االنيل والبادية والحضر ...

نعى اليم ...... سودانيز اون لاين دوت كم تحتسب الزميل إدريس محمد إبراهيم فى رحمه الله
توفى اليوم ابن العم والبوردابي الشاعر إدريس محمد إبراهيم
بورداب الرياض ينعون زميل المنبر الشاعر ..إدريس محمد إبراهيم
مرحبا Guest
اخر زيارك لك: 08-13-2020, 03:12 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
07-26-2020, 10:29 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 13552

للتواصل معنا

FaceBook
تويتر Twitter
YouTube

20 عاما من العطاء و الصمود
االنيل والبادية والحضر ...

    10:29 AM July, 26 2020

    سودانيز اون لاين
    معاوية المدير-بكندا محافظة البرتا
    مكتبتى
    رابط مختصر



    النيل من نشوة الصهباء سلسله
    وساكنو النيل سمار وندمان
    وخفقة الموج أشجان تجاوبها
    من القلوب التفاتات وأشجان
    كل الحياة ربيع مشرق نضر
    في جانبيه وكل العمر ريعان

    رحم الله الشاعر إدريس جمّاع.

    أحمد الله أنني وٌلدت وترعرت علي ضفاف النيل أصطبح به أمرح علي ضفافه
    وأستأنس به في وهدة الليل. في طفولتي كان النيل بالنسبة لي لغز عميق،
    ودهليز يعج بالأساطير التي ترويها لنا الحبوبات عن السحاحير والتماسيح
    ؤ بنات الحور فنهيم معها بخيالنا الصغير تدفعنا الرغبة في المغامرة لإكتشاف
    عالم النيل الذي يعجٌ بالعجائب والغرايب.
    ما أن تقدم بنا العمر ؤ وصلنا مرحلة الصبينة حتي أصبحنا فرسان النيل نصارع
    أمواجه ؤ نشاقق العِرِق في زمن التساب غير مكترسين للخبوب والطين، وفي
    زمن الدميرة نستمتع بصيد السمك، وعنما يصفو وتخضر الجروف نتسامر علي
    ضفافه وتحلو لنا السباحة لحجر ود حمدتو الذي يظهر في منتصف البحر بين
    القيفة في الشرق ؤ جزيرة جدنا ود نواوي، وكم حكن لنا حبوباتنا عن جدنا
    ود حمدتو وأنه مات ميتة الأبطال علي هذا الحجر بين تمساح ؤ صفراية،
    والصفراية هي أٌنثي التمساح وهي أشرس منه، وقد دخل جدنا ود حمدتو علي
    هذا الحجر في صراعٍ دامٍ مع التمساح والصفراية ليصرعهما ويموت بينهما
    ميتة أٌسطورية جعلتنا نفخر بهذا الحجر ونتسابق إليه حين ظهوره لنحظى
    بالتبرك به ونستعيد ذكريات هذه الأسطورة .
    دار الزمان ففارقت ضفاف النيل، وفارقت قريتي الصغيرة لأدمن التسكٌع
    في طٌرقات المٌدن وأعيش في زيفها وصِنعتها بعد أن كنتٌ أعيش حياة
    طبيعية تطوقها الطبيعة من كل جانب .
    ما لم أطيله من حياة البداوة وكم تمنيت لو عشتها قد أتاحه لي الشعر
    والشعراء والغنا والغنايين، فالشعراء والغنايين صوروا لنا حياة البادية
    بدقة متناهية وضعتنا داخل إطار المشهد منذ العصر الجاهلي وحتي
    عصرنا هذا.
    لم أعش حياة البوادي كما أسلفت لكنني في هذا الخيط سأصحب إتنين
    من فطاحلة غنانا وشعرنا في رحلة في رحاب البادية فيها ما فيها من
    المناظر الخلآبة والإمتاع والجمال.

    مشتاقلكم بالحيل ؤ لآ قدآم كان الله هوّن...








                  
|Articles |News |مقالات |بيانات

07-26-2020, 10:53 AM

علي عبدالوهاب عثمان
<aعلي عبدالوهاب عثمان
تاريخ التسجيل: 01-17-2013
مجموع المشاركات: 7208

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: معاوية المدير)

    حبيبنا معاوية .. تحياتي
    أداع أبداع .. يا سلام
    هي نسخة مكررة لكل من نشأ على ضفاف النيل
    تقريبا من الجيلي الى حلفا ..
    نفس بيئة والماء والشاطيء والجروف ونفس البشر
    الاجداد والحبوبات نفس السلوك والطعام وحتى خريطة البيوت
    ولو اختلف الألسنة ولكن نفس الحكاوي والتعابير

    خواطر هذه مطابقة لبيئتنا في الجزر في اقصى الشمال
    نفس الوصف حتى الحجز في منطقة زورات وسط النيل ( جبرنتود كولو )
    الترجمة ( حجر ود جابر )

    شكرا معاوية سردك جميل ووصف دقيق للبيئة


                  
|Articles |News |مقالات |بيانات

07-26-2020, 10:55 AM

HAIDER ALZAIN
<aHAIDER ALZAIN
تاريخ التسجيل: 12-27-2007
مجموع المشاركات: 19660

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: معاوية المدير)

    هلا وغلا حبيبنا تمساح الدميرة ...

    آند وي آر إلص مشتاقين عشرة ونص

    أمانة ماك كتّاب وقت تقوم على الحكى ..

    كمل وبالله لا تلتفت لي أي رجرجة ممن سيحضر غيري...

