتو و منتظر المهدي المنتظر!
     كامل: غايتو أفول كوكب المكابرين و المتكبرين برهانو سطوع نجم أصغر الحامدين بدلالة حديث رعاة الإبل السودانيين.
    جلال: كلامك المرمز ده أنا ما فهمتو و بيحتاج لي دليل عشان يصدقوك الزرقان و ما يقصدوك البيضان.
    كامل: أقول ليك؟ الكلام ده كوللو من عمايل الماسون الشيطانية بالدليل و البرهان عشان خاطر عيون ابليس و المسيح الدجال.
    جمال: دي إشاراتو من الهرج و المرج لى نفخة الصور الكاذبة ينفخها ترمبت و يغني عليها  النتن, ياهو ده مصدر النشاذ البنسمع فيهو كل يوم.
    كامل: خلونا من قاف شين ميم و قلق شديد متواصل، تعالوا نراجع تاريخنا الحديث من عبدالله جماع الجمعنا،  محمد المهدي الهدى لينا دولة قومية، إسماعيل الأزهري الرفع علم الجمهورية و نادى بالحرية، و حتى رؤية الهندي الاتحادية.
    جلال: طيب ، و الناس القالوا لينا السودان ده حقنا برانا و نحن اسيادكم و الما عاجبو يقع البحر.
    عادل: أسمعوا يا احباب، اي فكرة "قميئة شينة مهينة" ندونها للتاريخ بس و أي "حاجة سمحة نتبناها" و نحولها لي واقع حتى لو نبيع موية النيل معبية في كيزان.
    جمال: في الحالة دي نحن اللي ح ناكل مما نزرع و نلبس مما نصنع.
    جلال: و في الحالة التانية، لا لأفكار البقاء للوحوش السرقو القروش، لا لتمكين الأقوياء على حساب الضعفاء.
    جمال: ثم لا لقتلة الفكرة و هم الكفرة الفجرة.
     كامل: نعم للمهدي الطرد الإنجليز و كتل غردون.
    جلال: و لا لسياسات المهدية الدموية بعد سقوط الخرطوم و التجاوزات الكتيرة و الدماء الأريقت ظلما بحد السيف.
    عادل: عموما المهدية و كل الانظمة السياسية ما بتخلو من إشراقات و اخفاقات في نفس الوقت. ود حبوبة الأنصاري الما رضا بي حقارة المفتش و المامور في الحلاوين إشراقة، و ودالبصير امير الوسط إشراقة و عثمان دقنة امير الشرق الجنن الجن في سواجن إشراقة.
    جمال: فعلا الرجال ماتوا ونحن أزمتنا الآن بقت قلة نخوة و رجالة، يا اخوانا حتى صولات الموسيقى عايزة ليها حبة جرأة، بعدين اي نور أشرق سبقتو حركة و حرارة.
    جلال: طيب، وكت قلتو رجالة خلونا نكتب في التاريخ الحديث عن بسالة عبدالخالق محجوب و افكارو الإشتراكية و نقدو الذاتي عبر وثيقة إصلاح الخطأ و آخر لحظات حياتو رجالة.
    كامل: و نكتب عن فكرة محمود محمد طه الجمهورية و عن ثباتو على فكرتو رجالة حد الموت، عن آمال جون قرنق الوحدوية و مشروع السودان الجديد و حتى الان مافي زول فتش صندوق موتو الاسود.
    جمال: على مستوى المبدعين، أنا جواي رغبة ابني قبة لي حميد ولي الإنسانية و أغني اوبريت الشريف الهندي و ادوبي اشعار محمد احمد المحجوب و اطمبر شعارات محجوب شريف، و أحجي الأطفال عن هويتنا بي اشعار الغابة و الصحراء و اوثق المواقف النبيلة كلها في كتاب تاريخ لا يعرف سوى النصر.
    عادل: شخصيا ح اكتب بميزان العدالة عن تناقضات عبود الهجر اهلي النوبيين قسرا من حلفا القديمة ثم سلم السلطة للشعب بسلام، عن جعفر النميري ود البلد و جريمة إعدام محمود محمد طه حكيم الجمهورية الفاضلة، عن تناقضات الشيخ حسن الترابي صاحب المشروع الحضاري و محرض شباب شمال السودان لقتال اخوانهم في جنوب السودان في أسوأ إنتحار جماعي أعلن أنهم ماتوا فطائس ،عن عمر البشير صاحب دولة الكباري التي أكلتها ال############ان و مخازن السكر الذي اكله نمل السكر.
    جلال: شرد الملايين و سرق قوت الشعب و إعترف بقتل عشرة ألف نفس بس، ده غير اغتصاب الدارفوريات عشان يتشرفن بالجعلية.
    كامل: يا عنصري و مغرور، كل البلد دارفور
    جميعا: يا عنصري و مغرور، كل البلد دارفور
    جلال: ما تنسو إله دارفور النصب على الشعب السوداني و نصب نفسو فرعون جديد و حاخام.
                  

07-22-2021, 09:21 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة: حكايات (Re: عاصم الطيب قرشى)

    *عشرة وست*

    عاصم الطيب قرشي

    عادل: سمي يا كامل، جاني قبول من الله.
    كامل: بسم الله ماشاء الله، مربوطة بي سلبة طوييييلة.
    جمال: و يحمل عرش ربك يومئذن ثمانية.
    جلال: البلد كلها تسعة طويلة.
    عادل: لكن تسعتك الطويلة وقفت قاب قوسين او أدنى. ملعوبة عشرة بي تمانية و بتجيب تلتاشر.
    جمال: هات واحد شاي كركدي حااار يا يرفع الضغط.
    عادل: معاهو عصير شيريا أتو باااارد و متلج، و المحلي داخل عطبرة.
    كامل:توش كوش بوش و الكلام دخل الحوش.
    جمال: الليلة و الليلة، الإسنا يا حليلة، قرقش يا جلال.
    جلال: بوش جاب قوش، قوش حكم قرقوش.
    عادل: قولوا واحد، طالما فطرتو بي بوش تتغدو بي سلطة أسود و لسة أيادينا طويييلة.
    كامل: الله يسترنا من سلطة الأسود و السلطة التنفيذية، دو مدود.
    جمال: و يستركم من السلطة الرابعة ال ح تشيل حسكم في الواتساب و البورداب، معليش يا زميل، سلطة شايبك الأسود دي مرة، بتعمل ليهم حساسية، إضافة لأني زول موحد، آس أسود.
    جلال: تريس أسود من مثلث برمودا، أنجدنا يا شيطان الويست بحق المثلث و الثالوث.
    عادل: قول اتنين، و قول الروب يا جلال و مبروك يا جمال، بي توحيدك غلبت شيخك، جهار يجهرهم.
    كامل: يا صديقي حسادك أجاويدك، مع اني أسود لكني الليلة كرهت الظلام، أنا و رعشة ظلال الليل.
    جمال: و قلبي حزينة دقاتو، رايك شنو في ود النوبة الأسود ده يا جلال؟
    جلال: النوبة أهل أمي و الولد الحلو ده قريبي، لكن انتو الليلة مرين و ما حلوين، شربتو الشربوت و شربتونا الحلومر.
    عادل: أحسب تلاتة أيادي ، و بارك لي ود النوبة يااااا كامل عم العريس.
    .كامل: شوووبش، عشرة قلوب حمرا يا ما عندك عشرة.
    جمال: طيب، رأيكم شنو في أجمل دامة سودا ما مجلوخة.
    جلال: بت الكلب الخاينة، الما مستورات بدقوهن بالستات، ستة سوداء.
    عادل: قولوا أربعة، غنيتا للستات و كان قصدي الانبساط، و يا زميل دامتك السوداء خطبناها لي قريبها ود الشيريا.
    كامل: بوشة تمبوشة خواجية، ستة دينارية.
    جمال: بوش بش بشة و كوش كش كشة، أتوية تاتوية سغنتوتية.
    جلال: أكلتونا البوش حكم قرقوش.
    عادل: خمسة و خميسة، و السيك كبس كبسن كبسا.
    كامل: ابشر يا باش و الفأس وقع في الرأس.
    جمال: الموحد بي قلبو ح يجدع آس الهارد و البطن بطرانه.
    جلال: دي شيطنة منكم يا مشعوذين يا دجالين.
    عادل: ستة الأسود ست الديناريات كلهم و شكرا يا جمال.
    كامل: صومتونا رجب و شعبان و رمضان و الستوت.
    عادل: قلتها براك، كدا مية مش عشرة، كلك كلك أتو، كلك كلك حلو، سبعة و تمانية و تسعة و عشرة ويست إسنا، ولدت ليها ولد شيريا و بت شيريا، و بيضت ملك شايب لسة عايز يحكمنا، سبعة اتويات شيريا جن اتبخرن و مرقن يتبخترن، يلا افرشو ورقكم و زوروا معانا فكي فرشاية.
    جلال: كاوتونا بي كادوك كارقو كارب من كاودا.
    جمال: ده آر بيجي، يا القايل نفسك فوق، قحطوك ضبحوك عمبلوق، الليلة سيك سيك معلق فيك.
    كامل: يا جماعة انتو من ما بديتوها كانت مكاشفة....شاي كركدي و عصير شيريا، كدا عملتوها ظاهرة.
    عادل: طيب دي حرفنة العلماء ذاتها و الزميل بالإشارة يفهم.
    جلال: و الله سخنتوا الجو بي شاي الكركدي و عصرتونا بالشيريا لمن جبنا الزيت.
    جمال: الغريبة انو شاي الكركدي كان تقيل لمن بقى أسود مر و العصير خفيف و حلو، بس السبب الحقيقي في هزيمتكم انكم اتحالفتوا مع البيضان، رقدوكم في صندوق الموت الدولي و مقلبوكم بالقلوب المقلوبات و الديناريات الخواجيات.
    عادل: انحن اتقوينا بي ارواح الاسلاف السود و عرسنا بنات الشيريا، عموما يا جمال، الناس ديل قالوا جابو الزيت، ان شاءالله بعد الإسنا دي يدونا الزيت.
    جمال: هارد لك و هات ليهم معاك طلب فول مصري بالزيت الحار بدل البوش و حكم القرقوش. مع السلامة، أنا ماشي أنوم على بال ما تاكلو الفول المصري و تشربوا ما ترووا من موية السد الحبشي.

