حمدوك وفي ذكري 30يونيو (طلع قبل يوم) عاوز يخم الناس بأنه الذكري دي كانت علي الفلول في حين انها كانت ضد شركاءه في الحكم. واضح هو ماعارف والكتب الخطاب دقسه. مليونية يونيو كانت بعد فض الاعتصام والعصيان المدني دعما لقوي الحرية والتغيير يا حمدوك. الحرية والتغيير سمتها مواكب الشهداء والشارع اهدي ليها مليونية باااالغة هزت عرش العسكر والجنجويد ورجعتهم للمفاوضات.. سقط فيها شهداء بعد ان حولت قوي الاعلان المليونية الي القصر الجمهوري بدون ااااي سبب. القناصة كانوا فوق سطوح قصر الشباب والاطفال وداخل السلاح الطبي.. المهم.. قال عاوز اسبوعين ينجز فيهم ما جاء في مذكرتي لجان المقاومة واسر الشهداء.. هل ح يستطيع؟؟ ح نشوووف.
06-30-2020, 01:21 AM
Mutasim Idris
Mutasim Idris
تاريخ التسجيل: 04-03-2019
مجموع المشاركات: 2435
خطاب حمدوك اليوم 29 يونيو قبل (يوم) من الذكري الاولي لمليونية 30يونيو (مواكب الشهداء).
هنا.. طلع بعدما الشارع احتفي بدمع العين علي مجزرة القيادة العامة في 29 رمضان. حمدوك يعد اسر الشهداء بالقصاص.. ما حصل اي تقدم غير نبيل اديب قال لسسسسسسة. مطالب اسر الشهداء هي تقديم الجناة للعدالة. هل في ظرف اسبوعين ح يتم اي تقدم في الملف دا؟؟ الوعود لم تعد تجدي والشارع لم يعد التصديق.. ح نشوووف.
06-30-2020, 01:27 AM
Mutasim Idris
Mutasim Idris
تاريخ التسجيل: 04-03-2019
مجموع المشاركات: 2435
في خطابه اليوم قال ح تتم اجراءات حاسمة.. اقتصاديا, سياسيا واجتماعيا.. سياسيا من مذكرة لجان المقاومة: قيام التشريعي هيكلة الجيش والامن.. تعيين الولاة.. استرداد مؤسسات الامن والجيش والجنجويد واحالتها لوزارة المالية ووزارات القطاع الاقتصادي.. الاسراع في محاكمة الكيزان.. هل مدة الاسبوعين كافية لانجاز اي ملف بعيد عن مد التواريخ والوعود بالانجاز ام (حنشوف) فعلا.؟!! ما تكون زي 3اسابيع مدني بتاعة الدقيق والمخابز..
06-30-2020, 01:37 AM
Mutasim Idris
Mutasim Idris
تاريخ التسجيل: 04-03-2019
مجموع المشاركات: 2435
في مارس (قبل ٣ شهور) عقد مؤتمر صحفي أنجب (الألية الاقتصادية) اللي جابت (المحفظة الحميدتية) والقومة للوطن. التحقيق مع شركة الفاخر ما معروف حصل فيه شنو! بالعربي ما حصل حاجة غير تدهور سعر الدولار وضاقت الازمة الاقتصادية بس.. هل خطاب الليلة كان متسرع خوفا من المليونية ويحمل في كلماته (التخدير) ام فعلا حمدوك انعتق من قيوده وح يبدأ فعلا في تفعيل الوثيقة الدستورية (بس) بصلاحيات رئيس الجمهورية؟؟ ح نشوووووف. خطاب حمدوك 3/5
07-01-2020, 06:15 AM
Mutasim Idris
Mutasim Idris
تاريخ التسجيل: 04-03-2019
مجموع المشاركات: 2435
في يوم تجديد قسم الولاء والتمسك بالثورة وسلميتها كخيار اوحد للخروج من المشهد المتأزم يتألق الشارع ويشرق من جديد. ما اشبه الليلة بالبارحة عندما رجحت نفس الشوارع قبل عام مضي وهي تغالب احزانها بعد ان ودعت شهداءها الميزان وضخت روح جديدة في جسد ممثلها في صراعهم مع لجنة الكيزان الامنية بعد كارثة مذبحة القيادة العامة. حمدوك صحح وما تخذل الجابوك. هتاف عفوي بسيط مغلف بالرحمة ومبطن بالعذاب.