    تحياتي و سنتابع ...
                  
|Articles |News |مقالات |بيانات

07-26-2020, 11:24 AM

Kamal Alalla
<aKamal Alalla
تاريخ التسجيل: 10-14-2018
مجموع المشاركات: 152

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: معاوية المدير)

    قام تاني جاب سيرة البحر
    ووكت سيرتو يجيبوها
    لازماً يتموها
    منتظرين بقية الحكي
                  
|Articles |News |مقالات |بيانات

07-26-2020, 11:40 AM

adil amin
<aadil amin
تاريخ التسجيل: 08-01-2002
مجموع المشاركات: 26355

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: Kamal Alalla)

    https://top4top.io/


    بس يا عواليق
    انا من انصار واحباب نهر عطبرة لانه شرس وجامح ولمن ينزل برفس النيل حقك ده هناك يودي جمب الفاضلاب بي غااادي ويفرض مويتو العكرة علي ناس عطبرة يعكر مزاجهم
                  
|Articles |News |مقالات |بيانات

07-26-2020, 12:49 PM

Biraima M Adam
<aBiraima M Adam
تاريخ التسجيل: 07-05-2005
مجموع المشاركات: 16185

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: adil amin)

    اليوم يا ود المدير، يبخروك بشنو؟ ..

    طبعاً حكاية البخور دي لما الزول يبدع في الرقص .. الحبوبات لدينا يبخرنه خوفاً من العين.
    وجدتي رحمها الله تقول خير بخور من عين أبن أدم .. هو بخور بعراية أب رجيلتين!

    --------------------------------------------------------
    أب رجيلتين .. هو إبن أدم بذاته .. وخير البخور اليوم ما قالت به جدتي!


    بريمة
                  
|Articles |News |مقالات |بيانات

07-26-2020, 04:00 PM

جلالدونا
<aجلالدونا
تاريخ التسجيل: 04-26-2014
مجموع المشاركات: 8048

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: Biraima M Adam)

    البعر راقد يا بريمة بس ياتو بعر فيهم
    و كمان عندنا واحد بتاع تلييس نجيبو ليك بى محّارتو
    ___

                  
|Articles |News |مقالات |بيانات

07-26-2020, 04:44 PM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 21528

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: جلالدونا)

    القدال وقصيدة تساب كم وسبعين
    حميد و الضو وجهجهة التساب
    فللنيل ثورته
                  
|Articles |News |مقالات |بيانات

07-26-2020, 05:54 PM

أبوذر بابكر

تاريخ التسجيل: 07-15-2005
مجموع المشاركات: 6868

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: معاوية المدير)
                  
|Articles |News |مقالات |بيانات

07-26-2020, 06:33 PM

ابو جهينة
<aابو جهينة
تاريخ التسجيل: 05-20-2003
مجموع المشاركات: 21200

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: أبوذر بابكر)

    عالم النيل الذي يعجٌ بالعجائب والغرايب.
    ما أن تقدم بنا العمر ؤ وصلنا مرحلة الصبينة حتي أصبحنا فرسان النيل نصارع
    أمواجه ؤ نشاقق العِرِق في زمن التساب غير مكترسين للخبوب والطين، وفي
    زمن الدميرة نستمتع بصيد السمك، وعنما يصفو وتخضر الجروف نتسامر علي
    ضفافه وتحلو لنا السباحة لحجر ود حمدتو الذي يظهر في منتصف البحر بين
    القيفة في الشرق ؤ جزيرة جدنا ود نواوي، وكم حكن لنا حبوباتنا عن جدنا
    ود حمدتو وأنه مات ميتة الأبطال علي هذا الحجر بين تمساح ؤ صفراية،
    والصفراية هي أٌنثي التمساح وهي أشرس منه، وقد دخل جدنا ود حمدتو علي
    هذا الحجر في صراعٍ دامٍ مع التمساح والصفراية ليصرعهما ويموت بينهما
    ميتة أٌسطورية جعلتنا نفخر بهذا الحجر ونتسابق إليه حين ظهوره لنحظى
    بالتبرك به ونستعيد ذكريات هذه الأسطورة .
    دار الزمان ففارقت ضفاف النيل، وفارقت قريتي الصغيرة لأدمن التسكٌع
    في طٌرقات المٌدن وأعيش في زيفها وصِنعتها بعد أن كنتٌ أعيش حياة
    طبيعية تطوقها الطبيعة من كل جانب .

    ***

    سلام أخي الاستاذ معاوية

    يا سلام على هذه السياحة البهيجة المفعمة بالحنين، التي هيجت الذكريات وجعلتني ارجع بذاكرتي لايام مضت على ضفاف النيل بين الجروف والنخلات الباسقات

    دمتم
                  
|Articles |News |مقالات |بيانات

07-26-2020, 10:45 PM

Elsanosi Badr
<aElsanosi Badr
تاريخ التسجيل: 03-29-2008
مجموع المشاركات: 4107

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: ابو جهينة)

    النيل + البادية+ الحضر = السودان
    يا مديرنا
    الـــــــوادي الـــجــانــا مـــتــرقــن
    مــــدّ جـنـاحـو الـطـايـل شــرقـا وغربن
    الـقـبـلي بــروقـو عــلـى الـقـلـعات يـضّـربن
    الــــدُكّــــن الـــبِــعــدن قِــــربـــن
    فـــوق صـنـقـور الـمـحـلة الـطـالـت كبن
    قـــــول لـلـمـحـلـة بــيــوتـك خربن
    مــرحـاتـنـا شــرابـهـن يــــوت ما غبن
    شـبـعـانات فــي الـشـقل أب شــوك مــا شـبّـن
    الـــحُـــمَّــل ولـــــــدن وربّـــــــن
    حـلـماتن تـقـلن جــرّن.
    فــوق سـيـقانن كـبّن
    الــلـبـن الـعـاتـم فـــي ضـرعـاتـن جــبّـن
    الـمـغـصـة إن كــــان ضــرعـاتـن خــربـن
                  
|Articles |News |مقالات |بيانات

07-27-2020, 02:24 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 13552

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: Elsanosi Badr)

    حبابكم واليوم السعيد الليلِي جابكُم .

    سأرد علي المداخلآت بعد إكتمال أطراف البوست إن شاء الله .


    وأصلــــو ...
                  
|Articles |News |مقالات |بيانات

07-27-2020, 03:26 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 13552

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: معاوية المدير)

    قال تعالى في محكم التنزيل:
    (وَٱلْخَيْلَ وَٱلْبِغَالَ وَٱلْحَمِيرَ لِتَرْكَبُوهَا وَزِينَةً ۚ وَيَخْلُقُ مَا لَا تَعْلَمُونَ).