    (عدل بواسطة عاصم الطيب قرشى on 07-22-2021, 09:43 AM)
    (عدل بواسطة عاصم الطيب قرشى on 07-23-2021, 04:15 AM)

                  

07-22-2021, 10:58 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 7311

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    تحياتي والود يا عاصم

    وتاني كمان شكر وتقدير وإعجاب والله

    بالطرح الكامل والنظر العادل والحضور الجليل
                  

07-24-2021, 03:48 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: أبوذر بابكر)

    لك الحب كله يا اباذر و انت تشد بعضد أخيك.
    لابد أن تتكامل أدوارنا في ثورة الوعي، فالمطار
    السياسي استنفد طاقاته بعد أن هلكته الصراعات
    الدامية، الخطاب الإبداعي قتله الخوف من تجاوز
    المألوف، أما الفلسفي فحدث و لا حرج عن غياب
    سلطة النقد و غياب الايديولوجيا. آن الأوان لتدريس
    مادة علم التفكير في مناهج الأساس حتى نخرج
    بأجيال قادرة على التغيير الجميل المستمر.
                  

07-24-2021, 05:32 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)
                  

07-24-2021, 04:01 PM

بكرى ابوبكر
<aبكرى ابوبكر
تاريخ التسجيل: 02-04-2002
مجموع المشاركات: 21115

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    حول التفكير الإبداعي: عاصم الطيب قرشي

    (عدل بواسطة بكرى ابوبكر on 07-24-2021, 04:04 PM)

                  

07-24-2021, 04:12 PM

بكرى ابوبكر
<aبكرى ابوبكر
تاريخ التسجيل: 02-04-2002
مجموع المشاركات: 21115

للتواصل معنا

FaceBook
تويتر Twitter
YouTube

20 عاما من العطاء و الصمود
ادبيات الثورة الثورة السودانية بقلم الفنان عاصم الطيب قرشي (Re: بكرى ابوبكر)

    الفنان الجميل عاصم الطيب قرشي
    كل سنة وانت طيب ليك و لزوار بوستك الجميل
    مشتاقين ولله
    شنو يا زول ما عندك جية لينا والله .....
    موسنكيل اداء عاصم الطيب قرشى باريزونا
                  

07-26-2021, 09:14 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة الثورة السودانية بقلم الفن� (Re: بكرى ابوبكر)

    سلام يا ريس و شكرا لمرورك و دعمك التقني.
    مثلكم كلي شوقا للمة سودانية السودانيين الوطنيين في جلسة ريفية على هامش مهرجانات الحصاد و جدع النار.
    شكرا أيضا لهذه المساحة الأثيرية التي فردت اجنحتها لتحضن من لا حضن له.
    شكرا عبرك لكل الذين ساهموا في دعموني بكل طاقاتهم فكانت زادا لي للاعتكاف طيلة هذه السنوات عن الكتابة
    و التفرغ لاشعال فتيل هذه الثورة من الدمازين بالمفارقة السياسية و توثيق تفاصيل اشتعالها بالمفارقات و المقاربات الاجتماعية.
    شكرا لمن دعموني في ولايات ماسوشست و نيويورك زدو نيوجيرسي و فرجينيا و ميري لاند و فيلادلفيا و اريزونا و كلورادو و أوهايو
    و كاليفورنيا و اريزونا. شكرا للأحباب في تورنتو بكندا و كارديف و لندن و مانشيستر و ليدز بالمملكة المتحدة. شكرا للأطباء السودانيين
    بايرلندة، شكرا للذين ناصروني باستراليا حين اتهمني آخرون جهلا بالعمالة و الخيانة. شكرا للأحباب بقطر و الإمارات و عمان و الكويت و السعودية و مصر.

    حتما ستأتي لحظة لتفصيل الاسماء و رد الفضل لأصحابه و عذرا للذين استعصى عليهم فهم طبيعة ثورتي.

    دمتم جميعا احبابا
                  

07-26-2021, 09:53 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة الثورة السودانية (Re: عاصم الطيب قرشى)