07-01-2020, 06:21 AM
Mutasim Idris
Mutasim Idris
تاريخ التسجيل: 04-03-2019
مجموع المشاركات: 2435
الشارع حيد تماما قوي الحرية والعسكر ونصّب حمدوك اللاعب الاقوي والكرت الرابح في المشهد السوداني. الفرصة مواتية تماما للسيد رئيس الوزراء في تقديم نفسه و طرح رؤيته او علي الاقل تنفيذ بنود الوثيقة الدستورية. حمدوك لا سياسي ولا يمت للسياسة بصلة. تناغمه مع اللجنة الامنية للكيزان نتائجه كانت كارثية عطلّت تنفيذ اي برنامج لمجلس وزراءه.
07-02-2020, 09:05 AM
Arif Nashed
Arif Nashed
تاريخ التسجيل: 05-12-2014
مجموع المشاركات: 12692
عارف بفتش للكلام دا شايفه حائم لكن مالاقي ليه اثبات. أتأكد قبل ما اجيبه. بعدين متوقع اديب يطالب بمد فترة تحقيقاته لانه كلامه ابدااا ما مبشر. منتظرين الاسبوعين غايتو.. واسر الشهداء عندهم مذكرة سلموها لحمدوك في يده.. المرة دي الزوغة صعبة. الشفافية ثم الشفافية والشفافية معدومة من الحكومة.
07-07-2020, 05:42 PM
Mutasim Idris
Mutasim Idris
تاريخ التسجيل: 04-03-2019
مجموع المشاركات: 2435
وما زال قزم الثورة واقصر هاماتها ينحني (اكثر) للعسكر ويلمع في البوت..
تاريخ المؤسسة العسكرية ملطخ بالجرائم في حق الشعب السوداني. سطت علي السلطة وقوضت الديمقراطيات التلاتة وانت يا اخوي بتمهد للرابعة.. قسمت الوطن العزيز ولا شعبا حمت امام بواباتها ولا ارضا حررت في الفشقة وشلاتين وحلايب وشردت ملايين السودانيين وحرقت قراهم. الناس فترت من تبخيرك.. حولااااا. بطل سياسة وتلميع ونفّذ ما طلب منك في آخر مليونية. أرخي جسمك..
07-07-2020, 05:56 PM
Mutasim Idris
Mutasim Idris
تاريخ التسجيل: 04-03-2019
مجموع المشاركات: 2435
جيشنا يباع ويشتري ( مرتزقة ) ويحارب للامارات والسعودية بالوكالة و اراضينا محتلة!!. فشل اصلاح حال المؤسسة العسكرية او فقط تحجيمها من التمدد (بالشراكة والرقاد) يكفي. التلميع ومحاولات كتابة تاريخ مغاير للخونة هو خيااااانة.
07-07-2020, 06:14 PM
Arif Nashed
Arif Nashed
تاريخ التسجيل: 05-12-2014
مجموع المشاركات: 12692
اسبوع شنو يا زول.. الليلة قال في العسكر ما لم يقله البشير وحميدتي والبرهان.. مسح بقوي التغيير الشارع.. قال العسكر هم حماة الديمقراطية.. إتخيل. يعني نضال الاحزاب في كل تاريخها ضيعوا ليهم شمار في قعدة.
07-07-2020, 06:50 PM
Asim Ali
Asim Ali
تاريخ التسجيل: 01-25-2017
مجموع المشاركات: 13492
غايتو لو راجين رجا من الكارثة حمدوك تكونوا بالغتو حمقى قحت أقل قامة وفعالية لإتخاذ قرار بإقالته، وافلس من أن يقدموا البديل المناسب .. وحمدوك (التلم) لا يملك قراره ولا يملك حتى القدرة على إتخاذ قرار الإستقالة .. غايتو إلا الحبش الجابو يقولو ليهو فرتق كرتك حرقان!