    الدآبة بين التصنيف وما لا تعلمون وصفها الشعراء وإرتحلو علي ظهرها لبلوغ
    مرامهم علي مر العصور لديار المحبوبة ولبلآط الملوك، نزلو بها الوديان وشقو
    بها الصحاري والوديان والبوادي، لكن مع أختلاف الأزمان ظلت البادية هي البادية
    رغم تطور الدآبة بعد أن صار الغيب في إطار المعلوم.

    قال طرفة بن العبد يصف ناقته:
    وإنْ شئتُ لَمْ تُرْقِل وإنْ شئتُ أرْقلتْ
    مَخافَةَ مَلْوِيٍّ مِنَ القَدّ مُحصَدِ
    وإنْ شئتُ سامى وَاسطَ الكورِ رَأْسُها
    وعَامَتْ بضَبعَيها نجاءَ الْخَفَيْدَدِ
    والخفيدد الظليم وهو ذكر النعام .

    قال ود شوراني في جملو:
    جملى البدرب مرواح سند ناهبلو
    فات علي شينكو والمريود بعيدو قربلو
    جفيل ربد الخلا بعد الكياقى يهبلو
    ساهو الجاي من بلداً زقاريت إبلو
    رُبد الخلا، النعام.

    قال الملك الضليل يصف فرسه:
    دَريرٍ كَخُذْروفِ الْوَليدِ أمَرَّهُ
    تَتابُعُ كفّيْهِ بخيْطٍ مُوَصَّلِ
    لَهُ أَيْطَلا ظَبْي وسَاقا نَعامةٍ
    وَإِرْخاءُ سِرحانٍ وَتَقْرِيبُ تَتْفُلِ
    له ساقا نعامة، يعني سيقان طويلة تجعله سريع كالنعامة.

    أما شاعرنا العبادي بعد أن كشف الله لنا سر مالا نعلم خاطب سايق الفيات
    قائلاً:
    بوصيك قبل تبدأ سيرك
    داك طريقك سابق الريده
    والربدة النعامة وذكر النعام الهضليم.

    بالرغم من تعاقب الأزمنة لكن ظلت النعامة هي رمز للسرعة في ربوع
    البادية، وقد شبه بها الشعراء مطيهم في عدوها عدى شاعرنا العبادي
    الذي طلب من سايق الفيات أن يسابق الربدة مخترقاً الرقم القياسي
    للنعامة...
                  
|Articles |News |مقالات |بيانات

07-27-2020, 04:29 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 13552

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: معاوية المدير)

    إبن سليل الفراديس في محاولة للكتابة عن البادية من خلال وصف العبادي
    لها في قصيدته الوصفية (سايق الفيات) وعقد مقارنة بين شعراء العصر
    الجاهلي ؤ سايق الفيات.
    العبادي إبداع في الوصف واللحو قمّة التطريب، وإقتباسات من العصر
    الجاهلي وما تلآه من العصور ...
                  
|Articles |News |مقالات |بيانات

07-27-2020, 05:36 AM

MOHAMMED ELSHEIKH
<aMOHAMMED ELSHEIKH
تاريخ التسجيل: 03-21-2008
مجموع المشاركات: 11179

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: معاوية المدير)

    سلام يا "النخبة النيلية"

    متابعين حتى نصل مرحلة الكاج
                  
|Articles |News |مقالات |بيانات

07-28-2020, 02:07 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 13552

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: MOHAMMED ELSHEIKH)

    Quote: أوصيك قبل تبدا .. سيرك ..
    داك طريقك سابق الربده
    منك بعيد جبده..
    حي هنده المراد ميل بي ربوع عبده


    مما لا شك فيه أن القصيدة كُتبت بعد يوم النهر لكن الأبيات الأخيرة منها تضعك في
    إطار اللحظة وفي ساعة الحدث. في هذه الأبيات وآضح أن الشاعر خابِر طريقو في
    الرجعة ويمني نفسه بلقاء هُندة مرةَ أُخرى، وأهلنا بيقولوا الوصية بالمهلة فيا سايق
    الفيات قبل تبدأ سيرك أبقى عارف دربك إياهو دآك البيوصلنا لمُرادنا وهو حي هند
    ولا تنسى أن تميل بربوع عبدة. هند وعبدة هذه من الأسماء الشائعة في البوادي منذ
    العصر الجاهلي وحتي يومنا هذا.
    ثم يوصي الشاعر سايق الفيات بمسابقة الربدة وهي النعامة التي شبه بها الشعراء
    مطيهم في السرعة، فالدابة هنا سرعتها تفوق سرعة الربدة والهضليم وتخرق العادة
    التي ألفها من مضوا من الشعراء في ضربهم المثل بسرعة النعام...
                  
|Articles |News |مقالات |بيانات

07-28-2020, 03:02 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 13552

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: معاوية المدير)

    Quote: يا سايق الفيات عج بي واخد سنده
    بالدرب التحت تجاه ربوع هنده


    عُج هي من الكلام الفصيح الذي سار مسار الدارج عندنا، قال تعالى:( لا ترى فيها عِوَجاً ولا أَمْتاً)،
    والعِوج هو الإنعطاف، وعجعج بالناقة إذا عطفها فقال:عَاجِ عَاجِ. هنا الشاعر يطلب من سايق الفيات
    أن ينعطف ؤ يأخد سندة، يعني يتكِل شوية زي ما بنقول، والسندة هي الوقفة القصيرة ؤ زمان
    زمن السكة حديد بخيرها كان مع المحطات في السندات جمع سندة، كان القطر بيقيف فيها وقفة
    خفيفة أذكر منها الميجا، ؤ جبل جاري، ؤ ديم القراي. ثم يطلب من سايق الفيات أن يواصل بالدرب
    التِحِت قاصداً ربوع هندة أملاً في أن يلتقيها مرةً أُخرى تلك البدوية التي خلبت لُبهُ...
                  
|Articles |News |مقالات |بيانات

07-28-2020, 03:06 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 13552

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: معاوية المدير)

                  
|Articles |News |مقالات |بيانات

07-29-2020, 03:00 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 13552

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: معاوية المدير)

    Quote: اطوي الأرض واضرع
    من أفكارنا سيرك يا الفيات اسرع
    ميل على المشرع
    لا تريع القطيع بتجفل الادرع


    هنا يشبه الشاعر الفيات بالتاجر الذي يضرع القماش ويطويه كما شبه إمرؤ القيس
    فرسه في معلقته بقوله:
    مِكَرٍّ مِفَرٍّ مُقْبِلٍ مُدْبِرٍ مَعًا كَجُلْمُوْدِ صَخْرٍ حَطَّهُ السَّيْلُ مِنْ عَلِ
    ويتباهى بسرعته التي فاقت سرعة تسابق الأفكار ومع هذه السرعة الجامحة يطلب
    منه أن يميل إلي المشرع وأظنه يقصد مشرع الشلآل حيث القطيع، وفي رِفق يطلب
    منه ألآ ينفِر القطيع بسرعته ويترفق في السير حتي لا يجفل الصيد الذي هو مبتغاه.
    الأدرع، تشبيه.
    في العربي الفصيح:
    شاة دَرْعاء: سَوداء الجسد بَيْضاء الرأْس، وقيل: هي السوداء العنق والرأْسِ وسائرُها أَبيض.
    وقال أَبو زيد في شِياتِ الغنم من الضأْن: إِذا اسودَّت العنق من النعجة فهي دَرْعاء.
    وقال الليث: الدَّرَعُ في الشاة بياضٌ في صدرها ونحرها وسواد في الفخذ.
    وقال أَبو سعيد: شاة دَرْعاء مُختلفة اللون.
    وفي عاميتنا أبو دِرعة نوع من الظباء له غرّة بيضاء في الجيّد، قال الشاعر:
    دناي البعيد تور الوِِحيش أبو دِرعة . و أم دَرعة الظبية .
    الحاردلو قال: دُرعاً صُفرتِن تدلي للبهال ؤ بُيضة شاش قرابيبهِن تريع البال .
    والعرب تشبه النساء النساء بمواطن الجمال من بقر الوحش والظباء قال أمرؤ القيس:
    تصدّ وتبدي عن أسيل وتتقي بناظرة من وحش وجرة مُطْفِلِ
    وقال زهير:
    فأمّا ما فويق العقـــــد منهـا فمن أدمــاء مرتعهــــا الكــــلاء
    وأمّا المقلتـــــان فمن مهــــاة وللدرّ الملاحـــة والصفـــــــاء

    والشاعر يسير علي نهج القدماء هنا في جلب القطيع والأدرع للتشبيه، ويأخذنا
    في سياحة علي ضفاف النيل الأزرق حيث المُشرع والبدويات وهُنّ يرِدن النهر
    لجلب الماء للخيام في مضارب البدو، ويبدو أن النيل الأزرق في تلك المناطق
    يختلف عن النيل في حلتا فتنبت علي ضفافه أشجار السنط والطلح، الطلح
    الذي صوره الناصر قريب الله في تصوير جميل لتلك الأماكن في قصيدته
    أم بادر وقد تعلقت به بنت البدو وهي منفردة في أجما وأبلغ تصوير:
    كم لوادي (الوكيل) عندي ذكري زادها جدة مرور الليالي
    وفتاة لقيتها ثم تجني ثمر السنط في انفراد الغزال
    تمنح الغصن اسفلي قدميها ويداها في صدر آخر عال
    فيظل النهدان في خفقان الموج والكشح مفرطا في الهزال
    شاقني صوتها المديد تنادي والعصافير ذاهب الآمال
    فتغشيتها وفيها ابتسام يحمل الخمر في كؤوس لآلي
    اي انس اتاحه ذلك اليوم واي الجواء فيه صفا لي
    فجزي الكاهلية الحب عني ما جزتني عن جرأتي واتصالي
    ياديارا اذا حننت اليها فحنين السجين للترحال
    ...
                  
|Articles |News |مقالات |بيانات

07-29-2020, 04:26 AM

adil amin
<aadil amin
تاريخ التسجيل: 08-01-2002
مجموع المشاركات: 26355

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: معاوية المدير)

    https://top4top.io/

    النيل الصحرا النخيل
    علم الاستقلال المظلوم
    طبّيت قزازتي مرقت عن طرف البلد
    و سكرت جد
    اذّنت في الشوق و السلم
    و سرحت بالناس و الغنم
    و ركعت للعرقي البكر
    و رقدت في الالم الحِكِر
    و حلمت زي شايلني وسط الزحمة نبي الله الخضر
    صحاني صوت العمدة قال
    ( مسئول كبير زاير البلد
    قبال يهل قبال يصل
    لازم تقيفوا صفوف صفوف
    و تهيجوا الخلا بالكفوف
    و تقولوا عاش .. يحيا البطل )
    صلحت طاقيتي الحرير
    و ضراعي زي داير يجن
    و الجوف يطقطق بالكلام
    و رميتو من حلقي الوصل
    قت ليهو يا عمدة اختشي، مسئول كبير في الحلة غير الله انعدم
    ما شفنا زول سكّت جهال
    ما شفنا زول رضع بهم
    ما شفنا زول لطخ تيابو
    و جانا من طرف البلد
    ما شفنا زول لملم رمم
    لا صحينا عاجبنا الصباح
    و لا نمنا عاجبنا العشم
    و الحلة من كل الجهات محروسة
    بالخوف و الوهم
    و مضينا من زمنا قديم – يا عمدة – مرسوم انتحار
    *****
    الله ينعل مايو 1969
                  
|Articles |News |مقالات |بيانات

07-29-2020, 08:46 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 13552

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: adil amin)

    Quote: حبيبنا معاوية .. تحياتي
    أداع أبداع .. يا سلام
    هي نسخة مكررة لكل من نشأ على ضفاف النيل
    تقريبا من الجيلي الى حلفا ..
    نفس بيئة والماء والشاطيء والجروف ونفس البشر
    الاجداد والحبوبات نفس السلوك والطعام وحتى خريطة البيوت
    ولو اختلف الألسنة ولكن نفس الحكاوي والتعابير
    خواطر هذه مطابقة لبيئتنا في الجزر في اقصى الشمال
    نفس الوصف حتى الحجز في منطقة زورات وسط النيل ( جبرنتود كولو )
    الترجمة ( حجر ود جابر )
    شكرا معاوية سردك جميل ووصف دقيق للبيئة


    حياك الغمام شيخنا وأُستاذنا علي عبد الوهاب.
    وأيضاً نفس النيل في لحظات هدوءه وهيجانه في المواسم كما وصفة
    الشعراء، قال سُماعين ود حد الزين:
    كم نخلآت تهبهِب عِن جروف الساب
    ؤ بقرة حلوبة تتضرع ؤ ليها ضرع
    هذا إيحاء لوصف النيل في أيام الشتاء حين ينحسر ويكون هادى صافٍ
    والجروف مُخضرة ونسمات الشتاء تداعب جدائل النخيل والأبقار وغيرها
    من الدوآب ترتع في الجروف.
    أما هيجان النيل فقد وصفه ود بادي وكأنه يصف حالنا في أيام صبانا
    حيث يقول:
    حصل شارفت دغشا بدرى
    فوق حجرة مخانق النيل
    فى سنة تساب والشرقي
    حزم القيف وطفح الكيل
    وشوفتا الهيبة فوق اسيادا
    والشخرى البكتل الحيل
    وشفتا الجارى يحفر
    فى جروف كوكبنا
    بس داير يشقو عديل
    يجيك بي صدرو متحزم
    ومتلقف صفوف فى صفوف
    يحاكى الخيل
    ومويتو الهايجة تبلع جب
    وتجقم فى مدالق السيل
    وفوق الرملة مشرور
    العشارى طويل
    معشعش بين نوايبو الطير
    حليلو جزايرو جاها النيل
    وحالف ما يخلى شبير
    حزم اطرافا يكسر فيها
    بالهدام وينحر فيها بالقرقير
    وبكرة يموصها يشرب طينها
    يزرع فيها شلالات هدير وهدير
    وتكسح مركب النواتة عايمى
    على قرون الموج جناحها كسير
    رواسيها مالى اصابعوا فى المجداف
    يقوم لافوق ويجى من تانى فوق الدفة
    رافع ايدو ينده فى جملة الصلاح واهل الخير
    هناك الموت يمين شافوهو شوف العين
    ومافى شفيع ومافى مجير
    تقول الزول يعرف اجلو
    ومكان موتو لولا إنو
    ما كشفو الإله لى غير
    شن فضل بلا الغرق البدور ناعى
    وفعلا كانوا يا هو مصير
    ومشيت المركب الغرقاني بين موجتين
    طفروا منها النواتا بطن اللجّة قالوا اخير
    تماسيحاً يقالدوا الموج يصارعوا
    عتاوة العرق الكتالو مرير
    ساعة يعومو بالضرعات وساعة فج
    صدورن ضمة مااتبلت ولو قطير
    ديل يا وليد ولاد النيل
    رضو الهيجة من صدروا
    ومن الطيبة رضعوا كتير

    حبابك حباب أُستاذنا علي...
                  
|Articles |News |مقالات |بيانات

07-29-2020, 09:47 AM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 03-04-2014
مجموع المشاركات: 5824

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: معاوية المدير)

    ود المدير كيفك وسلام لكل المعاك
    وسلام للمتداخلين جميعا .
    حب النيل يجري في الدم ، أكثر ما كرهت
    تعلية شارع النيل، وطبعا زي ما بقولو اهلنا
    سبه بلا سبب بمر بشارع النيل ، من بيتنا ماشية
    القوز مسكت شارع النيل من القصور الرئاسية وحازيت
    السوق العربي ومشيت القوز، أبعد من زحل واقرب
    من حبل الوريد للزول البريد.
    ،
                  
|Articles |News |مقالات |بيانات

07-29-2020, 10:10 AM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 03-04-2014
مجموع المشاركات: 5824

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: اخلاص عبدالرحمن المشرف)

    الادرع يا مدير أظن قاصد هند وهو
    اسم شائع لدينا
                  
|Articles |News |مقالات |بيانات

07-29-2020, 10:38 AM

علي عبدالوهاب عثمان
<aعلي عبدالوهاب عثمان
تاريخ التسجيل: 01-17-2013
مجموع المشاركات: 7208

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: معاوية المدير)

    الله الله عليك يا ودالمدير
    يا اخي مالك علينا اثرت الشجون
    صدقني يا ودالمدير أهلي الشايقية ديل من رموز الجمال
    فيهم شيء موروث جيبنة من خلقة ربنا ( يعرفوا مكامن الجمال)
    تماماً مثل اهلنا في السكوت ( ناس وردي والخليل ) وردي نفسه ما صدق
    بأن وجد ذاته في نسخة طبق الاصل ( اسماعيل حسن )
    ===========================
    ود بادي مبالغة ..
    شوف الوصف كيف :
    ===
    ومويتو الهايجة تبلع جب
    وتجقم فى مدالق السيل
    وفوق الرملة مشرور
    العشارى طويل
    معشعش بين نوايبو الطير
    حليلو جزايرو جاها النيل
    وحالف ما يخلى شبير
    حزم اطرافا يكسر فيها
    بالهدام وينحر فيها بالقرقير
    ==========
    فقط خذ عبارة ( تبلع جب ) وعبارة ( الهدام)
    تصوير للنيل عندما يخرج عن طوعه ويتجاسر
    على الجميع .. الغرق والهدام ..
    خاصة الهدام هو أكثر خطورة على الترابلة والاراضي
    رغم كده شوف نحن نسامح النيل وننسى الكوارث
    تعرف يا معاوية بعد سد النهضة النيل ده حيكون اعز الاحباب
    لا هدام لا غرق سيسمو اكثر .. اهم حاجة وقف الهدام ..
    لأن من المحزن جداً ان ترى انهيار الاراضي التي لا ترجع إلا بعد قرن تقريباً
    وجرف النخيل والبيوت ..

    ود بادي فوق الوصف .. أهلي الشايقية سلام وتحية

    ودالمدير .. تحياتي يا جميل .. الله الله على روح الترابلة والرواويس












                  
|Articles |News |مقالات |بيانات

07-30-2020, 01:27 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 13552

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: علي عبدالوهاب عثمان)

    Quote: هلا وغلا حبيبنا تمساح الدميرة ...
    آند وي آر إلص مشتاقين عشرة ونص
    أمانة ماك كتّاب وقت تقوم على الحكى ..
    كمل وبالله لا تلتفت لي أي رجرجة ممن سيحضر غيري...
    تحياتي و سنتابع ...


    الزول الزين قريبي ود الزين حبابك ألف .
    أحجز مقعدك خلينا نشق الفيافي مع سايق الفيات .
    شايف صاحبي عدولي مبسوط من البوست، إن
    شاء الله ديمّة مبسوط ...
                  
|Articles |News |مقالات |بيانات

07-30-2020, 11:05 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 13552

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: معاوية المدير)

    Quote: شوف سايق الفيات الليلة كيفن هاش
    والشدر الكبار بقى شوفنا ليهو طشاش
    قول لي دحين وين ماش
    فارقت الطريق اتيامن الرماش


    هنا يتعجب العبادي للنشاط الذي إنتاب سايق الفيات بعد إن خفت حرارة الشمس
    وإنبسط أمامه الطريق فأطلق للفيات العنان لينطلق بسرعة جعلت الركب الميمون
    لا يتبينون حتي ملآمح الشُدر الكُبار، وأختلط عليهم الأمر وظنوا أنهم قد ضلوا الطريق.
    دحين تعني (دا الحين) واللحو ينطقها هكذا أحياناً، ولغةً تعني في هذا الحين، لكن
    في عاميتنا تستعمل أيضاً كسؤال إستفساري للتأكُد، يقولك دحين دا ما ولد ناس
    فِلآن ؟.
    ويسأل العبادي سايق الفيات بعد أن شكّ في أنه قد ضلّ الطريق، كدي هسّع
    مع هِياجك دا قول لي ماشي وين؟، فأنت قد فارقت الطريق وعليك أن تتيامن
    قرية الرماش حيث ألتقينا هُندة .
    إتيامن، قال ابن الأَنباري: العامة تَغْلَطُ في معنى تَيامَنَ فتظن أَنه أَخذ عن يمينه، وليس
    كذلك معناه عند العرب، إنما يقولون تَيامَنَ إذا أَخذ ناحية اليَمن، وتَشاءَمَ إذا أَخذ ناحية
    الشأْم، ويامَنَ إذا أَخذ عن يمينه، وشاءمَ إذا أَخذ عن شماله. قال النبي، صلى الله عليه
    وسلم: إذا نشَأَتْ بَحْرِيَّةً ثم تشاءَمَتْ فتلك عَيْنٌ غُدَيْقَةٌ؛ أَراد إذا ابتدأَتِ السحابة من ناحية
    البحر ثم أَخذت ناحيةَ الشأْم.
    إذاً فالعبادي هنا يصوّب سايق الفيات وينبهه إلي أنه فارق الطريق وعليه أن يتجه
    ناحية قرية الرماش .هنا بيديك إحساس أنهم في طريق العودة إلي سنار وأن الشاعر
    سلك هذا الطريق من سنار إلي سنجة من قبل ...
                  
|Articles |News |مقالات |بيانات

07-30-2020, 01:09 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 13552

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: معاوية المدير)

    Quote: قام تاني جاب سيرة البحر
    ووكت سيرتو يجيبوها
    لازماً يتموها
    منتظرين بقية الحكي


    العيد مبارك عليك يا كمال والوليدات ؤ برضو مشتاقين.

    نتمها إن شاء الله، خليك متابع...
                  
|Articles |News |مقالات |بيانات

07-30-2020, 01:16 PM

علي عبدالوهاب عثمان
<aعلي عبدالوهاب عثمان
تاريخ التسجيل: 01-17-2013
مجموع المشاركات: 7208

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: معاوية المدير)

    شكرا ود المدير
    يا دوب بدأت افهم مغزى مسمى (( الخرطوم بحري ))
    بعدين شوية شرح لو سمحت

    تحياتي
                  
|Articles |News |مقالات |بيانات

08-01-2020, 08:31 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 13552

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: علي عبدالوهاب عثمان)

    Quote: بس يا عواليق
    انا من انصار واحباب نهر عطبرة لانه شرس وجامح ولمن ينزل برفس النيل حقك
    ده هناك يودي جمب الفاضلاب بي غااادي ويفرض مويتو العكرة علي ناس
    عطبرة يعكر مزاجهم


    طبعاً نحن والداخلة كمان عشان ما تتفلسف علي وآقعين شمال غرب اللتبراوي،
    لكن اللتبراوي فعلاً عنيف ؤ بيكسح النيل في موسم الفيضان بدلاً من عناق الأزرق
    والأبيض في مقرن الخرتوم. واللتبراوي في موسم الفيضان بيدي نكهة للنيل ؤ
    بغير المنظر الرتيب للنيل بعد أن يخالطه في أتبرا . اللتبراوي طبعاً موسمي
    الجريان ؤ بيكون وآدي قاحل جاف قبل أن يأتي مندفع من مرتفعات الحبشة
    لذلك بيجرف الكتير من الأخشاب والأفاعي، ؤ بيكون وسيلة سريعة لنقل الأخشاب
    من منطقة سيدون والحلآل الوآقعة علي ضفتيه لمدينة بربر، ؤ لآمن يتفرطق
    طوف دا بيكون يوم بالنسبة لينا وبمجرد ما نشوف ليحان الخشب بيبدأ صراعنا
    مع النيل وهو في قمة هيجانه ؤ بيجرفنا لمسافات بعيدة بسرعة شديدة جداً،
    ؤ ممكن عادي وإنت في عرض البحر تلقى معاك ثعبان أو أفعي أو عقرب .
    زمن يا أب قمُل ...
                  
|Articles |News |مقالات |بيانات

08-02-2020, 09:56 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 13552

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: معاوية المدير)

    Quote: اليوم يا ود المدير، يبخروك بشنو؟ ..

    طبعاً حكاية البخور دي لما الزول يبدع في الرقص .. الحبوبات لدينا يبخرنه خوفاً من العين.
    وجدتي رحمها الله تقول خير بخور من عين أبن أدم .. هو بخور بعراية أب رجيلتين!
    --------------------------------------------------------
    أب رجيلتين .. هو إبن أدم بذاته .. وخير البخور اليوم ما قالت به جدتي!
    بريمة

    هههههههههههههه.
    يا عربي أعقل هووي، حبابك واليوم السعيد الليلة جابك .
    بخور الحبوبات أيًّ كان معدنو فهو عَطِر وجميل، الحبوبات يا بريمة
    قلدة ؤ كرفة، ريحتن ترد الروح ؤ تشفي العليل يا حِليلِن ؤ حليل
    قعدة الجبنة معاهن والله يكافيني شر عينك إنت وإن شاء الله
    بخور بعراية أب رِجيلتين ينفعني ؤ يحاوني ...
                  
|Articles |News |مقالات |بيانات

08-02-2020, 12:33 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 13552

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: معاوية المدير)

    Quote: شققّ حشى الطريق واتيمم الحلال
    زفنوا الكلاب ما نالن الا علال
    فاضلات ثواني قلال
    بينك والغروب داك مشرع الشلال


    شقّ بمعني قطع، ؤ في البحر نحن بنقول أرح نشق العِرِق أو أرح نشاقق
    أي نعوّم عكس التيار .
    الحَشَى: ما دُونَ الحِجابِ ممَّا في البَطْنِ من كَبِدٍ وطِحالٍ وكَرِشٍ وما تَبِعَهُ، أو
    ما بَيْنَ ضِلَعِ الخَلْفِ التي في آخِرِ الجَنْبِ إلى الوَرِكِ، أو ظاهِرُ البَطْنِ، والحِضْنُ،
    ورَبْوٌ يَحْصُلُ، وهو حَشٍ وحَشْيانُ، وهي: حَشِيَةٌ وحَشْياءُ.

    إستعار الشاعر الحشى للطريق وجعل الفيات يشقه متيمماً أي قاصد الحلآل، والتيمُم
    بمعني القصد، قال تعالي: "فتَيَمَّموا صعيداً طيِّباً". شق الفيات طريقه قاصد الحلآل
    حيث ديار هُندة، فطاردته الكلاب لأنهار رأت مخلوق غريب ما ألفته من قبل، والكلاب
    في تلك المناطق يبدو أنها كلاب صيد معتادة في طِرادها أن تغنم لكن في مطاردتها
    للفيات هذه المرّة لم تنال وتكسب وتغنم غير الغبار من سرعة الفيات ونهبه للأرض،
    فرجعت خائبة خاسرة .
    الشاعر في شوق وعجلة من أمره للقاء هُندة وصُويحِباتها، لذلك يستحِث سايق
    الفيات أن يسرع فلم يتبقى غير ثواني قلآل للغروب وقد لآح لهم مشرع الشلال
    حيث إلتقى هند وصويحباتها وهن واردآت المشرع ...

                  
|Articles |News |مقالات |بيانات

08-03-2020, 03:03 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 13552

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: معاوية المدير)

    Quote: يا زين الشباب يا طيب الأخلاق
    يا أمين الصديق والناس على الإطلاق
    من أيدي الصناعة يبعد المعلاق
    أنظر للطبيعة ومجد الخلاق


    مذاكرة القرآن ومطالعة كتب الشعر والأدب جعلت شعراء الحقيبة مجودين لشعرهم،
    متعمقين في المعاني مع جزالة وعدم كُلفة بعيدين عن الصنعة فكلمة معلآق هنا
    تعني التفوّق في إحراز النفائس في مقام التفاخر، وتعني أيضاً ما تعلق به الإنسان
    من صناعة وغيرها. ملحوظة، عندنا لآ سآفِل قبل التلآجات التُكُل لآزم يكون فيهو
    مُعلآق ويسميه أهل الصعيد المشعليب ولا أعرف أصل هذه الكلمة وهو ما يُعلّق
    فيه اللحم واللبن ليكون بعيد عن متناول الحيوانات المتطفلة .
    عندما لآح مُشرع الشلآل والنيل الأزرق لفت منظر الطبيعة الساحرة الخلآبة نظر
    الشاعر والذي بدوره لفت نظر أصدقائه للطبيعة وروعتة جمالها، ولم ينسى أن
    يصبغ جميل الثناء وطيب الوصف علي صديقيه حيث وصف زين العابدين
    كو كو بزين الشباب صاحب الأخلاق الطيبة، ووصف أمين نابري بالصديق
    المقرّب المحبب دون كل الناس وكأنه تحرّج أن يناديهما بإسميها دون إلصاق
    الصفات الحميدة بها. لفت الشاعر نظر صديقيه للبعد والبون الشاسع ما بين
    ما يصنعه الإنسان وخلق الوآحد الديان وكيف أبدع في خلق الطبيعة وجملها
    لتبدو في أبهى وأجمل منظر طالباً منهما تمجيد وتعظيم الله سبحانه وتعالى.
    الشعراء كانت تجمعهم العلآئق بالأصدقاء وكثيراً ما يذكرونهم في أشعارهم
    والحقيبة لا تخلو من ذلك ونذكر علي سبيل المثال قول حدباي:
    اطربنا يا شادينا زين
    مجلسنا و افراح الحزين
    أن حل أو قام الرزيــــــن
    قول ليهو قط ما ليك وزين
    يا محمد ابياتى القــــــلال
    تاج في صدورهن و ليك هلال
    بى قدرة الحى ذو الجلال
    تتهنى في بيت الحلال

    وأيضاً قول الخليل في لمّ خيل الضل علي الأريل:
    الكنار صاح والغصون مالت والرياح صنت عقب شالت
    العقود فوق الصدور جالت والعيون زي السيوف صالت
    الرأيته شفى القلب طيّب والسمعته وفاتني فاح طيِّب
    زيدني خليت قلبي نا عطيِّب والله طيِّب قلنا يا الطيب
    ...
                  
|Articles |News |مقالات |بيانات

08-03-2020, 08:20 AM

علي عبدالوهاب عثمان
<aعلي عبدالوهاب عثمان
تاريخ التسجيل: 01-17-2013
مجموع المشاركات: 7208

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: معاوية المدير)

    شققّ حشى الطريق واتيمم الحلال
    زفنوا الكلاب ما نالن الا علال

    ====================
    يا سلام يا ود المدير .. تحياتي بوست جميل
    شعراء الحقيبة مبالغة حتى أنهم ادخلوا الكلاب في الشعر
    وجعلوها جزء جمال الطبيعة وهذا لم يحدث أبداً لدى أي من الشعراء

    ولا ننسى خليل فرح في رائعته في الضواحي :
    كلبي يا جمجموم اصلوا خاين


    ديل بشر كانوا على مستوى فوق البشر العاديين
    النظرة الجمالية لكل المخلوقات بدون تعالي ليس على سبيل الهجاء
    ولكن اشعار الغزل والوصف

    شكرا الحبيب ودالمدير




                  
|Articles |News |مقالات |بيانات

08-04-2020, 10:26 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 13552

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: علي عبدالوهاب عثمان)

    Quote: البعر راقد يا بريمة بس ياتو بعر فيهم
    و كمان عندنا واحد بتاع تلييس نجيبو ليك بى محّارتو


    حبابك جلال...
                  
|Articles |News |مقالات |بيانات

08-04-2020, 10:30 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 13552

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: معاوية المدير)

    Quote: القدال وقصيدة تساب كم وسبعين
    حميد و الضو وجهجهة التساب
    فللنيل ثورته


    الحبيب أب سِن حبابك ألف .

    القصيدتين يحتاجن لبوست موحد ؤ فلفة جمعية بين القصيدتين
    وإكتشاف الرابط بينهما...
                  
|Articles |News |مقالات |بيانات

08-07-2020, 11:07 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 13552

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: معاوية المدير)

    Quote: ياااااا معاوية

    حياك واهب النيل


    حياك الغمام شاعرنا النبيل الجميل أبا ذر .
    مشكور علي الرفد بهذا الغذاء الروحي الذي يشبع النفس
    بعد أن أرهقها وأضناها البُعد عن الضفاف والجروف ...
                  
|Articles |News |مقالات |بيانات

08-09-2020, 04:24 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 13552

للتواصل معنا

FaceBook
تويتر Twitter
YouTube

20 عاما من العطاء و الصمود
Re: االنيل والبادية والحضر ... (Re: معاوية المدير)

    Quote: شوف النهر مار بي خشوع تقول هجسان
    أو مر المنام بي مقلة النعسان
    جلت قدرتو ما اكفر الإنسان
    كم ينسى الجميل كم يجحد الإحسان


    مازال الشاعر منبهر بجمال الطبيعة وسريان النيل الأزرق والذي شبهه بسريان
    خدر النعاس بمقلة النعسان .
    الهجسان في اللغة العربية والعامية معناه وآحد:
    الهَجْسُ: ما وقع في خَلَدِك. تقول: هَجَس في قلبي هَمٌّ وأَمْرٌ؛ وأَنشد: وطَأْطَأَتِ
    النَّعامَةُ مِنْ بَعيدٍ، وقد وقَّرْتُ هاجِسَها وهَجْسِي النعامة: فَرَسه.
    وفي حديث قَباثٍ: وما هو إِلا شيء هَجَسَ في نَفْسي. ابن سيده: هَجَس الأَمرُ في
    نَفْسي يَهْجِسُ هَجْساً وقع في خَلَدي.
    والهاجِس: الخاطر، صفة غالبة غلبة الأَسماء.
    وفي الحديث: وما يَهْجِسُ في الضمائر أَي وما يخطر بها ويدور فيها من الأَحاديث والأَفكار.
    وهَجَسَ في صدري شيء يَهْجِس أَي حَدس.
    وفي العامية قال الحمري:
    وين الزول الجميل بهجس عليّ وأطراهو ؟. أي يخطر علي بالي .
    وقال الحاردلو:
    بِت الآّزمان جاب القماح قناصِك لا بهجِس ولا بضوق الغميّض جساسِك .
    يعني لا يرتاح .
    تشبيه النهر في هدوءه وسريانه بالشخص الذي خطر له خاطر علي باله فأطرق،
    وبسريان الخدر وتنميل النوم ودغدغة النعاس بعين النعسان جميل جميل جداً ولا
    يتأتى إلآ لزول مُلهم رقيق الإحساس منفتح الأُفق غزيز الإيمان لأنه إنفلت من هذا
    العُمق التأمُلي للعُمق الإيماني ولجلآل الله وقدرته وجميل صِنعته والتي يمر
    الإنسان عليها دون أن يتفكر ويتأمل فينفذ الإيمان إلي قلبه بل يكفر ويجحد نِعم
    الله عليه، ويتعجب الشاعر لجُحوّد الإنسان للنعم وكفرانه بها ...
                  
|Articles |News |مقالات |بيانات


[رد على الموضوع] صفحة 1 „‰ 1:   <<  1  >>

تعليقات قراء سودانيزاونلاين دوت كم على هذا الموضوع:
at FaceBook




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de