    اللص و القاضي و الجلاد و الخفاض
    عاصم الطيب قرشي

    أخذ كامل أربعة وريقات صغيرات كتب على أحداهن اللص، الثانية، القاضي، ثم الخفاض و الجلاد.طبقهن و دسهن بين يديه ثم قلبهن و قبلهن قبل أن يمدهن لعادل و جلال وجمال.وقعت ورقة الجلاد لجلال، الخفاض لجمال و القاضي لعادل لتبقى له ورقة اللص. 
    كامل: عجيييب يا حظ، دايما أنا اللص و جلال أخوي مشيلنو وش القباحة؟
    جلال: ده حظنا كدا يا كيمو، حتى في اللعب كج.
    كامل: الأغرب من كدا انو محامي الدفاع بتاعي دايما جمال و الحكم عادل.
    جمال: أنا بمثل الشرق و الختمية و استاذ عادل ممثل الشمال و الكوشية.
    كامل: لو اصلا في صدفة في الكون تبقى الحاجة مقبولة، لكن انا أصلا ما مؤمن بالصدفة و ....
    عادل: يا كامل ما ممكن انت دايما مخرخر، حظك الاسود ده نحس من حام ابن نوح و بعدو كوش و نوب.
    كامل: تاني حظي الأسود يا عادل! انا قلت ليك ما مؤمن بالحظ و لا الصدفة، ماكسويل بلانك العالم قال "إذا دخلت الصدفة من الباب خرج القانون من الشباك".
    جمال: ليك علي يا كامل أراجع ليك كل قوانين الإحتمالات و التوافيق و التباديل واطلع ليك بي قانون يكسر دايرتك الشريرة دي. بس هسة خلينا نواصل اللعبة، يمكن ربنا يلهمنا فيها بي حكمة نحل بيها سوء طالعك ده.
    كامل: يمكن يكون السبب اسمي دا، أكضب اسمين على وزن فاعل كامل و خالد. عمري ما ح أحقق اسمي و ابقى كامل و لا خالد ح يخلد في الدنيا و يعيش أبدا.
    جلال: و ممكن يكون السبب لونك الأسود ده لأنو الناس دي كلها و انت معاهم مشومين الإنسان الأسود و الغراب الأسود و اليوم الأسود و الكلب الأسود.
    كامل: أيوا، أنا السحار و الحرامي اللونو أسود و كرعينو كبار و عيونو حمر و نخرتو مفطسة و شلاليفو كبار.
    جلال: تيبيكالي يا كامل و انا لو بقيت معاك مساعد حرامي بي شعري القرقدي ده ح أكون إما عاشميق او قاطع طريق.
    عادل: نبدأ الجلسة الأولى و عسى أن تكون الأخيرة. محكمة.......عادل: على النقيض من كل المحاكم في تاريخ البشرية، يجلس القاضي في محكمتنا العادلة أرضا ليتربع على كرسي العدالة، على يمينه الخفاض يمثل الدفاع و يساره الجلاد يمثل الاتهام، أما المتهم فمكانه الجلوس على أفخم كرسي حتى تثبت إدانته أو براءته.بدأ عادل الجلسة موجها كلامه لممثل الاتهام: بغض النظر عن نوع القضية و التهمة الموجهة للمتهم، سنتحرى الدقة الإجرائية في القضية دي مستنيرين بقانون الإثبات لوزن البينات و إقامة الدليل أمام القضاء بالطرق القانونية، كم الادلة و تصنيفها يقوي الاتهام او يضعفه. المحكمة الموقرة بإذن الله ستعتمد الادلة الواضحة و الأدلة المقبولة، مع إتاحة مساحة للشك المعقول تثبته او تدحضه البينات الظرفية و البينات المقبولة، أخيرا ستحسم البينات المردودة بأقوال الشهود و ميزان القاضي. إجراءات المحكمة تبدأ بسماع الشاكي والمتحري، إستجواب الشهود، استجواب المتهم، رد المتهم على التهمة ثم شهود الدفاع.الأسباب المشددة للحكم و الأسباب المخففة للحكم، الإستئناف، ثم الحكم النهائي و التنفيذ.
    نسأل الله العادل أن يفعل فينا روح القانون لإجلاء الحق و قتل الشك باليقين قبل النطق بالحكم النهائي. النطق بالحكم يسبقه ترتيب البيانات و البينات الظرفية وتدبر تباينها وعلاقاتها لخلق سياق متسق للمحكمة و منطقي للجمهور. لن أحكم وحدي، بل سيكون الجمهور ضلعا رابعا يكمل مثلث الدفاع و الاتهام و القضاء. الجمهور سلطة أخيرة في تأييد الحكم او دحضه او إستنافه او تغيير القاضي. فليتفضل ممثل الاتهام بتوجيه تهمته ضد المتهم.
    جلال: سيدي القاضي، هذا الكيان العملاق الذي يمثل أمامكم بهذا الطول الفارع والهيبة المهيبة هو كامل ابوبكر الملقب بالسناري،  شيخ العطالة في كل الأسواق السوداء، يسكن في بيت الشول بت الصول الفدادية نهارا و يتسكع في شوارع المدينة ليلا، المتهم لم يؤد الخدمة الوطنية و بالتالي لم يستلم شهادته الجامعية و قد تخرج منذ عشرين عاما. ادمن المتهم السكر و الانكسار والضعف في مواقفه الإنسانية و السودانية والرجولية. لقد رضخ المتهم للاستعلاء العروبي حد العبودية و العمل تحت إمرة الشرق الأوسط و القاصي و الداني. المتهم يصادق النساء اللائي تبرأن من جلدة اولاد حام و قدسن أبناء سام حد التبرط و التبرك بهن.  بذلك فالمتهم يروج للإحباط القاتل للشباب، كما أن وجوده المتكرر في بؤر الشماسة و المشردين يشككك السلطات الأمنية في نواياه. سكرته الاخيرة تثبت كسرته و محاولة إنتحاره بالتسمم  الكحولي جرم يجب أن لا يتهاون القضاء في ردعه.
    القاضي: هل لديك شهود؟
    الجلاد: نعم سيدي القاضي.
    يدخل شهود الاتهام.
    القاضي: ضع يدك على قلبك و قل أقسم بضميري الحي و شرف الإنسانية أن لا أقول إلا الحق و لا أكذب أبدا.
    الشهود: أقسم بضميري الحي و شرف الإنسانية و السودانوية أن لا أقول إلا الحق و لا أكذب أبدأ.
    القاضي: ما الذي شهدته و أين و متى و من كان حاضرا و لماذا كان ما كان و كيف؟
    شهود الاتهام: التقيت بالمتهم في حانة الشول الفدادية في الثلث الأخير من ليلة قدره، شاهدته يشرب رطلا من زيت الولد قبل أن يشرع في شرب زجاتين من العرقي البكري، بعدها كسر أربعة كراسي سلطة تتوسطها طاولة مفاوضات كانت معدة للحوار و المحاصصات.
    القاضي: هل لديك اي شهادة أخرى؟ شهود الاتهام: نعم سيدي القاضي، سمعت المتهم يردد بحرقة و هيستيريا بكائية و هو يهشم كراسي السلطة "أنا عب، أنا عب، أنا عب".
    القاضي: كلنا عبيد، أي شهادة أخرى؟
    شهود الاتهام: نعم سيدي القاضي، لقد أجبتكم عن ماذا و أين و متى و كيف و لكني لا أملك الدليل أو الإجابة عن السبب أو لماذا.
    القاضي: و لم تجبنا أيضا على سؤال من، أعني من كان حاضرا و شاهدا غيرك.
    شهود الاتهام: لا أعرفهم سيدي القاضي لكنهم كلهم كانوا هناك، بدبابيرهم و عصافيرهم و أميرهم و وزيرهم و خفيرهم. لا أقول أنهم كانوا حضورا لأن كل رواد الحانة كلهم بين الغياب الاختياري و النوم الإجباري. عندما انتهت نوبة المتهم الهيستيرية بسقوطه شهيدا شهدت فوضى السكون و سكون الفوضى مجتمعان لأول مرة على طاولة المفاوضات المكسورة فخرجت و أنا في كامل غيبوبتي.
    القاضي: نكتفي بهذه الشهادة.
    شهود الاتهام: أنا تحت أمر سيادة مجلسكم.
    القاضي: السيد ممثل الاتهام هل لديك أي أسباب مشددة للعقوبة سابقة للحكم؟
    الجلاد: سيدي القاضي، هذه الأفعال المعيبة في شخص المتهم تعتبر خرقا لمسرح الواقع المبني على المعايشة، كما أنها تعد هروبا من المسؤولية يفتح الباب لتقاليد دخيلة تقود الشباب إلى انتحار جماعي و موت لقيم الحياة الكريمة. عليه أطالب بتوقيع أقصى عقوبة على المتهم.
    القاضي: الآن جاء الدور عليك أيها المتهم للاستجواب.
    المتهم: حاضر سيدي القاضي.
    القاضي: ما اسمك و عمرك و مهنتك و سكنك؟
    المتهم: إسمي كامل أبوبكر عبدالله السناري، عمري اربعون عاما، المهنة خريج جامعي معطل عن العمل و أسكن في بيت خالتي الشول الفدادية.
    القاضي: ارفع يديك الاثنين و قل أقسم بشرف الإنسانية المجروحة و السودانوية المذبوحة أن أقول الحق و لا أكذب أبدأ.
    المتهم: أقسم بشرف الإنسانية المجروحة و السودانوية المذبوحة أن أقول الحق و لا أكذب أبدأ.
    القاضي: هل أنت لص أو سبق أن سرقت شيئا طوال عمرك؟
    المتهم: لست لصا و لكني سرقت قلب إمرأة كنت أحبها فاستدرجت قلبها حتى وقف على أعتاب قلبي و قبل أن يطرق الباب فتحت كل الأبواب والنوافذ فدخل قلبها فخبأته في صمام قلبي قبل أن تهبط نبضاته الى قاع روحي.
    القاضي: حسنا، الإعتراف بالحب فضيلة و الإعتراف بالجرم سيد الادلة، لكن ما الذي دفعك لسرقة قلب إمرأة؟
    المتهم: لم يكن الشيطان حاضرا في هذه الجريمة، بل كادت الجريمة أن تكون كاملة بلا شهود و لا دليل، بيد أن ما فعلته كان ردا على أمها التي جرحت قلبي يوم تقدمت لخطبتها و كان ردها علي " ما بندي بتنا لي عب". حينها ابتلعت كل ردود افعالي و أدخلت صورة محبوبتي في قلبي بلسما لجرحي.
    القاضي: هل تعترف و تقر بأقوال شهود الاتهام؟
    المتهم: سيدي القاضي، انا معترف بكل ما قاله شهود الاتهام كما أقر بأني ما خلقت إلا لأكون عبدا و العبد يحاسبه أو يحاسب عنه سيده، فهلا أتى الشاكي بسيدي ليحاسبني أو يحمل وزر عبده.
    القاضي: على الاتهام أن يأتي بسيدك و على الدفاع أن يقدم مرافعته.
    الخفاض: سيدي القاضي، تعلم أننا في آخر الزمان و أن الموازين كلها قد تقلبت حتى صار العبد سيدا و السيد عبدا، أصبح العالم جاهلا و الجاهل عالما و المظلوم ظالما و الظالم مظلوما، عليه اطلب من المحكمة الموقرة أن تحكم في ذات السياق بأن المتهم بريء و نحن المتهمون.
    القاضي: محكمة.... حكمت محكمة العدل المحلية حضوريا على المتهم كامل أبوبكر عبدالله السناري بالبراءة من كل التهم الموجهة اليه براءة الذئب من دم يعقوب.
    الجمهور: صفق الجمهور طويلا ثم خرجوا و هم يحملون المتهم البريء و يرددون "حرية سلام و عدالة شماسة نقرز عتالة".