08-12-2020, 03:24 AM
Mutasim Idris
Mutasim Idris
تاريخ التسجيل: 04-03-2019
مجموع المشاركات: 2435
نادر سلامات.. في الرياض السعودية وبعد شهر مما حلف القسم قال قوي الحرية لسة ما ادتني برنامجها وانا منتظرهم عرفت الراجل قاعد فنيلة بس.. وجاء كملها بانحنائه كل صباح للعسكر وكملها رقاد لحميدتي.. قال في لقاءه الشهير البلد عندها خمسة (احزمة) اقتصادية الشباب ردّوا ليه (خمسة احزمة وداقة سيستم)!!. ههههههه.
08-13-2020, 06:43 AM
Mutasim Idris
Mutasim Idris
تاريخ التسجيل: 04-03-2019
مجموع المشاركات: 2435
الدماء سايلة في كل شبر ودا لسة بغرد.. غايتو الماسك الحساب دا كل يوم بورم بالتعليقات. بعدين المجيدة (الثورة) ما ديسمبر والله. طبعا سعادته عنده صورة زماااااان بتاعة (معارضة) لكن الثورة دي يخربوا ما عفر كرعينه..
08-13-2020, 01:20 PM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
Quote: في الرياض السعودية وبعد شهر مما حلف القسم قال قوي الحرية لسة ما ادتني برنامجها وانا منتظرهم عرفت الراجل قاعد فنيلة بس.. وجاء كملها بانحنائه كل صباح للعسكر وكملها رقاد لحميدتي.. قال في لقاءه الشهير البلد عندها خمسة (احزمة) اقتصادية الشباب ردّوا ليه (خمسة احزمة وداقة سيستم)!!. ههههههه.
سلام معتصم غايتو ما أدونى البرنامج دى بالغ فيها وكشفتو بدرى، أستغرب لماذا لم يتم إعفائه مبكراً؟!
فى تاريخ السودان ليس هنالك أسوا من حمدودك شغل منصب رئيس وزراء شاملة حكومات ديمقراطية وديكتاتورية وفترات مؤقته إنتقالية بتاعة سر الختم الخليفة ودكتور الجزولى دفع الله زز
ومافى ثورة شعبية قامت فى الدنيا ثوارها قرطسوا أنفسهم وشالوا القفة زى ما فعلوا ثوار اعظم ثورة فى الألفية الجديدة .. وهدموها مسلمين مصائر الثورة لهمدوك الأكذوبة!
08-13-2020, 10:09 PM
Mutasim Idris
Mutasim Idris
تاريخ التسجيل: 04-03-2019
مجموع المشاركات: 2435
Quote: سلام معتصم غايتو ما أدونى البرنامج دى بالغ فيها وكشفتو بدرى، أستغرب لماذا لم يتم إعفائه مبكراً؟!
فى تاريخ السودان ليس هنالك أسوا من حمدودك شغل منصب رئيس وزراء شاملة حكومات ديمقراطية وديكتاتورية وفترات مؤقته إنتقالية بتاعة سر الختم الخليفة ودكتور الجزولى دفع الله زز
ومافى ثورة شعبية قامت فى الدنيا ثوارها قرطسوا أنفسهم وشالوا القفة زى ما فعلوا ثوار اعظم ثورة فى الألفية الجديدة .. وهدموها مسلمين مصائر الثورة لهمدوك الأكذوبة!
في ناس لسسسة عشمانين والله. قبل 3شهور قال (اخفقنا) لكن مافشلنا هههههه. منتظرين ظهور قوش.. منّاع غايتو ماقصر معاه.
08-13-2020, 10:17 PM
Mutasim Idris
Mutasim Idris
تاريخ التسجيل: 04-03-2019
مجموع المشاركات: 2435
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة