كتب الكاتب الفاتح جبرا المتوفرة بمعرض الدوحة
|
[____ تراجِمُ شارِدةٌ في دَوزنةِ الحُروف بدارجيَّةِ لِهَيجنا السُّكري___]
|
11:44 AM June, 09 2021 سودانيز اون لاين دفع الله ود الأصيل- مكتبتى رابط مختصر
●أخوي مصطفى يا نكهة البوح المستباح والفضفضة بالعربي القُراح و السفسلة قروض ساي ، برا ملاح. خلاس اعتمدناك مثالاً بارعاً و خيرَ جليسِ في زماننا، يا من تحمل إزميل فدياسَ و روحاً عَبقريا .. فخلينا نخرِق لك الروتين بوقفات تمحيص و تأمل مع صيغ نضمينا السمح دا..حيث هناك كثير من العك الذي يستعصى و يُشكِل كثيراً على السامع و المتلقي هضمها بالمعنى الشائع بين الأمم.
فياخ ، رمضان الفات كريم ،،،،،،،،،،،،،، و دمتم.. دمتم .. دمتم سالمين
ود ال ح يدي ش ا ن ال ت لا تة مؤمنٌ ملدوغ من جُحرٍ مرتين و ... مؤذنٌ محجورٌ منزلياً بجزيرة مالطا
|
|
|
|
|
|
|
|
Re: [____ تراجِمُ شارِدةٌ في دَوزَنةِ الحُروفِ بدارجيَّةِ لِهَيجنا السُّكَّري£ (Re: دفع الله ود الأصيل)
|
عمومن اادفع خشوم بيوت منو دفع رباعي و دفع ورا ورا. رغم إنو دفاعنا المدني تعيس شديد. بذكر لامن طايرة الأردن الحرقت في مطار الخرتوم مكان تيارة دا بقوم و المخلوع داك كان بنوم . يلا فرق( الأنقاذ) بتاعننا الله لا يجيب باقيهم قد تنادوا خفافاً فهُرِعوا هابين إلى بكان الحادس و بدو يشيلو في المصابين(طب العصب) لامن واحد فيهم كان ماسك خرتوش المطافي قام لاحو ليك رماه جوة ألسنة اللهب. هذا،و ناهيك عن ثقافة دفاعات أخرى كالدفاع النووي البايولوجي ؛فذاك يُعدُّ ترفاً يُشْتَهَى. ياخي لسانا براهو فاكي ما دايرين نكتر التخريمات و نقلب المواجع ساي . ☆أها تحين يا صيام قت لي السادة الوالدين ما نظروا في ابن منظور و لا يكون كمان قصدك كتاب أبلة نظيرة لللتباخة؟! ☆ ياخي نحنا ناس بنعيش حياتنا الغالية بالنية السليمة. و كوتار مننا ما فارزين ظاطو (طظ من سبحان الله).
☆علا لكن بس يبدو و لله الحمد، الفطرة لسة دبلان يعني كويس إننا قبال نضبح السماية للشافع بنفتح كتاب الله علا لكن سمعت قالوا:شعوب الصين الشعبية و الكورية و اليابانية قالو: بيرمو ليهم شلن و لا ين في البلاط ،بس الرنة البتطلع منو بسمو بيها المولود. شايف كيف كيف؟!ما عشان تلقاهم مرطبين يناتم وو أشلانم مغلباتنهم سااه!!
(عدل بواسطة دفع الله ود الأصيل on 06-13-2021, 12:14 PM)
| |
|
|
|
|
|
|
Re: [____ تراجِمُ شارِدةٌ في دَوزَنةِ الحُروفِ بدارجيَّةِ لِهَيجنا السُّكَّري£ (Re: دفع الله ود الأصيل)
|
قف تأمل ، في مجاهل أسامينا البتملأ الخشوم الناضحة بنفحات الخير و حسن الفأل و راحة البال و نفيس الدر في قيعانهاقابعٌ,. هذا ،إذ ما تأولناها على محملٍ طيب كحامل المسك فجيب الله دفع االله المعنى واحدٌ.. حتى جيب العراقي و الجلابية نابع من نفس الفكرة ، إذا قصدنا إنو بجيب بس ، شريطة إنو ما يودي (ولا يودر).لأنو في ناس بالمناسبة جلود جنهم الواحد تقوللو: جِيب تقول بالله يا كافي البلا و يا حايد المحن، جيوبم دي جيوب أنفية، ما بتحمل الهبشة كأنو مكتوب عليها " لا مساس . ولا تقول ساكناها عقارب!!
(عدل بواسطة دفع الله ود الأصيل on 06-13-2021, 12:18 PM)
| |
|
|
|
|
|
|
|