    (عدل بواسطة عاصم الطيب قرشى on 07-28-2021, 03:14 AM)

                  

07-26-2021, 12:17 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة الثورة السودانية (Re: عاصم الطيب قرشى)

    *شطرنج*

    عاصم الطيب قرشي


    كامل: يا جماعة العاجبكم شنو في الشطرنج؟
    جلال: لعبة الشطار.
    عادل: أنا بشوف فيها نظرة زبراوية تجسد لي حمار الوحش و تجرد مفهوم الوحشية.
    جمال: لا أتفق مع جلال لأني بفضل الأسئلة المفتوحة على أسئلة أجب بلا أو نعم، لكني برضو بشوف فيها حكمة صوفية في الأسود و ابيض البيرسمو ترتوار أساس الطريق للسالكين.
    جلال: بالنسبة لي، بشوف فيها حنين للماضي و استدعاء ذكريات بالأسود و ابيض.
    كامل: تاني رجعت للبكاء على الاطلال و هزيمة صراع الزنج عربية و العبيد و الأحرار؟
    عادل: جلال عاجبو حصان الشطرنج الوهمي، ده بيمشي تلاتة خطوات و لا خطوتين ورا ولا قدام و فجأة يعرج خطوة و لا خطوتين يمين و لا شمال، نفس حصانة السلطة المتسلطة علينا.
    جلال: أبدا والله أنا بحب دايما أكون مع الرعية و الجنود، لكن في قيم الشطرنج بحس بأنو ده المكان الوحيد البمتلك فيه قرار ملك و وزير و عندي حصين و طوابي.
    كامل: مرات كتيرة بحس انو في طاقات خفية بتلعب بينا و تحركنا زي أزلام الشطرنج.
    عادل: ده الحاصل لينا بالضبط يا كامل، واحد لاعب بي اسم كاسباروف بيكسب كل اللعبات
    و التاني بي اسم كارابوف يكربنا صباح و مساء. يعني كده كده نحن خسرانين.
    جمال: سؤال، ليه ملك الشطرنج لابد ورا و ما بيتقدم الجنود في الصفوف الامامية؟
    جلال: لأنو لو كتلوه، الحرب بتنتهي و لو أسروه بيودوه لاهاي، ههههااي هاي هاي.
    كامل: الغريبة حتى شجر الموز قبال يموت بيخلف خليفتو و خليفة خليفتو الا ملك
    الشطرنج، لا خلفة و لا خليفة و حتى الكانوا خلفو طلعوا متخلفين.
    جلال: معاهو طيور الرخ الجوارح، مقصاتهم تقصقص مذابح و تملا المشارح.
    كامل: طوابيهم عمارات و سايرين ورا و قدام.
    جلال: بالعكس، دي مرسومة فوق صفحة النيل زي شبح المآتة، لا بتصد سلاح و لا بتطبطب جراح.
    جمال: اللهم لا شماتة، أضعف الايمان الدفاع بالنظر، غايتو انا عشان نيتي بيضا، بحب أحارب بالجنود البيض.
    عادل: دي تأويلها إنك بتحارب بالاطباء، ياهم ديل الجيش الأبيض في حرب الجيل الرابع.
    جلال: و أنا بموت في الجنود السود.
    كامل: انتو الاتنين بتحاربوا بالنيابة عن الرماديين.
    عادل: و المنتصر منكم يمرق من الحرب تعبان و يقاشر الشفافين.
    كامل: في النهاية يجي واحد رمادي هلفوت و يكشكم كلكم.
    جمال: جاك الموت يا تارك الصلاة ، معاك نايب عزرائيل، كش ملك يا جلال و كج وزير.
    كامل: يا زول كشو و معاهو الوزرا العموهو.
    عادل: محكمة... براهو لعب بالنار، قال أضرب العب بالعب، ما يكتلوك الا الجنود السود.
    كامل (مغنيا): هو الاختار دنيتو تر رر رم و قرر طريقة كشتو تارم تررم.
                  

07-26-2021, 12:31 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة الثورة السودانية (Re: عاصم الطيب قرشى)

    فيلم مزامير الريف قناة الجزيرة الوثائقية

    يحكي الفيلم عن الموسيقى والأنغام السودانية، عبر رحلة موسيقي سوداني، يجوب أرجاء السودان، يعرفنا على ألوان من الموسيقى، بأنماطها ومناطقها، وعبر حقبها الزمنية، وصولا لألوانها المعاصرة.

    يتجول بنا الفيلم مع أنماط من الموسيقى الشعبية في شمال ووسط وغرب وشرق وجنوب السودان، وفي كل محطة يتفاعل مع البيئة الثقافية والاجتماعية المؤثرة والمتأثرة بالموسيقى ، ليبرز لنا الأثر الموسيقي في تشكيل الوجدان والهوية السودانية من خلال رصد حالات التفاعل الفلكلوري مع الأنماط المتنوعة، بتنوع الخلفيات الثقافية والبيئية لكل إقليم.

    يطوف بنا الفيلم في قالب إبداعي ولغة بصرية ممتعة في لونيات من الأنغام والموسيقى التراثية والدينية والسياسية والبيئية، كل في بيئته، لينتهي بتكوين فرقة موسيقية جامعة لكل هذه اللونيات، تشكل لوحة الختام، وترمز لتفاعل وتداخل الأنماط المتعددة في قالب واحد يعبر عن خريطة الموسيقى والأنغام السودانية.

    تجدون الفيلم كاملا علي الرابط:-

    (عدل بواسطة بكرى ابوبكر on 07-27-2021, 03:54 AM)

                  

07-27-2021, 03:35 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة الثورة السودانية (Re: عاصم الطيب قرشى)

    زرافات النار

    عاصم الطيب قرشي

    وزن عادل نبضات قلبه مع ضربات نوبات عصر الجمعة الجامعة و الدعوة السامعة، ثم وضع قفاه على وسادة عصرية جمعت له أرواح المبدعين
    فالتقت عنده روح دانتي بطاغور و عبدالحي بسلفادور لأول مرة .
    عند الغروب تغطت السماء بسحاب أحمر عرج منه شاعر الغابة والصحراء الى السماء من منصة انعتاق بناها في خط الأفق فرأى و استلهم  و كتب:
    زرافة النار ترعى النعنع القمري
    بين الجبال
    و ديك الفجر مشغول
    يقتات بالانجم السكرى
    فتفضحه صهباؤها
    وصاحب الحانوت مقتول.
    ذات مساء قمري اطل الماركيز سلفادور دالي العبقري الأندلسي من كوة كونه المفتوحة على عوالم يراها وحده من وراء عدسة ضئيلة الحجم عظيمة الرؤية. ركض بعينه اليسرى وصال وجال خلف زرافات طوال الارجل مشتعلة بنار الجن الكلكي حتى امسك بهن كلهن في وقت واحد  ورسمهن باهداب عينه اليمنى ثم صبغهن بألوان من النار قبل ان يعطرهن ويطلق سيقانهن للريح. بينما كان دالي يرسم تلك اللوحة كان الشاعر محمد عبدالحي في الجانب الآخر من الكون يناجي الحي سيده ويغني له شعرا.  أهداه سيده زرافة واحدة من خيول ليله طوى فيها سر  زرافات دالي كلها فتنفست شهيقا من حياة الحي و زفيرا من عبده. في الثلث الاخير من الليل اطعم عبدالحي زرافته النارية نعنعا قمريا لا يورق ولا يفوح عطره الزيتي إلا عند اكتمال البدر. 
    كان مرعى الزرافة واد اخضر كتب وجوده عبدالحي بشعره وحروف تطوق جبالا شماء زرقاء جلس على حوافها زمنا يسامر نجيمات اختبان خلف ضوء القمر. طربت الانجم بشعره و حديثه العذب فسكرن حتى راين صياح ديك الفجر جهرة بينما سمعن نظرات صاحب الحانوت المستغيثة سرا فصرخن بشعاع أحمر لمع عند حدي مدية القاتل الدامية.
    كتب القلم حيثيات جريمة الليل في اللوح منذ الازل  سرحت زرافات دالي و عبدالحي في مسرح الحي. قتل صاحب الحانوت مغدورا وحارس الفجر يقتات خلسة على سنا أنجم أسكرهن سمر عبدالحي ورسم دالي. كان القمر مشغولا بري النعنع يسقيه من ضوئه الفضي حتى اينع وتنعنع. تنحنح عبد الحي  لملم اطرافه من حواف الزمن و تزحزح متدحرجا لمقام اعلى حتى صار قاب قوسين او ادنى بين يدي الحي.  
                  

07-27-2021, 04:00 AM

بكرى ابوبكر
<aبكرى ابوبكر
تاريخ التسجيل: 02-04-2002
مجموع المشاركات: 21115

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة الثورة السودانية (Re: عاصم الطيب قرشى)

    يا حبيب يمكنك نقل الفيديو بهذه الطريقة

    From the video options, click Embed.
    From the box that appears, copy the HTML code.
    Paste the code here.
                  

07-27-2021, 04:17 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة الثورة السودانية (Re: بكرى ابوبكر)

    لك الشكر أجزله و أجمله يا بكري
                  

07-27-2021, 04:57 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة الثورة السودانية (Re: عاصم الطيب قرشى)

    الربيع السوداني

    عاصم الطيب قرشي

    فِي اليَوْمِ الأَوَّلِ مِن الشَهْرِ الأَوَّلِ عَامَ الجَمَالِ تَنَبَّأَتْ مَرَاصِدُ الاِرْصَادِ الجَوِّيِ بِهُطُوْلِ أَمْطَارٍ غَزِيْرَةٍ خِلَالَ السِتَّةِ أَشْهُرِ الأُوْلَى كَمَا أَعْلَنَتْ عَنْ تَوَقُّعَاتِهَا بِالجَفَافِ التَّامِ فِي شُهُوْرِ الدَرَتِ. لكن الصيف خَابَ وَالخَرِيْف وَالشِتَاء فَعَمَّ الجَدْبُ وَالقَحْطُ وَخَالَ النَّاسُ أَنَّهُمْ لَا مُحَالةَ هَالِكُوْنَ لَوْلَا رَحْمَةَ اللهِ تَنَزَّلَتْ بِدَعْوَاتِ أَطْفَالِ الشَوَارِعِ الأبْرِيَاءِ المُشَرَّدِيْن في الربيع. لقد اِسْتَسْقَى بِهِمُ أَهْلُ الخَيْرِ بَعْدَ أَنْ أَطْعَمُوهُمْ وَجْبَةً دَسِمَةً فَحَمَلُوْا أَوَانِي المَاءِ وَالطَعَامِ وَ وَقَفُوْا فِي الطُرُقَاتِ يَطْرُقُوْنَ أَبْوَابَ اللهِ ويُغَنُونَ نَشِيْدَ المَطَرِ بِصَوْتٍ جَمَاعِيٍّ بَرِيْءٍ اِهْتَزَّتْ لَهُ أَبْوَابُ الخَيْرِ فِي السَمَاءِ فَفُتَحِتْ:
    أَبُوْنَا سَافَرْ مَكَّة
    جَابْ لَيْ حِتَّة كَعْكَة
    الكَعْكَة جُوَّة الصَنْدُوقْ
    الصَنْدُوق عَايِزْ المُفْتَاحْ
    المُفْتَاحْ عِنْدَ النَجَّارْ
    النَجَّارْ عَايِزْ قُرُوْشْ
    وَالقُرُوْشْ عِنْدَ السُلْطَانْ
    السُلْطَانْ عَايِزْ عَرُوْسْ
    وَالعَرُوْسْ عَايِزَة المِنْدِيْلْ
    المِنْدِيْلْ عِنْدَ الأَطْفَالْ
    وَالأَطْفَالْ عَايْزِيْنْ لَبَنْ
    وَ الْلَبَنْ عِنْدَ البَقَرْ
    وَ البَقَرْ عَايِزْ حَشِيْشْ
    وَ الحَشِيْشْ تِحْتَ الجَبَلْ
    وَ الجَبَلْ عَايِزَ المَطَرْ
    وَ المَطَرْ عِنْدْ رَبَّنَا
    مَطَرْ مَطَرْ يَا رَبَّنَا جِيْبَ المَطَرْ
    مَطَرْ مَطَرْ يَا رَبَّنَا جِيْبَ المَطَرْ.

    مَا أَنْ اِنْتَهَتْ أُغْنِيَةُ الأَطْفَالِ حَتَّى تَلَمْلَمَتْ سَحَابَاتٌ عَقِيْمَاتٌ كُنَّ قَدْ تَفَرَّقْنَ هُنَا وَ هُنَاكَ فِي اِنْتَظَارِ اِسْتِرْحَامِ أَهْلُ الأَرْضِ أَوْ تَرَاحُمِهِمْ. دَقَّتِ الرُعُوْدُ طُبُوْلَهَا طَرَبَاً بِأُغْنِيَةِ الأَطْفَالِ وَطِرَبَتِ السَحَابَاتُ فَرَقَصْنَ وَلَكَأَنَّمَا كُنَّ يَضْرِبْنَ بِأَرْجُلِهِنَّ لِيُبْدِيْنَ زِيْنَتَهُنَّ. ثُمَّ أَتَى رِجَالُ السَحَابِ يَضْرِبُ بَعْضَهُمُ البَعْضِ مَرَّةً بِسَوْطِ قَوْسِ قُزَح و مرة بسياط البطانٍ وَمَرَّاتٍ بِأصواتِ الصَوَاقِعِ الَّتِي أَضَاءَت الأَرْضَ فَأَشْرَقَتْ بِنُوْرِ رَبِّهَا. لَقَدْ لَقَّحَ رِجَالُ السَحَابِ إِنَاثَهُ فَحَبِلْنَ و أَنْجَبْنَ بَرَكَةً وَغَيْثَاً اِحْتَضَنَتْهُمَا أَوْدِيَةُ الأَرْضِ. كَانَتْ رَائِحَةُ الدُعَاشِ وَحْدُهَا كَافِيَةً لِزِرَاعَةِ الأَمَلِ وَحَصَادِهِ فِي سَبْعِ عِيْنَاتٍ رَبِيْعِيَّةً تَشْبَهُ عِيْنَاتِ الخَرِيْفِ تَمَامَاً . عِيْنَةُ الضُّرَاعِ ذِرَاعُ الرَّحْمَةِ تَوَاصَلَ نَثْرُهَا فِي عِيْنَةِ النَتْرَةِ، ثم زَادَتِ الرَّحْمَةُ وَ فَاضَتْ عَنْ إَحْتِمَالِ القُلُوْبِ حتى بَكَتْ وَ بَكَتِ السَمَاءُ لِبُكَائِهَا فكانت عِيْنَةُ الطَرْفَةِ البَكَّايَةِ. عندما إِنْتَصَفَ رَبِيْعُ السُّوْدَان، أطَلَّ الطَلُّ مِنْ جبهة وطنية عَرِيْضَةِ زَادَهَا البَرْقُ أَلَقَاً وَ الرُّعُودُ قَلَقَاً حَتَّى صَارَتْ تُسَاقِطُ بَرَدَاً خَرَسَانِيَّاً ثُمَّ تَجَلَّتِ السَمَاُء وَ ظَهَرَتْ نُجُوْمُ العِوَاءِ الرَبِيْعِيِّ ليتَبَدَّا بُرْجُ السِمَاكِ الأَعْزَلِ.


                  

07-27-2021, 03:01 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة الثورة السودانية (Re: عاصم الطيب قرشى)

    عرضحال ثوري صوفي
    عاصم الطيب قرشي

    مع شروق الشمس علت أصوات النساء في سوق الله أكبر، بينما الرجال الكسالى يغطون في سبات عميق يطغى صوت شخيرهم حتى على بكاء أطفالهم الجوعى. كتيبة مستجدين العسكر تمر بالقرب من أحياء المدينة وهم يغنون أغنية واجب الاوطان داعينا على ايقاع ارجلهم القوية النشطة ثم يعقبون ذلك بمارش نيالا مرددين ومنددين: أنا ماشي نيالا, هي هي , عاجبني جمالا, هي هي يا هي يا مريم سمبلا ماهية مافي الواسطة خربت دولة بقى سمبلا ماهية مافي. تداخلت أصواتهم مع أصوات أطفال المدارس وهم ينشدون نشيد ودعاء طابور الصباح "يا الهي يا الهي يا مجيب الدعوات اجعل اليوم سعيدا و كثير البركات" في نسق متسق مع صوت الحقيقة الذي جردته ضربات نوبات شيخ صالح الضحوية "لا اله الا الله محمد رسول الله... الدنيا الفانية الما بتدوم وين اخوانك ابونا التوم, الدائم دائم الله" .
    عند الضحى, تعالت أصوات الباعة المتجولين وجامعي النفايات من على ظهور حميرهم البائسة يرددون في رتابة "الطماطم والعجور والجرجير"، جملة أولها الساخطون على السلطة لسَلَطةِ السُلطة فامتنعوا عن شرائها زاعمين أنها تحوي مواد مسلطة بعد أن غلت اسعار اللحوم وغلى الشعب. في الجانب الأيسر من الحياة، تجار السلطة يشترون الجوالات لتكديس الأموال المتضخمة بسرطان الاقتصاد و عدم الثقة في البنوك التي عجزت عن رد الودائع لأصحابها.
    في الظهر وقف شحاذان يغنيان بطريقة ثنائي الريف الظريف أغنية مطلعها "الله كريم ربنا كريم رحيم كريم". بالرغم من بساطة الأغنية والكلمات إلا ان إيقاعها كان راقصا استوقف المارة فطربوا و عرضوا دون أن يفقدوا وقارهم أو يفقدوا الأسماء الحسنى قداستها. صارت أغنيتهما تسمو عاليا بلحنها الحنين و طيف أنغامها يكاد يرى بالعين فقاقيعا بلورية لا يقطعها إلا أصوات العملة المعدنية التي انهالت عليهما.
    أما في زمن الأصيل، والأصيل هناك عصر يعصر فيه الناس في موقف المواصلات العامة و يعتصرون في زحمة الركاب حتى يتعرقون زيتا انسانيا يخرج من بين الصلب والترائب. لقد تبعثرت الأصوات هناك بصورة عشوائية من شاكلة: “خش بالشباك”، “ما البلد كلها داخلة بالشبابيك”، “أعمل حسابك”، “أوع الحرامية والنشالين” ، “تلات أرباعكم لصوص ونصكم جن والباقي بيض، جاكم بلا” “، يا اخواني ما تدوا النسوان فرصة معاكم”. كان من بين الأصوات أيضاً نداءات مواصلات الثورات و الجامعة الاهلية وكوبر و الشعبية. شكلت تلك النداءات هتافات كانت كافية لاعلان ثورة شعبية لولا التلويح بإسم كوبر، أكبر معتقلات الأنظمة الفاشية. كان المنادي لركاب كوبر كأنما يوقت نداءاته بعد كل مرتين تذكر فيهما الثورة والشعبية والاهلية فيسمع السامعون ثورة شعبية ثورة أهلية ثورة شعبية تنتهي بكوبر. تتشابك الاصوات في حدة ثم تخفت ليسمع صوت بائعي ماء الشرب "برد برد برد" وكأنهم يعنون إطفاء نار الثورة الشعبية الأهلية. الغريب أن هؤلاء الباعة يبيعون كوب الماء بجنيه واحد بينما ثمن تذكرة الدخول للتبول في المراحيض العامة جنيهان.

    غربت الشمس وغرب معها الكثير من أصوات البشر حتى اكتمل غروبها بأصوات سرب طيور مر بفضاء الخرطوم شيع رجولتنا ثم أذن الآذان. ربما توقفت كل الحركة البشرية والآلية في ذلك الغروب، فلا يسمع السامع سوى تأمين المصلين وتكبيرات الإمام يرددها المأمون أو المأموم. خارج فناء المسجد الكبير طلع البدر عليهم قمراً مكتملا فتضاعفت قوة الصوت المؤوج حتى حفرت بطاقات النور الفضية أخاديدا موجية في طبقة الاوزون سجلتها أذنا كوكب الأرض ثم عرجت برسالتها في يوم كان مقداره ألف سنة مما يعدون.بعد الغروب بزمن قليل و قبل العشاء، كانت أغنية “الله كريم ربنا كريم” قد بلغت مجال الأوزون وبلَّغَت آذان الكون بما سمعت. تدرجت برودة الليل بين نسيم وعليل وصبا يهمسون لأوراق الشجر المتساقط حفيفا وخشخشة عن رياح الثورة الشعبية القادمة. لقد اختصوا الثلث الاخير من الليل الذي كان صافيا ألقا و محتفيا ببدره الساطع. سمع شيخ صالح رجع صدى “الله كريم” يتردد بين أذني قلبه الحاضر فأيقن أنها كانت دعوة حق ودعاء للخالق قبل الخلق فردد مرتلا ثلاثة مرات (قال قد أجيبت دعوتكما فاستقيما ولا تتبعان سبيل الذين لا يعلمون). ربما كانت "دعوة الله كريم" سر بقاء المساكين وما تبقى من اقتصاد البلد المسروق إلا أن الصالح لم يدع الأمر حتى يفض عليه من بركاته ويزيد، فقبض كفيه قبضة قوية و وجهما تجاه القبلة بنية الكفاية والحماية ثم رتل كهيعص سبع مرات بترتيل جميل وهو مغمض العينين ثم فتح عينه اليمنى و رفع يده اليمنى، بعد ذلك رتل حمعسق بأجمل ما يكون وبنفس العدد ثم فتح عينه اليسرى و رفع كفه الايسر .عرجت دعوة الشيخ الصالح بدفع من الله ثم رجعت بأذان الفجر الصادق الذي صدح فردد معه الشيخ و ختم قوله ب "صدق الحق" وقام ليجدد وضوءه.

    (عدل بواسطة عاصم الطيب قرشى on 07-27-2021, 03:58 PM)

                  

07-27-2021, 03:30 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة الثورة السودانية (Re: عاصم الطيب قرشى)

    مزرعة الوزير
    عاصم الطيب قرشي


    ارتبط الصوت بايات السمع والليل والزمان بينما ارتبط الضوء بايات البصر والنهار والمكان، بيد أن ايات السمع كانت تسبق البصر فسبق الزمانُ المكانَ والليلُ النهار. بينما صوت الطبيعة يسحر مسامع الارض ويشنف آذانها بألحان شجية مؤلفة من دوي الرعد و خرير الماء ونقيق الضفادع وحفيف الشجر في موسم المطر, كان هدير السيارات وأبواقها النحاسية المختلطة بأزيز الماكينات تعزف نشاذا وهي مثقلة بالبضائع من الريف للمدينة.
    في الصباح الباكر إجتمعت حيوانات الوزير في مزرعته الريفية لمناقشة فساد صاحبهم وتقديمه أعلافا مسمومة بالدي دي تي و الشعير المزروع بالأسمدة الكيميائية المسرطنة. قال الحمار كنا حتى عهد قريب نستمتع و نستأنس حتى بجندبة الجنادب وصرصرة الصراصير فحل محلهما أسراب الجراد والكعوك تمر على سنابل العيش والسمسم في ليلة واحدة يقطع فيها الجراد عيشنا ويطلع الكعوك زيتنا .
    صاح ديك الدولة المكلف بشؤون الدجاج على كل المستويات: خزينة البلد سرقوووها.
    شككت زوجته الدجاجة البيضاء في الخبر وقاطعته: جِد جِد جِد جِد جِداد.
    سمعهما حمار الخفير الذي دعي للإجتماع فنهق في إستغراب: متين متين متين؟
    خار الثور الفريزيان الذي كان يجتر ذكرياته وأجاب على سؤال الحمار بخوار واحد وسكت: أمبااارح. رغم أن الحصان كان لا يخاف شياطين الأنس والبغال و الحمير معتمدا على حصانته الدبلوماسية، إلا أنه كان يبارك كل الجرائم فصهل : ماشاءالله ما شاءالله. بالقرب منه وقف تيس أشقر اللون مصبوغ شعر اللحية و لبلب في حسرة: ميع ميع و كان يقصد بيع بيع, تعذر نطق حرف الباء عليه لعدم وجوده في لوحة الحروف الغنمية. أكد الخروف الأملح الأقرن كلام التيس حين توقفت عربة صاحب المزرعة وهتف فيه: باع باع.
    لم يبق إلا كلب أمن الوزير الوفي لمناصرة صاحبه ومؤازرة حصان الدولة, الا أنه هزم كل توقعات الحيوانات حين نبح وهو يتضور جوعا: يا هوووو هو هو. كانت عبارته ضربة قاضية لصاحبه وتشييعا للص الدولة بل هتافا و تظاهر اشترك فيه التيس لأول مرة ضد شعب الغنم عندما أول نباح الكلب الى إستغاثة بإسم من أسماء الله الحسنى ضد صاحبه الذي باع قضية شعبه.
                  

07-27-2021, 03:43 PM

صباح حسين طه

تاريخ التسجيل: 08-04-2007
مجموع المشاركات: 1247

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة الثورة السودانية (Re: عاصم الطيب قرشى)

    متابعة وإعجاب
                  

07-27-2021, 04:19 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة الثورة السودانية (Re: صباح حسين طه)

    ربنا يزيد اعجابك يا صباح و يكتر دهشاتك كل صباح.
    يبدو أن موسم حصادي بدأ مبكرا، لكن الواقع اني كنت ازرع سبعة
    سنوات و ما حصدته تركته في سنبله.
                  

07-27-2021, 04:19 PM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة الثورة السودانية (Re: صباح حسين طه)

    ربنا يزيد اعجابك يا صباح و يكتر دهشاتك كل صباح.
    يبدو أن موسم حصادي بدأ مبكرا، لكن الواقع اني كنت ازرع سبعة
    سنوات و ما حصدته تركته في سنبله.
                  

07-27-2021, 04:54 PM

نعمات عماد
<aنعمات عماد
تاريخ التسجيل: 03-08-2014
مجموع المشاركات: 8943

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة الثورة السودانية (Re: عاصم الطيب قرشى)


    يوماً ما سأجد الشجاعة لقراءة الرواية كاملة.
    التحية لهذا الإبداع المتدفق من كل السطور
    التي رأيتها.
                  

07-28-2021, 03:20 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة الثورة السودانية (Re: نعمات عماد)

    ليس نعمة واحدة، بل نعم كثيرة جمعت في جمع تكثير لتكون نعمات
    و أن تعدوا نعمة الله لا تحصوها. مرحب بنعمة ذات العماد أهلا و سهلا.
    ودي و إحترامي
                  

07-28-2021, 03:45 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة الثورة السودانية (Re: عاصم الطيب قرشى)

    بانوراما كوكب الأرض
    عاصم الطيب قرشي

    قبيل الطوفان و بعيد الثورة و العصيان كتب عادل راثيا لعبيد الأرض و السودان:

    تبَدُو بَانوراما كوكب الأرض للناظر من عالم الغيب لعالم الشهادة نقطة صغيرة تكبر شيئا فشيئا كلما اقترب منها، فتظهر ثلاثة مدارات كحلقات زحل يتوسطها خط الإستواء يقف فاصلا بين مداري الجدي والسرطان. خط الإستواء الذي يفصل شمال الكرة الأرضية عن جنوبها يخلق تباين الليل و النهار و البيض والسود ليختلق صراع الاسياد و العبيد. أما عناصر الطبيعة الاربعة فقد قسمت الأرض ما بين القاع والفضاء الى نار حارة في بطن الارض, تراب جاف على متنها ثم مطر رطب يبللها لتنتهي بهواء بارد يجمد أحاسيسها. هكذا دارت علينا الأيام والشهور والسنين والقرون لتلون بشرتنا بأصباغها الجميلة بين الأسود و الأسمر و الأبيض و الأحمر و تشكل قسمات وجوهنا بتضاريسها.
    من بين سبع قارات طغت إحداهن فغرقت وطفت أخريات فبغى بعضهن على البعض. لقد إستأثرت قارة افريقيا بنصيب وافر من صبغة الميلانين السوداء، استدرك العالمون منهم سر هذه البشرة السوداء، حتى صار السواد في آخر الزمان فلسفة و دليلا على النضج. على النقيض من ذلك كان البيض يفخرون بنقصهم الخلقي في غباء جلي فصاروا يتداولون الحديث عن غباء الأسود عبر الكتب البيضاء والصفراء بل حتى الكتاب الأسود أكد تلك الفرية بايعاز من ماسونهم الأكبر الذي كان يخاف الليل و يتطير بسواده. بعد فشله في إقناع الشعوب السوداء بعدم جدواهم و وجودهم، راهن لوسيفر على تشويه البشرة السوداء في وجوه نسائهم وأمهات أجيال المستقبل فألهمهم فجورا صناعة عقار تم تسويقه وترويجه بنجاح منقطع النظير في دولة السودان معقل السود، مسددين بذلك طعنة قاتلة في قلب القارة السوداء.
    هكذا قسمت جغرافيا السكان السودان لزنج وعرب فانقسم السودان لسودانين شمالي وجنوبي واربعة جهات تحدها الغابة والصحراء والبحر والجبل. تشظت تلك الرباعية الى سبعة أقاليم أولها الخرطوم واجهة البلاد وملتقى النيلين أو مجمع البحرين، فالبحر الاحمر ثغرها الباسم والنيل عمودها الفقري، النيلان الأزرق و الأبيض يمثلان باسميهما وسكانهما حوار الزنج والعروبة. بينما كور دو فان، تعني بالنوبية القديمة منطقة أرض الملك ، دارفور كاسية الكعبة كانت و ما زالت ملاذا للقبائل الزنجية و العربية و نموذجا للسلطنات الاسلامية الفوريقية.
    لم تقف مدينة الخرطوم عاصمة الزمن الترابي عند حدود مجمع البحرين فحسب، بل صارت جامعة لكل المتناقضات و الصراعات بما في ذلك جامعاتها التي صارت مسرحا لجرائم القتل السياسية بين الطلاب وجوامعها التي قتلت روح الدين فيها. لذلك، شكل اجتماع السود والبيض فيها لونا رماديا بدلا عن لونها الشفاف الذي كونته أحوال عبيدالله في الزمن الناري السناري. بيد أن عبيد الله أهينوا و استعبدوا حين عبدوا عبادا أبعدوهم عن عبادة المعبود بحق فصار عبد الله فيهم عبداللات و عبدالمال و عبد نفسه و عبد الشيطان حتى خادم الله انتهت بجسمها ورسمها ودلالة اسمها -الذي ما عاد اسما يسمونه-الى بائعة خمور وهوى.
                  

07-28-2021, 04:17 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة الثورة السودانية (Re: عاصم الطيب قرشى)

    غردون في الخرطوم
    عاصم الطيب قرشي

    كانت الخرطوم تنام في سبات عميق إذ توسد رأسها النيل عند جزيرة توتي وتفرد نيليها الأزرق والأبيض ذراعان يحتضنان أحفادها من العنج و الفونج و العبدلاب بقايا مملكة سنار في الأزرق، و يجمعان جماعات الجموعية والجميعاب و الجوامعة في الأبيض. تحد المدينة من الجنوب غابات السنط والطلح تخوم مقرن النيلين و من الشمال و الشرق يطوقها النيل الأزرق بحب وحنين. أما من الناحية الغربية، فقد كان النيل الأبيض منبسطا على سهل تمدد مدده و طال مشواره فكبر و كاد يشيخ في وقار و هدوء لولا اجتماعه بالأزرق الذي وهبه عمرا جديدا وشبابا, كأنهما يعلمان الشعب معنى القوة في اتحاد الأبيض بالأزرق. جزيرة توتي, عروسة النيل الخضراء، اكتشفتها القبائل النوبية الشمالية التي غامرت بأرواحها ومراكب صيدها في رحلة الشتاء والصيف بحثا عن حياة أجمل فأبحروا جنوبا وشمالا كما غاصوا من سطح النهر الى قاعه المسكون متعرفين على سكانه وساكنيه من الإنس والجن حتى آنسوا وحشة قيعانه المظلمة العميقة. لقد نبأهم ساكنوا النيل شفاهة و كتابة عن عروس النيل وفرعون الذي تجري من تحته الأنهار, حدثهم الكتاب عن إجتماع موسى بالخضر في مجمع الجموعية و الجماعة, عن داؤود الذي الان الله له الحديد في مروي وعن لقمان الحكيم و هاجر و شعيب في مدين و ذي القرنين.
    عمر المحس تلك البقعة المباركة فزرعوا فيها فاكهة الشتاء والصيف ثم عضوا عليها بالنواجذ وصلوا بالليل حتى لاتصل اليهم ايدي الغزاة. لكن كل هذه الحصون الروحية و النيلية التاريخية لم تمنع الظالمين من إستحمار أهله بفرية الإعمار و الإستعمار التي انطلت على الكثيرين.
    كان غردون يصدر أوامره بطغيان لتفريغ وسط الخرطوم عاصمته التي انتزعها لتكون مقبرة له و لجنوده. لقد أصدر قرار بناء ثكنات جيشه حول الخرطوم تجبرا على أنقاض اكواخهم الهرمية التي دكاها بجرة قلم وقعها على دفتر يوميته. في الناحية الشرقية للمدينة تكدس أهالي الخرطوم القديمة في بر آمن أسموه بري لاحقا، لكنهم شهدوا قبل ذلك أسوأ شتاء قبل أن يبنوا أكواخهم الجديدة. لقد منعهم غردون الطاغية من الدخول للمدينة لأي سبب من الأسباب تحسبا للثورات و خوفا من صمتهم الثائر. ارتحلت فاطمة القرن الناري و زوجها الفكي الصالح الى حي بري , بل حتى شول ذلك العهد أجبرت على الرحيل فلم تجد بدا من بناء بيت بالقش يجاور بيت أم التيمان والفكي صالح اللذان رحبا بها. على ضعف بنيتها ومواد بنائها الهشة، وقفت انداية الشول بت الصول شامخة صامدة لأكثر من قرن فسكن معها الراس جنا الجن وقنيع العوقة كما ارتحل اليها لاحقا كامل و جلال بعد ذلك بزمن طويل، بل حتى ابليس المطوفش و أولاده وبناته وجدوا مضجعا عندها.

    لقد كان غردون الطاغية يقتل كل يوم ارادة حرة بغطرسته و يشتل على أنقاضها مائة شجرة بلا ثمرة، فحين أصدر قراره بتهجير سكان وسط الخرطوم أسهب وأكثر في زراعة أشجار الظل الهندية. هناك بالقرب من النيل و في الشوارع المؤدية الى نقاط وصله زرع أشجار النيم واللبخ حتى صارت مرارة النيم طعما لكل شوارع الخرطوم والسودان عموم. اعتاد الناس على شجرة النيم فزروعها في كل مكان ليخلدوا غردون ومراراته عبر السنين. لقد كان ذلك دأبه في كل مستعمراته الاستوائية وكأنما أرارد أن يذلهم تحت ظل شجرة ظلمه المظلمة المرة. لم يكن يضيره زراعة شجرة مانجو واحدة وسط كل عشرة شجرات مظلمات. لقد كانت شجرة النيم تميمته و مصدر فأله وإلهامه المر الذي سقى منه مستعبديه و توارث سنته كل الغرادين الذين أتوا بعده و استلهموا منه معنى الظلم والإستبداد والغطرسة. لقد استظل السودانيون بظلمته و ناموا كسالى تحت شجرته عقودا طويلة إلى أن جاءت عاصفة اقتلعت كل الشجيرات الظالمة و المرة ثم أمطرت و اعتدلت لتنبت في الأرض أشجار العدالة و فاكهة السلام.
                  

07-28-2021, 06:51 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة الثورة السودانية (Re: عاصم الطيب قرشى)

    حرب المياه
    عاصم الطيب قرشي

    لم تكن شجرة النيم هي الدسيسة الأولى ضد الشعب الأسود في القرن الناري المنصرم, فالجامعات التي تدرس علوما بلا عمل وشهادات المسخرة التي تمنح درجة الدكترة و الحكمة لمن ليس له حكمة أكبر دسيسة. صار الناس يأكلون في بلد المليون غزالة و جاموسة يقتاتون الفول المصري في الصباح فيأكل عقولهم طوال ساعات النهار بالخمول ثم ينتظرونه بشوق أحر من الجمر على موعد في العشاء بعد صلاة العشاء ليصيبهم بعشى ليلي لا يملكون معه الا النوم و كوابيس هم الرغيف. بل حتى الفول السوداني الذي كان يوحد محتويات السلطة الحمراء و الخضراء في طبق السلطة السياسية اتضح أنه يؤرخ لذلة ثلاثمائة وستين عبدا كان يرسلهم ملك النوبة بعد اتفاقية البقط كل عام لأمير المؤمنين في بلاد العرب. لقد سافر عبيد الله ومن ثم عبيد خلق الله بلا زاد للسفر سوى ذلك الفول السوداني الذي تبدل اسمه هناك بسخرية لزجة الى فزدق العبيد, بل حتى مقامات الحان النوبة الجميلة وصمت و وصفت بالرست العبيدي امعانا في الذل.

    عاد عبدالله ابن أبي السرح في الزمن الترابي و أعدم زجاجات الخمر المستورد بالقصاص غرقا في مياه النيل لتحل محلها باقات بلاستيكية معبأة بالمياه الغازية وأكياس النايلون التي لا تصلح حتى لحمل السوائل المزيلة للكآبة فتبعثرت و تبكترت لتنقل لنا عدوى مرض الفوضى و حمى فقدان الوزن النايلونية. كم من شجرة نبتت براعمها حتى اذا ما قوي عودها وأرسلت جذورها بحثا عن الماء صدها كيس النايلون لتعود خائبة مكسورة، إلا شجرة واحدة من سلالة الزقوم أطلقوا عليها اسم شجرة المؤتمر الوطني، عرفت كيف تحطم كل شيء لتحيا بلا ثمرة ترجى سوى ظلها الرمادي الشاحب.

    في بواكير القرن المائي كتبت الصحف الصفراء عن تنبؤات الشعب الأبيض بموت شعب وادي النيل حرقا بانحسار الماء في سافله وغرقا بانهيار السد في صعيده. في الصعيد تقبل شعب السودان شائعة الموت بصدر رحب و شيعوا أنفسهم يرددون النعي و الندب “موت الجماعة عرس”، أما في أسفل الوادي فقد تقلب شعب البيضان بين قرارات الحرب و الضرب يدررون غضبهم بالشجب " ح ندرسكم أصعب درس".
    في أولى بروفات سيمفونية الموت الجماعي زعق صوت نفخ الصور نشاذا مع غروب شمس العالم في غربه. في البرازيل يسمع صوت الصور يعزفه فيروس زيكا و في الأرجنتين عزفته فرقة الأكروبات مزيكا و ما بين أمريكا و أمريكا رذاذ لعاب نافخ الصور ترمبت الثور موبوء بفيروسات تاجية تصيب العالم بفطريات سوداء و حميات صفراء و سرطانات حمراء. تبا لحرب الأديان و اللا أديان و المجد لشعب السودان الذي غدر أبناؤه بفرية الغيرة على الملك الديان....
    في نهايات القرن المائي سيكتب التاريخ عن الشعب البائد و عن شهداء حرب المياه و أعراسا أقيمت في الجنان فدقت لها سرادق الموت ثلاثين عام. عفوا لقد كان مكان الحكاية كل الأكوان لكنه اختصت السودان كوكب الأرض الآيل للسقوط جراء ما يفعله بنو الإنسان.
                  

07-28-2021, 07:02 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 7311

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: عاصم الطيب قرشى)

    عوافي يا بديع

    معليش ال "نزالف" شويه من موضوع الادبيات

    انا ومعاي ثلة من الزملاء هنا، بنتفاكر حول إمكانية تلحين نصوص شعرية معينة
    أو تحديدا ما مكتوبة اساسا كاغنية

    وانا نزلت نص هنا وهو موضوع الحوار

    طمعان والله في رأيك ورؤيتك كموسيقار في النص وامكانية/عدم إمكانية موسقته وتلحينه

    الموضوع بعنوان: داير لي ملحن

    منشور في الصفحة الاولي

    مع التقدير الكتير والود الغزير
                  

07-28-2021, 07:15 AM

عاصم الطيب قرشى

تاريخ التسجيل: 12-12-2005
مجموع المشاركات: 668

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ادبيات الثورة (Re: أبوذر بابكر)

    سلام يا أباذر

    اذا كان النثر رغم تعاريجه قابلا للتلحين كما غنى المصطفى سيد أحمد "عم عبدالرحيم".
    فالشعر يخرج من مشيمة الموسيقى مموسقا بلا شك، فكل كلمة فيه و شطر يقبل التنغيم.
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de